رواية نقطة تحول الفصل السادس بقلم جمانه السعيدي
رجعت للشقه دخلت سبحت وبدلت وارتاحيت وبليل اخذت الهدايه ورحت للبنات
دكيت الباب وفتحتلي ازغر وحده اسمها سما وادلعها
سمسم كرصتها من خدها ودخلت الغرفة البنات
هلوووو بنات اشتاقيتلكم
....هلووو عبير
طلعت الهدايه وانطيتهم وكعدنا نسولف ما احس آله خالهم مؤيد فوك راسي
هلووووو بنات شلونكم
رفعت راسي شفته يباوع عليه ومبتسم
عدلت كعدتي جنت لابسه تراك وردي صيفي نص ردن
مؤيد شلونج عبير
...اهلا وسهلا
...تعرفين اسمج شكد لايك عليج
....شكرا بس من ذوقك
سحب كرسي وكعد كبال الجربايه الي اني كاعده عليها
والبنات كاعدات يمي على الجربايه
مؤيد انشاء الله السنه سادس لازم اتشدون حيلكم
رنا انشاء الله خالو
مؤيد انت اي كليه تردين عبير
عبير ما اعرف حسب المعدل
الصراحه جنت اتهرب من نظراته واسئلته حسيته جريئ
مؤيد اني باجر عازمكم نتعشى برا انتم كلكم
رنا هي اي خوش طلعه
عبير اني ما اكدر اجي اعذروني
مؤيد ليش ماتجين ازعل عليج معقوله اعزمج وترفضين هذا اول تعارف بينا
رنا معليك خالو راح تجي مو بكيفها
عبير بس
رنا اش اسكتي تجين غصبا عليج فهمتي احنا متفقين
نطلع سوا
عبير كلما ارفع عيني احس مؤيد راح ياكلني بعيونه
يمكن لان هو جان بامريكا وعدهم عادي الرجال
اي وحده تعجبه ممكن يعزمها ويحجي وياها
اترخصت منهم وطلعت
ثاني يوم رنا حيل لحت عليه علمود اروح وياهم
كلت العمتي راسا وافقت لان هي حيل تثق بلبنات وبعائلتهم
فعلا بدلت لبست فستان مشجر اخضر فاتح وبي ورد ابيض شيفون واردن خفيفه
ولبست حذاء كعب متوسط ماروني وجنطه ماروني ورفعت
شعري ذيل حصان
البنات كسرن الباب عليه
طلعت ولكيتهم منتضريني
ومؤيد نازل جوه وماخذ سيارة ابو رنا ومشغلها وينتضرنا
البنات نزلن قبلي وكعدنا كلهن ورا اني ااشرلهن وحده تكعد كدام استحي
هنا يكولن انتي اكعدي كدام انتي ضيفتنا وانتي لازم تكعدين كدام
مؤيد فتحلي الباب ومبتسم وكال تعاي هنا
متت من المستحه شلون احراج ياربي
صعدت كعدت والتفتت على رنا اتوعدها بايدي على هذا الموقف المحرج
مشينا وشغل موسيقى اجنبيه هادئه
البنات اختارن مول وبي مطعم حتى يتعشن ويفترن براحتهن
كعدنا ومؤيد راح يطلب الاكل ويغسل ايده ويرجع
واني هجمت عليهن
عبير اني تخلني بهيج موقف اليوم اموتجن تموت
شلون تخلني اكعد ليكدام شكد عيب استحي
رنا خالو كال اريد عبير تكعد يمي
عبير ليش شكووو يعني متفقات عليه
رنا لا ياحلوووه خالي عاجبه هلغزال الحلوووو
وهاي العزيمه علمودج مو علمودنا
عبير انتي صدك تحجين ليش ماحجيتي حتى اعتذر ومآ اجي
رنا وسم وين لاكيه هيج شاب حلووو معجب بيج
لا وفوكاها عايش بامريكا
عبير رنا انتي غدرتيني نوصل للبيت واني اعلمج
ما انكر اكو احساس داخلي اتحرك يمكن لان اول مره
اسمع واحد معجب بيه
بس جنت ما مقتنعه
هو أكبر مني بعشر سنوات وغريب
هاي ثالث مره يشوفني شلون عجبته
شويه واجا اني لمحته أشر السمسم تكوم من الكرسي الي بصفي يريد يكعد بي
سمسم كامت كعدت مقابيلنا وهو كعد بصفي
مؤيد بنات طلبت الاكل الي تردو واذا تحبون شي ثاني
اجيبلكم
عبير تردين شي بعد
عبير لا شكرا
جابو الاكل وهو يجيب ويخلي كدامي
اني حيل استحيت حسيت نفسي ما ماخذه راحتي
بدينا ناكل وهو كل شويه يحاول يطخ ايدي
بعدين اني خلصت وكمت اغسل
وصلت للمغاسل غسلت اديه ورتبت شكلي وطلعت
لكيته واكف باب المغاسل ينتضرني
مؤيد هااا عبير تحبين نروح المكان ثاني
عبير لا شكرا اريد ارجع للبيت
مؤيد شبسرعه خل نفتر نتونس شويه لاحكه على البيت
عبير براحتكم بدينا نمشي حتى نرجع للبنات
بس هو ماقبل نرجع راسا يريد يمشي ويسولف وياي
مؤيد ممكن اسئل سؤال
عبير هنا اذكرت وصية عمتي لاتجاوبين راسا فكري يله تجاوبين خطواتج خليه هادئه وثكيله
اشرت براسي اي
مؤيد انت ليش عايشه ويه عمتج وين اهلج
عبير سكتت شويه
مؤيد اذا ما تردين اجاوبين بكيفج
عبير اعتقد مو من حقك تسئلني هذا السوال
اني سئلتك عن حياتك
المعرفه الي بينا ماتسمحلك تسئلني هيج سوال
مؤيد اسفه ايجوز اني اجاوزت حدودي وياج
عبير سكتت ومشيت كدامه بخطوات هادئه
حسيته كام يفر بذانه ويكول هاي منيين طلعتلي
مؤيد كلت بنفسي اي ولله هي هاي الي اني ادور عليها
حلوه وزغيره وثكيله كل الموصفات بيها
لازم اخطبها قبل لا ارجع الامريكا
اول مره اكو وحده هيج اتصدني كل الي عرفتهم بحياتي
سهلات وماتصدك تحجي وياها
تلكها لازكه الك لزكه
عبير رجعت للبنات لكيتهن مخلصات كتلهن اني اريد ارجع للبيت راسي كام يوجعني
رنا بس بعدنا ما افترينا وتونسنا
عبير ابقو انتم اني ااجر تكسي وارجع
رنا لا كلنا راح نرجع سويه
وصل مؤيد
رنا يله خالو خل نرجع للبيت عبير راسها يوجعها
مؤيد تردين اخذج للمستشفى اجيبلج علاج
عبير لا شكرا اريد ارجع للبيت
طلعنا واني فتحت الباب الخلفي وكعدت
ورنا كعدت ليكدام
رجعنا واني سلمت عليهم ودخلت للشقه ورحت العمتي كبل حجيتلها كل الي صار
بشرى عفيه بنيتي اني اثق بيج وبتصرفاتج واعرف
انتي مستحيل تسوين شي موزين
مؤيد رجعنا واني متأكد هي هاي البنيه الي ممكن تسعدني
والي تحافظ على بيتي
كعدت يم ام رنا وكتلها من باجر ترحين تخطبينها اليه
آريد اخطبها واسافر
لان هي بعدها ما متجاوزه ١٨ مايصير نتزوج ونسافر
ممنوع زواج القصر بامريكا
من تكمل ١٨ ارجع اسوي عرس واخذها واروح
ام رنا انتضر منو يكول تقبل
مؤيد وليش ماتقبل اني شناقصني مثلا وين تلكه واحد مثلي يتقدملها
ام رنا اني بلنسبه اليه افرح ولله
هاي البنيه نعرفها ونعرف اخلاقها ومآ ممكن نلكه وحده احسن منها باجر اروح اخطبها
مؤيد بس هي ليش عايشه ويه عمتها وين اهلها
ام رنا حسب ما فهمت من البنات امها متوفيه وابوها مزوج وهي عايشه يم عمتها
مؤيد زين باجر رجعيلي خبر حتى انتمم الخطوبه بهل يومين قبل لاتخلص اجازتي
عبير ثاني يوم مارحت للبنات لان ضجت من تصرفات خالهن خابرتهن كتلهن انتن تعالن يمي
للعصر خاله ام رنا اجت علينا اني الصراحه استغربت
لان هي نادر ماتجينا
كعدت هي وعمتي واني رحت احضر العصير
بس رجعت سكتن وتوقف الكلام عفتهن ورحت الغرفتي
ساعه يله طلعت ام رنا واني ابد مو على بالي على شنو اجت
عمتي دخلت للغرفه وكالت وللج عبير تعاي شوفي
ام رنا جاي تخطبج المؤيد
عبير نزلت حواجبي شنووووو
عمتي وتكول هسه بس خطوبه ومن تخلص سادس الزواج لان بامريكا ممنوع زواج القصر
عبير عمه تحجين صدك لو تشاقين
عمتي اي ولله احجي صدك
عبير بس اني ابد ما مفكره بموضوع الزواج هذا
عمتي فكري براحتج واني وياج شتقررين
وسنه كافيه تدرسين اخلاقه وتعرفينه زين وهو عندا شقه هناك وراتب وانتي بكيفج
عبير عمه صدك تحجين
عمتي اي ولله فكري زين وقرري
واني راح اطلب منهم وقت يله انرجعلهم خبر
عبير ولله ما ادري هذا الخبر فاجئني
للحكايه بقيه احبكمممممم
تفاعل حلو مثلكم
كلما اقرر انزل بارتين تطلعلي شغله ومآ اكدر
بلكت اكدر انزل بارت بليل
بس تفاعلوووووثانيا ماكو حجي بصوت عالي نحجي بصوت ناعم مثل البنات
تلبسين مثل البنات مومثل الولد
وأهم شي تكونين شاطره بلمدرسه فهمتي
واني بلمقابل راح اوفرلج كلشي ملابس وكتب واللعاب
عبير انشاء الله راح اسوي كلشي تكولين علي
واكون عد حسن ضنج
هنا بدت نقطة التحول بحياتي
لازم اتحول من ولد إلى بنيه
او مو اي بنيه عاديه لازم اكون مميزه
ولازم اساعد عمتي تنجح بالتحدي الي دخلت بي علمودي
لازم اكون انسانه ثانيه
وانسى عباس للابد
واكون عبير وبس
