اسكربيت غلطة عمري الفصل الثاني
تقى هزت راسها بالرفض …وهو ابتسم وقال طب اعمل ايه علشان تسامحيني
تقى قالت بدموع…. تخليك بعيد عني وبس
رياض بعد عنها بسرعه وقال…. اهو بعيد سماح بقى
هزت راسها بالموافقه وبقت تكمل شغلها وقالت بضيق …الخدم هيجوا امتى
رياض قال بارتباك…. اه زمانهم على وصول
تقى بصت له بشك وقالت…. لما اشوف
رياض قال بوقاحه .. ده انا اللي هم\\وت واشوف …المتغطي قبل المكشوف
تقى بصتلو بدهشه من كلامه و قالت بغيظ ….امشي اطلع استناني بره يلا
رياض ضحك جامد وقال…طب متتاخريش بالفطار….وقرب منها وقال بهمس…. بدل ما ادخل افطر بيكي وانا هم\\وت واعملها
تقى بعدت بسرعه وقالت بتوتر… طيب طيب هاجي وراك على طول
رياض طلع وهو بيصفر وتقى بتبص لطيفه بابتسامه خرجت منها غصب عنها ضحكت بخفه وقالت…. مجنون والله ربنا يعينها عليك
اول ما قالت كده افتكرت حاجه مهمه اتصلت على شخص وقالت ايوه …يا جودي انا خلاص بقيت في البيت والولد نايم وتمام
وسمعتها شويه وقالت…. لا يا قلبي على ايه احنا اخوات …بس في حاجه غريبه كده حكها لي رياض عن خلافكم انتي مكنتيش قولتهالي
وسمعتها شويه بصدمه وقالت….يعني ايه اللي قاله صح …معلش عشان انا عندي الضغط يا حبيبتي يعني انت فعلا مشكلتك ان البنت اللي كانت معاه حبيبته القديمه …هيه دي المشكله
سمعتها شويه وقالت بغيظ …اقفلي ياجوري… انا لو افتكر الموضوع كده ما كنتش ساعدتك اصلا …انتي هبله يا بت يعني ايه لو جوزك مع واحده غير دي يبقى عادي عندك و
ولسه هتكمل سكتت لما رياض قال بغضب.. تقى
تقى ارتجفت بخوف وقفلت السكه بسرعه والتفت له وقالت برعب …نعم نعم يا رياض بيه
رياض بصلها بحده وقال بغضب ….ايه اللي هببتيه ده انت بتستعبطي
تقى بلعت ريقها بخوف وقالت… هافهمك ..اصل انا
بس قاطعها وقال بغضب….تفهميني ايه وهباب ايه بعد ما البدله باظت خلاص
تقى بصتلو باستغرب وقالت… بدله
رياض قال بغضب… اه البدله يا اختي بصت لبدلته ولقيت عليها بقعة ميه كبيره عندي رجليه قالت باستغراب …طب وانا مالي اذا كنت ما عرفتش تمسك نفسك واحد كبير زيك كده يعملها على بنطلونه
رياض اتسعت عنيه بدهشه وذهول وقالت… انت بتقولي ايه يا هبله انتي …ده تميم عملها عليا صحي وقعدته على رجلي عمل بيبي عليا ..انتي ازاي مش ملبساه بامبرز انا مش فاهم ازاي لبستيه هدوم ومن غير ما تلبسي البامبرز… على اساس انتي مربيه وفاهمه في الاطفال
تقى ضربت ايدها على جبينها وقالت… اه صحيح دي قالتلي لازم احط له بامبرز الاول
رياض استغرب وقال …هي مين اللي قالت لك
تقى قالت بسرعه…متاخدش في بالك …انا اسفه معلش حركة غباء مني انا بجد اسفه اسفه انا هنظف لك البنطلون والبدله بس اقلعهم وحط ايده على الحزام على طول عشان يفكه
تقى صرخت بزهول وقالت… انت بتعمل ايه …قتقلع قدامي
رياض ضحك جامد وقال…. اكيد ما كنتش هعمل كده يعني بهزر معاك يا قفوش… يالي عيونك ميتنسوش
وطلع على اوضته يغير
وهي ابتسمت وهزت راسها بيأس منو و طلعت غيرت للولد
بعد شويه خلصوا فطار سوا
ورياض وقف وابتسم وقال…. عايزين حاجه انا هروح الشغل
تقى ابتسمت وطلعت ورقه وقالت ….اه دي الحاجات اللي ناقصه البيبي كل اللي في الورقه دي
رياض بصلها باستغراب وقال….ورقة ايه… الحاجات دي تديها للسواق ولا واحد من الخدم
تقى قالت بسرعه…. اول حاجه الخدم مش موجودين ثاني حاجه انت اللي هتجيب حاجه ابنك بنفسك عشان تحس بالمسؤوليه كده تجاهه…. مسؤوليه الابوه احساس حلو هيعجبك جربه بس انت
رياض بصلها بدهشه وهي قالت بسرعه…. اسمع مني جربه
رياض اتنهد بضيق منها وقال…. والله انا نفسي اجربك انت
تقى عملت نفسها ما سمعتوش وقالت بضيق…بتقول حاجه
رياض قال بسرعه …لا ابدا بقول هجيبهم حاضر …بالذمه انا بالهيبه دي كلها اروح اشتري حجات من الصيدليه …طب بما اني رايح الصيدليه عايزه حاجه ليكي كده ولا كده
تقى بصتلو بغيظ وهو قال….فيه ايه ليه دماغك بتحدف شمال انا قصدي شامبو بلسم حجات من بتاعت الستات دي…على العموم شكلك مش ست..ااا قصدي شكلك مش عايزه….وباس تميم من خده ورجع بسها هي بسرعه من خدها وقال …حبايب بابي انتو هتوحشوني
تقى مسكته من هدومه بشراسه
ورياض قال بارتباك…. صلي على النبي يا عدويه… دي بوسه اخويه
تقى بصتلو بغيظ وسابته وقالت …امشي يا رياض امشي
رياض مشي خطوات والتفت لها وقال…. على فكره اسمي زي السكر من شفايفك حلو كده من غير القاب ناديني رياض على طول
قال كده ومشي وهي فضلت باصه لطيفه و اتنهدت وحضنت الطفل بسعاده
وبدأت يومها معاه وكان ما فيش اي خدم في البيت وبقت هي تقوم بكل الوظائف اللي فيه وتخلي بالها من الطفل
بالليل رياض رجع واتفاجئ بالبيت كان نضيف جدا ومحطوط مبخره عامله ريحه جميله قوي للمكان
دخل المطبخ يدور عليها ولقى اكل متجهز على البوتاجاز ومغطياه
استغرب امتى عملت كل ده طلع على الاوضه لقى ابنه نايم على السرير وكان نضيف جدا وكانت هي جنب السرير لابسه سدال وبتصلي اتنهد بابتسامه جميله وحس براحه نفسيه من شكل كل حاجه حواليه ولقى رجله واخداه للحمام اتوضا وخرج اول ما طلع كانت تقى خلصت صلاه بصت له بابتسامه وقالت… في حاجه ولا ايه
رياض ابتسم وقال.. ابدا بس هصلي سيبي المصلايه
تقى ابتسمتله
وهو وقف وبقى يصلي وهيه نزلت لحد ما يصلي يجهزت الاكل وحطته على السفره
بعد شويه نزل لقى الاكل جاهز على السفره قعد وابتسم وقال ..انتي لحقتي عملتي كل ده امتى
تقى ابتسمت وقالت ..امال انت فاكر ايه يا ابني انا ست بيت شاطره قوي
رياض ضحك بخفه وقال…انتي شاطره في كل حاجه ..لكن قوليلي انتي بتصلي من امتى
تقى قالت بفخر وسعاده…من و انا عندي سبع سنين
رياض قال بدهشه … ياه وقت طويل
تقى قالت..طب وانت
رياض رد بحزن وحرج وقال… انا للاسف مش بصلي اصلا بس هحاول
تقى ابتسمت وقالت… ربنا غفور رحيم يا ريت تحاول
وبقم ياكلو سوا واول ما خلصو قامت ولسه هتشيل الاطباق مسك ايدها وبص لعيونها بارتياح شديد وقال …عارفه انا من زمان نفسي… نفسي في سكن
تقى بصتله باستغراب وقالت…ما انت عندك سكن حلوه قوي اهوه
رياض ابتسم وقال …لا انا عندي بيت بس ما عنديش سكن…. اللي جيت لقيته النهارده ده هو السكن …تعرفي جودي عمرها ما استنتني لما ارجع من الشغل عمري ما جيت من الشغل لقيتها مستنياني حتى لو كانت موجوده في البيت كنت بلاقيها قاعده مش مهتمه اذا كان في عشا جاهز اذا المكان نظيف ما فيش حاجه بتهتم بيها من كل ده عمري ما حسيت انها بتفرق معاها اني ارجع الاقي كل شيء مظبوط ….النهارده بس عرفت قيمه الحاجات دي ….كل حاجه تفتح النفس واولهم وجودك يا تقى
تقى لمعت عيونها بالدموع وقالت بارتباك …يمكن يمكن لانه بيبقى في خدم وبيبقوا واخدين بالهم من كل حاجه ما تظلمهاش
رياض قرب منها قوي وقال… مش دي الفكره مش الفكره ان كل حاجه جاهزه الفكره في الاهتمام نفسه احساس ان في زوجه مستنياك مهتمه بكل التفاصيل شيء جميل قوي
تقى بعدت بارتباك وقالت….انا هلم السفره
ولسه هتمشي شدها من ايدها بقوه وبص لعيونها وقال ا….نت جوهره في اي مكان يا تقى انا معجب بيكي جدا من اول ما شوفتك
تقى اتسعت عيونها بزهول وقالت بارتباك …معجب..ههه احنا يا دوب نعرف بعض من الصبح اصلا
رياض قربها ليه اكتر وقال… انتي قريبه من القلب قوي لو ساعه واحده كفيله تخليكي تسكنيه
وقرب منها بس دفعته بسرعه وقالت بغضب…رياض بيه حضرتك متجوز وانا هنا مربيه للطفل وبس لو سمحت بقى انا تعبت طول اليوم شغل قول للخدامين يجوا وكفايه مرقعه لان شغل المحن ده ما بيدخلش ذمتي بمليم
بقلم…زهرة الربيع
قالت كده واخذت الاطباق ودخلت على المطبخ وسابته واقف بزهول شديد رمش بعيونه بدهشه وقال …مرقعه ومحن بعد كل اللي اتقال ده
وزعق بغيظ وقال…. تصدقي بالله انا اكبر كذاب في الدنيا وانت جزمه اصلا وانا جزامة جزم عشان بقول لك كلمتين حلوين ارفع بيهم معنوياتك داهيه فيكي وفي معنوياتك ستات نكد صحيح
وطلع على فوق وهي كانت واقفه في المطبخ حاطه ايدها على قلبها اللي بيدق جامد من قربه منها وضحكت بخفه على كلامه وغيظه اتنهدت وقالت…. لا يا تقى انتي مش خاينه دي صاحبتك اياكي تتكلمي معاه تاني كل واحد في حاله ايه يعني اهو راجل زي اي يا راجل
واخدت نفس وطلعت خلصت توضيب السفره وراحت على اوضتها قومت الولد واكلته ورجعت نيمته تاني في سريره واخدت شاور ولبست بيجامه رقيقه ونامت على السرير اللي قصاده
في نص الليل رياض دخل الاوضه عندها يتسحب وقفل الباب براحه وهو ناوي على شيء خبيث جدا
طلع من جيبه علبه مخدر بخاخ و بقى يبص لها باعجاب شديد وقرب منها ورش منه على وشها وابتسم وقال …هتبقى ليا الليله دي يا قمري
تقى محستش بيه كان مخدر قوي جدا
ورياض اول ما اتاكد انه اخد مفعوله قرب منها بلهفه
بس قبل ما يعمل اي حاجه حس بوجع شديد في قلبه بص لشكلها البريء جدا وهي نايمه..والتفت لابنه اللي اخذت بالها منه ومنيماه بارتياح افتكر الصلاه اللي صلاها بعد صلاتها و الاكل اللي جيه لقاه جاهز كل الارتياح اللي حس بيه النهارده ما قدرش يأذيها ابدا ولا يقرب لها بعد وقال بهمس لنفسه …لا مش دي…. مش دي يا حيو،،ان و رمى علبه المخدر في الباسكت وقرب منها ونام بارتياح شديد وهي بين ايديه وحاسس انه رجع ل مراته بعد تعب يوم طويل…. بس ابدا مش حاسس انها جودي لا حاسس انه جمب مراته تقى ..مراته وكل شيء ليه
في صباح يوم جديد تقى فتحت عيونها بارتياح لقيت نفسها جمبه ابتسمت وهي بتبص لملامحه الجميله وقلبها بيدق في قربه
بس اختفت ابتسامتها واتسعت عينيها بشده لما فاقت كويس للوضع اللي هيه فيه
قعدت بخضه وهي بتصرخ جامد وعلى صرختها صحي تيم وبقى يصرخ هو كمان
رياض قام من النوم على صرختها وبقى يبصلهم بزهول …كان الولد بيبكي وهي بتصرخ في نفس الوقت قال بدهشه في ايه ايه اللي حصل البيت بيولع ولا ايه
تقى مسكته من هدومه بغضب وقالت ….ده انا اللي هولع فيك يا زبا،،له يا جبان عملت فيا ايه انت ازاي نايم جنبي كده
رياض اتنهد بارتياح لما قالت كده وقال بغيظ…. طب هي بتصرخ على شرف ها اللي راح… انت بتصرخ ليه على الوكسه اللي ابوك فيها …ووقف وبقى يحاول يسكت الولد ويهشكه
وتقى حطت ايدها على بقها بزهول و قالت… راح… راح خالص
رياض ضحك جامد على شكلها وقال…لا متقلقيش سبتلك شويه منه
تقى بقت تبكي جامد وتلطم على وشها و تبكي بصوت زي الاطفال
رياض اتنهد وحط الولد في السرير وقرب منها قعد جنبها وقال … توء توء توته ..يا بت ما تخافيش ما قربت لكيش والله… ما قدرتش اعملها..وحط ايده على قلبه وقال…. لولا القلب المتخلف ده كان زماني عشت اجمل ليله في حياتي بس رفض قاللي دي لا… توته لا ….دي انضف حصلت في حياتك
تقى بقت تبص لعيونه لما قال كده وقالت بدموع …وحياة تيم عندك ما قربتلي
بقى يمسح دموعها وهو بيبص لعيونها بحب واضح وقال…. وحياة تيم ما قربت لك بس بيتك بين اديا
تقى بصتلو بغضب وقالت… وتبيتني ليه كنت امك انا
رياض ضحك وقال…وهو انتي لو امي هنيمك جمبي ليه دي امي نفسها رفضت تنيمني في حضنها كانت تقول لي نام لوحدك يا شحط
تقى ضحكه وسط دموعها وقالت… وقفت قلبي على فكره وعيب اللي بتعمله معايا ده وشوفت شعري اكتر من مره حرام عليك كده
رياض ضحك وقال…. على فكره شعرك زي العسل زي سبايك الذهب مخبياه ليه
تقى قالت بثقه… عشان الذهب الغالي بيتخبى الرخيص بس اللي بيظهر
ابتسم باعجاب على كلامها وجاب طرحه حطاها على دماغها وقال… معاكي حق صدقيني عيوني ارخص بكتير من انهم يشوفوا جمالك ده
