رواية غموض الحب عائلة الرفاعى الفصل السابع و السبعون بقلم لولا
عند امنيه كانت الساعه 8 الصبح وهي وصلت للشهر الخامس وتعبانه اوي والبيبي بيخبط في بطنها وهي بتحلم وجبينها بيتعرق وصحيت مخضوضه وهي بتصرخ باسم سيف وحطت ايديها على صدرهاا اللي بيعلو ويهبط وتابعت برعب: اعوذ بالله من الشيطان الرچيم وفضلت تاخد نفسها وتابعت ايه ده في ايه ؟؟!!! استر يارب ودموعها نزلت وتابعت يارب احفظه واحميه ورجعهولي بالف خير يارب ونزلت رجليها على الارض وهي بتعيط وتابعت نفسيتي تعبت بجد كتير يارب 60 يوم مشوفهوش ولا اخده في حضني ولا اسمع صوته غير كل فين وفين مش قادره والله على الوضع ده مش قادره وقامت اتسندت ودخلت الحمام وفضلت تغسل وشها وبتحاول تهدي من خوفها ورعبها من الحلم اللي شافته وخرجت وهي تعبانه جدا وبتنشف وشها بالفوطه والبيبي بيتحرك في بطنها وتابعت بدموع : حقيقي مش قادره في ايه وفضلت تمشي ايديها على بطنها بحنان وتابعت ايه يعمري بتتحرك كتير كده ليه
والباب خبط فمشيت على مهلها وراحت بصت من العين السحريه وفتحت كانت نرمين
فتابعت نرمين بضحك انتي يابت مش جوزك قايلك متفتحيش بشعرك ودخلت وقفلت الباب
امنيه ابتسمت بتعب وتابعت بصيت عليكي الاول قبل ما افتح
نرمين بخوف مالك يا امنيه في ايه
امنيه قعدت على الكنبه بارهاق وتابعت مش عارفه يا ماما دايخه اوي وتعبانه وحاسه مش قادره اخد نفسي
نرمين قعدت جنبها وفضلت تمشي ايديها على شعرها بقلق وتابعت ربنا يعينك ويقويكي يابنتي حقك عليا هانت خلاص وترتاحي
امنيه ابتسمت بتعب وتابعت يارب يا ماما والله حقيقي مش قادره
نرمين شدت مناديل من العلبه وبقيت تمسح جبين امنيه وتابعت بقلق مالك يابنتي عرقانه ولا اللي كنتي بتجري
امنيه بتعب مش عارفه والله يا ماما صاحيه من النوم همدانه اوي شوفت كابوس سيب اعصابي
نرمين بقلق كابوس ايه كف الله الشر
امنيه محبتش تقلقها فتابعت بتوتر مش فاكراه اوي بس كان مرعب مكنتش مرتاحه
نرمين بتنهيده انا مش عارفه يا امنيه انتي الفتره دي تعبانه اوي ومش عجباني شكلك محسوده يابنتي
امنيه ضحكت بتعب وتابعت بالله عليكي اتحسد على ايه بلا هم
نرمين بتنهيده الناس ليها الظاهر يابنتي وانتي بسم الله ما شاء الله عليكي حلاوتك معديه حتى وانتي تعبانه فكل اللي تشوفك تقولي مرات ابنك يا نرمين مباينش عليها حمل وحاجه اخر قرف
امنيه بضحك حرام عليهم والله جابوني الارض هو انا ناقصه
نرمين بضيق والله يابنتي بكبر في وشهم هو احنا ناقصين
امنيه ضحكت فتابعت نرمين بحب وطي صوت ضحكتك دي بس علشان هتنزلي نفطر مع بعض دلوقتي وخالتك ام طارق تحت مش ناقصين تسمعك كده تنشك عين انتي خلصانه لوحدك
امنيه بضحك حاضر بس هو عموما انا مش قادره انزل بطني واجعاني اوي والله
نرمين طب قومي البسي يا امنيه وربنا يهديكي يابنتي ده سيف محلفني بكل حاجه ممكن تتخيليها بسبب اكلك وادويتك دول
امنيه بوجع ماليش نفس والله العظيم والدموع اتجمعت في عينيها فغمضت ودموعها نزلت
فتنهدت نرمين بوجع وتابعت قلبي قايد نار زيك وواحشني وهموت عليه بس ايه بايدينا يابنتي
امنيه بعياط ووجع تعبت يا ماما والله تعبت اوي ياربي وفضلت تعيط
فخدتها نرمين في حضنها وباست راسها وامنيه فضلت تعيط في حضنها وتابعت واحشني اوي يا ماما ومبقتش قادره على غيابه بجد
نرمين بدموع ووجع حقك على عيني يابنتي اهدي علشان اللي في بطنك ربنا يردهولنا سالم يارب
امنيه بوجع وعياط يارب بجد يارب
نرمين فضلت تطبطب عليها وتابعت بدموع اهدي وقومي اغسلي وشك ويلا علشان تاكلي لقمه تسندك مينفعش كده يا امنيه وغلاوه سيف عندي يابنتي ماتكسفيني وقومي البسي ويلا
امنيه بدموع حاضر يا ماما روحي انتي وهغير جيالك
نرمين بابتسامه فيها دموع تابعت لا ياقلب ماما هستناكي علشان اسندك قومي البسي بس يلا
امنيه بحب حاضر قايمه وقامت فعلا بالفعل وهي بتحاول تهدي من توترها ووجع قلبها اللي مش عارفه تحدد سببه وغسلت وشها
وبالفعل لبست دريس سماوي بيتي وطرحه بيضه ونزلت مع نرمين
—
في شقه الجد كلهم بيفطروا عادا مازن وشهد لانهم نايمين واحمد بعد فرحه باسبوعين سافر الامارات ولسه مجاش
دخلت امنيه مع نرمين وهي متسنده عليها وتابعت صباح الخير
فرد الكل: صباح النور
يونس ايه امنيه اتاخرتي في الصحيان انهارده يعني
امنيه بابتسامه متعبه والله يا يونس صاحيه مش في المود انهارده وتعبانه اوي
يونس بقلق ايه ده ليه كده مالك حاسه بايه
امنيه قعدت قدامه وتابعت بابتسامه كويسه يغالي متشغلش بالك طبيعي اللي في بطني كل يوم بيكبر وتعب زياده عن الاول
يونس بص لساعته وتابع عموما انهارده بعد الشغل هقفلك تحت البيت ارن عليكي تنزلي علشان معاد دكتورتك ونبقى نطمن
امنيه بحب حاضر
وبص يونس لنور اللي جنبه وتابع برفعه حاجب كلي وكفاياكي لعب في الاكل وانجزي علشان ننزل
نور بضيق معدتي مش قادره للكلام ده انا عايزه شاورما
يونس بضحك يارب هتموتني بحسرتي بنت ايمن يعني معدتك مش قادره للبيض والحاجات الخفيفه وهتقدر للشاورما ??
كلهم فضلوا يضحكوا فتابعت نور بضحك ياسيدي دي معدتي وانا ادرى بيها منك الله هات الشاورما ولو مكالتهاش بحق
يونس باس راسها وتابع بحب كلي يابابا علشان تسندي نفسك وتاخدي ادويتك وواحنا رايحين الجامعه هجبلك شاورما كليها في الطريق
نور بتوتر لالا هاتلي هنا دلوقتي (( لانها حاطه في دماغها مش عايزه تنزل الجامعه انهارده ))
يونس تنهد بعمق وتابع نور انا مش عايز اهزقك قدام الناس
ام طارق بضحك ولسه لما بطنها تكبر شويه كمان دي هتوريك النجوم في عز الضهر
يونس بضحك شايفهم من دلوقتي والله يا خاله وبص لياسمين وتابع اختك فين كل ده منزلتش ليه ؟؟
ياسمين بحب خبطت عليها لقيتها نايمه وبتقولي مش هفطر عايزه انام
يونس بتنهيده هو انا يارب هحايل البيت كله ياكل ويشرب ايه حرقه الدم دي
امنيه بضحك بتلمح على ايه انت هاا
يونس بضحك ولا حاجه يا غاليه هو انتي في زيك ولا في سمعانك للكلام من اول مره
امنيه بضيق بالله باكل اهو ومش قادره بس مضطره علشان مرات عمك حلفتني بلغالي
يونس بضحك ده كلنا لما بنجيب اخرنا بنحلفك بيه ياغاليه مش مرات عمي بس .. بس انتي بتاكلي علشان مرات عمي حلفتك بالغالي انما مش علشان ابن الكلب اللي المفروض يتغذي ده مش كده ؟؟
امنيه بضحك بالله تعبت يا يونس وجبت اخري
يونس بابتسامه عارف والله بس هانت خلاص الحمدلله
فتابعت امنيه بحب هي دهشور دي بعيده ؟؟
معتز لا يابنتي دي في الجيزه بس اشمعنا
امنيه بحماس : خلاص هروح اقعد في شقه سيف اللي في القاهره واروح اطل عليه كل فين
يونس بستغراب تطلي عليه ازاي يعني ومسك كوبايه المايه يشرب
امنيه بضحك يابني مش هو المعسكر بتاعه في دهشور مالك يا يونس في ايه
كلهم اتصدموا ويونس شرق وهو بيشرب وفضل يكح ونور فضلت تطبطب عليه بخوف وتابعت اييه في اييه يحبيبي انت كويس
يونس حط الكوبايه على الترابيزه وبص لنور وهز راسه بـ اه وبص لامنيه وتابع بتوتر هو سيف اللي قالك مكان خدمته ؟
امنيه بستغراب اه مالك يا يونس في ايه هو غلط يقولي ؟؟
يونس بتوتر لا طبعا ازاي ده غلط مكنش يقولك اما ميقولش لمراته هيقول لمين يعني بس عموما الفتره دي سيف في معسكر مغلق اول مايبقي متاح حتى ولو شويه هوديكي القاهره حاضر
امنيه بابتسامه مليانه فرح: ربنا ميحرمنيش منك اابداا يا يونس بجد
نرمين بصتلها بحزن فيونس بص لنرمين جامد ان متبصلهاش كده علشان تفضل فاكره زي ماسيف فهمها وابتسم وتابع بحب ولا منك يا مرات اخويا كملي اكلك بقى ومسك فونه يكلم شهد
امنيه بفرح حاضر وبدات تكمل
فشهد ردت بنوم وتابعت الو
يونس بتنهيده خمس دقايق لو مكنتيش جهزتي ونزلتي تفطري هزعل منك وانتي حره
شهد بنوم بالله مقدرش ازعلك انت عارف بموت فيك ازاي بس مش قادره بجد امبارح احمد كان فضي شويه فرن عليا فيديو كول وفضلنا نرغي ل6 الصبح فدلوقتي 9 الا ربع ملحقتش انام وحياتك
يونس بتنهيده معلش تعالي علي نفسك كلي ونامي تاني ومش هقررها يا شهد انتي حره يلا باي
وقفل فتابعت ام طارق بضحك مش هتنزل طول ما طلبت معاها نوم دي
ياسمين بضحك حصل والله انتي بتقولي فيها
يونس بابتسامه هتنزل دي بنتي وانا مربيها وعارفها كويس
نور بضحك حاسب من النفخ تفرقع يعمري
يونس بضحك لامتخافيش بنفخ فيها على حق
صافيه بحب يونس ده النفس اللي بتتنفسه شهد
يونس بضحك اه والله علشان كده عارف هتنزل
نور حطت ايديها على الترابيزه وسندت عليها خدها وتابعت وايه كمان ??
فكلهم فضلوا يضحكوا فتابع يونس بضحك اتلمي ها ومش قدامها علشان لو نزلت وسمعتك هتخرب الدنيا
نور بضيق طب بطل استفزاز انت واختك انا قربت احس انها مراتك التانيه
كلهم فضلوا يضحكوا فتابع عز بضحك لالا مش لدرجه مراته التانيه هي بتعتبره ابوها مش جوزها متخافيش يعني انا في حاجات معملتهاش لشهد ويونس اللي عملهالها فعلشان كده هي متعلقه بيه
يونس برفعه حاجب والمفروض اتكلمنا في الموضوع ده يا نور فقفلي الله يباركلك لو نزلت وسمعت هتفكرك غيرانه منها
نور برفعه حاجب طب منا غيرانه منها
كلهم فضلوا يضحكوا ويونس رايح يتكلم فتابعت نور بضيق: يونس ماما لبنى لو عايشه كنت هغير منهاا .. انا مش بقولك شهد بالتحديد انا مراتك وبغير عموما ولو اللي في بطني بت وميزتها عني هغير بردو فمتربطش الموضوع انه شهد علشان خاطري
يونس تنهد بعمق وتابع انا عارف كده كويس اوي بس شهد مش هتفهم كده فبلاش بالله عليكي تضايقيها
نور بضيق حاضر يا يونس خلاص
يونس باس راسها وتابع بحب نور مش عايز عبط انتي عارفه انا بموت فيكي قد ايه
نور بتنهيده عارفه من غير ماتقول
امنيه بضحك ربنا يعينك على بلاويك التلاته ياابني اه والله
يونس فضل يضحك وتابع لالا متقوليش تلاته بالله انتي اخفهم وعلى قلبي زي العسل عادي
امنيه بضحك تسلم ياغالي والله
نور زغدته بدراعها وتابعت اخفهم هاا ماشي لينا بيت يلمنا
يونس بضحك لما يلمنا يحلها الف حلال علشان انا عايز اديكي علقه من الصبح ومش راضي عشان الناس
ونزلت شهد في اللحظه دي وكانت لابسه سوت احمر ربع كم والناحيه التانيه اوف شولدر وفيه حزام بيتربط على الوسط وسايبه شعرها مفرود ورا ضهرها وحاطه ميكاب رقيق وروج احمر لايق على السوت فابتسم يونس بحب واضح وتابع ايه البنات الحلوين دول ياناس على الصبح
شهد ضحكت وراحت حضنته فطبطب على ضهرها وباس راسها فباست خده وتابعت صباح الخير ينورعيني
يونس بحب ده بالله مفيش صباح اجمل من كده اقعدي افطري يلا
نور بصت ليونس بغيظ و ضربته في رجله جامد من تحت الترابيزه فبصلها بحده
وشهد قعدت جنبه من الناحيه التانيه وابتسمت وتابعت صباح الخير جميعا
ياسمين بضحك بعد ايه يابنت الجزمه بقى
شهد فضلت تضحك وتابعت يونس عاكسني فكنت برد الجِميل بعدين صبحت اهو عيب عليكي
منصور بضحك بجِميل ومن غيره بتتقاله اول صباح الخير كل مره متحوريش
شهد فضلت تضحك وتابعت حاضر يا جدو انا هسكت خالص احسن
فيونس ابتسم وباس راسها وطبطب على ضهرها وتابع كلي ينورعين يونس واطلعي كملي نومك
شهد بحب والله نزلت علشانك
يونس بحب عارف وراهنت انك هتنزلي
ام طارق بضحك لا بس احلوينا يابت ياشهد والجواز خلاكي قمر
شهد بضحك تسلميلي ياغاليه والله
امنيه بحب اه والله تحسوا وشها نور وبقيت شياكه ومزه علطول
شهد بضحك حبيبت قلبي يا ام بيري والله
امنيه بحماس وابتسامه على الله كله هنعرف انهارده بيري ولا مش بيري
شهد بضحك بيري باذن الله علشان نفرح القائد
امنيه بحب يارب بجد ياشهد يسمع منك ربنا
ام طارق بابتسامه وانتي مش ناويه تفرحيهم بعوضك بالله حلاوتك الزياده دي محسساني انك حامل
يونس بذهول: حامل مين يا خاله ركزي الله يباركلك البت جوزها سايبها بقاله شهر ونص
شهد فضلت تضحك وتابعت مش عارفه صح بلوتوث ولا ايه
ام طارق بضحك لا يا ام لسان طويل بس يمكن حامل من ساعه فرحك ومعرفاش
شهد بابتسامه لا مش حامل انا ملحقتش وبعدين انا واحمد متفقين اني مش هحمل دلوقتي خالص وخدت البرشام بتاع زينب وماشيه عليه
امنيه بضحك طبعا اصل زينب هتعمل بيه ايه دلوقتي وكانت جيباهم شرايط شرايط
شهد بضحك اه والله موت من الضحك لما شوفتهم
عايده بصدمه برشام ايه يا شهد ؟؟
شهد وهي بتاكل تابعت منع الحمل هيكون ايه يعني
عايده شقهت وتابعت يالهوي يابنتي وانتي تعملي كده ليه
شهد بتنهيده ماما انا لسه صغيره وبدرس فمش وقته خلفه خالص سنتين تلاته كده وافكر
عايده بصدمه نعم ياختي سنتين تلاته !! وهو ابني موافقك على الكلام ده !!
شهد غمضت بضيق وفتحت وتابعت اه يا ماما موافقني علشان هو اكتر واحد عارف اني مش هقدر على كليه الطب جنب عيال وهو ياريته بيقعد معايا علطول فهسيبهم لمين معلش ؟؟
عايده بحده يابنتي مينفعش عروسه تاخد برشام 3 سنين انتي عبيطه هيتعملك منه مشاكل قد كده بعدين وهنرجع نقول ياريت اللي جرا ما كان وانتي بتدوخي على الدكاتره عشان تحملي
يونس تنهد بعمق وتابع حقيقي بلاش كتر برشام ياشهد روحوا اكشفوا لما احمد يرجع وشوفوا بدايل احسن انما انا معاكي في عدم حملك دلوقتي علشان انتي فعلا مش هتقدري
شهد بابتسامه حاضر يحبيبي
ام طارق بذهول : بس انتي صغيره اوي يابنتي والله على اللي هتعمليه ده عايزه تمنعي نفسك كل السنين دي من الخلفه !! دي نعمه
شهد بضيق مش هقدر يجماعه والله انا عارفه نفسي
يونس بتنهيده محدش ليه دعوه يجماعه هي كبرت واتجوزت وبتعرف تقرر مع جوزها عايزين ايه وانا شايفها فعلا بتفكر صح
نرمين بضحك بلا مرار ده انا جايبه سيف وحسام الله يرحمك يا نن عيني مع بعض وكنت 19 سنه وفي تانيه كليه اداب وعرفت اوفق بين تؤاام وجوزي ودراستي انتوا اللي جيل خايب والله العظيم
عايده بضيق اه والله يا نرمين مين سمعك منا جايبه مازن في نفس السن بردو وكنت في فنون جميله
شهد بضحك يجماعه متقارنوش نفسكم بجيلنا فعلاا اولا انا كليه طب يعني اصعب كليه عموما ثانياا انتوا جيل السمنه البلدي وكنتوا بتتغذوا كويس انما احنا جيل الاندومي يعني منقدرش نعمل كل ده في وقت واحد بلص بقى ان جوزي راضي فخلاص دي اهم حاجه
عايده بضيق والله ياختي انتي حره انتي وجوزك انا هحرق في دمي ليه بلا هم
ياسمين بتنهيده بذمتك مش زعلان ؟
شهد وهي بتاكل تابعت بحزن : بيزعل بس بيرجع يقولي ابقى اناني لو قولتلك احملي .. يجماعه بجد احمد مقدر فعلا انه متجوزني صغيره وورايا دراسه ومع ذلك اختارت اتجوزوا في السن ده علشان بحبه بس حقيقي اطفال لا مش هقدر وهظلمهم ده انا بدعي ربنا مقصرش مع احمد طول ماهو هنا بسبب الدراسه اقوم اجيب عيل !!
نور بتأيد: وانا معاكي يابت انتي لسه صغيره بلا حمل بلا نيله ده الواحده طافحه المر بشاليمو و
لقيت يونس باصصلها برفعه حاجب فبلعت ريقها بتوتر وتابعت بس بصراحه كونك حامل من حبيبك لا ده احساس في حته عاشره مش تانيه فيستحق التجربه فمتتاخريش اوي يعني ياشهد
فكلهم فضلوا يضحكوا بشده فتابع يونس بتنهيده وهو بيقوم يلا يا نور علشان اتاخرنا
نور بضيق بصوا قلبه البوز بقى
يونس وهو بيبص في ساعته تابع بحده يلا يا نور اتاخرنا مش وقته رغي
نور قامت حضنته وباست خده وتابعت بحب بالله بتكلم عن شهد علشان لسه صغيره
يونس بجمود اممم انتي اللي اكبر منها ب 100 سنه
نور بضحك يونس بطل بواخه وحياتك عندي بتكلم عليها لانها فعلا في سنها ده وكليتها صعب تخلف ده انا لولا وجودك جنبي وسندتك ليا كنت اتجننت من صعوبه علوم مع الجواز
فتنهد يونس بعمق وتابع بس بردو خلينا فاكرين اني مكنتش مستعجل على حاجه زي كده علشان متحسسنيش اني جيت عليكي
نور بضحك ياعم انا اللي كنت مستعجله وبحسب وبخطط علشان احمل وبفضل اعيطلك لو مكنتش حامل مش انت خالص ده حقيقي فمش معقول هزعل دلوقتي يعني انا بهزر .. ده بالله كل ما ببص في المرايه اشوف بطني منفوخه شويه كده بحس احساسين .. الاول اني طايره علشان جوايا حته منك بتكبر وهتيجي تنور حياتنا
يونس بضحك اممم ثبتيني والتاني ؟؟
نور بضحك لا التاني مش هيثبتك التاني اني مش عايزه انزل بمنظري ده ومحرجه ولا اللي عامله عامله
كلهم فضلوا يضحكوا بشده فتابع يونس بضحك طب يلا يانور علشان هنتاخر مش عايز اهزقك على الصبح
نور بتوتر لا منا بتكلم جد
يونس برفعه حاجب اه خير يعني ؟؟
نور بتوتر ابوس ايدك وغلاوتي عندك مش عايزه انزل
يونس بحده انتي عبيطه ولا ايه عندك جامعه هو ايه اللي مش عايزه تنزلي .. يلا يا نور بلاش دلع
شهد بكيد : انا الحمد لله النهارده معنديش محاضرات
نور بغيظ ده انتي بارده صح عايزه اجيبك من شعرك والله العظيم
شهد بابتسامه متقدريش يعمري
يونس بحده مش وقته انتي وهي على الصبح يلا يا نور علشان اتاخرنا
نور بتوتر يونس بالله عليك مش عايزه انزل مكسوفه اوي بص بطني بجد
يونس ضرب كف في كف بعصبيه وتابع بذهول ابص بطنك ايه يا ام التالت انتي هو انتي لسه شوفتي بطن
امنيه بضحك واضح ان كلامك جارح يا غاليه اومال انا اعمل ايه
يونس بضحك قوليلها علشان اتجننت على الصبح وبص لنور وتابع بضحك لو كل الناس بتحسبها زيك امنيه مكنتش نزلت من البيت خالص لحد ماتولد ببطنها دي كلها
نور بحرج لا انا مش هنزل يعني مش هنزل العيال هتحفل عليا علشان كله عارف اني مراتك
يونس بصلها بصدمه وتابع هو انا ليه حاسس اني مش فاهم انتي معترضه على ايه ؟؟
كلهم فضلوا يضحكوا فتابعت ياسمين بضحك وياهبله فيهاا ايه حامل من جوزك يابنت العبيطه ده انا كنت بتمشى ببطني قدام رغد علشان افقع مرارتها
يونس غمض بضيق وتابع قمسا بالله انا جبت اخري هاا
امنيه بضحك طب بالله انا كل اللي شغل دماغي لما وقفت قدام المرايا وشوفت حجم بطني ده ان لو سيف هنا وشافني كده هحس اني حلاوتي قلت في نظره مع انه طول الوقت بياكدلي عكس ده انما مش بيشغلني الناس نهاائي ده انا ببقي عايزه الكل يعرف اني مرات سيف الرفاعي وشايله ابنه
يونس بابتسامه بالله سامعه الناس
نور بحرج اه كله كلام حلو بس انا مش هنزل بردو
يونس بحده يانور متعصبنيش عليكي مش حامل في الحرام انتي وفيها ايه مراتي وحاامل يعني ؟!!! ده احنا لو هنمشيها كده من دلوقتي يبقى هتغيبي ال 6 شهور اللي فاضلين
نور بحرج بالله لو ينفع كنت عملتها كفايه الشفوي اللي هضطر انزله
يونس بحده طب يلا يانور علشان مهزقكيش والله لولا كبارك قاعدين كنت سمعتك كلام زي الفل
نور بحزن طب وحياتك عندي انا مش قادره فعلا انزل انهارده علشان خاطري
منصور بابتسامه سيبها يا يونس انهارده علشان خاطر جدك
يونس بحده يجدي دي بتستعبط هو ده سبب !!
نور بحرج اه بنسبالي ااه اصل عليك ايه انت انا اللي بيشاوروا عليا ويضحكوا وانا قاعده في المدرج ببطني كده
كلهم فضلوا يضحكوا بشده ويونس باصصلها بذهول
فتابعت شهد بفخر: بالله ده اسمه كلام مايضحكوا ولا يتنيلوا ده اغلابهم بيتمنى يبقى مكانك ويشيل ابن يونس الرفاعي ياهبله
نور بضيق اووف معلش اعتبروني مجنونه وفي ايدي النعمه فمش حاسه بيها
يونس براحتك على الاخر انا هكبر لجدك ومش هنزلك انهارده بس درجات الحضور هتنقصيها
كلهم فضلوا يضحكوا فتابعت نور بضحك يونس انت بتهزر صح !!
يونس برفعه حاجب مبهزرش ومعنديش كوسه مجتيش هنقصك وانتي عارفه اني بعمل كده
نور بضحك نقصني انا موافقه
يونس بضحك اتفقنا يلا هاتي بوسه بقى علشان ماشي
نور بضحك يبجحتك يا شيخ يبجحتك وضربته بقبضه ايديها في كتفه
ايمن بضحك احترم نفسك يحبيبي وبوس جوه مش قدام ابوها
يونس بضحك ياريت والله والبوسه هتختلف لعلمك وبنسبالي جوه احسن بس دي واحده محرجه تروح جامعتها علشان حامل من جوزها فالو دخلت بيها جوه مش بعيد تحفر في السقف علشان تطلع ومتطلعش قدامكم
كلهم فضلوا يضحكوا بشده فـ نور بصت ليونس بحرج وتابعت كده بتضحكهم على مراتك
يونس بضحك معلش يعمري خليها عليكي قربي هاتي بوسه بقى
نور بابتسامه ابوسك انا وتديني درجات الحضور ؟؟
كلهم فضلوا يضحكوا بشده فيونس فضل يضحك وتابع يابنت الجزمه انتي لا مش ببيع ضميري ولا ببوسات الدنيا
نور بضحك خلاص براحتك فيونس ضحك وخدها في حضنه وباس خدها وتابع بحب خلي بالك من نفسك واقعدي متفضليش تتحركي ولا تعملي مجهود
نور بحب حاضر يحبيبي وباست خده وتابعت من غير درجات اهو علشان تعرف اني بموت فيك
يونس فضل يضحك وتابع بالله وانا اكتر بكتير وباس جبينها بحب
فشهد كانت بصاله برفعه حاجب لانها متعوده يبوسها قبل ماينزل ففضل يضحك وتابع منستش ياختي متبصيش اوي كده وراح خدها في حضنه وباس خدها وطبطب عليها وتابع بحب لو عوزتي حاجه وانا راجع كلميني
شهد بحب سلامتك يعيوني دي اهم حاجه
يونس بحب حبيبت قلبي والله وراح باس خد ياسمين وحضنها وهي قاعده شايله زين وابتسم بحب وتابع يلا انا نازل
ياسمين بحب تروح وتيجي بالسلامه ينور عين اختك
يونس وطى باس جبين زين وتابع بحب تسلميلي ياست البنات وبصلها وتابع خلي بالك منه ورضعيه يا ياسمين بياكل ايديه
ياسمين انتبهتله وتابعت يحبيبي يابني حاضر داخله ارضعه دلوقتي
وقامت دخلت الاوضه اللي في شقه جدها
فيونس باس راس صافيه وتابع انا نازل يا غاليه عايزه حاجه
صافيه بحب سلامتك ينورعيني
يونس بحب تسلميلي ياست الكل وبص لنور وتابع رغيفك يخلص هاا
نور بمهاوده: حاضر من عيني
يونس وهو نازل على السلم تابع وحياه يونس يخلص هاا تعدميني لو مكملتيهوش
فنفخت نور بضيق وتابعت اووف شايفه اخوكي وعمايله
شهد بضحك حافظك من يوم ماتولدتي بتصيعي على مين ومسكت الرغيف ولفتهولها بلانشون ورومي وتابعت وامسكي ياختي كلي الراجل دعا على نفسه علشان تطفحي مش ناقصه انا يجراله حاجه من دلعك ده انا اموتك وميكفنيش
كلهم فضلوا يضحكوا فتابعت نور بضيق بجد مش قادره حاسه الواد طابق على نفسي مش قادره اكل ومسكت الرغيف من شهد بغضب وبقيت تاكله بلعافيه
امنيه بضحك يابت متخلنيش اقوم اديكي علقه اومال انا اعمل ايه
نور بضحك ياستي انتي سترونج وومن انما انا بسكويت نواعم
كلهم فضلوا يضحكوا فتابعت امنيه بضحك ده حقيقي والله الله يكون في عونك يا يونس
وبعد شويه قاموا البنات وطلعوا شقه امنيه وقعدوا مع بعض
فقعدت ياسمين وتابعت بتنهيده ياختااي تعبت ماصدقت زين نام بجد وفكت طرحتها نزلتها على كتفها
امنيه وهي بتفك طرحتها تابعت كنتي خليه هنا بدل ماتسيبيه جنب مازن يصحيه
ياسمين بضحك خليه لو صحي يشيله عني شويه مش ناقصه بجد دراعي وقف
امنيه بضحك مين اللي يشيله شويه مازن !! ده انتي بتحلمي والله العظيم
ياسمين بضحك سبيني احلم اتخنقت وجبت اخري خلاص
شهد بضحك وليه ياختي موارهوش شغل جوزك
ياسمين بضحك لا مش هينزل انهارده نايم وش الصبح فقال مش هينزل
نور بضحك وغمز ونايم وش الصبح ليه هاا
امنيه بضحك بقيت مش سالكه البت دي الجواز فسدها
كلهم فضلوا يضحكوا فتابعت ياسمين بضحك اتنيلي على عينك وعين اهلك نايم وش الصبح بيخلص شغل ياختي كنا مخططين بس اضربت
امنيه بضحك اكيد زين والله
ياسمين بضحك لا مش زين هو كان رايق اوي ومفيش حاجه جاتله مكالمه شغل مهمه فقعد يشتغل على اللاب بكلمه يقولي استني يا ياسمين خمسه والخمسه جابت خمس ساعات روحت نمت وسبته هو انا ناقصه مرار
كلهم فضلوا يضحكوا فتابعت شهد بضحك انتي !! مصدقش والله انك نمتي وكرفتي لمازن لالا في حاجه غلط القيامه هتقوم
ياسمين بضحك بالله كان واحشني بس لا نمت فعلا والله مش قادره ياشهد الواد بيهبطني هو مفيش دم
امنيه بضحك انزليه صحي الراجل وعوضيه خلي عندك دم
ياسمين شهقت وتابعت نعم ياختي بعينه مش اختار الشغل خلاص بقى هي الفرصه بتيجي مره واحده بس
شهد بضحك متاكده يعني
ياسمين بابتسامه طبعا متاكده
نور بضحك بالله انا اللي معايا ده يتعمله تمثال بقالنا 3 شهور اخوات
كلهم شهقوا بصدمه فتابعت امنيه : بتهزري صح !!
نور بضحك لا والله ابداا بتكلم جد
شهد بضيق يجيكي ضربه صحيح منكده على اخويا واحنا مهننين اخواتك !! طب ايه رايك هنكد عليهم لحد ماتتعدلي بقى
ياسمين بضحك نور هتتهزق ونظبطها اه معاكي بس نكدي مع نفسك ياختي انا مقدرش ارفض جوزي
كلهم اتفاجئو وفضلوا يضحكوا بشده فتابعت شهد بضحك هو انتي يابت مش قولتي الفرصه بتيجي مره ياللي معندكيش مبدا يا ياسمين عز بحق وحقيقي
ياسمين بضحك وانتي مين قالك مش واخده موقف لا واخده موقف وموقف جامد كمان حتي وغلاوه ابني صحاني امبارح بعد ماخلص شغله كرفت وكملت نوم بس بردو بضعف قدام مازن يجماعه لااا
امنيه بضحك على الاقل ضامنين واحده فينا مش هتطلق وبيتها هيفضل عمران
شهد فضلت تضحك وتابعت ده بجد يخربيت تلزيقها والله انا اللي غلطانه اني توقعت منها حاجه غير كده اصلا وبصت لنور بضيق وتابعت مش طيقاكي بجد
نور بحزن بطلي رخامه وفيها ايه يعني ماكله بيعمل كده علشان لسه في اول الحمل
امنيه بضحك كله مين ياغاليه ؟؟ طب هو في اصعب من حملي وخوف سيف علياا ؟؟ بس بردو ممشتهوش كده ويعلم الله بحق مابقول يارب اشيل اللي في بطني على خير كنت مش طيقاه وحاولت مبينش وهو خد باله بس كبرت في عينيه اكتر اني حاولت
نور تنهدت بعمق وتابعت يجماعه والله العظيم لسه بتوتر منه
ياسمين بتنهيده كلنا يانور بس هو كل واحده هتتوتر من جوزها هتمنعه من حقه !!
ياسمين لقيتهم كلهم باصيلنها برفعه حاجب ففضلت تضحك بشده وتابعت او كلكم انتوا يعني انا مبتوترش من حبيبي بصراحه
شهد بضحك يخربيت استعدادك بجدد اهي دي الزوجه اللي هما يتمنوها عندكم احمد جوزي انا لو زي ياسمين كده قسما بالله مايسافر الامارات تاني
كلهم فضلوا يضحكوا فتابعت ياسمين بضحك اعملكم ايه مش انتوا اللي بنات خايبه
نور بضحك طب ماتعلميني بدل ماهطلق قريب
شهد بضيق لا اخويا قلبه جايبه ورا للاسف ومش هيطلقك بس خدي بالك كل راجل ليه طاقه
نور بخوف انتي قصدك ايه ها يونس ميقدرش يخوني
شهد ضربت كف في كف وتابعت انا مش فاهمه هو اتجوزلنا ام مخ تعبان دي يعمل بيها ايه ياستي مين قال يخونك اخويا متربي وعارف ربنا كويس
نور بقلق اومال قصدك ايه هاا ؟؟
امنيه بتنهيده شهد قصدها ان هيجي عليه وقت هيبطل يصبر وهيتخنق منك والحياه بينكم مش هتكون لطيفه لان الموضوع ده نجاحه بيخلي الجواز ينجح بنسبه 10% لانه مينفعش يكون كل الجواز اه في حاجات كتير تانيه مهمه اتفق بس فشله بيساوي 90% لان ده الاساس اللي بيخلي في لغه تفاهم وحب وحوار فانتي كده قطعتيها اوي تقدري تقوليلي ايه الفرق بينك وبين شهد يانور ؟؟
ياسمين بابتسامه وسيبك من كل ده مش بيوحشك يا قادره ؟؟
كلهم فضلوا يضحكوا فتابعت شهد بضحك لالا دي مكنش ينفع تنام امبارح يمكن كانت اتهدت دلوقتي
ياسمين بضحك اخرسي قطع لسانك قليله الادب انا بتكلم جد والله اصل ايه مفيش دم
نور فكت طرحتها نزلتها على كتفها ورجعت شعرها ورا ودنها وتابعت بحرج بحس ان عيب يوحشني والجو ده يعني بيبقي واحشني ولو لمح اتوتر وارفض فبلاقيه مش بيزن ولا بيلح عليا فخلاص بسكت
كلهم فضلوا يضحكوا فتابعت امنيه بضحك من جوزك !! يخربيتك يا بعيده هو ايه اللي عيب اتجننتي يابت وبعدين يونس مش بيزن علشان مش عايز يجبرك
نور بحرج اهو دي وجهه نظري وخلاص بقى
شهد بابتسامه طب انا هفهمك حاجه براحه علشان خاطر اخويا لان انا ماسكه نفسي عن اني افتح نفوخك بلعافيه لاجل انه هيجيله اكتئاب لو موتي
كلهم فضلوا يضحكوا فتابعت شهد بضحك اه بجد علشان بيموت فيها انا عارفه وابتسمت وتابعت ممكن تصارحي يونس وانا ابصملك بلعشره ان اخويا مفيش حد متفهم قده فانتي تظبطي نفسك كده وهو لوحده هيحاول يلمحلك فانتي صارحيه وسيبي حته كسوفك وتوترك دي عليه لان انا فهماكي جدا في الحته دي بعد ما صدقت اني اتعودت شويه علي احمد سافر شهر ونص اهو ومش عارفه هعمل ايه لما يرجع فانتي حملك في بدايته بعدكم شويه عن بعض
نور بتنهيده حزينه اه والله بالظبط كده انما منا انسانه وبحس زيكم عادي
ياسمين بضحك بالله انتوا بتدلعوا انا لو مازن سافر سنه ورجع ولا هتهز
شهد بضحك بالله انتي ماتقدري تبعدي السنه
كلهم فضلوا يضحكوا بشده فتابعت امنيه بضحك مش قادره انتوا فظاع والله انا هتصل بالبت زينب اجيبها تقعد معانا شويه
وياسمين سمعت مازن بينادي من على السلم فقامت بخضه وتابعت يامراري كده زين صحي هشوفه وطالعالكم شوفوا زينب لحد ما اجي وحطت الطرحه على شعرها
امنيه بحب ماشي روحي شوفيه ومسكت الفون تتصل بزينب وتقولها تيجي تقعد معاهم كلهم وبتحاول تتجاهل الغصه اللي في قلبها
—-
على السلم
ياسمين نزلت وتابعت بخوف ايه يا مازن في ايه
مازن بحده امسكي ابنك بعيط وقولتلك 100 مره متسبيهوش جنبي وانا مخمود مش لازم اصحى كل يوم يعني
ياسمين شالت زين اللي بيعيط وتابعت وهي داخله شقتها وبتطبطب عليه: يباااي منك يا مازن مفيش مره تفتح نفسي وتنيمه انت يعني
مازن بحده ماليش خلق للعيال وانتي عارفه ليه الرغي الكتير مش فاهم
ودخلت اوضتها وقعدت على السرير وقعدت ترضعه وفكت طرحتها رميتها على جنب
فدخل مازن وفرد جسمه جنبها ومسك الفون وولع سيجاره
فتابعت ياسمين بضيق ابنك والسجااير
مازن تنهد بعمق وقام دخل البلكونه وقفل الباب وراه فتنهدت ياسمين بعمق ورجعت راسها لورا وهي قاعده بترضع زين وبصت للسقف وتابعت حارق دمي وهو اللي مقموص حِكم
ودقايق وخرج من البلكونه وقفلها ونام جنب ياسمين واداها ضهره وتابع اطفي النور لو مش عايزاه
ياسمين بتنهيده قوم اطفيه ابنك على رجلي وبطل شغل القمص ده
مازن بحده انا ولا مقموص ولا متنيل وقام طفى النور ورايح ينام مسكته ياسمين وتابعت عيني في عينك كده
مازن برفعه حاجب مش بصحيكي امبارح قولتيلي سيبني عايزه انام ملكيش دعوه بيا بقى
ياسمين بضحك مازن متعصبنيش انت عارف انت داخلي الاوضه الساعه كام ده انا سيباك 12 داخل 5 تصحيني ليه يعني مهزقه انا ولا ايه ده انا اللي ليا حق ازعل انك سبتني كل ده
مازن لا والله واحنا من امتى بنحسبها مهزقه ولا مش مهزقه ولا في بينا الكرامه والجو ده
ياسمين بتنهيده مس مسأله كرامه بس انا فعلا استنيتك وانت مقدرتش وكملت شغل
مازن بحده طب الشغل مكنش يستنى ياياسمين مفيش تقدير يعني ؟
ياسمين بضيق تمام وانا نمت غصب عني فمش مطلوب مني اصحى يعني
مازن بتنهيده براحتك .. براحتك على الاخر اوعي ايدك دي بقى عايز انام
ياسمين بابتسامه خبيثه: طب يعمري اهي ايدي وشالت ايديها وبصت لزين وتابعت ابنك نام وانا قاعده مع البنات هطلع بيه علشان منقلقش نومك تاني .. نوم العوافي يحبيبي وباست خده ورايحه تقوم
فمسك ايديها وتابع بضحك هو انتي مفيش دم بجد ؟
ياسمين بضحك مش انت اللي عاملي فيها جامد وتقيل وهتنام !!
مازن بحب وهو بيقرب عليها تابع: منا هنام وماله بس مش لوحدي يا ام زين
ياسمين بضحك طب اتلم الواد على دراعي هيصحى شيله الاول نيمه في سريره
مازن فضل يضحك وتابع وماله اشيله الاول وقام شال زين منها وسمى وحطه في سريره الصغير جنبهم فضحكت ياسمين وتابعت نفسي اربيك واخد منك موقف بس للاسف كل مره بفشل
مازن ضحك وتابع مهونش عليكي انا واثق واعتلاها وتابع بحب وبعدين يعني انتي نايمه وسيباني وزعلانه بردو
ياسمين بضحك ماحضرتك سبتني واشتغلت
مازن باسها بحب وهمس بالله على عيني وغصب عني كان ورايا شغل مهم ومكنش ينفع اسيبه وعارف سمسمه حبيبت قلبي هتفهم موقفي وتقدر
ياسمين بابتسامه حصل خير يا ابو زين
مازن بضحك نور عيون ابو زين انتي والله
ووطي باس رقبتها بحب وهي حضنته وضمته ليها اكتر
—-
بعد شويه عند زينب كانت بتلبس حسام وتابعت لاسماء اللي غرقانه في النوم على سريرها : انتي يابت اخلصي قومي هتتاخري على شغلك يا باارده
اسماء بنوم زينب بالله عليكي سبيني مش قادره هقول لزياد مش نازله انهارده كفياكي وش بقى واطفي النور ده
زينب بضحك خليكي اتخمدي انا رايحه بيت ابويا ياختي فمشغلاه علشان بجهز انا والواد مش علشان سواد عيونك
وحسام فضل يتحرك على السرير فتابعت زينب بضحك بس يا ابن الكلب انت التاني خليني البسك
حسام ضحك وتابع ماا
زينب فضلت تضحك وتابعت ينورعين ماا وحياه ماا انت وشالته وفضلت تبوس خده ونيمته في حضن اسماء وتابعت خليك مع العقربه عمتك لحد ما البس وجيالك
اسماء باسته وابتسمت وتابعت قول عمتو يا حسام
حسام بصلها وسكت فزينب فضلت تضحك وتابعت تف على عمتو يا حسام
اسماء بضحك يتف وماله ماهي تربيه زباله
زينب بضحك بالله لما يجيلك عمر هقوله انك بتقولي على ابنه تربيه زباله وبدات تلبس
اسماء بضحك لاا وعلى ايه الطيب احسن انا اللي تربيه زباله اصلا
زينب فضلت تضحك وتابعت ايوه جدعه جيبي ورا
اسماء وهي بتتاوب تابعت اه اصل انا مش قد عمر بصراحه هي ناقصه
زينب وهي بتلف طرحتها تنهدت بوجع وتابعت بالله واحشني اوي من الصبح كانه اول مره يسافر يا اسماء وقلبي واكلني عليه اوي
اسماء تنهدت بوجع وتابعت مين سمعك ربنا يرجعه لينا بالف خير يا رب الواحد حقيقي تعب من الاشتياق وفتحت فونها
حسام كان عمال يعمل اصوات وبيلعب فتابع باا
زينب ابتسمت وتابعت فينه بالله كان فرح وانت بتنادي عليه كده
اسماء بضحك ده علشان انا فتحت الفون ياختي وصورتي انا وعمر وزياد في خطوبتي على الشاشه
زينب بضحك وفرح الله واكبر هو حفظه !!
اسماء بحب بصراحه من ساعه ماعمر مشي وانا بجيب صورته لحسام كل يوم علشان يفضل فاكره وفكرت ان دي حاجه هتفرحه اوي لما يرجع خصوصا هو بيكلمكم كول بردو كل فين وفين فهيحفظه اكتر
زينب بفرح : بالله ربنا يفرح قلبك زي ماهتفرحيه كده … فكره حلوه جداا طبعاا تسلمي بجد يا اسماء
اسماء بحب يابنتي ده اخويا وابنه يعني انا معملتش حاجه اصلا وباست خد حسام وجابتله صوره عمر وتابعت بابتسامه بص ده باا باا وباسته وتابعت حسام بص ركز معاياا ده باا بااا
حسام بضحك باا
اسماء وزينب فضلوا يضحكوا بشده فاراحت زينب شالته وباست خده وتابعت الله واكبر عليك ينورعين امك .. يلا هننزل احنا يا سوساا عايزه حاجه يعمري ؟؟
اسماء بحب لا اطفي النور بس علشان هنام بعت لزياد خلاص
زينب بحب من عيوني وطفت النور وخدت شنطتها وطلعت من الاوضه ونزلت من الشقه وقفت تاكسي وقالتله على عنوان بيت ابوها وقعدت بحسام ورا والفون بتاعها نور وصورتها هي وعمر وحسام بانت على الشاشه فحسام فضل يشاور على عمر بصباعه ويقول باا فابتسمت بفرح وباست راسه وتابعت بحزن انا كمان عايزاه ووحشني اوي والله يحسام وتنهدت بعمق وتابعت ربنا يرده لينا بالف خير يارب وقلبها وجعها اوي من كتر ماوحشها
وبعد شويه كانت وصلت وطلعت لشقه امنيه وخبطت ففتحت شهد وتابعت بابتسامه وفرح اهلاا حبيب قلب خالتو وشالت حسام
زينب بضحك وانا اللي فكرت الترحيب ده بيا انا يمهزقه
شهد بضحك انتي قدمتي خلاص بقى
زينب بضحك واطيه والله وحضنت امنيه ونور وسلمت عليهم وقعدت تفك طرحتها وتابعت وهي بتنهج اومال فينها ياسمين يعني مش كانت معاكم
شهد بضحك بتنيم ابو زين .. يووه قصدي زين
امنيه فضلت تضحك وتابعت يابت متظلميهاش
شهد بضحك بظلمها اه انتي هتقوليلي والله هيطلع زي مانا قولت اقعدي ساكته انتي غلبانه
زينب بضحك ياسمين متضمنش فعلا
نور بضحك ما شاء الله سُمعتها سبقاها
امنيه بضحك اه والله ده حقيقي انا بحاول ادافع بس السمعه مغطيه وبصت لزينب وتابعت صح يا زينب انا في حاجه كل اما افتكر اسالك فيها انسى لما كنا في فرح شهد قولتيلي مكنتش برضى اكلمك في موضوع سينا ده بقى انتي عارفه وانا سيف قايلي انه بطل يخدم في سينا وبقى في دهشور فازاي انتي قولتي سينا ؟؟
زينب اتصدمت واتوترت وتابعت اصل هو قبل ما يتجوزك كان في سينا فانا لساني خد عليها واتعودت انما هما دلوقتي في دهشور اه يحبيبتي
امنيه بابتسامه اه منا بقول بردو
فنطق حسام باا
كلهم فضلوا يضحكوا فتابعت امنيه بضحك ياسكره ياختي عايزه بابا
زينب بضحك ده طول الطريق والله عمال ينادي عايزه
نور بابتسامه ربنا يحفظهم جميعا يارب
زينب بستغراب ايه العلاقه مش فاهمه
نور بابتسامه مفيش علاقه بس بيقولوا الاطفال بتحس وهو عمال ينادي عليه كتير فانا بدعي علشان لو هما في فتره صعبه او نفسيتهم مش تمام عادي يعني
امنيه بقلق ربنا يستر انا اصلا خايفه من صباحيه ربنا
زينب بتوتر والنبي وانا خايفه بس بحاول معتمدش احساسي انما بخاف اكتر من احساسك انتي فهدي اللعب شويه
امنيه ابتسمت علشان متوترهاش بس جواها كان هيموت من القلق وتابعت بحب : ربنا يحفظهم ويحميهم يحبيبتي متخافيش
زينب برعب يا رب اللهم امين بجد فنطق حسام تاني باا وهو بيبتسم فبصتله زينب وتابعت بخوف: خلاص يحبيبي بالله هتخليني اعيط يادي باا وسنينه معرفش عنه حاجه بقالي اربع ايام
امنيه تنهدت بعمق وتابعت مين سمعك
شهد بخنقه : جماعه بالله الغربه دي تغور الواحد جايب اخره واسمي بكلمه كل يوم فيديو كول ومبعرفش متكلمش معاه الله فحقيقي يكون في عونكم
نور بضحك ايه ياربي شله المطلقات اللي انا قعدت وسطها دي
امنيه بضحك ده حقيقي والله متقعديش معانا احسن خليكي عندك شغف جوزك جنبك
شهد جنبها ومش بتحس البعيده
نور بضحك هنبقى نحس الله
شهد بضحك يارب ياختي محدش يكرهه
—-
بعد شويه يونس جيه واتصل بامينه تنزله فنزلت هي وزينب علشان تروح معاها للدكتوره
فنزلت امنيه وركبت جنبه وزينب ركبت ورا وهي شايله حسام فتابع يونس بابتسامه لزينب في المرايه: حبيبت قلبي ايه الاخبار
زينب بحب بخير ياغالي نحمد ربنا انت طمني عليك
يونس بحب زي الفل والله الحمدلله
زينب بحب يستاهل الحمد
وبدا يونس يتحرك فتابعت امنيه بتوتر يونس
يونس وهو مركز في السواقه تابع ايه يا بابا معاكي
امنيه بتنهيده عملت ايه في موضوعي اللي قولتلك عليه
يونس بستغراب اللي هو ايه معلش حقك عليا ؟
امنيه بابتسامه : فرح روضه صاحبتي اللي في القاهره
يونس تنهد بعمق وتابع بصي يا امنيه انا قولتلك هفكر وهقولك بس بصراحه انا ضد الفكره جداا انتي حامل وتعبانه وده سفر ومرمطه وجوزك ميعرفش فانا مقدرش اسفرك من وراه اخاف يحصلك حاجه واكون مش قد المسئوليه فحقك عليا اعتذرلها
امنيه بتنهيده يا يونس البنت اتحايلت علياا علشان خاطر ربنا هروح ونرجع في نفس اليوم
يونس بصلها وتابع ممكن تقفلي على الموضوع ده
امنيه بضيق يا يونس هو انتوا كلكوا نفس الدمااغ نفسي حد يفهمني مره
يونس بحده يا امنيه انتي اماانه مقدرش اسفرك احضرك فرح من غير علم جووزك لو حاجه اقدر عليها مش هقولك لا انما سفر ومرمطه مش هينفع انتي في الخامس وطالع عينك وحملك مقرف فاتهدي واقعدي في بيتك خلينا نطمن عليكي وقلبنا يرتاح شويه
امنيه بضيق تمام
يونس بحده لو هتزعلي من الصح ازعلي يا امنيه
امنيه بعصبيه ولا زعلانه ولا متنيله خلاص الموضوع خلص
يونس بصلها بصه بألف معنى وسكت فامنيه اتحرجت والدموع اتجمعت في عينيها وتابعت يونس انا اسفه مقصدش اعلي صوتي عليك
يونس بص قدامه وتابع بتنهيده لا عادي محصلش حاجه
زينب بتنهيده يونس صح يا امنيه هو بيعمل الاصول وخايف عليكي حقك عليا واعتذري لصاحبتك وفهميها ظروفك
امنيه بدموع حاضر هعمل كده بس متزعلش مني والله مش قصدي
يونس بتنهيده انتي عارفه ان جوزك نفسه لو على صوته علياا بهزقه ؟
امنيه بدموع عارفه لان الكبير كبير بردو وحقيقي انا اسفه انت بتعمل كل ده علشاني لانك خايف عليا فحقك عليا والله مقصدش بجد
يونس شد مناديل واداهالها وتابع بحب طب كفياكي عياط خلاص يحبيبتي محصلش حاجه
امنيه مسكت المناديل منه ومسحت دموعها وتابعت بحزن حقك عليا بجد
يونس ابتسم وتابع بحب خلاص والله مفيش حاجه انتي عارفه غلاوتك عندي قد ايه وانا بعتبرك زي شهد وياسمين واكتر
امنيه بحب عارفه والله ربنا يخليك لينا تعباك معايا
يونس بحب ويخليكي لينا يا غاليه ومتقوليش كده انا مبعملش حاجه ده واجبي
وبعد شويه وصلوا للدكتوره ويونس استناهم تحت وطلعوا قعدوا يستنوا الدور فتابعت زينب بابتسامه اهي دي من اجمل اللحظات في الحمل عموما
امنيه بضحك ان جيتي للحق متوتره اكتر من اني متحمسه
زينب بضحك فهماكي انا من كتر ماكنت عايزه ولد علشان اسمي حسام فضلت اعيط من التوتر وخايفه تطلع بنت
امنيه بضحك ايوه هو كده بالظبط
زينب بضحك بس باذن الله بنت هندخل نتبشر بمرات ابني مع بعض اهو وجايبه جوزها يشوفها اول نظره من الاشاعه شوفتي حب زي كده
امنيه فضلت تضحك وتابعت لا بصراحه ده كده عدانا كلنا
زينب بضحك علشان تعرفي بس
ونص ساعه ودورهم جيه وقاموا دخلوا للعياده
الدكتوره بابتسامه اهلااا واحشتيني والله وقامت سلمت عليها
امنيه بحب والله وانتي اكتر
الدكتوره بصت لزينب وتابعت بضحك حبيبت قلبي اخبارك ايه انتي والعسل ابن الباشا
زينب بضحك الحمدلله مغلبني ومخليني اشد في شعري يا دكتوره والله
الدكتوره بضحك اه طبعا علشان كبر بسم الله ما شاء الله عليه ربنا يخليهولك وتقومي بالف سلامه يارب
زينب بتنهيده يارب والله
الدكتوره بصت لاامنيه وتابعت بضحك جات صدمتني بالتحاليل الشهر اللي فات قولتلها ايه يا زينب ملحقتيش توحشيني يابنتي مش كده
امنيه فضلت تضحك وتابعت صدمتنا كلنا والله يا دكتوره مش انتي بس
الدكتوره بضحك لا وجوزها بيسافر دي لو جوزها مش بيسافر كانت جابتلكم فريق كوره
امنيه فضلت تضحك فتابعت زينب بضحك بالله استاهل التحفيل هقول ايه
الدكتوره بضحك بنهزر معاكي يقلبي وبصت لامنيه بحب ها طمنيني اخبارنا ايه
امنيه بتنهيده والله يا دكتورة علطول تعبانه ومرهقه اوي بنام كتير جدا حاسه طول الوقت اني همدانه وجسمي واجعني وخصوصا ضهري
الدكتوره بحب قومي نامي طيب علشان نشوفك
فقامت امنيه وزينب حطت حسام على الكرسي وراحت مسكت ايديها نيمتها وغطتها بالملايه ورفعتلها فستانها وبينت بطنها وتابعت بضحك يخواتي ياناس على السُره اللي جابت اخرها
امنيه بضحك ده كل حاجه جابت اخرها معايا صدقيني مش السُره بس والله
الدكتوره بضحك طبيعي طبيعي علشان بطنك بتكبر وتتمدد والبيبي بيكبر جواكي فبتشد بطنك وبتطلع السُره لبراا
امنيه بتنهيده بالله خايفه من كل ده يعملي ترهلات ومستنيه اقوم باالسلامه وانزل جيم
زينب بضحك ده مين ده اللي هينزلك جيم ؟!! اخويا ؟!!!
امنيه بضيق ليه وفيها ايه جيم مش ميكس جيم عاادي
امنيه بضحك ولو بطولك مبيرضاش تروحيه وتلبسي اللبس بتاعه ده انا ياما لساني وجعني من الحيال عليه يبقي ابويا راضي وده الاقيه يُقفلي زي اللقمه في الزور يخرب كل حاجه
امنيه نفخت وتابعت بضحك هنتحر من اخوكي وغيررته الاوفرر بجد
زينب بضحك معلش هتعملي ايه ارضي بنصيبك مش هتكوني انحس مني عايشه في الوضع ده من صغري وتابعت بتريقه: ومن كتر حبي لتصرفات سيف ربنا زرقني بنسخه من دماغه
امنيه فضلت تضحك وتابعت لا ده انتي فقر جداا يعني رايحه تحبي صاحبه في الجيش يا خايبه
زينب بضحك انا حامل في التاني يغاليه ليه حاسه الكلام ده فاات اوانه ؟
الدكتوره بضحك ده الكلام مات وشبع موت
امنيه فضلت تضحك وتابعت على رايكم والله
فتابعت الدكتوره بحب اكشف الاول ولا الاشاعه الاول
امنيه بحماس لالا الاشاعه الاول يلا
الدكتوره وهي بتشغل الجهاز تابعت بضحك طب بمناسبه حماسك حاسه بايه
امنيه بضحك لا مش حاسه بحاجه بجد بس ابوها عايز بنت
الدكتوره بضحك طب وانتي يا عمتو؟
زينب بضحك بنوته ومرات ابني باذن الله
الدكتوره بضحك بتأمنلك مستقبلها بدري بدري اهو
امنيه بضحك بنت سيف الرفاعي كله هيتخانق عليها كده كده بس احنا مش هنعزها على ابن عمر وزينب دول الغالين
زينب بضحك حبيبت قلبي والله
وقعدت الدكتوره تكشفلها بالسونار الحديث ومبين جدا كل الملامح وتابعت بابتسامه شايفه الملامح
امنيه بدموع فرح : ياربيي عسل دي 3D صح؟
الدكتوره بابتسامه اه واحب اطمنك قولي لسياده الرائد الف الف مليون مبرووك يا ابو البنوته
زينب فرحت وزغرطت بفرح شديد وامنيه غمضت ودموعها نزلت بفرح وتابعت يحبيبت قلب ماما الف حمد وشكر ليك يارب بجد
زينب حضنتها وتابعت بدموع فرح مبرووك ينورعيني
امنيه بدموع فرح الله يبارك فيكي يغاليه والله مش مصدقه من فرحتي ده سيف هيفرح اوي
زينب بضحك مفرح من بين دموعها الحمدلله بجد الف حمد وشكر ربنا نولكم اللي في بالكم اهو
امنيه بدموع فرح حقيقي الحمدلله الف مره بجد وفضلت تبص للشاشه ودموعها بتنزل بفرح وتابعت في سرها ياريته بابا كان هنا يا بريتي كان فرح اوي انك بنوته .. ياريته كان ماسك ايدي دلوقتي ووطى باس جبيني كعادته وقالي مبارك لينا ياست البنات وتنهدت بعمق وتابعت في سرها :حقيقي تعبت وكلي شوق ليوم اخده في حضني وانا شيلاكي والدنيا تقف شويه بقى
فاقت على صوت زينب وهي بتضحك وبتشاور على الشاشه لحسام اللي شالته وتابعت بص مراتك اهي شايف مزه ازاي
امنيه بضحك عرفتي مزه من دلوقتي يعني
زينب بضحك اما ابوهاا سيف الرفاعي بحلاوته وامها انتي فكرك هتطلع ازاي
امنيه بحب هتطلع سيف بالظبط انا طول الحمل مش ببص غير في صورته واتوحم والله العظيم
زينب بضحك بالله انتي زوجه صاالحه عندك انا معملتش كده خالص وبردو جاي نسخه منه ابن الكلب ولا كاني امه خاالص
الدكتوره بضحك ده انتي بتعشقيه يا زينب دي كفايه تخلي ملامحه في بالك علطول وبدات تكشف على امنيه
زينب بضحك يافضحتي هو باين اوي كده
امنيه بضحك حامل في التاني ومش عايزاه يكون باين يعني مبتيضعيش وقت
زينب بتنهيده وحياتك مكنتش عايزه ما انتي عارفه
الدكتوره بضحك بس يابت اخرسي قولي الحمدلله دي نعمه
زينب بتنهيده الحمدلله طبعا حد يقدر يتكلم بس اوقف رضاعه لحسام امتى يا دكتوره
الدكتوره بحب لسه بدري كمان شهرين كده وتابعت لامنيه بصي انا مش عايزه اقلقك بس هسالك اسئله وردي عليا يا بـ اه يا بـ لا
امنيه بقلق خير يا دكتوره
الدكتوره بحب اهدي خير باذن الله انتي بتحسي بتقلصات مبتفصلش؟
امنيه بتوتر ااه والله حتى دلوقتي فيه وتعباني اوي
الدكتوره بتنهيده طب الم في ضهرك مش بيروح؟
امنيه بتوتر اه بس قليل لما يروح انما علطول مهما غيرت طريقه النوم او القاعده بشتكي منه
الدكتوره اممم طب بتحسي بضغط في الحوض او في افرازات مش طبيعيه او سكوت البنت مبتتحركش؟
امنيه بتنهيده بحس بضغط اه جدا وفي افرازات وكانت مبتتحركش بس انهارده الصبح اتحركت جامد
زينب بقلق هو في ايه يا دكتوره
الدكتوره بتنهيده كل الحكايه ان انا لما كشفت عليها شكيت انها ممكن تتعرض لولاده مبكره وكلامها دلوقتي اكدلي بنسبه 90% بسبب الاعراض دي وبصت لامنيه وتابعت فمن فضلك يا امنيه الزمي السرير الاربع شهور اللي فاضلين دول واهتمي بنفسك جدا احنا مش ناقصين
امنيه الدموع اتجمعت في عينيها وتابعت يعني ايه !! يعني بعد كل ده ممكن تروح مني !! وعيطت وتابعت ده انا شربت المرار والله فكل اللي فات
الدكتوره بحزن اهدي يحبيبتي احنا هنديكي موانع تقلصات وحقنه الرئه ومكملات وهنستعد علشان لو لقدر الله حصل يكون باقل خطر وباذن الله مش هيحصل بس هدي نفسك ومتتحركيش كتير
زينب بحزن سمعتي بتقولك هدي نفسك يعني مش كل شويه تعيطي وتهري في قلبك بسبب غياب سيف
الدكتوره بتحذير لالا يا امنيه بلاش تتعبي نفسيك اوعي
امنيه بحزن حاضر يا دكتوره ودموعها نزلت وتابعت بس بريتي كويسه صح وهتيجي
الدكتوره بحب كويسه يحبيبتي حافظي بس على صحتك واسمعي كلامي وادي الاوديه امشي عليها وهتبقى زي الفل وهتنور بالف سلامه باذن الله
امنيه بدموع يارب بجد بقى انا حقيقي تعبت
فاراحت زينب ساعدتها في تظبيط هدومها وخدت الروشته وتابعت بحزن يلا يحبيبتي هنمشي وخير والله باذن الله وسندتها وبصت للدكتوره وتابعت بابتسامه حزينه يلا باي يا دكتوره
الدكتوره بابتسامه باي وابقي تعالي اشوفك وانتظمي
زينب بحب حاضر يحبيبتي ونزلت بامنيه سنداها ويونس كان واقف ساند ضهره لعربيته واول ما شافهم راح بسرعه سندها منها وتابع بقلق ها طمنيني
زينب بابتسامه بنوته
يونس بفرح يعسلل الف الف مليوون مبروك يا امنيه
امنيه بحزن الله يبارك فيك يغالي
يونس باستغراب هي مالها زعلانه ليه في ايه وفتح العربيه ركبها
فزينب ركبت ورا وتابعت بتنهيده الدكتوره وترتها قالتلها ان لو مرتاحتش في السرير الكام شهر دول ممكن تتعرض لولاده مبكره
يونس بخوف لالا مفيش الكلام ده هي هتفضل في سريرها وانا هخلي نور و مرات عمي يطلعوا كل يوم ياكلوها ويدوها ادويتها ومد ايديه لورا وتابع هاتي الروشته اللي خدتوها
زينب ادتهاله وتابعت بتنهيده انا هجيب اسماء وجايه اقعد عندها وهراعيها متتعبش نور ومرات عمي بردو دول ليهم مشغوليات ودراسه انما انا فضيالها
يونس تنهد بعمق وتابع يا زينب تساعدوا بعض بس ايا كان امنيه مينفعش تتحرك عدوا الاربع شهور دول على خير الله يباركلكم ونفخ بضيق وتوتر وتابع وعايزه تسافري حرام عليكي شوفتي اني صح
امنيه سندت راسها على الشباك وتابعت بحزن الحمدلله على كل حال
يونس تنهد بعمق وطبطب عليها وتابع متقلقيش يا بابا هتبقى زي الفل و هتقومي بالف سلامه و بريتي هتيجي بخير وهتفرحنا والله العظيم
امنيه بحزن يارب بجد يارب
وقلبها وجعها اوي ودموعها نزلت بصمت
—-
عند شهد في شقتها كانت بتاخد شاور وخارجه بلبورنص وبتبص لقيت الساعه 2 علشان عايزة تصحي احمد 2 زي ما قالها
وراحت لبست بدي ابيض لحد نص البطن نص كم وشورت ابيض وفردت شعرها وحطت ميكاب رقيق وبتسرح لقيت فونها بيرن فاراحت بصت لقيته احمد بيرن عليها فيديو كول فابتسمت بفرح وراحت قعدت على السرير ورجعت ضهرها لورا وردت وتابعت بحب: حبيب قلبي وحياتي كنت لسه هتصل اصحيك والله
احمد وهو بيتعدل وبيتاوب تابع تصحيني اه ده انا هديكي علقه ترقدك في السرير شهر بس اشوف وشك
شهد بضحك ايه ده ليه كده عملتلك ايه انا
احمد بحده هو انا مش قايل لاهلك صحيني الساعه 2 ياشهدد ؟؟
شهد برفعه حاجب هو اي نكد يا احمد ماهي 2 اهي ولسه رايحه اصحيك انت صحيت حصل ايه يعني
احمد بحده ياجاموسه 100 مره اقولك دبي متقدمه سااعه يعني انا عندي دلوقتي 3 ودقايق مش 2 والاجتماع كان ساعه وراح علياا
شهد اتصدمت وتابعت يحبيبيي بجد حقك عليا عندي دي فعلا انا اسفه
احمد بحده خدت ايه انا باعتذارك ده يعلم الله نايم مطمن فاكر هصحى على مكالمتك لدرجه مبصتش في الاسم ورديت وانا نايم وبقول ايه يحبيبي لقيت المدير بيسمعني زباله ودني اتصرعت
شهد فضلت تضحك بشده لدرجه عينيها دمعت فاحمد ضحك على ضحكها وتابع والله انتي بنت كلب
شهد من بين ضحكها مش قادره يا احمد بجد مش قادره اتخيل صدمتك لما لاقيت صوت المدير
احمد بضحك اقسم بالله انا اتخضيت خضه ولا ملك الموت جاي يقبض روحي واتفزعت قومت من على السرير بعد ماكنت مش قادر لقيت نفسي في اخر الاوضه
شهد فضلت تضحك بشده وتابعت بالله عليك قالك ايه لما قولتله كده
احمد بضحك اتعصب جامد ولقيته بيقول حبيبك !!! حبيبك مين يحيوان انت !! انت لسه ناايم في العسللل يا احمد بييه !!!
شهد فضلت تضحك بشده وتابعت لالا والله همووت انهارده مش قاادره وفضلت تضحك بشده
احمد بضحك كفاياكي ضحك علشان انتي معصباني قسما بالله وكل ده بسببك ومش اول مره اتاخر من ساعه ماجيت فخد عني فكره مش تمام وبيقولي انت الجواز بوظك
شهد فضلت تضحك وتابعت قوله انا بايظ من زمان متجيبهاش فيا يحبيبي انا مال امي انا
احمد بحب بايظ من زمان بلعافيه يعني وبصلها بتفحص وتابع بت ياشهد انا مش نازل انهارده خلاص اللي حضر الاجتماع هيكمل الشغل لحد منا اشوف بكره الدنيا فيها ايه قومي البسي حاجه حلوه وارقصيلي بقى
شهد فضلت تضحك وتابعت اتلم واحترم نفسك ايه هو اللي كل شويه ارقصيلي ده فاكر نفسه متجوز صافينار ولا ايه وبعدين كله عارف جوزي مش هنا يسمعوني مشغله اغاني يقولوا عليا ايه هاا ؟؟!!
احمد بحب ياستي وطي الصوت معملناها يوم فرحنا في عز الليل عادي يعني
شهد بضحك مش قادره والله يا احمد وهمدانه اوي
احمد بضحك وغمز همدانه من ايه يقلبي اما جوزك مسافر بقاله شهر ونص
شهد بضحك احترم نفسك انا همدانه علشان منمتش كويس يونس صحاني افطر ومن ساعتها مش عارفه انام وبطني بتتقطع كمان فمش قادره
احمد بضحك وغمز لتكوني حامل يا مزتي
شهد بضحك هو انا كل اللي يشوف وشي يقولي حامل .. حامل منين يا حسره
احمد برفعه حاجب جرا ايه يابنت الكلب يا جزمه منا قعدت معاكي اسبوعين بالشهر ونص كلهم مالك في ايه
شهد فضلت تضحك وتابعت والله انت متربتش انا مش بقلل منك انا بتكلم فاني طبيعي عرفت حامل ولالا الشهر اللي فات بعد سفرك علطول وانت لسه مسافر فحامل منين بقى خصوصا باخد موانع وانت عارف
احمد بتنهيده ااه هي جاتلك؟
شهد بضيق اه وبكرهه نفسي والله بس هعمل ايه
احمد بضحك يابت انا سمعت ان بعد الجواز الوجع بيبقى اهدى انتي ايه الدنيا
شهد بضيق هو اخف بصراحه بس لسه بتعب اوي بس هي عامهً ناس وناس مش كله
احمد بحنان: لا بس طلما هدي معاكي هتبقي بعد كده مش تعبانه باذن الله حقك عليا يعمري وشوفي اكشفي واعرفي بطنك دي بتتعبك من ايه
شهد لالا انا مبحبش اكشف ولا اتنيل انا زي الفل متقلقش
احمد برفعه حاجب طب اكشفي ياشهد علشان مزعلكيش وضحك وتابع مش عايز انزلك الاقيكي همدانه قسما بالله ازعلك
شهد فضلت تضحك وتابعت نفسي تتربى بجد وتفكيرك يبقى محترم
احمد بحب مفيش راجل بيكلم مراته تفكيره بيبقى محترم يا غاليه خصوصا لو متغرب زي حالاتي وبما انك تعبانه هعفو عنك في الرقص بس قومي غيري البدي ده ايه االخنقه اللي انتي فيها دي
شهد بضحك كل بطني اللي باينه دي وتقولي خنقه !!
احمد بضحك اه مخنوق من فوق اوي بجد هو ايه اللي نص كم انتي عبيطه ولا ايه
شهد بضحك طب استنى يا احمد تعبتني وسابت الفون على السرير وقامت فتابع احمد بضحك لالا كده ده غدر وخيانه مش غريب انا علشان تسبيني باصص للسقف كده
شهد بضحك اتلم يا احمد واتربى
احمد بضحك طب اعدلي الفون ومش هعمل صوت والله العظيم
شهد فضلت تضحك وتابعت لا والله مش هيحصل ولبست بدي ابيض حمالات واصل لنص بطنها وتدويرته واسعه من فوق وراحت رفعت الفون وتابعت بحب ها ايه رايك
احمد بصلها باعجاب شديد وتابع يعني بالله الواحد ليه مينفعش يجيلك دلوقتي ؟؟
شهد بضحك لا اتلم وخليك كمل شغلك ومتنساش ازازتين البرفيوم اللي بعتهوملك هاتهم وانت جاي
احمد بحب خوفت انسى فجبتهم من ساعتها يا بابا متقلقيش
شهد بحماس وفرح يحبيبي ربنا يخليك ليا ياارب طب ايه هتيجي امتى طيب ؟؟
احمد بذهول ما كنت من دققتين اكمل شغلي دلوقتي عايزاني اجي علشان البرفيوم !!
شهد بضحك لالا وواحشتني اوي اوي بردو عيب عليك
احمد بصلها بهيام وتابع بالله ده ماحد واحشني قدك
شهد بضحك احمد انا نيتي تمااام ها واحشتني يعني عايزه اخدك في حضني وكده
احمد بحب وماله يغاليه ماهو لازم تبدا كده الاساس اساس بردو مفيهوش كلام
شهد بضحك نفسي الاقيك مره محترم
احمد بضحك لا انسي مش هتلاقيني
شهد بتنهيده صح يا احمد انا انهارده كنت هتخانق مع امك بجد
احمد بصدمه نعم !! وده ليه ؟؟؟
شهد بتنهيده حياتي انا وانت مفروض محدش ليه دعوه بيها انا بحبها وربنا يعلم فعلا بعتبرها زي امي بس طريقتها معجبتنيش لما عرفت اني مأجله حمل وفضلت تستعرضلي في بطولاتها هي ومرات عمك في ازاي اوفق بين دراستي وبيتي
احمد تنهد بعمق وتابع حقك عليا متشغليش بالك ياشهد وحاولي هاوديها دي ست كبيره وزي امك بس هي بتتكلم من زعلها لانها نفسها تشوف خلفتي بسرعه مش اكتر
شهد بحده اه وانا اعمل ايه بكلامك ده ماقولت بعتبرها زي امي بس يا احمد انت مشوفتش اسلوبها بجدد وتقولي هو ابني موافقك اقولها اه مش عاجبها الكلام ونظرتها كانت بتقول ولا اللي سحراله يعني وماشي ورايا مع ان الموضوع شخصي جدا ومش مستاهل كل ده
احمد بحده اه يعني مطلوب مني دلوقتي يا شهد اتصل اهزقها ولا لما انزل اديها علقه علشان افهم بس ؟؟؟
شهد بحده يا ابني مش كده بس ..
احمد بمقاطعه وبحده شهد .. شهد خلاصه الحوار ده علشان انا مش ناقص دي امي يعني مهما تعمل مش هينفع اقف قصادها فانتي اسمعي من هنا وخرجي من هنا ومترديش واعملي خاطر لجوزك مش اكتر وكده كده اللي احنا عايزينه اللي هنعمله
شهد بضيق تمام يا احمد انا بس عرفتك علشان متسخنكش بالكلام لما تنزل
احمد بحده مش عيل صغير انا علشان كلامها يسخني بس كل الحوار انا فاهم تفكيرها وعاذرها
شهد بابتسامه اممم بقيت انا بنت الكلاب دلوقتي ؟؟!!
احمد مسح بايديه على وشه بنفاذ صبر وتابع بعصبيه ياشهد الست كبيره في السن فعايزه تشوف عيالها مخلفين وتفرح بيهم فاتصدمت من قرارنا من كتر شوقها انها تشوف عيالنا لا اكتر ولا اقل وانتي انا معارضتكيش لاني قدرت مسئولياتك فمرضتش اجي عليكي فخلاص بقى قفلي الله يرضى عنك
شهد بتنهيده ماشي يا احمد خلاص
احمد بتنهيده اسمعي من هنا وخرجي من هنا يا بابا عشان خاطري
شهد بتنهيده والله انا عملت كده من نفسي مش شايفني قليله الادب ومعرفش الصح من الغلط
احمد بتنهيده طب يحبيبتي ربنا يهديكي وخدي يونس وروحي اكشفي على بطنك
شهد بضيق لالا لو تعبت تاني هروح دلوقتي لا
احمد بحب ماشي يحبيبتي المهم خلي بالك من نفسك ومن دراستك
شهد حاضر
احمد تنهد بعمق وتابع يحبيبي انا مش عايزك تزعلي بس كنتي مستنيه مني ايه طيب دي امي
شهد بتنهيده خلاص يا احمد محصلش حاجه بجد
احمد بتنهيده ليكي عليا لما ارجع هرمي كلام اني راضي ومبسوط ومصمم على قرارنا ده قدام الكل مرضيه كده؟
شهد ابتسمت وتابعت ايوه انا كنت عايزاك تعمل كده لانها اكيد فاكره اني جبراك
احمد بتنهيده انا محدش بيجبرني على حاجه بس الفكره ان فعلا مش هتقدري انا عارف وابتسم وتابع فمن عيني حاضر هعمل كده لما انزل
شهد ابتسمت بحب وتابعت تسلملي عيونك يا نورعيني
وفضلوا يتكلموا
—
عند سيف في المهمه
كانوا ماشيين صف ورا سيف وماسكين مسدساتهم ومستعدين فتابع سيف بهمس: واحده واحده متستعجلوش لما اوجهكم اتحركوا
فتابع الجميع: امرك يا فندم
فمشي سيف بخطوات بطيئه وشاف رجاله حيدر وهي بتسلم شحنه من الشحنات لبعض الرجال اللي باين شكلهم مهمين جدا واجانب فشاور سيف لكتيتبه تستنى واتقدم لوحده شويه
فتابع عمر بخوف لا يا فندم مينفعش تروح لوحدك
سيف بتحذير مكانك يا حضره الظابط نفذ الامر
وراح اتقدم بخطوات بطيئه وعمر عينيه عليه وخايف جدا وبيحاول يأمنه من ضهره وهو واقف مكانه زي ما امره
وفاجاه حد من رجاله حيدر اللي متفق معاهم جيه ورا سيف ورافع مسدس وده خلى كتيبته اترعبت وعمر خاف جدا عليه وشد الزنات فهمس الشخص ده ها يا قائد مستعد
سيف بهمس اخلص وكأن الموضوع طبيعي فبديهي هتلاقي دفاع مني عن نفسي ها
الراجل بخبث اتفقنا وشد سيف وقبل مايرفع عليه مسدسه ويهدد بيه الكتيبه عمر ضربه بلنار وقعه على الارض فسيف اتصدم بشده وهمس بخوف: الله يحرقك يا عمر عملت ايه وبصله فتابع عمر بعصبيه شديده وكانه نسي انهم في شغل ياسيف حااسب أمن ضهرك انت اتجننت !!!
وصوت ضرب النار خلى رجاله حيدر جات ولما لقيوا واحد منهم مات فكروا سيف خلف الاتفااق فبقيوا يضربوا ناار وكتيبه سيف في المقابل ليهم بتضرب نار بردو فسيف اترعب وراح للقائد بتاعهم اللي واقف بعيد وتابع بعصبيه بس بس بتعملوا ايه يخربيت اهلك وقف ضرب الزفت دده .. مكنش ده اتفقنا
القائد بعصبيه اتفقنا ده انت تبله وتشرب مايته ومحسن اللي واحد من كتيبتك موتته ده حقه يروح فين
سيف بعصبيه ياغبي انا جااي معاكم امسكوهم من ايديهم اللي بتوجعهم بياا ويلا نغور من هناا بسررعه
احد الارهاب اسمه طارق تابع بعصبيه اللي قتل محسن عمر الهواري وده قصااد ده بعدين تروح معانااا والباشا يتصرف معاك لان من قوه رجالتك مش واضح ابداا ان دول اتدربوا بضعف
سيف نسي انه اتحط في موقف صعب بسبب ان فعلا قوه الجيش بانت وده مكنش مخططه ومسك في الارهابي وتابع بعصبيه عمرر لو كلب منكم مس منه شعره قسما بالله هيكون نهاايته على ايدي عاجلا او اجلااا المهم ان سيف الرفاعي مبيسبش حقه
القائد بسخريه لسه بتحن !! ده انت حيدر باشا هيفرح بيك اوي
سيف بعصبيه عمر جووز اختي بعيداا عن القرف دده كله انا مش هضحي بيه مهما حصلل فاياكم تفكرواا تهوبوا ناحيته
وكتيبه سيف شغالين ضرب نار بيوقعوا الارهاب واحد ورا التااني وعينيهم بتروح علي سيف وهو بيتخانق بعيد شويه مع اتنين منهم وماسك فيهم وبيستغربوا وخايفين عليه اووي بس مش عارفين يوقفوا يضربوا نار ويدافعوا ضد الارهاب
فتابع طارق بعصبيه جوز اختك مش جوز اختك الاتفاق مفيهوش استثناءات ده ظابط جيش مصري قتل اخوونا ومش هنسكتله وانت كده كده جاي معاناا والباشا يحقق معااك وزقه على خوانه وقعه على الارض فمسدسه وقع ودماغه اتفتحت وداخ وجم شويه رجاله مسكوه يطلعوا العربيه بتاعتهم وعمر خد باله وجري بسرعه وبقي يضرب نار عليهم
فطارق اتعصب منه جداا ورفع مسدسه عليه وهو شايفه جاي من بعيد
فتابع سيف بعصبيه شديده لدرجه عروقه برزت لاا يحيووان يا ابن الكلب عمرر لااا وفضل يفرك بين ايديهم اللي ماسكينه وتابع بعصبيه انا راايح معااكم عمررر لا يا طاارق قسما بالله لو هوبت منه مش هنسهاالك ورحمه اخوياا والزمن بيناا
طارق ابتسم بسخريه ورفع مسدسه وعمر شافه بس قبل مايتحرك لبعيد ضرب نار عليه قبل مايوصلهم ووقع على الارض صرخ بوجع شديد فسيف اتصدم ودموعه نزلت وتابع بعصبيه اوعااا منك ليه اوعااا انسى اي اتفااق بيني وبين حيددر اوعاا اشوف اخويااا يااعمررر وعروقه برزت ووشه احمر والدموع بقيت تنزل منه بقهر وقله حيله وتابع ياا ااددم يا جاااسر شوفوا اخووكم واتعصب اكتر وتابع ياعممم سبني سبنييي اشوفه اتصااااب فين ده انا مش هرحمك يا طاارق الكلللب قولتلك كله الا عمررر .. عمررر لا يا زبااااله يحيوووان وبيحاول يروحله بس ماسكينه وبيشدوه للعربيه بلعافيه وهو بيصرخ بقهرر ودموعه بتنزل وتابع بعصبيه ياااعم سبوني اشوفه طييب عيني مش جاايبه اتصاب فين ابوووس ايديكم مااليش غيررره ده اخويااا بعيداا عن الجييش قسما بالله .. طب هعملكم اللي انتوااا عايزينه طييب بس اشوفه وحياااه الغالين عندكم اشووفه اطمن بسس وعينيه بقيت حمرا زي وشه من شده العصبيه والقهر اللي حسه وتابع بصوته كله ياعمررر قوم ابوس ايديك متعملش زي حساام يا صاحبي .. يا عمرر انا همووت من غيرك قسمااا بالله
وطلعوا العربيه وقفلوا الباب وشاورا لرجالتهم تنسحب علشان هيمشوا ففضل يخبط الباب جامد برجله وتابع بعصبيه ودموع انا السبب ياعمرر انا السبب قسما بالله ما مساامح نفسي
