رواية نقطة تحول الفصل السابع بقلم جمانه السعيدي
لليل اجن البنات وبس دخلن غرفتي كامن يهلهلن ويركصن
ويصيحن همزين راح تصيرين زوجت خالوووو
اني سديت باب غرفتي وكتلهن اسكتن لاعمو محسن يسمعجن
رنا خل يسمع راح نصير نسايب
عبير ومنو كال اني راح اوافق
رنا انجبي توافقين غصبا ما عليج هم عوزه يخطبج خالي الصاك وترفضين
عبير المشكله مو بخالج المشكله بيه اني اني ما مفكره
بلزواج ولامستعده
آريد اكمل دراستي واتوضف وبعدين افكر بلزواج
رنا اصلا خالي كال عادي تكمل دراسه ماعندي مانع
انتي بس كليلي شايله خرزه محبه بس شافج الولد تخبل
عايف بنات امريكا يخبلن وجاي عليج
لا وفوكاها ما راضيه
عبير وللج ما مستعده للزواج
رنا هو شني ما مستعده راح ينطيج سنه واستعدي بيها زين عود لو رحتي الامريكا لاتنسين اخيتج
شوفيلي واحد أمريكي وياج
أمريكي مو عراقي لان اريد استهتر فد مره
آريد امشي مصلخه مثل الامريكيات
عبير وللج تردين تنحرفين
رنا اي اكو احلى من الانحراف
طلعن البنات واني احتاريت بلزايد ما اريد اخذ قرار واتندم علي
رحت العمتي وكتلها اريد احجي وياج بموضوع مهم
دخلنا الغرفه وسدينا الباب
عبير عمه شنو رائيج يكول ابو المثل الأكبر منك بيوم افهم منك بسنه
بشرى اريد اكلج شي مهم انتي أعز انسانه عليه بحياتي بعد عمج محسن
من دخلتي حياتي وانت ذيج البنيه البسيطه البريئه
وانتي دخلتي كلبي
انت غيرتي هواي اشياء بحياتي وخليتي حياتي الها معنى
والبيت الي جان بارد وهادي صار بي حركه
صار كله حيويه
مو من السهل اقبل تبعدين عني
وين تبعدين بامريكا يعني حتى مو بمحافظه ثانيه ويمته ما اشتاق اللج اشوفج
بس اني من كد ما احبج اريد مصلحتج واريدج تكونين سعيده
اني من رائي نوافق موافقه مبدئيه
يعني نوافق على الخطبه بدون عقد شيخ وعقد محكمه
ونعتبره فترت تعارف
يعني تبقين على اتصال وياااا
تعرفين اخلاقه وتفهمين نفسيته
هاي السنه اعتبريها فترت اختبار المشاعرج
اني راح اكون وياج ومراح اعوفج ابد
بعد هاي السنه تقررين انتي تردي لو لا
اذا كنتي مقتنعه نوافق ونسويلج احلى عرس
واني اروح وياج وابقى هناك شهر يمج
وأهم شرط نشرط علي تكملين دراسه
واذا رفضتي نكللهم كلشي خلص واحنا نكون مامرتبطين وياهم لاعقد شيخ ولاعقد محكمه
هذا رائى وانتي حره
فكري او من تقتنعين نرجعلهم خبر
عبير طفرت عليها وبسته وكتلها انتي احلى عمه شفتها بحياتي الله شكد رحم بحالي
لان انطاني عمه مثلج شكرا لانج موجوده بحياتي
وفعلا ورا يومين عمو محسن دز على ابو رنا ومؤيد ونطاهم الموافقه
وكان اول شرط اني اكمل دراسه
وهسه ماكو عقد شيخ او عقد محكمه منا لمن اخلص سادس وبعدين اذا اتفقنا نكمل الاجرائات
قررنا نسوي حفله بسيطه نقرا بيها الفاتحه بس عائلتنا وعائلتهم
اشتريت فستان اصفر ورحت للصالون طلبت مكياج اوربي
عدلت حواجبي لان هنه سود وثخان
وشعري برمته ونزلته ولبست تاج بسيط مثل غصن الشجره
هو اجا لابس قاط رمادي وقميص ماروني
قرينا الفاتحه وهو لبسني خاتم ذهب كلش حلووو
كال اعتبري هدية الموافقه
باسني بخدي والبنات يركصن ويهوسن
انطاني رقم تليفونه
أخذنا كم صوره بلكامرا كانت كامرا حديثه جايبها ويااا من امريكا
خلصت الحفله بس للامانه كانت الحفله رغم بساطتها كلش حلوووه
بليل خابرني وضل يسئل اسئله عن اهلي
الصراحه اني ما احب احد يجيب طاري اهلي لو يسئلني عنهم لان بنضري اهلي ماتوووو
اني ماعندي اهل غير عمتي
شكد حاولت اتهرب من أسئلته بس هو يلح
بعدين كتله اني تعبانه واريد انام
راسا صار عصبي شني تنامين وين اكو واحد ينام الساعه ١٢
انشاء الله من نتزوج هم تنامين الساعه ١٢
عبير موكتللك تعبانه وانعس بعدين كدامنا هواي وقت ونحجي بكيفنا
بعدين حديثك ممل نازل تحقيق اهلج اهلج شبيهم اهلي
اني اهلي كلهم ميتين
وماعندي اهل بس عمتي
ابدال ماتحجيلي عن وضعك بامريكا وشلون عايش
عن أحلامك وطموحك والأهداف الي تريد تحققها
صاير محقق كونان وياي
من تلكه حديث حلو نحجي بي عود خابرني مع السلامه
قفلت التليفون وتمددت
من العصبيه ماكدرت انام هذا عود العايش بلخارج
لعد العيش هنا شلون تفكيره
على فكره هو صار ٣ سنيين من طالع الامريكا
ثاني يوم الصبح بقيت نايمه والتليفون مقفول
للضهر يله فتحته
لكيت رنا مخابرتني ١٣ مره
اتصلت عليها
رنا الووو عبير هاي وين صرتي عبالي ميته اتصل ماتردين اجيت دكيت الباب ومافتحتيلي
عبير جنت نايمه عمتي طالعه وعمو محسن بلدوام واني نايمه وماسمعتج
رنا ليش مزعله خالوووو
عبير وبيش زعلته خاللج
رنا قافله التليفون بوجهه
عبير تعبانه واريد انام وهو نازل تحقيق ابدال ما يسمعني كلام حلوووو
يسولفلي على الأجواء بامريكا يسولي واهس
رنا وللج يلمخبله ماتدرين شكد يحبج وبس يسولف بيج
عبير آمنت بلله يحبني ولازم ينطيني مجال اني هم احبه
رنا يلله اتصلي علي واعتذري منه
عبير اعتذر وليش اعتذر اني شسويت حتى اعتذر
رنا زعلتي منج
عبير اني ما زعلته ومراح اعتذر
رنا وللج لا اطيرين الولد من ايدج
عبير اكللج الولد شني فزاعه ويطير غير رجال ومثقف
بعدين شكووو
راح يحجي كلشي صار بينا بسرعه
رنا وهو المن حاجي غير النا واحنا وياج صديقات
عبير الكم يعني حجا الكم كلكم الي صار بينا باعي رنا اني توني كاعده وبعدني ما مركزه زين
بعدين خابريني وخل اكلج شي مهم
طلعي صداقتنا اني وياج من موضوع خطبتي الخالج
مع السلامه
ضجت حيل ما اعرف تصرفي صح لو غلط يمكن اني غلط يمكن كل العلاقات هيج
اني بعدني عدوانيه واهجم مباشره على المقابل
يمكن هرمون الذكوره بعدا مسيطر على شخصيتي
يمكن لازم استاهل ويااا اكثر واكون مرنه
اي بنيه بمكاني راح اطير من الفرح بهيج قسمه
ما اعرف اني ليش ما كاعده اكدر اتقبله
يجوز ويه الايام راح اتغير وكدر احبه اكثر
للعصر اتصل عليه هو
مؤيد هلو عبير
عبير اهلا وسهلا
مؤيد اني بعدني زعلان ومنتضر تراضيني
عبير من شنو زعلان
مؤيد اكيد منج
عبير اني الي لازم ازعل منك
مؤيد ليش
عبير هاي فترت تعارف مو فترت تحقيق
مؤيد اني اسف وبعد ما احجي وياج بهيج مواضيع
عبير اني اسفه لان اسلوبي وياك جاف
بس اعذرني انت اول تجربه بحياتي واحنا راسا انخطبنا
اني بعدني ما حبيتك
احتاج وقت اكثر حتى اتعرف عليك واحبك
مؤيد اني عازمج نتعشى برا ونتصالح
عبير خل اخذ موافقت عمتي وارجعلك خبر
مؤيد منتضرج
عبير كلت العمتي وافقت واكدت عليه لازم احافظ على مسافه بيني وبينه ومانتخطا الحدود
لان هاي فترت تعارف
خابرته وكتله موافقه
حضرت نفسي لبست بنطرون جينز وبدي ابيض وفتحت شعري ومكياج خفيف
حذاء وجنطه احمر
اول ما شافني طلعت غمزلي وصوفر وقرب عليه واني ابتعدت راد يبوسني بخدي
عبير لزمني من ايدي ومشينا وكال بزعل ليش ابتعدتي
عبير اني مامتعلمه عل ثقافة البوس وعندي ما مسموح بيها ايجوز انت متعلم عليها بامريكا بس احنا هنا بلعراق مو بامريكا
مؤيد اي اتعلمي علمودي
عبير لمن اصير زوجتك رسمي ذاك الوكت اتعلم على كلشي انت تريده
صعدنا بلسياره ومشينا ووصلنا للمطعم هو جان حاجز النا مكان
كعدنا وطلبنا اكل وهو عينه على الرايحه والجايه
بس اني كبرت عقلي اريد اشوف وين راح نوصل
كملنا اكل وطلعنا قرب مني ويريد يخلي ايده على خصري
اني بعدته من خصري ومشيت
مؤيد شبيج معقوله اكو بنيه مثلج عمي البنات اتطورت
عبير اذا عندك التطور حضن وبوس اعذرني ما احب هذا التطور
مؤيد لعد احنا المن طالعين
عبير التفتت علي ورفعت حواجبي سئلته بستهزاء
المن طالعين
طالعين نتعشى ونسولف لو احد كالك الليله عرسنا
مؤيد اللهم طولك ياروح
صعدنا بلسياره ورجعنا بدون مانتكلم اي كلمه
شكرا لزيارتكم عالم روايات سكيرهوم
