رواية قصة خلف الفصل السادس بقلم جمانه السعيدي
خلف...طلعت ضايج من بيت ابو نعيمه
ليش هيج يسوي وياي
ان اعرف ماعدها ولد عم يعترضون هاي الزواجه
ياسر...لا اضوج اني اروح على عمامها وافتهم الموضوع شني
ثاني يوم ياسر راح العمامها ثنيبنهم
عمها الاول ابو علي
ياسر...احنا البارحه رحنا البيت ابو نعيمه نخطب سليمه
الخلف
ابو علي...اي ببها الخير خلف خوش ولد
ياسر...ابو نعيمه يكول انتم ما تقبلون بهاي الزواجه
ابو علي...لا ولله يابويه ليش ما نقبل
انتم خوش ناس والنعم منكم واني لو عدي بنيه اطيها الخلف واني مغمض عيوني
ياسر...كون انت ماعندك مانع
ابو علي...اني امشي وياكم اخطبها الكم
ياسر...تمام اني اروح احجي ويا ابو سعد واشوف رايه
وبليل نروح على ابو نعيمه نخطب
خلف...ياسر راح العم سليمه ابو سعد وكلامه كان نفس كلام
ابو علي
اتفقنا بليل ناخذ مشيه ونروح نخطب سليمه
وعمامها ثنيبنهم ويانه
أخذنا سيد من المنطقه ويانا وثنيبن زلم كبار معكلين
وكم واحد من العلوه من ربع ابو نعيمه حتى ياثرون علي
ورحنا عليهم
بدت الناس الجبيره تخطب
ابو نعيمه...لا بعدها زغيره مومال زواج
ابو علي عمها... شنو زغيره عمرها عشرين سنه البنات بكدها عدهم طفل وثنيبن
السيد....اني جايك تردني شني
قبل الناس كلش تخاف من الساده الساده اهل البخت
اذا سيد طلب شي لازم ياخذه
لان يشور بااهل البيت هذا المعتقد كل جان ماشي بذاك الوكت
ابو نعيمه...الخاطر السيد اني موافق بس مهرها اربع الاف
طبعا بوقتها المهر الفين ونص وبت الناس الواصله مهرها
٣ الاف
ياسر....على كيفك ويانه انت تعرف وضعنا زين
السيد...الف طايح الخاطر جيتي هاي
ابو نعيمه...هاي هيه
قرينا الفاتحه وطلعنا
خلف ...طلعت امشي وما مصدك واخيرا سليمه صارت من قسمتي ونصيبي
واخيرا اني وياها راح ننجمع بيت واحد
بدينا نجهز للعرس الفلوس الي عدنا كلها يله صارت المهر
واشترينا غرفة نوم بلدين
عرسنا كان بسيط على كد الاهل
ازوجنا اني وحبيبت كلبي شكد جنت معجب بيها عن بعد
صرت اموت عليها وعلى سوالفها الحلوه
شكد ماارجع تعبان من اشوفها يخف التعب عني
فلوس الواجب الي اجتنا بلعرس سدينا بيها قسم من الدين
جمانه السعيدي
سليمه...ليش ذبحت روحك عليه اني يسموني الزركه
شوف جيب ايدك حتى انت ابيض مني
خلف...اني حبيتج لان زركه ياربي تخبلين
صح انتي سمره بس كلبج ابيض
سليمه...كلما تجي وحده تخطبني تبطل تكول هاي زركه ابني يريد بيضه
خلف....همزين تبطل حتى تبقين اليه
سليمه....شكد تحبني
خلف...بكد سمارج الحلو
سليمه...واذا طلعو الجهال زرك عليه
خلف...ياريت كلهم يشبهونج
سليمه....اني هم احبك واموت عليك
كبل جنت احبك لان تريد تخلصني من مرت ابوي
بس هسه احبك لان انت حنيين عليه
خلف....ما تصدكين شكد ضجت من ابوج رفض اول مره
بس الحمد لله صرتي اليه
سليمه.. اني احمد ربي ليل نهار خلصني من بيت ابوي ومن مرت ابوي الضالمه
خلف ...يستاهل الحمد والشكر
الصراحه وضعنا المادي مو شي
بس رب العالمين ويانا وساترنا
بعد شهرين من زواجي انفتح باب رزق علينا كنا ابد ما حاسبين حسابه
اكو مقاول اجا من بغداد يريد يتعاقد ويا واحد يشتريله حلال ويدزه اله البغداد
بلصدفه شافه ياسر وراح علي
طبعا كل الي يبيعون حلال يردون يستغلون ويضحكون علي
يعني اذا راس الغنم ١٠٠ همه يكولوله ٢٠٠
ياسر كاله تعال اني افيدك
ياسر....اني اشتريلك اخذ عليك شي قليل
اذا الراس ١٠٠ اني ابيعه عليك ١٢٥ واجمعلك هواي حلال
وااجر سياره توصلهن الك
الرجال اقتنع من كلام ياسر ووافق يتعاقد ويااا
خصوصا ياسر بلبيع راح يفرق علي هواي من باقي البياعه
كمنا نشتري ٢٠٠ راس غنم واكثر ياخذهن اله السايق
وهويدزلنا الفلوس بيد السايق الي يوصله الحلال
يعني مثلا نشتري عشرين راس غنم قيمتهن مثلا
الفين هو ينطينا الفين ونص احنا نحملها ونوصلهن اله
رزق لا على البال والاوعلى الخاطر
خلال سنه كمنا نجيب الفلوس بكونيه للبيت
صح الفلوس بوقتها كانت طبع بوقت الحصار
تقريبا ٩٨ بس صارت احوالنا خير من الله نعمه من رب العالمين
خلال سنه ونص صرا وضعنا المادي ممتاز
انعرضت القطعه الي بعناها الي جان بيها المحصار للبيع
ياسر...نشتريها ونبني عليها بيت الخلف حتى يستقر هو وزوجته
خلف....تحجي صدك
ياسر...طبعا احجي صدك هذا تعبك وشغلك
فعلا اشترينا القطعه وبنيها عليها بيت بسيط طابق واحد
نص بنينا علي بيت ونص بقه محصار للحلال
جمانه السعيدي
وانتقلنا اني وسليمه بيها وهنا صار عدنا حمودي اول طفل
وياسر عندا ثنيين ولد وبنيه جايه بلطريق
واشترينا سياره تيوته مستخدمه مو جديده كلش نشيل بيها الحلال
سبحان الله كرمنا اخر كرم
اما حسن وضعه كان كل يوم يصير اسوء من اليوم الي قبله .مايعرف يتصرف
يشتري بلدين من يبيع مايرجع الفلوس ويصرف على كد الربح لا يصرف الفلوس والربح
طبعا احنا علاقتنا بي شبه مقطوعه من سوالفه هو وزوجته
بوقتها صار حسن اب الاثنين اطفال وزوجته حامل بلثالث
ماجنا نعرف هو مديون
اله بلصدفه كام مايجي للعلوه ولا يوصل
وواحد من الي يبيعون اجانا
ابو مسلم...الله يساعدكم
خلف وياسر...هله هله عمي يساعد بختك
ابو مسلم...اريد اسئلكم على حسن ماكو
ياسر...ولله ماادري بي ليش تسئل
ابو مسلم...اطلبه فلوس وصار جم يوم ماكو ما يبين بلعلوه
وحتى ابو حارث هم يطلبه
ياسر...ماليش اطلبه
ابو مسلم...اخذ مني حلال بلدين وماجابلي الفلوس
ياسر...بسيطه صار تدلل اني اليوم اشوفه واحجي ويااا
للعصر ياسر راح عليهم
دك الباب فتح الباب ابن حسن
ياسر....وين ابوك
...ابوي نايم
ياسر....روح كعده كله عمو اجا عليك
شويه وطلع حسن يفرك بعيونه
حسن...هله ياسر ادخل
ياسر...وينك ما تبين هليام
حسن ..تعبان مااطلع
ياسر...ابو مسلم وابو حارث يسئلون عنك يكولون نطلبه فلوس
حسن...هااا اي ميخالف
ياسر...شنو ميخالف فلوسهم موجوده جيبها اني اوديها الهم
عدك مشكله احجيلي شنو
حسن...لا ماكو مشكله اني اطلع وارجعهن الهم
ياسر...بعني ماعندك اي مشكله
حسن.. لا اي مشكله ماكوووو
ياسر...تمام شبيك مريض اخذك للطبيب
حسن...لا مابيه شي شوية تعب وبس
ياسر...هاي هي اروح اني
وانت رجع فلوس الناس لا تكسر وجوهنا كدام الناس
شكرا لزيارتكم عالم روايات سكيرهوم
