رواية قلب واحد لا يكفي الفصل الثاني
ملك اتصدمت من الي سمعتو منو وقالت برعب..تطلعو ازاي يا مجنون ولسه هتجري مسكها من شعرها ووقعها على الأرض وبقى يضربها في بطنها بغل
ملك بقت تبكي بوجع وخوف وتحاول تحمي ابنها وقالت بدموع ووجع..سيبو يا نبيل سيبو علشان خاطري...ابوس ايدك سيبهولي انا هموت وراه وانبي
نبيل اول ما سمع كده زي ما تكون حاجه منعتو يكمل حاول يسبها بس كان فيه زي صراع جواه بين انو يقتلو ده مش ابنو وبين انو يبعد عنها وميأذيهاش...بقى يحاول يبعد نفسو عنها بالعافيه ومسك دماغو بتعب وانهيار وبقى يصرخ من الألم ووقع على ركبو
ملك قامت بالعافيه من كتر التعب وجريت عليه عايزه تطمن عليه بس نبيل قاب بدموع..اوعي تقربي اطلعي يا ملك اهربي حالا
ملك بصتلو بخوف ولسه هتجري نبيل جري وراها عايز يلحقها بس خرجت وقفلت الباب عليه بسرعه وقعدت عند الباب وبقت تبكي بشده وهيه سمعاه بيكسر في الاوضه وبيصرخ علشان تفتحلو
حاولت تقوم بتعب شديد وعملت مكالمه وقالت...الحقيني يا اسراء انا تعبانه قوي...وبنز،ف...هاتي اي دكتوره وتعالي بسرعه...بسرعه يا اسراء
ملك سمعتها شويه وقالت بسرعه..لا لا...اوعي تقولي لماما..ولا لاي حد ارجوكي يا اسراء بسرعه
ملك قفلت معاها ورجعت عند الاوضه بقت تنادي على نبيل وتقول بخوف...نبيل...نبيل حبيبي انت كويس...رد عليا يا نبيل
نبيل مكانش بيرد فتحت الباب ببطأ وخوف بس لقتو واقع على الارض مغمى عليه اتنهدت ونزلت دموعها وطلعت تاني وهيه تعبانه جدا
بعد شويه الباب خبط وراحت ملك فتحت بالعافيه ولقت قدامها بنت جميله في العشرين دي اسراء اختها ومعاها بنتين تاني
ملك اول ما شافتهم بقت تبكي واسراء دخلت هيه والبنتين وبقم يهدوها واحده منهم قالت ...اهدي يا ملك عاشان نتصرف انتي ادخلي مع دكتوره ريم خليها تكشف عليكي وانا هدخل اشوفه يلا روحي خديها يا اسراء النز،يف خطر عليها طالما حامل
ملك قالت بدموع..طيب روحي شوفيه وانبي يا عزه هو مغمى عليه دلوقتي فضل يكسر ويزعق لحد..لحد ما اغمى عليه
عزه دكتوره نفسيه بتعالج نبيل وكمان هيه صاحبه ملك واسراء قوي اتنهدت وقالت..حاضر حاضر انتي بس روحي خديها يا دكتوره ريم
الدكتوره ريم اخدتها على الاوضه هيه واسراء ودكتوره عزه دخلت عند نبيل اول ما فتحت الباب كانت الاوضه متكسره ونبيل على الارض
الدكتوره عزه اتنهدت بيأس وبقت توضب الحاجات الي تقدر تشلها بس الاوضه كانت بايظه والقزاز كلو على الارض ...وطلعت حبايه من الشنطه حطتها تحت لسانه علشان بفوق
عند ملك كانت الدكتوره ريم كتبت لها على مقويات وحقن للتثبيت وقالت ان الطفل لسه بخير بس الي حصل خطر عليها وعليه
اسراء قالت..تمام يا دكتوره اصلا انا هخدها معايا والي حصل ده مش هيتكرر
ملك نزلت دموعها بحزن والدكتوره ريم قالت ..ده الافضل ليكي يا ملك انتي حاليا مسأوله عن روح تانيه جواكي
الدكتوره ريم قالت كده ومشيت وملك بقت تبكي واسراء بقت تلملها هدومها وحاجتها كلها
ملك خرجت هيه واسراء ولسه هتمشي عزه نادتها وقالت...استني يا ملك...مش هينفع تمشي
ملك لسه هترد اسراء قالت بغضب..بصي بقى يا عزه احنا بقالنا فتره سامعين كلامك وملك كانت جمب نبيل خطوه بخطوه بس دلوقتي خلاص ده كان هيقتلها هيه وابنها انا مستحيل اوافق على كده يلا بينا يا ملك
اسراء شدتها من ايدها وهتمشي بيها عزه قالت بسرعه..ارجوكي يا اسراء اهدي ملك هيه علاج نبيل
ومحدش هيقدر ينقذو غيرها
بقلم زهرة الربيع
اسراء قالت بحزم..قولت لا يعني لا يلا يا ملك
ملك وقفت وقالت بارتباك...استني بس يا اسراء نسمعها هتقول ايه
اسراء بصت لها بزهول وقالت ..يا حلاوتك يا اختي...يا بت انتي هبله ده كان هيخلص عليكي امك لسه متعرفش باي حاجه .. متنسيش انك كدبتي عليها وفهمتيها انو خف دي لو عرفت هتسلخك
عزه شدت ملك من ايدها قعدتها وقالت...اسمعوني بس ولو معجبكمش الكلام طنشوني انا بتطنش عادي جدا
اسراء قعدت ونفخت بزهق وقالت...اللهم طولك يا روح .اتفضلي ارغي يا اختي
عزه قالت ...بصي بقى يا ملك انا من ساع ما جيتلي انتي ونبيل العياده وانا مش بنام وانا افكر في حالتو لحد ما قدرت بالظبط احدد ايه علاجها..وعلاجها الوحيد هو انتي
ملك قالت باستغراب..انا..انا ازاي
عزه قالت.. اسمعيني كويس بقي...دلوقتي الي حصل معاكم زي ما انتي حكيتيلي ان انتي اتعرفتي على نبيل وحبيتيه وهو عرفك على اخوه الكبير عاصم وشغلك في شركتو...وبعدها عاصم هو كمان حبك جدا وطلبك للجواز
ملك قالت...الله يرحمو حصل
عزه قالت ...والي حصل بعدها انك رفضتيه وقولتيلو انك بتحبي اخوه نبيل وهتتجوزيه هو وبس وبعدها هو خطفك وكان عايز بتجوزك غصب
الي حصل هنا هو الي بوظ كل الدنيا دي لما نبيل راح علشان بنقذك واضطر يبلغ البوليس..ووقتها عاصم كان عايز يهرب بيكي واضرب عليه نار من رجاله الشرطه الي جابهم نبيل ومات ليلتها بسببو
ملك اتنهدت بحزن وقالت..ايوه
عزه قالت ..انتي قولتيلي ان نبيل بعدها حالتو النفسيه باظت خالص وكان مدمر ومحمل نفسو ذمب موت اخوه ومكانش عايز يتجوزك وبعدها بفتره غجأه قرر انو يتجوزك صح
ملك مكانتش فاهمه عزه عايزه توصل لايه بس قالت ..ايوه صح
عزه قالت...شوفي بقى الي اتجوزك ليلتها عاصم مش نبيل...وعلشان كده بالنسبالو وجودك مع نبيل خيانه ليه و كل ما بيعتقد انك لسه بتحبي نبيل وعايزه تسبيه وتهربي معاه
ملك ضحكت وقالت .اتجوزت عاصم ازاي يعني عاصم مات والي انا اتجوزتو الشاب الي جوه ده نبيل
اسراء قالت...عزه عايزه تقولك ان نبيل عاش بعد موت اخوه بشخصيتن شخصيتو الحقيقيه وشخصيه عاصم
عزه قالت..بالظبط كده...والي بيضايقك ويأذيكي ويشك فيكي ده عاصم..وطبعا كل ده بيعملو لان عندو قله ثقه ومتأكد انك بتحبي نبيل وهتخونيه معاه...وانا اخيرا لقيت الحل لكل ده
ملك قالت... طب ايه هو الحل يعني لقيتي علاج
عزه قالت.. ايوه لقيت زي ما قولتلك انتي العلاج...كل الي هنعملو انك هتخلي عاصم يتأكد انك بتحبيه هو مش نبيل وانك فضلتيه هو عليه..وقتها هتحصل حاجه من الاتنين يا اما هيخف وده المطلوب .يا اما هيعيش معاكي بالشخصيتين ويحبك بالشخصيتين وكده مهيبقاش عليكي اي خطر
ملك قالت.. .وهنعمل كده ازاي يعني وهو كل ما يقوم من النوم يقولي خنتيني معاه خرجتي معاه ومش عارف ايه
عزه قالت مهو ده الي انا عايزه اشرحهولك انتي هتمشي من هنا مؤقتا ونغير كل حاجه في الشقه ونرجعها زي قبل ما تتجوزي وهتاخدي كل حاجتك...تلقائيا اول ما هيقوم من النوم هيقوم ناسي انكم اتجوزتو اصلا الي بيفكرو بجوازكم وجودك معاه وهترجعي تشتغلي معاه في الشركه زي قبل جوازكم بالظبط ووقتها هيجي دورك هخليكي تزرعي في دماغو انك بتحبيه هو وانك بتكرهي نبيل...وقتها بس هيبقى احسن بكتير
ملك اتنهدت وقالت ...صعب يا عزه ..ازاي هعمل كده..وبعدين انا خايفه يرجع يتجنن تاني ويضربني وافقد الطفل
عزه قالت ..متخافيش....احنا هنخليه ينسي انك حامل اصلا اذا كنتو مش متجوزين هتبقى حامل ازاي..شوفي بقى نبيل هيساعدنا كمان..لان نبيل عارف حالتو ومش مؤذي زي شخصيه عاصم ...فهمتي
اسراء قالت..فهمنا بس مش هخاطر باختي علشان تجربه يا نجحت يا فشلت ..معلش يا عزه بس الشاب ده مبقاش ينفعها خلاص
غزه قالت..اسمعي يا اسراء...انتي لو قدرتي تخلصي اختك من نبيل وتبعديها عنو وهو سابها في حالها لانو خايف عليها..شخصيه عاصم مش هتسبها وبمحرد ما يعرف انها اختفت من حياتو نهائيا ومبقتش موجوده ولا في الشركه ولا في البيت هيتأكد شكوكو انها هربت مع نبيل وهيدور عليها وهيلاقيها وقتها الخطر على ملك هيبقى اكبر فهمتيني
ملك قالت بسرعه...عزه معاها حق يا اسراء
..وبعدين لو الموضوع الي قالت عليه ده ممكن يرجعهولي انا موافقه اعملو..ارجوكي يا اسراء متجبيش سيره لماما وخليني اساعدو ارجوكي
اسراء قعدت ونفخت بزهق وقالت..اقعدي ابكيلي وقوليلي ارجوكي يا اسراء لحد ما يموتك وانا اتجنن زيو واقول انا السبب في موتها
عزه ضحكت وقالت..متقلقيش مش هنسبها توصل للدرجادي..وانا هخلي رعد اخويا يساعدنا هو صاحب نبيل وشغال في شركة عاصم
اسراء قالت بصويت...ياختاااااااي..كمان...هيه ناقصه بلاوي يا ربي
عزه ضحكت وقالت...من الليله هنبتدي نفضي الشقه اول ما نبيل يصحى وهنحطو معانا في الخطه
ملك قالت..طب افرض افتكر اننا احنا لي فضينا الشقه
عزه قالت..متخافيش لي في دماغ نبيل مش بيفتكرو عاصم ..والا كان افتكر انك خرجتي معاه هو وانك قولتيلو على حملك كمان
ملك اتنهدت وقالت..تمام..ربنا معانا
في الوقت ده نبيل فاق واول ما شاف الاوضه متكسره اتفزع وخاف على ملك وطلع جري على الصاله وهو ماسك دماغه بصداع وبيدور على ملك قال بتعب وخوف ...ملك..مل
بس اتفاجأ بوجود اسراء وعزه.. وملك اول ما شافتو لا اراديا مسكت في اسراء واستخبت فيها بخوف
