رواية رهينة لضباط الفصل الواحد والثلاثون بقلم مرج البحر
أعجبتني هواي نفسي
وما اناقش صار فتره
وما اصحح نضرة احد
خلي ياخذ غير نضره
اسلوبي هذا ما يعجبك كلي بي
حتى اغيرك مو اغيره
.......
صوت ام سند جاي من قررفه حميده رحت اركض وهيه دموعها ع خدها وسند متجي حميده وحاضن متنها ويمشيها ع كيف وهيه تصررخ وسند يهدي بيها ... رحت عليهم خايفه ...
نور..... هااا شكوو شبييها حميدده
سند.... عدها ولاده استتتعجلييي يوووم
نور.... حباب سند خلي اجيي ويااكم
سند.... رووحي ع السرريع لبسسي شي وتعاي وجيبي محفضتي وسويج السيارة
رحت ركضض للغرفه فتحت الكنتور اكو صايات اخذت وحده لبستها فوك الدشداشه وخذت المحفظة والسويج ونزلت اركض ... اجييت ارووح للغرفه حميده وجاان صوت سند من براا يصيح باسمي ...
رحت بسرعه جانت حميده تصررخ بكل قووتها صعدت كدام وعمه كاعد يم حميده ... سند يسووق ومتوتر ولازم التلفون ويتصل ويصيح ...
سند.... وييين مووولين ماااا بيكمم كووووواد بالبيتتت .... وييين دااايحيين ..... انجب وحلككك سسسده ولحكني للمستشفى ..... ايييي راااح تجييب اسممممع خلييي حمزززة وحااازم يردوون للبيت يجييبوولي فلوووس .... طلللعت مستعجل خااااف احتاج فضووهااا
سد التلفون وعيونه ع حميده الي تصيح وعمه تقر ع راسها اني افرك بيديه ومتوتر كلش صووتها وصياحه زررفن كلبي .. وخيرا وصلان للمستشفى وسند عاااف الباب وركض لداخل جااابو سديه وعمه سااعدتها ودخلوها ...
والدكتورة تحجي وياهم لزمت سند من ايده خايفه هو خايف اكثر مني ... دخلنه وراهم وعمه تدعي وتبجي المستشفى جانت اهلي ...
جانت عدها ولاده دخلوها كبل للعمليات كعدنه ننتضر وسند يروح ويجي وعيونه صارن حمر اجه كعد يمي ولزم ايديه وجرهن عليه وخله ايدي بين وجه ...
سند.... توسلت بيه اساامحه خاف تموت بالولادة عافت وجع الطلوك وحتارت بزعلي ادعيلها ترجعلي فدوه اموت وراها اذا عافتني مسامحه وما شايل بكلبي عليها بس تطلع احجي وياها
نزلت دموع ع ايدي واني بجيت وياه حتاريت اواسي لو اواسي عمه مسحت دموعه هو فز مثل الي حس ع نفسه مسح ادموعه بسرعه وبعد عني وكام راح بعيد عني بمسافه ....
رحت يم عمه وهيه تقرا صوت اشبه بهمس وتردد ... بسم الله الرحمن الرحيم ( الهم اشرح لي صدري ويسر لي امري) صدق الله العلي العظيم ...
اني من سمعتها هيج كالت كمت اردد وياها ودعي تطلع بسلامه اجو خوانها وسند طلع قهر وضوجته بيهم رزلهم رزاله تسوه عمرهم وهما مدنكين روسهم وساكتين محد منهم جادله لو حاجه هو هم حجه لمن تعب وسكت من وحده ....
كلنه كاعدين ونتضر وايدينه ع كلوبنه طلعت الممرضه اخذت من عمه الجنطه مالت الطفله ورجعت دخلت ... سند من سئلها ع حميده جاوبته هسه تطلع الدكتورة وتطمنكم
طلعت الدكتورة وبيدها طفله وراها ممرضات ثنين ... كلنه ركضنه عليه وهيه مبتسمه بوجهنه ...
الدكتورة.... الف مبروك اجتكم بنوته حلو تربه بعزكم ولدها صح
باوعت بوجه سند وسند تقدم منها واخذ الطفله بيده وهز راسي بي ... وهو يباوع ع الطفله وسئلها ...
سند.... شلون صارت امها
الدكتورة.... الحمدلله صح عارضتنه بعض المشاكل بس كدرنه نسيطر ع النزيف وننقذ البنيه وامها وبس يخلص البنج تكدرون تشوفوها
تشكرو منها وهيه راحت اني عيوني ع سند وايده متوسده الطفله التمو اخوانه وامه عليه يشوفون الطفله يبوسونها ... اني بس عيوني عليهم ...
رفع سند عيونه عليه وشفته مبتسمه من شافني اختفت ابتسامته بس اني ابتسمت وهو رجعلي الابتسامه وسوالي مكان يمه وصاحلي ....
رحت بسرعه وكفت اباوع ع الطفله وهو انطاها العمه كوه لازمها يخاف تطيح منه ... اخذتها عمه وراح وياها سعد حتى يطمنون ع حالة الطفله ...
نور..... سندد تخبل شفتها اريد ابوسها
سند.... تحبين الجهال؟
نور.... اي احبهم جان عمو من يراوين صور اطفاله ابقه اكمزز من الوناسه بس ما جنت اكدر لا ابوسهم ولا اشيلهم
سند.... ليش يخافون تذيهم لو شنو؟
نور.... لا بس جنت اشوفهم بس صور
سند... نور
نور.... ها
سند.... تردين طفل مني؟
نور.... ها
سند... هههههه هيج لا تهتمين وعد اذا طلعت التحاليل سلبيه اطلكج وزوجج لواحد يستاهلج ويحقق حلمج ويصير عندج جاهل تلعبين ويه
نور.... ما فهمت شي بس ليش تطلكني انته ما تجيب اطفال
سند.... هههههههه ولج شجيب
نور.... بس اني اريد طفل منك انته مو من احد ثاني
اختفت ضحكته هو يباوعلي ومركز عيونه عليه ورفع شعر بيده ورجع دنك عليه وهمس ...
سند.... واذا نسبت العقم عاليه وما ينفع وياها العلاج شنسوي بها الحاله اريد احقق كلشي بالج حتى لو ع حساب حزني وقهر
نور.... عادي اذا ما صار عدنه طفل انته طفلي الحلو
باسني بكصتي وضماني ع صدره واني ابتسم لبتسامته بعدني من صدره وكال ...
سند.... اموت عليج ورب العرش
نور..... لازم اني هسه اكلك حتى اني اموت عليك مو
سند.....اي اكيد
نور.. جا اني هم اموت عليك
سند....هههههه فدوه لحلكج جان بسته بس عيب خواني كدامي
نور.... عيييب متستحي
سند.... اعلمج بالبيت ع العيب شلون يصير اروح اشوف الدكتورة حتى ندخل ع حميده
نور..... اجي وياك هاي المرضه الي وياها ما ارتاحيت الها بس تباوعلك اجت افكس عيونها حقيررة
سند.... ههههه يمه شنو هاي مفترسه شنو تغارين
نور..... اي اغار وانته شعليك
عفته ومشيت وهو يمشي وراي ويضحك من كل كلبه ... وصلنه لغرفه الدكتورة هم زين ما جان يمها احد بس هيه حجه سند وياها بخصوص حميده وتطمنه واخذ اذن ندخل عليها ...
وصلنه جانت عمه وخوان سند داخلين يمها وهيه كاعده راح سند باسمها من راسها وتحمد الها بسلام واني هم سلمت عليها وتحمدت بسلامه الها ...
سعد.... سند بيان الولادة لطفله لازم تسوي وشنو مقررين تسمونها
حمزه.... بسم منو راح تسمونها بس ابوها الحقيقي
حميده عيونها مدمعه ودنكت راسها تباوع ع ايدها اني خجلت من عمايل ابوي وتراجعت ليورة وصار صمت داخل الغرفه ... وكسر الصمت سند من كال ...
سند.... اولاً ابوها ما يستاهلها ولا هيه تستاهل هيج ابو عار ونذل ثانياً البت بنتي وانه حر بيها واذا ع الاسم باقي يم حميده شتامل بي
حميده.... والله ما مفكره بسم ولا راح افكر البت بنتك وانته حر بيها سميها ع رايك والي تحتاره انته يعجبني ويعجب الكل
سند.... زين وانه ما بالي اسم نور شرايج تختارينه اسم ع ذوقج
رفعت راسي مستغربه طلبه الغريب الي خله الكل تباوعلي ومن ظمنهم امه وحميده الي بس صارت عيني بعينها خزرتني اشرت ع روحي
نور.... اني؟
سند..... اي يلا ختارينه اسم
احتاريت بين سند ونضرات حميده وشفتي صارت ترجف وتوتر حيل ما عرفت شكول لو شنو اسوي حسيت عليه رفع راسي باصابعه ...
سند.... نروح نسوي بيان الولادة ونرجع
لزم ايدي وحنه نريد نطلع جابو الطفله لامها ترضعها رحنه اني وياه هو منتضرني اكول الاسم من سئله الولد ع الاسم فر راسه عليه جاوبته بهمس ....
نور.... رحيق
سند ابتسملي وانطه الولد الاسم وكم بيان الولاده واجه لزم ايدي ورجعنه واني ساكته ما حجيت شي بعد ... من دخلنه جانت الطفله بحضن حميده وتضحك وياها من دخلنه وشافتني عكرت مزاجها ...
سند.... ومنا وجاي رحيق صارت نفر زايد بعائلتنه
كلها رحبت بالاسم اله حميده حسيتها حاقده عليه وعيونها مخنزره عليه .... اخذ سند الطفله منها واجه قربها مني اني ابتسمت ولزمت ايدها زغيرونه وبستها ... جانت مطلعه ايديها من الكماط ...
سوه سعد اوراق الخروج وطلعنه والكلهم فرحانين بطفله وصلنه للبيت وعمه كابلت حميده وكعدت حميده ما تعرف لطفل وعمه تعلمها ...
صعدت لغرفه واني اشوف سند شامر نفسسه ع الجربايه وكفت يمه واني متخوصره ومتنرفزه ...
نور.... سندددددد
سند.... شبيج منو وياج
نور.... ليشش خليتني اختار الاسم حطيتي بموقف ما حلو
سند..... اويلللي هيه كل وحدة تتخوصر هيج تطلع حلوه لو بس انتي
نور..... لا تغيررر الموضوع
سند.... ما مغير الموضوع اشوو تعاي ليش هالعصبيه هاي
جراني عليه وكعدني بحضنه وحاوط خصري بيده والثانيه يفتح بيها حجابي ....
نور.... خليت حميده تضوج مني لان سميت بتها
سند..... لا ما ضاجت تتوهمين حبيبتي
مغمض عيونه ومخلي وجهه بركبتي ويحجي دفعته من صدره بخفه بعد راسها وعدل ركبت يمن يسره وطكاها ...
نور.... بس والله اني حسيتها ضايجه ونقهرت لان سميتها
سند.... وين تردين توصلين؟
نور..... شوف انته اسئلها عاجبها الاسم لو لا اذا ما عاجبها بدله خطيه البنيه بتها واكيد جان عاجبها اسم تريد تسمي
سند..... اسئلها حاضر بس قبل لا اسئلها تحضريلي الحمام حتى اسبح ونشط جسمي
نور.... اي
كمت من يمه فتحت الكنتور حتى اطلعله ملابسس وتذكرت وصررررخت صوووت هو جان خال ايده ع عيونه من صرخت فزز بكل قووته
نور..... صخاااام شلوووون نسسسسست
سند..... شببيييج شنووو نسييتي
نور..... كله من وراااك والله كله من وراك انته طللللع هدووومك
سند..... هاااي شبييج عقللج شخطط
نور..... اي والله كله من وراك البارحه خللليتني اناام ونسيتني صلاة المغرب والعشه والصبح رحنه ويه حمييده وحتى صلاة الصبح مااا صليتهااا انتتته السببب
سند..... ع هاي سهله عبالي ما ادري شبيج روح صليها قضه ما في ذمتج وفضيها بعد عليمن هالصياح والهرجه
نور.... اكيد اروح اصليها خو ما اتانيك تكولي
سند..... طالع لسانج القزمه
نور....ع الاقل قزمه بس مو بطول العمود وكافر وما اصلي
سند.... بعد بعد طلعي حجي ليش ساكته
نور.... اي اطلع شنو معناها تارك الصلاة شبيك مريض بيك جررب موات اشوو كلشي ما بيك اصحه من الصاحي بس من توصل للصلاة تموت نفسك وتتعاجز تكوم تصلي وفوكاها تجررني وياك وتجييب الشيطان من دربك ع دربي
سند.... خلصتي محاضرة روحي صلي عليج بنفسج القزمه
نور... الكاافر العموود الطوولك سبع امتااار
عفته وطلعت بسرعه من شفته كام يتافف ويستغفر رحت توضيت جوه حتى اتحاشه الحجي ويله ورجعت للغرفه شفته راجع ع وضعيته متمدد ع الجربايه ....
وخال ايده ع عيونه ما حجيت وياع عفته ورحت فرشت مصلايتي وطلعتله ملابس خليتهن بالحمام وكاسرت الماي ع النص وعفته وطلعت ....
رحت لبست محرم الصلاة وبديت اصلي هو راح يسبح كملت صلاة الظهر والعصر .. وكعدت اسبح هو طلع من الحمام المنشفه بيده وينشف بيديه طول حيل بالحمام يلا طلع ...
اجه يمي دنسني بصبعه واشرلي بايده بعدي ... ما حجيت ولا كلمه وبعدت هو وكف بمكاني يصلي واني تحاشيت اباوعله وركزت ع التسبيح ...
هو خلص اول فرض وتمدد وخله راسه بحضني واني وساكته .. جر ايدي هيه والسبحه عليه وقرب ايدي ع شفايفه وباسها
سند.... زعلانه مني ولج القززمه
نور.... اهوووو لتكول القزمه ترا والله اكلك العموود
سند... هاي هيه سكتت
سكت شويه ورجع كال....
سند.... اخوانج راح يجون هما وامج
نور.... شنوو اجو ياخذوني موو؟
بعد من حضني ونضراته تتفحص ملامح وجهي واني كلي امل يكلي اي اجو ياخذوج ... باس ايدي وجر الثانيه هم باسها ويباوع بعيوني ويرجع يدير وجهه مني ...
سند... لا بس اجو يشوفون اختهم الجديده ومنها نتفاهم ع وضعيه الطفله
نزلت راسي ساكته والغصه صارت بالعومي هو رفع راسي بيديه وجراني الحضنه ... بجيت بسكته هو يمسح ع راسي
سند.... تردين اهلج؟
واني امسح بدموعي وهنا ينزلن
نور.... اي اريدهم
سند.... لا تبجين دموعج غاليات ع كلبي وتوجعني روحي من عيونج يمرها الحزن اريدج ع طول تضحكين
نور.... بس هما ما يحبوني ليش؟
سند... مطاايه ورب الكعبه مطايه وما يفتهمون شي
نور.... يهم المطايه؟
سند.... اهلج؟
نور.... لا تغلط ع اهلي تقبل اغلط ع اهلك
سند.... عمي سكتت بعد ما اغلط بس والله لو اجو وحجو كلمه ضوجتج لو قثج اصمج ابو ابوهم وانعل والدي اليطلع وراهم
نور.... سند انته تصير كلش حلو من تعصب
سند.... لا الله عليج صدك بالعافيه ع العصبيه الحلتني
نور.... اذا خلصت صلاة اريد اصلي
سند... بعد عني فرض اخلي اخلصه وروح انام ما اريد غده وع الاربعه ال ربع كعديني
نور.... تمام
هو كام صله وراح للجربايه واني كعدت اقضي صلاة الصبح والمغرب والعشه ...
خلصت الصلاة ونزلت اخذتلي تفاحه برتقاله اكلتهن ورحت فتحت باب غرفه حميده ع كيف جانت نايمه وعمه نايمه يمها كلها تعبانه من وكفت المستشفى من الصبح الساعه ب ٧ وللاذان الظهر يله رجعنه سديت الباب عليهن بهدوء وصعدت حتى انام كلش تعبانه ....
جبنه ويانه غده بس الواضح محد مشتهي ياكل لان تعبانين .. طفيت ضوه الغرفه ورحت للجربايه رفعت ايد سند ودحست روحي بحضنه هو حس عليه ...
فتح عيونه ع كيف شافني غطاني عدل وحضني ورجع نام واني هم ما كلت باطل لفيت راسي ونمت ...
كعدت ع تلفون سند يدك وسند يطفي ويرجع ينام باوعت ع الساعه متعديه الاربعه ونص بسرعه كعدت سند ...
نور.... جااي اكلك كووم تااخرت الساعه راح تصير خمسه اله ربع
سند.... همممم ما اروح تعبان نامي
نور.... شنو ما تروح ليشش
سند.... تعبان وخذت اجازه ناامي
جراني عليه وحضني اريد اكوم ما يخليني اريد انزل اشوف عمه خاف محتاجه شي اساعدها خطيه هسه تعبانه ... بس شيقنع سند حتى يعوفني ...
كوه فلتت نفسي وكمت منه جانت عمه بالمطبخ مسيت عليها وكعدت اساعدها جاي تسوي معلاك لحميده ... اني طلعت الاكل الجابو بالغده وحميته وجهزت المقبلات والشغلات كلها قبل الاذان ...
سمعته اذن صعدت صليت وكعدت سند كام يصلي واني نزلت احضر الاكل اجو كلهم وسند هم نزل وعمه اجت اكلت كم لكمه وراحت يم حميده ....
خلصنه عشه وغسلت المواعين وخلصت وصعدت لسند جاي جان كاعد كدام الابتوب ويشتغل ومركز بي خليت الجاي يمه ع الميز ورحت طلعتلي ملابس شفت كومه ملابس ما شايفتهن ولا لابستهن ...
طلعتلي تراك حلو باوعت عليه وباوعت ع سند البسه لو عيب بقيت حايره اخر شي كلت البسه عادي هو زوجي ما بيها شي صدك رحت سبحت ولبست ...
بس جنت كلش مستحيه وخجلانه مشطت شعري ع السريع ورحت للجربايه اريد اختل جوه الغطه بس هو صاح عليه ...
سند.... نور تعااي جيبيلي الجاي واحد ما يهدي وجع راسي
رحت اريد اخذ الكلاص بس هو لزم ايدي ويباوع عليه من فوك ليجوه ... وفاتح عيونه ع وسعهن ...
سند.... ما اريد جاي بطلت روح نصي السبلت وتعاي نسولف شويه بدام الضهر نمنه
نور.... ها لا اشتغل اني راح اباوع تلفزيون
ما اهتم الحجي كام راح اخذ ريموت السبلت ونصاه وراح ع الباب قفله بالمفتاح وشال المفتاح علكه بالسمار الي مدكوك فوم الباب .... بلعت ريك وتوترت من نضراته ومن قفلت الباب المفاجأة ....
اجه هو يتقرب عليه واني ركضت للجربايه جريت الديباج ولفلفت روحي بيه حيل ومطلعه بس راسي هو واكف مقابيلي وضحك ...
سند.... شبيج شردتي
نور.... ليش قفلت الباب وشلت المفتاح وليش تباوعلي هيج هاا شنو بالك تريد تغتصبني مووو نفس ما كالك ابوي
فتح عيونه وخزررني .....
سند.... لا بس ردت اسولف وياج وحدنه بدون ازعاج شكو بيها
نور.... ما بيها شي بس الباب ليش قفلته كووم فتحه ما امن بيك
سند.... لا اله الا الله ما راح اسويلج شي بس عرفي الباب بحاله
نور.... جا لا تجي يمي اكعد بعيد
هز راسه اي وبعد خطوه ليوره واني اباوع ع رجليه ما حسيت غير ركض عليه ونام فوكي واني والديباج ملفلفين وهو فوكاي
نور..... بعد سنددد تخبللت والله اصييح
سند.... ما اراح اسويلج شي بس اسكتي
هو يجر بالديباج واني اجر هو يجر واني اجر اخر شي اجه يرجره واني سحبه وطحت من الجربايه والديباج فووكاي هو صاار يضحك ....
اجه اخذ الديباج من فوكي شمره ع الجربايه وجراني من ايدي وكومني ولزم خصري ولف ايده عليه وصرنه وجه بوجه
سند.... ليش ما تثقين بيه من اكلج ما اسوي شي
نور.... اخاف منك هيه كوه
سند... ههههه ولج والله ما بالي السالفه بس انتي تفكيرج ابعيد جاي يوديج وهذا ابد مو زين
نور.... يعني ما راح تسويلي شي
سند....ابد والله بس نسولف شويه ونشوف فلم وروح اجيبلج حلويات اذا تردين ونسهر شكلتي
نور.... عليك اللله صددك تمحسسست
ضحك وباس خدي بطرف شفته وبعد اخذ سويجه ومحفظته نزل المفتاح فتح الباب وطلع اني كعدت ع الجربايه انتضره اخذه بربع ساعه واجه جايب بيده علاكه ...
خلاها بحضني وشغل الشاشه وربطها ع تلفونه وطلعنه فلم مضحك كعدت اكل وباوع هو حاضني وياكل وياي ...
مررت اليليه عليه كلش حلوه كضيناها اسوالف وضحك هو يسئلني عن حياتي قبل واني اجاوب ....
نمت بحضنه واني مبتسمه كعدت الصبح عليه يبوس بركبتي يعضني ع كيف ويبوس مكان العضه ... دفعت راسه عني هو مبتسم تقرب باس عيوني وكال
سند.... صباح الخير القزمه
نور.... والله انته عمووود كهررباء وعملاق وغوريلا
سند.... هذان كلهن انه بحضج وبختج
نور..... اي انته كلهن
سند... تمونين غير اانتي شرياني وكل اعضاء جسمي
نور...... خجلتني
سند..... القزمه خجلت يوو بووووي
نور..... لا تكووول القزمه
سند..... احلئ قزمه بحياتي
هو يكرص بخدودي ويبوس بيهن ويصيح ضحك ع تصرفاته بعدني بحضنه وراسي ع صدره كال ..
سند.... عندي سؤال
نور.... جواب
سند.... تحبين منو اكثر انه لو البيض؟
نور..... اممم البيض
سند.... البييضضضض؟
نور..... انته
سند..... انه؟
نور.... البيض
سند..... يعني هسه البيض اعز مني مو اصبريلي
نور..... لا لا انته
بعدت الديباج من فوكي وفتحت الكنتور اخذت ملابس ورحت للحمام وفتحت الباب ودخلت ومدديت راسي ... وصحت بصووت ضااحك ...
نور.... احب البييضض اكثرر منك
سند.... تطلعين لوو لا اعلمج شلون تحبين البيض
ضحكت واني بالحمام ع سوالف سبحت وخلصت وطلعت وهو بعده نايم ع نفس نومته ...
نور.... كوم تسبح بين ما اجيبلك الملابس
سند.... اي
وكفت ع الكنتور اطلعله ملابس صار وراي وحصرني بينه وبين الكنتور ...
سند.... ما سمعت مساع عدل تحبين منو اكثر
نور..... ههههه بعدك تفكر بيها
سند.... عندج ثانيه وحده تختارين لو انه لو البيض
نور.... انته
طلعت من جوه ايده وخليت الملابس ع ايده وطلعت اركض للباب واني يم الباب صحت
نور.... طبعاً احب البييض اكثر منك
نزلت اركض ع الدرج واني اضحك واسمعه يضحك ومتحلف بيه .. دخلت للمطبخ احضر بالريوك وابتسامتي ع وجهي .. جاي اخلي بالكيمر بصحونه وحسيت عليه من حضني وبعد الحجاب شويه وخله راسه بركبتي ..
سند... منا وجاي البيض ما يدخل بيتنه
نور.... ليش؟؟
سند.... اغار منه !!
نور.... تغار من البيض؟
سند.... اي من كلشي اغاار انتي ما يصير تحبين اي شي غيري
نور.... همممم تمام نوب احب الليمون
شلت ليمونه وخليتها كدام وجهه هو ضحك وجراها من ايدي ورجعها بالثلاجه ورجع حضني .. واني اسوي بيض .. هو مقيدني بحضنه ما يخليني اشتغل عدل ...
نور..... سند ما يصير هيج تعبتني اريد اودي الريوك لحميده وعمه ونوب نتريك اني وياك
سند... تمام بس استعجلي جوعان
هزيت راسي اي وخذت الصينيه وديتها لعمه وحميده جانت عمه تكمط بالطفله خليت الصينيه يمهن اريد اطلع كالت حميده
حميده.... عاشت ايدج ع الاسم بمده كلش قصيره اختاريتي اسم كلش حلو شكرا ع ذوقج الحلو
نور.... لا العفوا همشي عجبج
ابتسمت بوجهه ما ادري ليش حسيتها كوه كالت الكلام ومجبوره عليه رحت يم سند وكعدنه نتريك واتصل تلفونه اول شي جاوب طبيعي بعدها انكلب وجهه واكل بسرعه بسرعه وصعد بدل واني افتر ورا اريد اعرف شبي عافني وطلع ...
رحت غيلت المواعين وكعدت افكر بالغده كمت اريد اروح اسئل عمه شنو اسوي محتاره يا الغده شنو يا العشه شنو ... وصلت يم الباب اريد افتحه وسمعت حميده تحجي ...
حميده.... يمه بس لو اعررف سند ليش خلاها هيه بالاخص تختار الاسم ليش مو هو اختاره ليش ما خلاج انتي تختارين شمعنه هيه هااا شمعنه كليلي
ام سند..... هسه فهميني شنو القاهرج هيه سمتها لو اخوج ثنينهم واحد انتي ما جان بالج اسم وفرو عليج تعب الاختيار والتفكير
حميده.... بس هيه ماا اريدها تختار اكرهاا ما حبيتها ما استلطفها حتى اهلها كلهن ما اطيقهم كوه جنت متحملتهم وسوي روحي فقيرة كدامهم يمه اريد اخذ حقي من بتهمم
ام سند..... اذا مديتي ايدج ع البنيه اكسررها الج واهلها التحجين عليهم حطوج فوك راسهم وقدروج بس الواضح انتي ما مقدره النعمه الانتي بيها
حميده.... يمه افهميني جنتتت اكرررهم حيللل لدرررج حبيت ابنهمم بسس حتى اكسررر كلبه وجنت ادري حرام بس خطتي جانت كلشش ناجحه وتقرربت من بتهممم بسس حتى اوكعهااا بمصييبه وامهممم خليتلهااا تكره طاااري بناتها وكرهتها بفااطمه وسوويت سوووالف ع محمد حتى خليتها ما تخطبله اليريدها
خليت ايدي ع حلكي مصدوومه كلش مصدومه منها نزلت دموعي ... ورجف كل جسمي من حجيها الله اعلم شنو مسويه بعد ...
سمعت صوت ام سند تدك ع رجليها وصاكه ع السنونها ما اعرف شنو تحجي جان صوتها كلش ناصي حاولت اسمع ما كدرت شويه وعله صووت حميده ...
حميده.... صدددكيني يمممه اخرررب بينهااا هيه ورجلللها احرررب مااا اخلييهااا تتهنننه خرررربو حياااتي ابوووهااا اغتصبنييي وخلاني اخلللف بالحرررام يممممه بنتييي بت حرررام حرررمني من كلشششي
ام سند.... لووو حاجيه لخووج جان خلصلج السالفه بسس انتي مشييتي ورا تفكيررج وطيششج وهااي النتيجه لو حاجيه لخوج جان ما وصلتينه هالموااصيللل
حميده..... يااا مواصييل هااا تعبببت تعبببت يمممه اني صدددك حبببيته وشررردت وياااه بسسس مااا توقعتتت يغدررني يمممه تعبااانه حيللل اني غبيييه مشيييت وراااا وضحك عليه يمه ضحككك عليه وقششمرني
ام سند.... شووووفي حميده كل السوالفج الجنتي مسويتهن قبل ساكته عنها وحتى سالفة هددج وهو خطفج ومن هالسوالف الي سولفتيهن لخوانج ولسند حتى تطمين سالفتج ساكته عنهن بس والله لو شفت مدخله بخوج ومرته لخلي سند يربيج من جده وجديد طايحت الحظ هاااي تالي دلالنه الج وكل مره اوكف بصفج بغلطج بس هسه بعد ما اوكف وياج تعبت واني احاول استر فضايحج يا تعقلين وتربين الطفله يا اخلي سند يربيج
حميده..... لا اربي طفله ولا تربوني بس اطلع الاربعين جايني خطابه وراح توافقون والبنيه بدام سند هو سماها بسمه ومرته الشيفيه سمتها خلي ياخوها الهم ما اريدها ولا اريد اشوف شكلها
ام سند.... صدك ما عرفت اربيج تشمرين بت بطنج علموود رجاال لا تعررفين اصلا من فصله وهمم يوومين وتطلكين
حميده.... حيااتي موو حيااتكم وحرره بقرراتي وسند مااا اله دخل بيه اخوي ع عيني وراسي بس مالت يدخل ما يكدر وانتي يمه لا تنسسين نفسسسج شنو مسوويه بس اسمع سند دارري بشيي افضضحج وطلع لعبتتج القدييمه الي ما كدرت مروه تكشفهااا اني اكشفهااا وودييج ورا الشممس
سمعت صوت الطفله تبجي وحميده تغلط وتسب بيها وتكلها بت حرام وحجي ما ينحجي ... ركضت للمطبخ اطكطك بجدوره اسوي روحي اشتغل ...
اصواتهن اتعالت واكثر شي صوت حميده افرزنه بس ما افتهم شنو تكول بس الي اعرفته جاي تهدد بامها وامها مفرفحه تفرفح
طلعت عمه شايله الطفله بيدها جابتها بتجاهي واني واكفه خلتها بيدي وصفنت اباوعلها ....
ام سند.... منا وجاي هاي الطفله بنتج وامان بركبتج ديري بالج عليها وكل ما تتذكرين هيه بت حماتج وتردين تأذينها لا تنسين هيه اختج الج هم
نور.... ليش عمه جا وحميده
ام سند.... خلي تولي هااي العااق الساقطه منا وجااي حميده موت الكررفها وخلصني منها عساني لا خلفتها ولا جبتها ولا حبلت تسع تشهر بيها وحرامات الحليب الدريته الها
عافتني ودخلت الغرفتها وعيوني ع الطفله تباوعلي واني اباوعلها بحياتي ما معتنيه بطفل شلون هسه راح اعتني بيها بعدني ع وكفتي ودخل سند يحاجيني واني صافنه ...
سند..... ولججج نوررر
فزززيت وفريت راسي عليه اشوفه تارس المطبخ علاليك متسوك وجاي ...
سند.... مووو جاي احاجيج شبيج وليش ها الفصعونه عندج وين امها
نور.... ما ادري عمه جابتها وتكلي اخذيها الج
سند.... شنووو؟؟ شهالحجي وين صاير؟
اخذ الطفله من ايدي وراح تلكته امه بالصاله وصاحتله لغرفتها وراح وراها لميت االمسوالك وخليت كلشي مكانه وطلعت باميه سويت الغده ... جاي امرك وطلع سند من غرفه امه وجهه احمر صااااح عليه بصوووت عااالي ...
طفيت الطباخ بسررعه وصعدت ورا ركض جان واكف يهزز بيده ويضررب يد بيد اول ما دخلللت راح ع الباب بسسسرعه سده وركعه ركعه جفلتني وصاير اعصااب وجههه محتقنن تقرررب مني بدووون اي تفااااهم جابني راششدي .....
...............
فاطمه...
انصدمت كلش من قرار مجتبئ ومحمد إلي وافق ع جود وكسرو كلام امي وامي من سمعت هيج كامت تصيح عليهم وتعاركت وياهم وهما ما اهتم الها ...
سكينه تخبلت من سمعت راح اتزوج وشدت وياي فرد شده ما كما اعرف شنو اسوي هيه وامي صارن ضدي ...
محمد اجه حاجاني ومالي إذا ما تردينه كولي حتى نرجعلهم خبر اني كتله بكيفكم وهما جانو عاجبهم جود ومجتبئ يعرفه حق المعرفه ...
كاعده بغرفتي متحاشيه امي وسكينه هاي اليومين خاله الدفتر وارسم ولون واكتب وشخبط اريد ابعد الوجه مني ...
سمعت صوت صياح امي وصوت محمد ومجتبى جوه نزلت اباوعلهم محمد منتجي ع الباب ومجتبى يحاجي امي ومحمد مبتسم ابتسامه مستفزه ...
مجتبى.... ماا راح تدرين تسوووين شيي خطبها وعقد عليهااا وليد بنفسه كال كبع وخذ وما اعترض ورايج يمه بخفظ والصون بس هو حياته وحر بيها وما مسموحلج تدخلين
ام فاطمه... كسرررتو كلمتتي يولد بطن أمداه البطن الجاابتكم وحبلت بييكم رااح اربااتج هااشميه رااااحت ما جذااب ابوو المثل من كال الحب يطلع ع بذررر
محمد.... أي صحيح لذالك طلعنه عليج ما جذبتي خبر الأسبوع الجاي امشي عليها حابه تجين حالج حال الناس الي راح تجي أهلاً وسهلاً ما حابه براحتج
ام فاطمه.... ان شاء الله ما تتهنه وتشووف الضيييم من هذاا الزواج وعساااك بحرركان الكلب مثل ماا حررركت كلبييي رووح يا محمد متبريه منك دنيه واخرى
محمد..... ههههههههه هاشميه اخوج ما حرمج من الورث إله هو عارف انتي السبب بالي بالج وهو هم عارف انتي ورا خرااب بيته ومعه ذالك ما سوالج شي غير حرمج من الورث والله لو بمكانه اذبحج وما يرفلي جفن وبيدي احفر كبرج خليها بالج راح تحضرين الحفله وانتي منونه وتمشين ويه فاطمه تجهز نيشانها وترحين ويانه نشوف نور ونطمئن ع الطفله وكل هذا حجايه وحده ماتسمعينه منج
امي ما نطقت بشي بس هزت رأسها بي اني وسكينه بس مصدومين شنو هذا الشي الي امي ضامته ومحمد عارفه ولزمه عليها ...
صدمه ورا صدمه ما كمت اعرف المصايب منين كامت تتحذف علينه وشنو بعد مضموم ... محمد طلع وأخذ مجتبئ وياه وامي كعدت تبجي ...
صعدت فوك بغرفتي محتار وبالي يفكر امي شنو الي ضامته شنو ونكشف هسه شنو ...
مر وقت واندك باب الغرفه كمت فتحته وستغربت سكينه ...
سكينه... انزلي كعدي يم امي راح يجي طليقي اريد احجي وياه وامي حالتها ما تسر العدو
هزيت راسي ونزلت شفت فلاح واكف يتاني أمه رحت يمي امي بالغرفه جانت تبجي وتضرب ع صدرها ...
كعدت بعيد شويه عنها وعيوني مركزتهن بيها من شافتني بعدت ايديها من صدرها وفتحت ايدها ركضت حضنتها وهيه تبجي واني كمت ابجي ...
بعدت عنها وهيه تباوعلي جريت نفس اريد اسئلها شبيج بس خايفه من رد فعلها ... كوه تجرئه وحجيت ....
فاطمه..... يمه شبيج اخابر محمد ياخذج للمستشفى
ام فاطمه.... لا ما بيه شي بس شوفي اخوج يمته نروح النور اريد اشوفها
فاطمه.... هااا تشوفينها !؟
سكتت ما جاوبني واني هم سكتت ما حجيت شي واكتفيت بالسكوت دخلت سكينه علينه وجهه مكلوب 180 درجه وعيونها حمر مبينه باجيه ...
اجت كابلتنه وكعدت وما حسينه غير شهكت ودموعها صارت تنزل ع خدها ...
سكينه.... راح ياخذ ابني مني يممه فلاح راح يااخذه مني بعدد ما ربيته وكبرررته وتعبتت عليه يمممه ابني راااح يروح مني
حضنتها امي تواسيها وهيه تبجي ... دخل فلاح بيده جنطه اجه حضن أمه وبسرعه بعد وطلع وهيه طلعت تركض ورا ومفرفحه من البجي ...
اول مره ادري سكينه تحب ابنها هالكد ابد ما جانت تبين النه هيه تحبه كله صارمه وياه وتغلط عليه .. هنا شفتها غير وحده وحده ميته ع ابنها وموتت روحه ورا ...
اجه محمد ومجتبئ من شكتلهم سكينه تريد ابنها هم ما سوو شي غير سكتو لأن رجلها صاحب طلايب وهما مو كده صارت تدك وتلطم ...
تحضرنه حتى نروح لنور ونشوف اختنه الجديده .. محد جان متحمس لطفله ... حتى مجتبئ احسه بردت مشاعره وحماسه لجيت الطفله ...
سكينه أخذت الدرب تبجي وتمسح بدموعه وابد ما حجت وامي تسبح ومحمد يتاففف ومجتبئ هادء كلش ...
وصلنه وستقبلنه اخوان سند ودخلنه ... صارت مقابيلنه نور من شافتنه اجت سلمت عادي ولا كنو صاير شي بيناتنه ... بس اكتفت بسلام من بعيد ..
احنه كاعدين ونريد نسئل عن حميده وهيه طلعت تصيييح وتغللط علينه وتلللعل وتسبب ...
شكرا لزيارتكم عالم روايات سكيرهوم
