رواية من القاتل الفصل الثالث بقلم جمانه السعيدي
ام معتصم....دخل عمار كعد وبدا يسولف
وهو عينه على باب غرفة ايه يريدها تطلع وتشوف كشخته شلونها
يريدها تنتبهله بلكت تهتم بي شويه
عمار....ووين معتصم
ام معتصم...هسه يجي راح يجيب كتاب من صديقه ويجي
عمار...وين ايه
ام معتصم...جاي تقرا
عمار...اريد اسلم عليها
ام معتصم....ايه ايه ماما تعاي سلمي على عمار
ايه من ورا باب الغرفه جاي اقرا ماعندي وقت
عمار...من سمعت رد ايه كلش ضجت اني اصلا كاشخ وجاي علمودها شلون ما تطاع اسلم عليه
ام معتصم...حسيت عمار ضاج من كلام ايه
ام معتصم...لا اضوج هي هيج تحب القرايه حتى اكثر مني ماتحب اضيع وقتها ابد
عمار...لا ليش اضوج عادي من رخصتج
ام معتصم...وووين انتضر معتصم يجي
عمار...لا عندي شغل مستعجل
طلع عمار من ببتنا وهو كلش ضايج
من بعدها بقه اسبوع كامل ماجانا اني الوحيده الي كنت اسئل عن اخباره وادوره
محد يعرف هو وين صاير لو شنو يشتغل لو وياا منو
جمانه السعيدي
ام معتصم....ماما معتصم روح بيت عمك شوف عمار بيتهم
اسئلهم عنه
معتصم...اي هسه اروح
راح معتصم ورا تقريبا نص ساعه رجع
ام معتصم...هااا لكيته
معتصم...عمي ابو عمار مو هنا ملتحق
وزوجته ماخذه جهالها ورايحه بيت اهلها وبيت عمو سعيد يكولون ماشايفينا ولا نعرف عنه اي شي
ام معتصم...يااا صدك يمه فدوه اسئل عنه بلكت واحد من جماعته شايفه يعرف مكانه
معتصم...اي هسه اسئل عنه
طلع معتصم يسئل بس محد يعرف اخباره
عشر ايام وهو ماداخل بيتنا ولا شايفينه ولا نعرف عنه شي
واي احد نسئله يكول ما اعرف هو وين
ام معتصم...جنت خايفه علي خاف احد يقشمره
لو احد يااذي مهما يكون بعده زغيره بسرعه يتقشمر
من نزل ابو هلمره مجاز دزيت معتصم علي
معتصم...شلونك عمو
ابو عمار...الحمد لله تمام انت شلونك امك شلونها
معتصم...بخير ولله الحمد عمو اريد اسئلك على عمار
ابو عمار...ليش هو مو عدكم
معتصم...لا عمو موعدنا ولا جاينا صار اكثر من عشر ايام
ولا نعرف اخباره
ابو عمار...هو كال اشتغل عوفه مالك شغل بي قابل زغير لو ما يفتهم
بعد صار جبير
معتصم...عمو يعني مراح تشوفه وين صار
ابو عمار...شدعوه هلكد مخبوص بي ترا ولد حتلو ينام بلشارع ماعلي شي
روح لا تسئل عنه عوفه هسه يطلع عبالك جني
عمار ابني واعرفه زين
جمانه السعيدي
رجع معتصم متعجب من كمية البرود الي يتعامل بيها ابو عمار وياااا ابنه شنو هاي القسوه
ام معتصم...هااا لكيته بيت اهله
معتصم...لا ماكو وعمو يكول عوفه مالك شغل بي
ام معتصم...يااا شلون مالي شغل بي ولد مراهق والدنيا
مو حلوه
معتصم...يمه ترا بس انتي مهتمه بموضوع عمار محد يسئل
عنه وين ماوين عوفي حتى عمي يكول جني ماعليه شي
ام معتصم...اسبوعين وعمار ماكو ولا بين ولا اجا
الحد مادخل علينا وقت الغده
ام معتصم.. هله عمار وين جنت مابقى مكان ماسئلنا عليك بي
عمار...اشتغل شلونك معتصم شلونج ايه
معتصم...امي حركت الجو عليك
ايه...وهي مدنكه هلو حتى مارفعت عينها علي
كعد يتغدا ويانا ملابسه تخبل ولا بس ساعه موديل جديد
ام معتصم...قبل لا تطلع انطينا عنوانك رقم تليفونك
حتى نطمن عليك
عمار.. اكيد لا تخافين عليه اشتغل وخير من الله
ومكاني زين
ام معتصم...ميخالف كلشي يصير بلدنيا لازم نعرف مكانك ونطمن عليك
عمار...الله يحفظج خاله بس انتي مهتمه بيه حتى ابوي مايسئل عني
ام معتصم... اني اريدك تصير احسن واحد
ولو ترجع للمدرسه بعد احسن
عمار...المدرسه بعد خلاص انسيها اني اشتغلت خير من الله
ليش ارجع ادرس
ام معتصم...ميخالف الك مستقبل تتوضف ويصير عندك راتب تستقر
عمار...اني بهذا شغلي اطلع اكثر من الراتب
ام معتصم....شلون انت مجرد عامل بمحل شلون اطلع اكثر من الراتب يعني
عمار.. اي مو اني اشتغل شفتين الصبح وبليل
واخذ أجره كامله
ام معتصم...شكد اجرتك بليوم
عمار...خير من الله الحمد لله شبعت
طلع عمار وهلمره غاب عنا شهر كامل ولا اجا ولا شفنا
حتى رقم تليفونه ماعدنا
طلع وما انطانا الرقم
اني بديت اتعود على غيابه لان يشتغل ومبين حالته زينه
اصلا اني عندي هموم فوك راسي
التهي بحياتي احسن
بدا عمار يغيب اكثر يعني تقريبا كل شهر يبين مره
يجينا يبقا عدنا ساعه او اكثر
ويروح ولا واحد يعرف هو وين يشتغل
الحد ماجانا بعد ست او سبع اشهر صاعد دراجه حديثه
كلشي وشكله كله متغير
معتصم.. الله شنو هاي الدراجه الحلوه
عمار.. اخذتها بلقسط احسن مااطشر فلوسي
معتصم...ماما تعاي شوفي عمار مشتري دراجه حديثه
ام معتصم طلعت برا للباب
ام معتصم...هله بعمار عاش من شافك وين هاي الغيبه الطويله
عمار...هله خاله انتي شلونج
ام معتصم...بلعافيه تستاهل كل الخير
عمار...الله يعافيج
ام معتصم... انت رب العالمين جبر خاطرك تشتغل وجاي تكون نفسك
عمار...الحمد لله
معتصم...يله تعال ادخل
دخل عمار جوا بدينا نحضر الاكل طلعت ايه من غرفتها
عمار...شلونج ايه
ايه. الحمد لله
معتصم...تعاي شوفي دراجة عمار تخبل
سحبها معتصم من ايدها واخذها برا
ايه.. اي حلوه
معتصم...بس حلوه بشرفي تخبل
ايه...شبيك انخبصت كلها دراجه نمنونه
معتصم...ولج شوفي أحدث موديل وتكول نمونه انتي شنو
اي شي ما يعجبج
ايه...ترا انت ماشايف شني خبصتنا خبص
ام معتصم...عمار جان كاعد وسمع كل هذا الحديث
هو وين جاي كاشخ وشايف نفسه
حتى ايه تشوفه وتنبهر بي وهي وين ما يعجبها العجب
جمانه السعيدي
طلع عمار من بيتنا كل مره يجي عدنا يطلع ضايج بسبب ايه
لو ما تسلم علي لو تصده لو اصلا ما تهتم الوجوده
وصل معتصم لسادس وهلمره مصمم يدخل كلية عسكريه
وام اني ماحابه هيج مجال
العسكري راح يكون غايب عن بيته
رغم شغلت العسكري مهمه حيل
فعلا نجح وطلع معدل زين قدم على الكليه العسكريه وقبلو
بقت بس ايه
اني هنا تعبت من الشغل والمسؤليه حيل
صار عندي ضغط وسكر ومفاصلي تعبت من الكعده على المكينه
بس ماعندي حل لازم اكمل
لازم اوصلهم البر الامان اريد ايه تطلع دكتوره
بوقتها اكون اديت رسالتي على أكمل وجه
معتصم...ماما ممكن تنتبهين الصحتج اكثر ترا احنا بدونج ما نسوه شي ابد
ام معتصم...لا تخاف عليه من اشوفكم زينيين اني اكون زينه
معتصم...ولو قللي خياط
ام معتصم....شلون اقلل خياط
معتصم.... صحتج اهم شي
ام معتصم....انشاء الله
ايه كانت تساعدني بلخياط مرات بلعلطله
وكمت اجيب قطع قماش وعبي وابيع ويا الخياط
لان فعلا الخياط كلش متعب
بس اربد معتصم يتخرج ويساعدني
شكرا لزيارتكم عالم روايات سكيرهوم
