رواية نوارة بنت العمدة الفصل الرابع
يعني اللي شاكه فيه صوح وانها كيف ما كانت فاتحه لك اوضتها ممكن تكون كانت فتحاها لحد تاني و
علام قال بزعيق و غضب…. اما
نواره بصتلهم باستغراب لما علا صوته كده
وهو وطي صوته تاني وقال بغضب مكبوت…. اما اللي بتتكلم عليها دي بقت مرتي..نواره اشرف بت في الحته كلها وما فيش راجل لمس طرفها وابصم بالعشره على الكلام ده وشيلي الافكار ده من دماغك وعامليها زين انا عارفك اطيب خلق الله بلاش تزعليني منك
امه اتنهدت بضيق وقالت…. ماشي يا علام اللي تشوفه يا ولدي وسابتهم ومشيت وهيه مضايقه جدا
علام قعد على الفطار بخنقه
ونواره ابتسمت بحزن وقالت …..شكلها امك فكرت كيف ما ابوي فكر صوح …مفكره انك كنت تيجي تقعد معاي في اوضتي كيف ما قولت صوح يا علام
علام حمحم وبصلها وقال ..احم لاه …هيه بس امي دقه قديمه شويه وكانت عايزه المنديل والكلام الفاضي ده انسي موضوعها ما تهتميش بكلام حد
نواره وقفت وقالت بغضب… وما اهتمش ليه ده شرفي اللي بيتكلموا عليه كل ده بسببك طلعتني واحده فتحاها على البحري طبيعي امك ما ترضاش بواحده زيي لولدها
بقلم…زهرة الرببيع
علام اتنهد ووقف وبص لعيونها وقال ….عايزك تفكري بعقلك ده اللي عايز مكمل غذائي وتجاوبي على سؤال واحد ….فيه راجل يكون عارف عن مره انها عاطله ويقبل بيها مرته قدام كل الخلق خصوصا في بلدنا هنا
سكتت شويه وهو كمل وقال….. يا نواره ابوكي عارف الحديت ده كويس لانه راجل وامي كمان عارفه لانها مخلفه راجل وابوكي لو شاكك فيكي 1% مكانش جوزك.. كان دبحك وانتي عارفه الكلام ده زين
نواره اتنهدت بحزن وقعدت وقالت…. انا ما بقيتش عارفه حاجه ولا متاكده من حاجه خايفه كل الناس تكون بتفكر فيا كده
علام قعد جنبها وقربها ليه وقال…. ما تهتميش للناس يا بت المهم انك بقيتي معايا…بقيتي مرتي يا بت افرحي وفرفشي كده
نواره ضحكت بخفه وضربته في صدره وقالت… يا هنايا يا سعدي حاجه مستاهله قوي والله
علام رفع وشها وبص لعيونها وقال…. بكره هتعرفي انها مستاهله… لما تعرفي علام بيحبك قد ايه
نواره اتنهدت وقالت…لما نشوف الحب ده هيودينا فين
ابتسم وقال… هيوديكي في قلبي ويسكني قلبك بس قولي يا رب
نواره وقفت و قالت بثقه …..جايز اكون فعلا في قلبك..لاكن انك تسكن قلبي دي بعيد عليك واصل
علام ضحك بخفه وقال….وانا بحب المشاوير البعيده ومستعد امشي العمر كله ما دام انت هتكوني وجهتي في النهايه
نواره ابتسمت برقه ولسه هتتكلم الباب خبط تاني
علام جذب شعره لورا بغضب شديد وقال …..لا ياما كده مستقصداني
نواره ضحكه جامد وهو راح فتح الباب وقال…احم يا نعم ياما خير
امه ابتسمت وقالت…. خير يا ولدي ..كنت عايزه مراتك تنزل معايا نجهزو حاجه للغداء
علام بص لها بصدمه وقال….. غدا…غدا ايه يا اما اللي تحضروا معاكي….ده النهارده صباحيتها
امه اتنهدت بضيق وقالت…..وفيها ايه يا ولدي هيه حد غريب…وبعدين ما انت عارف اني عندي خشونه ومحتاجه حد يساعدني امال اني جوزتك ليه عاد
علام قال بسرعه..ايوه بس مش من اول يوم ياما و
نواره بس قاطعته وقالت بابتسامه …..وفيها ايه يا علام مش مشكله ..انا هانزل وياك يا حماتي بس اديني دقيقه البس
امه قالت بضيق….اهي مرتك نفسها معندهاش مانع يلا متتاخريش يا حبيبتي
قالت كده ونزلت وهو بص لنواره بزهول وقال ….تنزلي فين انتي كمان
نواره ابتسمت ولمست خده بدلال قالت… هنزل احضر لك غدا باديا مش كده الحريم الشاطره بتعمل مع جوازها
و لسه هتمشي شدها عليه بقوه بقت بين ايديه وقال ….في حاجات كثيره الحريم الشاطره بتعملها مع جوازها…و بعدين ما تلمسنيش كده تاني بلاش تدلع..علشان اني بولع
نواره ضحكت جامد ودفعته بخفه وراحت لبست عبايه وطرحه و قالت …استعد بقى علشان هتاكل اول غدا من ايدي النهارده وطلعت جري على السلم
ابتسم بخفه وهو متابعها بعيونه لحد ما نزلت وبقى يجهز هو كمان عشان ينزل وراها
بعد شويه كان علام قاعد مع ابوه وبيهزرو سوا ومستنيين الغداء يجهز
نواره كانت مع حماتها وجهزت صينيه لحمه في الفرن وقفلت عليها الفرن وسابتها تفضل سخنه جواها وقالت…..سيبي الرز يا حماتي اني هعمله عنك
حماتها قالت بارتباك…لا.. لا يا بتي اطلعي انتي خلاص كفاياك من الحر بتاع المطبخ
نواره قالت…. خلي عنك عشان رجلك
قالت بسرعه… لا لا انا نفسي اعمله انتي روحي ارتاحي
نواره ابتسمت وطلعت وحماتها راحت وفتحت الفرن تاني على الصينيه بتوتر
نواره لما طلعت كان حماها بيتكلم مع علام وقعدت تتكلم معاهم وكانو بيهزرو معاها ومبسوطين جدا
بعد شويه نواره شمت ريحه شياط جريت بسرعه على المطبخ وقالت…. حماتي ايه ريحه الشياط دي الرز باظ ولا ايه
حماتها قالت باستغراب… لا انا قفلت على رز من زمان
نواره قربت من البوتجاز بس اتصدمت بشده لما شافت الفرن لسه شغاله قفلت بسرعه بس كانت صينيه البطاطس كلها اتحرقت
مواره قالت بزهول انا فاكره اني قفلت عليها
امه اصتنعت المفاجأه و وقالت…. قفلتي عليها كيف بس دي الصينيه اتفحمت نعمل ايه دلوك…ده ما فيش غدا غيرها
نواره قالت بدموع….. دي باظت خالص يا حماتي
حماتها طلعت وهي بتضحك وقالت…… عشان جوزك يعرف انك مش نافعه لحاجه
علام استغرب وقال… فيه ايه ياما
امه قعدت على السفره وقالت….. فيه انكم هتتغدوا رز بس العروسه بوظت الاكل متوريهم طبيخك يا عروسه
نواره كانت سمعاها من جوه المطبخ ودموعها بتنزل بحزن و مش مصدقه اللي حصل
علام راح المطبخ بسرعه اول ما قالت كده ووووو
