رواية ضاع الحلم الفصل السادس بقلم جمانه السعيدي
رحمه...بقيت كاعده بلمطبخ ويا خالتي
للضهر نزل وسام لابس تراك برمودا سلم على خالتي
واني حتى ماباوع بوجهي
ام وسام... مبروك منك المال ومنها العيال
رحمه..التفت عليه خزرني بنضره كلها حقد ومارد على امه
كعد كبالي
وسام....كومي حضري الريوك
ام وسام....الغده جاهز سويت برياني دجاج انت تحبه
وفاصوليا
وسام....اريد ريوك كومي مو احجي وياج ما تسمعين
رحمه...كمت وهو يباوع عليه من فوك ليجوه
ام وسام...شبيك ماما ليش تحجي وياها هيج على كيفك
وسام...زوجتي وبكيفي لحد.يدخل بينا
ام وسام....ياا صدك تحجي من اول يوم هيج تعاملها
وسام..هذا استحقاقها على كد قدرها اعاملها
ام وسام...اليوم شكو ياستار ياربي
وسام...بسرعه شكد فاهيه
ام وسام...تعال اريد احجي وياك
اخذته خالتي ودخلو بلصاله وقفلو عليهم الباب
ام وسام...شبيك احجي هذا مو طبعك
وسام...هاي الحيوانه الي كعدتي تمدحين بيها اشهر كدامي وسويتيها ماكو منها بلدنيا كلها
تكول اني مغصوبه على هاي الزواجه مااحبك تحب واحد ثاني اني وسام الي الكل يتمناني اطيح بوحده بلا اخلاق
ام وسام...على كيفك مو هيج الحجي البنيه توها مخلصه سادس وتعرف السادس شكد صعب
من خطبناها انت مارحت كعدت وياها ولا شفتها شنو تحب شنو تكره انت بلنسبه الها واحد غريب
الغلط منك اكيد تكول هيج جمانه السعيدي
حتى لا تقرب عليها البنات من ينحرجن بهيج ليله
يفقدن عقلهن من الخوف
اني سئلت عليها واعرف أخلاقها ماعدها هاي السوالف
انت بس اصبر عليها
خليها تتعود عليك ترا بعدها زغيره يله كملت ١٨ سنه
وبعدها ما تعرف الحياة الزوجيه شنو
اصبر شويه انت اكبر منها ب ٦ سنوات
ابو المثل يكول الأكبر منك بيوم افهم منك بسنه
اخذها على كد عقلها
وسام...مااريدها كمت اكرها اكو وحده تكول الزوجها بليل عرسهم مااحبك احب واحد غيرك
ام وسام...اصبر عليها شهر واحد اكيد من راح تقرب عليك وتعرف أخلاقك راح تحبك
وسام...بشرفي حلفت اله ابجيها دم اني تكول مغصوبه عليك
لازم تحمد ربها وتشكره واحد مثلي قبل يزوجها
ام وسام... عليمن شايف نفسك يايمه اني راح احجي وياها وافتهم منها
وسام...ابد لا تحجين وياها وتكبرين راسها خليها تولي
جمانه السعيدي
رحمه...اني شبه سمعت الكلام كله لان صوتهم جان عالي
وخاصه صوت وسام يحجي بعصبيه
اني الصراحه اتندمت لان كتله احب واحد غيرك
مو لان اريد زواجنا يكمل بس حتى لا اسمع منه كلام مو حلو اكيد هسه يكول هاي موخوش بنيه لا عبه لعب
جنت متوقعه بس اكوله مااحبك يحترم قراري
يفهم ويقدر موقفي ما توقعت هاي ردت الفعل منه
حضرت الريوك وخليته على ميز الطعام
طلع هو وخالتي اجا كعد على الميز
وسام...هذا شنو الجاي بارد تعاي غيري
قربت شلته رجعته للقوري وصبيت واحد غيره
وسام..مااريد خبز اريد صمون
رحمه..طلعت صمون وحميته خليته كدامه
ام وسام...اكعدي اكلي ويا زوجج
رحمه...اني مو جوعانه
وسام. ماتكعد كبالي ولا تاكل وياي
كعدن حمواتي اجن صبحن عليه وباركلي وباركن
الوسام
كعدن يتريكن ويااا
وسام...جيبيلهن جاي بسرعه
ام وسام...هنا يجيبن
وسام...لا هي الي اجيبلهن وهي الممنونه
رحمه...صبيت جاي وأخذته الهن
.ردن عليه ..شكرا حبيبتي
ام وسام... شبيجن مكسرات موعيب
وسام...عليمن هلعيب هي رحمه خدامتهن الجديده
اي شي لا تشتغلن رحمه هي المسؤله عن شغل البيت كله
رحمه...كمت افور صدك جذب شنو هاي الاهانه
ام وسام....عيب هذا الحجي رحمه اختهن وحالها من حالهن
وسام...لا مو اختهن اني خواتي تاج شريفات
محافظات على نفسهن ماكو مثلهن
طبعا خواته كامن وحده تباوع بوجه الثانيه مجاي يفتهم شنو القصه
رحمه.مااكدر اتحمل عفتهم وصعدت الغرفتي
اسمع خالتي نزلت حجي علي ابد ما قبلت على هذا الكلام
وتحجي على حمواتي تكلهن لاتسمعن كلامه
دخلت غرفتي كمت ابجي ليش هاي الاهانه اذا مايريدني يطلكني شنو ماعدني اهل ليش اتحمل هاي الرزيال
صعدت وراي ام وسام
ام وسام...خاله لا تزعلين منه انتي صوجج اكو وحده بليله عرسها تكول هيج الزوجه
ولله وسام حباب ومؤدب وماعدنه هاي السوالف
اكثر واحد مثقف بينا طالع شايف وعايف
انتي ليش كلتي هيج انتي صدك تحبين واحد غيره
اذا تحبين واحد ليش ما كلتي
ترا احنا محبتا بيكم خطبنا منكم
ولله البنات ضاله انتي البارحه كسرتي وسام بأول فرحته
احجي انتي تحبين واحد غيره
رحمه...لا
ام وسام...ليش هيج كلتي
رحمه..حتى لا يقرب عليه جنت خايفه منه اني لا كاعده ولا حاجي ويااا سيطر عليه الخوف
ام وسام...اي هيج فهمني اني راح احجي ويا بلكت يقتنع
نزلت ام وسام راسا صعد وسام
يريد ياخذ ملابسه من الكنتور
رحمه..اريد احجي وياك
تجاهلني وراد يطلع لزمته من ايده
رحمه..احجي وياك
وسام...ماكو بينا اي كلام افتهمتي لولا
رحمه...طلكني
التفت عليه بعصبيه
رحمه...اذا انت ماحاب وجودي بحياتك طلكني وكل واحد يروح الحال نصيبه
انت تستاهل تزوج وحده احسن مني
وسام...اكيد ازوج وحده احسن منج بس ما اطلكج
راح تبقين هيج معلكه
لا انتي مزوجه ولا مطلكه
واني راح ازوج وحده احسن واحلى منج
واذا فتحتي حلكج اروح احجي الابوج واخوج واكول بتكم
طلعت مو بنيه وهي بنفسها اعترفت تحب واحد ثاني
احسلج اسكتي
اذا ابوج واخوج ما ذبحوج اني اذبحج
انسجن بس ست اشهر
لان القضيه محسومه دفاع عن الشرف
عيشي خدامه بهذا البيت واسكتي
احمدي ربج ساكت عليج بيج بخت باامي هي الي ما مانعتني عنج
رحمه..عافني ونزل شلت تحفه موجوده على الجربايه وشمرتها على الباب
راح اموت من القهر اني هيج يعاملني
جمانه السعيدي
خالتي جابلتي اكل بغرفتي وجبرتني اكل
هذا اليوم للثاني واني نفسي مسدوده عن الأكل
مجاي اكدر اكل مااعرف شبيه
احس معدتي معكوده كاره الاكل كله
نزلت المواعين جوه سمعت خالتي تحجي ويا عمي على حسام
خالتي...يارجال صار عشر ايام وابنك ماكو ليش ماتشوف وين
عمي...سئلت عنه محد يعرف مكانه
اني توقعت يومين ويرجع ما متوقع هلكد يبقى
خالتي...وهسه شلون نسكت خاف اندعم مات صار علي شي
عمي...العصر اخلي وسام يسئل جماعته
اني سئلت كم واحد كالو ما شفنا
وسام يعرف جماعته اخلي يسئلهم عنه
خالتي...ولله كلبي نار علي شياكل شيشرب منيله فلوس
وين كاعد
هسه هاي زعله اكو واحد يزعل لان اخو الأكبر منه ازوج قبله
عمي...اني غاسل ايدي منه حسام مابي خير
طلع عمي من الغرفه شافني باركلي وسلم عليه
وسام طلع بليل
أهلي كلهم اجو حتى ابوي
اجو حتى يباركولي
الكل يسولف ويضحك واني عبالك كاعده بعزا
اباوع الابوي وامي بحقد كله بسببهم
كلشي جاي يصير وياي بسببهم
جمانه السعيدي
خواتي...تعاي خل نصعد الغرفتج
اخذتهن للغرفه
شافن الباب بي ضربه
...هاي شبي الباب يمكن بسبب لمصارعه البارحه
هههه ههههه
حتى مالي خلك احجي وياهن
...شبيج ليش زعلانه
رحمه..مابيه شي بس ما شبعانه نوم
...حقج ما شبعانه نوم غير عروسه
طلعو اهلي واني غيرت ملابسي ونمت قبل لا يرجع وسام
واسمع منه كلام مثل السم
مااعرف شلون راح تخلص هاي الشده
تقريبا الساعه ثنتين وربع سمعت خالتي عاطت بصوت عالي
فتحت الباب ونزلت على الدرج بسرعه
لكيتها كاعده تبجي والبنات واكفات على رأسها
وعمي يخابر وسام طلع السياره برا
رحمه...شكووو شصاير
خالتي..حسام حسام بغرفة العمليات
شكرا لزيارتكم عالم روايات سكيرهوم
