رواية قلب واحد لا يكفي الفصل الثالث
وملك اول ما شافتو لا اراديا مسكت في اسراء واستخبت فيها بخوف
نبيل اول ما عملت كده حس بحزن شديد وقال بحرج...مساء الخير
اسراء اتنهدت بضيق وقالت..اهلا
وعزه ابتسمت وقالت..مساء الخير يا نبيل ايه احسن دلوقتي
نبيل بص لملك بحزن وقال...انا تمام...ملك...ملك انتي كويسه
ملك هزت راسها بايوه بحزن واسراء قالت بانفعال...لا طبعا مش كويسه كانت بتنز،ف من شويه والدكتوره كانت عندها
نبيل جري عليها بخوف وقال...ايه..وحصلك حاجه...قالتلك ايه
ملك اتنهدت وقالت..اهدى يا نبيل انا بخير اقعد علشان عايزينك دكتوره عزه عرفت طريقه لعلاجك
نبيل قعد وعزه ابتدت تشرحلو طريقتها الجديده الاول مرضيش وخاف جدا على ملك بس بعد كده عزه قدرت تقنعه انها هتكون معاها خطوه بخطوه وان دي انسب طريقه
وابتدو سوا شالو كل حاجة ملك من الشقه ورجعو الشقه زي ما كانت قبل موت عاصم
في صباح يوم جديد نبيل قام من النوم وبيبص حواليه كانت كل حاجه تمام والمنبه مظبوط على معاد الشركه والي اتوقعتو دكتوره عزه كان صح صحي مش فاكر اي حاجه وقام جهز ولبس ونزل الشركه
في الشركه كان بيشتغل زي العاده وجات السكرتيره وقالت..عاصم بيه رعد ومعاه بنت طالبين يقابلوك
نبيل قال..خليهم يدخولو
دخلت ملك ومعاها شاب في العشرينات ده رعد اخو دكتوره عزه وكان متوتر جدا قال..احم..اذيك يا عاصم يا حبيبي
نبيل بصلو بغضب وقال..ايه حبيبي دي..ميت مره قولتلك انا مش نبيل متاخدش عليا قوي..اخلص عايز ايه ومين دي الي معاك
رعد قال...دي ملك...نبيل باعتها تشتغل هنا اصلها غلبانه وهو احم هو ملقاش مكان احسن من هنا يشغلها فيه
عاصم ابتسم بسخريه وقال..وانا لو فضلت اشغل كل صحبات نبيل بيه مش هخلص
ملك ابتسمت لان الجمله دي قالها عاصم فعلا اول ما جات مع نبيل علشان تشتغل عندو وهيه اتنرفزت وزعقتلو... اصتنعت الغضب وقالت..انا مش صاحبه حد..ولو سمحت اسلوبك يبقى احسن من كده معايا يلا يا رعد انا غلطانه اني جيت هنا
عاصم بصلها باعجاب وقال..احم...انا مقصدتش...افتكرت انك زميلتو عادي يعني اتفضلي اقعدي
ملك اتنهدت وقعدت بضيق...ورعد لسه هيقعد قصادها عاصم بصلو وقال بحده..انا قولت هيه تقعد ..انت اتفضل اخرج
رعد اتحرج وطلع واول ما خرج كانت عزه واسراء في الشركه مع الموظفين عزه قالت..ها ايه الاخبار
رعد قال زي ما اتوقعتي بالظبط ده في السطلانه..فاكر نفسو عاصم وبيتصرف زيو..وكمان لئيم معايا زيو بالظبط... انا مش عارف بيتضايق مني ليه
اسراء قالت بسخريه..لا وانت للامانه ميتزعلش منك ابدا
رعد ابتسم وقال..انا عندي الدنيا تزعل ولا تزعل انت يوم يا غالي يا منسيني الهموم
بقلم...زهرة الربيع
اسراء نفخت بغيظ وعزه قالت..بس بقى يا جماعه مش وقت هزار المهم محتاجين حل شخص منكم...لازم يصدق ان ملك بتعامل عاصم مش نبيل تمام
عند ملك كانت بتعرض الشغل بتاعها على نبيل الي كان بيبصلها باعجاب واضح وقال...انتي مرتبطه يا انسه ملك
ملك ابتسمت وقالت...لا لسه
نبيل ابتسم بارتياح وقال...طيب..احم...ايه علاقتك بنبيل
ملك اتوترت وقالت...نبيل..مجرد زميل في الجامعه مش اكتر...بس الصراحه انا مش بتعامل معاه كتير علشان سمعتو مع البنات مش حلوه...بس هو عرض عليا الشغل عندك وافقت لاني محتاجه الشغل قوي ...بس انا مش عارفه هو ازاي اخوك....الفرق بنكم كبير الصراحه
نبيل قال ..ازاي يعني..مين احسن..انا ولا هو
ملك ابتسمت بتوتر وقالت..لا طبعا انت احسن بكتير انت ..انت شخص مسأول وعندك انجزاتك انما نبيل ده تافه..احم..انا مش بطيقه الصراحه
ملك كانت متوتره جدا بس حست بارتياح لما شافت نظرات الراحه والاطمئنان على ملامح نبيل بعد كلامها وكان بيتعامل فعلا كأنو عاصم اخوه
نبيل كان مبسوط جدا معاها وطبعا مكانش طبيعي خالص
انتهى اليوم على خير ونبيل وصل ملك لبيتها عند ماماتها بعد اصرار كبير منو
عند البيت كانت ملك متوتره مكانتش عايزه تدخل عند امها بس قررت تنزل كأنها هتزورها لحد ما يمشي وفعلا نزلت ولسه هتمشي اتفاجأت بامها كانت جايه من السوق واول ما شافتها حضنتها بفرحه وقالت..ملك بقالي كتير مشوفتكيش يا قلبي..وايه ده نبيل معاكي كمان..ياراجل احنا كنا قربنا ننساك
نبيل بصلها باستغراب واتحولت نظراتو لغضب وشك وقال..نبيل مين..انا مش نبيل انا اخوه
ملك خافت جدا انو يعمل اي حاجه قدام امها وقالت بترتباك وسرعه..نبيل مين يا ماما..معلش يا استاذ عاصم اصل ماما نظرها ضعيف شويه وبعدين انت تشبهه اخوك شويه بس حضرتك احسن طبعا..يلا حضرتك تقدر تتفضل احسن تتأخر
عاصم كان بيبصلهم بشك ودور العربيه وليه هيمشي ام ملك قالت..تنتي بتهببي ايه انا مش فاهمه حاجه هو ده مش نبيل جوزك ولا انا اتعميت ولا فيه ايه
نبيل سمع جملة نبيل جوزك واتسعت عنيه بزهول وغضب.. وملك بصت لامها بسرعه بتحاول تسكتها بس امها على نيتها قالت..وبعدين سيبك من نبيل انتي ازاي تكوني حامل ومتجيش تقوليلي اول واحده انتي واختك هتشلوني
هنا نبيل نزل من العربيه بغضب وملك خافت جدا ولسه هتجري مسكها من شعرها وقال بغضب..حامل منو كمان...وتقوليلي مفيش بنكم حاجه يا وا،طيه يا خاينه ووووووو
