رواية غموض الحب عائلة الرفاعى الفصل التاسع و السبعون بقلم لولا
وقبل ماينطق جات لارا حطت ايديها على كتفه وتابعت بتعمل ايه يا سيف
فسيف اتصدم بشده وامنيه اتصدمت من صوت البنت
فسيف بسرعه قفل الخط فاستغربت امنيه واتصدمت اكتروتابعت بدموع الو .. سيف وبصت لقيت بالفعل الخط قطع ورنت على الرقم تاني
فرن عند سيف وبص لـ لارا وخباه ورا ضهره لانه كده كده صامت وتابع ابدا مفيش .. محدش طمني على عمر فكنت بتصل باختي واشوفها تطمني بس محدش رد
لارا برفعه حاجب : ليه هو انت هنا في الساحل الشمالي ؟؟ ده المفروض الكل فاهم انك محتجز فا هتكلم اختك ده اللي هو ازاي يعني هاا ؟؟
سيف بحده مش عايز غباء ما اكيد مكنتش هرد واسمعها صوتي يعني … ده خط جديد اللي كلمتها منه وكنت عايز اطمن لو بتعيط يبقي حصله حاجه لو طبيعيه يبقى كويس بس كده
لارا بابتسامه لا الصراحه انت الذكي يا حضره الظابط وربعت ايديها قدام صدرها وتابعت بس تقدر تقولي جايب خط جديد تعمل بيه ايه ؟؟
سيف غمض عينيه بغضب وفتحها وتابع لااراا حلي عن نفوخي جايبه علشان كده طبعاا علشان كل فين وفين اكلم حد منهم واقفله تاني بس على الاقل اسمع صوت والدتي او اختي
لارا بابتسامه او امنيه .. ام البيبي نسيتها دي .. مع اني متاكده انها اول واحده اصلا هتكلمها
سيف رمي الفون بعصبيه على الارض ومسك لارا تنى دراعها ورا ضهرها فصرخت بألم ودموعها نزلت وتابعت بدموع ووجع ااه اااه اسفه خلاص اسفه والنبي
فتابع سيف بعصبيه اسمعي يابت انتي انا صدااع وقرف مش عاايز قولتلك وشك ده مشفهوش تاني مش كل ما اروح حته الاقيكي وراياا انا قرفت واتخنقت منك وجبت اخري خلااص اعتبري اه بسمع صوت امنيه وبسمع زينب وبسمع كل اللي عايز اسمعه خليكي في حاالك وحلي عن سماايا وزقها بقوه
لارا عيطت بألم بسبب ايديها اللي واجعاها جدا وكانت هقتع من قوه الزقه بس اتوازنت ووقفت وهي ماسكه ايديها بالم وتابعت بدموع وبعصبيه ماشي لما حيدر بيه بقى يعرف اللي انت بتعملوا ابقى وريني هتكلم امنيه تاني ازاي ولا اصلاا هتشوف النور تاني ازاي
سيف ابتسم بسخريه وحط ايديه الاتنين في جيوب بنطلونه ومشي وقف قدامها وهمس بوقاحه جنب ودنها : حيدر اللي عاجبك اوي واللي بتهديني بيه ده انا لو قولتله اديني سيرين اللي فرحان بيها ومانعها عن الكل مقابل اكمل معاكم هيديهاني
لارا اتعصبت منه جدا ورايحه تتكلم فشد شعرها بقوه وتابع بعصبيه فبلااش انا يا لارااا احسنلك انا انسان قاسي وصعب لدرجه عمرك ماتخيلتيها ومش هقول اصل دي ست وارحمك لا طلمااا وصلت بيكي تجيبي سيره امنيه .. وابتسم وتابع بطلقه تغوري في ستين داهيه وادفنك هناا وهمس بضحك واروح اقوله كانت هتهرب يا حيدر بيه والخاين مالوش مكان بيناا بس مش انا اللي تتجرأي تهدديه وزقها بعدها عنه بقرف
لارا بعصبيه محدش خاين غيرك هناا وواثقه وراك بلاوي ومش هتكون سند لحيدر بيه زي ما فاكر وهتلدعه الغل باين في عينيك انت االلي مينفعش تكون وسطنا يا سيف ويمكن حيدر بيه ميصدقنيش لو قولتله بس الايام هتثبت كلامي
سيف بضحك لما تثبت بقى ياست المحاميه نبقى نشوف الكلام ده انا وجع دماغ مش عايز
لارا بسخريه هنشوف ورايحه تمشي وقفت وتابعت بابتسامه واه صحيح انت مكمل معانا علشان معندكش اختياار تاني ولو رفضت حيدر بيه كان موتك فمتفرحش بنفسك اوي والجراه تاخدك انك تقول اطلب سيرين مقابل شغلك هنا لانك ببساطه مجبر ياروحي
سيف ضحك وحك دقنه وتابع وهو بيمشي ناحيتها: وهو لمؤاخذه اما انا مجبر اوي كده حيدر بيه بتاعك وافق ليه يطمني على عمر مقابل اني ابدء بكره ؟ ما هو لو كده يبقي هشتغل غصب عني
لارا بغيظ يعني ايه يا سيف هاا
سيف بحده يعني هو عارف مين اللي واقف قدامه حيدر اقصي حاجه هيعملهالي المووت وانا مبخفش منه وهو مدرك ده كويس اوي فمن الاخر ميقدرش يخوفني وهو عارف
لارا بابتسامه بس ام ولي العهد وعمر وغيرهم نقطه ضعفك
سيف بابتسامه ام بريتي من فضلك مراتي حامل في بنوته اكيد هتيجي زي القمر شبه امها و اه نقطه ضعف برافو عليكي وهو عارف بعمر واهلي وامنيه كلامي عليها معاه خلص من زمان وقولتله هي بنسبالي ايه لو تعرفي تثبتي عكس كلامي ابقي اثبتي وابتسم بخبث وتابع بس فكل الاحوال انا محدش يقدر يمسكني من حته بتوجعني ساعتها مكالمه للجيش وهخربها على الكل وعليا وعلى اعدائي فـ ياويله اللي يعاديني يا لارا
لارا كانت متغاظه منه جداا وتابعت بعصبيه متفكرش نفسك حاجه والله مهما عملت مسير حقيقتك تبان وفكل الحالات ميقدرش يوافقك على سيرين مهما حصل ولا هي هترضى
سيف ضحك ومرر صوابعه في شعره وتابع هو مبدائيا مفيش ست خلقها ربنا تقولي انا لا .. وانتي كده مش هتستفزيني وتخليني ادخل اقوله عايزها لان مراتي ماليه عيني وقلبي بصراحه وبقالي شهرين مشوفتهاش ولا قربت منها ومعنديش رغبه لاي ست تانيه غيرها ولا هحس برغبه لغيرها بقرف بصراحه فكلامك مش هيخليني اخدها اصلا بس مسيري هوريكي في موقف انه هيرضى عادي انما انا لا اقرف وغمز وتابع لان سيف الرفاعي مبيلمش بواقي حريم
لارا بغيره ودموع يعني فعلا بتحب امنيه
سيف بابتسامه تؤ بعشقها
لارا بغييره وعصبيه اقسم بالله يا سيف مع اول غلطه ليك هقول لحيدر يكسرك بيهاا وياخدها قدام عينيك
فسيف ضربها بالقلم بقوه شديده ومسك شعرها جامد ففضلت تعيط بشده وتتوجع فتابع بعصبيه شديده: اقسم بالله اناا بقى ورحمه اخويا لو سيره امنيه جات تاني على لساانك بالخير او بالشر هتشوفي مني وش احقر من ما تتخيلي انا كل ده ومقدر انك ست انما بعد كده وغلاوه بنتي اللي لسه مجتش مش هعمل اعتبار لاي حد
لارا فضلت تعيط بشده بالم من شعرها بسبب ماسكه ايديه وخدها فا المكياب بتاعها ساح وتابعت بعياط طب سبني طيب مش قاادره
فزقها سيف بقوه وقعت على الارض ووطي جاب الفون لقاه فصل بسبب الواقعه فنفخ بضيق وخرج الخط وكسره ورماه وحط الفون في جيبه ودخل البيت ولارا وراه بتعيط ووصلوا للدور الارضي وحيدر كان خارج فاستغرب وتابع ايه ده كنتوا فين وبتعيطي ليه انتي كمان ؟؟؟
فقبل ما لارا تتكلم تابع سيف بخبث : كانت معايا يا حيدر بيه وزعلت واتقمصت مني ونزلت فنزلت اراضيها وغمز وتابع بضحك اصل انا فوق طاقتها بصراحه
فحيدر ضحك وتابع لا يغالي عادي ولا يهمك تغور في ستين داهيه المهم انت
فالارا اتصدمت وتابعت بعصبيه ودموع ده كداب محصلش حاجه بينا اصلاا يا حيدر بيه
سيف بتمثيل دهشه: الله هو انا هكدب ليه يابنتي ده انتي انسانه غريبه صح اومال كنت بعمل معاكي ايه براا مثلا ؟؟ وبصلها بتحذير وتابع وانتي بتعيطي لييه هاا ؟؟ منا كنت براضيكي بسبب اني اتغابيت عليكي ولا محصلش
لارا كانت عايزه تفتن عليه وتقول كل اللي حصل بس لقيت حيدر بيطبله اصلا وهي مش فارقه عنده فعيطت وسكتت فتابع حيدر بعصبيه هو انتي هتقضيها نوااح ماخلاص يا لاراا مالك في اييه محصلش حاجه لكل ده يعني وبص لسيف وتابع بعصبيه وانت اصلا متنزلش ترااضي حد دي هنا علشان الفلوس وبتاخد على قلبها قد كده
سيف بابتسامه انا قولت اعمل باصلي واراضيها علشان عيطت لاني معترف جيت عليها شويتين بس يظهر فعلا التعاطف مع الاشكال دي مينفعش نبقى نشوف سيرين بقى
حيدر ابتسم بتوتر وتابع اللي تعوزها طبعاا تحت امرك المهم هنبدا في الشغل امتى ؟؟
لارا اتصدمت بشده فسيف بصلها وابتسم بخبث وعدل لياقه قميصه وتابع لا يا غالي كنت بشوف معزتي عندك قد ايه انما انا مش عايز حد خلاص الحمدلله على كده وتنهد بوجع وتابع وشغلنا من بكره بس اطمن على عمر زي ما اتفقنا
حيدر بابتسامه اللي تعوزه كله هيحصل بس تنفذ كلامك معانا وعصام كلمني يطمنى علي عمر بس فوني كان مقفول فبعتلي رساله انه كلم يوسف علشان الكتيبه جات وراه بعد كده فمعرفش يفصل يزن عليا ارد فاانا بعتلك يوسف اوضتك اصلا وان شاء الله خير
سيف بقلق تمام هطلع انا بقى
حيدر بابتسامه روح
وسيف بقى يطلع السلالم جري وكله خوف وقلق
فتابعت لارا بصدمه: عمري ما تخيلت انك تبيع سيرين وترميها في حضن سيف علشان يشتغل معاك
حيدر مسك دراعها جامد وتابع بحده ده انا ابيع الدنيا بحالها وده يفضل معانا وحسك عينك تقرري اللي عملتيه ده تاني انتي فااهمه سيف بالذات لو عيطتي كده ونكدتي عليه تاني هوريكي الوش التاني
لارا بعصبيه ودموع ليه يحيدر بيه انت ممكن جدا تجيب مراته وتذله بيها وتمرمط بشرفه الارض هيعيش مكسور وتحت امرك انما مش تطاطي راسك ليه كدده
حيدر ضربها بالقلم بقوه وتابع بعصبيه انتي بت زباله وشكلك وحشك تترمي برا كام يوم وتتربي صح
لارا بخوف وعياط لالا انا اسفه والنبي لااا خلاص براحتك انا بفكر معاك بصوت عالي بس
حيدر بعصبيه مش انتي اللي هتعرفيني اعمل ايه ومعملش ايه واولا امنيه متفرقش لسيف وهيطلقها وقالي يطلقوا واعمل ما بدالك فتهديدي ليه ده مجاش بفايده بس لقيت عمر نقطه تانيه وهو قالي بكل جحود موتني مش خايف او اعرف عادي نقاط ضغفي بس مش هسمحلك تستخدمها ضدي لاني معاك فواحد زي ده اديه عيني واعلي مزاجه علشان يطلعلي احلى حاجه انما انتي حماره مبتفهميش ومتطلعيش تاني عنده دارين تطلع توديله كل حاجه
لارا بدموع يا حيدر بيه افهمني انت لو عملت كده في امنيه صدقني ساعتها …
حيدر بمقاطعه وبحده اطلعي غوري اتخمدي يا لارا كلمه كمان هنيمك براا عند الكلاب تربيكي
فالارا فضلت تعيط وطلعت وهي متعصبه وبتغل جداا من سيف
—-
في اوضه سيف طلع بسرعه ويوسف كان قاعد على سريره ففتح الباب وراحله وتابع بخوف طمني يا يوسف .. عمر .. عمر اخباره ايه ارجوك
يوسف ابتسم وتابع بخير متخافش الحمدلله الدكاتره طلعت الرصاصه وهيفوق بكره ويبقى كويس
سيف تنهد بارتياح وقعد على الكرسي اللي في اوضته وتابع الحمدلله يارب وحط ايديه على صدره ياخد نفسه وتابع الف حمد وشكر ليك يارب بجد وبص ليوسف وتابع فين مكان الاصابه
يوسف بصله بتوتر وتابع في اول دراعه كده
سيف قلبه وجعه وتابع بقلق بسيطه وهيرجع كويس بسرعه صح ؟؟
يوسف تنهد بعمق وتابع لا للاسف عمر هيعجز شهر ونص وهيبعد عن اي مجهود وحركه
سيف اتصدم بشده وتابع يعني ايه الكلام ده ؟؟
يوسف بحزن يافندم اهدى المهم انه عايش وبخير دي اهم حاجه واديني طمنتك وقام مسك الصنيه اللي كان جايبها وتابع اتعشا ونام اللي جاي تقيل ولازم تسند نفسك
سيف بعصبيه مش عايز زفت انت ايه ياخي معندش اهلك دم ؟؟!! وزق الصنيه بعنف وقعها على الارض والاطباق وقعت اتكسرت وتابع بعصبيه ودموع : يعني ايه عمرر عجز شهر ونص ده انا اروح فيكم كلكم في ستين داهيه
يوسف بص للاطباق وتنهد بعمق وتابع يا فندم اسلوبك مينفعش ابوس ايديك عدي الاايام دي على خير
سيف بعصبيه ودموع لا يا يوسف مكنش اتفقنا ان عمر تحصله حاجه انا مش هشتغل ولا هكمل انا رايح لاخوياا اقف جنبه في تعبه ورايح ينزل مسكه يوسف وتابع بعصبيه يافنددم اقسم بالله مش هينفع ممكن تهدي وتسمعني
سيف بعصبيه ودموع انت مش هتفهمني لو فضلت احكي للصبح انا مش هقدر اسيب عمر في الظروف دي مهما يحصل
يوسف بحده ولو فكرت تمشي هتعرض نفسك واهلك كلهم للخطر ففكر صح وبعقل انت من امتى عاطفي كده يا فندم ده انت قدوتي وروحت مخابرات بسبب تشيدك بمستواياا واني قدهاا
سيف بوجع وانت لسه قدها انما انا بص للارض والدموع اتجمعت في عينيه وغمضها بقوه ومنعها تزعل بالعافيه وبصله وعينيه حمرا وتابع بقهر: مكنتش هقدر اخسر عمر يا يوسف .. عمر ده زيه زي حسام الله يرحمه وحاسس اني السبب فكل اللي هو فيه وشايل ذنبه اوي وحقيقي موت حسام كسر ضهري وخلاني عندي تروما من الفقد
يوسف حضنه وتابع بوجع والله العظيم فاهمك وحاسس بيك ومش هقصر معاك وهطمنك عليه هو وعيلتك بمعرفتي اول باول وهمس: كل ماحيدر يثق فيك اكتر هيركبك علياا وانا هقدر اتحرك بسهوله واوصل للجيش من ورا عصام وانزل اشوف اهلك واطمنك عليهم انما دلوقتي انا مش بعرف اتحرك بسبب اني معاه فكل حاجه فعلشان كده عايزك معاايا تلاهيه عني بمعنى اصح وانت الله واكبر عليك يا قائد من غير حاجه تركب مكان اي حد مش انا بس
سيف ابتسم بوجع وتابع تسلم يا يوسف بس علشان خاطري سبني لوحدي شويه مش قادر
يوسف بحزن طب هنزل اجبلك اكل بدل اللي وقعته ده
سيف بحده لا مش هاكل لقمه بفلوس حيدر حتى لو هموت من الجوع
يوسف بابتسامه متخافش ده بفلوسي انا قسما بالله
سيف بتنهيده انا جيت هنا من المهمه فمكنش معايا اي حاجه غير الفون الجديد والخطوط فهات انت خلال الفتره دي ولما ارجع نصفي حسابنا
يوسف ابتسم وتابع طب بالله عيب عليك تقول الكلام ده انا وانت وا…
سيف بمقاطعه علشان خاطري يا يوسف علشان اكل لو هتفضل تتعبني من دلوقتي وغلاوه بنتي مش عايز اي حاجه
يوسف بضحك لالا خلاص حاضر والله يلا هروح انا
ونزل وقفل الباب وراه وسيف نام على السرير وبص للسقف وهو حقيقي تعبان نفسيا وجسديا ومش عارف يعمل ايه وافتكر كلام امنيه
— وعيطت بلهفه وتابعت انا حامل في بنت يا سيف .. هجيب بريتي زي ما انت اتمنيت .. هتيجي امتى انا تعبانه اوي وعايزاك تعبت من غيرك محتاجه حضنك يقويني يا سيف
باااك
فابتسم بفرحه والدموع اتجمعت في عينيه وقام من السرير ووطى سجد شكر لله وهمس بكلام ودموعه بتنزل وحمد ربنا ان عمر بخير وعاش رغم قهره عليه وعلي اصابته وتابع بدموع ووجع حقك عليا ياصاحبي ياريتني جنبك بس والله غصب عني وعارف انك قدها وهتقوم تقف على رجلك من تاني
—
عند امنيه كانت قاعده سرحانه على السرير والدموع مغرقه وشها وباصه لناحيه البلكونه بشرود وسايبه الصنيه اللي زينب جابتها الاكل عليها زي ماهو
فدخلت زينب وهي شايله حسام واستغربت دموعها وسرحانها وانها مكالتش فتابعت : امنيه
امنيه انتبهتلها ومسحت دموعها وتابعت ايه يحبيبتي معاكي وتاوهت بوجع من حركه بيريتي جوه بطنها
فابتسمت زينب وقعدت قدامها وحطت ايديها التانيه على بطنها وتابعت ايه القمرايه مرات ابني عامله شقاوه ولا ايه
فامنيه ابتسمت بتعب وتابعت تعمل كل اللي هي عايزاه والله بس تيجي بالف خير وغمضت جامد بتعب
فابتسمت زينب بحزن وتابعت هتيجي بالف خير والله ياعمري وهتشوفي وحست بضربتها فضحكت بخفه وتابعت سكر بجدد
امنيه ابتسمت وسكتت وحاولت تمنع دموعها فخدت نفسها بعمق لدرجه ان زورها وجعها من كتم الدموع وبصت للبلكونه ودموعها نزلت
فتابعت زينب بخوف ايه ده ايه ده مالك في ايه وقامت وتابعت استني جياالك احط حسام يلعب علي الارض وهاجي اشوفك مالك
امنيه بدموع مفيش حاجه يا زينب انا مخنوقه شويه بس
زينب فرشت ملايه وحطت مخدات حوالين حسام على الارض وسابتله العاب وقامت قعدت قدامها وتابعت برفعه حاجب فيكي ايه يا امنيه ماهو مش علياا انا الكلام ده .. ده احنا بقينا عشره ومبتعيطيش باللاسلوب ده غير في حاله واحده وهي ان سيف ينكد عليكي وانتي مبتشوفيهوش فايه قهرك للدرجه دي
امنيه بدموع هسالك سؤال وتجاوبيني بصراحه ممكن
زينب بقلق حاضر عينيا والله مالك في ايه
امنيه بدموع دهشور اللي سيف بيخدم فيها دي انا عارفه ان هي في القاهره فممكن يخرج مره او يتواصل مع الناس او كده ؟؟
زينب بتوتر صدقيني لا سيف مستحيل يشوف حد في شغله بس اشمعنا في ايه
امنيه بدموع اومال ايه اللي انا سمعته ده يا زينب
زينب بستغراب سمعتي ايه مش فاهمه
امنيه بعياط سيف اتصل بيا فزينب بصتلها بلهفه بس لفتها اطفت لما كملت امنيه وقالت بعياط: بس مقالش اي حاجه هو فضل يسمع صوتي وانا حسيت ان هو من صوت نفسه ولما قولتله يتكلم جات بنت وقالتله انت بتعمل ايه ياسيف بعدها الخط قطع تقدري تقوليلي ايه تصرفات اخوكي دي علشان هتجنن
زينب اتصدمت اوي واستغربت وتابعت لا يا امنيه مستحيل سيف يكون عندهم بنات صدقيني اكيد في حاجه غلط او انتي سمعتي صوت اي راجل من هناك غلط
امنيه بدموع يا زينب والله صوت بنت اولا اي راجل هناك هيقوله يا فندم او ياقائد مستحيل تحصل ويناديه باسمه ثانيا انا مش طارشه يعني ومش عارفه احدد صوت بنت من راجل مش للدرجه دي ثالثا بقى ليه مردش علياا ؟؟ قوليلي ليه سمعني صوته بس ؟؟ ماهو بيتصل عادي ويكلمني
زينب احتارت اوي ومبقيتش فاهمه تقولها ايه فتابعت بحيره: انا والله مش فاهمه حاجه بس انتي بتلمحي علي ايه يا امنيه هاا
امنيه بدموع مش بتنيل لان زي ما الشيطان مش سايبني في حالي وبيقولي بقاله شهرين مشافكيش وممكن يغلط قلبي يرد ويقول مستحيل يعملها ولو قدامه بنات الدنيا كلهاا بس مين دي يا زينب مانا هتجنن بردو وبتكلمه كانها تعرفه مفيش حتي احترام لرتبته لا يا سيف عادي وبتعمل ايه كمان
زينب بحزن وحيره: مش عارفه بصراحه بس والله العظيم يا امنيه اخويا ميعملهاش مستحيل اضمنه بصوابعي العشره
امنيه بحده ودموع يا زينب ابوس ايديكي افهميني انا مش بشك فيه ومستحيل اشك فيه فبقولك علشان نفكر سوا انما مش مستنيه منك دفاع عنه .. سيف لو من الناس دي كان فضل يقضيها من زمان وانا وانتي عارفين ان مفيش بنت هتقولوا هو لا ومكنش اتجوز خالص .. انما ده فضل عمره كله بيحبني ومستني ابقي حلاله وحتى انا مرضيش يقربلي بسهوله خاف لما اعرف الحقيقه اكرهو فا ده مش شخص شهواني اشك فيه لااا بس انا عايزه افهم مين دي وبتعمل ايه هناك لاني هموت وهولع من الغيره وليه ميطمنيش ده انا قولتله بموت من غيرك ومحتجاك ليه يعمل فيا كده ليه وفضلت تعيط بانهيار فحضنتها زينب ودموعها نزلت وتابعت حقك علياا انا وغلاوته عندك هو وبيري لتهدي نفسك ابوس ايديك يا امنيه مينفعش كده انتي تعبانه
امنيه بعياط زعلانه منه اوي وواحشني وكنت محتاجه منه كلمه حتى بقوله حامل في بنت منطقش وانا اللي كنت مستنيه رده فعله بفارغ الصبر لما يعرف
زينب كانت مستغربه تصرفات سيف اوي ومش فاهمه ازاي في بنات في سينا معاهم بس متاكده ان في حاجه هما مش فاهمينها فدموعها نزلت بحزن وتابعت حقك على عيني بجد والله هيطلع في سبب قوي خلاه يسكت كده ولما يرجع هيراضيكي ويوريكي فرحته بجد انما مستحيل يكون اي حاجه غلط والله العظيم يا امنيه وياريتني اقدر اطمنك حقيقي بس انا فعلا مش فاهمه زيي زيك
امنيه بدموع ده من سابع المستحيلات مش مستحيل واحده انه يعمل حاجه غلط لان سيف بيحبني بجد ومبيشوفش غيري ومتصل يسمع صوتي اصلا لو انا مش فارقاله مكنش اتصل بس انا مش فاهمه ليه عمل كده ومين دي اشتياقي ليه واجعني اوي
فطبطبت زينب عليها وتابعت بحزن: شوفتي اديكي قولتي ورديتي على نفسك هو بيحبك واتصل يسمع صوتك لانه اكيد لو بيعمل حاجه غلط مش هيكلمك اصلا واجابه اسالتك دي سيف هيجاوبك عليها والله بس ربنا يردهم لينا بالف خير اهدي ابوس ايدك علشان بنتك
امنيه بدموع يارب بجد يا زينب يارب حقيقي تعبت
فزينب مسحت دموعها وابتسمت بحزن وتابعت حقك عليا انا .. ممكن تاكلي بقي لان الفراخ والشوربه زي ماهماا
امنيه بضيق ماليش نفس صدقيني مش هقدر
زينب قامت وجابت الصنيه من على الكومود وتابعت بحب لالا مفيش حاجه اسمها كده هناكل علشان ناخد الدوا وبيرو تيجي بالف خير فا يلا كلي
امنيه بتعب وغلاوتها عندي حاسه مقفوله اوي وقرفانه
زينب بحزن فاهمه والله بس حقك عليا مضطرين
فحسام فضل يشاور لزينب وينادي عليها فبصتله وتابعت بحب ايه ينورعيني عايز ايه
فحسام شاور على الاكل فضحكت وتابعت عايز شوربه علشان اسماء دوقتهاله برا وعجبته
امنيه بضحك ينورعيني انت هاتيه اكله وفينها اسماء صح
زينب برفعه حاجب كلي يا امنيه وانا هقوم اجبله من برا اتلمي هاا واسماء دخلت نامت علشان شغلها بكره
امنيه بضحك طب هاتيه بس بالله عليكي علشان خاطري
زينب بضحك هو جايلك اهو من نفسه طالع بتحب الاكل لمين يا واد اما ابوك مسموم وبتحايل عليه ياكل
امنيه بضحك بالله مافي راجل مسموم بس هما يعيني مجبورين يحافظوا على لياقتهم
زينب بابتسامه سيبك انتي انا مبتعمدش الكلام ده هو بينزل من هنا وانا اخربها بقى من هنا فراخ مشويه ومكرونه بشاميل وكل ما يقولي يا زينب خلاص بجد مش هينفع ابوسه واقوله ياموري وحياتي فياكل بس تاني يوم بلاقيه في الجيم
امنيه فضلت تضحك بشده وتابعت نفس سيف والله العظيم بس قليل لما اقدر عليه وشالت حسام لانه جالها وباست خده وقعدته على رجليها
فضحكت زينب وتابعت لا سيف ده محدش فينا كان يقدر عليه بس ماما كانت تقولي اتحايلي عليه شويه انتي مش هيزعلك علشان بيحبني وانا الصغيره وكده واول ما ابدء يقولي خلاص يا زينب مش قادر لو قادر هاكل والله انا مش جعان فاقوله علشان خاطري والنبي واتحايل الاقيه يبصلي بصه يا امنيه بتبلعني لساني ويقولي قولنا خلاص مش قادر فبتكتم
امنيه فضلت تضحك وتابعت وهي بتنفخ في المعلقه لحسام علشان الشوربه سخنه: والله نفس البصه والكلام بالحرف ونفس انا مش جعان دي
زينب بضحك علشان احنا بنجبرهم لان فعلا بيقوموا جعانين وهما عارفين اننا فاهمين كده
امنيه بضحك اه بالظبط ده مرار والله واكلت حسام من الشوربه ففضل يستطتعم بطفوله ولما عجبته واتاكد انها نفس اللي شرب منها بلعها
ففضلوا يضحكوا عليه بشده وتابعت امنيه بضحك يخواتي علي القمر عنده نفس يخواتي وبيدوق
زينب بضحك اه اومال انتي فاكره ايه هو احنا اي حد
والباب خبط فتابعت زينب بحب طب هروح اشوف مين هاا
امنيه بحب ماشي يحبيبتي وباست خد حسام وحطت المعلقه في الشوربه تاني وبقيت تنفخ علشان تاكله
وزينب فتحت الباب كان مازن فابتسمت وتابعت بحب ادخل يغالي تعالى
مازن حط الشنط على الارض وتابع بحب لا ادخل ايه انا مش قادر
زينب بقلق ليه كده مالك فيك ايه
مازن بتنهيده: طلع عيني انهارده والله يازوزا بسبب مشوار للشغل كان بعيد وخدت ابن عمك وروحنا كنت بمضي عقد شراكه في مشروع جديد وكنت مقلق بصراحه بس يونس طمني
زينب بابتسامه وفرح : يحبيبي مباارك عليك يارب وربنا يوفقك اكتر واكتر وخلي ياسمين تراجعلك الورق علشان تضمن حقوقك
مازن بحب تسلميلي يا زوزتي والله وضحك وتابع اه ما طبعا العبيطه مراتي راجعت الورق والبنود وعملتلي فيها محاميه وقالتلي تمام فروحت خلصت بقي
زينب فضلت تضحك وتابعت مبتصدقهاش انت لما بتشوفها بتشتغل
مازن بضحك اه والله بحس اللي هو انتي مين فين ياسمين مراتي ففعلا لما بتشتغل حاجه ومعايا انا حاجه تانيه خالص
زينب بضحك اه اتفق انا شفتها ساعه لما خرجنا عمر كانت ايه قمه الرقي والتحضر والتعليم ده وتحس مش هي ياسمين الملزقه بتاعتك
مازن فضل يضحك وتابع يابنت الكلب دي ست البنات دي تلزق براحتها
زينب بضحك طبعاا ماهو مين غيرك هيقول كدده يعني مينفعش تنكر فضلها
مازن بضحك اه والله ابقى راجل بجح المهم يا ام لسان طويل شوفي كده كل حاجه تمام ولا ايه
زينب ضحكت وفضلت تبص في الاكياس وبتردد في سرها النواقص علشان تشوفهم وتابعت بابتسامه بس كده زي الفل واستغربت وتابعت بس ايه ده كان كيس كبير وفتحت الكيس لقيت علبه لبن صناعي وسيريلاك وسكاته شكلها جديد وكذا نوع فاكهه فضحكت وتابعت بردو يا مازن جبت وانا قولتلك متجبش حاجه
مازن بضحك اخرسي خالص علشان خاطر ياسمين حفلت عليا بسبب السكاته دي انا عارف انها بتاعت فاكهه بتحطي فيها حته كده وتديها للواد وهو بقي يضغط عليها فيشرب العصاره من الفاكهه دي .. فجبت لزين وحسام وهي شافتها فضلت تضحك وقالتلي ابنك هيضغط علي دي ازاي هاا
زينب فضلت تضحك وتابعت صغير فعلا ياروحي عليه لسه بس انا قولتلك متجبهاش وبعدين كل دي فاكهه
مازن بحب زي ما جبت لزين جبتله هو زي ابني بردو عادي بطلي عبط والفاكهه حلوه ليكي ولامنيه الفتره دي فاعملي عصاير فريش وكلوا منها واكلوا الباشا الصغير اهم حاجه انا جايبله سكاته اهو علشان يبقي زيه زيكم
زينب ضحكت وتابعت ربنا ميحرمناش منك ابدا يارب بس ليه جبت اللبن ده منا برضعه عادي
مازن بحب ولا منك يحبيبتي وابتسم وتابع دي بقي انا ساالت فيها ياسمين مش من دماغي فقالتلي اجبلك علشان خاطر انتي هتفطمي حسام بعد شهرين فالازم بلتدريج فقولت مره واحده او مرتين كل يوم لبن صناعي هتنفع معاكي شويه انه يستغنى عنك بسهوله قدام
زينب ابتسمت وتابعت بجد يغالي تعبناك اوي تعيش وتجيب
مازن بحب تعيشي يا زوزتي المهم صح امنيه اتغدت ؟؟
زينب بتنهيده لا يا مازن وعنيده وراسها ناشفه
مازن لا راسها ناشفه على نفسها كده هندخل بقي وقلع جزمته برا وتابع وهو داخل ادخلي قبلي عرفيها وغطي شعرها
زينب بحب حاضر ودخلت اديتها الطرحه وتابعت امسكي بسرعه
امنيه بستغراب ايه في ايه باكل الواد يا بارده
زينب بضحك اخلصي مازن برا
امنيه بقلق برا بيعمل ايه ؟؟
مازن من برا : ها ادخل
فامنيه اتخضت وحطت الطرحه بسرعه على راسها واتعدلت في قاعدتها وخدت حته من الفراخ كالتها بسرعه فضحكت زينب بشده وتابعت ادخل يامازن خلاص
فدخل مازن ورفع حاجبه وتابع الهانم مكالتش لحد دلوقتي ليه ؟؟
امنيه بتوتر لا والله دي اشاعات ناس مفتريه بتفتري عليا باكل اهو بص مش شايفني بمدغ وغلاوه سيف الاكل في بوقي
مازن بضحك لا ياشيخه يعني الاكل متحطش دلوقتي ؟؟؟
امنيه وهي بتشرب شوربه وبتشرب حسام معاها تابعت بتوتر لالا عيب عليك باكل انا وحسام اهو مع بعض بيشجع مرات خالو نورعيني ده
فمازن قعد على الكرسي في اوضتها وتابع بابتسامه طب انا خلصت اللي ورايا انهارده وفاضيلك فحابب اتفرج على جمالك وانتي بتاكلي اكلك للاخر هل الدكتوره عندها مانع ؟؟؟
امنيه بتوتر لا ياغالي اقعد براحتك الله هي دي فيها كلام
فمازن ابتسم وتابع يكرم اصلك يحبيبتي كلي يلا
فزينب فضلت تضحك بشده وبصت لمازن .. فمازن شاور بعينيه على امنيه وغمز لزينب وضحك زيها (( علشان امنيه خافت يعني )) فزينب فضلت تضحك وامنيه بدات تاكل بضيق
—
عند نور ويونس
نور كانت واقفه في المطبخ بتحط الاكل في اطباق وبتشيل لشهد في طبق كبير من كل حاجه وحطته على جنب
ويونس كان خد شاور وغير لبنطلون شروال بيتي اسود وتيشرت ابيض بيتي عليه كلام اسود وشافها واقفه بترص الاكل فحضنها من ضهرها فاتخضت وتابعت بضحك وهي بتكمل : يا يونس حرام عليك خضتني والله
يونس بضحك نجمك خفيف طول عمرك يا عيون يونس بتعملي ايه بقى
نور ابتسمت بحب وتابعت شايف المكرونه والبانيه والسلطه وكل ده انا اللي عملاه علشانك
يونس بتفاجئ: بتهزري ده لوحدك ؟؟
نور بضحك اه والله وحياتك عندي لوحدي
يونس فرح جدا انها جربت تعتمد على نفسها علشانه فتابع بحب بجد بموت فيكي ايه الشطاره والحلاوه دي كلهاا وباس خدها بعمق
فـ نور حست بشفايفه واستغربت ولفتله وهي ماسكه السكينه اللي بتقطع بيها المكرونه واتصدمت وتابعت بضيق: تاااني يا يوونس ماقولتلك مبحبش تحلق دقنك انت بتستفزني لييه
يونس فضل يضحك على شكلها الغاضب وتابع يمتخلفه منا قايلك هسيبه شويه واحلقه تاني ايه ماالك في ايه
نور ضربته بايديها اللي مفيهاش حاجه في صدره كذا ضربه متتاليه بضيق وتابعت وانا قولتلك ساعه فرح شهد من شهرين متحطش الموس على وشك تاني وسيب دقنك تطلع زي الاول حصل ولا محصلش ؟؟؟
يونس بضحك يحبيبتي والله مطلعتش زي الاول بردو فمش عجباني
نور بخنقه ودموع : ياسيدي كانت عجباني انا اووف وسابت السكينه علي الصنيه وتابعت اوعاا بجد اوعاا علطول حارق دمي كده انت عجبك الكلام اللي سمعته المره اللي فاتت
وخرجت من المطبخ
فيونس فضل يضحك وراح وراها وتابع بضحك نور مش عايز جنان على المسا متكبريش الموضوع بقى
نور غمضت بضيق وتابعت طب خلاص علشان انا لما بتعصب صوتي بيعلى غصب عني ومش عايزه ده يحصل
يونس برفعه حاجب صوتك يعلى على مين يا نور ؟؟ .. اتجننتي ولا جرا لمخك حاجه ؟؟
نور بدموع يونس وحياتي عندك خلاص بجد علشان اتخنقت
يونس تنهد بعمق وراح حط ايديه على وسطها وقربها منه وتابع يحبيبتي مش لدرجه العياط يعني في ايه هو انا موت
نور ضربته في صدره وتابعت بحده دموع اخرس قطع لسانك بعيد الشر عنك متقولش كده .. واوعاا سيبني علشان مش طيقاك
يونس فضل يضحك وتابع بعيد الشر عني ومش طيقاني !! الاتنين في جمله واحده طب ازاي
نور بدموع معلشان انا بحبك صح بس انت بتتعمد تضايقني
يونس وطى راسه باسها جنب شفايفها برقه وتابع بحب وغلاوتك عندي مقدرش اضايقك واكيد ليكي حق عليا وعايزاني في شكل معين بس انا فاهم انك غيرانه فعلشان كده معترضه لان اخر مره الطلاب خفوا في دمهم شويه وجاملوني بشويه كلام عصبوكي
نور بحده وانت يعني مش شايف اني غيرانه ده سبب يا يونس !! ثم انهم قالوا الحقيقه مكانتش مجامله انا مش عبيطه
يونس بحده يانور انا متجوز وكلهم عارفين بلاش مخك يبقي تعبان انا لو اعرف انك مفضلاني في شكل معين اكيد هعملوا انما انتي بتغيري فمش عايزاني كده
نور بضيق ااه والحل ايه بقي ؟؟
يونس برفعه حاجب تعقلي لا اكتر ولا اقل انا مش شايف غيرك والكل شاهد على ده
نور بدموع وبالنسبه لاني بغير عليك طيب
يونس بدهشه هو انتي عايزاني وحش علشان متغيريش يا نور ده انتي امرك غريب بجد
نور بحده ودموع مين قال كنت وحش بدقنك والله العظيم قمر هو احنا كنا خالصين منهم اصلا بس هما لما بيلاقوك عامل حاجه جديده بيقعدوا يعملوا كومنتات كهزار انما لو زي مانت مفيش حجه يتكملوا عنها
يونس ابتسم ومسح دموعها وتابع بمهاوده: حاضر يحبيبتي مش هتنيل تاني وخدها في حضنه وبص لفوق وهمس اهديها يارب علشان خلاص وحقيقي بتمنى كل ده يكون من الحمل وشويه وهيروح لحاله
فنور بصتله وتابعت بضيق انت بتقول ايه هاا سمعني
يونس بضحك مبقولش يعمري يلا ناكل بقى وادوق اكلك التحفه اللي تعبتي فيه
نور بصدمه : انت بتتريق؟
يونس بضحك وتفاجئ: يابنتي هتريق ليه والله بتكلم جد يخربيتك
نور بتنهيده طيب هجيب طبق شهد نزلهولها علشان كانت عايزه تدوق ونسيت ونزلت
يونس باستغراب طب ماتطلع تاكل معانا زي كل يوم ايه الجديد ؟؟
نور بحب شوفها طيب ودخلت المطبخ تاني
فاتصل يونس بشهد فردت وتابعت ايه يحبيبي
يونس بحب اطلعي يلا يعمري كلي معانا نور بتحط الاكل اهو
شهد لالا خلاص الف هنا كلوا انتوا انا مش قادره
يونس بتنهيده اطلعي بس ورحمه امك ناكل سوا تشجعينا
شهد بضيق يا يونس مش هطلع انا علشان خاطري خلاص
يونس بحده ماتخلصي يابت هو انا هتحايل عليكي مالك في ايه
شهد بكدب: بصراحه احمد معاه مشكله في الشغل وقالي دققتين وهكلمك فانا مش هعرف اتحرك في اي حته انا قاعده اهو مستنيه يرن
يونس بتنهيده طب خلاص اقعدي كلمي جوزك براحتكم وهنزلك طبقك نور محضراه جوه
شهد فرحت ان خطتها نجحت وتابعت ماشي يعمري
يونس بحب يلا باي
شهد باي وقفلت معاه وتابعت لنفسها: اطلع ايه ليه مفيش دم وعلت الصوت على الفيلم اللي مشغلاه وبقيت تاكل لب وتسالي وتابعت بحسره: قال احمد قال .. احمد اللي خلص شغله واتخمد وبيكلمني يراضي ضميره مش اكتر ونام على الفون ومش اول مره يعملها كان صوت اهلي منوم
ودقايق ولقيت يونس بيخبط فوطت الصوت وقامت فتحت وابتسمتله وتابعت قولها تسلم ايديها
يونس بص لملامحها بشك وتابع الله يسلمك يا غاليه بس كدبك ده مش هيعدي تمام
شهد بتوتر كدب ايه بس في ايه
يونس برفعه حاجب احمد معاه مشكله وانتي منكشحه كده عادي ومش قاعده على اعصابك ؟؟
شهد رايحه تتكلم فتابع متكدبيش هاا علشان انا عارف انك بتكدبي من وانتي بتتكلمي في الفون بس قلت اشوف ملامحك واحدد اكتر علشان انتي واللي فوق انا مربيكم على ايدي وعارف بتفكروا في ايه من قبل ما تقولوا فمش انا اللي تكدبوا عليا
شهد ابتسمت وتابعت بتنهيده بصراحه اه مفيش حاجه بس انا حبيت اسيبك تاكل مع مراتك لوحدكم
يونس بتنهيده اممم كبرتي يشهد وبقيتي تسبيني مع مراتي واقولك تعالي نتغدا سوا ترفضي
شهد وقفت على اطراف صوابعها وباست خده وحضنته وتابعت بحب والله يعيون شهد مهما اكبر مش هكبر عليك ولا تصرفاتي معاك هتتغير بس انا حبيت النهارده بالذات بعد اللي انت سمعته انكم تفضلوا سوا فـ وحياتي عندك متزعلش ومتحسبهاش كده علشان خاطري
يونس بتنهيده طب علشان خاطري انتي تعالي ناكل سوا وابقي انزلي تاني .. انتي قاعده لوحدك وقبل جوازك مكنتيش بتاكلي غير معايا ولما انا اتجوزت بقيتي مع ابوكي مؤقتا ولما احمد سافر رجعتي تاني ناكل سوا عندي فوق انما دلوقتي معاكي مين ؟؟؟
شهد بحب متشلش همي ينورعيني والله عادي المهم انت اتبسط مع مراتك
يونس بتنهيده انتي وضميرك يا شهد انا قولتلك علشان خاطري فشهد ضحكت وتابعت يخرابي عليك يا يونس بجد
فنور لقيته اتاخر لبست الاسدال وطلعت بصت من على السلم شافتهم فتابعت بحب شهد بالله تعاالي اطلعي كلي معانا علشان هو مش هياكل انهارده انا عارفه جوزي
شهد ضحكت وتابعت حاضر طالعه ما قلب بوزه في وشي لازم اطلع يعني مقدرش ازعله مني حبيبي ده ثواني بس اقفل الشاشه وجايه ودخلت قفلت الشاشه و مسكت الطبق اللي يونس اداهولها والمفاتيح وطلعت قفلت باب شقتها وضحكت وتابعت جايه معاك اهو ياسيدي خلاص ولا تزعل
يونس باس جبينها وتابع ميهونش عليا تاكلي لوحدك والله ومن ساعه ما احمد سافر بطلعك نتغدا سوا ونتعشاا سوا مجتش على انهارده يعني
شهد بحب ربنا ميحرمنيش منك ابدا يارب يحبيبي
وطلعوا بالفعل ونور كانت حضرت وقعداو ياكلوا فتابع يونس باعجاب: حقيقي تسلم ايديكي ياست البنات الاكل تحفه ومسك ايديها باسها
فنور فرحت اوي وابتسامتها وسعت وتابعت عجبك بجد ؟؟
يونس وهو بياكل تابع والله تحفه حقيقي برافو عليكي
نور فرحت اوي فتابعت شهد باعجاب وهي بتاكل اممم ايه الحلاوه والشطاره دي بجد يا نوري
نور بضحك الف هنا يا قلب نورك انتي وكملت تاكل وحست بقرف ويونس لاحظ وتابع بقلق اخدك اسندك للحمام ؟؟
نور ابتسمت بتعب وتابعت حافظني كده ازاي بجد
شهد بضيق وتوتر: ياختي مش وقته محن قولي لو هتتنيلي يسندك بسرعه
نور حطت ايديها على بوقها وهزت راسها بـ اه كذا مره فقام يونس بسرعه وسندها دخلها الحمام ففضلت تستفرغ وهو فضل يرجع شعرها لورا وطبطب عليها بقلق لحد ماخلصت وغسلت بوقها وقامت تنشف وشها في الفوطه وتاخد نفسها فخدها يونس في حضنه وفضل يطبطب عليها وتابع سلامتك ينور عيني وباس راسها بعمق
نور ابتسمت بتعب وتابعت الله يسلمك يحبيب عيوني
يونس ابتسم بحب وسندها وخرج بيها قعدها جنبه وخدها في حضنه فتابعت شهد بقلق هي هتوقف ترجع امتى بقى والله نور خست خالص ابنك ما شاء الله عليه ساحب منها كل حاجه
يونس فضل يمشي ايديه على ضهر نور وهو واخدها في حضنه وتابع بتنهيده خلاص هانت لما تدخل الرابع وهي حقيقي تعبانه اوي انا عارف وبصلها وتابع يلا اكلك انا هاا
نور بتعب لا يحبيبي كل انت انا مش قادره
يونس بحب معلش علشان خاطري علشان ادويتك هاكل واكلك
فتنهدت نور بعمق وسكتت وبالفعل بدا يونس ياكل وياكلها وشهد معاهم وبعد شويه خلصوا وشهد همست لنور: خشي خدي شاور انا هغسلك المواعين وهنزل
نور بحب ماشي يعيوني يخليكي ليا يارب
شهد بحب ويخليكي ليا يعمري
وراحت تغسل المواعين ونور دخلت تاخد شاور ويونس كان قاعد بيسمع ديربي الدوري الاسباني ومركز جدا مع الماتش
وشويه وخلصت شهد وتابعت يلا هنزل انا انام عايز حاجه يحبيبي
يونس باستغراب ما بدري الساعه لسه 10:00
شهد بحب لا انا مش قادره منمتش اصلا من ساعه ما انت صحتني الصبح عشان افطر
يونس بحب طب يحبيبتي تصبحي على خير هاتي بوسه بس قبل ماتنزلي
فشهد راحتله ووطت شويه لانه قاعد فباس خدها وتابع عايزه تنامي هنا نامي
شهد بضحك لالا هو حلو اوي كده بحب انام في شقتي اوي والله متخافش وباست خده وتابعت تصبح على خير يعمري
يونس بحب وانتي من اهله يعيوني
ونزلت بالفعل وهو فضل مركز مع الماتش ودقايق وجات نور لابسه الفستان اللي شهد اختارته (( كب ستان اسود طوله لحد قبل ركبتها بكتير وفارده شعرها اللي واصل لبعد ضهرها وحاطه ميكاب هادي اوي )) وراحت قعدت جنبه وحضنت كتفه وسندت راسها عليه وتابعت بحب بتعمل ايه
يونس بتركيز مع الماتش: بتفرج على ماتش الريال وبرشلونه
نور بحب مهم اوي يعني؟
يونس بتركيز معاه: اممم مهم ليه في ايه
نور بابتسامه ابداا كنت عايزه اقعد معاك شويه
يونس وعينيه على الشاشه زي ماهو تابع: خليكي يعمري
نور بضيق هو انت هتفضل باصص هناك كتيير ؟
يونس بضحك عايزه ايه يانور اومال ابص فين يعني !! يابابا بقولك بتفرج على الماتش .. واتحمس لهجمه : وتابع يااخي يااخي سهله دي حرام عليك
نور بضيق هو حرام عليك انت اكون قاعده معاك وتبص للشاشه المفروض تبص عليا انا
يونس بصلها وتابع اديني بص…. ومكملش ((بصتلك)) وسكت من ذهوله بجمالها وبقى يبصلها بتفحص من اولها لاخرها وعينيه بتعدي على كل تفاصيلها ببطئ ونور متوتره جدا بس بتبتسم وبتحاول متبينش فابتسم باعجاب وتابع ايه الحلاوه دي كلها يخربيت جمالك يا شيخه
نور بضحك لا يا راجل بعد ايه ما انت عاجبك الماتش ومتنح فيه اوي
يونس بهيام لا ماتش ايه مايغور الماتش ده في ماتش اهم شكله هيبدا دلوقتي وقرب عليها اوي
فحطت نور ايديها على صدره وتابعت بضحك بس بس رايح فين اتلم مش هنا
يونس بضحك ومااله جوه ولا تزعلي نفسك
نور بابتسامه لا انا اصلا شكلي هرجع في كلامي انت مش مهتم وشغلت ماتش
يونس بهيام يعني هو بذمتك هشم على ضهر ايدي انك رايقه كده بالله خايف احسدك انهارده طبخ وفساتين قصيره وحاجه زي الفل
نور ضحكت وتابعت بس بالله قولي الاسود حلو فيا ؟؟
يونس بصلها بحب وتابع انتي اللي حليتي الاسود واي لون بتلبسيه عامهً
نور ابتسمت بحب وتابعت بحبك بجد
يونس باسها جنب شفايفها بحب وتابع وانا بموت فيكي .. ثواني بس وجايلك حالا وبعد عنها ومسك الريموت طفى الشاشه وحطه على الترابيزه الصغيره اللي قدامه وتابع بضحك وهو بيقربها منه : عامل وش بصراحه صدعني مخليني مش عارف اركز مع اللوحه الفنيه اللي قدامي
نور فضلت تضحك وتابعت دلوقتي الماتش عامل وش ما انت كنت مركز وقاعد قدامه من دقيقتين وبتقول مهم
يونس بضحك يغور الماتش يولع عليه وعلي صحابه اللحظات دي مبتتقررش كتير
نور فضلت تضحك بشده وقامت قعدت على رجليه ولفت ايديها حوالين رقبته وتابعت بحب حقك عليا انا عارفه اني اثرت في حقك كتير و
يونس بمقاطعه ممكن متقوليش كده انا عارف انك ضعيفه وتعبانه فمش هبقى انا والحمل عليكي وبعدين انتي لسه مرجعه من شويه واكلتك بالعافيه هو انتي اصلا بقيتي كويسه علشان جايالي متظبطه كده ؟؟
نور ابتسمت بحزن بسبب ضعفها اللي هو لاحظه ويونس فهم تفكيرها وتابعت اه يحبيبي كويسه متخافش
فافتكر كلامها لشهد وابتسم بحب وتابع بس عارفه يانور عودك عاجبني اوي وحط ايديه على وسطها وشدها ليه فخبطت في صدره وهمس بحب مشوفتش ولا هشوف ست في جمالك ومحافظه على جسمها كده رغم الحمل بس انا مراتي مش اي حد
نور فرحت جداا بكلامه والدموع اتجمعت في عينيها وتابعت يونس بجد انت شايفني جسمي حلو ؟
يونس بحب يونس مبيشوفش غير الحلو وبس ومهما نور تتخن تخس تتعب هتفضل في عينيه جميله زي ماهي وغمز وتابع والدريس ده تحفه عليكي بجد ومش ده بس كل حاجه لبستيها قبل كده كانت جميله اوي وانتي اللي حتليها اصلا و كل مره بقول خلاص اتعودت على جمالك بس بردو بنبهر بيكي اكتر
نور حست ان كل الهم اللي جواها انزاح ويونس جاوب على كل كلامها مع شهد ففرحت اوي وحست ان بقى عندها ثقه كبيره في نفسها ولفت ايديها حوالين رقبته وحضنته جامد فحط ايديه على ضهرها الظاهر من الفستان وضمها ليه اكتر ووطي باس كتفها بحب فدموع نور نزلت وهمست انا بعشقك بجد وحقيقي يبختي بيك
يونس ابتسم بحب وتابع مصدقك بس هفضل انا اكتر
نور خرجت من حضنه وبصتله و ضربته في صدره بخفه وتابعت بضحك من بين دموعها : بطل بواخه بقى والله بموت فيك
يونس ضحك وتابع عارف والله بس بردو انا اكتر
نور بصتله بحب بالغ وسندت جبينها على جبينه وهمست حقيقي واحشتني
يونس فرح جدا واتفاجئ لانها اول مره تقول كده فتابع ده بجد ولا بتجامليني ؟؟!!
نور ابتسمت بحب وتابعت ده علطول مش دلوقتي بس .. بس انا اللي كنت بتحرج منك ولسه بتحرج علشان كده اثرت كتير بسبب توتري بس عايزاك تساعدني
يونس بضحك مني انا يا نور !! بتهزري والله اخص عليكي ده انا يونس
نور بصتله بتوتر ما علشان انت يونس فاهمني ؟
يونس ابتسم بحب ورجع شعرها ورا ودنها وتابع فاهمك طول الوقت ياست البنات وكنت شاكك ان ده اللي مانعك عني بس سيبتك براحتك
نور بحب مقدرش امنع نفسي عنك بس انا فهمتك بحس بايه وابتسمت واكملت فـ ده دورك انت بقى
يونس بضحك ومااله وانا موافق وقام شالها بين ايديه ودخل اوضتهم وحطها برفق على السرير واعتلاها وقرب باسها بحب وهي ايديها حوالين رقبته بتقربه منها اكتر ….
وبعد شويه يونس كان واخد نور في حضنه وبيمشي ايديه على شعرها وباس راسها بعمق وهمس نوري انتي صاحيه ؟
نور بحب اه يحبيبي
يونس بضحك بالله انا فكرتك نمتي من كتر ما انتي ساكته
نور بضحك لا بس انا برتاح نفسيا لما بكون نايمه في حضنك وانت بتمشي ايدك على شعري كده فبسترخي خالص
يونس ابتسم بحب وخدها في حضنه اكتر وتابع بحب خلاص يا عمري خليكي زي ما بتحبي
نور ابتسمت بحب وباست خده وتابعت بتذكر : صح يايونس كنت عايزه اسالك هو الشفوي بتاعنا امتى ؟
يونس بتنهيده مش عارف ممكن بكره او بعده كويس فكرتيني والله وضحك وتابع الواحد بيقعد معاكي بينسى نفسه وبينسى الدنيا بحالها بقيتي خطر عليا يا نور لان شغلي مينفعش يتنسي
نور فضلت تضحك وتابعت ايوه ما انا لاحظت انك ناسي فعلا بس هيبقى امتى بالظبط متفضلش تحيرني معاك
يونس بتفكير : بعد بكره اخر كلام هبعتلهم على الجروب دلوقتي
نور بابتسامه تمام حلو بعد بكره
ومسك فونه وسجل فويس ( مساء الخير يجماعه الشفوي باذن الله هيكون بعد بكره علشان كلكم تبقوا عارفين والمره دي تسميع عربي اللي بعده انجلش بالتوفيق للكل ) وبعت فثواني وناس سمعته فبعتت طالبه : ( دكتور يونس معلش ممكن حضرتك اللي تشرحلنا سكاشن الچنيتيكس لان المعيد مكنش افضل حاجه انهارده)
يونس شاف المسدج ورايح يتكلم اتفاجئ بنور لان راسها على صدره فحاطه عينيها في الفون معاه ومركزه فضحك وتابع ايه يحبيبتي خير
نور بحده نفسي البنات دي تتلم وتبطل مرقعه مفيش دكتور بيشرح سكاشن ودي معروفه روح اشرحلها برايفت يا دكتور هي عايزه كده
يونس فضل يضحك وتابع بطلي جنان الموضوع مش مستاهل هرد اقولها انه مش هينفع وخلاص خلصت ده انا مش مخرجك من الجروب الدفعه من فراغ والله العظيم
نور بحده هتدخلني تاني وهتشوف
يونس بضحك اقسم بالله يانور لو عملتيها من ورايا هزعلك هما موجودين علشان يعرفوا مني كل جديد فانا جوزك انتي مش محتاجه تدخلي
نور بحده لا محتاجه انضفه وهنضفه يا يونس هتشوف ..
بس المشكله انضف ايه ولا ايه انا كده هخليلك رجاله بس
يونس فضل يضحك وتابع طب فوني لو مسكتيه وعملتي حاجه من ورايا ياانور وغلاوتك عندي هقلب عليكي انا سايبه بتاريخ ميلادك ومش هغيره عايزك تيجي جنبه بقى
نور ضربته في صدره بغل فتاوه بوجع وفضل يضحك علي شكلها فتابعت بغيظ ماشي مااشي صبرك علياا
يونس بضحك خلاص اتلمي بجد عايز اسجل فقبل مايتكلم نور رفعت الملايه على نفسها شويه واتعدلت في قعدتها وشدت الفون وقربت باسته بحب ورجعت ايديها وهي بتبوسه حطت الفون على الكومود اللي جنبها وهمست رد بعدين انت دلوقتي قاعد معايا وانا كذا مره اقولك متكلمش حد قدامي علشان بتضايق
يونس ابتسم بحب وخدها في حضنه وباس راسها بعمق وتابع اتفقنا خلاص متضايقيش نفسك هقوم بس اخد شاور
نور بحب ماشي وانا كمان وياريت نشوف فيلم نتفرج عليه لو مش هتنام
يونس بحب عيوني اشوف بس الماتش خلص كام كام ونجيب فيلم
نور بضحك بذمتك بقى انا ولا الماتش
يونس بضحك انتي طبعا هنهزر ولا ايه
نور بضحك ايوه كده شاطر فضحك يونس وطلع ياخد شاور في الحمام اللي برا وهي استنت يدخل وقامت دخلت حمام اوضتهم
وخرجت لبست كاش مايوه حمالات ولحد الركبه وبتسرح شعرها وفونها رن فكانت هند فردت عليها وهي بتحط روج ومعليه الاسبيكر وتابعت ايه يا نوده ايه الاخبار
هند بضحك ايه اخبارك انتي يا اصغر مامي في الجامعه
نور بضحك الحمدلله ياختي طالع عيني والله وقفلت الروج ومسكت المخمريه
فضحكت هند وتابعت ربنا يقويكي يحبيبتي وعملتي ايه في موضوع رحله اسكندريه
نور اتوترت ومسكت الفون وبصت ملقيتش يونس فاخرجت للصاله لقيته واقف في البلكونه بيتكلم فقعدت في الصالون علشان تبقى شايفاه لو خرج وتابعت بتوتر مش عارفه والله يا هند لسه مقلتلوش بس انا رايحه انا مخنوقه اوي بجد ومش قادره وقامت تشغل الشاشه وسابت الفون على الترابيزه صوته عالي فتابعت هند لا اخلصي يا نور شوفيه مش وقته ده هي كلها شهر وطالعين والايام بتجري وانا وايه وميار ورنا وانتي بس اللي رايحين سوا فاخلصي لاني حاسه الدكتور مش هيوافق فيبقى معانا وقت علشان حتى لو هتتحايلي عليه
نور وهي بتشغل الشاشه تابعت تمام حاضر يبنتي انا طالعه اكيد متقلقيش مني خالص بس هعرف يونس وهقولكم بكره اخر الكلاام
هند تمام يحبيبتي ابقي عرفيني يلا باي
نور باي وشغلت الشاشه وتابعت بضيق اخيررا يخربيتك باارده صحيح وبتلف خبطت في يونس فصوتت بخضه وتابعت اخص عليك يايونس تاني مره تصرعني انهارده مش كدده
يونس اممم لا معلش حقك عليا بس لو كنتي عامله اعتبار اني عايش معاكي في نفس الشقه مكنتيش هتتخضي ولا حاجه
نور حست ان يونس بيلمح على كلامها مع هند وخافت يكون سمعها وتابعت بتوتر قصدك ايه مش فاهمه
يونس قعد على الكنبه وتابع بهدوء مخيف : قصدي زي ما قولتي لصاحبتك انك رايحه اسكندريه تتصلي دلوقتي تقوليلها جوزي هيقطم رقبتي لو روحت .. ليه يهند ؟؟ علشان ده جوزي وانا عملاه لوجود اهله في حياتي اعتباار سمعتي قولت ايه ؟؟
نور خافت جدا وتابعت بدموع يونس انا اكيد مكنتش …
يونس بماقطعه وعصبيه سمعتي قولت اييه ؟؟؟؟
نور اتخضت وتابعت بدموع وخوف سمعت حاضر والله العظيم هقولها خلاص ومسكت الفون بعتت لهند
فتابع يونس بعصبيه اقسم بالله العظيم يا نور تاني مره الاقيكي بتقرري من نفسك هكسر دماغك اللي بتفكر دي وارتاح
نور بدموع يا يونس انا قولت انك مش هترفض علشان انا هكون مبسوطه
يونس بعصبيه شديده : وانتي اصلا عملتي لاهلي اعتبار !! ده هند شيفاني ممكن ارفض والهانم بتاعتي ولا هي هنا بتقرر وتخطط من ورايا وعايزين يسافروا بنات مع بعض كمااان انتي اتجننتي مش كدده ؟؟؟!!
نور غمضت عينيها بضيق ومسحت دموعها وتابعت خلاص يا يونس محصلش حاجه لكل ده اكيد مكنتش همشي رايي عليك يعني .. اديك رفضت وانا قولتلهم فاسكت وكبر دماغك مني بقى
يونس وقع الفازة اللي كانت محطوطه قدامه بعصبيه فوقعت اتكسرت على الارض لكذا حته وتابع بعصبيه شديده : انتي متخلنيش اتكلم واسكت بمزاج اهلك انا اقول اللي انا عاايزه برااحتي وانتي تسمعي وتخرسي خاالص ومسمعش حسك علشان قسما بالله هقلب عليكي خلاااص جبت اخري
نور اتخضت واتصدمت انه كسر الفازة من عصبيته لانه اول مره يتعصب عليها كده وفهمت انه منع نفسه من انه يطلع عصبيته فيها فطلعها في الفازة فخافت وتابعت بتوتر خلاص يحبيبي قول اللي انت عايزه واعمل اللي انت عايزه انا سامعه اهو وساكته خالص
يونس بعصبيه ولا اقول ولا مقولش الموضوع خلص خلااص ومفيهوش كلاام اصلااا وانا عايزك تفكري يانور مجرد تفكيير كده تخططي من ورايا انك تروحي في اي حته تاني وانا اكسرك خالص وارقدك في السرير شهر … وغوري نامي خلاص مفيش افلاام نفسي اتسدت
نور بحده ماقولنا خلاص يا يونس حقك عليا الموضوع خلص ومش هقررها ومش هتنيل اروح بطل نكد بقى
يونس بعصبيه مكنتيش تقدري تروحي اصلاا انتي عبيطه في دماغك ولا ايه ؟؟
نور بضيق تمام بس خد بالك ان انت مهمكش اني اعمل حاجه عايزاها ونفسي اعيشها وآمرتني مروحش
يونس بعصبيه شالله ما عنك عشتيها سفر بنات لوحدكم مش هيحصل معنديش انا الكلام ده ولا حتى لو رايحه تخرجي وراجعه مش هوافق ياللي حامل وتعبااانه هاا مش تقوليلي اسكندريه يابجاحه اهلك يا شيخه بجدد
نور بحزن تمام الموضوع خلص بس حقيقي مش هنسى انك اول مره ميفرقلكش اني هزعل من رفضك لحاجه عايزاها
يونس بحده لا في الحالات اللي زي دي اتفلقي يحبيبتي عادي
نور بضيق ماشي يا يونس ماهي دي غلطتي عيشتك دور سي السيد وانا امينه وبقول حاضر ونعم وبس
يونس اتعصب وكور ايديه وتابع بعصبيه: ده غصب عنك تسمعي كلمتي مش بمزااجك اتجننتي على المسا ولا ايه واخرسي خالص متتكلميش علشان لسانك اللي عايز قطعه ده بيعصبني وانا مش عايز اقوم اديكي علقه قسما بالله ماسك نفسي عنك بالعافيه يانور
نور بسخريه اممم ما ده هو اللي ناقص
يونس بعصبيه لما متعمليش للحيوان اللي متجوزاه اي اعتبار وتخططي وتتفقي من ورااه وواقفه تبجحي ومش معترفه بغلطك يبقى تستاهلي قطم رقبتك و…
فـ نور قاطعته ووقفت قدامه وتابعت بضيق خلااااص خلاااص يخربيت النكدد كفاياك خنااق لولولولولولولولولييي ايييه مبتفصلششش
يونس اتصدم بشده من تصرفها وتابع يابنت الكلب يحيوانه ايه اللي عملتيه ده ياابت انتي اتجننتي !!!!! ورايح يمسكها طلعت تجري فتابع بعصبيه ده انا هطلع عين اهلك انهاارده وراح وراها
فتابعت نور وهي بتجري بخوف : انت مضحكتش لييه ووقفنا خنااق هي منفعتش ولا انت اللي دمك تقيل ؟؟؟!!
يونس وهو بيحاول يمسكها تابع بعصبيه دمي تقيل ااه ده انا همسكك ارنك علقه تربيكي دلوقتي علشان قله الادب والهبل بتاعك ده وعدم احترامك للكلام
نور وهي بتجري تابعت بخوف : يونس انا حاامل ابوس ايديك سبني علشان خاطري وفضلت تجري
يونس بعصبيه ده انتي ليله اهلك سوده ومش هتعدي بس صبرك عليا تيجي تحت ايدي بس ورايح يمسكها
فـ نور جريت بسرعه ودخلت اوضتهم وقفلتهاا بالقفل والمفتاح ووقفت ورا الباب وهي بتاخد نفسها بسرعه وحاطه ايديها على صدرها اللي بيعلو ويهبط
فخبط يونس جامد وتابع بعصبيه افتحي يا نورر افتحي بدل ما اكسره فوق دماغ اهلك
نور بخوف لا مش هفتح وبعدين بالعقل كده انت يرضيك تضرب واحده نسوان ؟؟؟!
يونس بحده اه يرضيني وبعدين عقل اييه يا ام عقل هو انتي خليتي فيا عقلل اصلا !! .. عقل اييه هاا واحده بتخانق معاها بتزغرطلي وتقولي عقلل ده عند امك العقل عارفاه
نور فضلت تضحك بشده وتابعت يا يونس وحياتك عندي البت على تيك توك اكدت انك هتضحك والخناقه هتقف انا مااالي
يونس بعصبيه طب افتحي يانور علشان مخليش يومك اسوود انهارده علشان انتي حارقه دمي .. بتزغرطيلي يا نور !! فاكره امك بتتجوز ولا ايه ده انا هخليكي تزغرطي على حق دلوقتي
فـ نور فضلت تضحك بشده وتابعت يا يونس احترم نفسك هقولها والله
فيونس اتعصب من ضحكها وخبط على الباب بقوه وتابع بعصبيه طب افتحي يانور علشان وغلاوه اللي في بطنك لو الباب فضل مقفول دققتين كمان هزعلك بجدد
نور خافت وراحت جابت فونها واتصلت بشهد فثواني وردت وتابعت ايه يانور
نور بخوف شهد بالله عليكي انزلي الحقي اخوكي هيموتني
شهد اتخضت من كلامها وقامت من على السرير وتابعت نعممم ليه في اييه
نور بخوف اتخانقنا فـ زغرطت ياختي زي مابنت الكلب بتاعت التيك توك قالت وحالف هيجيب اجلي لو فتحت الباب فانزلي سكتيه بالله عليكي وغلاوه احمد
شهد اتصدمت وفضلت تضحك بشده وتابعت يخربيت اهلك يانور انتي اتجننتي بتزغرطي ليونس !!
نور بخوف يشهد بالله عليكي مش وقته تقطيم بقى اخلصي انزلي هيموتني
شهد بضحك حاضر حاضر باي
فقفلت معاها ووقفت تاني ورا الباب فتابع يونس بعصبيه عاارفه يانور لو شوفتك هدخل فيكي السجن بضمير مرتاح
نور بضحك مهونش عليك يعمري انا عارفه
يونس اندهش من برودها وضحكها فـ ضرب كف في كف وتابع بحده يابارده يابنت البااردين افتحي علشان مهزقكيش .. وعادي يهون علياا جربي افتحي الباب كده وهتشوفي هقتلك وادخل السجن و ارتااح
نور بضحك موافقه تقتلني طلما هتفرغ طااقه وهتطلع اللي جواك وترتاح بس متدخلش السجن يعمرري لااا مرضاش ليك البهدله فهتنازل عن حقي ده انت دكتور محترم وابن ناس
يونس ابتسم غصب عنه وتابع طب افتحي الباب يا نور
والباب خبط فيونس راح فتح كانت شهد هتموت على نفسها من الضحك وتابعت ورحمه الغالين عندك خلاص سيبيها دي نور يا يونس من امتى حد بياخد على نور
يونس بحده اه مالازم تطلعك علشان عارفه اني مش هسيب اهلها انهاارده هو ينفع الهبل ده يعني ياشهد
شهد بضحك لا يقلب شهد مينفعش حقك عليا انا بس خلاص والنبي عديها المره دي البت حامل
يونس بحده بصي ياشهد انا علشان خاطرك لاجل انك طلعتي مش هكلمها بس تختصرني خالص وملهاش دعوه بيا وراح دخل اوضه الاطفال ورزع الباب فشهد اتخضت وهزت راسها بيأس وتابعت اقول عليكي ايه يانور بجد وراحت خبطت وتابعت افتحي يا هانم انا شهد
نور بخوف قولي وغلاوه احمد اخوكي مش معاكي
شهد بحده يامتخلفه وغلاوه احمد مش معايا طبعا افتحي واخلصي
ففتحت نور بحذر فتابعت شهد بحده ريحي دماغك دخل اوضه نوران
نور بصدمه ايه ده ليه ؟؟؟
شهد بابتسامه هيروقها .. واتعصبت وتابعت يا بارده هيكون لييه يعني ماكيد هينام فيهاا وزعلان منك وبيقولك اختصريه خالص
نور بحب لا ده حبيبي مقدرش ورايحه تخرج فمسكتها شهد وتابعت بتنهيده استني يهدي يونس لما بيتعصب بيبقى وحش اهدي عليه خمسه وانا نازله وياريت نتلم ونعقل شويه
نور بضحك شوف مين ببتكلم عن العقل
شهد بضحك انا عرفتك وخلاص علشان ميهزقكيش لان مش يونس بجد اللي يتهزر معاه الهزار ده فاتنيلي اقعدي كده استني يهدى شويه وادخليله
نور بضيق طيب هستنى وقعدت ربعت ايديها على السرير
فضحكت شهد وتابعت ايوه اقعدي كانك متعاقبه كده وياريت مش كل حاجه نشوفها نقلدها ها
نور بضحك بس يابت اخرسي
شهد بضحك وتهديد: واالله اجيبهولك
نور بضحك لالا خلااص انا اسفه
شهد بضحك طب يلا نا نازله اتخمد السااعه 11 بالليل الله يخربيتكم انهارده
نور بضحك روحي والله خلاص متقلقيش انا شويه وهراضيه
شهد بضحك الا صحيح طمنيني وغمزت
نور بضيق حصل ياختي ماهو بينكد بقلب جامد بعد مصلحته ماخلصت خلاص
شهد فضلت تضحك بشده وتابعت يابنت الجزمه يعني واحده بتزغرط في وشه وسط خناق وعايزاه يطبطب عليها
نور بضحك اهو اللي حصل يقطع التيك توك واللي يمشوا وراه
شهد بضحك 100 مره يلا باي هنزل انا
نور بضحك باي
وبالفعل شهد نزلت ونور استنت شويه صغيرين وقامت تتسحب لقيت يونس نايم علي سرير الاطفال ومدي الباب ضهره فدخلت بتتسحب فتابع يونس بحده اطلعي برا علشان مقومش ازعلك
نور اتخضت انه حس بيها فحطت ايديها على صدرها وتابعت بخضه بسم الله الرحمن الرحيم يخربيتك انهارده وراحت بسرعه ونامت جنبه وتابعت بدلع: شوفت فيلم محمد هنيدي فول الصين العظيم لما قال ” لا يا جدي مقدرش اسيبك مقدرش ” اهو انا مقدرش انام من غير حضنك مقدرش
يونس من غير مايبصلها لف واداها ضهره وتابع وجده قاله ” لا سيبني .. سيبني بدل ما اسيب الدنيا انا وارحل ” اعتمدي المشهد كله بقى
فتابعت نور بحزن نورك بقيت تهون عليك على فكره تشيل منها
يونس بضيق اه خلي في دم واطلعي برا بقي
نور بضحك لا معنديش ابنك واخد كل حاجه لحد ما اتمصيت وبعدين بصلي وانا بكلمك كده وراحت الناحيه التانيه نامت قدامه ووشها بقى في وشه وتابعت والله مش هعرف انا من غيرك وحياتك عندي
فيونس بص للسقف ونفخ بضيق وتابع طب خليكي بس خلي في مسافه شويه
نور وهي بتقرب عليه تابعت بضحك ليه طلعت اختك في الرضاعه وجوازنا حرام ولا ايه يمصيبتي انا حامل
يونس بضحك نور احترمي نفسك واتلمي اخوات الرضاعه ايه ده انا لو كنت اتجوزت كنت جبت قدك
نور برفعه حاجب نعمم ياخوياا متأفورش بس متأفورش قال جبت قدي قال
يونس بضحك طب اما تطلعي برا علشان مش طايقك اما تخلي زي ماقولت في زفت مسافه
نور رفعت تيشرت يونس ودخلت جواه وطلعت راسها من الرقبه ووشها بقى في وشه وتابعت بضحك ايه رايك بقى في المسافه حلوه ولا ابعد سِنه كمان ؟؟
يونس فضل يضحك وتابع يخربيت اهلك هتبوظي التيشرت اطلعي يابت انتي اتجننتي !!!
نور باسته برقه وتابعت لما تتصالح هطلع
يونس بابتسامه اانا لو اتصالحت هقولك خليكي لازقه مش هطلعك وحط ايديه على ضهرها فنور فضلت تضحك وتابعت طب وحياه نور عندك خلاص سماح المره دي وباسته برقه بعدين باست خده وجبينه وابتسمت وتابعت هاا اتصالح بقى
يونس تنهد بعمق وتابع خلاص يا نور محصلش حاجه
نور بحب وحياتي؟
يونس حط ايديه على خدها وباسها بحب وتابع وحياتك بس الهبل اللي حصل ده وعدم احترامك لكلامي و انك تقرري وتخططي من ورايا .. لو حاجه منهم حصلت تاني متلومنيش على رده فعلي ساعتها
نور بضحك لا وحياتك خلاص توبه وخرجت من التيشرت
فضحك يونس وتابع هو انا قولتلك اخرجي يا بت انتي مش قولت لو اتصالحنا هتخليكي
نور بضحك اه ما انت عاجباك اللزقه دلوقتي التيشرت مش هيبوظ
يونس فضل يضحك وتابع ااه عجباني طبعا ده انتي لما طلعتي سبتي فراغ وربنا بس وماله وشدها خباها جوه حضنه وباس راسها بعمق وهمس يلا بقى نامي
نور ابتسمت بحب ونامت في حضنه بارتياح
—-
عند شهد كانت يادوبك عرفت تنام والساعه 12
واحمد كان عاملها مفاجاه وجاي بس مرضيش يعرفهاا ففتح ببطئ ودخل شنطته والشنط اللي معاه وخلع جزمته وقفل الباب بهدوء وبقي يمشي براحه لقي انوار الصاله شغاله بس هي مش موجوده فمشي يدخل اوضتهم وفتح الباب كانت نايمه بلانجيري حمالات روز قصير ورجليها اغلابها باينه وشكلها ملفت وحلو لاقصي حد فابتسم بحب واشتياق وراح شغل نور الاباجوره وقعد جنبها وباس خدها وجبينها فشهد حست وفتحت عينيها ببطئ واتخصت وصوتت لما لقيته قدامها فاحمد اتخض وقام وقف وفضل يضحك وحط ايديه علي بوقها وتابع بس بس اهدي ده انا يخربيت اهلك في ايه يحبيبي اهدي
شهد استوعبت انه احمد وهديت ومبقتش قادره تصدق انها شيفاه والدموع اتجمعت في عينيها ورمت نفسها في حضنه واحمد قعد بركبه واحده علي السرير وبقي يضمها ليه اكتر ويبوس كتفها ويطبطب على ضهرها يهديها
فتابعت شهد بدموع فرح يحبيبي واحشتني اوي اوي بجد ولفت ايديها حوالين رقبته وضمته اكتر وتابعت بدموع اخص عليك معرفتنيش ليه انك جااي يا احمد واكلمك تنام على نفسك في الفون
احمد كان مغمض عينيه وحاضنها وحس ان كل تعبه في الشغل راح قصاد اللحظه دي وباس رقبتها بحب وهمس كنت عايز اعملهالك مفاجاه انما انا منمتش ولا حاجه لما فكرتيني نمت وقفلتي الخط قومت حضرت شنطتي ولما كلمتك الصبح كنت نفسي افرحك واقولك ان ده كان اخر اجتماع اللي راح عليا ده وهنرجع شويه بس قولت اسكت علشان النظره دي في عينك دلوقتي
شهد ضحكت من بين دموعها وتابعت علشان كده قولتلي انا مش ورايا حاجه قومي ارقصي صح
احمد فضل يضحك وتابع ااه صح وابتسم وتابع وكنت قادر اقولهالك دلوقتي بردو بس حاسس ان في حاجات اهم بصرااحه وبصلها باشتياق واضح
فشهد اتوترت لانها فهمت نظراته وتابعت طب ممكن اغير هدومي بس
احمد بضحك ولا ليها لازمه هنعوزها في ايه بذمتك
شهد ضحكت وتابعت بجد نفسي تتربى
احمد بضحك وهو بيفك زراير قميصه تابع وانا بجد نفسي تتعلمي ترتبي الاولويات اصل الكلام ده كله شكليات مش مهم اوي يعني انتي كده زي القمر
شهد بصتله بتوتر وتابعت طب ايه مش هتاكل احضرلك العشا ؟؟
احمد بحب كالت في الطياره ورمي قميصه علي الارض وتابع بهيام: المفروض نحلي بقى
شهد بتوتر احمد وربنا هيغمي علياا
احمد بتنهيده تااني ياشهدد ؟؟!!
شهد بتوتر وتالت ورابع وحياتك انت عارف سايبني قد ايه فخلاص نسيت ايام العروسه دي
احمد بضحك وغمز بس بالله انا حافظ كل حاجه مقدرش انسى تعاالي اراجعلك وبيقرب منها
فتابعت شهد بضحك ياربي نفسي يتربي بجدد مش قادره هموت من التوتر
احمد فضل يضحك وتابع طب تعالي طيب مفيش حاجه ونام علي السرير وخدها في حضنه فنامت على صدره وفضل يمشي ايديه علي شعرها
فشهد ابتسمت بتوتر وتابعت مش مرتحالك والله العظيم
احمد بضحك ماقولنا مفيش حاجه اتلمي بقى ومتستفزنيش الله ودفن وشه في حضنها وباس رقبتها بحب فشهد غمضت بتوتر وحست بقشعره وهمست احمدد
احمد رفع وشه وبصلها بحب وتابع عيون احمد
شهد فتحت وبصتله وتابعت بابتسامه بطل توترني هاا
احمد بضحك انا كده بوترك والله اخص عليكي وركز عليها وتابع انتي كتبتي اسمي تاني علي اول صدرك صح
شهد بصت علي نفسها وابتسمت وتابعت اه اول امبارح لقيت الحنه قدامي فخدتها وكتبته تاني
احمد ابتسم بحب وتابع بالله بموت فيكي
شهد بحب وانا كمان والله العظيم وكنت واحشني اوي وحرفيا دي احلى مفاجاه عملتهالي باست خده برقه
فابتسم احمد وتابع بضحك متاكلش عيش دي بس ماشي وضمها ليه ودفن وشه في حضنها وبقى يبوسها برقه وقرب باسها عند اسمه اللي كتباه فشهد غمضت بتوتر شديد فتابع احمد باعجاب الاسم تحفه وريحتك تحفه
شهد بضحك ده بادي سبلاش من عند نور خدته منها علشان بيخنق يونس
احمد بهيام بالله يونس ده مبيفهمش حد يرفض النعمه ما كله رضاا
شهد بضحك احترم نفسك ملكش دعوه باخويا علشان مزعلكش هو ليه ذوق معين عادي يعني
احمد بضحك لا يعمري متزعلنيش مقدرش هسكت خالص بس ايه هو الذوق المعين بقى
شهد بابتسامه الحاجات الشوجري اللي فيها فواكه كده
احمد بحب ماجربنا ده كتير التغيير حلو بردو وبعدين انا متجوز منجايه اصلاا فا فواكه مع فواكه تعمل قفله كده
شهد فضلت تضحك وتابعت كل مره بتثبتني
احمد بضحك عيب عليكي اهدي بقى ومتفضحيناش وبيقرب منها
فتابعت شهد بضحك انا قولت لنفسي والله انت مش هتعدي الليله دي على خير وبتستدرجني
احمد بضحك واحشاني ياشهوده بقالي 45 يوم بعيد عنك ايه مفيش دم
شهد بضحك لا ازاي ميصحش يقلب شهوده
احمد رجع شعرها لورا ودنها و حط ايديه على خدها وباسها جنب شفايفها بحب وهمس طب ايه بقى
شهد بضحك خلاص انا كويسه والله
احمد بضحك يعني مش هتانبي ضميري اني ضحكت عليكي
شهد بضحك انت كل مره بتضحك عليا فاتعودت خلاص متقلقش
احمد بضحك طب طمنتي قلبي واعتلاها ووطي باس رقبتها بحب فشهد غمضت عينيها وانكشمت بتوتر واحمد لاحظ وباس جفون عينيها برقه ففردتهم وسند جبينه علي جبينها وهمس بحب اهدي ها فشهد وهي مغمضه هزت راسها بـ حاضر وهي بتبتسم فاحمد هدا نور الاباجوره جدا ووطي باسها بحب وهي ايديها حوالين رقبته وقربته منها اكتر
—-
تاني يوم الصبح في المستشفي العسكريه
كانت الكتيبه قاعدين بطريقه عشوائيه برا الاوضه منهم اللي نايم ومنهم اللي صاحي بس التعب والارهاق كان سيد الموقف علي الكل فخرجت الممرضه وتابعت بابتسامه عمر بيه فاق
