رواية لا أعرف الطريق الفصل الرابع بقلم جمانه السعيدي
ايمان كاعدين نتعشى والباب تكسرت
جواد...الله يستر شنو هذا انتي منتضره احد
ايمان...لا افتح شنو هذا الباب تكسر
راح جواد فتح الباب ...جان زوجته بوجهه
حليمه...هااا عندك شغل عندك حموله الله كشفك خاين
للك ليش هيج
هاي تاليت تعبي وصبري عليك
لك بديت من الصفر واني وياك ليش بشنو قصرت وياك
هاي المحروسه بيش احسن مني
ايمان اتجهت عليه تريد تضربني واني انهزمت للغرفه
وجواد لزمه
جواد...شلون عرفتي منو كالج
حليمه..انت هذا الي همك شلون كشفتك ليش العشره ماغرزت بيك
هاي الجلبه بيش احسن مني
جواد..اهدي على كيفج
حليمه...شلون اهدا شلون واني اشوفك بعيني مزوج عليه
جواد...هسه اطلكه
حليمه...هاا اطلكه هسه يله تريد اطلكه من كشفتك
جواد...قسما بلله هذا الزواج بس يم الشيخ ماكو عقد محكمه هسه اطلكه كدامج
صاح بصوت عالي
جواد...ايمان انتي طالك لمي غراضج وروحي بيت اهلج
هي بقت تعد وتصف وتفشر عليه منا لم لبس ملابسه وطلع وياها وطبك الباب
شكد اني رخيصه عندا كلمه وحده نهى كلشي بينا
بس هو مابي ذنب
اهلي الي رخصوني وحتى عقد بلمحكمه ماعندي حتى اخذ حقوقي منه
كعدت وكمت ابجي على حضي الاغبر
يعني راح ارجع البيت اهلي ذليله راح ارجع للمهانه
صحيح جواد مايجيني كل يوم ولا عايش وياي
بس على الاقل عندي بيت خاص بيه
يجيني مسواك وكلشي اطلب
كاعده معززه مكرمه
اسمه رجال فوك راسي اسمي مزوجه محد يعيرني
اكو شخص مسول عني وعن حياتي
مامحتاجه منية هذا وذاك
كعدت اليل كله انتضره جمانه السعيدي كلت بلكت تهدء زوجته ويرجع عليه
جان باقي النهاية الشهر عشر ايام
قررت ابقى انتضره عشر ايام بلكت يرجع
كلما اتصل مااحصله منطي رقمي حضر
اتصلت بااهلي وشرحتلهم الموقف
كالو لا تجين انتضري بلكت يرجع عليج
اما شيخه سبب هاي المصيبه كله انطتني حضر من حسابه
وكامت ماترد عليه
اني ابد مامخليه ابالي هي السبب بطلاكي
ولا ربطت الأحداث
هي عدها حق من تكول عليه ثوله
ا
اني متعجبه هي ليش صادقتني يعني بس تريد تخرب حياتي وهاي هي
رغم هي كانت مستفاده مني وتأخذ رصيد
بس ماهان عليه حياتي سعيده وماعندي مشاكل
وعندي سكن وزوج يهتم بطلباتي
قررت اتهد حياتي حتى ترضي غرورها وتحس ماكو وحده احسن منه
خلصن العشر ايام وجواد لا اتصل ولا سئل عني
اجا الموجر يريد الشقه
طلبت منه مهله اسبوع علما اشوف هاي الغراض وين اخليه
اتصلت على ابوي اجا وجابلي مشتري الغرفة النوم
بعتاها بنص قيمته وباقي الغراض هم بعتهن بسعر رخيص
ورجعت البيت اهلي
ماحصلت من عرسي بس الفلوس الي جمعتهن من جواد
وفلوس الغراض الي بعتهن والذهب
طبعا الذهب قليل مو هواي
ايجوز كله بذاك الوقت يجيب مليون
لان ماعندي عقد محكمه ماكدرت احصل لا حاضر ولا غايب
من رجعت الاهلي امي شاده وياي اكثر من قبل
ونسوان اخوتي لان يشوفنه تغلط عليه وتحجي ابد مايحترمني
طول النهار شغل وبس ياريت يسكتون لا اشتغل
واحصل غلط واهاين من امي ومن نسوان اخوتي
امي ماكو على السانه غير جنتي بنيه كوه حاملتج
النوب مطلكه
انتي مثل غراب البين كل فايده ماكو منج
شكد جانت علاقتي بجواد بارده ومابيه حب واهتمام وعاطفه بس احسن الف مره من وضعي هذا
على الاقل جان المكان بس الي انام واكعد بكيفي واكل الي يعجبني وعندي فلوس واصرف براحتي جمانه السعيدي
هسه همه عينهم على الفلوس الي عندي كل شويه وكالو انطينيا مو جاي نصرف عليج
اتعس حياتي حياتي مابيه اي معنى
رجعت وحيده رغم اهلي قريبين عليه بس محد يحس بيه
ابد ولا واحد بحالي
بعد سنه من طلاكي بيوم اندكت الباب مره جبيره بلعمر
ايمان..هله خاله تفضلي
دخلته جوا واجت امي كعدت يمه
قدمتله جاي
امي كالت اكعدي الحجيه جاي عليج
ايمان..عليه اني
امي..اي تريد تخطبج الابن اخوها
الحجيه...اي ولله ابن اخوي وحيد لا ام ولا اب ولد شاب
وجاي اندورله مره والناس وصفوج النا
ايمان...مزوج
الحجيه..لا مامزوج عمرا ٣٠ ومامزوج
ايمان...استغربت ازغر مني بسنتين ونص ومامزوج يالله
الحجيه.. هو كاعد وحده عندا بيت تجاوز بس خوش بيت
مرتب وعندا راتب عاطلين
ويشتغل عماله نعمه مدبر روحه
امي..كالتله هاي هي بس انطي لبوها خبر اعتبري السالفه
خلصانه
رجعت امي باعتني مره ثانيه حتى ماكالت نسئل
نشوف لا راسا كالت هاي هي
امي بس حجت الابوي ماصدك
متخبل من فكرت بنيه مطلكه وكاعده بيته
يعتبرني عار
وكانو مسويه جريمه مع اني مالي ايد بهذا الطلاك
شي وصار بعد
بعد يومين اجا الولد يشوفني هو وعمته
ولد ضعيف اسمر بداية شعرا من كدام خفيف شكله
هادء لبسه كلش بسيط بنطرون وقميص موديلهن قديم
بس نضيف
كعد بلاستقبال وكعدت امي وابوي وهو جايب عمته ويااا
اني لبست فستان وردي ساده مخصر اني جسمي حلو
مرتب ولبست شال خليت شويه مكياج وعطر وطلعت علي
سلمت وكعدت كلش خجول بلبدايه مارفع عينه عليه
بعدين ابوي يحجي وياا التفت شافني
حتى اسلوبه بلحجي بارد
يعني مايرد بسرعه بارد
حسيته فقير وعلى نياته
كلت ميخالف احسن من جحيم اهلي لو كلشي بس اطلع منا
الولد من شافني سئلته عمته
...هااا عجبتك
رد بخجل وصوت ناصي اي
اني طلعت واتفق وياا اهلي يجيبون مشيه ويجون
بعد يومين حتى يتم كلشي
اجذب اذا اكول جنت فرحانه جمانه السعيدي لان ماقتنعت بي احس شخصيته ضعيفه
بس اني مضطره اقبل بي لان وضعي بيت اهلي صعب
راح اتعود علي ويجوز احبه
بعد يومين جاب مشيه واجا تقريبا سبع أشخاص المشيه عقدلنا الشيخ
جايب ذهب قليل حلقه وتراجي وكلاده بس مو ثكيلات
خفاف
عمته كالتله تعال لبسه الذهب
مرتضى...لا استحي انتي لبسيه
عمته تقدمت ولبستي الذهب
طلع هو وعمته واني رحت بدلت وتعشيت ونمت
لا انطاني رقمه ولا اخذ رقمي
بعد يومين عمته جابت ٥٠٠ كالت ذني تشتري بيهن ملابس
امي اخذتهن كالتله نعمله
عمته...كافيات
امي...خير من الله هي شسوي بلملابس عدها ملابس هواي
اني ساكته لان الملابس موقياس للسعاده ابد
قبل العرس بيومين رحنا اني وامي نشوف البيت
بيت زغير ٥٠ متر مبني بلوك غرفه وهول زغير ومطبخ
وصحيات برا
مشتري غرفه نوم والهول فارشه مدات وحصير
والمطبخ بي طباخ منضدي وميز زغير بي مواعين
وثلاجه زغير طوله متر
وهاي هي اني رتبت ملابس بلكنتور وخليت العطور على الميز
وهو واكف ويباوع عليه حسيت نضراته كله اعجاب
عبالك يحبني من زمان
وكانما مامصدك اني راح اكون زوجته
بس ماحجه ولا كلمه واكف ويباوع عليه
كملت ترتيب ورجعنا للبيت اني وامي
لاتعتقدون شيخه طلعت من حياتي اني رجعته بغبائي
شكرا لزيارتكم عالم روايات سكيرهوم
