رواية بيت المطلقات الفصل الخامس بقلم جمانه السعيدي
دنيا امي شهرين وهي تسئل على سميه
مابقه واحد ماراحتله حتى تسئله
حتى دزت ناس على ابوي حتى تعرف مكانه
عرفت بس المكان الي هي بي بس وين بيتهم بلضبط ماتعرف
قررت تاخذني ونروح نسئل على بيتهم بلكت توصل اله
وفعلا طلعنا من الصبح
الطريق ٣ ساعات يله وصلنا
نزلنا وبدينا نسئل المشكله امي بس تعرف اسمه وعشيرته
يعني متعرف اسمه الثلاثي
دزونا على اتلث بيوت نفس الاسم
وطلعو مو همه بعدين صادفنا رجال جبير بلشارع
وسئلنا واخيرا دالنا على بيتهم
جمانه السعيدي
وصلنا الساعه ١١ الصبح
البيت بلوك نص ساكنين بي ونص محصار مال غنم وحلال
طبعا البيت هوسه
بي جهال وناس رايحه وناس جايه
لان هم عائله جبيره اخوانه ثنيين مزوجين وساكنين وياااهم
واحد عنده ٣ جهال واحد عنده اربعه
وخوات ثنيبن مامزوجات وامهم موجوده
طلع ولد زغير من البيت وامي كالتله اريد سميه روح صيحه حباب
....سميه مو هنا راحت اجيب ماي من النهر
الضاهر همه ماواصلهم ماي الاساله او يوصل ضعيف
وهم عائله جبيره ومايكفيهم
بس النهر مو بعيد عليهم شويه عنهم
امي بس سمعت سميه رايحه جيب ماي نشغت ولطمت على صدرها يايمه عمت عيني عليج حبيبتي
الله ينتقم منك ابوها انشاء الله عذاب بلدنيا والاخره
بقينا واكفين برا ننتضرها تقريبا عشر دقايق يله اجت
صايره شحاله
الثوب يهد الحيل والحجاب اعوج ولا بسه حذاء لاستيك
وشايله جدر على راسه وكوه تمشي
بس شفناها ركضنا عليه امي نزلت الجدر من راسه وحضنته وجه اصفر وشفايفه بيض
راسا كامت تبجي
واحنا نبجي وهي تبجي حاله يصعب على الكافر
سميه يمه الحكيلي يايمه عايشه بلضيم ضرب وغلط واهاين ولج يمه اسبح يكول ليش سبحتي
اضحك يكول ليش ضحكتي وأيده والضرب
البس يتفحص جسمي اي واحد يدخل عليهم من كرايبهم
يكول هذا صاحبج انتي منطيته عين وكل شويه يجي
من يدخل للغرفه يدور بيه حتى ورا البرده يدور يكول وين صاحبج
اني اريد اكتل روحي واخلص
جمانه السعيدي
امي امشي ويانه بعد ماتبقين هنا ابد
سميه وابوي وخضير شلون
امي ارفع عليهم قضيه ثنيينهم يمه انتي جاهله شنو هذا الضيم كله
وفعلا اجو ورانه الجهال شافونه وراحو صاحو العجوز
بس احنا ماوكفنا ابد
اخذناها ومشينا
اسمع العجوز اصيح ورانا وين ماخذينه اذا رجع خضير يكلب الدنيا علينا
رجعوها احسن ماتصير مشاكل
احنا كمنا نمشي بسرعه وهي دزت الجهال يصيحون خضير
طلعنا للشارع وامي اشرت التكسي وكالته اطلع بسرعه
وشتريد انطيك
فعلا طلع ابو التكسي بسرعه والطريق كله نتلفت خاف يلحكنا
وامي كالتله نامي خاف يلحكنا حتى مايشوفج
نامت بحضني واني غطيته
امي كالت للسايق لاتوكف ابد
قبل لانوصل للسيطره شفنا لاحكنه ويدك هورن يريد السايق يوكف
مدري شلون شافنا
امي كالت الابو التكسي اوكف بلسيطره اريد احجي وياهم
نزلت امي وراحت للضابط
امي الله يساعدك خاله
الضابط اهلا وسهلا هله بيج تفضلي
امي اكو سياره تيوته لاحكتنا هذا مجرم يريد يكتلنا
كوه انهزمنا منه
بعد خالتك شوف احنا نسوان وحدنا وداخلين على الله وعليك
الضابط انتي بس اشريلي علي واني اعلمه
امي اشرتله على السياره وصعدت
الضابط اطمني راح ارجعه ومايلحكم ابد
أشر للشرطي كاله
هذا ابو التكسي خل يطلع على التكسي الي احنا صاعدين بيه
طلعنا وبعد مالحكنا
الضابط كايله اطبك على صفحه وين اوراقك وين رايح ووين جاي شعدك تمشي ورا ذني النسوان
خضير حضرت الضابط هاي زوجتي وامه اخذته من بيتي
الضابط اي توصل للبيت وتروح تتفاهم ويه ابوها
مو لاحك نسوان اتلاثه بلشارع تركض وراهن
وين رجولتك ماتخاف من الله
خضير اريد الحكه ارجعه للبيت بيتهم بعيد ٣ ساعات يله اوصل
الضابط عسى عشر ساعات ماتلحكهن يعني ماتلحكهن
منا وارجع وزوجتك باجر روح البيت ابوها وتفاهم وياااا
اكيد شافت الضيم منك وشردت هيج شرده
وفعلا الضابط رجعه وماخلا يلحكنا
جمانه السعيدي
وصلنا للبيت بس شافت ايمان حضنته وكامت تبجي
جسمه على آثار ضرب وشعرها مكطع تكول يسحبني من شعري ويضربني بلحايط
يحس بلنقص لان اني زغيره وحلوه ويفكر الكل طمعان بيه
وهو جبير خاف احب واحد غيره
لو اخونه بي عقده من زوجته السابقه
يعاملني مثل الحيوانات
امي كالتله بدلي وامشي نشتكي علي احسن مايجي باجر
ويسويه هوسه علينا
بلاول رحنا اشتكينا علي
بعدين حولونا للمستشفى يردون تقرير طبي بحالته
وليل يله طلع التقرير امي اخذته للشرطه ورجعت للببت
لان هو من غير محافظه لازم يدزون على أقرب مركز شرطه عليهم حتى يسلمه
دخلناها سبحت وبدلت لو شايفينه شلون تاكل
اتكول همه عائله جبيره وبخله يطبخون قليل
ومالهم شغل شبعتي لعد جوعانه هذا الموجود
واكلهم كله خضروات لو خباز لو طماطه وخيار وخبز
لو تمن ومركه بدون لحم
والصبح مرات احصل بيضه ومرات لا
جمانه السعيدي
ثاني يوم جاي خضير الابوي يصيح ويحجي
تعال دليني وين بيتهم خل ارجعه
ابو ايمان انت روح وحدك اني ماخذه عليه تعهد بس اوصلهم يشتكن عليه مو نسوان ك ح ا ب
طبعا خضير ماعاقد محكمه وماله حق يطلبه بلمحكمه
بس هي تكدر ادينه وتشتكي علي
خضير اخذ العنوان من ابوي واجانا
سميه بس سمعت بي اجه كامت ترجف من فوك ليجوه
يابه شكد قاسي وياها كلش تخاف منه
امي طلعت علي وكالته احنا اشتكينا عليك
وراح نحبسك ياضالم اموت البنيه تموت ماتخاف من الله
خضير خل ترجع احسن اله ما اطلكه لو تموت مو ابوها اخذ المهر خلا بجيبه وانتي تجين تاخذينه
امي المهر ابوها خذا مو احنا روح الابوها واخذ فلوسك
انت شنو مجرم مسوي جسمه ازرك ومقطع شعرها
اجا يدخل ياخذها بلقوه استسبع لان بس نسوان
امي كامت تصيح خابرن الشرطه خل تجي تلزمه كاعد يتهجم علينا بيتنا
كامت تعيط بلشارع بصوت عالي
واحنا كلنا نصيح بصوت عالي ياناس الحكونا
الناس طلعت على صوت العياط
وهو خاف ونهزم
امي دخلت لكت سميه ترجف كله حضنته وكامت تبجي
وتكول
كله بسببي كان لازم من زمان اطلك من ابوجن واخذجن واشرد جان حميتجن من هذا الضلم
عمت عيني ضيعتجن
جنت خايفه لايكولون مطلكه هسه اني وياجن كلنا مطلكين
الاهي لا تضيع حوبتنا اريدك اطلعه من كل ضالم ضلمنا
ثاني يوم امي خذته للسيد وشرحتله حالته
وكالته ازوجت غصب وزوجها يضربها وتريد تطلك
اذا تبقى يمه اكثر يموته خلاص
السيد تعاطف وياها وطلكه
اصلا كل زواجه غلط وحرام لان غصب ماعليه
وهنا البيت صار بي اتلاثه مطلكات
شكرا لزيارتكم عالم روايات سكيرهوم
