رواية من القاتل الفصل الخامس بقلم جمانه السعيدي
ام معتصم....فتحت عيوني بلمستشفى
بس عمار واكف بصفي
عمار...سلامتج الف سلامه
أم معتصم....بقيت ساكته اريد اذكر شنو آخر شي شفته
احس نفسي حزينه بس مجاي اذكر شنو آخر شي شفته
بقيت ساكته شويه اريد استرجع ذاكرتي
الظاهر الصدمه قويه
راسا اذكرت منضر ايه
عطت بصوت عالي ايه بنتي ايه
عمار... على كيفج لا تاذين نفسج
أم معتصم....بنتي وين اريد ايه ايه وين
دنك عمار ومارد عليه
ام معتصم....ماتت احجي ايه ماتت فدوه لاتكول ماتت
ايه ما تموت وتعوفني
ولك هي الحلم الي عشت طول عمري انتضره
عمار...استغفر الله
ام معتصم....احجي عمار ليش ساكت وين ايه
عمار....البقيه بحياتج
ام معتصم...يااا تحجي صدك حياتي بعد شلي بحياتي
ياحياتي هاي وايه ماكو
اخذني اريد يدفنوني وياها
شمرت الغطه اريد اكوم مغذي بايدي سحبته وشمرته
الدم كام يجري من ايدي
عمار...سمي بلرحمان وين ترحين
ام معتصم....تحجي صدك اني هنا وايه مااعرف وين
اخذني ماابقا هنا
خل يدفنون وياها شلون اعيش وهي ماكووو
جمانه السعيدي
حاول عمار يرجعني بس اني ماايرد ارجع
ومااريد اصدك بتي ماتت
اني عايشه كل عمري بحرمان وتعب علمود منو
علمودها هي اخوها
تالي تعوفني وتروح
عمار...خاله ارجعي ايه شرحوا جثتها خلاص
واني اتصلت على معتصم هو هسه وياها
ام معتصم...يايمه شرحوا جثتها يايمه عمت عيني
ايه الحلوه الهادئه الشاطره
يشرحون جثتها
يمه شهادتج وين اخليها يمه حبيبتي
من المتفوقات طول عمرج ليش حبيبتي
صديقاتج شراح اكوللهن
كتبج وين اخليهن انت مو كتلي اصير دكتوره وعالجج
اني اريد اموت يمه فدوه الحنينه
شلون ماتت عمار احجيلي شلون ماتت
عمار...همه يردون يعرفون شلون ماتت
ام معتصم...انقتلت اي اكيد انقتلت اني عفتها بلبيت
كلشي مابيها
عمت عيني كون ليش طلعت وعفتها
عمت عيني ليش ماخذتها وياي
يمه ايه اهييي اهييي ليش هيج منو اليه من بعدج
انتي بتي واختي وامي وصديقتي
يمه حبيبه وين رحتي وعفتيني
جسمج هذا الحلو يشرحون بي
انت ملاك مو بنيه
ماخشتنتي كلبي بكلمة بعمرج ما سمعتيني كلمه موحلوه
كله حاضر وصار حبيبتي منو قتلج ياضالم ياوحش هجم عليج
خفتي
خفتي من الموت واني مو يمج
عمت عيني كون عليج
اريد اروح يمها خاف تخاف اخذني عمار اخذني الها
عمار...انتي تعبانه
ام معتصم...ياا تعبانه اعوف ايه وحدها لان تعبانه
كمت امشي واضرب بلحايط مااشوف دربي من البجي والحزن
لزمني عمار واخذني للثلاجة الي يخلون بيها الموتى
بس شفت معتصم كمت اعيط بصوت عالي
يمه معتصم وين اختك يمه وين خليتها
صدك شرحوا جسمها
ايه الحلوه وينها اريد اشوفها اريد اسئلها منو هذا النذل الي سوا بيها هيج جمانه السعيدي
معتصم كاعد بلكاع ويبجي
واني كابلته وكعدت
معتصم....يمه ليش عفتيها بلبيت وحدها
يمه ايه راحت من عدنا
ام معتصم...اريد اشوفها اريد اشمها ووينها يمه معتصم
أصعب لحظات مرت علينا من كد الصدمه ما مصدكين
ايه ماتت لا ما ماتت انقتلت
كدرنا نستلم الجثه بعد مابقت نهار كامل بلمستشفى
بس يردون يعرفون شنو اسباب القتل
وشلون انقتلت
انمنعنا نسوي عزا بيتنا الحد ماياخذون البصمات
من البيت
بس كلشي مالكو بيتنا متروس بصمات
بسبب الزباين والخياط
ناس داخله وناس طالعه
العزا سوينا بيت اختي بقيت اسبوع مااكدر ارجع للبيت
شلون ادخل للبيت وايه ماكووو
شلون راح اكدر اعيش ومااشوفها
بعد اسبوعين رجعني معتصم للبيت
اول مادخلت اختنكن اشم ريحتها بلبيت
البيت احسه ضيك يريد يخنكني
وكعت مريضه مااكدر اوكف ولا امشي ولا اكل
معتصم خلصت اجازته بس عمار ماعافني ابد
عمار....روح معتصم اني ابقى يم خاله مراح اعوفها ابد
معتصم...شلون شلون اعوفها
خاف تموت وتلحك ايه
عمار...شنو القصه صير قوي ترا هي معتمده عليك
معتصم...باجر يطلع التقرير ونعرف اسباب الوفاه
عمار... خير انشاء الله
ثاني يوم طلع التقرير الطبي
مخنوكه خنك مقاومه ماكادره تخلص نفسها
بعد موتها ضاربيها ابر مخدر بجرعه جبيره
حتى تبين اسباب الموت بسبب جرعة المخدر
بس فحص الدم بين هي غير متعاطيه
يعني مستحيل تكون تتعاطى
معتصم...هذا المجرم شكد غبي يريد يضيع الجريمه
قتلها وحتى يخفي الجريمه انطاها جرعة مخدر جبيره
حتى تبين هي قتلت نفسها
عمار....يعني هي ما تتعاطى
معتصم...هاي شبيك عمار ايه ايه جاي ما تشرب
شلون تتعاطى
بس اكيد راح ينكشف وين يروح ايه بريئه ونظيفه وطيبه ومراح يروح دمها هدر
جمانه السعيدي
هما لاكين دليل يكشف القاتل بس مايقبلون يحجون عنه
عمار...شنو هذا الدليل
معتصم...مااعرف ماحجولي عنه
عمار...زين روح انت اني ابقى اتابع القضيه واهتم بخالتي
رجع معتصم للدوام وعمار بقى وياي
بلبيت بس اني ابد ما مرتاحه احس نفسي مخنوكه
وافكر ليل نهار منو هذا الي إجراء ودخل بيتنا
وقتل ايه
لازم واحد تعرفه ايه والا شلون فتحتله الباب
منو ياترى هذا النذل
لو قاتلني اني ولا ايه اني جبيره ومريضه
ضيع هاي الطفله
معقوله اني بعد مراح اشوف ايه
لا مااكدر مستحيل مااكدر
اجو الشرطه للبيت حتى يسئلوني
......منو يدخل للبيت عليكم
ام معتصم....كل يوم اكثر من ٢٥ وحده يجن علينا علمود الخياط
...تشكين بااحد عدكم عداوه ويا احد
ام معتصم...ابد ماعدنا اي عداوه ويا اي احد
ناس بحالنا
...اذا شفتي شي اوشكيتي بشي راسا تواصلي ويانا
بس طلعو رجعت ابجي من جديد
عمار...خلاص كافي موزين عليج البجي
ام معتصم...اريد اموت واروح يم ايه مااكدر اعيش بدونها ابد
شكرا لزيارتكم عالم روايات سكيرهوم
