رواية قصة خلف الفصل الخامس بقلم جمانه السعيدي
ياسر...حسن حسن انزل اريد احجي وياك
انزل بسرعه
نزل حسن وهو عاقد حواجبه ومسوي نفسه ضايج
حسن...هاا خير انشاء الله
حجتلك مريتك كلبت الكلام علينا شوف مرتك غلطانه واذا ماترده اني اردها واعلمها الادب من جديد
ياسر....انت حاسب نفسك بشر انت وزوجتك
مره حامل شلون اضربوها
حامل تفتهم شنو حامل
حسن...واذا حامل خليها تتادب ويلزم السانها
شلون تمد ايدها على زهره
ياسر...شنو هسه زهره مكسوره مضمده عينها انفكست
شو جنها حصان
حسن...وتريد انتضر لمن مرتك تكسر زهره لو تفكس عينها
ياسر...لا توقعت انت جبير وتفتهم وراح تحل المشكله بينهن
بس تمد ايدك على نعيمه ما توقعتها منك
جان حليت المشكله
لو انتضرتني من ارجع اني احلها
باع من هاي اللحظه انت وزوجتك الكم الفوك تاكلون وتشربون وحدكم
اني مالي علاقه بيكم فهمت لو لا
حسن...اي معروفه اتصير ويا مرتك على اخوك
اني ما توقعت هذا الشي منك تعيرني بللكمه الي ناكلها وباكم
هاي بمكان ما تحجي على مرتك وتعلمه الصح من الغلط
المكان ما تكلها احترمي اخوي ومرته
اتكول بعد مالي شغل بيكم
بس الله كريم ترا المره تتعوض بس الاخو ما يتعوض ابد
جمانه السعيدي
ياسر.. لا تحجي حجي زايد شوف حياتك انت وزجتك
ومالكم شغل بينا ولا تنزلون جوه
ابنولكم صحيات فوك وبعد زوجتك ممنوع تنزل جوه
فهمت لو لا
حسن..واذا نزلت شراح تسوي
ياسر...مثل ما مديت ايدك على نعيمه وهي حامل اني اسوي مثلك بلضبط فهمت لو لا
حسن...ترا هذا بيت ابوي مو بيتك وتتحكم بكيفك
اني حر اسكن فوك اكعد جوه مالك حق تقرر بكيفك
فهمت لو لا
ياسر...هذا اخر كلام عندي
حسن...خلاص بيع البيت اني اريد حصتي
اريد اطلع من هذا البيت البيت الي اخوي معاديني بي
مااريده
ياسر...ماكو مشكله باجر نقيم البيت والقطعه الي بيها المحصار ونطيك حصتك
اني تعبت منك ومن مرتك
امي ماتت بسببكم كل النهار مشاكل وتحركون كلبها
واذا بقيت هنا
اني راح الحك امي من وراكم
ناس كاعدين تاكلون وتشربوم بلاش
وما تسكتون ادورون مشاكل
حسن...اي كول انت ماتريدنا امي مريضه عدهاضغط وسكر اني شنو علاقتي بيها
خاف اني عزائيل وماادري
جمانه السعيدي
خلف...ياسر يحجي هيج من حركة كلبه على نعيمه
يريد يخوفهم
بس ماناوي يطلع حسن من البيت
الناس شراح تكول علينا بس ماتت تمهم اطشرو
بس المفاجئه حسن ثاني يوم جاب دلال يقيم البيت
والكاع الي بصف البيت
حتى يعرف حصته شكد
مو دلال احد لا جاب خمسه كل يوم يجيب واحد
بلكت يعلي السعر وتطلع حصته اكثر
حسن....اني اريد ابيع اريد حصتي اطلع منكم
وابو محمد الدلال اطاني خوش سعر
ياسر...تحجي صدك تربد ابيع بيت ابوي ولك انت ما تستحي احنا شكد عشره احنا اتلاثه
وتريد اطشرنا خاف ربك مو هيج الحجي
حسن...عندك فلوس اطيني وابقى بلبيت انت وخلف
ياسر..منيلي فلوس
اشتري وابيع بلدين كوه مدبر العيشه
حسن...اي بيع وابني حصتي
خلف...بقه حسن يلح يريد يبيع البيت وياخذ حصته
اضطر ياسر يعرض القطعه للبيع حتى حسن ياخذ حصته
بعد ما بعنا القطعه واخذ حسن حصته
بقا كاعد بلبيت ست اشهر على كلبها وزوجته نفس المشاكل
كلما ياسر يكله اخذت حصتك اطلع بعد ماالنا قابليه على المشاكل
يعاند بلزايد
لمن وصلت حدها كلش ويااا
اخير شي اجر بيت قريب علينا وطلع
همزين خلصنا منه ومن زوجته مرض بلبيت مو بشر
صدك لو كال المثل اكل مر اشرب مر ولا تعاشر مر
حسن جان نايم براسنا اني وياسر
بس طلع وحده كام يشتغل يشتري حلال بلدين
يبيعه ويحصل كم فلس يضل يصرف منهن
بقا من فلوس القطعه كم فلس زينات
ياسر....راح اخطبلك سليمه وازوجك بهاي الفلوس
خلف...ليش ما نشتغل بيهن ونطور شغلنا ونعوف الزواج بعدين
ياسر...لا تخاف ربك مراح ينسانا اهم شي انت تأخذ البنيه الي تحبها
خلف...الله يحفظك اليه انت اهلي كلهم
ياسر...انت اخوي الصدك انت سندي وحزام ضهري
خلف...لله لا يحرمنا من هاي المحبه
جمانه السعيدي
بليل رحنا نخطب سليمه
ياسر...احنا جايين نريد نطلب ايد سليمه
ابو نعيمه...بعدني ماحجيت وياا عمامها
ياسر.. انت الخير والبركه
ابو نعيمه...تعرفون مهرها شكد
ياسر...اطلب ودلل احنا نشتري اهل مو مره الي تكول علي يصير
ابو نعيمه....باجر احجي ويا عمامها وارجعلكم خبر
ياسر...واحنا منتضرينك الله يقدم الي بي الخير
رجعنا للبيت
نعيمه...هااا ابوي شكال
ياسر...يكول احجي وياا عمامها وارجعلكم خبر
نعيمه...عمامي ماعدهم ولد بكدها
خلف...اي بشرج الله بلخير بلكت اتصير القسمه
نعيمه.. لا تخاف انشاء الله تصير
خلف...الله يسمع منج
طبعا بعد ماكو محصار عدنا للحلال
عدنا كم رأس خليناهن ورا البيت
اهم شي خلصنا من مشاكل حسن ومرته
ثاني يوم رجعنا الابو نعيمه
ياسر...هااا عمي نقرا الفاتحه
ابو نعيمه....لا عمامها مارضو
ياسر....ليش اني سمعت ماعدهم ولد بكدها
ابو نعيمه...مارضو مالكم قسمه يمنا
خلف....احنا نروح العمامها ونشوف المشكله شنو
شكرا لزيارتكم عالم روايات سكيرهوم
