رواية كريات الدم السوداء الفصل الخامس بقلم زحل
_عبالك حرب فوك صوت الطلق
ركضات قويه .
سليمه؛شكو انهجم الشارع .
_طفرنا للباب نباوع الجهال
تركض ام دعدوش واكفه تصور
الحدث اشرتلها
سليمه بمعنى شكو ؟
ام دعدوش:الحكومه جايه عله سويكه .
_هزت ايدها سليمه وسدت الباب
دخلنه وهيه تحجي.
سليمه:لاهمه ساجني ولا عايفينه يدرون بشغله
وكل سوالفه هسه ياخذونه ورا شهر يطلع .
_ دوم سكران
يمكن حته عقل ماعنده؟
سليمه:جان عنده بس دخل براسه العشك .
_ندك الباب حيل ماخلتني اطلع.
سليمه:اكيد عبالهم طفر علينا ويردون
يفتشون كعدي بالصاله.
_وفعلا كلامها دخلو الشرطه فتشو الغرف
حته للسطح صعدو حجت وياهم بنزعاج .
سليمه:ترى مو جارنه حته يطفر
علينه وبابنا مسدود.
_باوع الها الضابط اشر للي ويا
طلعو وهو تبعهم.
سليمه:مسوي نفس يؤدي
الواجب الوطني يومين ويطلعونه
والله ياسويكه مايستاهل هيج يصير بي.
_ هو جان صاحي ؟
سليمه:افضل كاسور اذا دك يركص حته الطيور
بس الحب وما فعل شنو ماسامعه بسالفته.
_لا امي ماجانت تحجيلنا ع ناس الي
بمنطقتنا مثل سويكه لو دراهم ام طشه .
سليمه:جان بحيله والدنيا ويا ويلعب بالفلوس لعب الحفله الي بيها سويكه الكيت مالها يعيش الراقصه سنه .
_وشسوا هيج؟
سليمه:عشك ليرة اجمل وحده بالمنطقه.
_يعني بيضه؟
سليمه:لا بس حلوه اطك بالكاع هيه وسويكه جانو يطلعون بس للمزارع وحفلات خاصه وبيوم جانت بحفله ومنعجب بيها واحد اله طنه ورنه بذاك الزمان .
_عدلت كعدتي استمعلها
بتركيز وهيه تسولف .
سليمه: مخلصين حفلتهم
مامخليهم يطلعون كايل لسويكه انته اخذ احسابك وروح وهيه تبقه ماقابل وضال يتصايح وياهم منا كلمه ومناك غلطه جر سجينتك وطك الولد .
_يااااا وموته؟
سليمه:وجعا نززتيني لاناقلي جماعته للمستشفى سويكه عايفهم ملتهين وشارد ورا كم يوم مانحس اله الحكومه فلشت المنطقه نبشونه نبش لكو سويكه لابد بالبرج مال الحمام خذو.
_وليرة وين راحت؟
سليمه:ايام وليالي امها ادور ماطاحت بيها تكعد
بالباب تنتضرها وكل ناس المنطقه بليل تلتم يمها وبيوم كاعدين ومانشوف اله سيارة طبكت شمرو ليرة وراحو .
_ماسالتوها وين جانت.
سليمه:بدون مانسالها عرفنا لاعبين
بيها لعب ضلت ليرة مثل الخرسه لا تحجي ولا تتحرك من مكانها ماطولت شهر وماتت وامها بعدها بفترة هم توفت.
_وسويكه؟
سليمه :ضاعت اخباره سنين ومن طلع وعرف بيها ماتت شخط عقله ضل ليل نهار سكران وشكو شغله ممنوعه يسويها وهاي شفتي تاخذه الحكومه وفترة ويهدونه.
_انقهرت عليهم خطيه ؟
سليمه:دكومي جيبي نقالي خل انشوف
ابوج ماله جيه اليوم .
_ هم عندج حفله اليله؟
سليمه:لا مابيه حيل اريد اسوي
حمله عله نفسي محتاجه تغيير للوك
ولازمني كم شغله من السوك حته
اجيبلج قماش وياي .
_عفتها تخابر ودخلت للغرفه
نزلت الملابس كلها حته كنتور امي وكعدت اسفط انكت بيهن وطاحت الجداحه جنت ناسيتها وهو بعد مااجه ولا سليمه سالتني عنها لزمتها شكلها غريب خفت اشغلها خليتها بالملابس وانه افكر هو يحب سليمه لو ام طيبه.
سليمه:وينج .
_طلعت لكيتها لابسه صايتها.
سليمه:رايحه احف وجهي واذ لحكت امر
بالسوك لاتفتحين الباب لو تحترك المنطقه .
_اخذيني وياج خاف الحكومه ترجع.
سليمه:لا بعد راحو وابوج مايقبل .
_ضليت مكابله التلفزيون
اجه ابوي والظاهر عنده علم بسليمه
طالعه
بوجهه للغرفه شويه وطلع
يتلفت كال .
راضي:سونه اذا انه ماموجود سليمه
ادخل احد للبيت .؟
_استغربت كلامه هو من تزوجها لليوم ماسال
رديت عليه لا ، هز راسه مامقتنع
كعد ينتضرها ورا شويه اجت محمله
علاليك شمرتهن وهيه تاشر جيبيلي ماي .
سليمه:ها شو من خابرتك
ماكلت راح اجي ؟
راضي:جنت رايح بشغله
وماصارت ورجعت.
_شربت الماي وحطت الكلاص بالكاع وهيه تنضرله بشك دنكت تنفش بالعلاليك اطلع وتراويني طلعت كلبيه اطتنياها وهو مسوي نفسه مشغول بالتلفون .
سليمه:شو روحي لبسيها حته اذا مو
عله كدج ابدلها باجر .
_عفتهم واحد يتفحص الثاني
بنضراته
لبست وجيت يمها .
سليمه:همزين فيت عليج
يله بالعافيه واخذي هاي علاكة القماش
خليها بالكنتور من افرغ اوديهن لرجيوه تخيطهن .
_التفت علينا ابوي مبتسم وكالها .
راضي:الله يطيج عله كد طيبة كلبج
همزين تزوجتج.
_ردت وهيه مزغرة عيونها .
سليمه:متاكد ؟
راضي:ههههههه اي جا شلون اختاريتج .
_كمزت من صاحت وهيه تكوم .
سليمه: راضييييي ذني مايمشن عليه غرد
وااحجي من الاخير حالك ماعاجبني؟
راضي:جا انه ليش ماحجيلج
من هاي عصبيتج .
_كعدت عل القنه الي مقابيله و
اشرتله بمعنى احجي.
راضي:يبا ماكو شي لاتحركين اعصابج .
سليمه: انه اعرف بطريقتي جا ام دعدوش المن مخلينها بالمنطقه اذ ماسولفتلي اريد ابلط بيها
الشارع.
_كامت وهيه تعدل بصايتها .
راضي:هاااا يعني كوى تردين تسوين
مشكله شعليج ترى سالفتهم وياي .
_هو يحجي وهيه وصلت
للباب ركض جرها .
راضي:دتعاي ياحبيبتي هو انه اكدر
اضم عنج شي.
سليمه:اسمعك؟
راضي:تعاركنه انه وطالب اخوي .
سليمه:يعني لازم اكلك ليش حته تكمل ؟
راضي:كال اريد اشيل عود سالته ليش
انهد بيه والله شلون متيهه بنتك ويه
سليمه وعايف نجيه عد اخوها وابنك لازم الشارع .
سليمه:طالب قبل جان شيخ جامع ومرته ملايه لو لان ماانطيته عين وهو اكو يوم سال دك الباب شو ايام وليالي انته ماموجود حته مايمر علينه .
راضي:يكول احنه مانكدر نفرض عليك
لو عله مرتك تبطلون كاركم بس علمود سونه.
سليمه:من يخطبها لابنه خل يجي يحجي
بس هم مو هذا الي كالب حالك .
_عجيب شلون تعرف
اطلع منه الي تريده .
راضي:يولون وانه اصدك بيهم حته لو حجو
بس انتي لاتخلين ام طيبه تدخل علينا .
سليمه:وام طيبه هم تدخل لبيته
ومرته تاخذ منها اقصاد جا مامنعها؟
وعناد بي مااطردها ، واذا انته
تكول اخوي وامشي بكلامه انه اطلع منكم .
راضي:لاااا اخوي شنو هو ياهو السائل عني
لو ابقه سنه بدون شغل مايكول هذا الف
دينار هو يتحجج يريد يشيل .
سليمه:الله وياهم .
_كامت وهو تبعها للعشه طلعو وكانؤ ماصاير
شي بعد ايام شال عمي وماانطنا عنوان ولا سلم علينه والظاهر وجوده الي جان مقيد سليمه ولو هيه مادخلت غير ابو جداحه وام طيبه مرات تجي كامت تجبرة ياخذ جاسم ويا .
راضي:يابه عوفي ترى يشلع كلبي هناك .
سليمه:احسن مايضل بالشارع وتجي
مصيبه اخذه وياك.
_امي دزت خبر لابوي يطلكها وهو كالهم انتم
رفعو دعوى حته تتنازلون عن الحاضر والغايب
سكتو ضليت اطلع ويه سليمه حفلات
بس مااركص ولا ادك وصرت مثلها
اخلص النهار نوم .
سليمه:ولج سونه كومي امده حظي
عود وصيتج تكعديني .
_هههههه مادري بروحي صدك تعب .
سليمه:ياا منين تعبانه راكصه داكه جا شكول
انه احس رجليه مكسرات نوب النسوان الي
نجلبت علينه قبل بس الزلم تريدنا نركص .
_اي صدك نسيت اكلج من انتي تركصين اجت
وحده يمي رادت رقمج كتلها ماحافظته انطتني
رقمها و كالت خلي هاي التركص تتصل بيه ضروري .
سليمه:يجوز عدها حفله هسه خلي ناكلنا
شي احس بروحي ميته جوع .
_همه امس ترسولنها علاكه
كيك ولفات وعصاير .
سليمه:دكومي حضريهن بين
مااشوف ابوج وجويسم.
_ميته تعب احس ماشبعانه نوم كمت
اجر بروحي غسلت وبديت احضر الاكل التمينا
عل الصينيه وابوي سالها عن الحفله وهيه تسولفله بالتفصيل للعصر ابوي طلع وانه وياها نضفنا وسبحنا كاعدين بالصاله وتذكرت الرقم .
سليمه: شو بله جيبي
الرقم
الي انطته الج المرة.
_جبته اتصلت وضلت تسولف وياها
سدت التلفون والتفتت عليه
تهز بيدها سالتها شنو رادت؟
سليمه:تريدني اعلمها الرقص .
_صدك عبالي عدها حفله .
سليمه:شخسرانين نروح نعتبرها حفله .
_اجه ابوي وكالتله سليمه عن المرة .
راضي:خوش خوش بس اتقفي
وياها عله مبلغ زين.
سليمه:اكيد جا رايحه حسنه
اخذ سونه وياي خطيه تتونس.
_مادام الشغله بيها فلوس مااعترض
بعد كم يوم اتفقت سليمه وياها ودزتنلنا العنوان طلعنه نضحك وصلنه منطقتهم وقبل ماندك الجرس فتحولنا الباب من شكل البيت والاثاث عرفنا الحاله الماديه رحبت بينا وبعد الضيافه دخلتنا بصاله وبدن هيه وسليمه يدربن.
سليمه:اذا يوميه ساعتين خلال شهر
تصيرين راقصه محترفه .
_فرحت المريه وهيه تبوس سليمه .
!!ياعيني غير ادللج اني علمود زوجي
شسوي تعرفين الزلم .
سليمه:وعيونج ماخلي يباوع لغيرج يله
احنه لازم نروح وباجر نفس الوقت نجي.
_اطتنا فلوس وطلعنه واكفين بالباب ننتضر
تكسي وجان تطبك سيارة نزل الجامه باوعلنه مستغرب .
سليمه:ولج يمكن زوجها هههه وخري
من الباب يريد يدخل سيارته .
_ابتعدنا شويه وفعلا فتحوله الباب
دخل سيارته واحنه واكفين ولا تكسي
كل السيارات التجي مبينه مال ناس الي بالمنطقه .
سليمه:خل نتمشى ليكدام .
_عله كولت امي بلكي
ابن حلال يوكفلنه؟.
سليمه:حته لو ابن حرام المهم يوصلنه .
_ضحكت عله كلامها نسولف وسمعنا
واحد يصيح ورانا لحظه وين توصلون؟
التفتنا عليه نفسه الرجال الي دخل سيارته
بيت المرة باوعتله سليمه وردت بدلع .
سليمه:لبيتنا ياعيني اشو
منطقتكم مابيها تكسي.
!!وين بيتكم؟
سليمه:بالصعده.
_نضرلها متردد وكال .
!!!!تمام انتضرو بس اطلع السيارة واني
اوصلكم .
_راح مستعجل وهيه مبتسمه
اشرتلها بمعنى شكو،
سليمه:اول الغيث كطرة هذا ابو كرش
زوج هاي المرة ويحب الرقص
وهلا بالخميس .
_قبل ماارد عليها طبكت السيارة اشرلنا
صعدو صعدنا وبس عبر منطقتهم التفت يسال .
!!ماكنت اعرف انتي مدربه
الرقص هسه الاهل كالولي.
_هزت راسها ببتسامه رد سالها .
!!!شعجب ساكنين هل منطقه ؟
سليمه: ترى مو مثل
ماتسمعون عنها تغيرت هواي عن قبل.
!!!انتي متزوجه.؟
_ردت وهيه تاشر عليه.
سليمه:اي وهاي بنتي.
_باوعلي بالمرايه الاماميه ودار وجهه
وقبل منوصل لراس الشارع طلع كارت
قدمه الها.
!!!هذا رقمي خلينه نتواصل .
سليمه:ترى مو مثل مامفكر احنه
بس رقص.
!!واني احب الرقص.
_نزلنا وراح مدت ايدها ضمت
الكارت بصدرها وهيه تحجي .
سليمه:يحب الرقص وجهه مجعد
وكرشه طايح لركبه زلم مايملي
عينها بس التراب زوجته جنها
كيكه وهو يفرفر .
_تمشي ودردم استوقفنا صوت العود باوعت
لباب الملا الي اسمه مايشبه عمله اتقربنا عليه يعزف بمزاج رفع راسه ابتسم لنضراتها وكال.
الملا:اهلا بالنتوته الراقصه.
سليمه:ههههههه بس هم زعلانه عليك ؟
الملا: لاه لاه انراضيج .
سليمه:لو فعلا رايد ترضيني نجتمع بحفله.
_دار وجه وبين عليه ماحب الفكرة
ردت عليه وهيه تحجي بزعل .
سليمه:مو كتلك مالي
خاطر يله من رخصتك.
الملا:تعرفين مسيري غير عنكم
وياريت لو تاخذني كلامي وتنضمين لفرقه
الفنون الشعبيه .
سليمه:ملا الدنيا مثل الافه من
نكعد لمن انام احنه ادينا بجيوبنا
والفرق ماتوكل خبز ؟
الملا:بس يكون الج اسم
وتحضرين مهرجانات تلفزيونه
وينطوج اجازه .
سليمه:عمري ٤٠ سنه بعدلي ٥ سنوات
اطلع تقاعد شتفيدني الاجازه خو
الم مبلغ استند عليه .
الملا:العمر كله وانتي كل متكبرين تحلوين وهم
عندج موهبه تكدرين تسوين دورات تعليم الرقص.
_يحاول يقنعها وهيه تريده
ينفذ طلبها.
سليمه:افكر بس تحيلي حفله.
الملا:بشرط مايكون راضي
ويانه وها بس مرة.
سليمه:مو تدلل هسه من
رخصتك وانتضر مني خبر عندي
حفله مال ناس كلش مهمين واريدك بيها.
الملا:تمام.
_تمشينا وكل مانمر عله باب نوكف نسولف
ويه ناسه واكيد ام دعدوش قسم الأسخبارات
مال المنطقه الي واكفه بالباب ليل نهار سلمنا عليها متمنين ماتوكفنا لان تعبنا من وكفتنا يم الملا.
ام دعدوش:هلا بنورها وسورها
تعالن تعالن خلي نتسامر شويه.
سليمه: الي كعده وياج بس هسه عندي
شغل خليها باجر.
_وقبل ماندفع بابنا التفتت عليه وكالت.
سليمه:لا تكولين يم ابوج الرجال وصلنه .
_هزيت راسي اي ودخلنه لكينا
كاعد بالطارمه وجويسم يمه ينضفون
باالالات مال الفرقه .
راضي:ها سمسم ماش؟
سليمه:بعدنا ماضكنا حته نعرف
ترى اليوم اول يوم.
راضي:اهم شي مكان امان ومابي
مشاكل؟
_ماخلته يكمل .
سليمه:من هل ناحيه اطمن
يووو نسينا انجيب ويانه خبز كوم
جويسم اخذ من ابوك الف .
_بسرعه غيرت ملابسي وتبعتها للمطبخ
سوت اكل وابوي طلع للكهوى وجويسم
كال عندي لعبه ضلينه انه وياها هيه التهت
بتلفونها وانه اباوع مسلسل كل شويه ونسمع
هوسه متعودين لو عركه لو الحكومه تدخل
دور اهل المخدرات لو احد منطي خباريه عل كعده .
سليمه:والله صارت العيشه
هنا ملل بس وين نولي .
_حته امي جانت تكول لابوي انشيل منا
مايقبل اسولف وياها وهيه اطكك بالنقال
ماعرف تراسل منو شويه ودك تلفونها
كمزتني طفرت بفرح وتهز بركبتها .
سليمه::لك هلا ومية هلا بريحة الغوالي .
_قللت صوت التلفزيون ودرت وجهي
عليها نبرة صوتها ادل عله فرحتها بالشخص
المتصل وكانؤ جانت تنتضرة .
سليمه:وعله طاري الغالي
ماله حس صار فترة.
_ايد لازمه النقال والايد الثانيه
تلعب بالزنجيل الي بركبتها تحجي بدلع .
سليمه:غير انته تأمر .
_شمرت النقال عل تخم وكعدت
تفكر بصوت عالي .
سليمه: لو بس اعرف مزوج لولا؟
شنو يشتغل ؟جان ارتاح كلبي .
_عافتني بفضولي ودخلت غرفتها
وهيج سليمه ماتنفهم مرة هادئه ومرات احسها بدون قلب كتله من نار اعصاب كارهه الدنيا ونفس كل يوم نطلع متوجهين للي تريد تتعلم الركص بس ماصادفنا زوجها واكيد هل شي مايفوت سليمه وتعرف شلون تسال بطريقه غير مباشرة .
سليمه:ضبطتي الحركات
وهسه تمام واليوم سويلج سهرة
مرتبه للرجال وانتضر منج الاخبار ؟
!!ماموجود صار كم يوم مسافر عفيه اعتبري نفسج مدرسه وامتحنيني حته نتاكد اذا اتقنت كل حركه حته افاجئه بسهرة .
_ردت سليمه بمكر.
سليمه:اها شوكت يجي ؟
حته نستغل الوقت.
!!!فد يومين .
سليمه:تمام اجيج باجر الصبح حته العصر انتي تنشغلين بتحضير نفسج وحاولي تغيرين الوك .
_طلعنه منها والطريق كله هيه
تنتقد المريه شلون مستقتله
حته ترضي زوجها .
سليمه:فارغه وماعدها عقل
هو صارله اسبوع غاط متاكده لو
مزوج لو لاف عله وحده وهاي موته
نفسها ترضي .
_ونفس الروتين ماكو شي جديد بحياتنا ابوي اذ ماعنده شغل يخلص يومه بالكهوى لو يسهر بيت
نوشه وفعلا ورا يومين رحنه لزوجة ابو كرش عله كولت سليمه .
!!!اليوم تتغدون يمي .
_رفضت سليمه متحججه انو تريكنا
متاخر وبعدهن مابلشن ركص اجاها اتصال
رخصت من المرة حته ترد.
سليمه:ثواني بس ارد .
!!اخذي راحتج .
طلعت المريه مطيتنا مجال للمكالمه
وسليمه جاوبت المتصل وعبالك تحجي
رموز سدته وصحات عليها.
سليمه:يله داده وينج ترى ماعندي
وقت لان طالبينه بحفله.
_نضراتي لكل حركه وملاحظه من سليمه
كملن انطتنا احسابنا وتشكرت منا طلعنه
نتمشه قاصدين الشارع التفتت عليه كالت .
سليمه:عدنا مجال ساعه نلحك نروح للحلاقه ؟
ماعرف بس انتي بيش
ساعه حفلتج .؟
سليمه:ياحفله؟
_كلتي للمريه عندي حفله
يعني عبالي خابروج .
سليمه:ههههههه اي بس خاصه لرجل الثوله
الي موته نفسها حته تسويله سهرة .
_فكيت حلكي متفاجئه يعني ليش
مو جاي تحضر نفسها ومهتمه اله ..
سليمه:بعدج ماشايفه شي زلم
مابيهم واحد وفي .
_بس خطيه هيه مبين تحبه؟
سليمه:وهو مايحهبا .
_وشمدريها يجوز يجذب ويكلها
احبج لو تدري بي جان عافته ،
سليمه:الحب شيء ملموس
تعرف الي يحبك صدك بتعامله وياك بتصرفه
وحرصه يشتري راحتك مو يخليك تهلك لاجل
اسعاده انو يتقبلك الشخص مثل ماانته .
_تمشي وبالها بعيد تسولف وكانؤ توصف
حالها رديت عليها يعني شلون .
سليمه:ماكو مرة ماتعرف تركص حته لو بحركات بسيطه اذا زوجها يحبها راح يشوف بيها فنانه راقصه مو ييريدها تتصنع شخصيه ثانيه ياسونه بعدج ماتعرفين شي تعيشين وتشوفين .
_يعني ابوي ماجان يحب
امي لو يحبها؟
سليمه:هو حاسبها بيت يلفي بي
وهيه حاسبته ابو جهالها دمشي شكد تسالين عكرتي مزاجي وهذا ابو كرش ماراح اروحله يولي نأجله عله غير وقت خطيه زوجته خلي تفرح بي اليوم .
_من بعد هذا اليوم حيل قوة علاقتي بيها
وهيه قربتني الها بتصرفاتها ومامنعتني من شي عكس امي الي جانت تعتبر سوالي عن بعض الامور وكاحه وحيل غلقت عليه حته جويسم جانت مقيدته مرات استغرب تصرفاتها بس تعودنا وياخذني التفكير واحن لشوفتها بس ماكدرت اروح من بعد اخر مرة فزيت من صفنتي .
سليمه:هسه شلون نرتب عذر كون
نروح ونجي وابوج مايعرف .
_وين نروح؟
سليمه:لابو كرش.
_بس ابوي يدري بيج اطلعين..
سليمه: هل مرة بالنهار وهيج راح
يعرف الكعده خاصه.
_خلي يعرف يعني قابل يمنعج.
سليمه:وانه ماريده يعرف.
_ليش يعني؟
سليمه:خلي هل معلومه ابالج اذا بيوم اتزوجتي
الرجال مو لازم يعرف كل شي
وليش اقاسمه تعبي .
_رديت عليها بس انه مستحيل افكر ازوج
واحد مثل ابوي يعني اتمنى يجي شخص يطلعني من هذا كله تدرين جنت احلم اكمل دراسه واصير انسانه عله كولت امي شكد تمنت اصير دكتورة واذا رجعت امي انه ارد للمدرسه كعدت اكبالي وهيه تضحكت اشرتلي بمعنى اكعدي .
سليمه:سونه شكد عمرج؟
_١٦؟
سليمه::يعني صارلج هواي عايشه
واكيد رحتي ويه امج مستشفى
وسوك ومدرسه وهواي اماكن مو .
_هزيت راسي ومنتضرة
تكمل كلامها ..
سليمه:هم شفتي دكتورة عبده معلمه عبده وليش نروح بعيد اشو الحكومه كل ساعتين داخله علينا شفتي بيهم ضابط اسود ؟
_صفنت وكانو نبهتني لشي
مامنتبهتله
من قبل .
سليمه:بس الفراشه الي بمدرستج سمرة واكثر الممرضات سمر الشرطي اسمر العامل .
_زين ليش؟
سليمه:ولو ماعندي وقت
بس راح اختصر كلامي ماكملتو تعليم
بسبب التنمر ماكو قانون حماكم دوم انتو
المستوى الادنى.
_اذا هيج انتي ليش مادرستي
اقصد انتي مو من السمر؟
سليمه: انه بعد اتعس منكم لان احنه الغجر او بالاحرى الكاوليه يكتبون بهوياتنا استثناء يعني حته لو اخذنا اعلى الشهادات ماراح نتعين
وهاي من الالف السنين .
_صفنت وعبالك صحيت
من حلم عله واقعنا ردت عليه .
سليمه: وهذا ابو كرش
هم راح ااجل طلعتي اله كومي
سويلي ناركيله.
_وبقه ابو كرش عله كولت سليمه يلح .
سليمه:هسه شلون نرتب عذر كون نروح
لابو كرش ونجي وابوج مايعرف .
_بس هو يدري اطلعين .
سليمه:ولج ثوله اكيد مايقبل ترحين وياي وتبقين وحدج واليوم الوضع بالشارع مو تمام مساع الحكومه دخلت لوكر نوشه ومالزمو شي اكيد يغطوها بعد مرة.
_ومدري منين اجتني الفكرة كتلها انتي
مو تردين ترحين للصالون باوعتلي .
سليمه:هسه صرتي تعجبيني خوش عذر
كومي لبسي بين ماانطي خبر بس استعجلي
كون نطلع قبل مايجي .
_وماعرف ليش جنت اطاوعها رغم مامتقبله
الموضوع وهيه ماغاصبتني سالتها بحيرة شلبس.
سليمه:الكلبيه الخيطتها الج نوشه
والبسي البشت فوكها.
_بدلت وهيه حضرت نفسها وطلعنه المكان قريب وصلنه وحسب العنوان العدها دخلنه عمارة بيها شقق بس هدوء .
سليمه:ابو كرش بيا شقه ؟
_اتصلت بي مجرد ما كلتله انه
بالعمارة سمعنا باب ينفتح اشرلنا .
سليمه:مرحبا .
!!!اهلا اهلا زين ماتيهتو .
_مبين المكان مابي عائله لان اثاث بسيط تخم قديم وبالوسط طبله عليها كرزات وفواكه وامور ثانيه وبعد حديث ماطول دقايق كامت سليمه نزعت صايتها وهو نضراته تتبعها بااعجاب شغلت الديجي وسالته.
سليمه:ابالك شي معين؟
!!لا خلي عله ذوقج .
سليمه:اوك .
_بدت تتمايل ركصها حلو
التفتت ناحيته وماعرف ليش خفت من نضراته الها تندمت عله جيتي وتمنيت يخلص الوقت الي متفقين عليه لان بده يسكر والظاهر هيه انتبهتله خلصت الاغنيه كعدت وهيه تمد ايدها للتفاحه و هو يسالها امور عاديه وبضحك كالتله.
سليمه:اي ماكتلي شنو رايك بتعليمي
لزوجتك شلونها؟
_هز ايده ماراضي.
!!!دأئما الاصلي يكون افضل من التقليد لان بي مميزات .
سليمه:افهم من كلامك
ماعجبك شغلي؟
!!!!لا مو هيج بس انتو تختلفون .
_ضحكت واعرف هاي ضحكتها مجامله
كام متوجه للديجي كالها .
!!عاجبني هاي الاغنيه .
سليمه:مو تدلل .
_كانت الاغنيه خليجيه ركصت عليها
وبس خلصت كالتله يله احنه نترخص .
!!!هاي شنو بعد وقت .
سليمه:لا هذا اتفاقنه كتلك
مااكدر اتاخر .
!!!تمام بس هاي المعزوفه .
_وبس كامت هو كام محاول وياها
صار يتقرب منها بحجت الركص لو يجرها عليه لو يشبكها رادت تتخلص منه بعدت للجهه الثانيه تتحركه بعشوائيه لزمها مقربها لحظنه دفعته جرها بنزعاج .
!!شبيج لج ؟
سليمه:كتلك مو شغلتي ليش تلح .
!!هههههه لعد شنو شغلتج ؟
سليمه:اعلم زوجتك الركص.
_صرخت من ضربها راشدي
ضليت اتلفت حايرة شسوي اشرتلي بمعنى
لا تصرخين دفعته واجت تريد تاخذ البشت مالها وكالت كومي بعدني ماعابرة التخم جرها التفتت عليه صفكته عله وجه .
سليمه:شوف لك اذ مفكر اسكت عنك غلطان
لا تخليني ادوس فجك .
!!!مسويه نفسج شريفه ؟
كلج خلك بت ليل .
_لبست بشتها وتوجهنا للباب ردنا نطلع
مقفول كالتله .
سليمه:افتح الباب لا افتح كرشك .
!!!لج اني تمدين ايدج عليه
وطلعين عادي دتعاي .
_هجم عليها
ضليت اصرخ ماحسيت اله صفكه
عله وجهي باوعت الها متفاجئه .
سليمه:بت التالف سدي حلكج .
_استغل انشغالها بيه و جلب بشعرها
بحركه سريعه رفسته بس دنك هجمت
عليه طكه ويرجع ايطكها وانه ضاله اراقب
الموقف انتبهت عليها تباوع بالمكان
تريدلها شي ومن غبائي ركضت ادور عبالي
مثل امي قبل من تريد تكتلنا اول ماتجي ابالها الماسحه .
سليمه:لك كافي ابن الكلب
افتح الباب خلينه نطلع.
!!اله اندمج واطلعج جثه .
_اجيت مكيفه الماسحه بيدي
ماحسيت اله انجرت مني تفاجئت شلون اخذها
وعبالك اجته رحمه ضل يطك عامي شامي ركضت سليمه للطبله جرت البطل العليها وهو مستمر
كسرها تكسر .
!!!اله اتوبج تتطاولين عله اسيادج .
سليمه:عايش الدور الزفر ابو الوصخ
معتبر نفسك فد شي .
!!ماطلعين اذ ماكسرت خشمج .
سليمه:اله اخليك اتوب عله ايدي .
_مدري ليش اجت سالفه سويكه وليرة
بالي ضليت اطفر .
سليمه:انته الجبتها لروحك دتعالللل
انعل ابو شاربك .
_وبحركه سريعه توجهت سليمه للحايط كسرت
البطل بي وهجمت عله ابو كرش هو مسيطر
يطك من بعيد لان العوده طويله
بس هيه ذكيه تحملت الطكات لزمت العوده جرتها ماهدها وبرمشة عين ماشوف اله الدم غركه .
!هل هيه بدايه للانحدار
ام اول طريق للانجراف؟
لو تجربه للتراجع عن هذا الطريق؟
______بنين_______
_احس بتعب مو طبيعي
منا الدراسه ومنا التحضرات مال
العرس وتعزيل البيت من غير
خطارنا اليومي ولمت عمامي وجاي وماي حته مالحكت ارتاح خلصنه امتحانات حددو موعد زواجهم وبلغو كل اهلنه واقربنا الي بغير محافظه كاعدين يحسبون الماعزيم ..
اسعد:يابه ترى بالنسبه لاصدقائنا والجيران تخلص الزفه وكل واحد يروح لبيته يبقه عدنا بس اهلنه الي من غير محافظه اذا ماكفه البيت نوزعهم بينا اشو بيتي وبيت اياد وعمي محمد .
ابواسعد:عامره بيوتكم بابا انتو تعرفون اليجي يريد يمي ناس مشتاقه لناس وفرصه يتسامرون مو مال اوزعهم افضل شيء اخلي جادر بالشارع والجو حلو .
اياد:خوش فكرة والله
وتصير الكعده تخبل .
مولي:يابه لو مزوجني جان مااحتاريت
بخطارك اخذهم لبيتي ..
ابواسعد:ان شاء الله يصير الك بيت
ونجيك تضيفنا .
مولي:لا يابه انه مااطلع منك ازوج احفادي
بهذا البيت.
_ونبع الحنان تصتاد الفرص
هزت ايدها وهيه تحجي متقصده
تسمع الولد.
وفييه:اييي حته القبلك هم كال
هيج تالي ماطول سنه.
_التفت مولي عله اياد واسعد .
مولي:ترى مو عليكم ولا تقصدكم ابد .
ابو اسعد:الله يوفقكم اهم شيء مرتاحين .
_اخذت نقال امي وطلعت للحديقه اتصلت
بمريم ردت بزعل .
مريم:هاي وكفتج وياي والله كلت
متعوفيني ساعه ؟
_ولج بس تعاي وشوفي بيتنا يعني انتي
متعرفين هو بدون عرس ملتمين المهم منو من صديقاتنا عزمتي للحنه .
مريم:بس زينب وسن ومها البقيه ماعرف
ارقامهم كتلهن بلغن من يمجن الي تريد تجي
انتو شنو سويتو؟
_مابقه شيء كملنا كل امور البيت وحته
الاكل هم اتفقو ويه الطباخ يبقه
حنه وعرس .
مريم:جابو كارتات الدعوى لو لا ؟
_لا بعدهم .
مريم:وهو وين ناوي يسوي الحنه مالته؟
اشو علاء يكول جماعتنا
حاجزين قاعه .
_ماعرف يعني ماسمعت هيج شي
يله افرغ وامر عليج باي
دخل مولي يهوس وابوي يضحك بفرح من شاف كارتات الدعو الي بعد معانات يله اتفقو عله
صيغه اخر شي ابوي اختار ايه من القران
يسجلون وكل شويه يذكرون شخص .
ابواسعد:لاتنسون شيخ هادي وابو رامي .
مولي:همزين ذكرتني هاي راح اسجلهن
يتشرف السيد وادي بدعوتكم لحضور زواج
الاخ العزيز والصديق الوفي والابن البار والساعد الايمن ..
_كام اسعد متمني يلزمه ..
اسعد:لك كافي شوكت تبطل زعططه .
مولي:ها ماعجبتكم تولي شكيتها هسه
اكتب غيرها.
__فحمهم يردون يلزمونه يشرد للباب
من يشوفهم يكعدون يدخل
شك الكارت وشمرة وابوي متخبل .
ابو اسعد:ولك خلصت البطايق ليش
تشكك بيهن .
اسعد:يعني وتالي وياك مانخلص
اليوم ورانا شغل ..
مولي:بهاي حقك اخي لان صارلك اسبوع
محجوز تحت وصايت الوالد وعايف امووورك .
_وهاي سوالف مولي يخلصها شقى ومعتبر
ثابت نقطة ضعف بالنسبه لابوي .
_نهيت مكالمتي ويه مريم الي زعلانه عليه شمرت النقال وطلعت لامي يعني صدك حقها تزعل مني المفروض انه يوميه اروحلها .
وفييه:وعله شنو زعلانه مو تدري
ملتهين وبعدين عماتج وبناتهن
مامقصرات .
_يمه انه صديقتها المقربه .
وفييه :دروحي بس لا تتاخرين عدنا شغل.
_تمشيت عليهم بدون مادك الباب دخلت تلكتني امها بوجهي لغرفتها صدك كسرت خاطري مخبوصه ومتوترة..
مريم:بعد وكت ؟
_ولج والله اليوم يله كملنا تدرين باامي حته السطح غسلته المهم وين الجنط كليلي شنو الي تردينا حته اسفطهن الج .
مريم:دفتحي الكنتور هنه كلهن اخذهن .
_خالاتج بناتهن وحته زنوبه
شعجب لحد الان ما اجن؟
مريم:رجلها بالدوام كالت حماها يجيبها
بيوم الحنه وخالاتي متفقات بالحنه.
_ماخليت شي حته المكياجات هم
رتبته الج بهاي الجنطه تردين شي بعد؟
مريم:دبقي شعندج رايحه ..
_والله لحد الان مامشتريه ملابس
تصدكين بلكي امي تاخذني يله رايحه .
مريم:عود من تشترين صوري
ودزيلي اشوف.
_رجعت لبيتنا لكيت امي مبسطه بالمطبخ يعني يمه شوكت تاخذيني بعد كلهن اشترن اله انه محد كال خلي نشوف شنو محتاجه.
وفيه :ابجي ابجي ولج هو انه فرغت جان
رحتي لاريج تاخذج للسوك واشتري .
_تدرين بيها ماتاخذني ومتاكده ليش
تردين احرج نفسي .
وفيه :خابري اختج تروح تشتريلج من يمهم .
_نزلت دموعي يعني الوحيده انه الي دوم
ابقه اخر الناس ماريد لا اخابر ولا اروح .
ثابت:اذا انتي ماتشترين ماسوي عرس .
_رفعت راسي عله صوته واكف باب المطبخ
يوووو خجلت .
وفيه:دكومي يله بعد عليمن
نصبتيها مناحه .
_لبست صايتي طلعت لكيته منتضرني
بالسيارة صعدت وطول الطريق مشغل مسجل استغربت هو ابد مايسمع اغاني معقوله هذا التغيير لمريم اباوع وين يندل هاي المحلات طبك واشر نزلي .
ثابت:هاي ارقى مكان يله انطلقي .
_يخبلن وحده احله من الثانيه ضليت محتارة دخلنه اخر محل اشرلي عله فستان بسيط لونه فيروزي نزلته الي البنيه قسته يبوووي فد شي رهمتلي ويا حذاء حاسب وطلعنه ..
ثابت:بعد محتاجه شي ؟
_لا شكرا شكرا .
_دخلت فرحانه شوفتهن لامي ..
وفيه:بكل شي عنده ذوق اله قبوله
بمريم يله الله يسعدهم .
_ضميتهن اريد اسويها مفاجئه حته من سالني كتلهن بعدني مااشتريت وزعو الكارتات وقبل الحنه بيومين اتصلت بيه رديت عليها بتعب ولج متت يعني انتو تزوجون وانه يطيح حضي .
مريم:دطلعي انه بابكم .
_سديته وركضت تلكيتها ها عيني شعندج
جايتنا مو كلولج ميصير تلتقون بعد منا للعرس؟.
مريم:مو وقت تفاهتج بسرعه
لبسي صايتج وتعاي.
_يااا غير اعرف وين رايحين؟
حته اكول لامي شنو وكاله من غير بواب .
مريم:كليلها مريم محتاجه شغلات خاصه
وراح نجيلهم من المول الي بالشارع الورانا .
_كوى قنعت امي ركضت خاف تغير رايها و تصيح عليه طلعت لكيت مريم بالباب جرتني تمشي بستعجال ولج اوكف عوفي ايدي شبيج منا الناس .
مريم:مو خاف يجي ثابت ويشوفنا
هسه يكول خل اوصلكم ..
_اي وخلي يوصلنه بعد احسن احجي
وياها ومامنتبهه لحد ماوكفت
باوعت يااا شنسوي هنا ؟
مريم:اكو وحده هنا تاخذ خيرة .
_شتسوين بيها؟ واحنا شعدنا وناخذ
خيرة ؟
شنو هل خرافات معوده.
مريم :ولج متوترة منا العرس ومنا النتائج
حيل تعبت قلق وتفكير وثابت هاي الايام كلش عصبي .
_خرب تفكيرج المتخلف ديله فضيها
لو يسمعون بينا يسوون علينا حمله
مال راشديات .
مريم:حسب وصفهن هذا البيت
ايي شوفي هذن النسوان دخلن
دمشي مدام الباب مفتوح.
_دخلنه طرمه ونوب صاله وماقبيلها باب غرفه
نسوان كاعدات عبالك لازمات سرة بعيادة دكتور
من شافنه كطعن سالفتهن ويباوعن علينا كعدنه ومريم تعصر بديها يعني اذا خايفه شكو جبتينا ؟
مريم:اسكتي عفيه ..
_دخلن الي قبلنه وحده ورا الثانيه
كل وحده تاخذلها ١٠ دقايق وتطلع اخر شي كامت مريم وانه خليت ايدي بالكاع اريد اتبعها التفت عليه .
مريم:لا خليج مايصير ندخل ثنينا ..
_خوش بس عفيه بسرعه لان تاخرنا
بقيت انتضرها شويه وطلعت والمرة
صاحبت المكان وراها لان احنه اخر شي وصلنه للباب ومريم كل شويه تلفت تتوسل المرة بعيونها كالت .
!!مالج شغل اسوي محبس بيدج ..
_طلعنه نتلفت سالتها ولج شنو تكلج محبس
بيدج بس لا تردين تسوين سحر لثابت ؟
مريم:لا مو هيج بس يعني شلون المحبه
هو متغير هاي الفترة لاتفكرين
ااذي ترى زوجي .
_خوش المهم بشري شنو كالتلج ننجح
حقيرة بس لا ماسالتيها عليه ؟
مريم:لااا شلون غير اثنينا دمشي
واسولفلج
كالت لاتخافن الجن فرحه ..
_تحجي وتعدل بشالها قطع حديثنا صوت تلفونها طلعته باوعت للشاشه بحيرة رفضته سالتها وانه اتلفت اريد احفظ المكان لا تكليلي ثابت جاي يتصل ؟
مريم:ايي بس رفضته خلي
نطلع منا واتصل بي .
_درت وجهي اباوع للجهه الثانيه المكان موبعيد عن بيتنا اريد اكلها نطلع منا اقرب حسيت الدنيا صارت ضلمه وانه اشوف سيارته واكفه ..
ملاحضه ))اكو مثل معروف دائما اهلنا والناس الكبيرة بالعمر يكولون
ماعش ولد الي بالنذور .
ولادام رجل بالسحور !!
شكرا لزيارتكم عالم روايات سكيرهوم
