رواية عشك أل فراس الفصل الواحد والثلاثون بقلم زينب نور
وردة :اندك باب الغرفة بـ قوة لـ درجة حتى صكر كعد يبچي طلع الشيخ بسرعة أمير
الشيخ:شكو ولك شبيك
أمير:مات مات ولكم مات
كال هيج ونزل يركض
الشيخ:شكووو ولككك
طلعت ورا طلعوا الولد كلهم نزلنا ورا على السريع تربع بنص الكراج ويلطم
صهُيب:ماتحجيي ومرض
امير:يبووييي مات
اسد:وكريم اهل البيت اطيح حظك احجيييي
امير:مات الديج مالتنا مااااات
كلنا ضلينا صافنين بوجهه وهوَّ مستمر يلطم
امير:وشايل شاجورة الماو مغندب
ابو فهد:شوفوا شغلكم ويا أنا مابيه حيل لا تخلون بيَّ عظم صاحي
امير:ولكممم مااات ديجي صااار اربع سنوات عندي راح بهل السهولة عمت عيني عليككك
لزمة الشيخ موتة كتل وهذا يضحك حتى يستفزة اخذه الشيخ لـ حمام وقفلة عليَّ
الشيخ:مايطلع هذا لـ باجر افكر لو اطلعة لو لا خلوا هنا ويلا كل واحد لـ غرفتة
امير:ولج يمه انا ابنج تبريتي مني ولكم خلوني ادفن ديجي طلعوني ضالمين ماتخافون الله
علي:وقزالقرط كافي سد حلكك شهل لغوة هاي
امير:اوووي عيني ضاجوا الضبابيط طلعونيييي
علي:اكل تبن
صعدنا كل واحد لـ غرفتة وهوَّ مستمر يضرب الباب ويصيح بعدين ضل يلطم بـ قصيدتة المفضلة عنده ويضرب على الباب وهوَّ صوتة حلو
امير:خل يفجرونا نجيك مكطعين
ما تنسينا سياط الظالمين
انتَ عاشورك نبض للعاشكين
نطبر الهامة يسارًا ويمين
وبـدمة الهامة نجيك مخضبين
لك نهتف يأبن خير المرسلين
واه حسينًا واه حسيـن
بـ حبك الانصار طاحت ..ياحسين
والجثث على الكاع صاحت..ياحسين
كل جسد مذبوح كام يصيح نحرة ..ياحسين
انتَ لو دربك جمر نمشي على جمرة ..ياحسين
انتَ يالحتى العرش طاف على كبرة..ياحسين
الشيخ : شيسكتة هذا بعد
وردة:خطية ترا
الشيخ:خيولي نامي يلا
ثاني يوم كعدت الصبح مثل العادة فهد كاعد قبلي غسلت وبدلت ونظفت الغرفة صكر نايم لـ 9:30 نزلت لكيتهم كاعدين كلهم
وردة:صباح الخير
الكل:صباح النور
الشيخ:علي كوم افتح لـ باب لهذا الخبل
كام علي فتح الباب واجه امير يدردم
امير:بسيطة أنا الكم تتكاثرون علية وتسون هيج بدل ما توكفون وياي بـ مصيبتي
الجدة:الله يچفينا شر المصايب شو اكعد وانجب بسك عاد من الليل لـ هسة السانك ما سكت
امير:حابسيني بالحمام حسبي الله على الضالم
كعدنا نتريك وامير كل شوية مسوي شي اخير شي شال الكلاص مال الجاي يباوع بيَّ
صهُيب:ها شطلع وياك
امير:ولاشيء بس الكلاص وصخ
علي:مثل وجهك الوصخ وايدك وخرها عني لا اكسرها الك
امير:منيلي عندي صابون مثل الزناكيل انا هيَ ربع صابونة وامي كل ساعة ضامتها
ام فهد:يا دهر صابك
امير:چا مثل الضبابيط فلوسهم تارسة الدنيا
اسد:عمه حتى عمه حتى ما متهنين بيهن يطب الراتب منا يخلص منا
امير:اي صدكت غير كلها فلوس أنا صوجي مارحت عسكرية حتى نصير بيت الضبابيط كلها ضباط ناخذ خاوة على الدفاع والداخلية
الشيخ:كمل اكل بدون حجي زايد وروح سوي كهوة والحديقة نظفها مو بس ازبل بيها وبعدين روح لـ عبد جيب من عنده غراض يمه مخليهم
امير: ايييي مو شصير انا مو ذول ما ادكلهم واحدهم چتافة جنها حايط بس امير بس شنسوي النا الله احنه الفقراء حكم القوي على الضعيف
خلصنا ريوك طلع امير سوا كهوة وشال النركيلة والوصاخة اللي مسويها من البارحة وصعد بدل وكال انا رايح لـ عبد اجيب الاغراض واجي
خليت صكر يم عمتي وبيبي وبدينا انظف بالبيت وبعدهي بلشنا بالغدة اكو زلم بالديوان
ريم:غداهم هنا؟
رسُل:ما اتوقع لو هنا جان اجهه واحد من الولد وكال
ام فهد :امير ما اجه
وردة:لا لحد هسة ماكو
ام فهد: امنيتي يروح على الشغلة ويرجع بسرعة بدون مايروح منا ومنا ويسويله مصيبة ادري بـ سوالفة
بـ 12:00 اللي بالديوان راحوا والولد وعمي وجدو دخلوا صلوا بدينا نحضر بالغده وكل هذا امير ما اجه وعلي هم طلع
الشيخ:هذا وين راح
اسد:يفتر اكيد هسة يفتر البصرة كلها ويرجع يكلك نسيت امر على عبد
امير:ااخخ بووية البارحة ديجي واليوم انا عين وماصلت على النبي
الجد:ياستار ياربي ولك شبيك
ام فهد:يمه وليدي شبيك يمه شبيها رجلك وايدك شبيها وجهك شبيَّ
رجلة كانت كلها دم وملابسة مخربطة وكلها تراب وايده كذلك وجهه بيَّ شلون اللي واحد مخرمشة
وردة:متحجي شكو شنو هذا حالك
امير:تكابلوا عليه سبع ذكور وتعاركنا أنا وياهم من الرؤس وهيج اخذوني غدر
علي وهوَ يدخل:هسة الدنيا حارة والبصرة تسمط سمط وانتَ تجذب شيصير بينا
الشيخ:شبيَّ ويامن متعارك
علي:مسودن هذا مو عاقل جلب نايم بالشارع روح واسحلة من ذيلة وتعاركوا هوَّ والجلب مدافر بالشارع عبالك يتعاركلة ويَّ بشر
الشيخ:الله واكبر على راسك حتى الجلب ماخلص
امير:هذا عندي ثار ويا كل مرة ينبح علينا ومرة حصرنا بالزوية هوَ ويا بعد ثنين لكيتة نايم عبالي نومة ثكيل بس سحلتة كعد مجلوب عليه وأنا مايصير اشرد عيب تعاركنا
ابو فهد:الله يطيح حظك ايي والله حتى الجلاب ماخلصت منك
صعد لـ غرفتة بدل ملابسة وسبح ونزل كوه يمشي
امير :انطوني اكل دسم حتى اعوض دمي الراح
علي:استحيت اكلهم هذا اخوي
امير:خبيييث يشوفني اتعارك ويَّ الجلب يباوع عليه
علي:جلاب بينهم شعليه أنا
امير:ها بوية شفت ابنك
ابو فهد:بعد ابوك ما يقصر بيك سوالفك طن وبن
امير:رحم الله والديكم الي الله
ياسر:ولكككك خووووية
امير:حززام ضهرريي
ياسر:ولك خوية عاض الجلب
امير:اكل خرا ولك هوَّ عضاني
ياسر:عمت عينة كون
كعدوا ينعون ويلطمون لحدما صاح بيهم الشيخ يلا سكتوا ومن يومها امير ضل لا يتحرك ولا يكوم وبس نحجي ويا كال مريض ما اكدر
امير:عضنا الجلب يم بيت اهلنا
ومحد فزع ويطلعني منه
عمت عينج يـ دنيا ومن عمت عينج
ياسر:شعر ضراط هذا
امير:انجب لك انا شاعر المستقبل
ايمن:نعال المستقبل انتَ عاضك جلب وانجلبت علينا
مهند:البارحه كام ينبح
امير:شوكت
مهند:مو انتَ الجلب لان عضيتة
امير:وحق هذا العباس انتم طايح حظكم تفففف
ورا فترة تحسن امير ورجع طبيعي فتحوا موضوع زواج اسر
اسر:أنا ماعندي شيء بس هوس
الجد:شعدها هوس ريم بوية عدها شي
ريم:لا معدها شيء
الجد:چا هاي هي ان شاء الله الشهر الجاي نزوجك
اسر:ان شاء الله خير
بهاي الايام انشغلنا بـ شكل مو طبيعي يوم يمنا ويوم يم بيت اهلي حتى نلحك انظف البيوت تنظيف عميييق حيل صح تعب بس كانت الفرحة اكبر
قبل الحنة بيوم رحت لـ اهلي
وردة: كلللووووششششش
اسر:هلا وكل هلا
وردة:شنو هدوء
اسر:باجر اعلكوها مو اليوم
وردة:يااا والله من اليوم
ياسر:كللوووششش ويايمه افرشي مدتج جبنالج جنه للبيت
أسيا:وام اسيد اطلعي تونسي البيت اجت راعيتة
شمس:ومن طبت الريحانة ضوء البيت واركانة كللوووششششش
اسر:ههههه الله يديم الفرح
وردة:فرح وين
اسيا:احم تعالي فوك
وردة:شكو ولج
اسيا:ماكو شي سلامتج
اسر وياسر طلعوا وماما راحت للمطبخ
وردة:ولجن شكووو
شمس:ماكو شي بس اسيد تعارك وياها لان سمعها تحجي ويَّ نورس وذيج تترس بـ راسها
وردة:وكع كلبي عبالي سالفة اكبر ونورس ما اتوب
اسيا:لج لو تسمعين كلامها تنصدمين ادكولها لا تستسلمين ابد واذا تردين جيبيلي شيء يخصة ونسويلة سحر
وردة:عززاا صخاام شنو من بنت هاي
شمس:وهاي الخبلة بسرعة تقتنع
وردة:لا اذا هيج لازم ينسحب التيلفون منها
اسيا:سحبوا
وردة:خليها
صعدت فوك سلمت عليها كوه ترد السلام ثاني يوم الصبح التموا عمامي كلهم يمنا الفرحة كانت طاغية على الكُل
امير:كلللوووشششش اليوم اله وباجر لاخيه
ياسر:كلها عرست بس احنه ضلينا وين ام البنين نسوان تنطينا
مهدي:احضر يالقاسم كل عريس وبارك بيَّ
ايمن: اسوري لا تحجي حجي حط المخدة وانتجي
مالك: اسوري عايف رايتة ورايد بنات ولايتة
امير:ولاتفوت بـ سوبرك شارعنا ضيك
ام اسيد:ومفتاح بـ لوحة البنت لابن العم
ام فهد:عزيزة وغالية ام اسود كل احنه حبابيها
من صُدك علكوها يشتغلون ويركصون بس مهند ماحضر لان اخوها وريم ونور ومرح وازل ومرايم كلهن ما اجن لان ويَّ العروس
تم العرس على خير ومرت ايامنا بهدوء فتحوا موضوع زواج علي كان الكُل حاضر بس علي مموجود كان طالع طلع من الصبح ومارجع
ام فهد:يمه خابروا اخوكم شوفوا وين راح من الصبح لـ هسة ماكو
صهُيب:اتصلت مايجاوب
ام فهد:ياربي وين راح والله كلبي مثل النار اعدائة هواي وما يخافون الله وهوَّ مايكعد
اسد:وصدك نويتوا ازوجوا يعني
الجد:اي بوية چا ليش والعمر يركض خلي شوية يستقر حتى بالبيت مايكعد
اسد:اذا هيج لا تزوجوا ترا علي شغلة خطر ومتعب جدًا يعني مو بيدة الشغلة من ما يكعد بالبيت ويتأخر خلي يترقى حتى شوية اشوه وبعده ترا
الجد: هم يلا بوية نفرح بيَّ
امير:هو مايريد ذاك اليوم كال ما ازوج هسة عندي كم شغلة اكملهم يلا
الجد:والله بعد ماادري احجي ويا واشوفة
صهُيب:لا تضغط عليَّ اذا عاند الحمزة مايقنعة
الجد:هههه ان شاء الله خير
لـ 10:30 اجه علي سلم وكعد
ام فهد:وين جنت يمه
علي:ويَّ راهب
امير: روح بـ روح
علي:شعندي غيرة
ام فهد:نمر مو وياكم
علي:لا نمر اليوم مريض العصر اخذنا لـ مستشفى ورجع للبيت هسة مريت عليَّ كالوا نايم
ام فهد:الله يشافي تتعشى
علي:لا متعشي
الجد: ما دام اجيت عندي موضوع وياك
علي:أمر
الجد:بعد جدك ما ناوي تزوج
علي:حاليًا بهذا الوكت لا
الجدة:ليش يمه
علي:عندي شغل هواي وحياتي بعدهي مخربطة ما اريد اورط بنت الناس وياي اخلص كلشي وارتب وضعي وذيج الساعة اخطبوها
الجد:الله يقدم اللي بيَّ الخير
علي:شيخ أيهاب يسلم عليك يكول باجر العصر اجيكم
الشيخ:الله يسلمة وين لكيتة
علي:بالمستشفى شفتة يمكن زوجتة عدها ولادة
الشيخ:اها خير ان شاء الله
الجدة:هوَ هذا نفسة اللي اخذ فصلية
علي:اي نفسة
الجدة:يا جبح
علي:شعلية الولد عمامة مسربتين
ام فهد:ماضي وانتهى والحمدلله
بعدين كل واحد راح لـ غرفتة الشيخ حسيتة ضاج من ذكروا الماضي
وردة:ضجت
الشيخ:من شني
وردة:الماضي
الشيخ:لا ماضي وانتهى
سكتت بعد محجيت شي ثاني يوم اجهه أيهاب
....................................
مرايم : جسار
جسار:ها يبعد روحي
مرايم:اريد اروح لـ اهلي
جسار:تكدرين الطريق طويل وانتِ حامل خاف اتعبين
مرايم:والله مشتاقتلهم حيل
جسار:يابعد عيني اخذج أنا ماعندي شيء بس اخاف عليج
مرايم:يروحي مااتعب
جسار:خوش خليها الأربعاء اخذج والسبت اجيج
مرايم:لااا جسار حباب خليني اكثر والله صار هواي مرايحة
جسار:اشتاقلججج بوية اشتاقلججج ما اكدر بدونج انا من ادخل البيت وما اشوفج اتخبل
مرايم:روح روحي انتَ حباب فدوة تحمل كم يوم
جسار:يلا شوكت اجيج
مرايم:اروح الأربعاء واجي الأربعاء
جسار:لا شني هواي أسبوع
مرايم:حباب حباب أني الي خامس ومن يوم ماصرت حامل الى هذا يومنا أني مرايحة
جسار:يلا لا تبچين الأربعاء الأربعاء نتحمل شسوي بعد أمري لـ الله الواحد الاحد
من الفرحة قبل لا اروح بيومين حضرت غراضي وماكلت لـ اهلي خليتها مفاجاة نزلت كلت لـ عمتي وعمي همَّ معليهم يعني ميحجون بس احترامًا الهم
ابو جاسر:الله وياج بوية سلمينا عليهم
ام جاسر:يايمه لو كايلة من وكت چا رحت لـ سوك
مرايم:يروحي انتِ ما اريد اتعبج
ابو جاسر:شوكت ترحون
مرايم:الأربعاء عكبة
ام جاسر:يا چا خوش باجر اروح لـ سوك اجيبلج كم شغلة تاخذينهم وياج لـ خواتج وامج هدية يمه فشلة ترحيلهم وايدج فارغة
مرايم: لا عمه ما اريد اكلفج أني مناك اشتريلهم
ام جاسر:لا يمه لا تكلفى ولأ شي
ثاني يوم راحت عمتي لـ سوك ممخلية شي مجايبتة وكعدت تقسم هاي لـ خواتج وهاي لـ امج وابوج واخوانج
تشكرت منها واخذت الاغراض وصعدت فوك رتبتهم والأربعاء طلعنا الفجر ويَّ طلعتنا طلع ابن عم جسار علي
جسار:ها خوية وين
علي:هلا عيناي لـ زيارة
جسار:درب السلامة ان شاء الله
صعد هوَّ سيارتة وطلع ويا ثنين ولد واحنه هم طلعنا
مرايم:ذول منو اللي ويا
جسار:اصدقائه
مرايم:هااا جوجو
جسار:شني؟
مرايم:شبيك دلع
جسار:هسة أنا زلمة شكدني شكبرني شواربي يوكف عليهن النسر اسمي جوجو يافشلة الفشلة
مرايم:ههههه غير ادلعك
جسار:ماااريد الدلع عمي خليني جسار
خلصنا الطريق نسولف وكل شوية وكال من هسة اشتاقيتلج شلون اتحمل أسبوع وصلنا صلاح الدين بـ 11:00
مرايم:الله ياريحة هلي
جسار: عدهم علم احنه جايين
مرايم:لا مفاجأة
جسار:هسه ناكلها مدبسة
وصلنا لبيت اهلي نزلنا ثنينا دك الباب جسار طلع بابا
ابو مرايم:اهلاً وسهلًا ياهلا ياهلا
سلمنا على بابا ودخلنا لـ جوا
ام مرايم:غير تنطينا خبر
مرايم:مفاجأة الكم مريم ورنيم ورنين واسامة وسرمد وين
ام مرايم :البنات فوك واسامة وسرمد يم بيت عمتج
مرايم :شعجب راحوا
ام مرايم :اشتاقولهم
جسار ماقبل يبقى للغدة ترخص وراح رغم هواي حجوا ويا بس مافاد صعدت للبنات خجلانات من جسار
مرايم:هلاوووو
سلمت عليهن وكعدت يمهن
مريم:ولد لو بنية
مرايم:ولد
رنيم:اوي يماما فدوة راح اصير خالة
رنين:شنو تسمونة
مرايم:جسار يريد يسمي سديم
رنيم:احسة اسم جبير
مرايم:يكول لو سديم لو أصف لو أشهب
مريم:أشهب حلو
مرايم:اسماء مدري منين جايبهم
نزلت لـ جوا وبدوا اهلي يستجبوني عن عيالي شلونهم وياج وشنو وضعهم محد مضوجج محد يحجي وياج
مرايم:كُلش زينين من يوم اللي تزوجت لليوم محد سمعني كلمة موحلوة وعمي مدللني حالي حال بناتة وعمتي ممقصرة وياي وكله يمه ويمه والبنات من يوم اللي عرفوا بيه حامل حتى ميخلوني اشتغل وجاسر ومهند اخوة والنعم منهم
ام مرايم:الف الحمدلله من كلهم زينين وياج
ابو مرايم: خو ماعدهم مشاكل ويَّ عمامهم
مرايم:لا بالعكس علاقتهم كُلش حلوة وكُل جمعة ننجمع كلنا بيت جدهم من الصبح لليل ومرات نبات حياتهم حلوة
ابو مرايم :الف الحمدلله يابابا هذا اللي اريده تكونين مرتاحة
مرايم:الحمدلله كُلش مرتاحة
رنيم:حماج هذا الجبير شفتة بعرسكم احسة معقد حيل
مرايم:عصبي حيل بس هوَّ حباب
ثاني يوم اجوا اخواني وكعدنا مثل قبل سهرنا لـ صبح ضحك وسوالف واكل ضليت يمهم أسبوع وبعدهي رجعت لـ عيالي استقبلني عمي بالباب
ابو جاسر:هلا بيج بوية هلا والله اشتاقينالج
سلمت عليهم صعدت فوك بدلت ونزلت ماما كذلك دزتلهم غراض
بعد مرور عدة اشهر
ريم وهوس تزوجن وجاسر
هم بقوا نور ومهند ومرح
ابو جاسر :اجو خطابة لـ نور
ام جاسر:منين ذول
ابو جاسر:صاحب علي محامي
بعد فترة اجو اهل الولد شافوا نور وكالوا ننتظر الجواب منكم تلاث ايام رجعنا الموافقة واجوا خطبوا رسمي بهذا الوقت أني كان الي ثامن كم يوم وادخل بالتاسع كُلش تعبت بـ وقتها رغم كُلشي ماسويت بس الحمل متعب
جسار:جنج بيرغ عراضة اطكين بالكاع
مرايم:هههه ااخخ يمه شوكت يجي ابنك وارتاح
جسار:يصير ورا الثاني او الثانية
مرايم :مو بكيفك ماكو بعد على هذا التعب يمه متتت
جسار:يابعد عيني ميخالف تحملي ههههه
مرايم:جسار وخر من وجهي احسك تشمت
جسار:چا المهر المن منطي اطلعة من عيونج اطلعين الاربعين يصير الثاني
مرايم:تسكت عني لو ارمي عليك يمين الطلاق
جسار:تئبريني بنت عمي
ضحكت على كلامة كان واكف يشمط اجه يمي كرص خدي ودنك لـ مستواي
جسار:لبس مشلتح مااريد مكياج طوخ مااريد واذا ماتحطين بعد احسن الولد غريب لبس محتشم وشالج على راسج افتهمتي عيني مو مثل خطوبة هوس مغطية بس
مرايم:كاافي كاافي اسكت افتهمت والعباس افتهمت
جسار:عفية صايرة تحلفين مثلنا
مرايم:غير عاشرتك كل سالفة ومخلي ابو فاضل دخيل اسمة بـ نص
جسار:فدوة اروحلة راح اطلع أنا هالله هالله باللبس والمكياج خوش مرمر كلبي
مرايم:خوش
طلع هو وأني بدلت لبست فستان مال حوامل نازك وحلو وخليت مكياج خفيف ونزلت اجت نور من الصالون كانت طالعة تجنن الكُل كان يمنا البنات كلهم حتى اهلي اجو
بـ 4:30 عقدوا وبعدهي دخل الولد باسها براسها وكعد الخجل كان باين عليها ونور طبعها خجولة حيل لبسها الحلقة وهيَّ ترجف وهوَّ يضحك بعدين هيَّ لبستة الحلقة وتمت على خير اصدقاء الولد حركوا الجو بالركص وخواتة وامة وعماتة وكرايبة ماقصرن
كالوا منريد العرس يطول كون بسرعة ورا الخطوبة بـ فترة قصيرة ضلت نور تحضر للعرس النيشان اشترت والذهب والولد بيتة وحده فـ يحضر بيَّ ويرتبة
دخلت بـ شهر التاسع صار وجع بيوم الحنة غلست كلت لان افتريت هواي ثاني العرس بليل من رجعنا من الزفة متت
مرايم:عمه راح اموت الحكيي عليه
ام جاسر:هااا يمه
مرايم:عمه جني راح تصير عندي ولادة
الوجع موتني ضليت ابچي خابروا جسار اجه وجهه أصفر وعمي هم اجه
ام جاسر:يلا يمه خل ناخذها يلا
ماصرخت استحي من عمي اكتفيت بالبچي لحدما وصلنا دخلوني صالة الولادة والوجع ساعة عن ساعة يزيد لحدما اجه لدنيا متتت الف موتهه
جسار:الحمدلله على سلامتج يروحي
مرايم بـ تعب:الله يسلمك وين ابني
جسار:بالخدج هسه يجيبوا
دخلوا عمي وعمتي وجدهم واجت ام فهد وابو فهد وجاسر
الجد:الحمدلله على سلامتج بوية مبروك ما اجاكم يتبرى بعزكم ودلالكم
مرايم:الله يسلمك ويبارك بـ عمرك
شوية وجابوا الطفل ماكدرت الزمة لان كنت تعبانة اخذه جسار باسة بـ راسة وانطا لـ جده كاله أذن بـ ذانة
الجد:الله يحفظة الكم يابوية
جاسر:مبروك خوية يوم اللي تشوفة عريس
جسار:بعد روحي خوية يوم الك وافرح بيك
مهند:كللللووووششششش صرتتت عم
دخل يهلهل ويطش جكليت ويا امير وايمن وياسر
امير:مبروككك مبروككك
سلموا وطلعوا ما طولوا
ام جاسر:شنو راح تسمي يمه
جسار:اكو بالج اسم
مرايم:لا انتوا بكيفكم
ابو جاسر:انتَ بالك اسم
جسار:أشهب
ابو جاسر:هاي هي ابو أشهب
طلعنا بليل دخلنا للبيت استقبلونا البنات ذبحوا على رجلي خروف وجسار شايل الطفل عدهم عادة اييي طفل يصير عدهم يذبحولة دخلت لـ غرفة عمتي
مرايم:جسار اهلي عدهم خبر
جسار:اي خابرتهم باجر يجون
ثاني يوم اجوا اهلي وبليل اجوا الشيخ ولد عمة سلموا وتباركوا وراحوا
الجدة:اللهم صل على محمد وال محمد عين الماصلت على النبي يعميها ويطفيها
بعد فترة صرت زينه رجعت لـ غرفتي وعمتي وياي دوم لان مااعرف لـ طفل علمتني شلون اشيلة واكمطة وكلشي وياي دوم
صار عمر أشهب تلاث اشهر وجسار طاير بيَّ
ابو جاسر:وانتَ جاسر بوية شوكت نشوف عيالكم
جاسر:ان شاء الله بوية
همَّ ميردون لان ازل تدرس وهاي اخر سنة الها كانت ايام فاينل
مرت ايامنا بهدوء وحياتنا حلوة
........................
علي: رفضت راهب ونمت ثاني يوم كعدت بـ 9:00
شفت راهب هواي متصل عليه مباشرةً اتصلت عليَّ
علي:صباح الخير
راهب:ياصباح الياسمين شنو هسة كعدت شمستك عالية
علي:ههه مدلل متصل عليه خوماكو شي
راهب:سلامتك ازعاج ليلي هذا
علي:لا والله صدك
راهب:ايي والله ازعاج ليلي نرجع لايام العسكرية بطريقة أخرى
علي:هههه طاح حظك والله عبالي صاير شي
راهب:انجب عندك شي اليوم
علي:ليش
راهب:نطلع
علي:مادري اذا خلصت على وكت نطلع
راهب:ليش شعندك
علي:هيج شغلة
راهب:شغلة لو مصيبة
علي:تعرفني مااحب المصايب ابد
راهب:ادري بيك نلتقي بليل
سديت التيلفون وكمت غسلت ورجعت باوعت على نفسي بالمراية صار شكد ماشايف نفسي هامل نفسي بشكل مو طبيعي حتى لحية طالعة عندي زينت وسبحت ونزلت تقريبًا صارت بـ10:30
علي:صباح الخير
الكل:صباح النور
امير:شو وجهك ابيض تحط خلطات
علي:خليني محترمك لا اهينك
امير:ديلا انت شلون صرت ابيض بهل السرعة
علي:زينت
امير:ماتروح للحلاق تزين المن ضامهن
علي:اخذهن وياي للكبر
امير:اها هيج الحجي
خلصت ريوك وبدلت ملابسي من نزلت شافتني امي لطمت صدرها وكالت
ام فهد:انتَ من تلبس ذني راح تسويلك سالفة
كنت لابس اسود وكفوف وشفقة او قبعة ولبست كمامة ونضارة اخذت سلاحي
علي:لا تخافين ابنج سبع بس ادعيلي
بدون ما اسمع الجواب طلعت متوجهه لـطريق ما ادري شنو نهايتة موتي او انتقامي متوجة لمستقبل مجهول
وصلت للمكان المطلوب ترجلت ورحت لبيتهم دكيت الباب انفتح الباب طلع طفل صغير
علي:ابوك موجود
الطفل :اي
علي:روح صيحلة
هز راسة وراح كلشي ماطالع من وجهي طلع ابو الخيخة
عماد:منوو
علي:چتالك
عماد:ابن محمد
علي:بدمة ولحمة جاي حتى اخذ روحك أنا مو كتلك دير بالك على نفسك
عماد :عندي جهال لا تيتمهم وراي عائلة
علي:وأنا شنو وراي كواويد أنا مو الف مرة كتلك لا تدخل بشيء مايخصك تروح تحط ايدك بيد داوود الكواد
عماد : همَّ اللي جبروني علي بغيرتك بشرفك لا تكتلني والله جهالي صغار ومالهم احد غيري
علي:جبروك لو ترسوا جيبك فلوس وجهالك يعيشون مثل ما عاشوا اليتامة البقية انتَ عار تبقى عايش
عماد:بداعت كل عزيز على كلبك اذا مو لـ خاطري لـ خاطرهم
علي: هه
باوعت على الباب بنات تلاث صغار واكفات وثنين ولد هم صغار
علي:ذول كلهم الك لو هم لميتهم
عماد:لا والله كلهم جهالي
علي:أنا لـ خاطر دمعتهم راح اتركك عايش بس مو صاحي وابن امة وابو اليجي ويوكف بوجهي انتَ واللي اكبر منك اصفيكم على ايدي
ضربته طلقة برجلة وكتلة
علي:هذا عقاب خفيف الك وروح اشتكي عار ابن العار
ضربت طلقتين بالجو ورجعت لسيارتي شغلت وطلعت رجعت للبيت الثاني شغلت الكامرات اريد اشوف عماد وبعد منو ويا اللي ضربوا على راهب
على حسب كلامهم الهم ضهر قوي وأنا لعبتي الضهور القوية اتونس وياهم مستعد انطي روحي ماكو يوم هزني ضهر قوي
السيارة كانت تكسي بيها رقم والسايق وجهه ابين وعماد كاعد يمه بالسدر ورا ثنين اللي رمة ويمه واحد وجهم مو واضح لان مخلين شي على وجهم اخذت رقم السيارة وعممتها على كل السيطرات
راسي انسطر سطر طلعت من البيت وصلت لمنطقة اللي لزمنا بيها التاجر الضهر وصلت ولا طير بالشارع المن اجيت ماادري اجاني صوت من ورا كال
_محتاج شيء
علي:لا
باوع عليه وعلى لبسسي وراح كملت طريقي لـ بيت التاجر كان فارغ الباب مفتوح دخلت اله ولا بشر بالبيت وكلة وصخ وقذارة رجعت لسيارة
ورجعت للبيت بليل اتصل عليه راهب كال أنا بالباب بدلت ونزلت طلعنا لـ كورنيش البصرة
راهب:الصبح وين رحت
علي:وين
راهب:عليوي من تريد تضم شي مو عليه
علي:رحت لـ عماد
راهب:عماد منو
علي:واحد من طليان داوود هوَّ ويا ثلاثة بعد صوبوك
راهب:شسويتلة
علي:رحت ونيتي اكتلة موت بس جهالة وكفوا بالباب يبچون ضربتة طلقة برجلة واله غيرها هواي
راهب:مستجلب انتَ شبيك
علي:انجب معليك
راهب:شنو معلية بابا اترك هاي السوالف ماخذ الدنيا حاصل فاصل ياهو سلم منك
علي:يطبهم مرض
راهب:وراك زواج وعائلة شلون بلا تبقى هيج
علي:اصفيهم هسة وبعدين ازوج
راهب:واذا صفيتهم راح يتركوك
علي:راهب العندي ثار ويا ولو مأذيني ما اتركة لو تروح روحي وكلشي بيدي وكلشي اسوي شنو يجي براسي الكلام مايفيدد فـ لا اتعب نفسك اكثر من هيج
راهب: ماشي بس خلينا وياك
علي:ما اريد ادخلكم الدائرة السودة ذيج المرة طلعت سالم انتَ خليكم بعيدين
راهب:انجب واكل خرا
علي:نذل مو بيدك نمر وين شو ماكو
راهب: مريت عليَّ كالوا اجه من الدوام ونام
رجعت للبيت بـ 11:30 كل واحد بغرفتة بدلت وكعدت حجيت ويَّ قمر ومن بعدهي نمت وهيج مرت ايامي رحت لـ دوام واكف بالسيطرة بـ وقتها كان انذار فـ نزلنا لـ سيطرات
علي: نزلوا الكُل على الحسابات عدا النساء والسيارة تتفتش بالكامل واذا شكيتوا بشيء اخذوا الاجراءات
من ضمن السيارات اجه صاحب التكسي شافني واكف نزل من السيارة ورفع أيدة مستسلم
السايق:صار هواي ادور عليكم حتى اسلم نفسي
علي:اخذوا ولحد يسويلة شي الى ان يجيكم الامر مني شخصيًا
_حاضر سيدي
الشمس تصكع براسنا صكع والسواق واحدهم يشلع الكلب
علي:منين جاي
_بغداد
علي:اوراق السيارة وين
_ما شايل
علي:عاشت ايدك شلون تطلع محافظات وانتَ ماشايل الاوراق
_سايق قديم انا ويعرفوني مالة داعي
علي:انزل وخلي الحجي يفيدك
_أنا هنا اغلب الضباط يعرفوني
علي: شعلية بيهم أنا واجبي هذا وانتَ ماشايل اوراق وما اعرفك فـ انزل بدون صوت
_ مو من حقك
علي: انزل يلا
حجزوا السيارة والعبرية اجوا يتوسطون
_ياخالة والله تعبانين خل نروح
علي: مايصير يجيب الاوراق وروحوا الله وياكم
_لخاطر شيبات عمك
علي:على عيني وراسي بس ما اكدر أنا اتحاسب وهذا الشيء مو قانوني يطلع محافظات وهو حتى جنسية ماشايل
_أنا من البداية كلت مانصعد ويا بس حظي
علي:خابروا اهلكم يجون ياخذونكم شغلتة اطول
رحت لـ سايق التكسي
علي:انت شعرفك بيهم
السايق:والله العظيم مادري بيهم أنا رجال على باب الله اطلع من الصبح لليل اجو كالوا تاخذنا لفلان منطقة عبرية وهذا شغلي عادي اخذتهم شو من وصلت سحبوا سلاحهم ورموا عليكم والله مادري وكالوا اطلع اطلع بسرعة أنا هم خفت انوب كالوا هذا ضابط وانطوني اسمك الكامل وانا اعرفكم وماكل وشارب عدكم واجيتك هسة اسلم روحي
علي: وليش ما اجيت قبل هاي الفترة مادام تعرفنا
السايق:خفت والله خفت أنا بركبتي تلاث عوائل وخفت
علي:وشنو اليثبت كلامك
السايق:أنا عندي كامرأة بالسيارة تسجل صوت وصورة تكدر اشوفها وتثبت كلامي
كمت ويا فتحنا الكامراة صح كلامة اخذت التصوير منه
علي:تعرف اشكالهم
السايق:ثنين عرفتهم واحد جان ملثم بس عرفت اسمائهم كلهم
علي:عماد ومنو ويا
السايق:واحد اسمه صلاح واحد اسمه عابد
علي:ومن ضربوا وطلعوا وين نزلوا
السايق: نزلوا يم بوابة الزبير
أخذت منه معلومات وكتلة روح لكن بقى تحت المراقبة
علي:طلعت صورهم من التصوير لان من نازلين وجهم ابين لكن عابد ملثم
راهب:ها وين وصلت
علي:ماضل شي ذني صورهم بس هذا ملثم
راهب:اذا لزمنا واحد يطلع الثاني
علي: خل اخلص شغلي هنا واروحلهم
راهب:الله يستر منك
خلصت دوامي اسبوع ونزلت للبيت فد يوم طلعت الصبح صرت اسئل عنهم ومن واحد لواحد عرفت بيتهم اتصلت على راهب
علي:انتَ بالدوام
راهب:اي ليش
علي:رتب الموضوع وتعال لـ منطقة .. اللي حاولوا يغتالونك
راهب:بعد شيبي جايك
اقل ساعة اجه راهب بـ واجب رسمي دخلوا للبيت سحلوهم سحل طلعوا اخوان العينتين طلعت نسوان تبچي وتصرخ وراهم
_وين ماخذينهم الله واكبر بس على الفقير
علي:كمل شغلك والحكني للبيت
راهب:صار
رجعت للبيت الثاني بدلت وكعدت انتهت الشغلة من راسي تقريبًا ما بقى احد صفوا كلهم قحطان وسامي وهديل ومحسن وعبد وهسة داوود وعماد وصلاح وعابد انتهت رحلتهم اقل شي ينحكمون 15 سنة صلاح وعابد اما عماد راح تصير عليَّ اعترافاات وهم ينسحل وياهم
بـ1:00 الضهر اجه راهب
علي:ها شصار
راهب: انحمسوا حمس طلعوا كلشي وراح ينسحل عماد وياهم وينتهون
علي:يطبهم مرض ابن عمك شبيَّ هالايام
راهب:مريض مدري شجاه
علي:شبيَّ
راهب:مصخن وراسة يوجعة عود كلت بعد شوية اخذه لـ دكتور لان حضرتة مايرضى يروح
علي:كوم هسة ناخذه للمستشفى وخل ياكل تبن بدل ملابسك وتعال انتظرك بالسيارة
راهب:جوعان
علي:بعدين اكل
راهب:ديلا جايك
كعدت انتظرة بالسيارة شوية واجه توجهنا لـ نمر دكينا الباب طلع اخو حسن
حسن:يابه هلا وكل الهلا
راهب:اخوك الخيخة وين
حسن:هههه نايم
راهب:سويلنا طريق نريد ندخل يمه
حسن:صار
دخل جوا ورجع كال تفضلوا دخلنا لـ جوا سلمنا على ابو وامه واخو
راهب:وينه
ابو نمر :فوك بـ غرفتة
صعدنا للغرفة ضلمة والسبلت مشتغل طفينا السبلت وشغلنا الاضوية كلها
علي:كوم ولك كوم تنبل مال نوم
نمر:عوفوني راسي يوجعني
علي:كوم ناخذك نداويك
نمر:مااريد راسي موتني
سحلتة من ايده كعد راهب جاب تشيريت لبسة وامه وابو واكفين بالباب يضحكون
حسن:حيل هيج يلا صار شكد نتوسل
علي:هو ميفيد ويا الاحترام يلا كوم
نمر:وين ماخذيني
راهب:نطهرك كوم ولك
نمر:انجب وخروا عني خل انام
بالف ياعلي كام ويانة الطريق كله هوَّ يلغي ويدردم علينا
علي:انتَ مو بيك صخونة كافي اسكت
نمر:مايفيد الدكتور يمعودين راسي يوجعني لان تركت الشرب
راهب:احلف تركتة
نمر:وابو فاضل صار فترة وراسي يوجعني من عدها وطكتني صخونة ويا
راهب:هسة اطيب فترة وتخلص تحمل مو ترجع
ولا دكتور مفتح اخذنا للمستشفى ضربوا أبرة وشدولة مغذي
نمر:موش مراة وجها يضوي
راهب:بطل سوالفك ابو النسوان
نمر:شبيك يابه النضرة الأولى حلال
علي:انجب بلا لغوة يلا كمل المغذي واسكت
اجت الممرضة حتى تشوف المغذي
نمر:شوكت يخلص هذا
الممرضة:نص ساعة
نمر:شني هواي شيلي شبعت
علي:نمرر
نمر:شني غير شبعت ما اريدة
الممرضة:مايصير لازم يخلص
كوه سد حلكة ومن بعدهي طلعنا للبيت وصلنا لبيتهم واحنه رجعنا للبيت الثاني خلصنا شغلنا ونمنا كعدنا المغرب كُلش صلينا وراهب كام يسوي عشه أنا واكف يمه
راهب: شبيك تصفن
علي: هواي شغلات بـ راسي مدري شلون تخلص
باوعت على الشيش وصفنت بيَّ اخذه راهب من ايدي
راهب:شعندك ويَّ الشيش
علي بـ أبتسامة: عقدة حياتي ماتتوقع شكد اكره
راهب: هونها وتهون حاول تتناسى
علي:حاولت بس ماكو فايدة الاثر بعدة بـ جسمي ابد ما يختفي شلون أنسى
ضربة من الماضي أثرت على الحاضر وشوهت المستقبل
راهب:كول يالله كلشي يهون
لليل رجعت للبيت اسر تزوج واستقر فتحوا وياي موضوع الزواج رفضت الفكرة ما اريد هسة رجع عليه احمد خابرني علمود نور كتلة موافقين جيب اهلك واخطب وفعلًا تمت الخطوبة على خير ورا فترة تم العرس بيوم العرس بليل ولدت مرت جسار وراها بـ فترة عرفنا ريم حامل
امير: يالله راح تكثر الزعاطيط
ياسر:واحنه بعدنا ما معرسين
ابو اسيد:انتم ما تعرسون الا تعقلون
الكل جان موجود يمنا شلع قلع عمامي وبناتهم ولدهم وخالي
ابو ادم:ما دام الكل موجودين أنا عندي طلب يم ابو اسيد. وابو شاهين
ابو شاهين:ابشر بالتريدة
ابو ادم :الله يبشرك بالجنة احنه ناوين نخطب لـ مالك ومهدي ورايدين بنتك أسيل لـ مالك وأسيا لـ مهدي
ابو اسيد:نتشرف بيك وبيهم
ابو ادم:الله يعزك وانتَ حجي شني رائيك
الجد:يابوية الرأي الاول والاخير للبنات واحنه ما نلكى احسن منكم
ابو ادم:الله يحفظك اسئلوا البنات على راحتكم
الجدة:وادم يمتى يزوج
ابو ادم :والله حاولت ويا ما يريد هسة ومهدي ومالك يردون كلت ازوجهم وادم خليَّ على راحتة
الجدة:خليهم هوَّ وابن عمتة مدري شوكت يردون
ادم:بعد وكت نلحك نزوج ونخلف
الجدة :العمر يركض خايبين شمالك
علي:بعد وكت والله
امير:ياهو تاخذهم ينحملون همَّ ما ينجرعون
ادم:نشوف مرتك شلون تتحملك
امير:مرتي تتحملني أنا وين اكو مني
مهدي:انتِ نوع نادر من الكلاب
امير:عفية شني ولك ياكلاب مو اكوملك خليني محترمك
شوية ودخلوا ابو فؤاد وعائلتة هيج صلافة ما شايف حتى السلام مارديت همَّ كعدوا وأنا كمت طلعت سمعتة يكول
ابو فؤاد:جنه علي ضاح من جيتنا
ام فهد:لا خوية بس هوَّ عنده شغل وطلع
كعدت بالحديقة وحدي راسي دايخ وضايج من الدنيا والبيها بهاي صفنتي اجاني صوت امي وهيَّ ادكول
ام فهد:كوم ادخل جوا ليش كاعد هنا وحدك
علي:شعندي داخل للمغثة
ام فهد:احترم نفسك وكوم على الاقل احترمني اخوي
علي:يمه رحمة للحُسين اسكتي عني لا تخليني اكوم اسحلة سحل ترا روحي طالعة ماعايزج
ام فهد:وعلى شنو عصبي بلا امك أنا مو بنتك حتى تحجي وياي بهذا الاسلوب
علي:عوفيني من تشوفيني ضايج لا تحجين وياي حتى ماتسمعين مني كلام موحلو
الجدة:خير شبيك يمه
ام فهد:كتله كوم ادخل جوا انهد بيه
علي: ادخل جوا يم اخوج وابنة
الجدة:اهداء يبعد امك ماتسوا تعصب وانتِ عوفي الولد شتردين منه مايريد يكعد جوا خلي كاعد هنا
ام فهد:كاعد وحده ليش وكل ما احجي ويا هذا أسلوبة ولا عبالك امه
فؤاد:شكو شبيج عمه ليش تبچين
ام فهد:مابيه شي بعد عمتك
فؤاد:ابنج وياج مو حسافة تربيته بيك
نزعت النعال وشمرتة اجه ترس براس
علي:اجيك احطة بحلكك بالعرض ماعليك بشي افتهمت
ام فهد:ولك يمه بسك تشمر النعال وانا وجدتك واكفين
أمير:قناص بعد بيتي ترس بالراس
ام فهد:بسك انتَ
دخلوا جوا رجعت كعدت اجه امير كعد يمي
امير:شبيك
علي:مابيه شي
امير: ضجت من امي
علي:هه متعلم على امك عادي
امير:ماقصدها تضوجك تريد ترجع الكلوب بس ماتعرف شلون
علي:ياكلوب هاي اللي ترجعها
امير:تعرف ياكلوب
علي:خالك وابنه هذا ما اطيقهم لو مدري شيصير
سكت ماحجه شي وبعدين كل واحد راح لـ بيته صعدت لـ غرفتي ومرت الايام بهدوء امي ماتحجي وياي وأنا هم ما راضيتها
بليل بـ 2:35 بليل كعدت من كابوس مرعب بشكل مو طبيعي لـ درجة السبلت مشتغل وأنا كعدت اصب عرك
من بعدهي ماكدرت انام خلصت الليل بالصلاة وقراءة القران لـ الصبح من نزلت صارت بوجهي امي بدون مقدمات كالت
ام فهد: طلعت من كلبي يأبن كلبي
مافهمت كلامها شنو بالضبط ضليت صافن بوجها وهيَّ عافتني ونزلت لكن بعد ساعات عرفت القصد وليش وانصدمت وبنفس الوقت ضحكت
شكرا لزيارتكم عالم روايات سكيرهوم
