رواية عشك أل فراس الفصل الثالث والثلاثون بقلم زينب نور
قمر: سمعت صوت علي ارتاح كلبي الخوف اللي صرنا بيَّ بسبب كلامهم مو طبيعي طلعت أمي تصرخ وتلطم صاحوا عليها انُ ترجع ومن بعدهي طلعوا امي وكعت تلطم وتصيح راح ابني
رنا:عمه إهدائي كافي ماكو شي هسة يجون
ام مهيب:صخام بـ وجهي راح ابني منين اجتنا هاي المصيبة
لحد ما سكتتت بالف ياعلي صعدت لـ غرفتي تيلفوني يدك علي مباشرةً جاوبت احجي وأني ارجف لدرجة كلبي ضل يوجعني سديت التيلفون اخذت علاجي ونزلت بليل اجوا بابا واخواني كلهم حتى ليث وياهم
ابو مهيب:انتَ ليش ضربتة
ليث:تجاوز عليه
مهيب:السجين منيلك
ليث: عندي مالتي
مهيمن:عفية
ليث:خيولي عنده حظ واجت بيدة
غياث:خايب اكعد وانجب وبطل سوالفك
ورا فترة إنتهى الموضوع بـ كعدة عشائرية وفصل وخلص كُلشي مرت الايام بهدوء حياتنا حلوة وهادئة علاقتي بـ علي يوم عن يوم تقوى ويوم عن يوم يزيد حبي وتعلقي بـ علي ماكان حب عادي أبدًا
كنت مغرمة بـ علي
حبيته حب مينوصف ابددد
بعد فترة صار عرس اسر وصار طفل عند اسد وشاهين وصهُيب واسيل واسيا تزوجوا والحياة طبيعية حالنا حال كُل هاي الناس مهيمن صاروا عنده تؤام ريان وليان ولد وبنية ومهيب اجته بنية سماها قمر على اسمي وغيث وليث بعدهم ممزوجين وغياث غلق موضوع الزواج نهائيًا
بيوم من الايام كاعدين بالصالة اندك الباب كام ليث فتحة اجه كال
ليث:خطار يابه جدي فراس ولده والشيخ
ابو مهيب:كُل الهلا بيهم
راحلهم بابا حضرنا الضيافة
رنا:لازم عدهم شيء
رياهم : همَّ ميجون هواي لو عدهم شيء لو مناسبة
رنا:احم يمكن عدهم طلب
قمر:طلب شنو
رنا:اممم متدرين طلب شنو
قمر:يا لا والله
رياهم:ثول قصدها جايين يخطوبج
قمر:ياااعزااا لا ما اتوقع
رياهم:انجبي انتِ وتوقعج
ضلينا ننتظر على ما راحوا شفت تيلفوني مراسلني اجيت اجاوب سمعت بابا يحجي
ابو مهيب:خطبوا قمر لـ علي وأنا عني موافق وانتم بوية
مهيب:أنا هم موافق علي والنعم منه
ام مهيب:اسئل قمر
ابو مهيب:اكيد انتِ احجي وياها خاف تخجل مني باجر بليل لازم نرجعلهم خبر الولد يريد الخطوبة قبل لا يلتحق
ام مهيب:هسة اكوم احجي وياها
قبل لا تجي ماما طكيتها ركضة لـ غرفتي فتحت شعري وسويت نفسي امشط شوية وصعدت ماما وراها رنا ورياهم
قمر:ها هلا
ام مهيب:تعالي ماما اكعدي اريد احجي وياج
قمر:شكو
رنا:اكعدي بدون كلام زايد خلينا نحجي
كعدت وأني اسوي نفسي مااعرف شي
ام مهيب:ماما قمر انتِ كبرتي وخطابتج كثروا والبنية اول وتالي لـ بيت زوجها لو شكد متبقى يم اهلها وانتِ اسم الله على طولج كاملة والكامل الله واحنه نريدلج الستر ونطمئن عليج قبل لا نروح لدار حقنا ، اليوم اجه جدج ابو محمد وخطبج لـ علي الولد مابيّ نقص والنعم منه رايدج على سنة الله ورسولة ويردون الموافقة
سكتت ضليت صافنة بوجها صارت صُدك رنا ورياهم يأشرلي انُ احجي
قمر:الرأي الكم ماما بكيفكم
ام مهيب:لا ماما اريد اسمع منج اي او لا احنه ماراح نعيش ويا انتِ اللي راح تعيشين ويا طول العمر
رنا:احجي عنج شلون بلا عوفي الخجل شلعتي كلبي
ام مهيب:هههه ماما ابوج ما اجه يحجي وياج لان يدري تخجلين اني احجي لتخجلين مني احجي
رياهم:ولج احجي عااد
قمر:ياا موافقة ماما
ام مهيب:الله يسعدكم
طلعت ماما راحت رنا سدت باب الغرفة ورجعت كفختني على راسي
قمر:ااخخ شبيج
رياهم :ليش متحجين فتيتي كلبييي كولي موافقة
قمر:انجبي انجبي اني خجولة
رنا:تدرين عبالي هذا على كولت بيبيتة ابو عيون الملح يضحك عليج
قمر:انجبي شبيهم عيونة تخبل جنها العافية فدوة الهن
رياهم:ام راس من هسة ادافعلة لازم من باجر نبلش نحضر يبوي شنلحك اشتري ملابس الي ولـ جهالي والبيت من باجر نلبش وانتِ ناخذج لـ صالون
قمر:ما اروح اخاف
رياهم:اي مو بكيفج هيَّ
ثاني يوم رجعوا الموافقة وبلشنا بالبيت تنظيف كامل وبنات عمامي اجو ويانه وقبل الخطوبة بـ يومين رحت لـ صالون حفيت وجهي وحواجبي اجيت ابچي
رياهم:اوي يمه فدوة لـ عروستنا لج عايزة جمال انتِ راح تلزكين عين
ام الصالون:انتِ تخبلين عاد اللي ماخذج حلو لان أني اعرف حظ الحلوات حلوة وتاخذ مو حلو
قمر:لا كُلش حلو
طلبت تشوفة اجيت اخنكها بس كعدت طلعت صورتة شافتة كالت يجننن اكتفيت بالابتسامة رجعنا للبيت بيوم الخطوبة رحت من الصبح للصالون راحن وياي رنا وسارة بنت خالي عند غير صالون أني اول وحدها بلشت بيه
اني خطوبة وياي بعد تلاث بنات ثنين خطوبة ووحدها حنه
ام الصالون:والله ميحتاج مكياج انتِ تخبلين
قمر:اريد ابدل لون عيوني اخلي اسود
رنا:حتى الرجال يلزمج ويشنقج بالبدلة مالتج
قمر:ههههه عابت
رنا:عيونج حلوة عوفيهم عيني مكياجها خفيف ونازك لان البدلة لونها جدًا هادئ
ام الصالون :شفتها كُلش حلوة عاد يستاهل هذا الجمال
سارة:ان شاء الله يستاهل
وحدها من الكاعدات جاية ويّّ عروس كالت
"هوَ شنو يشتغل بس لا عامل هم
رنا:شبيَّ العامل خاله زلمة يشتغل بـ تعبة
"يا چا عامل اذا هيج
رنا:لا ضابط الولد
عوجت حلكها وسكتت ورنا متسكت ترد الكلمة الف وسارة هم مقصرت لحدما خلصنا المكياج صار يجننن
ام الصالون :الله يسعدكم يارب
قمر:يعمري انتِ رنا اتصلي عليهم خلي يجون ياخذونا
رنا:اتصلت على مهيمن كال شوية ويجيكم غيث
قمر:تمام
ضليت اخذ صور ورنا وسارة وياي لحدما اجهه طلعنا
غيث:من اجيت الشارع انسد كوة طلعت
سارة:ليش
غيث: سيارات كلها ضباط وشيوخ ناس كلش هواي
بسبب كثرت الناس ماكدرنا ندخل من الشارع الرئيسي اضطرينا انُ نفتر من غير شارع اول مادخلت البيت شافتني ماما هلهلت وبچت
رنا:ياعمه ليش تبچين
ام مهيب:دمعة فرح بنيتي صارت عروس
ام نمر:كلللللووووششششش مبروك يمه سبع سعادات
كعدت البنات ماقصروا بالركص شوية واجت رنا جابت تيلفونها صورت الناس
رنا:شوفي الشارع انسد
الشارع عبارة عن سيارات وناس كُلش هواي بيهم لابسين عسكري وبيهم زي عربي وبيهم زي رسمي واكفين برا مقربة التصوير رنا بس كُلش هواي ابد متوقعت هيج
رنا:اليوم امشي عليج الم كُل الزلم
قمر:هههه
قاطع كلامنا صوت التيلفون علي اتصل عليه جاوبتة وكال نص ساعة ونجي
توترت حيل شوية ودخلوا امة وعماتة وخالاتة والحجية والبنات كلهم حتى سحر وزينة وفرح
دخلوا بالهلاهل وبرا صوت الزلم عالي
رياهم:ها شبيج
قمر:توترت حيل احس حتى بطني ضلت توجعني
رياهم:طاح حظج عادي عادي من الخجل اهدائي
بعدني احجي ويَّ رياهم كالوا راح يدخل السيد علمود يعقدون شوية ودخلوا سمعت صوت السيد من سلم وكعد يمي علي والسيد كعد كبالي اشوف بس الرجلين وبابا وجدهم وابو فهد وبعد مدري منو ويمي بيبي زهرة وماما وام فهد فقط الباقي كلهم دخلوا لـ جوا
بدا السيد يحجي لحدما وصل لـ طلب الموافقة تلاث مرات يلا انطيت الموافقة ورجع سئل علي طول ماهوَّ كاعد يهز بالرجلة ابد ما ثبتت احسة متوتر مثلي بعدين طلعوا كلهم ورا نص ساعة او اكثر كالوا راح يدخل العريس سووا مجال دخل بكامل هيبتة واناقتة الابتسامة على وجهه والغمازة ابينه اجه كعد يمي
لبسني الذهب وكعد شوية وطلع واهلة كذلك ماطولوا بسرعة راحوا لان عدهم ناس من غير محافظات صعدت غسلت وبدلت بليل دخلوا خواني وبابا وعمامي كلهم تباركولي
ابو ازهر:ترا علي خوش علي ديري بالج عليَّ ماتلكين مثلة
ابو مهيب:هههه وقمر هم خوش قمر ماكو مثلها
ابو ازهر :ههههه الله يوفقكم ياعمو والله ثنينكم عزيزين على كلبي
بعد اربع ايام من الخطوبة التحق علي كل يوم احجي ويا بس سحر ياسحر ماكانت تتركني بـ حالي كُل ساعة حاضرتها من رقم وحساب وترجعلي
ورا فترة كاعدة بالحديقة ويمي رنا والجهال يلعبون يمنا وماما ورياهم راحوا لـ سوك وبابا والولد مثل العادة دوم طالعين سمعنا صوت رمي كُلش قريب بالمنطقة وصراخ نسوان طفرت للباب فتحت الباب انصدمت بالمنضرر لـ درجة كنت لازمة الباب بيدي من الصدمة تركته
قمر:شمسسسس
المنضر اللي صار كدامي مو طبيعي عبارة عن دم اسيد كان مخلي راسها بـ حضنة وبعدين شالها واخذها للمستشفى
رنا:اهدائي قمر
قمر:ماااتت والله ماتتت قتلوهااا قتل
رنا:كومي خلي نروح يارب دخيلك
فوك ملابسي لبست عباية وطلعت والجهال خليناهم بالبيت وهمَّ عاقلين ويمهم يوسف
ام اسيد كانت تلطم واللي يشوفها يكول بنتها اللي راحت عشنا على امل أنُ راح تعيش لكن للاسف إنتهى هذا الامل من خابروا وكالوا البنية توفت بنفس الساعة !!
كانت صدمة وشيء جدًا صعب شنو شافت من حياتها راحت وتركت وراها طفل صغير ميفتهم شيء وميعرف شيء غير كلمة ماما وبابا !!
شنو ذنبها وتنقتل ؟ كُل الذنب انُ زوجها كان حقاني لا قبل بالتزوير ؤلا بشيء
ايام وليالي عشناها صعبة ودخل الخوف قلوب الكُل ممكن يرجعون مرة ثانية شمس ماكان فقدها سهل أبدًا
حال امها يبچي الصخر واسيد حيل تعبان ومُتيم يفتر بين النسوان ويباوع بالوجهه حتى يلكي امة يدور عليها وهوَّ يبچي ويردد ماما ماكان بيدنا شيء غير الكلام والبچي
بعد وفاة شمس بـ اربع أشهر
علي: شبيج انتِ أنا شدخلني
قمر:شلون شدخلك مو أسيد عنده قضية وانتَ كذلك نفس القضايا
علي:ياقضايا شبيج بابا قانون هو لو لعب
قمر:عليي ترا ثنينكم بالهواء سوا
علي: سدي الموضوع احسن ما نتعارك
قمر:ما اسد الموضوع الا تحجي ذول شنو سالفتهم وليش انقتلت شمس بهل السهولة هاي وشنو القضية اللي مستلمها انتَ وهسة تحجي
علي:ماعندي وقت احجي بالدوام وروحي ماطايقها عود من ارجع للبيت ذيج الساعة يصير خير
غلق التيلفون بوجهي ماشي ياعلي ماشي يصير خير
من يوم اللي انخطبنا ماما منعتني انُ اروحلهم ادكولي ميصير ترحين لـ بيت خطيبج
بيوم من الايام الكُل انجمع يمهم عمامي كذلك موجودين فـ كدرت اروح
قمر:اخوج وين
شهد:اجه من الدوام ونام وكال لحد يكعدني لان تعبان
سكتت ضلوا يحجون كلام عادي كانت عزيمة للكُل وأني كاعدة اجت زينة كالت بصوت خافت بس أني سمعتها
زينة:قمر علي بريدج فوك ضروري
أستغربت شيريد باوعت عليها بـ استغراب والف شغلة اجت براسي كمت وياها وخفت من امي لان كالت من نروح لا ترحين ابد ضلي كاعدة يمي نسيت كلامها وكمت راحت زينة لـ غرفة البنات وأني رحت لـ غرفة علي دكيت الباب ماكو جاوب
رجعت دكيتة مرة الخ كذلك ماكو جاوب فتحت الباب ودخلت وياريت مادخلت
علي نايم وسَحر منضر مقرف لـ درجة مو طبيعية ضليت صافنة عليهم سَحر ضلت تبچي هوَ يباوع عليها ورجع يباوع عليه
علي:قمر
قمر:الله ياااخذككك وياخذني
دفع سَحر واجه مباشرةً الي بسرعة
علي:اهدائي والله
قمر:ولاااا حرررف ولا كلمةةةة شتريدددد تحجيييي بعدددد
علي:افهمييي السالفة يابنت الناس ولا تحكميننن من البداية
قمر:لككك شحككممم مو هذا كلشي كدامي شتريد تحجي بعددد فهمنييي شنوووو
علي:لا تاخذينا بالصوت العالي ماادري بيها
قمر:ههههه متدري سودة عليه تتهنون عيني تتهنون
نزلت وهوَّ يصيح وراي بدون ما احجي شيء طلعت لـ بيتنا مااعرف شنو كانت حالتي او شكلي طلعت لـ بيتنا ابچي دخلت لـ غرفتي منضرهم صعب
ليشش علقتني بيك ليش وصلتنا لهاي الحالة ليششش
صرت الطم على وجهي بدون وعي
أني حبيتهه ليش هيج سوا بيه
شنو ذنبي شنووو بشنو قصرت وتروح لـ هاي
باب الغرفة مقفول سمعت صوتة دك الباب حيل سحبت نفسي لـ احد زواية الغرفة ولميت نفسي وصرت ابچي بدون صوت
علي:افتحيييي الباب لا والله العظيم اكسررةةة
ماجاوبتهه ضل يضرب على الباب لحدما مدري منو اجه وراح هوَّ من التعب مديت نفسي بالكاع وأني اشهك وابچي واردد ليش ليش لحدما غفيت كعدت لكيت نفسي بـ فراشي كعدت بليل
راسي يوجعني حيل عيوني احسهم مغوشات كلبي يوجعني جسمي كله يوجعني كمت غسلت وجهي كوة تذكرت شصار وتذكرت المنضر رجعت ابچي شفت تيلفوني شكد متصل وداز رسائل حضرتة حضر تام
دخلت عليه امي وأني ابچي
ام مهيب:لا تبچين ماما خيولي يروح فدوة لـ دمعة عينج
قمر:ليش هيج سوا ماما ليش
ام مهيب:خيولي ماما ميستاهلج كافي تبچين
صرت ابچي يوم عن يوم يزيد وجعي والمنضر ميروح من راسي ابد بيوم كعدت الصبح واخذت قرار نهائي
العصر اخواني وبابا طالعين وماما بغرفتها بس رنا ورياهم بالصالة
رنا:وين رايحة
قمر:خمس دقايق واجي
بدون ما اسمع جاوبهم طلعت رحت لـ بيت الشيخ اول ما دخلت لكيتة كاعد بالحديقة يشرب جكاير نزلت دموعي مسحتهم بسرعة ورحتلة هوَّ بس شافني فز من مكانة
قمر: قبل لا تحجي ايييي شيء ولا اريد اسمع منك شيء كُلشي واضح وكُلشي صار كدام عيني لا تبررر كرهتك حيل صرت ما اطيق اسمع صوتك ولا اشوف وجهك كرهتك شكد ماتصور بكد حبي الك قبل كرهتك هسة اضعاف كُلشي انتهى بينا ودير بالك تحاول تستخدم قوتك دير بالك
سحبت ايدة نزعت الحلقة وخليتها بيدة
قمر:كرهتك هاي حلقتك وتعال اخذ كُلشي جبتة الي ما اريدك بعد ولا أريد شيء منك روح لـ سَحر اللي فضلتها علية انسى قمر بعد هه يا محترم
تركتة واجيت امشي استوقفني كلامة
علي:انتِ كرهتيني بس أنا بعدني احبج وراح ابقى احبج وتحرم عليه نسوان الدنيا كلها بعدج انتِ ضالمتني ولا تنطين فرصة افهمج الموضوع بس بالاخير تبين راح ابقى احبج الى اخر لحظة بـ عمري يا ضي عيني
نزلت دموعي طلعت لـ بيتنا وأني ابچي
رياهم:وين رحتي وين رحتي
قمر : فسخت الخطوبة ومن يجي بابا خل يروح يكولهم كُلشي انتهى بينا
رنا:ياروحي الله يعوضج بالاحسن
صعدت لـ غرفتي وأني ابچي ثاني يوم بابا رجعلهم كُلشي ورسميًا كلشي بيني وبين علي انتهى مرت ايام وليالي على نفس الحال بيوم اندك الباب سمعت صوت راهب مانزلت شوية واجه يوسف
يوسف:قمر يردونج جوا ضروري
كمت لبست شالي ونزلت لـ جوا
قمر:ها
رنا:راهب يريدج بالاستقبال
قمر:يريدني اني
رنا:اي ويمه عمتي
هزيت راسي ودخلت سلمت وكعدت
راهب:بدون ما اطول عليكم أنا جايج اكلج هالكلام الج ولكل واحد واكف وياج على غلطج
قمر:غلطي ؟!
راهب: اي ، شوفي أنا عندي علي خط أحمر هوَّ النفس اللي يصعد وينزل هذا روحي من الدنيا وما اسمح لـ اي شخص يأذي ولو بـ كلمة وحدها علي بـ عمرة ما كان خاين ولا عمرة غدر شخص علي لو تفترين الدنيا كلها ماتلكين شخص يحبج ويصونج مثلة سَحر سوت فلم وخلت علي بـ نص وانتِ صدكتي
قمر:أني شفت كُلشي بعيني
راهب :شنو شفتي ؟ ها شفتي سَحر بـ منضر موحلو ويم علي بس علي شنو هم مثلها مو كان نايم ؟ صح لو لا جاوبي كان نايم وكعد على صوتج انتِ فز من نومتة ما فاهم شي
ام مهيب:جاي ادافعلة
راهب:اي عمه جاي ادافعلة لان كلكم ضدة وهوَّ ماغلطان انتم بدون ما تفهمون شيء انتِ دمرتي علي دمرتيييي دماااررر عليَ مرتين يوصل الموت بسببججج وبسبب حبه الج شنو ذنبة اذا وحدها بربوك ذبت عليَّ هيج سالفة وانتِ حضرتج صدكتي وبدون ما تنطي فرصة يحجيلج
قمر:شنو يحجي راهب شنو يحجي كلشي صار كبالي
راهب:كافي قمر كاافي من هذا الكلام الفارغ كلشي ماشفتي وكلشي ما افتهمتي لا تحكمين على الكتاب من غلافة بس الضاهر انتِ ما تستاهلين حب علي الج وماتحبينا واجتج حجه
قمر:كفااكك من هذا الكلااام أني هسة طلعت ما احب عليييي منو يتحمل اللي شفتههه فهمنييي منوو
راهب: انطي فرصة لـ علي يفهمج اللي صار واسمعيني زين انتِ وامج وكل واحد يأيدكم على غلطكم وعيون علي وداعت كل دمعة نزلت من عينة وحق من خلقكم اذا صار بـ علي شي ما تخلصون من شري والله العظيم اخليكم ماتعرفون نهاركم من ليلكم اندمكم بكد شعر راسكم واكثر احرك اخضركم كبل يابسكم..
تركني بـ صدمتي وطلع عبارة عن بركان كعدت مصدومة من كلامة دموعي تنزل بـ هدوء تعبت ياربي والله تعبت اللي شفتة مو قليل واللي صار مو قليل يارب طلعني من كلبة وطلعة من كلبي
.................................
ريم: شهد
شهد:هااا
ريم:وحمسااا كومي مو تردين ترحين لدوام
شهد:لالا بطلت ما اريد اداوم عوفيني
ريم:كومي لا اصيح امير
شهد:لااااا كُلشي ولا امير كمت ولا يخلون الواحد ينام
ريم:ديلا كدامي بسرعة
نزلت لـ جوا طلعوا الولد للدوام واحنه بدينا انظف ونكمل شغلنا
وردة:ريم شوكت عمليتج
ريم:العصر اروح لـ دكتورة وتحدد الموعد
رسُل:شكد الج بالتاسع
ريم:تلاث ايام
رسُل:بس مو بعدج
ريم:العملية مطول يمعودة
رسُل:أني خلوني اطلك يلا حولني عمليات حقيرات يمه شصار بيه
ريم:من شفتج خفت وحلفت ما اجيب الا عملية
رسُل:ثنينهم تعب
ريم:على الاقل اكعد اشوف ابني يمي
وردة:والله صح
خلصنا شغلنا العصر بـ 4:00 رحنا للدكتورة حتى نرجع بسرعة
الدكتورة :الثلاثاء عمليتج بـ7:00 بليل
طلعت من يمها كان يوم احد يعني باقي على عمليتي يوم واحد مريت على السوك كملت غراضي ورجعت للبيت حضرتهم
امير:راح يجينا لغوة ثالثة
الجدة:الله يكثرهم خير وبركة بالبيت
امير:يابركة ياخير غير لغوة محد يجرعهم
ضلوا يتعاركون هوَّ وبيبي بليل صعدت لـ غرفتي صرت ثكيلة حيل كوة امشي
صهُيب:اجت جنها بشة
ريم:غير اخبل
صهُيب:وين اكو بـ جمالج روح كلبي
فتحت الثلاجة طلعت عصير وكعدت اشرب
صهُيب:من اكول بشة ما ترضى
ريم:والله بارد يخبل وهذا ابنك من هسة تعبني غير يجي
صهُيب:فديتة ياخذ ثاري
ريم:ياثاررر
صهُيب:نيتج وصخة اقصد ثاري من شلعتي كلبي تكمزين عليه ماريدك وماريدك اكرهك المغرور وشابعتني انواع واشكال الحجي
ريم:ههههه ممجذبة فد مغرور
صهُيب:غير تموتين على المغرور انتِ
خلصناها عرك لـ 2 نمنا اجه يوم الثلاثاء كعدت من الصبح بـ 6:00
صهُيب:العملية بالسبعة شكو من هسة
ريم:كوم روح نام يم امير اريد انظف الغرفة
صهُيب:وين اكو مراة بيوم ولادتها تنظف الغرفة
ريم:اكو أني
صهُيب:وين اكو مثلج انتِ بوية موزين عليج عوفيها والعباس نظيفة مو قبل كم يوم نظفتيها كلها حتى أنا نظفتيني
ريم:اي عادي هم ارجع انظفها
صهُيب:ماكو فايدة احجي ويَّ روحي
كام غسل واجه وياي ماتركني وحدي خلصت تنظيف بـ 10
صهُيب:هوَّ هذا اللي يصير نادر يطيح حظة يعني هسة شبيها الغرفة لو حيل زايد
ريم:دير بالك على نفسك خاف اموت والغرفة مو توصخها واذا تريد تزوج مو تحطها بـ غرفتي وابني دير بالك عليَّ
صهُيب:ادفرج دفرة هسة اطلع ابنج من حلكج امداج
غماني وراح للحمام يسبح ضحكت ولبست شالي ونزلت لـ جوا
ريم:صباح الخير
الكل:صباح النور
الجد:ها بوية اليوم العملية ان شاء الله
ريم:اي ان شاء الله
الجدة:ياهيَّ تروح وياج
ريم:ماما وعمتي غير
ام فهد :اي يمه
شهد:اروح وياكم
امير:المن تصيحين بدل اللي تطلك
لـ 6:15 رحنا راح ويانة الشيخ لان كان موجود على ما سووا الاوراق وكملوا كُلشي لـ 7 دخلت للعمليات مادري شكد مر الوقت وكعدت
ريم:ماما هم حجيت شي
ام جاسر:هههه لا ماما ساكتة
ريم:الحمدلله جنت خايفة من هاي
جابوا الطفل دخلوا صهُيب والشيخ
الشيخ:اللهم صلِ على محمد وال محمد الله يحفظك ياعمو
اجه جدو وبابا وعمو وجسار سلموا راحوا بقى بس صهُيب يمي وماما ثاني يوم طلعنا للبيت
ومرت ايامنا بهدوء تام بعد عدة اشهر كاعدين بالحديقة وكانت يمنا شمس كالت
شمس:راح اشوف مُتيم واجي نايم بالبيت خاف يكعد
راحت واحنه ضلينا كاعدين سمعنا صوت الرمي طلعنا بسرعة شمس كانت سابحة بـ دمها المنظر كان صعب على العين حيلللل
شحجي قليل ذاك اليوم ابد مينسي يوم جدًا صعب علينا كلنا
ورا اكثر من شهرين من وفاة شمس
صارت مشكلة قمر وعلي
ابو فؤاد:تزوج بنتي لو اقتلها موت
علي:انعل ابوك لابو حتى بنتك
ابو ادم :لا خالي لا خليلي الحشيمة
علي:اخوك وبناتة ماخلوا حشمة نايم وتجي تحط روحها يمي هاي بنت بيوت بنية متربية هاي
سَحر بـ دموع:جذاب والله العظيم جذاب
علي:ك*** شتوقع منج مثلًا
ام فهد:كااافييي السانكككك
الوضع كان جدًا متوتر بالبيت وخاصةً بعد ماقمر فسخت الخطوبة ونهوا كُلشي وجدو وعمامي وابوها واخوانها كانوا واكفين ويَّ قمر ومحملين علي الذنب والخطأ
اكثر من مرة يوكع كُلش تعب بشكل مو طبيعي
علي:يابويه افهمني رحمه لـ الله
ابو فهد :شفهمك ولك البنية بعد ماتريدك وسَحر اخذها ماكو غير حل شنسوي يعني
علي:سَحر ما اخذها لو شيصير وقمر اول وتالي تعرف الحقيقة بس انتم انطوني فرصة اشرحلكم ليش واكفين ضدي
ماكان الكلام يفيد أبدًا مر اكثر من شهرين على نفس الحال ماكان بيدنا شيء
..............................
علي: بعد وفاة مرت اسيد انشغلت بـ نفس القضية الى ان وصلنا الى القاتلين أسيد كانت حالتة تعبانة أنا سلمتهم للقانون وطلعت منها بعد
رجعت للبيت وأنا حيلي مهدود من التعب واذا اتعب حيل وانهلك الى هذا الحد من انام ما ادري بـ بشيء ولا حتى احس مثل العادة لان طبيعتي نومي خفيف بسرعة اكعد
الكل جان يمنا كتلهم لحد يكعدني أنا اكعد وحدي لان ادري بنفسي اذا كعدت وأنا ما شابع نوم انسطر حسيت شخص يمي بس ما اهتميت كملت نومتي الى ان فزيت على حركة وصوت قمر
ضليت مصدوم قمر واكفة وسَحر يمي تبچي مااعرفت شنو الموضوع او حتى ما انطت فرصة احجي كالت اللي عدها وطلعت رجعت لـ سَحر
علي:بنت الكلب شسويتي
ضربتها راشدي ونزلت مباشرةً ورا الطركاعة العندي
الجد:شبيها قمر
علي:مابيها شي
طلعت وراها على. ماوصلت دكيت بالباب كسرته وماكو صوت رجعت للبيت حركت التيلفون حرك وماكو وكلها تسئل وما اجاوب رجعت لبيتهم اهلها موجودين حتى ما اهتميت كسرت الباب ودخلت لكيتها نايمة بالكاع ما اهتميت منو واكف ولا لـ كلامهم ولا صوتهم العالي شلتها خليتها على فراشها
وطلعت من بيتهم حاولت كُلش هواي انُ احجي وياها بس ماكو فايدة
كلهم من عرفوا الموضوع صاروا وياها سَحر اختفت بعد ماشفتها
والكُل صار ويَّ قمر ضدي رحت يم راهب ونمر
راهب:اهداء والله كلشي ينحل
علي:ياهدوء هذا راهب تخبلتتت عليه فد مرة ومحد يرضى يسمعلي كلهم وياها كلها صارت ضدي
نمر:احنه وياك بس اهداء لا يصير بيك شي شوف حالك صارلك يومين لا نايم ولا ماكل
علي: مو قليلة والله مو قليلة حاطين بركبتي ذنب أنا ما مسوي وهاي البربوك بنت البربوك حطتها براسي
راهب:كلشي بالاخير يبين فترة وراح تعدي
مر شهر على نفس الحال حضرتني جدي وابوي قافلين شدكول قمر هاي هيَّ حتى بوجهي ما يباوعون وتعال تزوج سَحر من خرا بـ سَحر
علي:والحسن تعبت راهب تعبت مابيه حيل بعد لهنا وخلص حيلي انتهى محد يسمعلي محد يفهمني
ماكان بيده شيء رجعت للبيت كعدت بالحديقة الجكاير صارت ما تفاركني اجت قمر فرحت بـ شوفتها بس الفرحة ما دامت
صدمتني بـ كلامها وكسرتني حيل حطت الحلقة بيدي وراحت
انتهى كلشي كان الامل بـ جدي بس رفض كال ما اكدر اجبرها بليل انتهى كلشي بيني وبينها
طلعت من البيت الدنيا مسودة بعيني بيبان الدنيا كلها انغلقت بوجهي وكفت اشرب جكاير وراهب يمي نمر كان بالدوام
راهب:كافي جكاير
علي:اوف ياراهب اوف المتعوب دوم يبقى متعوب بكلشي ماعندي حظ
باوعت عليَّ وتنهدت هنا ماكدرت الزم دموعي نزلن دموعي خليت راسي على جتف راهب
راهب:افااا علي تبچي علمود مراة
علي:كسرتني هالمراة راهب كسرتني ماجنت متوقع هيج ماجنت راسم هيج بالي ايد حب اكثر من 9 سنوات ينتهي بهل السهولة والله صعبة
راهب:والله ترجعلك وهيَّ إللي ندمانة
علي:شيفيد الندم مدكلي شيفيد
راهب:كول يالله
شمرت الجكارة من ايدي حسيت راسي افتر اخر كلمة سمعتها من راهب
راهب:علي ولك خويه شجاك
كعدت لكيت نفسي بالمستشفى
نمر:كعد علي
راهب:الحمدلله على السلامة يمعود چا هيَّ هيج
ضليت كم ساعة وبعدهي طلعت بيدي كانونة وصلت للبيت صارت بوجهي امي شافت الكانونه لطمت خدها وكالت
ام فهد:يمه شبيك
علي:تعبان
بدون ما اسمع جاوبها صعدت لـ غرفتي بس استوقفني صوت ابوي وجدي
الجد:ضلمنا البنية من خطبناها اله
ابو فهد : احنه شمدرينا هيج راح يصير غير كان يتخبل من سَحر
الجد:راح يخبلني هالولد
ابوفهد:مدري شوكت يكبر ويصير الزلمة
اخر كلمتين لـ ابوي كسرني كسر فوك ما مسدودة بوجهي انسدت اكثر اقرب الناس الي هيج يحجون وما مصدكين بيه صعدت لـ غرفتي دخلت وسديت الباب وكلامهم وكلام قمر وكل كلام كسرني اجه براسي
كعدت مهدود حيلي رفعت راسي اجه كبالي المسدس الشخصي مالتي على الميز مخلي من ذيج السالفة ولليوم نفس مكانة لان موصيهم من تنظفون لا تحركون شيء من مكانة
كمت اخذت المسدس هوَ هذا الحل الوحيد لـ راحتي أنا ما ارتاح بس بالموت خسرت الدنيا وهاي الاخرة هم راح اخسرها
بس تعبت مابيدي شيء بعد هذا حدي وهذا حد صبري وهذا حد تعبي وحيلي لهنا وخلص
سحبت اقسام وخليت المسدس براسي نطقت الشهادة ورميت
