رواية بيت المطلقات الفصل الثالث 3 بقلم جمانه السعيدي

 

رواية بيت المطلقات الفصل الثالث بقلم جمانه السعيدي



هلمره كل المؤشرات تدل ان زواج غفران ناجح
يعني المضهر الخارجي يكول هذا الزواج ناجح بس شنو المضموم الله اعلم

خطيب غفران عمره ٢٧ مخلص معهد وعندا محل بلسوك
عنده اخت وحده مزوجه وبلبيت هو وامه عايشين
وبيت خاله جيرانهم الحايط على الحايط

زوجت خالهم شبه كاعده عدهم
لان زوجه عسكري واهله بغير محافظه
زوجة خاله عمره ٣٢ وعنده طفل واحد
كلش مهتمه بنفسه اربعه وعشرين ساعه عبالك عروسه

جمانه السعيدي

غفران هنا عمرها ١٧ سنه وقليلة الخبره بلحياة
وهم زواجه زواج غصب

اهم شي ابوي خله المهر بجيبه حتى يطلع ويتونس ويعزم جماعته ويطلع براسهم هو وبس

حددنا موعد يجي الولد يشوفه
امي راحت اشترتله ثوب بنفسجي مرتب
غفران من دونه طويله ورشيقه وصاحبت شعر طويل اسود

بيوم الي اجو يشوفونه اجت امه وزوجة خاله وياااا

كعد هو وزوجة خاله واحد بصف اللاخ
وامه كعدة كبالهم
امه كلش فقيره الحل والشد كله بيد زوجة خاله
شتكول هاي هي

طلعت غفران وكعدت كبالهم وبدا الولد يتفحص النضر
ويركز عليه

بس حسيت زوجة خاله تريده يوافق وكاعده تقنع بي
خوش بنيه وزغيره وعلى كد ايدك
واهله فقره ومن أهل الله ومراح تعبك

من كد ماتلح علي وافق وماطلعو من بيتنا اله حددو موعد المهر

بس اني بساعته سمعت شي من زوجة خاله ومافهمته
من طلعو برا يلبسون الاحذيه
زوجة خاله كالت هي هاي غشيمه وعلى كد ايدنا
كلشي ماتفتهم
طبعا حجت ويااا بصوت ناصي بس اني سمعتهم
اني كنت وراها
بعدين عدلت قميص العريس وهو ابتسم وكال هاي هي
اذا عاجبتج تمام

اني سمعتهم بس كنت اضنه تمدح بأختي
يعني كل ضني ان كلمة فقيره وغشيمه وعلى كد ايدك
مديح مو مذمه

جمانه السعيدي

بدينا نحضر للمهر والعرس
وخلال هاي الفتره العريس ابد ماجانا
ولا شفنا مره ثانيه
كل اتفاقاتنا كانت ويه زوجت خاله
وهي الي حددت كلشي

غفران كلشي مافهمت من عرسي العريس لا اجه ولا كعد وياي ولا شاف شنو طلباتي لو شنو احب
ولا حاول يتعرف عليه

واجا يوم عرسي
اخذوني للصالون وامي ماقبلت اكص شعري رغم سميره
زوجت خال العريس كالت كصي يعذبج
طويل ومراح تكدرين ترتبينه
بس امي ماقبلت كالت شعرها حلو لا تصبغه ولا نكصه ابد

اجا العريس والزفه كانت من الصالون
وصلنا البيتهم بيتهم حلو ومرتب حيل

امه واخته استقبلنا طبعا اخته اجتنا مرتين قبل العرس

بس لا امه ولا اخته الهم رائي
الرائي الاول والاخير السميره زوجت خاله

زوفونا الغرفتنا
ابد ماحسيته متلهف عليه الموضوع بلنسبه اله كلش عادي
زوجت خاله دكت الباب علينا مرتين
وكل مره يطلع ويتأخر يله يرجع
ابد ماشكيت اكو شي بينهم
لان هي زوجت خاله واكبر منه
واني عقل طفله وماعندي اي تجارب بلحياة

رجع بدل واني بدلت وكعدنا نتعشى
الوضع كلش طبيعي
ابد ماكو اي رومانسيه او محاولة تعارف بينا
قرب عليه وخلص ودار وجه ونام

حتى ماسئلني تاذيتي خاف تعبانه كبل دار وجه ونام
واني ماكدرت انام ابد
عندي وجع ومكاني متغير
واحس نفسي غريبه بهذا المكان

الصبح كعدت على صوت زوجت خاله ادك الباب تكعدنا
فتحت الباب ودخلت علينا لابسه ثوب
ضيك وقصير ودلع والشعر مشسورته والمكياج عبالك جانت بلصالون

دخلت وكالت صباح الخير وكبل كعدت على الجربايه وبدت تكعد بحازم
اني اخذت دشداشي ودخلت للحمام
طبعا غرفتنا بلطابق الثاني واكو حمام وصحيات خارج الغرفه بلهول

دخلت سبحت وطلعت لكيتهم كاعدين ويسولفون على الجربايه
طلعت مشط وكمت امشط هي راسا كالت
اووووي شلج بهذا الشعر لا يتمشط ولا ينشف بسرعه
جيبي مكص واني اكصه اللج

غفران اا مااكص شعري
سميره اوووي متخلفه شوفي شعري شلون حلو وبسرعه يتشسور ويترتب انتي مجلبه بهاي الكصيبه
الله عليك حازم مو شعري احلى من شعرها

حازم انتي كلج على بعضه لوز ومكشر

كامت تضحك وهو خله ايده على رجله من يم الفخذ ونزل
يريد يغسل
كل هذا واني ابد ماشكيت ولا لحظه بينهم اكو شي
لان هي زوجت خاله
واني عقلي يكول مستحيل اكو شي بينهم ابد

جمانه السعيدي

بدلت ونزلت وهي بقت منتضرته بلغرفه
لكيت خالتي وحماتي محضرات الريوك
سلمن عليه وباركلي وكعدنا ننتضر حازم يمته ينزل

نزلو هو وسمير يسولفون ويضحكون
خالتي اشرت بعينه الحماتي حسيته ماراضيه على تصرف سميره

نزلو وكعدنا نتريك كملنا واني كعدت اساعدهم بلمطبخ
لان ماجانا اي احد

الضهر تغدينا وحازم طلع مااعرف وين
واني صعدت الغرفتي ونمت لان بليل ماشبعت نوم ابد

العصر سمعته صعد للغرفه
ولا كأني عروسه جدبده ابد مامهتملي ولا بحالي
وسميره اجت العصر كاشخه اكثر من الصبح
وبقت عدنا للعشى هي وخالهم

خلال اربعين يوم بعد زواجي طلعت حامل
بس الحمل حيل متعبني
النهار كله نايمه عبالك بغيبوبه ومااكدر اكل واحس نفسي حيل تعبانه

خالتي ماكانت تقبل اشتغل ابد
بس اني اشتغل كوه بلايام الي تروح تبات يم حماتي
لان زوج حماتي عسكري
واذا التحق تروح خالتي تبات يمه

مو هسه من زمان هذا الشي من اول زواج حماتي
وحازم يبقى بلبيت وحده
وسميره تشوف طلباته من تروح خالتي

جمانه السعيدي

حملي كان صعب كلش وماليه خلك النهار كله نايمه
حتى الاهلي مااروح امي تجيني كل فتره تشوفني وتروح
هلمره امي مطمئنه مني
ماشالع كلبه غير ايمان
ايمان ابد مامرتاحه بيت عياله

رغم حالتي الصحيه التعبانة وبعدي عن زوجي
بس هو ماكان يتذمر ابد
وحتى العلاقه مايطلبه مني
اشوفه مرتاحه وسعيد
وماله شغل بيه ابد
من تروح خالتي يم حماتي كانت سميره تجيني

سميره ابقي مرتاحه بغرفتج لاتنزلين اني اطبخ الكم
اصلا اني متعوده من زمان اطبخ الحازم واهتم بي

الصراحه كنت فرحانه لكلامه حيل
واكول ولله زين وين اكو بعد هيج عايفه بيته وجايه تنضف وتطبخ النا

بلايام الي خالتي تروح تبات يم حماتي
حازم مايصعد فوك ينام جوه يكول اخاف على بيتنا يبقى محد بي
واني انام فوك بغرفتي لان مااكدر اغير مكاني
وخصوصا التواليت فوك قريبه على غرفتي
بس اذا انزل جوه
التواليت بعيده عليه واتعب حيل

ومن ترجع خالتي يصعد حازم ينام فوك

علاقتنا كانت بارده بشكل مو طبيعي
اني ماعندي خبره وحامل والحمل متعبني حيل
وهو مجاي يتعب نفسه ويحاول يكسر الحواجز الي بينا
بس الحياة مستمره

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1