رواية أيتام أبوين الفصل الرابع بقلم دنيا
قُلْ لِلطَّبيبِ الذي قد جاءَ يُسعِفُنا
لا تُهدِرِ الوقتَ ليسَ الجُـرْحُ بالبَدَنِ
........................................
زينب.. طفر حسين على عمي واحنه لزمنا لأن نعرف عمنا شكد قاسي واخوي دمة يحترك
وكلامه قاسي لازمتة وحاظنتة على گلبي خايفة
لا يروح يضربة
.. ابو حيدر. لااا عوفووو خليينييي اشووووفه هالحيوان شيريد يسوييييي لككك تتهدد عليه عااار سكططططط اليوم اخليهم يبجون عليك
.. حسين.. شوووف لكك مو جاي ولابسلي جماغ وعگال ومسوي روحك شيخ علينا ترااا خياساتك انييي الاعرفهن اتركناااااا
.. حيدر...حسييين اخترم نفسك وكلامك ثمنة هذا عمك شنوووو الألفاظ الي تتلفظها واني اكووول انتو عاقلين شنو هاي الخبالات؟؟؟
.. عباس.. برائيك الي يسوي ابوك صحيح
.. حيدر.. شصايير شكووو هوووه على شنوو هللصياح يابه شبيك شتريد منهم
.. ابو حيدر.. اريد ارواحهممم وين ماخذين اخواتهم وييين يريدون يسسففوهن يديحوهن
.. حيدر.. استغفر الله حجييي تحجي صدككك انتتتت شنوو شبيك تراا اخوانهن هذوله شنو هالكلام متعرف تربية عمي انت
.. عباس.. لا تكعد تبررله حيدر اني انسان ميحترمني ماا اتعب نفسي ويا اني مو صغير يرفع ايده عليه ولا مااعرف اتصرف ولا بعدني ابن ال15 ترااا اني مسوؤل عليهم واخواني تحت حمايتي واخواني كبار اصغرهم عمرها 13 فما اشوووف اموو داعي يصيح ويححي ويفشر هذا الفشار؟؟.. خلييي يخلي حدد الهاي سوالفه لأن بعد متمشي عدنا
.. ابو حيدر.. اني مااريدكم ولا اريد اشوفكم ولا اتشرف بيكم بس بنات اخوي ميطلعن بعد وياكم اخوانهن عدهن بيت عم وعدكم بيت عممم وتجييي تشوفهن غير هذا الحجي ماعندي اني موو سفردحيي وماعندي غيرة ومكعد بنات حديثات ببيت كله ولد عاد ترجع يمي الجبيرة ابني عاقد عليها والصغيرة تضل يمي بحسبة نوسة وانتهى الكلام وحسين بيتي ما يوصله ماطوله تجاوز هالتحاوز علييي واننننه عممممه
حيدر.. خلص ليش مكبرين الموضوع وتتصايحون والناس دكت الباب علينا على شنووو يابه عباس انت ليش متبهذل وتدور بيت واحنه بيوتنه يضيع بيها الواحد تعالو واكعدو ببيتكم والنه العتبة والكم البيت
وانت حسين تعال طيح على عمك مهما صار بحسبة ابوك هذا وهو شوي اعصابة تعبانه يمكن كاامدر يوصل خوفة عليكم بس هو ضال هناك يباوع الكم ومنتظركم ترجعون
.. حسين.. اني اعتذر عن الكلام الي بدر مني لأن اهليي ربوني مااتجاوز ومااريد تربيتهم ينحجي عليها بس مااطيح على احد لأن عمي حجة كلام ما ينسكت عنه بس اني ساكت الأجل ابوي واكف بعيني وانت يا حيدر والا اني ماالزم روحي كدام الغلط
.. زينب طلع وبقو همه يحجون وعمي منتجي مترهي على المخدة ومبين فرحان ومسوي فد انجاز مااعرف ليش ناوي يدمر حياتنه ايدي على خدي وصافنة عليهم ماكو اهل ولا بيت ولا حظن يلمنا مثل ما اهلي جانو خيمة تحجب بشاعة هذا الواقع الي عيشنيا عميي
.. مسحت عيوني ودرت وجهي العباس اساله شراح يصير وهو هز راسه مايدري عباس ماييكدر يعاند جاسم لأن اذا عاندة كلها ضدة وهذا جاسم الي ينحسب عمي ماعندة ذرة مستحة حتى الشيخ العشيرة يروح ويشكي ويفضحنا وحتى يرتكب علينا طلعت ورا حسين وحور
واكفين بالكراج وصابرين يمهم
.. صابرين.. زينب ابقو يمنا عمي ميحجي هو بس مشكلتة لأن يم خوالكم
.. حسين.. اكرمينا بسكوتجَ ممكن
.
.. صابرين.. حسرة عليااا احجيلي حجاياااا
.. حور.. اتذكر امج من تحجين
.. زينب. كافي اسكتوو حسين هسع وين راح نروح شراح يصير
.. حيدر.. راح تجون يمنا
.. درت وجهي اله.. وهم تطردنا امك ونضل بالشارع ترا احنا تعلعلنا مو تيتمنا ربي العالمين موصيي بينا من فوك وانتو تجهولون بينا منا ومنا وكأن احنه ألعاب بأديكم تحركو امشو اكعدو اتنفسوو واتزوجوو واحنه ننفذ ونطيعكم
.
.. حيدر.. تراا اني مااكدر احجي فوك حجي ابوي ولا واحد يكدر واميي متدخل بيكم اني وعباس متفقين نبني مشتمل صغير الجن بوقت اجاركم بس ابوي متخبل لأن مترجعون للبيت
.. زينب.. ما مضطرين نتحمل المعاناة الي شفناها بعد احنه متعوبين والله متعوبين انتو ليش هيج تسوون
.. حظني حسين واني گلبي تكطع من التعب والله حتاريت وياهم بكل الطرق جبتهم ما كاعد يرهم وياهم
.. حيدر.. ليش تبجين زينب شبيدي اسوي الكم اني والله احارب وياهم في سبيل يتركوكم بحالكم بس همه ماايخافون لا الله ولا يخافون من عبادة ولا يخافون من دمعة اليتيم هاي
اني اوعدج وادكلج صدري ما راح تسمعين شي يغثج من امي ولا تضطرين اصلا تحجين وياها كلمن بمكانها واذا فد يوم سمعتها حجت وياج راح تشوفيني واكف بوجهه لأن لا يمكن ولا اسمح تنظلمون وانتو ولد عمي
.. ضميت وجهي بصدر، حسين واحجي بصوت ناصي مااريد ارجع ماارييييد
.. حسين.. خلص يلا صيحي عباس خلي نطلع ما ترجعون ويااا
.. حيدر.. يمعودين والله تعبتوني ليش هيج تحسسوني احجي ويا حيطان زينب ليش متباوعيلي مضايقج بشيي انيي
.. لا بس مااريد ارجع
.. حيدر.. حسين حور بس احجي ويا زينب وافهمها جم نقطة وبعدها هي بكيفها
.. حسين.. لا خلص هيه كالت مااريد يعني مااتريد واني اخواتي عندي حجايتهن وحدة وتننفذ وخلص الموضوع لا تحجي ولا احجي
.. حيدر.. حسين.؟؟؟
.. زينب.. خلص حسين اني هم اريد احجي ويا حيدر
.. حسين.. ما مجبورة زينبي
.. زينب.. لا حبيبي مو مجبورة اني اريد احجي ويا صدكني
.. ابتعدوا عني واني
بقيت اباوع وراهم اتمنى اروح بس ماردت حتى حيدر يصير ضدنا لأن هو الي واكف بوجه الابوو
.. حيدر.. ماكو داعي تبجين دمعتج غالية زينب قبل انتو ولد عمي واقرب الناس الي وبعد الصار هم نفس الشي مااتغير انتو تغيرتو وصرتو تستنكفون مني؟؟
.. زينب.. ابجي لأن اخوتي احنه مربطيهم ومخليهم يتحملون اهاين وضرب عمي العباس وهو حتى شيييب براسة عييب وحرااام والله حرااام
.. حطيت ايدي على وجهي اريد الزم روحيي من البجي مااكدر كأن احد سمحلي افتح نافورتي
.. جم مرة كلتهااا يعني اضللل اعيدد بيها
.. شزاعجكك انتتت
.. دمعتج تحسسني احنه شكددد حقرااااء خليني اعرف احجي وماالعن يومي
.. مسحت دموعي واحاول اتوقف
... تمام تمام احجيي احجيي
.. احمم اي شوفي اني راح اضمن المشتمل يخلص باسرع وقت صدكيني ما راح اخليي شيي ينعاد مثل قبل
.. ارجع الضرب عميي؟
.. مووو زلمة اذا مد ايدة عليج وكدامي
...ووراك انت موو تريد تسااافر اخوني مو دائما يمي واني اتحمل الضرب بس كلشي ولااا اختيي امووت ولا تنضررررب
وبدوون سبب عشنا بحال اهلنا مدللين واني هسع اعيشها بجال اخوانها مدلله
.. حيدر.. اضمن الج مااتحرك اذا مااكمل المشتمل وتكعدين وانت تكولين روح حيدر يلا اروح بعد
اطلب منج اذا حجت امي تتجاهلين شكد ما تكدرين وابوي اتجنبي الحديث ويا اصلا واذا حجة حاولي تقللين كلام ويا مماراح ياذيج والله وعباس وحسين راح اخليهم يتصالحون وكأن شي ما صاير هاهيه هيج؟؟
.. زينب.. كمت وكفت وهو همين.. هاهيه اني اخذت منك كلمة واعرفك مااتتراجع بكلامك وقبل ما تسافر العقد.؟؟
.. احررج منه اعرف انتي انجبرتي وهذا الشي ميصير ولا اني اقبله على نفسي ولا انتي
... تمام إني اسفة صيحت بس كلش مقهورة من كلشي كاعد يصير ويانا
.. عادي اني اتحملج لأن اعرف الي يصيرر وياكم غريب عليكم مقدر الي تمرون بي مقدر انُ هذا العالم طلع مو مثل ما مفكرين وطلع اتعس
... زينب.. نفس ما جنت افكر عبالي اهلي هم حجاب عن الدنيا وجمالها وجنت ألومهم على تشدد امي وابوي دائما يحذرنا واكله تحسسني عايشين بحرب او مو بشر مثلنا البرة بس طلع صدك مثل ما جانو يعانون ويانا اني هسع اعاني ويا اختي وعرفت معنى امي تفرض علينا شي احنه ما رايدي
.. حيدر.. اني وياج زينب قبل لا نكون عاقدين او شبه مخطوبين حنه ولد عم وخصوصاً فترة تواجدكم ويانا صرتي مقربة الي قسما بالله صديقة صرتي الي واعتبرني على هالنحوو ولا تتقيدين وياي واعتبرني بمكان عني بمكان عباس بمكان حسين لا تستنكفين مني ابد
..زينب..اشكرك حيدر كلامك وحدة كافي حسستني الدنيا بعدها بخير بكدما انصدمت من الناس ممصدكة ان اكو ناس بعدها تفكر مثلك
اخواني يحتاجون شخص يوكف وياهم تعبوو ترى
.. حيدر.. بدون ما تكولين اني وياكم ودقيقة ما تارككم لا عباس بالميناء ولا حسين بالمدرسة ولا انتن
.... ومنا هاي الحظة كبر حيدر بعيوني حسيت هو فعلا سند الواحد ينتكل عليي رجعنا بعد هوووسة ويا عمي عمتي اصلا ما طلعت ولا شفناها بديت استرد عافيتي صحيح هيه متريدنا بس متدخل بأمورنا ابد ولا نسمع شيي نورس بس تنزل تاكل وتحجي ويانا شويه وترجع تصعد مو مثل صابرين مدوختنا بسوالفها
حسين ما رجع بس عباس يجي ويا حيدر. ويرجعون بنفس اليوم كلش تعبان بس يكول اهم شي راحتجن
الحاضر...
.. زينب.. متكلي شنوو هذا حالك جا الي يشتغل هيج يصير بيي يا حسين
.. حسين.. ادري هيه عمالة ارجعلج لابس قاط يا عيني يا خوية
.. ايي شوف ايدك سودة عليه حطيت ايدي على حلكي اخفي صوت بجيتي من ايدة المجرحة واصبعة ملفوف ومبين حيل متأذي منه
.. حسين.. هممم بجتتتت هممم بجتتتت لجججج زنيييبه انتي تدورين الطم دوارة. ما تكليلي متنسين دموع بيج دخيل الحسين وام عون
.. زينب.. وهذا حالك تريدني اضحك
.. حور..جا اكلج زنيبه الي تعبان من الشغل تاكبلي وتبجين لو تروحين تسويله هالصينية هاي
.. حسين.. احوووو عاشت ايدجج حويرة
.. حور.. حور لديكم لا خوف عليكم مدام اني موجودة لا تخافون ولا تقلقون الحياة حلوة وتخبل ووردية بوجودي الله يخليني ويحفظني ويباركني
.. زينب.. اهووو بعد حور وسوتلك اكل شيخلصك
.. حسين.. أشد راسي وانا الاكرع بس اول شي خلي اشبع بطني يبست من الجوع
.. كعد ياكل واني وحور يمه .
.... حسين خلنيي اكل بنات ابويييييي
.. حور.. بالجذب كول اعزممم
.. حسين.. عاد اني ببطني اعرف بس زنوبة لأن على كيفها تامل مو مثلج مهروشة
.. ضلو يتجادلون واني طلعت اهذت ملابسهم وغسلتهن واتصلت بعباس طمنتة على حسين ورجعت يمهم حور بالسانها حجاية بس متحجي احسها خايفة من شي واني مربيتها على ايدي شمسويه مصيبة هاليومين
.. اكول حوريي احجيي حبيبة شمسوية
.. حور.... يا ستار انتي وين تشتغلين كليلي اذا ويا الإستخبارات كولي حتى اخذ حذريي
.. احجييي
. حسين.. شكووو
.. حور ماكو شيي دنتناقش اني واختي بموضوع بناتي
...
.. بناتي وموضوع ووياج مستعبدة
.. زينب.. عرفت متريد تحجي كدام حسين اشرتلها تكوم لميت كشور حب الشمس وكمت للغرفة فرشت فراشها قريب من فراشي ودخلت وهيه بأيديها طاسة حب اهوو يعني السالفة بيها انه
.. حور.. انتي َو بس اختي تعرفين هالشي موو
.. زينب.. تمام ابدي من الاخير حبيبتي تعرفيني مااحب المقدمة ويمكن انجلط من هالكلام قبل حتى مااعرف فاينتج
..حور..قبل فترة ردت انضرب بالسيارة لا مو ردت يعني نضربت بيها وعباس يدري والله مااضم عنه شيي
ف من ضربني هذا اخذني للمستشفى واني غلطت عليي حيل غلطت لأن جانت رجلي وايدي يوجعني وكفن من الألم وانطيتة رقم عباس واجه الهناك الهنا تمام وعباس كال ماكو داعي تعرفين
.. زينب.. بأي حق تضمووون عني هيج شييي وشلون ما شفتج ومااعرفت بيج متأذية وانتي كدامييي ماكوو هيج شيي انيي متاكدة لو بيج شي جان عرفت
.. حور.. ايي ايي شوفي مابيه شيي والله يعني بس شافوها ولا مكسورة ولا مفطورة ولا مرضوضه كالو سم مابيها طلعها وعباس همين تطمن عني وهذا السوسة ضل يحجي عليه راني تجاوزت اعذريني بس حتى على أهله غلطت يعني فوك ما داعمني فوك ما هو الي مطنكر ويصيح شلون يوم وشلون بلوة ابتليت بيها
وانيي حوراااء حوراااء بتتت ياسرررر اسكتتت غير انتقمت منه ونبي
.. زينب كمت عدلت كعدتي ووخرت شعري اريد ايتوتبالي كالته هذا شوكت صار كله
.. شوفي قبل فترة
.. طلعت من الدوام واني فرحانة واتخيل الاكل وريحتة والجوووع يقره آلف عندي أصلا لو يخيروني بين المدرسة والاكل عمري كله راح اختار الاكل اكيد عبالكم اختار المدرسة
.. نسرين.. حور شو ضايجة
.. لا بس جوعانه لو احط مايك يم بطني الا الناس تهج من بيوتهم لأن معذبتها خطية بالسنة مرة تطيح بيها خبزة
.. لعد والألف الي املتي بي صمون وجبن وملاص جاي من الحانوت قبل شويه
.. هاي سناك حبيبتي شنوو هاي صدك جذب اني اذا مو ثريدد مااحب اكل
.. تاخذين مشهيي
.. لا والله ويني وين المشهيي قبل فترة اخوي اخذني للدكتورة مال تغذية يكللها تاكلني وتاكلح ومتشبع ومتسمن وانطتني علاج خلاني مفجوعة وما مبين بيه
.. نسرين.. نعمة عندج هايي احمدي الله عليها اني اسوي دايت وحارمة نفسي وانتيي تاكلين ومتسمنين
.. اني لو بسمنج الا اقفل باب الكنتور عليه
.. نسرين.. هاي وانتي صديقتي شكد قاسية عابت
.. لا اجذب عليج هوه اني مصادقتج علمود خدودج اكرص بيييهن
.. يلا بيباي نوصلج ويانا لو تنتظرين حسين
.. لا انتظرة هسع يشوي بصل على اذني اذا عرف رايحة وهو بالحر يجي ونوب يتشغل وياخذ زمنية يجي يرجعني ..
.. تمام تمام مع سلامة
.. كعدت على الرصيف واتحكرص هذاا حسييوون ويننن راح ما يكول هاي المصكوعة منتظرتني
.. اروح اشتريلي بطل ببسي اسكت بطني بيهن
.. باوعت للشارع مرتين عندي فوبيا من الشااارررع حطيت جنطتيي على گلبي وطكيتها ركضة من ركضة
الي يشوفني ويشوف طولي يكول هاي مخبلة مو طالبة
.. مااحس غير صارت سيارة كبالي من حلاة روحي نشمرت على الرصييف يما لو ساحكتني جان نمردت مررد سودة بوجهج بطني على هلدكة سمعت بريك السيارة
.. شبييييج شبيييج
.. حور.. باوعت علييي وانيي خايفة ولهسع الهبطة بيه صوتي يرجف بس مااكدر اسكت وهوو ينتر تنتر..
. هيييي شبييييك انتتت متشوووف سااارع شكدة انييي شطولنييييي متشوفنييييي ليششش تصيحح فوك شينك كوت عينك فوك ما خلصتك من مصيبة المفروض تشكرني رجليني واديني مااكدر منهن وانت تصيححح
.. شطولجج شكبرج تركضين بالشارع عااام وسرييييع
شتريدين انزل اصفكلج لو اشيلج واركض بيج
.. يمااااا رجليييي ايدييي زيييينببب عبااااس حسييين
.. دخيل اسمج ام عون شنو هالنواصة هاييي كوميي اخذج للدكتور المستشفى عندج رقم اهلج ابوج امج
.. اريددد اميييي
.. ايي غير اعرف رقمهممم انطيني اسمم عااد رقمم مااعرف احد دنيا الظهر غير يجوج يشوفوج ويننن اهلج دليني اخذج الهممم
.. اعرف رقم اخوي الجبير بس
.. اي انطيني
.. غمضت عيوني بألم وشلت روحي كوه على الرصيف كعدت ومغمضة اريد اتذكر الأرقام
.. ايي.. **********
.. تمام.. الووو السلام عليكم
.. اباوع اله هذا مبين طاك خرب يومة شلون متحمل روحة هذااا شكد انفة يحجي بهدوء واحس متكبر فوووك فوووك خشمة ميباوع النا
وهسع واذا تكبر على نفسة
.. تمام انتظرك لو اخذها للمستشفى تمام راح اخذها المستشفى ال**** وانتظرك لا مابيها شيي اصلا ما طختها السيارة بس شمرت نفسها عنها وتأذت اني ماشيي للمستشفى واشوف هنا بس دك عليه واني ارجع اتصل
.. سدة وباوعلي وهو حاط ايدة بجيوبه وحظرة جنابة بكل برود يكلي كوميي
.. شنو شنووو تشوفني بهاي حالتي اكدر اكووم.؟.
..اشيلج؟..ماعندي مانع اكيف
.. حور.. عزاااا نظراتة موو راحة يماااا
.. لا لا اني اكوم بس لا تحجي وياي وكأن مان عليه ترا بسببك تعورت
..
صعدت كوه ومددت رجلي وعدلتها وهو صعد بقى الباب مفتوح
...باوعتلة بأستغراب؟؟. شنو بس لا تريد اني اسد الباب؟؟
.. اكلج انتي ششايفتني فااارغ لو ماعندي بس انتيي يعني الشغل الفوك راسي وحاير اداري بالسانج تكول كسرتج موو شخطتين
.. حور.. اي بس من وراك وبعدين شكد. ماعندك احساس يعني بالمعاناة كعدت نوب تريدني اطبك نفسي واسد الباب
.. اول مره بحياتي اشوف بنية بهالسان وأول مرة اعرف البصراويات صلفات وما ينجرعن
.. لا تطلع من المالديف
.. لا ابنها للملحة بس ما معاشرجن البنية تخاف تخجل تستحي ترتبك من شخص غريب وانتي تتأمرين اعليه تكول اشتغل عد ابوج راسي صار ينبض بعيوني من صوتج تكول ماصول خربان توصوصين بأذني....
شكرا لزيارتكم عالم روايات سكيرهوم
