رواية قصة خلف الفصل الرابع بقلم جمانه السعيدي
خلف...بقينا بلمستشفى اني وياسر
ونعيمه وسليمه رجعن اليتنا
خلف...اني ابقى يم امي وانت روح الابو نعيمه
اريدك اطيح حظه شنو بنيه خادمتهم ساكته وصابره
هيج يضربوها
لا والنوب متكاثرين عليها
ياسر...هسه شويه واروح علي اني ضايج عليها أكثر منك مو لان اخت نعيمه
بس خطيه يتيمه ليش هيج يسوون بيها
خلف...هلكد مامقهوره تريد تروح تكعد يم خوالها وتعوف بيت ابوها
وين اكو وحده ابوها عايش بلدنيا وتروح تعيش
بغير بيت
ياسر....اريد احجي ويااا ابوها
واشوف ليش هيج يعاملونها
خلف...اني اريد احجي وياك بموضوع مهم بلنسبه اليه
تعال هنا لا تسمعنا امي
ياسر...خير شكوووو
خلف...اني الصراحه حيل عاجبتني سليمه واتمنى اكدر اخطبها ونزوج بس ما لازمني عنها غير وضعنا المادي
ياسر...تحجي صدك تريد سليمه
خلف...احبها واموت عليها من اول يوم شفتها حبيتها
واخلاق نعيمه وتربيتها الحلوه خلتني اتمسك باختها اكثر
ياسر...يابويه تحبها وساكت
خلف...مااكدر احجي اعرف الضروف صعبه
ياسر....اول هسه نصلح بينها وبين ابوها ونرجعها للبيت
وبعدين اني احجي ويا ابوها
على الاقل يعرف احنا نريدها
هسه اذا حجيت ويا ابوها راح يرفض
هسه يكول اكيد اكو شي بينها وبين خلف خلاها تنهزم من بيتنا
اكيد يكول همه جاي يشجعونها تسوي مشاكل
لان تعرفهم يردوها
خلف....اي كلامك صحيح جمانه السعيدي
ياسر...اوعدك بس تطلع امي سالمه اني احجي وياا ابو نعيمه واحجزلك سليمه
واذا كلش اتقرض فلوس وازوجك
احجيلي الصدك اكو كلام بينكم مواعدها بشي
خلف...ابد كلشي ماكووو احبها وساكت منتضر الضروف تتحسن شويه
خلف..بقيت يم امي وياسر راح البيت ابو نعيمه
باسر...الله يساعدك عمي
ابو نعيمه...هلا بيك سليمه عدكم
ياسر...اي عدنا عمي ليش هيج كاتلينها بالنعال ومسوين جسمها ازرك خطيه عينك عليها انت ابوها اذا مو انت تحميها منو غيرك يحميها
ابو نعبمه...خليها تولي جذابه لسانها شطوله وكحى
بس واحد يحجي وياها ترجع الكلمه عشره
الف مره كتلها اسكتي هاي مو مرت ابوج هاي امج
اسمعي الكلام واسكتي خل الدنيا تمشي بس مااكدرلها
ياسر...يعني تقبل زوجتك وولدك يكتلوها بلنعال يتكأثرون عليها وهي خادمتكم
ابو نعيمه....حيل بيها خليها تتادب
ياسر. .موهيج الحجي ترا هي امانه عدكم
لو امها موجوده مجان قرب عليها احد
ابو نعيمه....ترا انت ماتعرفها مثلنا سليمه وكحه كلش
ياسر...وهسه شنو الحل
ابو نعيمه...انت لا تدخل بتي واني اعرف اربيها
بشرفي لو يجي جلب من الشارع ازوجها واخلص منها
اني هم تعبت من المشاكل
اني رجال اطلع للشغل اتعب وانقهر اريد ارجع للبيت ارتاح
لو تلاكيني سليمه بطلايبها
ياسر.... ترا هاي بتك تتحاسب عليها
ابو نعيمه...البنيه مالها عدي غير اشبع بطنها واكسر ضهرها
جمانه السعيدي
ياسر...وهسه الحل شنو
ابو نعيمه .....هسه اخوها يروح يجيبها
ياسر...خليها يم اختها الباجر البنيه مقهور وجسمها ازرك من الضرب
ابو نعيمه...ماكو هسه اخوها يروح يجيبها ويجي
اريد اعلمها شلون تطلع من البيت وحدها
ياسر...الخاطري بس هلمره سامحها بعد ما تعيدها
ترا خطيه سليمه انت والزمن عليها
ابو نعيمه...شنو ناقصها تاكل وتشرب وعايشه بيت ابوها
خليها تخدم اخوانها
لو هم اخوانها ما تخدمهم
ياسر...وكون اخطبها الخلف شتكول اني شفت نعيمه
تربيه واخلاق واريد اناسبكم بعد
كون ترضا نقرأ الفاتحه ومن تصير امي زينه
اجيب مشيه واجيكم والي تطلبه اني حاضر علي
انت تعرف اخوي خلف ما يحتاج احجيلك عنه
اني ماردت اخطي هاي الخطوه هسه لان امي مريضه
بس انت جبرتني
هااا شتكول
ابو نعيمه...خاف اخوك عدا وياها شي ترا اكسر ضهرها كسر
ياسر. اخوي وين شايفها هي حتى متتجينا وكون تجينا اني وخلف مو بلبيت
بس احنا عاشرنا نعيمه ونعرف أخلاقها
وكون خوات ثنيين بلبيت احسن من الغريبات
البيت ماتصير بي مشاكل
من اوزج حسن لليوم بيتنا صاير جحيم زهره ونعيمه ما متفاهمات
هاا شكلت
ابو نعيمه...اريد وكت احجي وياا عمامها واشوف
شيكولون وارجعلك خبر
ياسر...تمام منتضرك خلي يجي واحد من اخوانها وياي
حتى يرجعها للبيت
جان رجعتها اني بس اريد اروح للمستشفى
ياسر.. اجا واحد من اخوانها وياي
واني طول الطريق كاعد اقنع بي يدير باله عليها لان اخته
وماعدها غيرهم
وصلنا ودخلنا للبيت
باسر...وينج سليمه هذا اخوج
طلعت عليه نعيمه وراها سليمه
نعيمه...رحت الابوي
ياسر...اي تفاهمت ويااا بعد ما يضربها خليها ترجع للبيت
نعيمه....ولله هذا حجي ابوي واعرفه زين هاي الشيطان ماتعوفه بحاله
ياسر...خليها تروح اني خطبتها الخلف بس نلم روحنا شويه نمشي عليهم
نعيمه...تحجي صدك الله عليك
ياسر...اي احجي صدك ليش اجذب عليكم
سليمه..من سمعت ياسر كال نخطبها الخلف فرحت
اي خل اخلص من اهلي واجي اعيش هنا يم نعيمه
يوم عيد من اخلص من مرت ابوي
طلعت سليمه وياا اخوها وياسر رجع للمستشفى
خلف...هااا رجعتها
ياسر...اي رجعتها حقها تشرد من البيت
ابوها شكد ضالم
خلف....اكو واحد.يشرد من بيت اهله اذا ماشايف الويل بيتهم
ياسر... ابشرك خطبتها اللك
خلف....تحجي صدك
ياسر...اي ابوها كال اخذ رأي عمامها وارجعلكم خبر
اني متأكد راح يوافق وين يلكه نسيب مثلك معدل
خلف...الله يبشرك بلخير والفرح
بعدها بيومين حيل اتازمت حالة امي الصحيه
ودخلنا كلنا انذار
خايفين عليها كطعت الاكل والشرب يومين كاملات
عايشه على المغذي
الحد ما سلمت روحها للباري
ماتت امي وعافتنا ولا عبالك كبار
احس نفسي طفل زغير ضايع بدون امه
جمانه السعيدي
نصبنا الفاتحه قبل الفاتحه جادر ينصب بلشارع
باب اهل الميت
والبيت يعوفو للنسوان تجي تعزي بي
البيت من بعد امي صار خالي ووحش عبالك
العشيره كلها شالت مو بس نفر واحد
امي صح نفر واحد بس النفر القيادي للعائله
احنا تايهين بلياها
للسبعه واحنا كاعدين مانكدر نطلع للشغل
من بعدها طلعنا اني وياسر للشغل
شغلنا مو مثل قبل
عدنا كم رأس حلال يعني قليلات
شغلنا صار نشتري بلدين ونبيع ناخذ الربح ونرجع الفلوس
للشخص الي اشترينا منه
يعني يله مدبرين العيشه
وهنا حملت نعيمه للمره الثانيه
وسليمه منعها ابوها توصل بيتنا نهائيا
كمت مااشوفها ولا اكدر اسئل عنها خاف ابوها يكول اكو شي بينا ويبطل ما يطينيها
خلف...حسيت حلمي ازوج سليمه مراح يتحقق
وضعنا حيل تعبان
وامي ماتت لازم على الاقل تصير سنه الوفاة امي يله اكدر افتح هذا الموضوع مره ثانيه
زهره بعد وفاة امي بدت توسع دائره المشاكل
قبل امي موجوده تخاف منها
بس هسه منيين تخاف
كل النهارتتعارك وياا نعيمه وزوجها كاعد وساكت
الحد مارجعنا من الشغل بيوم ولكينا نعيمه شاده راسها وتبجي
ياسر...شكو ياستار
نعيمه...زهره انهدت عليه من الصبح لان الجهال اتعاركو بينهم
اني ماادري بيهم تعاركو
اشتغل بلمطبخ سمعت ابني يبجي
طلعت لكيتها لازمه ابني وموته كتل
كتلها كسر بايدج ليش وياااا
كامت تغلط عليه ضربتها راشدي هي وحسن دارو عليه
وكتلوني راسي انضرب بلحايط وطلع دم
ياسر....وينهم
نعيمه...بغرفتهم فوك اذا ما تسويلي حل اروح بيت اهلي
ياسر...اصبريلي شويه
شكرا لزيارتكم عالم روايات سكيرهوم
