رواية ضاع الحلم الفصل الرابع بقلم جمانه السعيدي
رحمه...بدو اهلي يجهزون اليوم المهر
واني حاولت بكل الطرق اعترض بس بدون فايده
اصلا مجاي يسمعوني
عبالك مو عرسي عرس وحده غيري
كل التجهيزات جاي تحضر بدون علمي ولا جاي ياخذون رائي ام وسام جابت الفلوس وانطتهن الامي
اني جنت نايمه من كعدن عرفت ام وسام جايه وجايبه الفلوس اقصد فلوس المهر
اني بس الشي الي مخبلني شلون وسام قبل بهاي الزواجه
وهو حتى ما شايفني
ولا طلب يشوفني على حجي امه وخواته وافق
ترا شي مو معقول
ماكو واحد يتزوج وهو حتة ماشايف العروس
حتلو اهلي زينيين واذا اكو معرفه بينا
اني جنت متوقعه يجي يشوفني
واني اكله مااريدك بلكت يعوفني
جمانه السعيدي
حسام نزلت حتى احجي وياا وسام وافهمه اني اريد
رحمه
لكيت امي وابوي مخلينه بلنص ويحجون بموضوع الخطبه
و لا كأني حجيت وياهم وكتلهم اني اريد رحمه
ابوي...اسمع تزوج بأقرب وقت ممكن احنا مجهزين كلشي
امي...تروح تشوف العروس خاف بعدين تكول
اختياركم ما عجبني
وسام...لا خلاص مادام عاجبتج البنيه خلاص اني موافق وماريد حتى اشوفها
امي...شلون بحسام بس يسمع اخو يربد يزوج اخذته الغيره
ويكول اني هم اريد ازوج
ابوي...شنو يزوج لو يموت مازوجه اذا ما يخلص دراسه
ويتوضف
دراسته كلها خلصها لعب بلعب ٣ سنوات عنده رسوب جماعته السنه يخلصون جامعه
وهو يدرس ويا الزعاطيط
خل يشيل فكرة الزواج من باله ماكو زواج
لو يربد يزوج حتى اشيل مسوليته هو وزوجته
اني ساكت وصابر واذا سمعته يحجي بلعرس صدكي اطرده بلشارع
حسام...دخلت عليهم اني اريد ازوج رحمه
وسام اخطبوله وحده ثانيه
ابوي...امشي اطلع برا ليش اجي اهينك غصبا ما عليك
رحمه ياخذها وسام
هو الي يستاهلها
تريد تفشلني ويا الناس تالي عمري
صدك لو يعرفون انت تريد بتهم مراح يوافقون عليك
اسكت وخليني محترمك ليش تسوي مشاكل
حسام...اذا صممت على رائيكم اني ماابقى بلبيت اعوف البيت واطلع
ابوي...الله وياك خاف انت معيشنا وماادري
جمانه السعيدي
حسام...يابه انت ليش تكرهني اني ابنك حالي حال وسام
ابوي...شوف نفسك شوف افعالك واحد عايش حياتك
هسه احسن شغل واحسن شهاده
كلشي الي اطلبه تاخذه
جواك سياره حديثه مصرف بكفيك وانت بعدك فاشل
حسام...خلي بعلمكم اذا وسام ازوج رحمه اني اعوف البيت
ابوي...هسه اطلع من البيت مو اذا ازوج وسام
هسه اطلع مااريد اشوف وجهك هنا ابد
رحمه..امي كلما احجي وياها تغلط عليه وتكول انتي ما تفتهمين الي مثلج هسه طايره من الفرح
وانتي عابسه عليمن يحضي
امي راحت اشترت الذهب على ذوقها واشترت فستان المهر
وحجزت بلصالون
واني عازله نفسي بغرفتي ومااحجي وياا اي احد
وين اكو وحده سنة ٢٠١٩ تزوج غصب الناس اطورت
البنات تختار شريك حياتها بكيفها
واني يردون يزوجون غصب
جمانه السعيدي
رحمه...حسام شلون اهلي حضرو كلشي
حسام...ولله حجيت ويا اهلي وزعلت وتصادمت وياا ابوي
حتى كتلهم اعوف البيت واطلع
ابوي مسويها شغلة عناد ما يقبل يتراجع عن قراره
ماكو بعد بس ننهزم اني وياج
رحمه...لا كلشي اله هاي الشغله بعدنا طلاب وماعدنا مصدر معيشه
اني مااكدر اخلي ابوي اخوي بهيج موقف مستحيل
حسام...لعد ماكو غير لو اقتل نفسي لو اقتل وسام
رحمه...اسم عليك شلون ماكو حل ولله تعبت
اليل والنهار افكر بس مالكيت اي حل حجيت ويا امي الف مره بدون فايده
اخير شي كامت تتجاهلني وما تسمع كلامي
حسام...واني نفس الشي جاي يتجاهلوني بلبيت وابوي
ميت مني بس افتح حلكي راسا يكول اطلع من البيت
جمانه السعيدي
رحمه...ياربي شلون مشكله اني جنت متحضره بس يجي وسام اكله اني مااريدك
بس هو حتى لا اجا ولا طلب يشوفني شلون يزوج وحده لا شايفها ولا حاجي وياها
حسام...امي السبب امي كل الوقت بس تسولف بيج
وتحمد باخلاقج
رحمه وصل أليوم الي راح نكطع بي مهر
امي جبرتني اروح للصالون شكد توسلت بيها عبالك مو بتها
بت الجيران
كلما يكمل مكياجي يخرب بسبب البجي
ام الصالون ...عيوني ليش تبحين انتي مغصوبه
امي...اشتغلي معليج بيها هاي بطرانه جايها واحد يسواها
الف وحده تتمنا وهي متعافيه معليج بيها اشتغلي هذا دلع هسه بس يخليها بحضنه تتغير اجي وسولفلج
على قصة حبهم
رحمه...دعيت رب العالمين ياخذ أمانته واخلص
لان ماكو غير حل اهلي ابد مجاي يحسسون بيه يردون يقدموني كبش فداء
حتى العلاقه بين العائلتين تبقى مستمره
حسام من شفت اهلي يحضرون للمهر ويعزمون بلناس
جمعت ملابس وقفلت تليفوني وطلعت من البيت
طلعت ومقرر بعد ماارجع مره ثانية
شلون ارجع للبيت والكا رحمه كدامي
رحمه اجت الناس وبيتنا صار عباره عن عالم طالعه وناس داخله الزلم الي اجت عددها مو طبيعي
بيتنا ماكفه خلينا كراسي بلشارع
ابو وسام دز قالب كيك متر اله شويه وقطع كيك تقريبا
٣٥٠ قطعه من غير العصير والماي
الناس كلها فرحانه اله اني مجاي اكدر استوعب الشي الي جاي يصير وياي
شلون اني راح ازوج اخو حسام
شلون حلمنا ضاع اني وياااا
ليش العريس مو حسام
مجاي اكدر اسيطر على دموعي
ام وسام..ليش تبجين حبيبتي
امي...تبجي علينا لان راح تفاركنا تعرفين هي ابد ماطالعه من البيت وهسه خايفه من الفراك
امي سدت الموضوع بسرعه
دخل وسام كاشخ لابس قاط رصاصي وقميص اسود
العطر ترس المكان لا بس ساعه راقيه
دخل سلم وكعد بصفي
التفت شافني ابجي
وسام...هااا خير ليش تبجين
رحمه...ماكدرت ارد علي اكو بكلبي غصه
دار وجها عني وجاهلني لبسني بس الحلقه باقي الذهب
انطا الامه كاللها لبسيها
ام وسام ...ليش حبيبتي اكو واحد يبجي بهيج يوم
رحمه..مجاي اكدر اسيطر على دموعي
لبستي الذهب بس خلصت وسام ترخص وطلع
بقن هنا يركصن ويهلهلن
للمغرب طلعن من بيتنا
اني صعدت الغرفتي شمرت نفسي على الجربايه وطكيت بجي
طلعت التليفون مجاي اشوف الأسماء من البجي
بلكوه طلعت اسم حسام اتصل علي يطلع الجهاز مغلق
حسيت نفسي ضعت
شلون راح اكمل بهاي الزواجه ماادري
هلكد ما بجيت صخنت قفلت الغرفه عليه
امي...ليش قافله الغرفه انزلي تعشي
رحمه..عوفيني شتريدين مني سويت الشي الي تردي
بعد شتريدين روحي منا لا اكتل نفسي
نزلت امي اني نزعت البدله ولزمت التليفون اتصل على حسام ومايرد عليه
رحمه...ليش ماترد عليه بعد ماتريدني اني شبيدي
كدامك سويت المستحيل وماكو فايده
رجعت دزيت رساله ثانيه
رد عليه حسام لا تقهرني اكثر مااني مقهوره
فدوه رد
ثاني يوم وهو لارد عليه ولا قرأ الرساله كلش خفت علي
رحمه..حسام...رد عليه طمني اني خليفه عليك
بيت ابو وسام
بعد مارجعو من حفلة ألمهر لكو حسام ماخذ ملابسه وطالع
اتصلت علي امه مايرد عليه جهازه مغلق
ام وسام... ابو وسام الحك حسام ماخذ ملابسه ومايرد عليه
ابو وسام... يطبه مرض هسه يتعب ويرجع
منيين يصرف منيين يجيب فلوس
خلي بتعلم قيمة النعمه الي عايش بيها خلي يشوف
الدنيا ويتعلم بلكت يحمد ربه ويشكره
عبالج يعرف يعيش برا هذا البيت مستحيل مايكدر
عوفي هو يرجع وحده
شكرا لزيارتكم عالم روايات سكيرهوم
