رواية قصة خلف الفصل السابع بقلم جمانه السعيدي
خلف....حسن ماكدر يحل مشكلته بلعكس اتازمت الضروف اكثر واكثر
كام يشتري بلدين ويبيع بقيمه اقل ويسدد الي بطلبونه لمن صار علي دين هواي وما يقبل يسدد
هنا اجو علينا كل البياعه الي يشترون بلعلوه يردون فلوسهم
ياسر تفاجئ بيهم دخلهم للبيت ودزني على حسن اجيبه
ياسر...روح خلف جيب حسن خل نفتهم ليش هيج مطلوب
خلف رحت دكيت الباب طلع عليه حسن
خلف...تعال ياسر يريدك
حسن...شيريد مني
خلف...تعال وانت تفهم
اني ماكلت الحسن الناس منتضرتك تريد فلوسها
اخذته ورجعت للبيت
بس دخل وشاف الناس مجمعه تغير شكله
ياسر.. اكعد اريد احجي وياك
كعد حسن وجها ينطي الف لون
ياسر...وين فلوس الناس
حسن.. اني شنو ماكلهم هسه اشتغل واسدد فلوسهم
ياسر...وين فلوسهم وديتهن
حسن...صرفتهن
ياسر...اي تصرف الربح مو راس المال
حسن...اني ماكلهم هسه اشتغل واسددهم
ياسر...منيبن اسددهن هذا مبلغ جبير منيبن اسدد مثلا
حسن...ابيع القطعه الي اشتريتها من حصتي من الورث
واسدد
ياسر...من باجر هاي الناس كلمن ياخذ فلوسه فهمت لو لا
حسن...إنت شو وياهم عليه
ياسر...صار سنيين من عهد ابوي الله يرحمه نشتغل ولا واحد كال اطلبكم
حتى من اخذت حصتك من الحلال والبيت
اشتغلنا بلدين بس ما انطلبنا انت شنو جديد على شغلنا لو ما تعرف
ليش تريد تشوه سمعتنا على تالي وكت
حسن...شنو اشوه سمعتكم هنا شنو نمنونه
ياسر ....سدهن ولا تفشلنا ويا الناس
جمانه السعيدي
خلف. أخذنا مهله من الناس اسبوع واحد ونسدد الدين
علماحسن يبيع الكاع الي اشتراها ويسدد الدين
هنا ٣ ايام بلضبط واختفى حسن
باع الكاع اخذ فلوسها واخذ زوجته وجهاله البيت اهلها
وشرد البغداد
خلص الاسبوع وراح ياسر يسئل عنه
عرف هو باع الكاع وراح البغداد
زوجته تكول مااعرف مكانه
قرر ياسر يروح البغداد يدور علي
يومين وهو يفتر بغداد كل اثر الحسن ماكوووو
رجع للبيت من التعب والقهر وجها صاير اسود
خلف...هسه شلون
ياسر... اني راح اطلب وقت من هاي الناس واسدد بمكانه
مااكدر اعوف الناس تمشي وتسب بابوي من ورا حسن
خلف...حسن كل عمره موذي كل عمره حقير بله هسه هاي سالفه
خلص الاسبوع المهله الي اخذناها من الزام
جمعهم ياسر بيتنا
ياسر...كلكم اخوتي وعلى عيني وراسي وفلوسكم ماتروح
اني اسددكم حسن عنده ضروف صعبه مايكدر يسد الدين
اني كدامكم اخوكم ابنكم صار سنيين اشتري ابيع وياكم اني اسدكم بس واحد ورا واحد
لان مااكدر اسدكم كلكم مره وحده تعرفون المبلغ جبير
اطلب منكم كل واحد ينزل شويه من الدين حتى اكدر اسدلكم الدين
واكون ممنون منكم واذا ما تقبلون بهذا المقترح
ابيع بيتي وبيت خلف واسد دينكم
امسحوها بوجهي حسن جان يمر بضروف صعبه
وانتم كلكم اخوتي وامون عليكم
اني راح اسد الدين
بس بعد مالي شغل بحسن
اي واحد يبيع علي دين اني ما مسؤل عنه انتم ويااا
اني بعد مااسدد هذا الدين مالي شغل بي
ولا ادفع ربع عنه
الي يببع علي هو وياا يتصافون بينهم
جمانه السعيدي
طبعا كلهم ما قبلو ياسر يبيع بيته وبيتي ويسد الدين
قبلو نسددهم على كيف يعني شويه شويه
بدا ياسر ياخذ من كل واحد منهم حلال ويببعه على المقاول
يرجع فلوسه وينطي نص من الربح يسدد دينه بيهن
بعد ٨ اشهر من اختفاء حسن واحنا ابد ما نعرف اي شي عنه عرفنا بلصدفه جاي ماخذ زوجته وجهاله وراجع البغداد
بنفس اليوم جاي وراجع
حتى مافكر يسلم علينا لو يكول اعذروني اني غلطان
سمعنا من الناس هاي الاخبار
بقينا لمدت اتلث سنوآت واحنا نشتغل ونسدد دين حسن
بعد ماصاروضعنا المادي زين وكمنا نشتغل خير من الله
طلع علينا حسن صفح وخرب كلشي
ليش الانسان الموذي يبقى طول عمره موذي
الحمد لله الي ما نسانا وبقى يمدنا بلرزق والخير
جمانه السعيدي
بعد اربع سنوات من هاي الحادثه من سقطت بغداد
٢٠٠٣ رجع حسن مهزوم من بغداد هو وعائلته
طبعا هو عنده ثنيبن بنات وثنيبن ولد
من رجع اجر بيت قريب بيت اهل زهره وكعد
وابد مافكر يجي علينا لو يعتذر
لو يكول ذوله اخوتي لازم اسلم عليهم
عبالك مايعرفنا ولا نعرفه
عرفنا من الناس بلصدفه هو راجع من بغداد
بعد سنتين من رجعته للمنطقه وهو ابد ما ملتقي بينا
ولا شايفينه ولا شايفنا
طبعا هو عنده علم احنا سدينا الدين بمكانه
سمعنا اكو مشاكل بينه وبين زوجته
الناس كلها جانت تحجي بمشاكلهم
زوجته وين ما تكعد تحجي عنه وطلع سوالفه الموزينه كلهن ماكو واحد بلمنطقه مايعرف سوالفهم
اكو شغلات تفشل ابد ما تنحجي زوجته فضحته فضيحه
الضاهر هاي المشاكل من زمان
واحنا ما نعرفها لان مو قريبين عليهم
رفعت علي قضيه بلمحكمه وبهذلت احواله تبذهل
جردته من كلشي
اطلكت منه وطردته بلشارع
جانت مستقويه علي وتعرف ماله احد يدافع عنه
لان هو اتخلى عن إخوانه وانهزم
صفا حسن بلشارع محد يقبل يتعامل ويااا
بسبب الدين القديم ومحد يريده الناس كلها تعرف اطباعه
وماتريده
اجا دك الباب علينا رغم هو صار سنتين ويانا بنفس المنطقه وما يسئل عنا
خلف. فتحت الباب شفته بقيت ساكت
اعرف كلشي مر علي واعرف مشاكله ويا زوجته
حسن....ماتريدني ادخل
خلف...رجعت ليوره وكتله تفضل
دخل جوه ما سلمت علي لان حقير ما يعرفنا بس لمن الدنيا اضيك علي
دخلت للبيت صحت ياسر
دخل حسن اجا ياسر شافه دنك حسن
ياسر.. هااا ما عرفتنا اله مرتك طردتك
حسن...ماعندي مكان اكعد بي تقبل اخوك ينام بلشارع
ياسر....وانت تقبل تبيع القطعه وتنهزم وتخليني احير بلدين
ليش هيج ضحكت أمة محمد علينا
ليش تخليني اتوسل بليسوه والي ما يسوه
ليش ماجيت وكلت خويه اني طحت بمصيبه ومحتاج مساعدتك
شوفي هاي حوبتي وحوبت خلف سوت بيك هيج
حسن.. هسه ماتريدوني وين اروح
ياسر...وين تروح ماادري فكر مثل مافكرت تاخذ الفلوس وتنهزم
خلف...بقا حسن عدنا يومين بس مذلول ذله مالها مثيل
خلف...شنو الحل وياا حسن
ياسر.. نبني غرفه وصحياة بلمحصار ويكعد بيهن وحده
مال يرجع للبيت وترجع المشاكل مثل قبل مااريد
باجر تنزل بلوك ونبنيله غرفه
يشتغل ويدبر روحه
جمانه السعيدي
خلف.. نزلنا بلوك بنينا غرفه ومطبخ زغير وصحيات رتبناهن لبخ وصبغ مني ومن ياسر جبنا طباخ منضدي
وترمز ماي وفراشات
ياسر..تفضل هذا بيتك اشتغل وعيش مالي شغل بيك بعد
بعدها بكم يوم سمع ياسر يردون عمال بلديه
راح وقدم اسم حسن قبلو يشتغل بلبلديه
ياسر.. لكيتلك شغل
حسن.. صدك راح اشتغل وياكم
ياسر...ويانا لا تدخل بيوتنا لا تقرب علينا لا
موزين ولفيناك بيتنا
تشتغل بلبلديه
حسن...شنو اني اشتغل عامل بلبلديه
ياسر...بكيفك ماتريد لا تشتغل كل واحد مسؤل عن نفسه
خلف..ماكان اكو حل كدام حسن غير يقبل لان ماعنده فلوس ببدي مشروع الفلوس طشرهن من كعد بغداد
بدا يشتغل ويا عمال البلديه
وين مايكعد حسن يحجي علينا اني وياسر
يكول اخواني ماببهم محنه عافوني مايردوني
يوصلنا الحجي ونسكت
خلف.. من وصلت العمر٤٠ سنه صار عندي ٣ اولاد وبنيه
الاولاد سمر على سليمه
والبنيه بيضه عليه
اما ياسر ...زوج ولده الكبار ثنيبنهم
وبناته اني حاجزهن الولدي
أمورنا ماشيه تمام ولله الحمد
الحد ما صادفني رجال جبير بلعمر بلسوك
جان صديق ابوي ويمر علينا دوووم بس صار فتره اني ما شايفه
سلم عليه بحراره
.. شلونك شلون صحتك ياسر وحسن شلونهم
خلف.. الحمد لله بخير
...اريد اعتب عليك يابويه انت خوش ولد
خلف.. ليش ياستار شصاير اني حتى ما شايفك من زمان
...ليش ما تسئل على امك ولله حالها يكسر الخاطر
شكرا لزيارتكم عالم روايات سكيرهوم
