رواية غموض الحب عائلة الرفاعى الفصل الثامن و السبعون 78 بقلم لولا

وطلعوا العربيه وقفلوا الباب وشاورا لرجالتهم تنسحب علشان هيمشوا ففضل يخبط الباب جامد برجله وتابع بعصبيه ودموع انا السبب ياعمرر انا السبب قسما بالله ما مساامح نفسي

ومشيوا بسيف والكتيبه كلها جريت على عمر بخوف كان بينزف وجايب دم

فتابع احمد بخوف يانهار اسوود شوفوا بسرعه عمرر اتصااب فين صدره ودراعه ومليانين دم

جاسر بخوف ايه اروح اطلب الاسعااف ؟؟

حسن بخوف ودموع عمررر وفضل يخبط على وشه وتابع عمرر قوم ابوس ايدك .. رد عليااا واتعصب بدموع وتايع اوعواا اوعواا مش لسه هستني لااا انا هشيله على ايدي ويلاا اخلصوااا

رؤوف بصدمه فين القائد ؟؟

كلهم فضلوا يبصوا حوالين بعض فتابع حسن بصدمه ورعب: محدش يقولي ان القاائد اتاخد رهينه عند حيدر

احمد بصدمه ايه اللي انتوا بتقولوا ده لا لا اكيد هناا وفضل يدور وتابع بصوت عالي: يا سيف بييه .. يا فندددم

حسن بدموع وخوف جماعه اوعوا عمرر بيتصفاا ساعدوني نقوم بيه بسرعه

جاسر بخوف يلا يلا هنشيله معااك ووطوا وشالوا عمر وركبوه العربيه العسكريه اللي جم بيها ومشيوا

ادم بخوف القائد كده مش هنا انا مرعوب عليه

حسن بدموع وخوف انا مش عارف افكر في ايه ولا ايه من امتى بيحصل تهور كده وحد مننا يتصاب والقائد يختفي ازاي ياخدوه ومناخدش بالنا يعني

عبدالله بخوف الخوف من هيعملوا فيه ايه سيف بيه كده مش هيخرج من عندهم او قطع لساني هيموتوه

احمد بعصبيه احنا ازاي منااخدش باالنا دي مصيبه سوداا يعني ايه يموتووه ولا يحتجز عندهم ده قائدنا .. قائد في الجيش المصرري يتاخد مننا بسهوله كده

ادم حط راسه مابين ايديه وغمض عينيه بوجع وتابع انا مقهور عليه ومش عايز افكر ايه ممكن يحصله وبص لعمر وتابع بدموع حد يقلعه الافارول نطمن بالله عليكم

حسن بعصبيه ودموع لا يا غبي هينزف اكتر ده انا بشد الهدوم عليه عايزها تكتم

جاسر بوجع ودموع عمر اتصاب وهو بيدافع عن القائد ملهاش حل تاني

حسن بدموع ايوه ده اللي حصل ربنا يستر عليهم هما الاتنين بجد انا حاسس اني متكتف

عبدالله بعصبيه ودموع ده احنا هيتقطع رقبتنا على اللي حصل انهارده ده والشحنه اتسلمت وعمر اتصااب والقائد اتاخد رهينه احنا جينااا نهبب ايه

ادم بوجع ودموع مش وقته ندب يا عبدالله اهم حاجه دلوقتي نطمن على عمر ونعرف هنرجع قائدنا ازاي علشان مينفعش يفضل عندهم لبكره يبقي عيب علينا الرتبه اللي شايلنها

احمد بسخريه ووجع متهيالك ده محدش يعرف مكانهم اصلا ودموعه نزلت وتابع ادعي نشوف سيف بيه تاني انا مقهور ومش قادر افكر

رؤوف بدموع بالله الواحد مصدوم ومش مستوعب اللي حصل ازاي ده يحصل دي اول مره

مؤمن بدموع في حاجه غلط والقائد من البدايه غلط انه مأمنش ضهره

جاسر بستغراب واخر مره شوفته وقف يتخانق مع اتنين منهم ورا وتنهد بوجع وتابع اول مره اشوفه مش مأمن نفسه وبيخاطر بلاسلوب ده

عصام بتوتر يجماعه اهدوا بس وصلوا علي النبي قائدنا قدها وقدود وهيرجع بالف سلامه وعمر مفيهوش حاجه باذن الله

عامر بعصبيه هو انت جنس ملتك ايه يا بني ادم ايه برود الاعصاب اللي انت فيه دده كلناا هنا غلطناا عمرر حياته في خطر بسبب عدم وجودنا في ضهر بعض والقاائد حياااته في وضع مايعلم بيه الا ربنا والله واعلم هنشوفه ازااي تاني بردو لنفس السبب احنا غلطنا وكنا زي الزفتت المرره دي

صالح بوجع اصلا عيب نرجع من غير سيف بيه بالله نحط وشنا في وش اللوا ازاي

ادم بدموع انا خايف عليه هو وعمر بجد

حسن بدموع ووجع ياارب اتدخل انت ارجوك حقيقي ما باليد حيله

صالح بعصبيه ودموع عاار عليناا كلنا النجوم اللي على كتافنا لو القاائد مرجعش وسطناا تاني

مؤمن بدموع معااك فكروا وانا معااك لازم يرجع ده ضهرنا كلنا اصلا

حسن بدموع عرفوا يختاروا الحته اللي يكسرونا منها بجد

صالح بحده لا يا حسن مش هنتكسر ومهما عملوا مش هنتكسر سبق وقالها الرسول احنااا خير اجنااد الارض ومنبقاش نستاهل الجمله دي لو مجبناش حق عمر والقائد

حسن بدموع معاك نطمن على عمر بس وانا بالي هيرتاح ويخش اموت واحنا بنجيب القائد مش مهم

صالح طبطب على كتفه وتابع هيعيش وهنرجع القائد وكلنا نبقى كويسين

ادم بص لصالح جامد وغمز ناحيه عصام

فصالح ندم ان اتكلم قدامه(( لان سيف فهمهم ان عصام جاسوس لحيدر مش اكتر من كده )) فنفخ بضيق وتابع بس دول ناس تقيله بردو فهنشوف هنعمل ايه

عصام اه ده اللي انا عايز اقوله

احمد بصله بغل وحاول يكتم غضبه وكور ايديه بعصبيه وتابع اممم لا عندك حق فعلا

ودقايق ووصلوا المستشفى وحسن وجاسر نزلوا وهما شايلين عمر

فتابع عبدالله بخوف من فضلكم حد يجيب الترولي وياخد حضره الظابط اتصاب وبينزف

الممرضه بتوتر حاضر يا فندم حالا وراحت قالت للدكتور ولزميلاتها وجابت السرير وجاسر وحسن حطوا عمر وخدوه بسرعه للاوضه

والشباب راحو وراه وفضلوا قدام الاوضه مستنين يطمنوا

حسن بخوف ودموع يارب استرها معااه يارب .. يارب عنده اخته ومراته وعياله ياارب ارجوك

ادم بحزن اهدى يا حسن هيبقى بخير باذن الله

حسن بدموع انا مقهور عليه هو والقائد حاسس اني مكسوف من نفسي اوي ازاي يعملوا فيناا كده ازااي

جاسر بوجع ممكن تهدى مبدئيا لازم نطمن على اخوناا بعدين نشوف هنعمل ايه هتتحل والله وهنرجع تاني بقوه والتاريخ بيقول كده مفيش مره حد جيه علينا الا وردينا عليه مهما فات الوقت

رؤوف بحزن باذن الله خير وتنهد بوجع وتابع يارب يطمنا على اخونا بس الاول اهم حاجه

حسن بص لهدومه لقاها متغرقه دم فقعد على الارض وفضل يعيط وتابع عمر لو حصله حاجه انا مش هساامح نفسي ومش هعرف اقول لجماعته اي حاجه

صالح بحده يا ابني بس افصل يخربيت اهلك فال الله ولا فالك

مؤمن بتوتر حسن تعب اعصاابي انا مبقتش قادر اقف على رجلي بالله ووطي على ركبته وغمض عينيه بتوتر وبقي يهمس يدعيله

عبدالله نفخ بتوتر وتابع اييه كل ده اعصابنا تعبت بجد

ادم بتنهيده اهدوا مش كده ادعوا احسن من الندب ده

احمد بتوتر انا هروح اتوضى واصلي المغرب وادعيله ده اسلم حل دلوقتي فعلا

صالح بتنهيده والله انت عندك حق استني جاي معاك

وراحو يصلوا والباقي فضلوا قاعدين متوترين جداا مستنين لحظه خروج الدكتور بفارغ الصبر

——-

عند سيف كانت الرجاله وصلت بيه للمكان بتاعهم وهو مش مركز في اي حاجه ولا هامه حاجه كل اللي بيفكر فيه عمر جراله ايه وعينيه حمرا زي الدم فدخلوا لاوضه حيدر وزقوه وقع على الارض قدامه

فحيدر حط رجل علي رجل ونفخ دخان سيجارته وتابع ايه اللي انا سمعتوا ده يا سيف

سيف بعصبيه سمعت مسمعتش انا مبخاافش من حدد ولا عمرري هخااف واعمل ما بداالك انت لو عارفني ليااا ايد بتوجعني تمسكني منهاا مكنتش اختارتني دوناا عن غيرري ابقى من رجاالتك

حيدر بسخريه لا منا كنت فاكر كده بس دموعك ووجعك اللي باين ده على حتت عيل زباله لا راح ولا جييه خلتني اقول ان ..

سيف بمقاطعه وعصبيه حيددر بييه لو لسسه بااقي عليااا وعايزني معااك سيرره عمرر متجيش على لسااان اي حد اياا كاان مين ده اخويااا واللي يجيب سيرته بالوحش كانه اهاني انا كمااان

حيدر ضحك وتابع لا يجدع اومال ايه ابيع اهلي وحالي ومش فارقلي حدد فين الكلام ده كله

سيف بعصبيه انا اعمل اي حااجه علشان اللي انت تطلبه يتم واللي هوو اننا نعدي بالشحنات كل مره انما متفقناش اقتل انا جاحد ااه بس مش ابن حراام ده جوز اختي ومعاه عياال فيبقى براا لعبنا خاالص

حيدر نفخ دخان سيجارته وتابع ولو قولتلك انه ماات

سيف اتصدم بشده وحس ان رجليه مش هتشيله وتابع بعصبيه شديده : مين اللي مااات انت بتخرف تقول اييه ده قسما بالله اموت طاارق ودلوقتيي حااالا لو ده حصل

حيدر بضحك لا يجدع وانا هسيبك تقتل حد من رجالتي عادي كده ??

سيف بعصبيه انا محدش بيؤمرني فحقي ابقي تحت امرك فكل ماهو يخصك انما مش التاار واتعصب اكتر وتابع ومين قالك عمرر مااات انططق

حيدر بعصبيه انت بتكلم مين كده يااالا انت ورفع عليه مسدسه فسيف وقف قدامه وحط مسدس حيدر على جبينه وعينيه حمرا وبتطلع غضب وتابع بثبات: مبخاافش منه .. الموت اخر تهديد ممكن تفكر تهددني بيه .. خد مني ضهري قبل كده فكونك هتضرب رصاصه هتخليني اشوف حساام يبقى مقهرتنيش بس انت عايزني عايش فنتكلم في المفيد انا مخنتكش ولا خلفت اتفاقي

حيدر حس ان كلامه صح وموت سيف مش هيفيده فنزل مسدسه وتابع اثق فيك ازاي بقى بعد اللي حصل ده

سيف بسخريه ليه وهو ايه اللي حصل ?? عمر شاف محسن بيحاول يرفع عليا سلاحه موته يعني بديهي جداا منه مش هيسيب قائده يموت وده بيوضح جداا اني مش متفق معااهم ولا بخونك لسببين الاول اني لو خونتك مش هغدر بيك وانا عارف انكم مكنتوش بتسلموا شحنه حقيقيه فمش معقوله يعني اكون متفق معاك وعارف ان المخدرات والسلاح مش في الصندوق اصلا ونهجم انا ورجالتي طب ما بالعقل كده ما احافظ عليهم احسن لمهمه حقيقه والسبب التاني ان لو انا بخونك فاكيد عمر هيسكت وهيسبني اتخطف واجي وسطكم زي ماكنت مخطط معاكم ومش هيضرب ونار ويخرب الدنياا وهي اصلاا خطه وانا معرفهم بقى وكده انما اللي حصل ان عمر ميعرفش ان دي خطه ولا يعرف حاجه حصلت بينا من اي اتفاق فخاف عليا وضرب نار وحصل اشتباك بين كتيبتي ورجالتك لان كتيبتي فاكره ان فعلا في بضاااعه هتتسلم وناس جات بجد ميعرفوش انه فيلم علشان انا اخش وسطكم ففكر ثواني يحيدر بيه هتلاقيني مستحيل اخاطر بارواح ناس في مهمه لعبه بينا وكمان افضح نفسي اني بخونك مش للدرجه دي يعني

حيدر فعلا صدق سيف وكلامه وتابع اممم طب كل ده تمام بالنسبه لقوه جيشك ايه بقى هو ده التدريب الضعيف ?

سيف بتنهيده لا انا دي مش هتكلم فيهاا بقى مفروض انت ليك واحد من كتيبتي بيعرفك كل حاجه اساله كدده كنت بدربهم ازاي

حيدر بتنهيده عصام قالي انك بتنفذ الاوامر في المره الاولى والمره التانيه

سيف بابتسامه خبيثه بس يبقى العيب من رجالتك مش مني هما اللي مستواهم اقل من ظباط بقالها شهور بتدرب بضعف وده طبعا بكل ثقه لاني بفرق مع اي حد

حيدر ابتسم باعجاب بكلامه وتابع على العموم ثقتي اتجددت فيك ياسيف بس لسه ليك نقاط ضعف

سيف بتنهيده محدش مالوش نقاط ضعف بس انا مبخافش ابينها لاني كده كده لما بقرر حاجه بعملها وطلما قررت انا معاك فانا معاك فمش هسمحلك تجيلك فرصه تمسكني منها

حيدر بابتسامه كلام حلو وموزون هنبدا من بكره تدريبات

سيف بحده مش قبل ما اطمن على عمرر

حيدر برفعه حاجب ده امر ??

سيف بحده احسبها زي ماتحسبهاا بس اخويااا لو حصله حااجه فواحد من رجالتك هينقص انهاارده

حيدر بضحك مش شايف انك عاطفي زياده مع الظابط ده ??

سيف بعصبيه ده جوز اختي وصاحب عمري بعيدا عن الجيش خاالص فانا لو مخوفتش عليه انت مفروض متأمنليش لاني هبقى ارخص من الرخص وهان عليا عشره عمري فمش بعيد ادوس على اي حد عاادي

حيدر بضحك طب مانت دوست على بلدك وجيشك

سيف بوجع سبق وقولتلك الجيش خد مني انما مدانيش حاجه فانا اختارت الجنب اللي يريحني انما عمر لا والف لا مشوفتش منه غير كل خير فمش هبداا حااجه غير لما اطمن عليه

حيدر بتنهيده اتواصل مع عصام يا يوسف وابقى طمن سيف

((يوسف ظابط المخابرات اللي مع سيف اصلا وموجود في مهمه وطنيه زيه )) بص لسيف وتابع حاضر من عيني وخرج فحيدر بص لـ لارا وتابع وصلي حضره الظابط اوضته يرتاح

لارا بابتسامه عيوني وقامت خرجت فسيف نفخ بضيق وطلع وراها على السلالم وباله مع عمر ودموعه بتنزل بقهر وبيمسحها ومرعوب وقلبه وجعه

ولارا وقفت في اخر دور قدام اوضته وتابعت بابتسامه اوضتك اهي

سيف بضيق شكراا

لارا بحب كنت واحشني

سيف نفخ بضيق وزق الباب برجله ودخل ومردش عليها فدخلت قعدت قدامه وتابعت بحزن ليه الاسلوب ده طيب كل ده علشان بحبك

سيف بعصبيه بتحبي مين يحيوانه انتي !! انتي اتجننتي ولا ايه

لارا بابتسامه حزينه حقك وتوقعتها على فكره اصل انت سيف بيه وانا جاريه هناا فازاي افكر احب اصلا بس ميمنعش اني اقضي معاك شويه وقت حلوين واهو اعمل حاجه بقلبي مره بدل ماكله ببقي مجبره

سيف بعصبيه يابنت الناس انا ماليش في القرف ده حلي عن نفووخي وروحي شوفيلك خرابه فيها كلب من الكلاب اللي بتعملي كده معااهم ولبي احتياجاتك انما اناا انسي يا لاراا انسيي مبعملش ولا هعمل كده ليوم ما اموت

لارا بغيره بتحب امنيه ??

سيف بعصبيه شديده قولتلك مبحبش حدد وتولد وهتنيل اطلقهاا غوري بقى وسبيني في حاالي اعصاابي تعباانه مش فااضي للمسخره دي وزقهاا لبرا وتابع بعصبيه مشوفش وشك عندي تاني انتي فااهمه وقفل الباب في وشها فتابعت بخبث ماشي ياسيف مسيرك هتضعف ونزلت

وسيف قعد ورا الباب ودموعه فضلت تنزل بقهر وتابع ليه ياعمر ليه عملت كده انت كنت السند اللي معتمد عليه وسط اهلي واختي ومراتي عارف هغيب هنا انت هتعوض ليه توجع قلبي عليك همووت مش قاادر من خووفي ياارب وفضل يضرب ايديه بغل في الارض كذا مره باعتراض ووجع وخوف وتابع بدموع كل مرره بتعدي على خير المره دي جاات فيك بجد يا عمرر جات فيك بجدد وفضلت دموعه تنزل وهي بيفتكر

فلاااش باااك

فجري عليه عمر بخوف وتابع بدموع ولهفه سيف .. سيف انت كويس

سيف بوجع وتعب ااه ااه كويس كويس وبصله وتابع بتعب مش .. قولتلك ..متج يش ورا يا

عمر بدموع وخوف : اول مره اكسر كلمتك ومقدرتش مكسرهاش الحمدلله جات على قد كده ده انت وقعت قلبي يجدع وباس راسه وتابع قوم .. قوم اتسند عليا هتبقى كويس والله

سيف ابتسم بتعب وتابع بصوت منخفض طمر ت فيك العشره ياض يا عمر بس مش حرام عليك اللي هيتعاقبوا بسببك دول وانت معاهم

عمر بدموع يا عم اعمل اللي انت عايزو بس قوم بالف خير الاول وبص لدراعه وتابع فيه رصاصه واتجلط من الواقعه جامد في الارض

سيف بتعب وهو بيحاول يقف وعمر بيسنده تابع جسمي كله حاسه اتجلط مش دراعي بس حقيقي مش قادر

عمر بخوف وراسك بتنزف كمان لالا خليك هنا وهروح اجبلك الاسعاف لحد عندك انت مش هتقدر تمشي كل ده

سيف بتعب لالا هقدر يلا بس اسندني وفضل يكح بتعب واضح

عمر بخوف المشكله مش هأمن اسيبك هنا لوحدك واروح اجيبهم بردو وسنده وتابع وهو بيمشي بيه حرام على اهلك يا سيف بجد

سيف بتعب : يلا يا عمر اخلص مترغيش كتير

وفضل يمشي بيه لحد ما وصلوا

**

عمر بدموع تسلم يا سياده العميد وتابع لسيف بدموع حقك عليا ياريت اقدر اموت انا واسيبه هو عارف معندكش اغلى منه هو وزينب ده انت كنت بتمثلنا بيه وتقول انتوا زي حسام الله يرحمه يا صاحبي راح بدري علشان كويس ده يبخته عريس في الجنه وكلنا رايحين والله اجمد كده علشان خاطري انا مش متعود اشوفك كده

سيف بعياط هستيري وانهيار لالا يا عمر بعيد الشر عنك قطع لساانك يارب هو يبقي كويس واموت انا واريح واتعصب بعياط وتابع انا اللي في حربيه مش هو انا اللي حياتي اتعرضت للخطر الف مره مش هو انا كنت بمشي واجي هنا عارف سايبه معاهم علشان لو جرالي حاااجه ازاي يااارب هو اللي يموت ازاااي ياريتني انااا يااارب ياريتني انااا

**

ورايح يمشي عمر مسكه وتابع بوجع سيف .. سيف استنى حقك عليا وباس راسه وتابع بتوتر: حقك على راسي دي هبله متاخدش على كلامها ورحمه اخوك

سيف ابتسم بوجع وتابع لا عادي هي قالت مشاعرها مغلطتش في اي حاجه انا فعلا مش حسام

**

بااااك وفضل يعيط ووطى راسه يسجد وتابع يارب خد من عمري واديه هو ياارب .. يارب يعيش ياارب .. ارجوك متوجعنيش تاني فيه وطمن قابي بسرعه خوفي باين في عيني ومش هقدرر ضعفي بيباان وسطهم بسبب عمر كده ياارب .. يارب ريحني وطمني عليه وساعدني في المهمه دي ارجوك

—-

عند امنيه قاعده في سريرها ومخنوقه جدا ومضايقه وبتعيط وهي مش عارفه سبب خنقتها للدرجه دي بس شايفه ان صعوبه حملها سبب كافي للمود ده وحماتها وامها والبنات حواليها حتى اسماء جات لان زينب كلمتها

نرمين طبطبت على رجلها لانها قاعده قدامها وامنيه فارده جسمها على السرير وتابعت بابتسامه خلاص بقى يا ام بريتي فكي كده اومال

امنيه ابتسمت بحزن وتابعت كويسه والله ياماما متشغليش بالك بيا

سميه بتنهيده كويسه بالعافيه يعني يابنتي اهدي كده ومتتعبيش في نفسيتك انتي مش اول واحده تتعب في حملها وتتعرض لانه يبقى مبكر عادي بتحصل وربك بيسترها بس نفسيتك دي هتخرب الدنياا

نور بحزن اهو والله يا طنط ده اللي انا قولتهولها ومش راضيه تسمع كلامي

شهد بحب هي هتبطل عياط وهتاكل وتسمع الكلام وهنعملها كوبايه لبن حلوه كمان تتشرب دلوقتي

امنيه بعياط يجماعه بالله عليكم انا كويسه بس مخنوقه وقلبي واجعني وماليش نفس ولا لاكل ولا لشرب فعلشان خاطري محدش يجبرني ولا يحلفني بغلاوه سيف

ياسمين برفعه حاجب انا مش هحلفك بغلاوه سيف انا هروح اجبلك الاكل واللبن وهحطه قدامك ولو متاكلش هندهلك مازن وانتي حره

نور بضحك بلاش يا امنيه مااازن لا

امنيه بتوتر ودموع بالله لو ندهتيه هزعلك

ياسمين بضحك محدش بيبلعك لساانك اللي عايز قطعه ده غير ماازن فهتاكلي ولا اندييه اخلصي ??

امنيه بدموع طب شويه وغلاوه زين عندك وهاكل حاضر دلوقتي حقيقي نفسيتي مش مستحمله

ياسمين بتنهيده طييب يا امنيه اماا نشووف

حسام عيط فزينب فضلت تهزه وتابعت بتنهيده طب هعملك كوبايه لبن تشربيها لحد ماتيجي تاكلي

امنيه نفخت يضيق وتابعت بدموع يا زينب انا والله ..

زينب بمقاطعه انا مباخدش رايك هعملها يعني هعملها

سميه باست راسها وخدتها في حضنها وتابعت بحزن انا هقعد معاها يا ام سيف متتعبيش نفسك انتي والبنات

زينب بابتسامه ياما دي اختنا وانا قولت هقعد معاها متقلقيش عليها والله

نرمين بحب لسه بدري يا ام امنيه ده البت فاضلها اربع شهور هتلزم السرير فيهم فسيبيني انا وزينب شويه وباذن الله جوزها يرجع ويبقي معانا ومتتعبيش نفسك بيتك بعييد ولو فضلتي هنا من يراعي ابو امنيه

سميه وهي حضناها تابعت بوجع يصعب عليا اسيب ضنايا يا ام سيف صعبه صدقيني بالي مش هيرتاح والله

نور بحب ياست الكل والله احنا هنا كتير وكلنا معاهاا ومتخافيش عليهاا وعايزة تنورينا كل يوم تطمني ده بيتك طبعاا بس احنا عاملين حساب عمو لان سبق وسيف اتحايل عليه يجي يبات قال مش بحب ابات برا بيتي

نرمين بحب بالظبط كده فـ والله ماتخافي عليها

امنيه بتعب ماما بالله عليكي روحي انتي فعلا بابا مينفعش يتساب لوحده انتي عارفه ومتخافيش عليا دول اهلي انا مش اهل جوزي

نرمين بحب وربنا يعلم زيها زي زينب عندي والله دي مرات الغالي دي

سميه بابتسامه عارفه يختي والله بتقولي كتر الف خيرك

نرمين بحب متقوليش كده انا معملتش حاجه وبصت لزينب وتابعت بضيق انتي يابت مش قولتي هتعملي كوبايه اللبن لمرات اخوكي متحركتيش ليه

زينب وهي بتهز حسام اللي لسه بيعيط وبيقول باا فتابعت بضيق ثواني يا ماما بحاول اكلم عمر حساام جنن امي من الصبح عاايزه وبترفع الفون على ودنها

امنيه بوجع متحاوليش حاولت اكلمه هو وسيف مقفول

زينب بخنقه : انا تعبت والله حقيقي تعبت داخله في خمس ايام ولا اعرف عنه حاجه

اسماء بضحك لا وابنك مصمم اوي انهارده دي جزاتي اني حفظته يعني

نور بضحك هاتيله الفيديو بتاعه هو وعمر لما كان بيضحكه اللي زينب صورته ده يمكن يسكت

شهد بضحك ولسه يكبر شويه كمان هيجبلها مسدس لعبه ويجلطها ويقولها هبقى ظابط زي بابا

زينب بحده اه ظابط عند امه مش ظابط زي بابا مستحيل ابقي ام متخلفه واعمل في عيالي كده وفضلت تهز حسام علشان يسكت

نرمين بحده تشكري يابنت الكلب يحيوانه

كلهم فضلوا يضحكوا فتابعت زينب بضحك وتفاجئ : سوري سوري اقسم بالله ماخدت بالي فعلا وفضلت تضحك وبتحاول تتصل بردو

سميه بضحك حقها بردو يا نرمين البت شافت المر من اخوها وجوزها

نرمين بتنهيده والله يا سميه كنت رافضه بس مازن ابني الكبير مقدرش ارفضله طلب فضل يتحايل عليا وقالي كبريني يا مرات عمي عيالك صدروني في الموضوع وانا عارفاهم مش هيبطلوا زن حتى لو قولت لمازن لا فمرضتش ازعل مازن

ياسمين بضحك حصلت وقدامي الاتنين فضلوا يتحايلوا عليه ويقولوا كلم امي انت هتعرف تقنعها

سميه بضحك كبير العيله بقي وليه هيبه

امنيه بخوف اه بس محدش يطلعهولي والله ازعلكم

كلهم فضلوا يضحكوا فتابعت نور بضحك جوزي انا حنين بيطبطب ويحايل انتي ملكيش الا مازن صح

ياسمين بضحك تبقي متاكلش وانا اطلعه والله العظيم

امنيه ضحكت بتعب وتابعت لالا هاكل

وزينب كانت بتهز حسام اللي لسه بيعيط وبيشاورلها على الفون عايز عمر فتابعت بعصبيه شديده: يابني خلاااص بقى كرهتني في نفسيي مش كدده كفاااياك ززن وقررف في اييه يا حسااام بابا .. بابا محسسني انك مش هتشووفه تااني

فحسام فضل يعيط بشده وخوف من صوتها فتابعت اسماء بعصبيه ايه يا زينب انتي اتجننتي بتزعقي للواااد

شهد بعصبيه هاتي هاتي جتك القرف ده اسلوب ده !! .. عيل يمتخلفه وعاايز ابووه يفهم ايه ده علشان تزعقليه وشالته منها وهو بيعيط بشهقات وتابعت بدموع لالالا يابا والله هعيط على عياطك اهدى يحبيبي وفضلت تبوس خده

نرمين بعصبيه تتشلي صحيح ما انتي تربيه ناقصه هقول ايه

زينب بعصبيه ودموع يجماااعه اعتبرووني اتجننت انا خلااص معتش قااادره على حساام واللي في بطني وابوهم اللي واجع قلبي وعمال بابا .. بابااا اجبله منيين باباا انااا منا زيي زيه همووت واشوفه ولسه مطلعش من البيضه وبيزن عاايزه ده يكبر شويه ويفهم اناا هتصرف ازااي بصوا حقيقي جبت اخرري خلاص لو الواحد ربنا ياخده هيرتاح وخرجت تروح المطبخ

فكلهم كانوا مصدومين من كلامها واسلوبها فتابعت امنيه بوجع علشان خاطري محدش ياخد على زينب ده ضغط نفسي وهي مش كويسه من الصبح وبتحاول تتجاهل ده وحامل وهرمونتها بتتغير طبيعي فحسام كمان بيضغطها حقيقي غصب عنها وانا قلبي معاها

نور بدموع بس مش تزعق لعيل كده والله انا عيطت من عياطه ده بصي بيتنفض في حضن شهد ازاي طب بيبي عايز ابوه غلط في ايه ياربي

اسماء تنهدت بوجع وتابعت مش عارفه اقول ايه بس بحط نفسي مكانها بتعب نفسياا

ياسمين بحزن ربنا يقويها ويطبطب على قلبها حقيقي صعبه عيل في سن صعب اصلا وبيحبي وهيسنن وهي حامل وجوزها مسافر فبصوا كان الله في العون بجدد

نرمين بتنيهده والله ما عارفه اقول ايه يابنتي ربنا يعينها علشان شكلها هتتجنن صح والله مش كلام

سميه بحزن معلش عيله بردو وكبرت فاجاه ومسئولياتها زادت ومن زينب دلوعه بيتكم لزينب ام العيال وبطولهاا

ياسمين بحزن اه حقيقي ربنا يعينها وراحت طبطبت على حسام اللي في حضن شهد وباست راسه وتابعت بحزن بس يحبيبي بس كفايه عياط بسم الله الرحمن الرحيم في ايه يعمري خلاص

شهد قعدت بيه وتنهدت بعمق وتابعت حقيقي اكتر واحد صعبان عليا هو حسام

امنيه بتنهيده وامه صدقيني ده اول امبارح كان عيد جوازها وقاعده بطولها يعيني حتي معرفتش تكلمه

اسماء بتنهيده مليانه وجع : اه فعلا صعبت عليا اوي يوم عيد جوازهم وعيطت في اوضتها الليل كله وفضلت احاول اهديها وراحت وطت على ركبتها قدام حسام لانه قاعد على رجل شهد وتابعت بحزن خلاص يعمري اهدى حقك عليا ينور عين عمتو وباست خده وتابعت بابتسامه طب بص استني اوريك حاجه وفتحت فونها جابت الفيديو بتاعه هو وعمر (( لما عمر كان بيلاعبه وحسام بيبتسم )) فحسام بطل يعيط وفضل مركز مع الفيديو وبيضحك فكلهم ضحكوا على ضحكته

فشهد باست خده وتابعت بضحك يخواتي على اللي ضحكته قمر ياناس

نور بضحك ايه يخواتي الواد العسل اللي بيحب بابا ده

اسماء الدموع اتجمعت في عينيها وابتسمت وتابعت عمر حنين عليه اوي اوي بجد فعلشان كده بيحبه ده لما زينب تحكيله وتقوله اتعصبت عليه بينكد عليها

ياسمين بحب يااربي على العسلل بجد حقيقي ربنا يرده ليهم سالم يارب

امنيه ابتسمت بتعب وتابعت عمر نسخه من سيف في حاجات كتير

اسماء بضحك اااه بس سيف اقسى سيكاا

كلهم فضلوا يضحكوا فتابعت امنيه بضحك لا ياختي ربنا يخليهولي مشوفتش منه قسوه وضحكت اوي وتابعت غير ساعه الخناقه بتاعتنا بصراحه لا ورم وشي ساعتها وعاملني معامله مساجين

كلهم فضلوا يضحكوا فتابعت سميه بضحك كنتي تستاهليها والله العظيم

امنيه بضحك حماتي دي مش امي

نرمين بضحك تربيه ناقصه صحيح ليه ياختي ماهي حماتك معاكي انتي ولا نسيتي

امنيه فضلت تضحك بشده وتابعت ما احنا هنبدل حقيقي هو ابنها وانا بنتك

نرمين بضحك ايوه اتعدلي اذا كده ماشي

وياسمين سمعت مازن بينادي فتابعت بضيق ياختتي زين صحي تااني

شهد بضحك وغمز زين بردو؟

فكلهم فضلوا يضحكوا بشده فتابعت ياسمين بضحك بس يحيوانه انتي قصدك ايه هاا

شهد بضحك قصدي اتلمواا وبطلوا تلبسوا المرقعه بتاعتكم للعيل علشان مش هيعرف يتكلم

كلهم فضلوا يضحكوا وياسمين فضلت تضحك وتابعت لالا انتي عايزه تتربي بس افضالك جوزي بينادي دلوقتي لو مردتش هطلق

شهد بضحك ااه اجري شوفي زين اجري

وحسام كان عمال يضحك بشده وصوت عالي على الفيديو فكلهم ضحكوا فتابعت نرمين بضحك بسم الله ما شاء الله عليك ينور عيني بجد

امنيه بضحك طالع سكر ودمه خفيف لابوه

اسماء بضحك فين عيال عم معتز الاتنين يظبطوكي دلوقتي

امنيه بضحك طز فيهم اخويا الكبير

نور بضحك وهي بتبص في فونها تابعت الحقو فيديو على تيك توك بيقول ايه

شهد بستغراب ايه بيقول ايه

نور فضلت تضحك وتابعت واحده في برنامج بتقولك لما تتخانقي مع جوزك وتلاقي صوتكم بدا يعلى وعايزه توقفي الخناق اعملي الحركه دي

امنيه بضحك ايوه فيديني حركه ايه بقى علشان احنا بنتخانق اكتر ما بناكل

نور فضلت تضحك وتابعت بتقولك زغرطي في وشه واطلعي اجري فهيضحك والخناقه تقف والكابشن بتاع الفيديو ازاي توقفي خناقك مع جوزك بسرعه

كلهم فضلوا يضحكوا بشده فتابعت امنيه من بين ضحكها لالا مش قادره ده اسمها ازاي تتطلقي بسرعه من جوزك مش ازاي توقفي الخناق بسرعه انا خلاص رجعت في كلامي مقدرش اعمل لسيف كده يعني يطلقني

كلهم فضلوا يضحكوا فتابعت نرمين بضحك اوعي يا امنيه صح سيف عصبي اوي مش عايزين نروح نلف عليكي في المستشفيات يابنتي

امنيه بضحك لالا حفظته خلاص مستحيل اعملها ليه اتجننت ولا ايه

شهد بضحك لا بس فكره حلوه وعجبتني

اسماء بضحك عجبتك ايه يابنت المجانين بس يابت عايزه تطلقي ولا ايه

نور فضلت تضحك وتابعت مش متخيله شكل احمد او يونس لو عملنا كده بجد

كلهم فضلوا يضحكوا فتابعت نرمين بضحك اتلموا وخلو بيتكم عمران ايه يارب بنات اخر زمن دي

سميه بضحك الواحده مننا على ايامنا كان جوزها يتعصب عليها تسكت وتعيط

نرمين بضحك دي بنات قادره ياختي عايزين يزغرطوا

فشهد فضلت تضحك فنور تابعت بضحك ايه في ايه

شهد بضحك مش قاادره بجد تخيلت الموقف بس فطست ضحك انا لازم لما احمد يرجع افتعل مشكله واجربها

كلهم فضلوا يضحكوا فتابعت امنيه بضحك اتلموا واعقلوا شويه دي امهات المستقبل ازاي دي ياربي

فكلهم ضحكوا حسام شد شعر شهد عايز يقف على رجليها فتاوهت بوجع وتابعت ااه ااه يا ابن الجزمه وضحكت وتابعت هوقفك حاضر اهدى ووقفته على رجليها وهي ماسكاه فحسام فضل يشد في البدي بتاعها من فوق

فكلهم فضلوا يضحكوا بشده فتابعت نور بضحك لالا يقلب خالتو مش حاجتكم دي

فشهد فضلت تضحك وتابعت على عيني يغوتي والله معرفش اكلك انا استني هقوم اناديلك الكلبه اللي جوه دي

اسماء بضحك مش لو كنتي ولدتي يا امنيه كنتي ساعدتي زينب دلوقتي وشيلتي عنها حسام شويه

امنيه بحب اشيله في عيني بس مش هرضعه لا

نور بضحك انتي هتجوزيها لحساام بجد ولا ايه

امنيه بضحك احنا بنهزر انما انا فعلا ضد ان القرايب يرضعوا سوا اصل افرض قدام بقينا شايفين ان ابن عمر وزينب راجل مسؤول وطالع لابوه وامان لبنتي فا ليه احرمه عليها من دلوقتي يعني فكده احسن علشان لو كان ليهم نصيب سوا يبقى ينفع يتجوزوا مكانش ليهم نصيب يبقى هما زي الاخوات عادي

اسماء بضحك يظهر ان كلامك جارح يغاليه

كلهم فضلوا يضحكوا فتابعت امنيه بضحك لا انتي كنتي لازم ترضعي مع عمر علشان لو ده مكنش حصل والله زينب كانت تفلقك نصين ولا تكلميه اصلا

كلهم فضلوا يضحكوا فتابعت شهد بضحك اه والله ده حقيقي فعلا بس انا معاكي يا امنيه مترضعيش حسام متعرفيش صح بكره في ايه

امنيه بضحك بالظبط كده وكمان بيت الرفاعي خلاني فكرت في الموضوع ده اوي لان كلكم واخدين من بعض

نور بابتسامه بالله دي احلى حاجه الواحد عملها فعلاا

شهد برفعه حاجب نعم يا ممحونه خير ??

كلهم فضلوا يضحكوا فتابعت نور بتوتر لا ولا حاجه يعمري

شهد برفعه حاجب ايوه اتظبطي كده مش ناقصين فقعه مراره علي المساا انا مش فاهمه اصلا يونس ايه يخليه يتجوز انا كنت حالفه مجوزهوش

نرمين بضحك الحب بقى هنعمل ايه يابنتي

شهد بضيق على ايه بذمتك يا مرات عمي وغمزت

نور شهقت وتابعت لا وربنا ازعلك مالي ياختي فيااا ايه وابتسمت بكيد وتابعت ده انا حتى نسخه مصغره منه

شهد بضيق نينيني بالله لولا الواد على دراعي والواد اللي في بطنك كنت هقوم اعجنك

كلهم فضلوا يضحكوا فتابعت امنيه بضحك استني تولد واعجنيها

شهد بضحك هعمل كده الصبر بس علشان ابن اخويا حبيبي

نور بتمثيل اخص عليكي يا امنيه زعلانه منك

امنيه بضحك لا يعمري مقدرش حقك عليا

فنور بعتتلها بوسه في الهوا فتابعت شهد بضيق والنبي سيبك من فقره العشق الممنوع دي وقوليلي اخويا فين

نور بحب بعتلي واتساب انه رايح مشوار مع مازن

شهد بضحك ايه ده يعني ياسمين نزلت لزين بجد المره دي

كلهم فضلوا يضحكوا فتابعت امنيه بضحك اكيد طبعاا لزين ايه يحبيبتي مش كده صحتها بردو

شهد بضحك هي دي بيفرق معاها دي قادره

نرمين بضحك قصدك ناصحه وبتراعي ابو ابنها يا مقصوفه الرقبه

شهد بضحك يمرات عمي لالا دي مش مراعيه دي متربتش والله

نرمين بضحك شوف البت ماهو جوزها يا ام لسانين ياللي هتطلقي انتي ومش هتعمري سنه

شهد بابتسامه لالا انا عارفه بجيب حمودي ازاي بس مش بقول علشان الحسد

كلهم فضلوا يضحكوا فنور ضربتها بكتفها في كتف شهد وتباعت بغمز عرفيني انا

شهد بضحك لو قولتلك تقلديني ??

امنيه بضحك اخت صالحه والله عايزه تدلع اخوهاا

شهد بضحك طبعا ده نورعيني ده

نور بضحك ياستي اقلدك وماله هو عيب قوليلي بقى

فشهد همستلها برقصله فنور اتكسفت وفضلت تضحك وتابعت لا هو عيب فعلا انا معرفش اعمل كده رجعت في كلامي

شهد بضحك وغمز يابت هتعمليهم علياا ده احنا دافنينه سواا ولا نسيتي البرنده

نور بضحك وهمس بعرف اه بس ليونس لا طبعا انتي اتجننتي واصلا ازاي هو يقعد يتفرج ده دكتور محترم يا شهد

شهد هو انا متجوزه عربجي ولا ايه ياقلب شهد ??

نور فضلت تضحك بشده وتابعت لالا مش كده بس ازاي بجد يونس لا ده محتررم اوي بجد

شهد بضحك نهارك اسود وازرق وكل الالوان لما جوزك ولسه شيفااه محترم تبقي قادره ومنكده على الراجل ليل نهاار لان مش منطقي يكون محتررم خالص

نور فضلت تضحك وتابعت لالا هو مش محترم اوي يعني متافوريش بس شغل انه يقعد يتفرج وكده حساه مثقف ومحترم واعلى من انه يعمل كده

شهد بضحك يحبيبتي انا دكتوره في كليه طب واشتغلت رقاصه من ساعه ما اتجوزت ده جوزي انتي بتقولي اييه

نور فضلت تضحك وتابعت اخويا مترباش انا معترفه فخلاكي اتغيرتي

شهد بضحك لا انا رقاصه من زمان هو طلع المواهب المدفونه بس

فنور فضلت تضحك وزينب دخلت وتابعت بتنهيده طب كفاياكم همس وضحك وامسكي السيريلاك ده اكلي الواد مش خاله ببلاش انتي

شهد بضحك هاتي ياختي اخيرا بقى عندك دم وحسيت ان ابنك جعان

نرمين بتنهيده كنتي فين كل ده يا زينب

زينب بتنهيده بكلم مازن علشان قالي ان هو نازل فاشوف البيت ناقصه ايه واقوله بالمره فكنت بدور وقولتله كل حاجه وبعمل اللبن وفار مني فبعمله تاني

امنيه بتنهيده: يا زينب مكنتيش تقوليله ما بيرضاش ياخد مني الحساب

زينب بتنهيده والله يا امنيه قولتله زعق فيا فانا مش ناقصه بصراحه

نور مازن مش هياخد حاجه صح فمتحاولوش ده مره بقول لامي تجيبلي حاجات كنت محتجاها وهي راجعه من السوق وبجيب الفلوس من الدرج رجعت لقيته بيقولها هاتيلها وهاتيلها ومشاها تنزل ومرضيش ياخد مني ولا جنيه ولا يخليها تاخد مني حاجه ومع ان الحمدلله يونس مادياا مبسوط بس هو محسبهاش كده وبردو مخدش حاجه

نرمين بحب اتعود على كده فلما واحده فيكم ترفض تكون مسئوليته هيضايق ويحس انكم اتغيرتوا فعلى قد مايقدر يعمل بيعمل وانتي يا امنيه جوزك ابن عمه وزي اخوه وانتي اخته من زمان فخلاص متزعليهوش

امنيه بتنهيده والله يا ماما لساني وجعني من الكلام معاه في الموضوع ده فبقيت بسكت مؤخرا بس بحاول مقولوش الحاجات اللي محتاجاها مش بحب اتقل عليه بردو ده اب وعنده بيته وعلشان عارف اني مش هقوله كلم زينب

سميه بحب ربنا يحميه ويديمه ليكم كبير العيله بحق وحقيقي

نور بحب عادي يا منونه هو بيعتبرك زيي وانتي كمان عنده هو ويونس اكبر مسئوليه الفتره دي

نرمين بتنهيده ربنا يقومها بالف خير ويرجع سيف بالف سلامه يارب

الجميع: اللهم امين يارب

فشهد فضلت تاكل حسام وبتبتسمله وهو بيضحكلها وزينب بصتله وابتسمت وحست بحزن من تصرفاتها معاه فخرجت راحت المطبخ وشغلت النار على اللبن تاني وعيطت بصمت وغمضت عينيها بقهر وهمست واحشتني اوي والله هموت من غيرك يا عمر كتير اوي يارب عليا كل ده كتيير وبطنها وجعتها فجريت على الحمام وفضلت تستفرغ وشغلت الحنفيه على الاخر علشان محدش يسمع وخلصت وبصت للمرايه وعينيها حمرا من الدموع اللي حبساها وسرحت

فلاااش بااك

عمر بضحك هتشوفي هتشوفي وابتسم وتابع المهم انا حبيت ابدأ عمرك الجديد معاكي ويعلم ربنا خليت واحد من الكتيبه اللي انا دربتها متجوز هنا علشان سيناوي مراته عملتلي التورته دي مخصوص علشان احتفل بيكي

زينب دموعها نزلت بفرح وتابعت ربنا ميحرمنيش منك ابدا يااارب ينورعيني بجد مش عارفه اقولك انت فرحتني ازاي حقيقي كنت لسه في بالي وتعبتك اوي بجد

عمر بضحك علشان تعرفي بس بحس بيكي اهو ومفيش تعب يا هبله فرحك مسئوليتي اصلا وابتسم وتابع هابي بيرث داي تو يو .. هابي بيرث داي تو يو .. هابي بيرث داي ماي لاڤ .. هابي بيرث داي تو يو

زينب دموعها نزلت بفرح شديد وتابعت عمري كله هيفضل سعيد علشان انت فيه مش العيد ميلاد ده بس

عمر بضحك والله بموت فيكي وعايز ارزعك حته بوسه بس مش عارف للاسف

زينب فضلت تضحك وتابعت انت لسه بردو متحرش متربتش من الجيش لا

عمر فضل يضحك وتابع انا بتربى في الجيش فمعاكي انتي باخد راحتي بقى ماهو مش كل حاجه عذاب

زينب بضحك لا اقنعتني بصراحه

عمر ضحك وتابع بحب ها اتمني امنيه واطفيلك انا الشمعه

زينب غمضت عينيها وابتسمت واتمنت في سرها ان ربنا يحفظلها عمر واخوها لانهم في الجيش وابنها يجي بالف خير ويديم حب عمر ليها وفتحت فعمر طفى الشمعه فسقفت بفرح وعمر ضحك على فرحتها

باااك

فحطت ايديها على بوقها وفضلت تعيط بانهياار شديد وتابعت واحشتني اووي يعمر انت وسيف الواحد حاسس انه اتيتم في غيابكم بجدد مكنش لياا غيركم واللي كان بيهون عليا راح وقهرني عليه وفضلت تعيط وتابعت حتى عيد جوازنا جيه ومكنتش جنبي زي عيد ميلادي بس سبتلي حته منك يطبطب شويه على قلبي وببص في وشه كاني شيفاك في صغرك وحقيقي مقصدش اتعصب عليه بس مش قادره من الضغط تعبت خلااص حاسه كل حاجه واجعااني وخرجت بتتسند ووقفت جنب اللبن ودموعها بتنزل بصمت وبتسرح كتير فاللبن فار تاني فبتحاول تشيله تلحقه اتدلق على ايديها فصرخت بالم وفضلت تعيط وده خلاهم يسمعوها فتابعت نرمين بخوف ماالك يابت وجات تجري عليها فشافتها واقفه بتعيط وماسكه ايديها فتابعت بخوف ينيلك بت يا زينب مش تاخدي بالك يماا ومسكت ايديها تحطها تحت الحنفيه

فتابعت اسماء بخوف طب شوفوا مرهم ميبو ولو حد عنده هناا

نور بقلق اه اه عندي هنزل اجيبه بسرعه وجايه

فجات شهد وهي شايله حسام وبتاكله وتابعت بخوف يالهوي يازينب مش تاخدي بالك

زينب بعياط سرحت شويه ااه يا ماما خلاص مش قاادره ااه

وثواني ونور طلعت بلمرهم فتابعت بخوف امسكي امسكي يا مرات عمي

نرمين بحزن معلش يابنتي اقفي اعملي كوبايه اللبن لمرات اخوكي تسندها شويه

نور بحب حاضر طبعا من عيني

شهد بهمس بتعرفي ولا هتفضحينا ??

نور بتوتر لالا هعرف متقلقيش انا ساعات بسرح وبيفور بس لا هركز

شهد طب هقعد في المطبخ معاكي وانا باكل الواد اهو انجزي

نور بحب ماشي وهمست وعايزاكي صح تختاري معايا لبسي علشان عايزه اطلع كام حاجه متفتحتش

شهد بضحك وغمز ايوه كده تعجبيني عيوني ليكي

ونور فضلت ترغي مع شهد وعملت كوبايه اللبن لامنيه ودخلتها ليها فامنيه ابتسمت وتابعت بحب تعبتك ينورعيني

نور بحب تعبك راحه يمرات اخويا متقوليش كده وقعدت جنب زينب على الكنبه ونرمين كانت حضناها وبتمشي ايديها على شعرها

فنور ابتسمت بحزن وبصت لايديها وتابعت ده سرحان بسبب عمر مش كده

زينب سمعت اسمه فضلت تعيط لانه واحشها جدا ودموعها وجعت قلب امنيه ودموعها نزلت هي كمان بصمت فتابعت نور بوجع حقك على عيني وخدتها في حضنها وفضلت تطبطب عليها وتبوس راسها وتابعت هيرجع بالف خير وتحضنيه وتشبعي منه والله

زينب بعياط ووجع طب انا سيبك مني انا كبيره واتعودت يا نور انما ابني ذنبه ايه ياربي وعيطت بانهيار وتابعت ذنبه ايه العيل يتحرم من ابوه واتعصب عليه اخليه يتنفض بالشكل ده من كتر منا مضغوطه اما هيكرهني

كلهم قلبهم وجعها من عياطها وكلامها وامنيه خافت جدا من المستقبل وحطت ايديها على بطنها فتابعت نور بدموع لالا حسام عمره مايكرهك والله ده انتي امه ومهما تعملي هيفضل بيحبك ومتعلق بيكي يهبله بس علشان باباه واحشه ده طفل بردو ميفهمش

فحسام شاف زينب بتعيط فبصلها وفضل يعيط فتابعت شهد بدموع بصي يا زينب حرام عليكي عيطيه فتابعت زينب بعياط تعالى يانورعيني نزليه يشهد هو هيحبي ويجيلي

شهد بخوف بيعرف ??

اسماء بحزن اه اه متقلقيش بيعرف يزحف كده

فشهد نزلته وهو بدا فعلا يزحف على بطنه وهو بيعيط وراح لحد زينب فشالته وهي بتعيط وفضلت تبوس خده وتحضنه وتابعت حقك عليا يبني حقك عليا ينورعيني انا اسفه والله اسفه مش هزعقلك كده تاني والله وفضلت تبوس خده وايديه فحسام عيط وتابع باا فعيطت زينب وتابعت حاضر والله من عيوني يقلبي هخليك تكلم بابا هو واحشني انا كمان والله يحسام وعيطت وتابعت بس انت حقك عليا متزعلش مني ده انا ماليش غيرك في غيابه مش قصدي اخوفك مني واتعصب عليك والله انت ملكش ذنب ده حقك وحضنته وفضلت تعيط فحسام عيط في حضنها وفضل يشد الدريس بتاعها فزينب ابتسمت من بين دموعها وتابعت هاكلك عيني حاضر

شهد بدموع امسكي اكله اهو

زينب بحب لا هو عايز يرضع هرضعه علشان خلاص شهرين وهيتفطم ونزلت الدريس بتاعها شويه وبدات ترضعه وهو سكت فابتسمتله بعشق وباست ايديه اللي حاططها على صدرها

نور بدموع ربنا يخليهولك يحبيبتي بجد

زينب بدموع يارب والله ده هو اللي مصبرني حقيقي ينور

اسماء ابتسمت من بين دموعها وتابعت عمر الصغير بقى

زينب بضحك من بين دموعها ده حقيقي انتي بتقولي فيها وفضلت تمشي ايديها على شعره وتمسح دموعها وتابعت كل دنيتي ده

—

في المستشفى العسكريه كانت الكتيبه كلها قاعده على اعصابهم وفي نفس اللحظه خرج الدكتور فقاموا كلهم راحوا عليه

فتابع حسن بخوف ودقات قلبه عاليه جدا ها يا دكتور طمني عمر بخير صح ؟

الدكتور بقلق اه بخير بس نزف كتير ومحتاجين متبرع لان الكميه مش قليله احنا عوضنا باكياس من بنك الدم بس لسه محتاجين

ادم بخوف ايه فصيله دمه طيب يا دكتور كلنا تحت امرك

الدكتور بخوف نحمد ربنا هو AB ودي فصيله حلوه جدا ومستقبل عاام فأي حد يجي عاادي بس بشرط ميكونش بياخد ادويه ولا عنده امراض مزمنه

حسن بخوف انا يا دكتور جاهز ابوس ايدك يلا بسرعه

الدكتور بخوف لوحدك مش هينفع الكميه مش صغيره

ادم بخوف ياسيدي وانا كمان يلا بس اهم حاجه عمر يفوق

صالح بحده استنوا انت وهو مش هتمتوا نفسكم يعني بيقولك الكميه كبييره فكل واحد هيتبرع بجزء علشان نبقي مسنودين كلنا ومحدش يقع من طوله احنا مش ناقصين

رؤوف ايوه انا معاك بصراحه ده الصح

عصام بتمثيل كان نفسي يرجاله بس انا باخد ادويه للاسف

جاسر بتمثيل لا يغالي محنا مكناش هنطلب منك انت جسمك ضعيف لوحده متقلقش لتقع مننا ولا حاجه وحاول يمنع عصبيه

احمد اتعصب جدا من رخصه بس حاول ميبينش وتابع بحده يلا يا دكتور كلنا جاهزين ولا حد تاني معترض

فكلهم قالوا لا طبعا معااك

فحسن وهو بيتبرع تابع بخوف هو يا دكتور اصابه عمر خطيره لدرجه كل النزيف ده !! طمني ابوس ايدك

الدكتور طبطب على كتفه وتابع صاحبك بطل وهيقوم منهاا كل الحكايه عنده سيوله في الدم فعملت كده

حسن تنهد بارتياح وفضل يدعي ربنا تعدي على خير

وكلهم اتبرعوا بالفعل وبعد شويه الدكتور خرج فكلهم راحوا عليه تاني فتابع ادم بخوف ها طمنا

حسن بخوف عمر بقى كويس ولا ايه قول

الدكتوره بابتسامه الحمدلله قدرنا نخرج الرصاصه بسلام

كلهم تنهدوا بارتياح وحمدوا ربنا واصوات شكر وحمد لربنا خارجه من ناس بتحبه فعلا ملت المكان فتابع حسن بدموع الفرح الف وحمد وشكر ليك يارب طب ايه هنشوفه امتى

الدكتور بابتسامه لا هو هيفوق بكره باذن الله نحمد ربنا جات لحد كده الرصاصه كانت قريبه جدا من عضمه الترقوه بس تأثيرها الاكبر كان على اول الكتف ولو كان اتصاب في الشريان اللي تحت الترقوه كان هيسببله نزيف داخلي او الاعصاب الضفيره العضديه كانت هتسبب شلل جزئي او كامل في الدراع فنحمد ربنا كان فاضله 2 سم ويحصله كده الرصاصه مكانها رخم بس مكسرتش العضم ودي اهم حاجه لانه لو كان اتكسر كان هيفضل فتره كبييره كده ميحركش دراعه وهيعوز علاج طبيعي كمان

كلهم حمدوا ربنا فتنهد حسن برتياح وتابع طب هو كده تمام صح هيفوق وهيبقى زي الفل مش كده ؟؟

الدكتور بابتسامه اه اصابه خفيفه هتقعد شهر ونص بس متخافش

حسن ملامحه اتبدلت وتابع لا ده مفيش حاجه خفيفه غير دم حضرتك شربااات واتعصب وتابع هو ايه اللي شهر ونص ليه ماله عمر

ادم بحرج بس يا حسن اهدى مش كده ابوس ايدك حقك عليا انا يا دكتور

الدكتور بتنهيده لا حصل خير ربنا يطمنكم عليه

حسن بدموع وعصبيه عمرر هيعجز شهر ونص بسببنا ويقولك خفيفه ده بيهزرر

جاسر حضنه وفضل يطبطب عليه بحزن ودموعه نزلت فتابع حسن بعصبيه ودموع: الواحد يقول ايه لاهله بجد معرفناش نحمي اخوناا واتعصب وتابع رقده عمر في السرير الشهر والنص دول وبعده عن شغله وسمه عاار علينا كلنااا وحيدر بيعرفنا فكل مره نلاقيه هو والقائد مش موجودين انه علم عليناا

عصام ابتسم وخرج يكلم حيدر ويقوله ان فعلا سيف مش متفق مع كتيبته وفاكرينه اتاخد رهينه بجد زي ما اتفقوا ويبلغه باصابه عمر فتابع احمد بعصبيه ابن الوسخ الزباله رايح يشمت فيناا مع حيدر وانت بتوريه ضعفك

حسن بعصبيه ودموع ياعم دي مصيبه انتوا ازااي معندكوش دمم كدده ومش بتحسواا مايغور هو وحيدر في ستين داهيه الواحد مقهور

ادم بغل محدش هيوصلنا لحيدر غير ابن الكلاب دده

صالح بعصبيه مينفعش يغبي هيقولهم علطول ان القائد منبهنا منه فهيقتلوه هنااك

رؤوف بحده مالك يا ادم اتجننت انت نسيت ان القائد قالنا انه جاسوس وسطنا ووصلنا لاننا نستناه يشرب القهوه اللي فيها منوم اللي بنحطه بالليل ولما يتخمد كنا ندرب بقوه من غيره وكل ده علشان يروح يقول لحيدر اننا بندرب بضعف ونوهمهم انهم اقوي مننا

ادم بعصبيه منستش بس هو الوحيد اللي يعرف يوصلنا اننا نرجع القائد كده مش هينفع

حسن بتفكير ووجع الحوار ده في إنة مش مفهمومه ليه سيف بيه اصلا عايزنا نوصلهم اننا بنتدرب بضعف طب ما نتدرب زي عادتنا ايه الجديد

مؤمن بتنهيده يغبي ما اخوك قالك علشان عصام يوصلهم اننا اضعف منهم ونوهمهم اننا هنخسر

حسن تؤ تؤ طب ما من اول مواجهه بينا هيبان اننا جامدين وعصام كدااب فا لو خدعناهم مره مش هنخدعهم التانيه .. القائد عمل كده لسبب بس انا مش عارف افهمه هو وخروجه باستهتار من غير ميأمن ضهره وخناقه مع اتنين منهم بعيد من غير مايقتلهم يا ييقتلوه

عامر برفعه حاجب انت بتفكر في ايه يا حسن

حسن بتفكير مش عارف بس اللوا لازم يعرف كل ده في حته واقعه ولازم الاقيها

—-

عند نور كانت هي وشهد في اوضتها هي ويونس .. يونس مع مازن برا في مشوار يخص شغل مازن

شهد باعجاب بس حلوين اوي دول اركني بقي كل اللي طلعتيه اول جوازك ده ميأكلش عيش

نور قعدت على السرير وتابعت بتوتر حاسه اني اختارت الشخص الغلط اصل بديهي ده اخوكي فتختااري كل الهدوم المايعه دي

شهد فضلت تضحك وتابعت: نور فكيها بجد بدل ما يتجوز عليكي انا حذرتك اهو

نور بغيره ده انا اقتله هو وهي انتي بتهزري ولا ايه

شهد بابتسامه طب وعلى ايه كل ده بذمتك انا مش قصدي حاجه والله بس دول انتي جبتيهم من زمان يعني قبل حتى ما تعرفي ان يونس نصيبك مين غيره بقى يستاهل انك تلبسي دول وتتظبطي قدامه

نور تنهدت بحزن وبصت للارض وتابعت محدش غيره يا شهد يستاهل كل حاجه حلوه ده حقيقي وبصتلها وتابعت يمكن العيب فيا انا

شهد ابتسمت بحب وتابعت انتي مفكيش عيب انتي ست البنات وطبيعي جداا مش هتعرفي في اول كام شهر جواز ولا حته سنه تتعودي ان ابيه بقى حبيبك وجوزك فانا فهماكي ويمكن لو كنت اتجوزتي اي حد تاني مكنتيش واجهتي نفس المشكله لان انتي مشكلتك ان يونس نفسه كنتي شايفاه اخوكي

نور ابتسمت بحزن وتابعت اه بالظبط كده انما انا صدقيني دلوقتي بعشقه

شهد ابتسمت بحب وتابعت عارفه على فكره وباين عليكي بس علشان خاطري فكيها شويه واسمعي كلامي والبسي من دول

نور ابتسمت بحب وتابعت حاضر وصدقيني مش مجبره ولا حاجه علشان ده الصح بس انا فعلا نفسي اراضيه باي شكل

شهد بحب وهو راضي صدقيني وبيحبك ومش عارف يشوف غيبك ولا هيعرف فاحنا نقدر النقطه دي

نور بحب عيوني والله انا عملتله انهارده مكرونه بشاميل وبانيه لانه كان طالبها مني بقاله فتره وقولتله معرفش بس جبتها يوتيوب وقلدتها واختاريلي بقى حاجه علشان البسها

شهد حضنتها بفرح وتابعت يخواتي يا ناس على مرات اخويا الشاطره ايه يا بت الحلاوه دي لا لازم اذوق المكرونه قبل ما اطلع

نور ضحكت وتابعت ده انا عيوني ليكي والله الف هنا خديها كلها وسيبي حته لاخوكي بس

شهد بضحك والله انتي حبيبتي شكلي هحبك يابت يانور وباست خدها وتابعت بس لا هاخد واسيبلكم الصنيه المهم

نور بحماس معاكي قولي

شهد بحب انتي بسم الله ما شاء الله شعرك وملامحك بيرفكت فمتحطيش ميكاب كتير والبسي الدريس ده مش لانجيري ياست اهو ابسطي

نور فضلت تضحك وتابعت لا فرقت بصراحه يبنتي ده كب وماسك من عند الصدر وبعدين نازل بواسع شويه وطوله لحد قبل ركبتي بكتير يعني مغطي ايه ده

شهد بضحك مش لازم نغطي يحبيبتي هو محدش غريب هيبقى قاعد ده جوزك ابو اللي في بطنك ياستي اتلمي بقى وعيب على بطنك بقى ياستي

نور بضحك والله انتي مهزقه بس حتى لونه اسود هو ده لون

شهد باعجاب يا متخلفه انتي بيضه اوي وشعرك بني فاتح وطويل وعيونك عسلي كله فواتح فا ده ستان اسود هيخليكي ملكه كده وميكاب كشمير هادي بقى وبصي هتقعديه جنبك

نور بضحك اقعده جنبي مين ورانا شفوي ومفروض في مذاكره

شهد بضحك انتي مش قولتيلي ذاكرتي شويه ماتتلمي بقى

نور بضحك اه بصراحه وكمان مش عارفه يونس بكره ولا بعده هيسمع هساله

شهد بضحك فكل الحالات راضيه انهارده علشان الطلبه تدعيلك

نور فضلت تضحك وتابعت عيني حاضر هقوم البسه دلوقتي طيب ??

شهد بحب لا استني لانه هيجي ياخد شاور وياكل لو شافك كده من علي الباب بقي انتي فاهمه

نور فضلت تضحك وتابعت اتربي يابت الله وقامت ترص الهدوم وتابعت شوفيلي بقى احط انهي بادي سبلاش انهارده

شهد قامت قعدت قدام تسريحتها وفضلت ترش علي ايديها وتشم وقررت نفس الحركه لحد ما واحد عجبها اوي وتابعت وااو بجد انا هصوره واجيب زيه حطي من ده خطير بجد يانور انا مش فاهمه مقربتيش تخلصيه ازاي

نور انهي ده ؟؟ ولفت بصتلها وتابعت ااه ده انا بحبه اوي بس مره واتنين يونس يقولي بيخنق فبطلت احطه

شهد رشت منه وغمضت وتابعت باستمتاع : بقى ده بيخنق اخص عليك ياخويااا اخص

نور فضلت تضحك وقفلت الدولاب وتابعت اه والله قالي كده فقعدني منه اوي فمبقتش احب احطه

شهد بضحك بصي هو تحفه بس ريحته قويه اووي ويونس فعلا بيتخنق من الحاجات دي يعني بصي البرفيوم بتاعه ورشت على ايديها وشمت وتابعت هاادي جداا بطريقه تخليكي تشميه من هنا تحسي اعصابك ارتاحت بصي ومدتلها ايديها

نور بضحك عارفاهم ياختي وحفظاهم كلهم وكنت بعشق ده اللي انتي حطتيه لدرجه لما كان ينزل الجامعه لوحده ويوحشني كنت ارش منه في الاوضه واحس كانه لسه خارج مثلا وبعرفه منه لما يجي من برا بس مؤخراا خليته يبطل يحط خالص بستفرغ منهم

شهد بضحك بعيدا عن انك حامل فطبيعي اه متحبيهمش بس ايه محن الكلاب دهه انتي واقعه في اخوياا اوي كده ليه يابت

نور بضحك الله مش ده كلامك وهو جوزي وابو ابني وحطت ايديها على بطنها

شهد بضحك وغمز شويه كمان ومحدش هيعرف يلمك ماشي يانور وبصت تجرب باقي البادي سبلاس

فنور فضلت تضحك وتابعت خديه بجد طلما عجبك لو مخنقش احمد انا مش هحط منه تاني خلاص

شهد بضحك حبيبت قلبي ان شاالله يخليكي لياا يارب بس عادي احمد بنسباله كل حاجه رضا مبيتخنقش ده انا بتمني يتخنق بس لا مفيش حاجه بتعطله

نور فضلت تضحك بشده وتابعت خلاص خديه مبرووك عليكي شوفيلي بقى انا حاجه شوجري او فانيليا كده

شهد بضحك وغمز بقيتي مش سالكه يابت

نور بضحك اخوكي ياختي اللي بيحبهم كده مش انا .. اديكي شميتي البادي سبلاش بتاعي ده كنت حريقه فيه وانا بنت بس لما اتجوزته قالي بيخنقي وريحته اوفر فقفلني منه خالص بقى وحتى البرفيوم بتاعتي يونس اللي مختاره مكنش ده بردو

شهد بضحك ياستي مايختار المهم هو مفيش حاجه تعكنن عليه احنا كله تحفه بنسبالنا وبنحتار بين 100 ريحه

نور بضحك اه والله على رايك بيحصل

شهد بضحك اه منا عارفه ورشت من واحد وتابعت باعجاب تحفه ده تحسي مزيج بين فانيليا وفراوله ها ايه رايك

نور بحب خلاص يبقى ده وبصت في المرايه وتنهدت وتابعت هو الواحد هيتخن امتى بقى ما جواز واتجوزنا وحمل وحملنا

شهد بصتلها وتابعت سيبك من الكلام ده كله ادينا اختارنا مالك بقى وقامت وخدتها وقعدت على السرير ونور قعدت قدامها وتابعت بتنهيده مفيش يشهد بس بجد انا ضعيفه اوي ايه ده

شهد معتقدش ان يونس علق قبل كده صح؟

وشهد شافت يونس جيه من برا وكان هيدخل الاوضه بس وقف مستغرب بيتكلموا على ايه لانه سمع شهد وعمل لشهد اسكتي

فتابعت نور بحب لا معلقش انا فعلا متجوزه سيد الرجال مش مجرد كلمه بتتقال وخلاص

شهد بصتله لقيته مبتسم بعدين بصتلها وتابعت بحب وهي بتحط ايديها على ايد نور: واما هو كده وجوزك بيحبك وعجباه انتي فارقلك ليه

نور بتنهيده عايزه احس اني زيي زي الناس لما البس الكلام ده .. شهد هو انتي فاكره اني عاجبني الجو اللي معيشه يونس فيه ؟؟!! لو هتكلم بالعقل فيونس يستحق ست البنات واحده تعامله معامله مميزه زي ياسمين مع اخويا مثلاا .. بعيدا عن الهزار بس هي فعلا عجبااني لعمرنا سمعنا صوتهم ولا الامور كبرت هي بتبدا بينهم وبتخلص بينهم ومخلياه عينيه مليانه بيهاا بحق انما انا كل ما احاول شكلي مبيعجبنيش فبقوم مغيره ده الدريس اللي انتي اختارتيه ده ضيق هيبقي مظبوط فمش كده بجد ده انا جسمي كله صغنن وبطني منفوخه كده فشكلي مش عاجبني بجدد

يونس تنهد وهز راسه بيأس من تفكيرها فشهد ابتسمت وتابعت بحب ويونس مش عايز غير نور وحب نور رغم انها حبت قبله ومحبتهوش وفضل يحبها وبالنسباله دلوقتي قلبك هو كل حاجه يتمناها فا البسي واعملي وثقي في نفسك وخليكي متاكده انه بينبهر بيكي فعلا فكل حالاتك وعجباه على كده وراضي مبالك لو حاولتي تفتحي نفسه شويه وضحكت وتابعت تفتكري هيعمل ايه

نور ابتسمت وتابعت بحب انا عيني ليونس ورغم اني خجوله اوي معاه ومش بقوله كلام حلو كتير زي ما اكيد بيتمنى يسمع الا اني لما ببص في عينيه ببقى عايزه اقوله يبختي بيك انا متجوزه اجمل واحن راجل في الدنياا وربنا كان رحيم بيااا اوي انه جعلك نصيبي وابتسمت اوي وتابعت بحب واضح: عارفه ياشهد بيهمه انا وراحتي اكتر من اي حاجه وحتى يوم ما تتمم جوازه مني كان نيابه عن رغبتي انا مش هوو لانه كان سايبني براحتي جدا وساعتها انا تعبت جامد بسبب انك عارفه كان عندي بلاوي سودا وهو زعل كده واتأنب انه لمسني رغم انه حقه .. رغم انه مأذانيش .. بس انا اللي تعبانه وعندي مشاكل ساعتها حنيته دي كانت كفيله تخليني اديه عيني وانسي اي تعب وفضلت احسب واخطط لحملي علشان انا فعلا اتمنيت اشيل حته منه عايزاه يعرف اني بحبه بجد لان يونس طول الوقت مقتنع ان هو بيحبني وبيموت فيا انما بينه وبين نفسه بيقول نور بتحبني اه بس مش اللي حب اللي في خياله بس لالا والله ياشهد لا انا بقيت بعشقه

وابتسمت والدموع اتجمعت في عينيها وتابعت بعشقه لدرجه اني لما بقوم قبله من النوم وبلاقيه حاطط ايديه عليا وواخدني في حضنه بتعدل كده وابص لملامحه وابتسم واقول ازاي كنت هبقى لراجل غيرك وانت مع واحده تانيه وتحضنها كده وتشيل ابنك فمن الفكره بس فضلت اغلي في نفسي وولعت ومستحملتش قولت انا ازاي بجد كنت سايبه ابن عمي وحبيبي واخويا وصاحبي وروحت حطيت ايدي في الزباله طلعت واحد اتجوزته ودموعها نزلت وتابعت فيونس بنسبالي مش جوزي بس ده انا مقدرش اعيش حياتي من غير وجوده يونس كل حاجه يا شهد بمعناها الحرفي وكنت برجعله فكل حاجه حتى لو قاسم ومازن كانوا راضين بس معرفش مشاركوش كان صاحبي وكل حاجه ليا اتااري ربنا حاطط كل التعلق ده جواياا لاجل انه عالم ان نور ليونس غصب عن اي حد ولما بغير اوي وبقول ازاي كان هيلمس غيري برجع اهدي نفسي واقول لا عمرها ماكنت هتحصل هو محبش غيرك وقصتكم مكتوبه من فوق وكده كده هيبقى ليكي فلاقيني هديت شويه يمكن هو بيحس غيرتي عليه من الطلاب حركات عيال بس هو مش مستوعب ان الفكره بقيت بتجنني بجد اصل ده جوزي انا وابو ابني انا فمش اباجوره علشان تبصيله قدامي فحقيقي الحمدلله الف مره انه نصيبي وبسمع ان العوض على قد الوجع بس بشوف يونس عوض اكبر بكتيير من وجعي مش ده اللي يعوض قاسم لا .. قاسم كلب ورخيص ولا يسوى واي واحد ابن ناس يبقى مكانه ويعوضه عادي انما انا ربنا اداني سيد الناس كلهم يا شهد ببقي نفسي اقوله كده والله بس بخاف ميصدقش علشان شاف حبي الاول ولهفتي علي قاسم وبتكسف في نفس الوقت منه ومبعرفش انطق لما بيبصلي بعينه فبتوتر وبنسي الدنيا بس الاكيد اني عيطت يوم ولا اتنين ولا حتي شهر مش مهم ده ربنا عوضني لحد ما اموت بوجوده جنبي وهو قالي وانا منهاره ولحقني من الانتحار صدقيني ليكي عوض وكله عند ربنا ليه سبب وابتسمت وتابعت واتاري عوضي كان واقف بيتكلم عن نفسه وطول الوقت افعاله قالت بس انا اللي كنت غبيه واحمد ربنا انه اراد ميضيعش من ايدي وخطه زباله عملها قاسم كانت سبب في قاعدتي دي في بيتي دلوقتي ويارب انا امشي قبله لاني فعلا هتوه من غيره

شهد دموعها نزلت بتأثر شديد ويونس زيها غمض عينيه بتأثر شديد ودموعه نزلت بحب باالغ وكان بيتمنى يدخل حضنها وميخرجهاش من حضنه دلوقتي حس فعلا ان ربنا عوضه هو دلوقتي بانه سمع الكلام ده وعمره ماكان يتخيل يسمعه علطول كان فاكر حب نور بسيط او علشان هو بقي نصيبها وبيحبها فحبته اول مره يحس بعشقها ليه كده ففرحته كانت مش سيعاه ومشي دخل الحمام يغسل وشه وشهد كانت بتطبطب عليها وتابعت بدموع ايه يا بت الحلويات والمشاعر دي كلها عيطيني يخربيتك عايزه اقولك غيرانه منك والله وانتي بتتكلمي بس كلامك عجبني فهسكت يبخته بيكي ويبختك بيه ينور عيني وماتقوليش كده انتم الاتنين عوض بعض يونس فضل مستني العمر كله علشان الكلام ده دلوقتي يتقال وحاسس ان ربنا اداه كل حاجه اتمناها واكتر بوجودك جنبه وانتي كمان حاسه ان انتي خدتي اكتر من عوضك بس الحقيقه ان انتم الاتنين كملتوا بعض وعوض لبعض ومكتوبين لبعض من البدايه فعلا فربنا يديمكم لبعض يعمري ونفرح بعيالكم وابتسمت وتابعت وانا هقوم امشي علشان احمد قالي عايزني ضروري ونسيت فطالعه اكلمه هاا

نور ابتسمت بحب وتابعت روحي يعمري

وشهد طلعت لقيت يونس واقف في الصاله حاطط ايديه في جيب بنطلونه فغمزت وتابعت بضحك وهمس طبعا المود عالي اقصى حاجه

يونس ابتسم بفرح وتابع بصي وربنا مش عارف استوعب بس مبسوط

شهد ضحكت بصوت واطي وحضنته وباست خده وتابعت بهمس وغمز انچوي بقى

فيونس ضحك وتابع ماشي يجزمه حفلي حفلي

فشهد ضحكت وطلعت وقفلت ويونس استنى دققتين وعمل اصوات بمفاتيحه وفتح الباب وقفله علشان يلفت نظر نور انه جيه وفعلا خرجت وهي بتبتسم وتابعت الف حمدلله على السلامه يحبيبي غير هدومك وخد شاور لحد ما احضرلك الغدا

يونس شاورلها وتابع بحب تعاالي بس

فنور راحت وقفت قدامه وهي بتبتسم فحضنها بكل قوته وهي اتفاجئت في البدايه بعدين ابتسمت بحب واضح وحطت ايديها حوالين رقبته وضمته ليها اكتر ويونس حط ايديه الاتنين على ضهرها وشدها ليه اوي وسند طوله وهو حاضنها فـ نور رجليها اترفعت ومبقيتش طايله الارض وابتسمت وحضنته اوي وهمست بحبك

فابتسم يونس بحب وهمس وانا بموت فيكي بجد ووطي راسه باس كتفها وهو حاضنها

فابتسمت نور وبصتله وتابعت بحب اول مره متقوليش وانا اكتر

يونس ابتسم بحب وتابع هو كده كده انا اكتر وباسها برقه وهمس بس حبيت اغير المره دي واقولك كلمه اعمق وهي اني بموت فيكي فعلا

فـ نور ابتسمت بعشق وتابعت روح خد شاور علشان محضرالك مفاجاه تحفه على الغدا

يونس ابتسم بحب وتابع ده من عيوني هوا حضريلي بس هدوم علشان لما اخلص شاور

نور بحب عيوني يحبيبي حاضر

يونس باس خدها وتابع بحب تسلملي عيونك

ودخل ياخد شاور ونور ابتسمت ودخلت ترص الاكل وتحضره

—–

عند سيف بص ملقاش حد حواليه ولسه محدش طمنه على عمر فنزل وكله خوف وقلق يكون حصل لعمر حاجه وحيدر بيخبي علشان يحمي طارق منه وميحصلش مشاكل لانهم محتاجينه فركب الخط الجديد في فون جديد لانه جايب كذا خط ونزل بيتسحب ببطئ وطلع لبراا في حته فيها صحرا واتصل باللوا بس مكنش بيرد عليه وبيجيله انه مقفول فنفخ بضيق وكتب رقم امنيه بتردد واتصل ورفع الفون على ودنه والرنه قربت تخلص بس قبل ماتخلص امنيه ردت فقلبه اتخطف والدموع اتحجرت في عينيه لما سمع صوتها : الو مين

واستغربت وتابعت الو بس محدش رد وسمعت صوت تنهيده عميقه جدا فا الدموع اتجمعت في عينيها وتابعت سيف ؟؟؟!! فسيف اتصدم انها عرفته فعيطت وتابعت حبيبي لو انت رد عليا والله مش هطول عليك والله وعيطت بلهفه وتابعت انا حامل في بنت يا سيف .. هجيب بريتي زي ما انت اتمنيت .. هتيجي امتى انا تعبانه اوي وعايزاك تعبت من غيرك محتاجه حضنك يقويني يا سيف

فسيف فرح جدا بالخبر اللي قالته امنيه ودموعه نزلت بفرح بس كلامها وجع قلبه اوي وقهره وكان عايز يطمنها ويهديها ويسالها على عمر كمان ويهدي خوف قلبه وقبل ماينطق جات لارا حطت ايديها على كتفه وتابعت بتعمل ايه يا سيف

فسيف اتصدم بشده وامنيه اتصدمت من صوت البنت