رواية زوجة للبيت فقط الفصل الثاني
قربها ليه بقوه وهي بتحاول تبعده عنها في الوقت ده الباب اتفتح ودخلت البنت واول ماشافت المنظر قالت بذهول... جسار انت بتعمل ايه... اه يا خاين يا حقير يا واطي
جسار بص لها بسخريه وقال ...نعم يا هايدي هانم ايه اللي جابك هنا وازاي تدخلي بالطريقه دي وتوصلي لحد اوضه النوم كده من غير استئذان
هايدي بصت له بغضب وقالت... وانا من امتى بستاذن ان شاء الله ...وبصت للبنت بغضب وقالت..دي اللي اتجوزتها البيئه دي
البنت بصت لها بغضب وقالت ...احترمي نفسك انا ما غلطتش فيكي
هايدي قالت بزعيق.... وانتي تقدري تغلطي فيا اصلا يا جربوعه
البنت بصتلها بغضب وذهول شديد وقالت... انا جربوعه يا بواقي الستات... يا ميه الملاحات ..يا ريحة الكابينيهات
هايدي شهقت بذهول وقالت.... oh my god
تخنتي ووزنك زاد .....قالتها العروسه بسخريه واستهزاء
جسار ضحك على كلامها .... وهايدي بصت له بغضب وقالت... انت بتضحك ده بدل ما تاخد لي حقي من البتاعه دي
العروسه قالت بسرعه وغضب ... اذا كانت البتاعه دي اللي هي مراته ما اخذش حقها وواقف زي الاهطل يسيب كل اللي معدي يقل أدبه عليها
جسار بصلها بذهول وقال .... اهطل......
هايدي قالت بسرعه ....شايف بتقول عليك ايه
جسار اتنهد وقال بخنقه... اسمعوا بقى انا تعبان ومش فاضي لغيرة الحريم اللي ملهاش لازمه دي و
ولسه هيكمل العروسه قالت بسرعه..... ايه ايه ايه ايه يا اخويا غيره ...غيرة مين يا ابو غيره...ده انا اغير من تحت باطي اكرملي
جسار بص لها بدهشه من كلامها واتحولت نظراتو لغضب وقال ....تمام..... وبص لهايدي وقال.....البتاعه دي.... قصدي بلاء تبقى مراتي و
بس العروسه قاطعتو بغضب وقالت.... بلاء مين يبتليك بمصيبه ....اسمي حسناء...حسنااااااء
جسار قال بسرعه.... اه حسناء صح نسيت ...المهم حسناء دي تبقى مرات واحنا خلاص اتجوزنا ...وبص لحسناء وقال باستهزاء ..ولينا واجبات على بعض ولازم احميها وما اسيبهاش تتهان في بيتها لانها مراتي..... يعني اتفضلي وريني عرض كتافك لان خلاص انا وانتي بح وقولتلك الكلام ده قبل كده اتفضلي بقى عايزين ننام لان النهارده زي ما قلت لك فرحنا وبص لحسناء تاني بخبث وقال..... يعني د..خلتنا الليله
هايدي بصت له بصدمه وقالت برجاء.... لا لا يا جسار ما تعملش فيا كده.... انت عارف اني بحبك انا غلطت واسفه اوي لو سمحت بس ما تسيبنيش انا بحبك
جسار بص لها بسخريه وقال ...وانا عايزه انام ممكن
هايدي اتنهدت و بصت لحسناء بتوعد ومشيت بغضب شديد
حسناء بصتلو بغيظ وقالت.... هي ازاي الهانم معاها مفتاح شقتنا ودخلت وخرجت كده بكل هدوء من غير اي استئذان
جسار قرب منها قوي وقال.... هو انتي ازاي بتسالي كل الاسئله دي...و ازاي بتقولي شقتنا ازاي بتقولي مراتي اصلا
حسناء قالت بضيق شديد... لان دي الحقيقه للاسف احنا كتبنا كتابنا النهارده يعني بقينا متجوزين
جسار هز راسه وقال بطريقه تخوف .... اه صحيح افتكرت فعلا انتي معاكي حق احنا متجوزين ..وزي ما شوفتي كده انا ميرضينيش ان مراتي تتهان وطردتها اهو
حسناء قالت باستغراب...ايوه يعني عايز ايه مستني مني اشكرك... ده حقي عليك
بقلم...زهرة الربيع
جسار قال بسرعه ...بالظبط حقك... انا كمان ليا حق عليكي و عايز حقي
حسناء رمشت بعيونها بسرعه لما فهمت قصده وقالت بارتباك..احم انت...انت قصدك ايه
جسار ضحك بسخريه وشدها عليه بقوه بقت بين اديه وقال بهمس .....واضح قوي انك فهمتي..بس افهمك ... يعني انتي بقيتي مراتي وعايز حقي فيكي...بصراحه باستثناء لسانك اللي عايز يتقص منه مترين لكن انتي جامده ....جامده ومزه قوي
حسناء بصتلو بارتباك شديد ولسه هترد قرب منها جامد
حسناء بقت تضربه في صدره بقوه وبتحاول تبعد من بين اديه و قالت بغضب وزعيق.... ابعد عني يا جسار... ابعد انا مش عايزه كده ...مش هتعمل كده غصب عني يعني
جسار بص لعيونها بتركيز وقال.... وليه غصب عنك احنا مش اتجوزنا
حسناء دفعته وبعدت عنه وقالت.... فين الجواز ده باي حق بتقولي اننا اتجوزنا... انا شوفت ابوك في الجوازه دي اكتر منك انت ما بصيتش في وشي حتى ...وسبتني في الفرح ومشيت وهنتني قدام كل زمايلي واهلي... لماحضرتك كارهني كده كنت خطبتني من الاول ليه
جسار وقف وقال بضيق شديد....انتي بنفسك قولتي انك شوفتي ابويا اكتر مني...يعني انا مخدعتكيش كان واضح اني مش عايز الجوازه دي ... ابويا اصر عليكي علشان صداقتو مع والدك ..بس انا مش جاهز لحكايه الجواز دي اصلا ولا عندي دماغ مش انا اللي اعمل بيت واسره والكلام الفاضي ده...بس بابا استلمني و بقى يقول فيك اشعار ليل النهار و ملقيتش معاه فايده في الكلام فقلت اتجوزك ايه المشكله على الاقل يسكت من على دماغي يعني تقدري تعتبري نفسك زوجه للبيت فقط
قال كده بمنتهى الهدوء والبرود ..ومش مهتم لدموعها اللي ملت عيونها من كلامه قربت خطوات وقالت .... وانا ذنبي ايه في كده... ذنبي ايه في انك عايز ترضي ابوك او ان ابوك شايفني مناسبه
جسار التفت لها ورفع صباعه في وشها بغضب وقال.... انا بقى شايف ان انت الذنب كله وافقتي ليه اذا انا عندي بعض الاسباب اللي وافقت عليها حضرتك ترضي ليه وانتي عارفه اني مش طايقك ولا زورتك ولا عملتلك خطوبه ولا عملت اي حاجه ولا حتى كلمتك في التليفون ومع ذالك كملتي لحد الفرح عادي
حسناء قعدت على السرير ونزلت دمعه من عيونها وقالت.... انا كمان بابا كان شايفك مناسب...وانا ما كنتش افتكر انك رافض للدرجه دي فقلت مش مشكله....بس معاك حق كان لازم افهم ان حضرتك مش موافق ابتسمت بسخريه وقالت ...بس متشغلش بالك ولا تضغط على نفسك اعتبر نفسك متجوزتش عادي
و لسه هتمشي مسك ايدها واتنهد وقال... انا اكيد ما قلتش اي حاجه بدافع اني اجرحك ..انا كان قصدي اقولك اللي حصل بالظبط
حسناء شدت ايدها من ايده وقالت بدموع ....انا ما فيش اي حاجه مضايقاني ومش انت اللي تجرحني بكره لما تعرفني كويس هتعرف ان ولا 10 زيك ياثروا فيا ...وفتحت الدولاب وكانوا اهلها حطوا هدومها فيه اخذت لبس بيتي تبات بيه ودخلت على الحمام
جسار اتنهد وقال.... ايه الغباء اللي انا قولته ده
بس قال بتفكير ...يمكن كده احسن علشان تعرف حدودها من الاول وتعرف نوع علاقتنا و متقرفنيش بقى
غير هدومه ومدد على السرير
بعد شويه خرجت من الحمام وكانت لابسه بيجامه بيتي جميله ومكشو...فه بقت تسرح شعرها وهي قاعده قدام المرايه وبدات ترطب بشرتها زي عادتها
جسار كان هيتجنن من شكلها ومشالش عيونه من عليها
خلصت وقربت من السرير ولسه هتنام قال بتوار... انت هتعملي ايه
حسناء قالت بضيق... هنام عادي
جسار بلع ريقه بارتباك اكبر وقال.... هتنامي كده....يعني زي ما انت كده ..بشكلك ده جنبي
حسناء قالت باستغراب .... اه بشكلي ده ماله شكلي بقى
جسار قال بتوتر.... ما لوش يعني بس .... وتنهد وقال... ابدا اتفضلي نامي
حسناء نامت وبصت الناحيه الثانيه هو مقدرش يتحكم في نفسو وقىب منها وقال .... كل حاجه قلناها ما تغيرش فكره اننا متجوزين ونقدر نعمل اللي احنا عايزينه وانا ..انا مش قادر مستحيل انتي جامده اويي
حسناء التفتتلو بدلال شديد وقالت... يعني عايز ايه بالظبط
جسار بص لعيونها بتوهان وقال ....عايز اكلك حته حته..ايه اللي عاملاه في نفسك ده انتي قاصده تعاقبيني مش كده
حسناء ابتسمت ابتسامه جميله وقالت ...واعاقبك ليه انت ما قلتش حاجه غلط وانا بطبيعتي لما باجي انام بنام كده
جسار قرب وقال.... ايوه بس الوضع اختلف دلوقتي... في روح معاكي من لحم و دم
حسناءقالت بدلال...برضو مقولتش عايز ايه
لهنا ومقدرش يتحمل وقرب تاني
حسناء بصتلو بحده وقالت.... ابعد
جسار اتصدم من نظرتها وطريقتها وقال...فيه ايه هو انا عملت حاجه ضايقتك
بس حسناء قالت بغضب اكبر ...قلت ابعد
جسار بعد عنها شويه باستغراب وووو
