رواية بنات الملا الفصل السادس بقلم رغد الموالي
حينما يدق الموت الباب تُفتتح الباب رغماً عنها
فكيف ان كان الموت شرساً لايرحم حينما يلتقي بالانسان....؟!
الخوف كان واضح على وجه عبد اللطيف
اجه للبيت يرتجف مذعور والكلام يرتجف بلسانه
يتنفس بسرعه وبالكاد يبلع ريقه.... تكلم وهو بهذه الحاله.....
عبد اللطيف... شهاب نكتل
ضربت على وجهها جميله بخرعه حجت ومنو كتله وشبي هذا حالك شصايررررر
عبد اللطيف... بتعب... نكتل والله مالي يد اني والله
جميله... شلون يعني فهمني شصايررر
اجه عمي الحجي وشافه سأله... شبيك عبود ليش هذا حالك
عبد اللطيف... يابه والله مو اني كتلته وحك الزهره مو اني
حجي شعبان... منو هو... لمنو قتلت
عبد اللطيف ... بويه جنه دانضف سلاح بيت شهاب طلعت طلقه حاشره بالسلاح وصوبت شهاب كتلته بمكانه بويه طلعت اخته بالبيت هنا وعلى صوت الطلقه طلعت شافت شهاب سابح بدمه كامت تلطم على راسها وتصرخ
ياخويه ياشهاااااااااب يايابه يابويه
عبد اللطيف... مو اني هو هو نقتل
وصارت تصرخ على اخوها ندكت الباب وجوارين جون على صوت بجي وصراخ اخته اني عفتهم وطلعت
يابه تهمه اشيلها اني مو ذنبي بيهاااااا
حجي شعبان... كعد بالكاع من سمع هالكلام نصدم من الي سمعه اجه عليه عبد اللطيف وكعد كباله يكلمه
يابه متصدكني يابه والله مو اني قتلته شون اقتله وهذا صاحبي فهمنييييييي شلووووووووون
حجي شعبان جان مايرد نصدم وعبد اللطيف يحاول يقنعه وبحجي وياه
عبد اللطيف... يابه اروحلك فدوه وابو الحسنين مو اني قتلته وروح امي زهيه مو اني ليش متصدكني
بعد طول كلام وتواسبل من عبد اللطيف لعمي شعبان تكلم عمي شعبان بخيبه وصدمه
كتلي اخته هناك وانت وياه لوحدكم وهو نقتل؟
عبد اللطيف... اي ياب هذا الي صار
حجي شعبان... نتر بي بصياح... ولك بدال التهمه تهمتييييييين نذبت براسك وانت مالك ذنبببببب
اني ادري مو انت قاتله بس شلووووون حيصدكووووووكككك
عبد اللطيف... شنو يعني يابه مو اني
حجي شعبان.... لك بويه الناس ماترحم راح يكولون قتل شهاب علمود اخته شغلة شرف تصيييير انت شلوووون تدخلون بالبيت وهو ماكو احددد
عبداللطيف. والله ماادري هنا احد كلي اهلي راحو لبو الحسن زياره بالنجف وتعال نضف سلاح وكعدنه نضف سلاح اني شمدريني اخته هناااا والله مادري
حجي شعبان... ادعي ربك يطلع ضني مو صحيح والي كلته غلططط
كام واتكأ على عصاته ونتررر ادعي ربك
عافنه وفات لغرفته مرت تقريبا نصف ساعه ندكت الباب بقوه فزينه وي صوت دكة الباب
راح علي ابن عبد الودود فتح الباب ماشفنه الا المكافحه بالباب لطمت جميله على خدها مباشرة التفت عبد الودود ونتر بينه فوتو جوووووووه
فتنه وجوه وجميله صارت تلطم على وجهها صرت اباوع من الشباج شفت الكلبجات يخلوها على ايد عبد اللطيف وعمي الحجي طلع عليهم ويحاجيهم
... بويه ابني بريء ماله ذنب هذا شهاب صوحيبه
شلون يقتله
... حجي هذا كلامك احجي كدام القاضي مو يمي وجه انضاره للمنتسببن الي وياه وكلهم اخذوووووه
اخذوه جروه وطلعت جميله لابسه عباتها واحنه وياها وتصرخ وتلطم الجيران كلها التمتت من شافت المكافحه ونكلبت المنطقه كلاب بهذه الاثناء اجه عبد الرحمن.... ها شصاير شكوووو
اجت جميله تبجي وتكلمه ولك الحك عبد الرحمن اخوك اخذته المكافحه متهم بقتل شهاااب
عبد الرحمن... شنووووو شتحجييييييين شهاب نقتل؟ شلللون وج فهمينييييي
بسعاد... مو ووكت افهمك عبد الرحمن روح على الولد كللهم خل يلحكون اخوهم
رفع دشداشته وراح ركض عبد الرحمن ونسوان المنطقه صارت تسأل... هاي شصاير
شكوووو
واحنه نجاوبهم ب منعرف مندري
بقينه نلوب لابينه نكعد لابينه نروح للمركز نشوف شحيصير جميله عباتها براسها وتروح وتجي وتضرب ايد بإيد
نعيمه طلعت صارخه من غرفتها تفززنه كلنه لصرختها
كالت وهي مرعوبه
دمممممم..... دممممم جميله داشوف دممممم
جميله... دميش وين هذا الدممممم
نعيمه... نهاية موتتة شهاب دم ياجميله حندفع ثمنهااااااااااا
عمي الحجي سمعها ضرب بعصاته بالكاع وكام على حيله متوه لنعيمه بغضب حصر رگبتها بالعصا ويتكلم.... شيطان لعين اعوذ بالله منك اعوذ بالله منككككككك
وصار يقرأ ايات من القران...
الفاتحة: (بِسْمِ اللَّهِ الرَّحْمَٰنِ الرَّحِيمِ* الْحَمْدُ لِلَّهِ رَبِّ الْعَالَمِينَ* الرَّحْمَٰنِ الرَّحِيمِ* مَالِكِ يَوْمِ الدِّينِ* إِيَّاكَ نَعْبُدُ وَإِيَّاكَ نَسْتَعِينُ* اهْدِنَا الصِّرَاطَ الْمُسْتَقِيمَ* صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ).
آية الكرسي: (اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ).
ورجع قرأ سورة التوحيد
نتر بيها ليش ماقريتي سورة البقررررره اني شكتلجججج
تكلمت بفحيح مخيف... مااقرأ مااقرأ اني مااقرأ يحركني
يحركنييييييي مااقرأ
حجي شعبان... تقراهاااا غصبن عليك تقريها نعيمه
نعيمه... لا مااقرأ
حجي شعبان... لاتسمعيله اقريهااااا
نعيمه.... مااقرأ مااقرأ
حجي شعبان... ليش ماتقرأ
نعيمه... يحركنييييي احترررك
حجي شعبان... اطلع منها لعد
نعيمه... روح مناااااااا
لزمها من راسها وصار يقرأ بهمس كامت تقاومه بالاخير وكعت واغمى عليها
مددناها على جنب اباوع لعمي تعرق وصار ينهت من تعب تكلم بأنزعاج... كتلها اقري جانت كل هالفتره تتضاهر هي مابيها شي شيطانها قوييييي
اعوذ بالله
بسعاد... عمي شفتها تغيرت معقوله اصلا صار صوتها مينسمع
حجي شعبان... لا هاي تتضاهر ومو بيديها شيطانها قوي
يابنتي الي معموله عمل او عنده مس يصير مايلتزم بصلاته قرآن مايقرأ لان يحركه القرآن
بسعاد... خطيه نعيمه وشلون عمي هسه
حجي شعبان... لازم ارجع اعيد من جديد واحط واهسي وياها لازم اخلصها من الي هي بي بس شلون وعبد اللطيف طلعلي من جهه شلووووون
رد سكت وصفن لثواني بعدين تكلم... هسه غير يجون يفهموووووونييييي غير يكلولي يابه اخونه كذا وكذا صار وياااااااااااه
بسعاد... اهدأ عمي منعرف شنو صاير ميخالف
بقينه كاعدين ننتظر شايفين لحضات الانتضار شكد تصير صعبه بهيج ضروف الدقيقه تمر ساعه والساعه يوم واحنه نلوب حتى كلام مانتكلم كاعدين وننتظر دكة الباب
شويه وسمعنه هوسة بالمنطقه وصوت تشييع لا إله إلا الله
لا إله إلاّ الله
فز عمي شعبان وتوجه دايطلع من الباب استوقفته جميله
عمي فدوه اروحلك وين
حجي شعبان... بويه دايشيعون شهاب لازم اروح بجنازته
جميله... وين تروح عمي ابنك متهم كتله شترووووح
حجي شعبان... ابوه اله افضال علينه بهيج يوم مااروح اني اروح وابني لطيف ماله ذنب بكتلة شهاب واني لازم افهم ابوه لازم
تكأ وطلع جميله صاحت على جواهر
... جواهر لحكي جدج وياه وياه شوفي شنو يصير لايكتلوه
راحت جواهر وي جدها
شويه ورجعت جواهر تركض مذعوره صاحت
لحكو جدووو عمه يمه جدووو وكع بالكاااع
بسعاد... بخرعه شنووووووو شلون وينه هسه
خلينه العبي على روسنه ورحنه نركض لكينه عمي شعبان ناس ساندته وهو لازم راسه من فوك اليشماغ على اثر ضربه ويمشي مستند على الناس
اول ماشافنه بينت ملامحه ضاج
مايقبل نطلع بهيج حال وضرف
اتكأ على الناس لما وصل للبيت وبعدها احنه اخذناه لحد سريره الي ينام عليه
بسعاد.... مدد عمي مدد وارتاح
حجي شعبان.... مارد صافن وكأنه بعالم ثاني
بسعاد... عمي تحتاج شي
عمي شبيك شصار وياك
مارد طول كلش بصفنته حتى جاوب بخيبه وخذلان
... طول عمري عشت بين الناس واني مرفوع الراس
وضرب على رجله بيده الاثنين وتكلم بغضب
اني شسويت بحياتي حتى تالي عمري استحي اخلي عيني بعين الناااااااس وامشي مدنك شسوييييييت
بسعاد... كول يالله عمي احجيلنه شصاير
حجي شعبان.... باوعلي وتكلم برفع الحاجب وكال... الي جنت خايف منه طلع صحيح ياام جواهرررر
السالفه مو سالفة كتلة شهاب وبس السالفه سالفة شرف
بسعاد....بهذه الاثناء جوي الولد كلهم ودخلو غرفة عمي الحجي كام على حيله عمي شهاب فاتح ايده الاثنين سألهم.... ها شصار وياكم؟
عبد المجيب... نسجن وعلى ذمة التحقيق لحد مايرفعون اوراقه للقاضي وهو يقرر
حجي شعبان... يارب ان كان ابني مظلوم فرج عنه يارب
عبد المجيب... ان كان يابه؟
حجي شعبان... خايف لاسولتله نفسه يقتل شهاب
اني رغم اعرف عبد اللطيف وابني ومربيه على ايدي الا ان الشيطان يكيد المكايد حتى يوكع بين ولد ادم خايف لا استحوذ على تفكيره الشيطان
عبد المجيب... لا يابه لاااا مستحيل انت شتحجي
حجي شعبان.... عسى الله ان يفرجها عن ابني حصبر والله كريم
الله يحب الصابرين
ثاني يوم ندكت الباب بقوه فتحها عبد الرحمن باوعنه كان رجل ضخم لابس عكال ويشماغ وعبايه جوزيه هيئته هيئة شيوخ تكلم بعصبيه... حجيكم وين؟
عبد الرحمن... تفضل شيخ تفضل
شيخ ذياب.... مالي مكان بيتكم حجيكم وين؟
عبد الرحمن... ه ه ههسه ه ه ه هسه اصيح ابوي
راح بسرعته عبد الرحمن وصاح لعمي الحجي عمي الحجي طلع متكأ على عصاته ويمشي بتعب
حجي شعبان... تفضل شيخ نعمان
شيخ ذياب ... وانه مالي مجان بيتكم ياحجي شعبان
وفاتحة ابني شهاب ماانصبها الا على خبر اعدام ابنكم عبد اللطيف ويرد حك بنيتي
بنيتي مالها عين ترفعها بنص الوادم ترضاها يسوي هيج ابنك حجي
حجي شعبان... واني رغم اعرف اتهام باطل على ابني
ابني مستحيل يكتل ابنكم هو وشهاب من الروح وحده شلون يكتله
حجي ذياب ... الشيطان ماسلمو منه ويلاد الانبياء وانه هسه وكفتي بابك بس لخاطر العشره ورب العالمين يحاسب على لكمة خبز كلناها سويه لهسبب انه اكللكم العين بالعين والسن بالسن ومنكم طلعت العيبه مو منه
يلا اودعناكم
ضرب على عصاته وراح...
ومرت الايام وتحقيقات مستمره على عبد اللطيف بعد الادله ومحاكم وبصمات اتضح ان البصمات كانت لشهاب
بعدها استعانو ب اخت شهاب كشاهد على القضيه
سهيله.... حضرة القاضي اني كنت جوه بالبيت ماشفت شلون نكتل شهاب اخويه لكن اني لما باوعت من الشباك شفت شهاب واكع وجواه السلاح وغركان بدمه وعبد اللطيف مخلي ايده على راسه مثل المنصدم
القاضي... وبعدها شصار؟
سهيله... اني طلعت اركض واصرخ وحالي حالكم كل ضني عبد اللطيف جتال اخوي ماادري شلون نكتل ماادري
القاضي... تتهمين عبد اللطيف بمحاولة اي اعتداء عليج؟
ت غريب عن بيتنه
القاضي... هم ليش جانو مطلعين السلاح؟
سهيله... شهاب كالي سوي درب لاتطلعين راح نغسل سلاح تعرف احنه بفترة حرب والسلاح لازم يكون موجود وجاهز ولهسبب هو راد يغسل السلاح هو ولطيف وانه شفتهم ينظفون بالسلاح سيدي وحتى شهاب اكثر من مره يوجه على روحه السلاح وينضف ويحذره لطيف
عبد اللطيف... يمعود لاتوجه السلاح عليك لاتطلع طلقه حاشره
شهاب... طلقتيش يمعود ماكو شي لتخاف
عبد اللطيف... يابه تحذر لاتسويلنه مصيبه
شهاب... لتصييييير جببااااان خليك رجاااال
عبد اللطيف... هالامور مابيها رجال ومره شهاب
وجه السلاح شهاب على لطيف بالشقه (المزاح)
ادوس على الزناد هسه حتى نجرب شتكول
فر براسه بعدم رضى عبد اللطيف وكال... استغفر الله كمل شغل شهاب كمل حتى وراها نروح نودي الدوبه للتصليح باجر عندي شغل وتدري هي اديه وهي رجليه
شهاب... شوكت تبيع هالدوبه هاي عمي تعبت بدلها
عبد اللطيف... منين ياشهاب مدكلي حصار وحرب والدنيه محتركه مو زين عندي هالدوبه اروح واجي بيها
سهيله... بعدها رحت اني جوه وماكمت كلامهم اسمعه لكن هي مابيها ربع ساعه وبعدها صار الحادث سمعت صوت الطلقه لما باوعت كان شهاب غركان بدمه ولطيف مثل المنصدم مااعرف التفاصيل اكثر من هذه
القاضي... كلامج هذا معناها لطيف بريئ
سهيله... لااكدر اكولن بريئ ويمكن يضيع حق اخوي
ولاااكدر اكول قاتل يمكن ادخل انسان ماله ذنب السجن وينعدم بسبب كذبه
الله اعلم بحقيقة الامر وان شاء الله يظهر الحق...
تأجل الحكم لحين التأكيد والتحقيق اكثر بالحادث
الايام الي تمر على اعصابنا
كلها متشنجه حتى واهس بالشغل وبالحياة اليوميه قل
نعيمه وسواسها مابطل لكن عمي شعبان كان يحاربها بالقرآن بهذه الفتره تحديدا بعد ما الكل نشغل وخصوصا عمي زادت الاوضاع سوء من ناحية نعيمه
وعبد الودود هاجرها وهي معتكفه بغرفتها
جنه كاعدين بالطرمه وسالفه تجر سالفه بخصوص الحوادث والقتل والمحاميين وو الخ
عبد المجيب... والله ي
ايابه لو مغيرين المحامي شو هذا مسوه شي
حجي شعبان... شيسوي يعني الولد ماقصر بقت يم ربك احنه ماعدنه دليل لبرائته
عبد المجيب... لعد عدنه دليل لقتل شهااااب يابه شتحجي انت
سكت حجي شعبان ودنك راسه مهضوم وتكلم عبد الرحمن شجاب ابو جواهر صدك جذب ابوي شبيده قابل
عبد المجيب... انت تعرف لو ذبوها براسه للتهمه شيصير (وكف على ركبه ويحجي بحركه ويضرب على ركبته بقهرر ) اعداااااام اعداااام يروح بيهاااااا
احنه وجع عبد اللطيف مانسيناااااه
لساااااه جررررح ينزززززززززف
ماااطااااااااب مااااطاااااااب
عبد الودود... صلي على النبي واذكر الله ان شاء الله مايصير شي
..... بسعاد... تركتهم يحجون بينهم ورحت حتى اطل على بناتي لغرفتهم جان الجو بداية شتاء صحيح عمي والولد كاعدين بره على ضوه الگمريه جانت الكهرباء طافيه والنوم مسلوب من عيونهم بأستثناء الجهال الي يغلبهم النعاس وينامون
مشيت ومريت من يم غرفة نعيمه وسمعتها تضحك وتسولف ندهشت وي منو تسولف وتضحك تقربت يم الباب اكثر سمعت بس صوتها صوت الي تحجي وياه مامسموع دكيت الباب وفتحتها ودخلت باوعت لكل الغرفه مابيها احد سألتها بأستغراب...
بسعاد.... نعيمه هاي وي منو تحجين؟
نعيمه... وي منو يعني ليش شنو سمعتي؟
بسعاد... تسولفين وتضحكين
باوعتلي وبقت مركزه بعيوني وعقدت حاجبها بغضب
ساكته وماتحجي شي وطولت بنظرتها تجاهي لدرجة
ادخلت الرعب بقلبي لكن اخفيت هذا الرعب الي تملكني
تكلّمت بحديه وغضب
نعيمه... اتكلم واضحك ولو حجيتي لااحد اقتلج
بسعاد... شبيج نعيمه وضعج مو طبيعي
نعيمه.... خزرتني بغضب مرعب وهمست بفحيح شششششششششششش
بسعاد... تداركت الوضع مباشرة وطلعت لكن كنت متوتره وامشي بتلعثم ومدنكه والف سؤال وسؤال اجه بالي صدمت بجميله وفزيت
جميله.... بسم الله شبيج نعيمه تفززتي
بسعاد.... باوعتلها كنت متردده بين اكللها او لا لكن شفت ان لازم اتكلم وياها
بسعاد... جميله تعالي لازم احجيلج شغله ضروريه
جميله.... شكو احجي
كاودتها من ايدها ورحنه للغرفه شفت الجهال وعلى هدوء الغرفه وضواها الخافت كعدت گبالها وتكلمت
بسعاد... وضع نعيمه صاير مو طبيعي نعيمه الله اعلم شنو صاير قصص وروايات عراقية كرار صلاح وياها ومحد بهذا البيت مهتم الها
عمي شعبان ملتهي بسالفة لطيف وهاي وضعها زايد سووووء
جميله... شبدينه يعني شنسوي عمي حاول ومافاد وياها
بسعاد.... تكلمت واني ادير بعيوني كأني اترجاها اريد تكلي اني وياج وخل نساعدها خايفه عيوني لاتشوف الخذلان بوجهها.....
اذا عمي شعبان ماكدرلها معناها شغلتها صعبه حيل
لازم الاقوى من عمي
جميله... يعني شلون...... ا ا ا ا ا اني مااعرف بهذه الامور بسعاد كلشي مااعرف
بسعاد... ممكن يكون سحر هالسحر مخليها هيج تكون مو شغلة مس او جن عاشق
جميله... يمه اسم الله الرحمن.... لج لاترعبيني اني اخاف
بسعاد... لاتخافين هذا الموضوع مو لازم انتي واني نخاف هذا الموضوع لازم نواجها بقلب قوي جميله عمي شعبان رجال جبير وعلى كد حاله وهالامور يرادلها فلووووس
جميله... واحنه منين نجيب
بسعاد... الله مينسه عبده خل نتوكل على الله والله كريم
جميله...وشنسوي
بسعاد... لازم نسأل على ملا مضبوط راح اسأل واشوف
جميله.... واني وياج
بليلتها بقيت افكر شلون ومنو هذا الملا المضبوط الي حيكدر يرجع نعيمه لوضعها الطبيعي خصوصا بضل هذه الظروف الوضع زايد سوء والطلعه والطبه علينه محسوبه زين شلون وشنو اسوي؟
بليلتها مانمت اذن الفجر وكمت حتى اتوضى واصلي مشيت وشفت عمي شعبان فارش سجادته بالطرمه جوه السماء ورافع ايدنه الاثنين بالدعاء ويدعي ويبجي ويتوسل بالله عز وجل
.... إلهي عظم البلاء وبرح الخفاء وانكشف الغطاء
إلهي ياعزتي وجاهي وملتجأي ورجائي ياكاشف الكربات اكشف كربة ابني عبد اللطيف
يامخلص يوسف من السجن وبيضت وجهه بين الناس خلص ابني لطيف من السجن وبيض وجهه ووجهي بين الناس ياربي كلبي حاسس مو هو كاتله
ياربي إن كان مظلوم رده اليه يارب
قلبي مايتحمل بعد فراك عبد الرحيم ناااااااار
ناااااااار وتجوي بگلبيييييي جمممرررر ويلجمني كل ليله وصبرتني يارب على فراكه لما شوفتلي مكانه بالجنه اريد ياربي تهون عليه على عبد اللطيف
يارب افرجها عنه يارب
جان يدعي بگلب مكسوووور وصوت مخنوك وبجه لما كمل دعاءه
عمي شعبان كثير التوسل بالله عز وجل وسبحان الله دعاءه اكثر المرات يكون مستجاب نادرا ما يكون غير مستجاب وكان يكول كان هذا بلاء والله ابعده عني رغم اني اريده ويحمد رب العالمين عليه
ماحبيت اقطع اتصاله مع رب العالمين وقته المفضل هذا واعرفه توضيت ودخلت جوه صليت ونمت وثاني يوم نفس التفكير بعقلي شسوي وشلون تدبر حجه واطلع لازم اكول لااخوي يسألي عن احد معين
واعالجها
انتضرت للظهر وستأذنت من عبد المجيب حتى اطلع
بسعاد.... عبد المجيب اني اريد اروح لبيت اهلي
عبد المجيب... هسه الروحه والجيه علينه محسوبه بلاها ياام جواهر
بسعاد... اترجاك شويه وارجع مااتأخر
عبد المجيب... شعندج
بسعاد... اشوف امي
عبد المجيب... لا بسعاد لا سالفه مو سالفة امج تشوفيها احجيلي
بسعاد... (بتلكأ) ... يعني عدها شغله وكلت اكضيها وارجع
عبد المجيب... يعني ماتطولين؟
بسعاد... لا لالا ابد
عبد المجيب... تنهد واشر بيده يله بويه امشي حروح وياج اوكفلج كضي شغلتج ونرجع
بسعاد... ها...ا ا ا ا ا خاف اتأخر
عبد المجيب... وكف وخله ايده الاثنين وره ظهره ضيق عينه وتكلم بعدم تصديق... شعندج بسعاد على شنو ناويه احجيلي
بسعاد... ترددت بالبدايه اكله او احجيله لكن بيني وبين نفسي كلت هاي بيها روحي وتعالي وكل يوم لازم احجيله واطبع كذبه مستحيل...
عبد المجيب... وين راح بالج ... ليش ساكته
بسعاد... شوف ياابو جواهر اني راح احجيلك الصراحه واريدك انت تساعدني
عبد المجيب... كولي صاير شي
بسعاد... نعيمه
نعيمه تره حالتها حاله ومحد مهتم الها
عبد المجيب... تره مابيها شي هي تعقدت وره متزوج عليها رجلها
بسعاد... وهو تزوج بسبب شنو هااااا
عبد المجيب... يعني هسه شنو تردين
بسعاد... قبل لااكلك شنو رايده راح احجيلك بسالفتها
نعيمه اكو شخص تحجي وياه هذا الشخص من عالم ثاني مو عالمنه
تكعد وتسولف ويحجيلها كلشي واصله هسه مراحل تخوف كلش
عبد المجيب... يعني شلون شتسوي
بسعاد... اي شي يطلبه تنفذه اله حتى لو كان قتل
عبد المجيب... وانتي شلون عرفتي بهذه التفاصيل
بسعاد... اني كم مره سمعتها اخر شي سمعتها تضحك وتسولف عبالك واحد يمها ولمن عرفت اني دريت دكلي من تحجين اقتلج
عبد المجيب... وانتي هسه رايحه تشوفيلها شخص يعالجها
بسعاد... اي لازم تتعالج
عبد المجيب... اتركي موضوعها يمي
بسعاد... شلون يعني مفهمت؟
عبد المجيب... بسعاد يمي ان شاء الله مكضيه
بسعاد... بس لازم تعالجها علواه اليوم قبل باجر
عبد المجيب... تتعالج وتصير زينه لكن اذا جانت شغلتها جبيره مااكدر لازم احجي موضوعها يم واحد
رجال معروف يعالجها هو مختص بهيج حالات جبيره
بسعاد... اي ياريت الله ويدك
عبد المجيب... بس خل تفض شغلة لطيف والله متنه لاليلنه ليل ولانهارنه نهار عمي صرنه نستحي نطلع ونخلي عيونه بعيون الناس بنظر الناس احنه كاتلين ابن شيخ نعمان
بسعاد... والله هضيمه ومنعرف شلون حنطلع من هاللبلوه هاي
عبد المجيب... خايف على لطيف هواي
اذا فضت شغلة القانون وطلعوه براءه برأيج بيت شيخ نعمان حيقتنعون بهذا الحجي يقتنعون المحكمه طلعته براءه وفق شهادة اخته والادله مستحيل
راح يكولون انتو لفقتوها للسالفه ورشيتو القاضي
وطلعتو لطيف
خايف بس لا....
بسعاد... بخوف... بس لا شنو أبو جواهر
باوعلي متحير شيكول ورد سكت نظراته جانت تكلمت وكأنه تتكلم بس لايكتلوه وصلتني من دون كلام نخطف لوني وگلبي أحسه اشتعل بنار
همست بخوف... بس لا يگتلوه مو؟
باوعلي مثل الي جان متوقع واني اكدت بكلامي همس شششششش
بسعاد... شبيك ابو جواهر انت شضام علينه
عبد المجيب... ماضام عليكم شي بس هذا الخايف منه
بسعاد... بس عيونك حجت غير شي
عبد المجيب... صفن وباوع للسكف محتصر بالكلام جر نفس بحسره رد باوعلي وتكلم... ولد حجي نعمان ماناويها على خير يا بسعاد وأحلامي هالفتره مزعجه
مزعجه لدرجة الخنك
بسعاد... شنو تحلم
عبد المجيب... شفت لطيف وعبد الرحمن صعدو بسياره وي جدي الله يرحمه صحت عليهم شكثرررر بس ماردو ابد ماردو راحو دنيا ليل وضلمه وطرق كلها حجار وحفر
وحلم ثاني... قبور محفوره بس ماعرفتها لمنو ياام جواهر
بسعاد... كلامه قلقني حيل بس تضاهرت العكس امام حتى اهدا من توتره وقلقه
تعوذ من الشيطان وهاي كلها وساوس شيطان
لان انت تفكيرك مشغول على عبد اللطيف هيج حلمت انت لان تفكر لان قلق وخايف عليه
انت منين عرفت ان ولد حجي نعمان ناوين على شر
عبد المجيب... من ناس عدهم تواصل وياي وعدهم تواصل وياهم وكالولي حذروني
بسعاد... تكلمت بثقه كنت محاوله اخفف عن قلقه وتوتره... شفت مو كتلك هاي لان انت تفكر انت سمعت هذا الحجي وبده تفكيرك يودي ويجيب
صرت هيج تفكر
عبد المجيب... المشكله يا ام جواهر إن أني بيتت على قضية لطيف وهيج شفت حلم الثاني وهالشي زاد من همي
بسعاد... ادعي ان شاء الله ماكو شي
عبد المجيب.... يارب هونها يارب خايف على ابوي اكثر
بسعاد... عمي حيله نهد بهل الكم يوم
عبد المجيب... الله يهونها ان شاء الله
جانت الايام تمر بصعوبه بكل دقيقه جانت سنه اوضاع متوتره ومتشجنه وكلنه على اعصابنه وكلها بكف وجميله الي مانشفتلها دمعه على لطيف
ليل نهار تبجي وصل بيها الحال تكعد تعدد
وتبجي كم مره سمعها عمي تعدد وتبجي وحجه عليها
حجي شعبان... شعندج تعددين رايحلج ميت تتفاولين على ابو جهالج انتي
جميله... عمي من حرگة گلبي رجلي مسجووووون
حجي شعبان... ادعيله الله يفرجها عليه مو تكعدين تنوحين بطلن نياح النسوان هذا
جميله... مو بيدي جهالي عبالك متيتمين بغيبة ابوهم شتريدني اسوي يعني
حجي شعبان... اذا سمعتج نوب تعددين على عبد اللطيف ماتلومين الا نفسج جميله انه حذرتج
ضرب بعصاته على الكاع وراح لغرفته
فرت بيدها وره مراح معاجبها كلامه وتبسبست وي نفسها.... طول عمرك تصدرلنه اوامر يله كوم سوي لاابنك چاره طلعه من السجووووووون
من سمعتها هيج تتكلم رحتلها وكعدت يمها وتكلمت
بسعاد... شبيج جميله صلي على النبي وكولي يالله تره رجلج لحد الان ماصدر عليه حكم القضيه بعدها مطروحه وتعرفين شغلة المحاكم شطولهاقابل هم هسه عدهم بس قضية عبد اللطيف
جميله.... بس هذاالشي ميمنع ابجي وانقهر على رجلي
هذا ابو جهالي شترديني اسوي يعني
بسعاد.... اعرفج گلبج محروك عليه ومقهوره عليه بس لاتعددين كدام عمي خطيه ينقهر دشوفي شلون نازل نص خطيه
جميله... بجت وتكلمت بهمس وگلب مكسور... خايفه يبقه بالسجن ويعدموه وخايفه يطلع ويقتلوه
عبد اللطيف خايفه عليه بسعاد مو بيدي
بسعاد... استهدي بالله وخلي امورج يم رب العالمين الله مايسد باب اذا مايفتح ابواب كولي يالله
جميله... مسحت دموعها وهمست ونعم بالله
بهذه الاثناء اجه عبد المجيب
عبد المجيب.... بسعاد روحي على نعيمه كليلها تسويلنه طريق اجه ملا ابو رؤوف
رحت جانت توها طالعه من الحمام
بسعاد... عبد المجيب يريدج بشغله يكول خل تلبس عباتها وتجي
نعيمه... وشيريد معرفتي؟
بسعاد.... لا مكال انتي تحضري وتعالي
نعيمه... ماشي جايه
شويه واجت مخليه عباتها على راسها جان عبد المجيب ينتظر بالاستقبال وهي فاتت سلمت وكف عبد المجيب تكلم
... ملا هاي مرت اخوي واني شرحتلك وضعها
ردت هي بخوف تحاول تنهزم لكن اني مباشرة امسكت بيها.... مابيه شي عوفووونييييي
كام الملا متوجه الها وكف بثبات وثقه عاليه وبقه يباوع بعيونها وهي جانت تحاول تفك نفسها من ايدينه حتى تدخل لغرفتها لكن جنت متمسكه بيها بقوه بعدها لما بقه هيج صافن بعيونها هي شويه شويه بدت تهدأ وتكلمت بخوف
اا ا ا انت ليش هيح تباوعلي
الملا.... مارد عليها وتكلم مخاطب عبد المجيب
شغلتها هاي تاخذ وكت ويرادلها تجيبها لعندي للبيت هنا اذا اشتغللها كلكم تتأذون
صارت تصيح نعيمه... مابيه شيي اطلع برررررره
وصيحت اكثر اطلللللع برررررره
وكف وضيق عينه رفع ايده جان بيها خاتم جبير خله ايده على راسها وفر الخاتم على راسها هي مباشرة وكعت مغمي عليها
لما شفتها بهذا الحال وهذا الي دايصير وياها متحملت بجيت
هي بالاساس جانت ضعفانه وجوه عيونها هالات سود جان الي يشوفها من الجيران يكول لان رجلها تزوج عليها هيج صاير بيها لكن الي قريب عليها مايكول هيج هي بس بالبدايه نقهرت بعدها صار الموضوع جدا طبيعي وتقبلت ان زوجها اجت من تشاركها بي
ويمكن كابرت كل مره من عدنا يجرحها هذا الاحساس ان الانسان الي يكون رفيق دربها تجي من تشاركها بي اكو من تشتكي وتبقه على موقفها بزعلها او تنفصل واكو من تتقبل يمكن من ضعفها او من قلة الحيله واكو من تكابر وتبين هي مامهتمه وبداخلها العكس تماماً
عمي شعبان تسائل عن حالتها وكلناله ان هي حتبدي تتعالج الي بيها مخليها انسانه غير
خليناها بغرفة عمي شعبان وعمي شعبان حوطها بالقران من كل جها خله كتاب قران حتى لايمسها سوء
بهذه الاثناء ندكت الباب راحو الجهال يركضون فتحوها ولما فتحوها ماصدكت عيونه بلي شفناه
جان عبد اللطيف واكف على الباب ومبتسم وكفنه نحاول نستوعب
وكأنو واحد يكول للثاني هذا حلم لو حقيقه
جميله راحت تركض على عبد اللطيف وحضنته وتبجي وعلى بجيتها هلهلت والتمينه كلنه على عبد اللطيف
عمي لما شافه كعد بالكاع صار يبجي من فرحته عبد اللطيف اجه عليه يركض
عبد اللطيف.... ياب شبيك يابه هاي اني طلعت طلعوني براءه اني مالي ذنب وطلعت
حجي شعبان... لزم وجه عبد اللطيف بيده الاثنين
وتكلم... معقوله هاي انته وليدي ورجعتلي
بويه صدك انت براءه طلعوك بويه يعني حكدر ارفع راسي بعد بين الناس واكلهم ولد حجي شعبان مايغدرون بصاحبهم بويه يعني صدك لو اني دااحلم
عبد اللطيف... صدك يابه صدك رحعت اني ومالي ذنب واني حروح هسه على حجي نعمان اكله مالي ذنب واني ماكتلت شهاب
حجي شعبان... اي بويه امشينه نروحله لحجي نعمان نكله اسندني بويه والله من فرحتي بجيتك حتى حيلي نهد مامصدك
سنده عبد اللطيف توهم يخطون حتى دايطلعون ندكت الباب بقوه وفتحوها الولد
جان حجي ذياب واكف بغضب وايده ثانيها وره ظهره وراه ولده وبيدهم اسلحه
تكلم.... وصلنه طارش هلايلكم عبن وليدكم سوته الحكومه بريء
رفع ايده مأشر بالسبابه وتكلم بنبرة غضب... والله ثم والله ميغمضلي جفن ولا تنصب فاتحة شهاب الا على جثة جتاله وانتو البديتوها ياحجي شعبان
ابواباً من الثأر والحقد تفتح فياترى من سيغلقها...؟
شكرا لزيارتكم عالم روايات سكيرهوم
