رواية ندوب الذكريات الفصل الخامس 5 بقلم سحر السحرتي

*ماما لاحظت وقعدت معايا حوالي ساعتين تقنع فيا انه ح-رام وممكن ربنا يعاقبني ويحرمني من ايمن كمان 

*هي اول ما قالت كده قلبي اتخ-طف لما تخيلت اني ممكن اخسر ايمن فاستسلمت وولدت للمره الثانيه 

*المره دي كان طارق طاير من الفرحه اكثر من المره الاولى لانها بنت وسماها نورين قريب من اسمي 

*ايمن زعل لما شاف فرحه ابوه بس انا فهمته انه كان فرحان بيه اكثر من كده 

*لفت نظر طارق فهم واخذ ايمن ونزل اشترى له هدوم كثير ولعب 

:ايه رأيك بقى يا استاذ ايمن ممكن نجيب حاجه واحده للبنت نورين وانت تختارها على ذوقك 

*ايمن فرح قوي وقال له

: لا نجيب لها حاجات كثير 

*رجعوا وشفت سعاده في عين ايمن ومسك اخته باسها وقعد يكلمها

: انا جبت لك حاجات كثير وكل ما تكبري انا اللي هختار لبسك ولما اشتغل هجيب لك حاجات اكثر من مرتبي 

*طارق كان اب حنين فعلا اوقات ما بيكون هادي 

*لما ايمن كبر شويه بقى يتعصب عليه عادي كانه راجل كبير لكن نورين كانت واخده عينه 

بقلمي سحر السحرتي 

*كنت مستحمله لغايه ايمن ما بقى عنده 12 سنه جالي في يوم وقال لي

: ماما انت مستحمله اهانات بابا بالشكل ده ليه 

:لان بابا بيتعب في الشغل عشان يوفر لنا حاجات كثير

: ما انت كمان بتتعبي بس مش بتعملي كده 

:كل انسان له طبع مختلف وقدره تحمل عن اي حد 

:بس انا ما بقيتش قادر استحمل انا هروح اعيش مع تيته سعاد في بيتها 

:لا يا حبيبي ما ينفعش بابا يزعل ولازم نقدر تعبه

 *فهم وسمع مني بس لما اكمل 15 سنه لقيته دخل وقال بكل حده

: انا مش هعيش مع الراجل ده في بيت واحد قدامك حل من اثنين يا اما تطلقي ونروح نعيش في بيت تيته يا اما همشي لوحدي

 :ايه اللي حصل بس فهمني

: بابا شافني لما واحد صاحبي عرض عليا سيجاره انا رفضتها و رميتها في الارض ... حاولت افهمه اني مش بشرب وكنت برميها زعق لي واهني قدام اصحابي والشارع كله 

:معلش يا حبيبي هو خاي-ف عليك السجاير مض-ره وعاده سيئه

 *حاولت معاه رفض تماما 

*بصراحه لقيتها فرصه اني اهرب من الذل والاهانه دي 

*حسيت وقتها ان حياتي ضاعت مني والقدر بيديني فرصه اعيش وضبطت هدومنا في شنط واتفاجئت لما جيت امشي من البيت انه نورين بنتي رفضت تمشي معانا

 :انا هقعد مع بابا اخدمه و اونسه 

:مش هتعرفي تعالي معانا اسمعي الكلام

 :لا انا هقعد مع بابا خدي ابنك وامشي مع السلامه

: ابني هي دي تربيتي فيك

 :بابا يعني عمل ايه كلمتين بيطلعهم في وقت عصبيه مش كل يوم بيزعق و المشكله كانت كبيره فعلا وكان خاي-ف عليه 

*ايمن رد عليها

 :طبعا عشان انت اللي على الحجر وبيكلمك دايما بالراحه

: لا عشان بسمع الكلام ومش بتعبه زيك

 :طيب خليكي في الجنه اقعدي فيها لوحدك 

*شال شنطتي وشنطته ومشينا 

*لما رجع طارق عرف باللي حصل بس نورين رفضت تحكي الحوار اللي دار ما بينا...  هي اه بتحبه بس مش بتحاول توقع ما بينا يمكن نرجع ونلم الموضوع زي كل مره 

*ماما وخالتي كانوا كبروا قوي ومش قادرين علي وصممت على قراري...  خفت على ايمن لان فعلا ابوه بيهينه قدام الناس 

*يمكن دي كانت الحجه اللي بقولها لكل الناس بس انا كنت ناويه اجرب الحب اللي منعت نفسي عنه سنين لان اختيار العقل تعبني

 *طارق قلب الدنيا ورفض يطلقني بسهوله ... بس ماما قالت له

: اديها حريتها وهي ترجع بمزاجها لو حبت ترجع .... حياتك هتبقى صعبه لو هي عايشه معاك بالغص-ب

 :يا خالتي انا بحبها وشاريها 

:عارفه يا ابني وانت عارف معزتك عندي بس انت باسلوبك ضعفت موقفك عندها وهي بطلت تسامح و تستحمل زي الاول وقرارها نهائي ... انا حاولت معاها كثير 

:يعني انت شايفه لو طلقتها هترجع لي

: لا انا قلت لك انت لما تديها الحريه هيبقى عندها حريه الاختيار يمكن الوقت ينسيها وترجعوا وحاول تتعلم من اخطائك

 *فعلا سمع كلامها لانه عمل المستحيل وانا رفضت 

*بعد ما استلمت ورقتي شعرت بحزن بس مش عارفه سببه ...هل العشره؟ ... او السنين اللي ضاعت مني مع واحد بيهين كرامتي باستمرار وحياتي اللي كلها مشاكل 

*طارق ما عملش زي بابا وبقى يبعت مصاريف ايمن ونفقتي بما يرضي الله تكفينا وزياده 

*بعد الطلاق بشهرين ماما توفت شفت حزن طارق عليها ووقفته جنبي بس ما شفعش له معايا لاني لسه كنت شايله منه بس رجعت احترمه ثاني لان حبه لماما كان صادق وحقيقي 

*بعد الطلاق بسنه اتقدم لي جوزي الثاني عن طريق واحده صاحبتي في الشغل فضلت تزن انه كويس وراجل يعتمد عليه و حظه في الجواز زي حظي 

*قلت اجرب و اشوفه يمكن قلبي يمل له و اجرب الحب 

*وفعلا قابلت سمير شكله كان مش بطال اكبر مني بسبع سنين انا كنت وصلت 42 

*كان كلامه حلو قوي وعرف يشغل بالي 

*فكرت ارفض لانه كان بيشتغل كابتن على عربيته في اكتر من تطبيق توصيل بس قلت ده شغل شريف

بقلمي سحر السحرتي 

 *وبصراحه علقني بيه وانا كنت مستنيه حد يقول لي كلام حلو 

*طبعا لانه خارج من طلاق هو كمان وعنده طفل فالشقه مع طليقته وابنه وهو ساكن مع شباب في شقه واحده 

*صاحبتي اقترحت علي افضل قاعده في شقه ماما بدل ما تروح مني 

*سمعت كلامها 

*ايمن كان معارض جوازي بس لما اتكلمت معاه بالعقل انه من حقي بعد تعبي مع ابوه وهو كان شايف حياتي صعبه معاه ازاي فوافق 

*انما نورين بنتي تقريبا لما عرفت قاطعتني وبطلت تيجي تبات معايا 

*اما بقى عن طارق فجه اتخ-انق معايا و زع-ق وقتها منعت ايمن انه يخرج من الاوضه مش عايزاه يخ-سر ابوه اتكلمت بهدوء مع طارق و فهمته ان استحاله ارجع له وحياتي معاه انتهت ولازم كل واحد فينا يجرب الحياه مع حد ثاني يمكن يعيش سعيد 

*خرج وهو مش مقتنع والدموع مالية يعنيه انه خس-رني لانه كان عنده امل ارجع له

 *فضلت مخطوبه ست شهور على ما ادرس سمير شويه ويقدر يجيب غرفه نوم ما هو مش معقول هياخذ عروسه وشقه من غير ما يتعب في اي شيء 

*بحكم شغله ما كناش بنتقابل كثير لكن كان بيكلمني في التليفون ورجعت بنت مراهقه من اول وجديد بدوخ مع كلامه الحلو 

*العند مسك في راس طارق وقرر انه يتجوز قبلي عشان يثبت لي اني ما بقتش اهمه 

*كان نفسي اقول له مش محتاج اثبات انت ما تهمنيش بالفعل ورحت حضرت كتب الكتاب لانه ابن خالتي وعرضت عليه اخذ نورين عندي كام اسبوع عشان يقدر يقعد مع عروسته براحته رفض وقال لي 

:بنتي معايا ومفهم عروستي ان بنتي في البيت قبلها واذا مفكره انك بتعملي حركه جدعنه معايا عشان تترد لك لما تتجوزي واخذ ايمن فلا ... كل واحد معاه شيله يفضل شايلها وخلي ايمن يبقى يجي ياخذ فلوسه مني هو كبر يقدر يمسك مصروفه 

*رديت عليه

: على فكره انا كنت عايزه اخدمك من غير مقابل لان بينا عشرة وقرابة غير أن  البنت لسه صغيره ومراتك عروسه جديده محتاجه تحس ان لها بيت 

:متشكر على طيبه قلبك بس بنتي هتفضل في حضني اللي اخترته بارادتها ومراتي عارفه ان بنتي ست البيت وهي اول واحده في اولوياتي 

*مشيت كلامه كان يضايق بس عارفه من حبه ليا .... بس انا حاولت انسى وارجع واعمل بنصيحه ماما بس انا كنت زي المسجونه اللي اخذت افراج وقررت تبقى حسن السير والسلوك عشان ما ترجعش السجن تاني 

*اتجوزت سمير خالتي عرضت عليا ايمن يقعد معاها فتره الجواز الاولى رفضت عشان طارق ممكن يفهم ان ده كان مخطط مني وانا بعرض عليه اني اخذ نورين

 *اول ست شهور في الجواز كانوا تمام قوي وحلوين كنت سعيده جدا 

*وايمن حس اني اخترت صح 

*بعد كده الحال اتقلب مش عارفه ازاي ولا كان سمير بينيمني لغايه ما يتمكن بقى 

*كل فتره قاعد في البيت وانا اللي بصرف بحجه العربيه عطلانه مره عملت حادثه مره تعبان وظهري بيوجعني ولازم انام عليه شهر واعمل علاج طبيعي

بقلمي سحر السحرتي 

*استحملت زي اي ست اصيلة وصرفت بكل حب وغ-باء 

*وهو قاعد في الاول كان بيساعدني في شغل البيت عشان ما اقدرش افتح بقي وبعدين بقى يسحب ايده بذكاء وانا لبست شغل البيت والشغل اللي بره البيت وطلباته اللي مش بتنتهي 

*مرت سنه على كده حسيت اني تعبت وانه بقى متكل علي في كل حاجه 

*اعترضت وبدأت اتخ-انق وازع-ق ظهر على حقيقته وض-ربني بطريقه وحش-يه 

*الحمد لله ايمن كان في جامعته ولما رجع عرف اني وقعت 

*سمير خرج كام ساعه ورجع اعتذر وعيط وشرح بكلامه المعسول هو قد ايه مك-سور انه عاطل وانا اللي بصرف عليه 

*وفعلا نزل يدور على شغل عشان يصلح العربيه لكن للاسف سنه بقى كبير الناس رفضت تشغله

 *استلف مني مبلغ تصليح العربيه وفعلا بدا يقسط المبلغ ده ووصلني حوالي نصه 

*اشتغل شهرين ورجعت ريما لعادتها القديمه

 *بقى يطلب فلوس مرة ببجاحه  مرة بقله ادب ومرات بالضرب 

*خفت على ايمن يشد معاه وهو بيض-ربني يخس-ر مستقبله 

*طلبت من خالتي تقول له انها تعبانه و محتاجه حد يونسها 

*ايمن كان بيحبها قوي فوافق رغم انه كان قلقان عليا

 *شجعته يقعد مع جدته وطمنته انه راجلي ولو احتاجت شيء اول واحد هلجأ له 

*بعد ما ايمن قعد مع خالتي كان فات على جوازي سنتين