رواية حارة الربيع الفصل السادس بقلم جميلة القحطانى
ماحستش إنه جاي ينقذها.
بس حسّت إنه هيصاحبها وهي بتحاول تنقذ نفسها.
ملتزم مش بشكل صارم، لكن صادق جدًا مع ربنا.
بيصلّي كل الفروض، ويواظب على صلاة الفجر جماعة في المسجد.
بيحب يختم القرآن كل شهر، وبيقرأ في كتب ابن القيم وابن عطاء الله السكندري.
عنده ورد ثابت من الأذكار، وبيحب جلسات الخلوة مع النفس بعد الفجر.
مش داعية ولا واعظ، لكن طريقته في الحياة نفسها دعوة.
مالك مش بيقول للناس تعالوا التزموا، هو بيعيش الالتزام كأنه هدوء وسكينة… مش فرض وقيد.
بيقرأ في علم النفس، الفلسفة، السير الذاتية، وكتب الروح.
أكتر كاتب بيحبه: مصطفى محمود، وبيقول إنه بيلاقي نفسه في كتبه.
لما بيتعب نفسيًا، بيمشي بدون هدف، ساعات يلف الشوارع في المطر بيسيب الجو يتكلم معاه.
كان بيتعلّم من والده الله يرحمه، لكن بطل يعزف بعد وفاة خطيبته.
رجع يعزف لوحده، وقت متأخر من الليل، بدون جمهور… بس كنوع من الفضفضة.
حاجة غريبة شوية لكنه بيخيط بنفسه كيس صغير لكل كتاب بيحبه، ويحط فيه ورق بخور.
يحيى، صديق عمره من أيام الكلية، صاحب قلب خفيف ولسان ساخر، عكسه تمامًا، لكنه بيحبه لأنه بيخليه يضحك من غير ما يشعر بالذنب.
عنده صديقة قديمة دكتورة سمر زميلته السابقة، بتتردد على المركز كمساعدة، بينهم احترام عميق، لكن بدون نوايا عاطفية.
بيحبه الناس لأنه مش بيضايق حد، بيساعد من غير كلام.
الأطفال بيحبوه لأنه بيركّب لهم طيارات ورق، وبيكتب لهم على ورق كأنها رسائل سرية.
فقد خطيبته فجأة في حادث على طريق سفر، وكانت خطبتهما قصيرة.
منذ الحادث، لم يسمح لقلبه يقرب من أي حد.
مؤمن إن الحب الحقيقي مش بيحتاج كلام كتير، وإن أوقات الحب الصامت بيكون أصدق من ألف وعد.
بيحس أحيانًا إن قلبه اتقفل لكن جواه أمنية خفية إنه يلاقي بنت تكسر حاجز صمته.
من كلماته أوقات الإنسان بيحتاج حد ما يقولّوش اعمل كذا وكذا بس يقعد جنبه، ويسمع نفسه وهو بيحاول يفهم.
في ساحة المدرسة، مرام قاعدة لوحدها على الدكة، الكتب في حجرها، وعينيها في الأرض.
تدخل بنتين من بنات البلد، ضحكتهم فيها
خبث:نورا وهي بتوشوش صحبتها:بُصّي دي مرام اللي أبوها بيبيع خضار، شُفتي هدومها؟ شكلها جايبة الفستان من سوق الكُتب!
ضحكة خفيفة تتسلل ورا ضهرها بس مرام ما بتردش.
بس ف وشها عينيها بتحرق، وقلبها واجع.
ترجع مرام للبيت، والدها قاعد قدام الطُرَبيزة بيفرّز فلفل أخضر، و
