رواية قلب واحد لا يكفي الفصل الرابع
حامل منو كمان...وتقوليلي مفيش بنكم حاجه يا وا،طيه يا خاينه
امها اتصدمت بحالتو وملك بقت تصرخ وقالت برعب..اتصلي بعزه يا ماما اتصلي بيها بسرعه
امها كانت مرعوبه ولسه هتتكلم اتفاجأو بعزه ورعد واسراء جاين وراهم ومسكو نبيل من ورا وعزه خدرتو بسرعه قبل ما يشوفهم ووقع على الارض
ملك نزلت على الارض جمبو وبقت تبكي وهيه بتقول...نبيل..حبيبي...نبيل رد عليا..انتي عملتيلو ايه
عزه قومتها بحزن وقالت..متخافيش هو تمام والله ده مخدر زي الي قولتلك تستعمليه مش هيأذيه ابدا
امها صرخت وقالت ..يا خرااااابي منك..يا مصبتي هتشليني..هو لسه مجنون..وكمان زعلانه عليه ..ده كان هيموتك قدام عيني..ده انا انهارده هطلع عينك وعين اسراء.
اسراء قالت بخوف..واسراء مالها بس
امها قالت..مالها..استني عليا لما ندخل البيت هعرفك مالها كويس
عزه قالت..لا اهدو يا جماعه وانتي يا طنط انا هشرحلك كل حاجه
رعد دخل نبيل الشقه عند ام ملك ودخلو كلهم وابتدت الدكتوره عزه تشرح لام ملك كل الي حاصل والي طبعا كان صعب عليها تستوعبه
ام ملك اتنهدت وقالت..يا عيني يا نبيل صغير على الجنان يا ابني..على العموم كل الي قولتيه ده ميخلنيش اغامر ببنتي ملك هتفصل معايا هنا وهو لازم يطلقها
عزه قالت...يا طنط ما هو لو طلقها عمره ما هيخف ارجوكي احنا بدأنا وبنتقدم
امها قالت ..بتتقدمي ايه يا اختي ده من شويه كان هيطلع روحها قدامي بصي يا عزه انا عارفه انك دكتوره وفاهمه..بس دي بنتي وانا خايفه عليها
ملك اخيرا اتكلمت وقالت..بس انا حابه اقف مع جوزي في ازمتو يا ماما...ارجوكي..انتي كمان وقفتي مع بابا في مرضه ومرضتيش تسبيه ابدا رغم كل الي اتقلك
امها اتنهدت وقالت..ابوكي الله يرحمو كان مريض بورم..وده مبيأذيش حد يا بنتي انما جوزك اتجنن يا ضنايا مينفعش
واستمرت محاولاتهم بس قدرو بعد مجهود يقنعوها بالموافقه لفتره قصيره جدا ولو محصلش حاجه هتطلب الطلاق
بعد شويه نبيل فاق وهو ماسك دماغو وبيبص حواليه اتفاجأ انو في بيت حماتو قعد بسرعه وقال بتوتر..هو فيه ايه..احنا هنا ليه
اسراء بصتلو بزهق ودوقالت بسخريه ...ابدا ماما عندها شويه غسيل كنا بننقعهم متشغلش بالك
نبيل اتنهد لما اتريقت كده لان اكيد عمل بلوه تاني وقعد محرج جدا وقال..احم..ازيك يا حماتي
ام ملك قالت..اهلا يا حبيب حماتك وبنت حماتك ايه يا خويا احسن دلوقتي
نبيل حمحم بحرج وقال..اه...كويس..هو..هو انا عملت ايه تاني
رعد ضحك وقال..ولا حاجه يا عم متشغلش بالك معملتش حاجه..دول بيهزرو معاك
عزه اتنهدت وقالت..لا مبيهزروش للاسف يا نبيل انت من شويه كنت بتضرب ملك في الشارع لان للاسف والدتها قالت قدامك انها حامل
نبيل غمض عنيه بحزن وقال .انا ..انا قولتلكم الموضوع ده مش هينفع خطر خطر يا جماعه محدش صدقني ووقف وهو دموعه بتنزل بحزن
ملك وقفت جمبو وحطت ايدها على كتفو وابتسمت ابتسامه جميله وقالت بهمس...مفيش خطر غير البعد عنك
نبيل بصلها بدموع وابتسم وهو بيبصلها بحب شديد وكانت بينهم نظرات جميله جدا قطعتها امها لما قالت...انتو بتتودودو في ايه..لا مهو مش وقت نحنحه
اسراء ضحكت وقالت..معاهاحق والله
رعد قال بغمز...عقبالنا.. يا مخيب امالنا
اسراء قالت بغيظ..ان شاء الله عقبالك تتجنن زيو
ملك قالت ...اسراء وبعدين
اسراء قالت ..حشوه عني لوعايزين تسلمو من لساني لان الشخص ده مخليني اكره اختو بسببو واكره جوزك لمجرد انو صاحبو
رعد ضحك وقال..ليه بس هو احنا علشان بنحبك بتبيع وتشتري في هوانا
اسراء ابتسمت بغيظ وقالت...ما بالاش اللون ده معانا وهوب خبطتو بطفاية السجاير الي جمبها
رعد قال بألم...ااااااه...يا بنت المجنونه
ام ملك قالت بفخر...فعلا بنت امها
ورغم انهم زعلانين وخايفين على ملك لاكن بقم يخفو عنهم وفضلو يهزرو سوا لحد الليل
بالليل نبيل كان ماشي وملك راحت معاه لحد باب البيت وقال...هبات لوحدي تاني انهارده...بتوحشيني قوي
ملك ابتسمت وقالت..انت كمان يانبيل..بس عزه واثقه ان الفكره دي هتنفع ان شاء الله..سامحني يا نبيل كل الوضع ده بسببي من الاول
نبيل ابتسم وقال..ده قدر يا ملك..لا انتي ليكي ذمب ولا انا كمان..بس الحمد لله انا محظوظ بيكم قوي..ربنا وقف معايا بوجدكم كلكم جمبي ومسك ايدها وقال..احم..هو احنا مينفعش نروح حبه ونرجع تاني
ملك ضحكت جامد وقالت..امشي يا نبيل يلا روح.. انت في ايه ولا في ايه..يلا امشي
نبيل ضحك ومشي وملك وقفت وبقت تشاورلو وجات اسراء وقفت جمبها وبصت لهم بقرف وقالت...مش قادره هرجع والله...انتو ازاي بتستحملو العلاقات الملزقه دي انا هطق
ملك ضحكت وقالت..انتي اسكتي يا معقده انتي
في صباح يوم جديد نبيل اول ما قام من النوم افتكر الي حصل مع ملك وان امها قالت انها حامل من نبيل قام لبس بسرعه وهو هيتجنن من الغضب وراح على بيت ملك
ملك كانت طالعه من البيت ولابسه هتروح الشركه واول ما شافت عاصم اتوترت وحاولت تقوي واول ما نزل من العربيه قالت بسرعه..كويس ان حضرتك جيت كنت جيالك اقدم استقالتي
نبيل بصلها بغضب ولسه هيتكلم ملك قالت...شوف يا استاذ عاصم انا مش مضطره اشرحلك حاجه بس هقولك علشان انا مقبلش حد يشوفني بطريقه مش كويسه...انا والدتي مريضه...كان عندي اخت واتوفت وهيه حامل ومن وفاتها كل ما تشوفني انا او اختي تقول اننا حوامل
نبيل كتف اديه بغضب وقال ...لا والله..وانا هصدقك كده..وايه عرف امك بنبيل بقى
ملك قالت بسرعه..جوزها..جوز اختي اسمو نبيل انت افتكرت انو نبيل اخوك..واتصرفت معايا بطريقه وحشه وقولت كلام غريب بتخونيني ومش عارف ايه انا لسه عرفاك امبارح ازاي تقولي كده
نبيل لسه هيرد طلعت امها وقالت...ايه ده كوثر يا حببتي انتي جيتي...انا زعلانه منك ازاي متقولليش انك حامل يا بت
ملك قالت ...انا ملك ياماما ملك يا حببتي
امها قالت بتمثيل..ملك..ملك مين...اااه ملك بنتي حببتي...روحتي زورتي اختك اختك حامل و...مين ده ..مش ده نبيل جوز اختك
ملك قالت..لا يا ما ده مش نبيل ده عاصم مديري في الشغل روحي انتي يا ماما وانا هعدي على كوثر وهسلملك عليها يلا يا حببتي
امها طلعت فوق وكانت عزه واسراء بيتابعو الي بيحصل
نبيل اتنهد وقال..انا..انا اسف..احم..مكنتش اعرف انها مريضه..اصل انا عندي مشكله في الثقه..وكمان بتجيلي شويه تهيوئات اكيد مش هتزعلي مني من اول يومين بنا
ملك قالت..والله انا كنت ناويه استقيل بس مدام حضرتك اعتذرت ..خلاص مسمحاك..اصلا معرفش ليه مش عارفه ازعل منك
نبيل انبسط جدا وقال وانا مش هزعلك ابد...صدقيني مش هنزعل خالص وانا هصالحك دلوقتي يلا بينا
ملك قالت ..على الشركه
نبيل قال بفرحه..لا ابدا..هنتفسح يلا... واخدها ومشي بيها واسراء وعزه دقو كفوفهم بفرحه وعزه قالت ممتاذ كده مش فاضل غير ان ربنا يسترها لحد ما يتقدم لها
و استمرت الايام نبيل كل ما يقوم بشخصيه عاصم يجري على ملك واتعلق بيها جدا وهيه كانت بتقولو انها مرتاحه معاه وديما تفهمو انها بتكره نبيل ومش بتحب تشوفه وكان ده المطلوب..لحد ما جيبه اليوم المنتظر ونبيل جهز خاتم وعزم ملك على العشا علشان يتقدم لها
ملك كانت مبسوطه جدا لان كده كل حاجه هتبقى تمام زي ما عزه قالتلها...كده هتقبلو بدال ما ترفضو وهو هيحبها ويثق فيها وينتهى كل شئ
بس الي حصل غير كده خالص ودمر كل التوقعات اول ما ركبت العربيه مع عاصم طلع بيها من طريق غريب جدا غير طريق المطعم ...ملك قالت باستغراب..احنا رايحين فين يا عاصم
عاصم ابتسم وقال..رايحين نعمل اخر خطوه ..الخطوه الي هتخلينا مرتاحين طول العمر
ملك قلقت ومبقتش فاهمه حاجه بس اتصدمت لما لقتو وقف عند المكان الي خطفها فيه عاصم قبل كده واتقتل فيه
ملك قالت بتوتر..انت..انت جايبني هنا ليه يا عاصم
عاصم ابتسم وطلع علبه الخاتم وقال...تتجوزيني يا ملك تقبلي تتجوزي عاصم الي بيحبك اكتر من الدنيا كلها
ملك خافت جدا من المكان بس هزت راسها وقالت بفرحه مصتنعه..طبعا موافقه انا..احم..انا بحبك اوي اصلا يا عاصم
عاصم ايتسم بفرحه ولبسها الخاتم وهو مبسوط جدا بس اتحولت فرحتو لجمود وقال..لو بتحبيني فعلا...فاضل حاجه واحده تقدري تعمليها..الحاجه الي هتريحني وهتخلينا مبسوطين طول العمر
ملك قالت بتوتر..حاجه..حاجه ايه
عاصم نزل من العربيه ونزلها معاه وقال ...لازم نخلص منو...لازم يسبنا في حالنا...لازم تقتليه علشاني يا ملك وقتها بس هصدق انك بتحبيني انا مش هو
بقلم...زهرة الربيع
ملك اتسعت عنيها بزهول وقالت..اقتل..اقتل مين....
عاصم قال بغضب..نبيل..لازم نبيل يموت علشان نعيش مرتاحين ودالها مسدس وقال..هو زمانو على وصول..اقتليه يا ملك ..اقتليه لو بتحبيني..انا بعتلو رساله..وهو زمانو على وصول
ملك بصت للمسدس بزهول وقالت بخوف ...يا حلاوه..نبيل زمانو على وصول...يا حبيبي انت تسلملي دماغك
🤣🤣🤣تفتكرو هتعمل ايه ياعيني عليها
