رواية بيت المطلقات الفصل السابع بقلم جمانه السعيدي
دنيا طبعا غفران جان شكله مو طبيعي حزينه ولا عبالك جابت والحمد لله
بقينا بلمستسفى اني وامي وأم حازم والبقيه رجعو للبيت
ثاني يوم طلعت غفران بس الجهال بقو بلخدج لان اسبعيين
وزغار احنا طلعنا للبيت وأم حازم بقت يم الجهال
بس وصلنا وهي انفجرت من البجي
كلنا استغربنا من حالته
صحيح يكولون المرأه تصير عدها حالة من الكئابه بعد الولاده
بس مو هيج تعيط وتبجي بعد ماارجع بعد ماارجع
امي اسم الله حبيبيتي شبيج وين ماترجعين
غفران بعد ماارجع البيتهم ابد اريد جهالي اني اربيهم
امي يااا اسم الله هاي شبيج عين وصابتج
اي ضربنج عين لان جبتي توم
غفران يااا عين يمه يااا عين المصيبه جبيره ومااكدر احجيه ابد
امي الله يستر شببج شنو المصيبه هاي انتي عود المرتاحه بينا
غفران يايمه لو احجيلج تتخبلين كارثه يهتز اله عرش الرحمن
امي احجي يبستي كلبي
غفران حازم حازم خاين يعرف وحده عليه
امي استغفر الله انتي شفتي بعينج
غفران شفته هو وياها بوضع معاشره
امي ياااا الله واكبر يعني يجيبه البيتكم
غفران هي عايشه ويانا وهاي العلاقه قبل لا ازوج اني
امي لا يمه حرام لا تحجين هيج
غفران اكله شفته بعيني هو وياها بوضع معاشره اتكلي استغفر الله
ولو تعرفين منو هي وحده مزوجه وعدها طفل منه
امي خاف مزوج قبلج زين احنا ماسمعنا بي مزوج ابد
غفران زوجة خاله عنده علاقه وياها من زمان وامه واخته يعرفن
امي لا تكولين هيج هاي اعراض عالم
غفران والمصيبه من شفتهم لا خايفه ولا بعينه ولا بحاجبه
تهددني اذا حجيت لو تسويلي سحر وتكفخني
لو اجيب واحد وتشهد هذا صاحبي حتى اطلع بلثوب الاسود
امي ولج غفران كولي غيره شلون عده علاقه بزوجت خاله وللج حرام
جمانه السعيدي
غفران هم ذوله يعرفون الحرام اكله شفتهم سويه
ومن الهبطه صار عندي ولاده مبكره
والمصيبه امه واخته يعرفن وساكتات على الحرام
اني بعد ماارجع
امي اهدي من تصيرين زينه احجي وياهم واشوف حل الهاي المصيبه
دنيا امي ماعايزه هم واجاها هم غفران زياده
بليلته مانامت ابد
كلما اكعد الكاها كاعده
حقه مايصير كل زواجات بناته فاشله معقوله كلهن يطلكن ويرجعن عليه
حتى غفران جانت مرتاحه منه هم طلعت اله مشكله
بس اذا زوجه هيج الحرام عنده عادي حقه تعوفه
امي ليله تبات يم الاطفال بلخدج وليله ام حازم تبات يمهم
وحازم ماجانا للبيت ابد
ولا حتى يطمن على غفران ولا يسئل عليه
يعرف نفسه غلطان ومايجينا خاف امي تحجي ويااااا
شهر كامل الجهال بقو بلخدج وامي ابد ماعافتهم
بس الصراحه ام حازم ماقصرت وياهم
تشتري حليب وحفاضات ودز للمستشفى
وامي ابد مافتحت هذا الموضوع وياهم
منتضره غفران تصير زينه وتخلي حد الهاي المصيبه
جمانه السعيدي
طلعو الجهال وامي جابتهم للبيت وغفران حالته صارت احسن
الضاهر ام حازم ماتعرف ان غفران شافت حازم وسميره بوضع مخل
اجت حتى تاخذ غفران للبيت هي وجهاله
امي رحبت بيه وضيفناها ماي وجاي
ام حازم اني اليوم اجيت اخذ غفران والجهال للبيت جهزنالهم غرفه خاصه بيهم
وحازم مشتاق الهم
امي وليش حازم مااجه يرجع زوجته
ام حازم كتله تعال اني وياك نرجع غفوره بس اليوم جايتهم بضاعه وكاعد يفرغوه بلمخزن
امي ولله يا ام حازم جيتج على عيني وراسي
وانتي انسانه طيبه واحنا ماشفنا منج اله كل خير وغفران دائما تمدح بيج وتذكرج بكل خير
بس غفران ماترجع اله تحلين مشكلته
ام حازم كالت مستغربه مشكلته شنو مشكلته الله يستر
امي اي اني اكلج شنو مشكلته
مشكلته علاقة حازم بسميره
راسا ام حازم دنكت
امي اولا هاي العلاقه حرام ثانيا سميره تهدد بنتي
لو تقبلين بهذا الوضع وتسكتين لو اكفخج بسحر
والبسج قضية شرف
شنو بنتي تايه السميره فوك شينه كواة عينه
فوك ماتمشي بلحرام النوب تهدد
شوفي كفيلج الله الي يقرب على وحده من بناتي اكتله خلاص واحسب الله ماخلقه
اني ابوهن دخلته السجن لان اذاهن مو سميره
شني سميره وتهدده شافته زغيره وفقيره وتهدده
ام حازم كلنا ماخلصانيبن من سميره وضيمه
ولله لو تشوفين اخوي زلمه كله تخاف منه وتهابه
خلتله سحر وكفخته وكامت تمشي بكيفه
لو شسوي مايحجي وياها
لزكت الحازم فد لزكه وماتقبل تعوفه ابد
شكد حاولت ابعده عنه حجيت ردت ماكووو
مايشوف اي وحده غيره
امي واني بنتي عليه عزيزه ومااقبل تعيش بلذل
لازم حازم يختار لو غفران لو سميره
ام حازم شلون ابعدها عنه ولله حاولت شكد ومايفيد
وحده بلا اخلاق ولاشرف
ولا تخاف من الله ولا من عباده
حتى زوجه كتله تخونك دير بالك منه ماصدكني ابد
جمانه السعيدي
امي خلاص خلي الها تشبع بي
اني راح انطي مهله شهر واحد اما يعوف سميره ويجي ياخذ زوجته وجهاله او ارفع علي دعوه
ام حازم ولله ماادري
امي كولي لاخوج عليه ونبيه على افعاله
ام حازم اكله كافخته بسحر مايندل رأسه من رجلي تكول
كلليله حجيت ومايفيد
امي ماعندي غير حل لازم يختار او سميره لو غفران
راحت ام حازم توصل خبر الابنه
بس رده كان اكبر مفاجئه النا كلنا
طلك غفران وعافه هي وجهاله علمود سميره
علمود الحرام اتخلى عن زوجته واطفاله بكل برود
اصلا مااجه ولا مره ولا فكر يشوف جهاله
ولا يسئل عنهم بس ام حازم
دائما تجبهم تشوفهم وتروح ودائما تصبر غفران
وعدها امل ابنه يرجع غفران وجهاله الحضنه بيوم من الايام
بس الي يتعمق بطريق الحرام مستحيل يكدر يرجع منه ابد
غفران عمرها ١٩ سنه ومطلقه وعدها اطفال ثنيبن
جمانه السعيدي
البيت صار بي اربع مطلقات
امي كلما نكعد سوا تلوم نفسه ومحمله نفسه المسوليه الاكبر بهذا الفشل لو من البدايه ما جايبه اربعه
ومكتفيه بثنيبن
لو منفصله من اول ماعرفت طبع ابوي
جان رحمتنا من هذا العذاب
حتى خواتي مايعرفن يتعاملن ويه أزواجهن
لان مايعرفن شنو الحياة الزوجيه
وزواجهن كان سريع وبلغصب
بهاي الفتره سمعنا ابوي ازوج مزوج وحده منفصله
وماعدها اطفال عمرها بلاربعين
بس شنو الجوارين يكولون مشوفته النبي عربي
كل يوم لأمه الشارع علي
عدها اخوان طالعين من الطريق وأخلاقهم زفت
وبس يتعاركون على اي مشكله يسوون عركه
مرتين كاتلين ابوي وشامرينه بلشارع وأخير شي جابرينه يكتب البيت باسمه
وكل يوم طاردته من الببت
شوف حكمت رب العالمين شكد جان متعافي على امي
وهي اتحملته واتحملة اهله
جان مخلي كل المسوليه عليه وصابره ومتحمله
بسبب غبائه ضيعنه منه
وضيع اخر شي اله بهاي الدنيا البيت الي يملكه
تعرفون يستاهل هذا جزائه بلدنيا والاخره انشاء الله اتعس
اما بلنسبه الزوج ايمان ازوج البنيه الي يحبه والي طلك ايمان علموده وكام يقصر بنفقة ابنه
شهر ينطي وشهر لا
زوجته تريد مصرف مو مثل ايمان راضيه وساكته
والادمان ماخذ صفحه منه
وهو يشتغل عامل يعني شغله مو تمام
شكرا لزيارتكم عالم روايات سكيرهوم
