رواية ضاع الحلم الفصل الخامس بقلم جمانه السعيدي
رحمه....كلشي جاي يمر بسرعه كل التجهيزات للعرس جاي تتحضر
واني وحدي كلشي مااكدر اسوي حتى حسام اختفى
معقوله تخلى عني ليش ما سمعت كلامه ونهزمت ويااا
شلون راح اصير زوجت اخووو
ليش كلشي جاي يمشي عكس مااريد
طك كلبي يمكن راح انجلط
نزلت الامي دنكت على ايدها وبستها نزلت ابوس رجلها
امي. .شكووو
رحمه...فدوه اني مو بنتج الله يخليج خلصيني اني ماريد ازوج ليش هيج تتعاملون وياي
امي...انت ما تفتهمين وسام الف وحده تتمنى من حظه الاغبر وكع بوحده مثلج
غيرج هسه تركص من الفرح شبيج يمكن عين وصابتج
رحمه...يمه اني اريد اكلج شي بس حتى تفتهمين وضعي وتساعدني ماكو وحده غيرج تكدر تساعدني
امي...لا تكولين افسخ الخطوبه
رحمه...اني احب حسام وهو هم يحبني صار سنه
من جنا نداوم بلمعهد
امي...لو يحبج صدك مثل ما تكولين مجان عاف اخو يخطبج
مجان سكت
اكيد جان يضحك عليج
بعدين تعاي خوما صار بينكم شي
رحمه...ليش تكولين هيج حسام محترم يخاف عليه
وابد ما حاول ياذيني
امي...هذا مو اسمه حب هذا لعب ماكو حب هيج
انتي اتخيلتي هذا حب لان بعدج زغيره وماعندج تجارب سابقه كلمتين منه كدر يفر عقلج فر
اتصورتي يحبج
بس هو مجرد تعود بينكم
لان يشوفج وتشوفينه كل يوم
سدي هذا الموضوع وبعد لا تججين بي بس يسمع ابوج
يكسر ضهري كسر
واذا عيالج سمعو راح يشدون وياج
خلاص انتي انكطع مهرج وصرتي زوجت وسام
انسي هاي الخرابيط وانتبهي الحياتج
ايجوز ياخذج وتعيشين برا لان هو حياته كلها بالخارج
يايمه ماكو واحد يحبج ويريد مصلحتج بكدي
اني اكلج انسي كلشي وابدي من جديد
جمانه السعيدي
رحمه...مااكدر تعرفين شنو مااكدر فدوه اوكفي وياي وساعديني
اتحججي باي شي كولي مريضه كولي مومال زواج
كولي بيها سرطان بس لا تخليني اكمل هاي الزواجه
فدوه اروحلج الله يخليج
امي...كومي يله نروح للخياطه اضبط ملابسج على قياسج
رحمه...مااروح الاي مكان وهاي الزواجه مراح اتم
امي...اخذ اختج اضبط عليها الملابس انتي لا ترحين
وحده غبيه وكلشي ما تفتهمين
رحمه...الدنيا سوده بوجهي وين اروح وشلون راح اكمل
كل ما يفوت الوقت العرس يقرب اكثر واكثر
وحسام قافل تليفونه ولا حس ولا خبر
هنا عشر ايام من بعد المهر واجا يوم العرس
رحمه...ماروح للصالون وهذا الزواج مراح يكمل
امي اتصلت بلصالون ودزو وحده ترتبني بلبيت
كعدتني بلكوه واني ابجي ومنهاره
وبدت تمكيج بيه كلما تشتغل بشعري أكلها عوفي
ربطته ليوره وثبتت التاج
شي بسيط لان اني ماريد اي شي
اريد انهزم من هذا الزواج لان محد جاي يفهمني
اجت الزفه واني امسح بدموعي
اتمنى تصير معجزه بهاي اللحظه
الي يدخل هسه عليه حسام مو وسام ويكول اني حليت كل المشاكل وجاي اخذج
قبل لا يدخل وسام امي لبستني الكب ونزلته على وجهي حتى لا يشوفو دموعي
طلعنا للسياره الزفه تمشي بلشوارع
واني اتخيل هاي جنازتي تمشي
وصلنا للبيت صعدوني فوك جناح كامل النا اني وسام
غرفتين وصحياة وهول زغير قاطعينه بقاطع خشب
نزل وسام وامي فتحت الكب
رحمه.. اريد بندول راسي يوجعني
جابولي بندول اخذت راسي حيل يوجعني يمكن ضغطي صعد
احس راسي يدك مثل كلبي
امي نزلت جابتلي عصير ليمون شربت انشحطت
جابو الاكل اني ما قبلت اكل ويني وين الاكل
بعدين زفو العريس دخل وطبك الباب
رفع البركع شاف وجهي احمر هلكد ما باجيه
همزين المكياج اصلي جان طلعت قرده على هذا البجي
جمانه السعيدي
وسام...مبروك
رحمه...مارديت
وسام...ممكن اعرف ليش تبجين
رحمه...دنكت وسكتت
وسام...صحيح احنا ما تعارفنا سابقا بس اني كلش مشغول
وماعندي وقت
بعدين امي ماقصرت بس تحجي بيج
اني حجزت باجر نطلع الاربيل نخلص كم يوم هناك
وحتى نتعارف بشكل صحيح اني وياج
ليش متردين عليه
رحمه... مد ايده ورفع راسي ليفوك
وسام...شبيج غير افهم
بيوم المهر تبجين هسه تبجين شنو القضيه
رحمه...مااريد هذا الزواج غصبوني علي
وسام... ليش غصبوج
رحمه...اهلي غصبوني
وسام.... غصبوج عليه اني صدك تحجين
رحمه....سكتت
وسام..... تحبين واحد عندج علاقه بااحد
رحمه...هزيت راسي بنعم
راسا اجاني راشدي اذاني صفرن كمت مااسمع
احس فجي طك
وسام... حيوانه اجاوب اي لا ياحقيره على هاي الدكه
انتي فعلا انسانه ساقطه
اني وسام اتقشمر اني وسام الف وحده تتمناني
اخذ وحده مثلج
انتي منو حتى تسوين بيه هيج
انتي تعرفين اني منو الف وحده تتمناني انت حشره
انت زباله انتي لا شي
شلون اني اخذج
بشرفي هاي دموعيج اله اخليها دموع من دم
اذا ماخليج تتندمين على اليوم الي انولدتي بي مااسمي وسام
حيوانه تربية شوارع
رحمه...يحجي بكل عصبيه حقه واحد مثله ليش ياخذ وحده ما تحبه وماتريده
مناقصه شي فعلا الف وحده تتمنى
بدل ملابسه ونزل جوه
واني بقيت كاعده بمكاني راسي كام يوجعني اكثر
بسبب الراشدي
كله بسبب اهلي لو سامعيني لو فاهمين اني شريد
مجان صار كل هذا
اني ماالوم على وسام
اني اللوم اهلي الي ضيعوني وضيعو
جمانه السعيدي
بعد ساعه صعد اخذ غطه وفراش وراح نام بلغرفه الثانيه
وما حجه وياي ولا كلمه
اني تعبت من الكعده
كمت نزعت البدله لبست تراك مسحت المكياج فتحت شعري تغطيت ونمت
مااعرف باجر شراح يصير وياي
خاف وسام يحجي الابوي
اذا عرف ابوي بهذا تصرفي تكون نهايتي
اني لا عرفت اتصرف بلبدايه ولا عرفت اتصرف اليوم
غبيه
وهذا حسام الي عافني وشرد
يمكن كلام امي صحيح مايحبني او يحبني ماعافني اواجه مصيري وحدي
جان وكف وياي وساعدني
كعدت الصبح على صوت ام وسام وهي ادك الباب
باب الخشب الي يفصل الجناج الخاص بينا
طلعت من الغرفه باوعت باب الغرفه الثاني الي نايم بيها وسام مسدوده
فتحت الباب
ام وسام...صباح الخير مبروك
رحمه...صباح الخير الله يبارك بيج
او وسام.. امج صار اكثر من ساعه كاعده جابتلكم ريوك ومنتضره تشوفج
رحمه...اغسل وانزل
ام وسام... براحتج
رحمه...دخلت الحمام سبحت ولبست نفنوف ابيض مشجر بورد اصفر
الردن كشكش الصدر فتحه مربع دلع
الفستان مو طويل نازل شويه عن الركبه
لبست شحاطة بيضه مشغوله ليلو من فوك
ربطت شعري خليت معطر ونزلت
امشي عبالك امشي على راسي هلكد ما بجيت راسي
يوجعني وصار يومين كلشي ماكلت بس اشرب ماي
عيوني منتفخات
من اغمض عيوني يحركني هلكد ما بجيت
سلمت على امي كعدت
البنات حمواتي نايمات بس ام وسام كاعده
الساعه ١١ الصبح
امي...مبروك الف مبروك
رحمه...باوعت عليها بحقد
امي...وين رجلج
رحمه...نايم
قربت عليه شاورتني
امي...ليش ماده البوز شبر الله يستر
رحمه...بسببج غير
امي...يعني البارحه كلشي ما صار بينكم
رحمه...ولا ولا راح يصير اني كتلج مااريد عاندتي انتي وابوي
بعمري مراح اسامحكم على هاي الدكه الناقصه
امي....اعدلي اسلوبج وعيشي فهمتي لو لا
ولا تفكرين ترجعين البيتنا ابوج يذبحج فهمتي لو لا
كعدت امي شويه وراحت
دخلت للمطبخ
رحمه...اساعدج خاله
ام وسام.... لا حبيبتي انتي بعدج عروس اتريكي خاف وسام يتاخر بلنوم
رحمه...ماااشتهي بس اريد جاي راسي يوجعني
ام وسام...اي الجاي جاهز صبي واشربي الف عافيه
رحمه...الله يعافيج
شكرا لزيارتكم عالم روايات سكيرهوم
