رواية عشك أل فراس الفصل السابع بقلم زينب نور
محمد: يمه خايبة يمه مو احجي وياج
ام شاهين :يا وغمة انوب خايبة شتريد ولك
محمد:هههه عندي موضوع وياج اريد احجيلج بس مو اطشين الخبر
ام شاهين :احجي يمه شعندك
محمد:ذول جيرانة الجدد عدهم بنية تعرفينها ؟
ام شاهين :ياهمَ بيت ابو احمد
محمد:شمدريني اي ذول الحطوا كبل أسبوع
ام شاهين :اي اعرفهم شعندك يمهم
محمد: بتهم بتهم تعرفينها
ام شاهين :شعليك بيها تريد تزوجها هسه اروح اخطبها الك
محمد:نامي يمه نامي نوم العوافي
كمت من يمها رحت افتر وين اروح رحت لاخواتي لكيتهن كاعدات
محمد:رسُل
رسُل:نعم
محمد: تعرفين بنت جيرانة ذول الجدد
رسُل:منو منهن هنه تلاثة
محمد:هاي ام عيون الصفر
رسُل:وين اكو عيون صفر
محمد:هسه غير تنجب انا شفتهن صفر
رسُل:اي غفران شبيها
محمد : تخبل لا هسه شتعرفين عنها
رسُل:تعال سولفلي واني اصيرلك استخبارات
امس من طلعت لدوام طلعت متأخر فـ شفت بنية وياها ثنين نسوان كبار ولد شاب واكفين على الشارع الولد اعرفة لان رحنا سلمنا عليهم
طبكت عليهم وحجايتهم
محمد :صباح الخير
احمد :ياصباح الورد
محمد : محتاجين شيء
احمد:والله اريدلي سيارة نريد نروح لاسوك
محمد:اصعدوا
احمد:لا خوية انتَ رايح لدوامك
محمد:اصعد يخوي
صعدوا وياي وهيَ وصارت وراي البنية جمالها ماينوصف كُلش حلوة طول الطريق كل ساعة اباوع عليها بس استحيت من اخوها ومن امس لليوم دخلت كلبي
رسُل:بسرعة حبيتها
محمد:احجي يلا شتعرفين
رسُل:يا شعرف اسمها غفران وعمرها 18 طالبة سادس واصلهم من بغداد حطوا هنا فترة ويرجعون
محمد :يرجعون !!
رسُل:اي قابل يبقون مكابلينك
كمت من يمها حسيت واحد سطرني راشدي مستحيل اخليها تروح من ايدي انا حبيتها حب من اول نضرة
طلعت كعدت بالباب بيتهم كبال بيتنا بالضبط
شاهين :شعندك مكابل باب الوادم كوم لا اسويلنا سالفة
محمد :عمي كاعد باب بيتنا
شاهين :وكبال باب بيتك بيت اوادم وعدهم بنات كوم عيب
محمد : انتَ وين رايح
شاهين : حميدان شعندك
محمد :حميدان صرت
شاهين :بس لا تريد بتهم
محمد:امي كالت مو
شاهين : لا بالله بس احجي وياك عيونك على بابهم ومكابل بابهم وكاعد
محمد :راح اروح لبيت جدي تروح
شاهين :اي يروح لبيت جده هوَ يلا امشي
ومرت الايام واني ما اشوفها ابد صرت اتمنى بس اشوفها اطلع لدوام متأخر لازم شباك الغرفة واكف صارت امنيتي اشوفها مر شهر وماكدرت اشوفها وتقريبًا كنت مفضوح بين اهلي اذا اوكف بالشارع عيني تروح على بابهم
بيوم رجعت من الدوام لكيتها وحدها تمشي الشارع فارغ كانت راجعه من المدرسه بـ9:30 والمدارس يحلون بـ12 فرصة واجتني والشارع فارغ ولا طير
تمشي على الرصيف ضايقتها بالسيارة ونزلت هيّ وكفت وجهاا احمر من الشمس والعيون تخبل
غفران :شتريد وخر عني
محمد:اريد احجي وياج
غفران :اعرفك تعرفني تحجي وياي وخر عني لا تسويلي سالفة
محمد:اي انا اعرفج
غفران : شتريددد مني
محمد:اريدج انتِ
غفران :رادك ملك الموت متستحي انتَ مكابل باب بيتنا وكاعد وهسه موكفني بنص الشارع العسكرية السوتك ضابط وحطولك نجوم ما سوك زلمه
محمد:انجبي لج واحجي عدل زلمة غصبًا على راسج ما جاي اضحك عليج انا ولا ابن شوارع حتى مكابل بابكم والعسكرية تشرفج وتشرف الف واحد جاي احجي وياج كلمتين واروح والزمي السانج واعرفي حدودج ، شفتج وحبيتج ورايدج على سنة الله ورسوله جايكم من الباب واحجي وياج حتى ما اخلي الناس بموقف محرج ما جاي ارقمج
غفران : لا ما موافقة واذا اجيت تنرفض
محمد :نشوف الايام جاية
تركتها وصعدت السانها شطولة وصلت للبيت محد البيت فارغ سبحت وبدلت ملابسي ورحت لبيت جدي من ذاك اليوم بديت اتجاهل بيتهم واتجاهلها اذا اشوفها اباوعلها وادير وجهي
التهيت بدوامي وتركتها وعلى حظي صرت اشوفها كل يوم تروح لدوام او نطلع سوا لو تجي لرسُل تروح وياها
مافتحت الموضوع ويَ احد بيوم اجتني اختي اسيل
اسيل :محمد اريد احجي وياك بموضوع
محمد :تفضلي
اسيل : الموقف الصار بينك وبين غفران
محمد :شدراج بيَ
اسيل :مو مهم شدراني المهم انُ أنت فعلًا تحب البنيه لو
محمد :شايفتني اضحك على بنات الناس لو كل ساعة مصاحبلي وحدها
اسيل : ياربي ليش تقاطعني انتَ من ذاك الموقف لليوم وانتَ متجاهلها بس
محمد : احجي بس شنو
اسيل :الموضوع ميطلع يضل بينا لان هيَ حجتلي ، هيَ هم معجبة بيك بس انتَ ذاك اليوم مضوجها بالكلام
محمد :انا ؟
اسيل :لا ادكول لا اي مضوجها ف اذا تريدها اخذ عمامي وجدي وابوي وروح اخطبها احسن متروح من ايدك
سكتت عنها حسيت صارت هوسة براسي معجبة بيه ! لاچا الا اخليج تحبيني مو بس اعجاب بسيطة !
وبعد ايام معدودة صار شي ما جنت حاسب حسابة......
........................
وردة :بعد ما رحت فصلية كنت جدًا خايفة
خايفه منة هوّ ،من اهلة شلون راح يعاملوني شلون راح اعيش ويا واني كلبي يم رجال ثاني ، شلون راح اكدر اتقبل الفصلية هواي كانت شغلات بالي
وصلنا الهم والخوف زاد اكثر نزلوا وبعدين اني نزلت دخلنا لديوان كعدت يم جدو والرجفة الصابتني مو طبيعيث بدا الشيخ يعقد عرفت اسمة أيهاب
سئلني الشيخ وانطيت الموافقة ورجع سأل أيهاب وكذلك أنطا الموافقة
راح الشيخ وجدو هم كام وكال
الجد :هاي امانة الله ورسوله ايهاب بنيتنا غالية حطها بعيونك
أيهاب :ما يحتاج توصي يابه بنيتكم بعيونة
سلموا وراحوا وراحت روحي وياهم خلصتها بگي كلهم طلعوا أنوب رجعلي اللي اسمة زوجي
ايهاب:يلا تعالي ادخلي لجوا
رحت ورا دخلنا البيت كان بيَّ نسوان هواي برا اول ما دخلنا وحدها صاحت بوجهي
مها :اي وأخيرًا شرفت الفصلية تخدمنا
أيهاب :احترمي نفسج واسكتي اسمها وردة واحترامها من احترامي اليضوجها يعني ضوجني واليسمعها كلمة لا يلوم روحة وردة مرتي على سنة ورسوله واسمها وردة صار مفهوم
عشق :بأمرك احنه خوية تعالي حبيبتي ادخلي جوا
رحت وياها دخلنا من باب الصالة شفت مراة جبيرث بالعمر كاعدة اول ما شافتني كالت
ام ايهاب :اللهم صل على محمد وأل محمد هلا بيج يمه
سلمت عليها وكعدت شوية ودخل ايهاب سلم عليها
ام ايهاب :يمه شلونة اخوك
ايهاب :حالتة زينة يمه وان شاء الله يتحسن عشق اخذي وردة للغرفه فوك خل ترتاح
صعدت لغرفتي البنية كانت حبابة بس ذني الحياية يمه
عشق :حبيبي هاي غرفتكم اخذي راحتج
وردة :عمري شكرًا
نزلت هيَ واني دخلت الغرفة يمه اشتاقيت للهلي بعدني اول ساعة بدلت ملابسي وكوة لازمه دموعي كُل فكري يم فهد هسه عرف او لا ؟
نزلت جوا يمهم لكيتهم كلهم مجتمعين بيهم شفتهم اول مدخلت وبيهم لا سلمت واشرلي أيهاب اكعد يمه رغم هوَ مشفت منه شي لحد الان بس اريد الزمهة وأخنكهة كعدنا يمهم الضهر اتغدينا وصعدنا
أيهاب :اريد احجي وياج بموضوع واسمعيني زين يبنت الناس
وردة :تفضل
أيهاب :انا سالفة الفصلية كلها ما مقتنع بيها وكنت ملتحق خابروني تعال اجتك فصلية نزلت وحاولت ويَ عمامي ما كدرت ومن عرفت انتِ بنت عم الشيخ فهد الله شاهد ما قبلت وانا احب بنية من العمارة ومقررين بس انزل اروح اخطبها ، الزبدة من كلامي علاقتي انا وياج اخوة داخل الغرفه وكدام اهلي مزوجين لحد ما الله يفرجها ونشوف حل .
وردة :مدام انتَ حجيت اني هم عندي كلام اريد احجي وياك واريدك تسمعني وتفهمني
أيهاب :تفضلي
وردة :اني حبيبة فهد وعلى اساس اله لكن من صارت هاي السالفة صرت اني
قاطع كلامي وحجة بصدمة
أيهاب :انتِ حبيبة فهد !
وردة :اي اني
كام يفتر بالغرفة ويردد يا سواد وجهك يا ايهاب خذت حبيبة صاحبك كنت اباوعلة ودموعي تنزل يمكن ربع ساعة هوَ يروح ويرجع بعدين كال
أيهاب :اسمعي يبنت الناس بس يصحى شهاب ارجعج لهلج عيب على شواربي اذا اغدر بصاحبي هيج غدرة
طلع واني طكيتهاا بجيهه مرت الايام واني عدهم كلهم زينين وياي الا مرت شهاب مها واختها سهى اربعة وعشرين ساعة يمنا وامهن مو احسن منهن
موكفاتني على رجل وحدها مو نسوان مر على وجودي يمهم اكثر من شهرين واني مرايحة لهلي بعدين قنعت أيهاب ورحت ضليت يمهم يوم كان احلى ايام حياتي بعدهي رجعنا ومرت ايامي بهدوء
احد الايام كاعده فوك وسمعت صوت هلاهل وصوت عالي جوا نزلت اركض صار بوجهي أيهاب
وردة :شكو
أيهاب:شهاب اليوم راح يطلع من المستشفى
حجاها وضحك فرحت حيل انُ راح يطلع وفرحت اكثر لان أيهاب وعدني ارجع لهلي كانت فرحة ولا اروع صرت اضحك وابچي بنفس الوقت !
هذا الحجي الصبح لـ11الضهر طلع شهاب من المستشفى والهوسة الصارت مو طبيعية مثل هوستنه بالعزايم او هوسة كُل العراقين الناس كُلش هواي كرايبهم كلهم موجودين
سلموا عليَّ وكذلك سلمت عليَ
شهاب :منو هاي البنية
أيهاب :مرتي
شهاب:ازوجت
مها :فصلية
شهاب : من شوكت احنه ناخذ بنات الناس فصليات
أيهاب : اسئل عمامك
صعدت لغرفتي وهمَ ضلوا يتناقشون ضليت افتر شوكت يصعد حتى يكول شوكت ارجع للهلي شوية وصعد
أيهاب :ها شو تفترين
وردة :احم شوكت ارجع لهلي
أيهاب :عن قريب بس خل الناس شوية تخف ونكول تعاركنا ومابينا تفاهم بس هل الكم يوم اصبري
وضليت انتظر شوكت يجي هذا اليوم وارجع لهلي شوكتتت واجهه هذا اليوم لكن .....
..............................................
علي : بلش الخامس بكُل تعب چنه نقرا سوا وطوول هاي الفترة اهل عمر ما تركوا بين فترة وفترة يجون يحجون ويا بس عمار وعامر بعد فلا شفتهم
بيوم عمر كال ما اداوم مالي خلك تركتة براحتة ورحت لدوام كان صباحي من الـ8 لـ 12:30 يلا ينتهي الدوام من رجعت اصوات بالبيت
البيت هوسة دخلت للاستقبال! لكيت نسوان وزلم وجهال وعمر بينهم سلمت ردوا السلام ورحت للغرفة عرفتهم اهله بس هل المره كُلش هواي !
ضليت كاعد بالغرفة شوية ودخل عمر كال
عمر :راح نروح للامام الكاظم علية السلام تروح ويانة
علي:لا
اخذ ملابسة وطلع تقريبًا ساعة وصار هدوء تام طلعت محد بالبيت تغديت ورجعت كملت التحاضير وكتبت لعمر ونمت
بليل رجعوا عمر كال راح يباتون البيت طابقين اربع غرف فوك وثنين جوا
علي:اي خلي يصعدون فوك وذني غرفتين ناموا بيها
عمر:وانتَ
علي:انام بالاستقبال
عمر :انام يمك
علي:لا خليك يم اهلك همَ جايين على مودك
اخذت ملابسي وكتبي من الغرفة وفراش ورحت للاستقبال اتصلت عليه امي ماعرف شصار بيه مادري ليش هيَ هم ماكدر احجي وياها
اتصلت اكثر من مره ما جاوبت
ثاني يوم كعدت بـ6 صليت وبدلت ورحت للمطبخ اسوي ريوك اول ما دخلت صارت بوجهي بنية صغيرة تصير بنت بنت عم عمر يعني امها تصير بنت عم عمر عمرها 6سنوات
علي:شسوين هنا
رقية:اريد مي
علي:تعالي
شربت ماي وراحت لفوك سويت بس كهوة شربتهاا وطلعت عمر شلون وكعدة وعيب ادخل عليهم لان امة وبيبيتة نايمات هنا اتصلت عليَ مايجاوب
تركتة ورحت لدوام من رجعت لكيتهم رايحين وهيج مرت الايام وانتهى الخامس وبلشنا سادس وكانت ايام تعب وصعبة حيل ماشفت اهلي ولا صار شي بس الشيخ يروح ويرجع عليه
انتهى السادس بمعدل 98 قدمت كلية عسكرية حلم الطفولة عمر كذلك قدم عسكرية
كانت ايام صعبة ، تعب العسكرية السهر والتعب والتدريب المتعب والعقوبات وساحة التدريب وقساوة العسكرية كانت جدًا صعبة بس تحملنا في سبيل نكمل حلمنا العسكرية اللي طلعت زلم .
ورا تعب العسكرية ورا ما شفنا نجوم الضهر . اجة يوم التخرج يوم حلو وحزين بنفس الوكت يوم ما ينسي
بهذا اليوم صار اسمي : ملازم علي محمد فراس المحمداوي
شدينا النجمات وخلصنا مراسيم التخرج واجت ساعة الوداع
الكل كان اهلهم موجودين بس انا الوحيد كنت واكف على جهه منتظرهم يخلصون حتى اسلم عليهم واروح
اجوا رجال ومراة كبار بالعمر سلموا عليه وسئلوا ليش وحدي كتلهم اهلي بعدين
اجاني راهب ابتسمتلة
علي:مبروك حبيبي
راهب:الله يبارك بيك راح تروح ماترجع ويانة
علي: لا سلملي عليهم وبشرهم صرت ضابط وان شاء الله بالمستقبل نلتقي
دمعت عيونة وتقدم حضني وانا كذلك بجينا ثنينا ساعات الوادع صعبة شما كانت
راهب :راح اشتاقلك
علي: ان شاء الله نلتقي
اجاني عمر
عمر :ماقصرت وياي صرتلي اب واخ وصديق واهل اعذرني اذا قصرت وياك فد يوم واعذرني لان راح اتركك وحدك وارجع ويَ اهلي
ابتسمت وكتلة
علي: الله يوفقك ويديم لمتكم ويحفظك ويحفظهم
سلمت عليَ وراح وكذلك راهب ونمر وكلهم راحوا همَّ وانا رجعت للبيت وحدي !
طلعت تيلفوني اتصلت على امي اكثر من مره يلا جاوبت
ام فهد :الو
علي:شلونج يمه
ام فهد بشهكة : يمهه علي علي هذا انتَ
علي:اي يمه علي
ام فهد بدموع :يمه سودة عليه سودة بوجهي شلونك يمه وين كاعد وين جنت كل هاي السنين يبعد امك شلوني انا وانتَ مو يمي ليش هيج اسوي بيه
علي:عايش يمه عايش الله ما ينسى عبده اجيت ابشرج تخرجت وصرت ضابط اليوم تخرجي
هلهلت وكالت
ام فهد :يمه الف مبروك يبعد امك وكلبها شلون يمه شلون منو شاركك فرحتك وحدك غريب
على كلامها نزلت دمعتي مسحتها بسرعة وجاوبتها
علي:اي وحدي غريب خلصت مراسيم التخرج وطلعت
ام فهد :يمن سودة بوجهي يمه كلي وين انت اجيك والله اجيك
علي:اسم الله عليج، مو مهم وين يمه كاع الله واسعة
ام فهد :چا ارجع يمه ارجع طك كلبي عليك خليني اشوفك
علي:صعب ارجع يمه صعب
ام فهد :انسى
علي: ما اكدر
ام فهد :تندم
علي:مايفيد الندم
ام فهد :بجه هواي
علي:بجاني واذأني هواي
ام فهد :يمه وانا شنو ذنبي
علي:مالج ذنب يمه بس ما اكدر
ترخصت منها وغلقت التيلفون
وكفت كدام المراية
هنا بديت حياة جديدة حياة بشخص ثاني طالع لدنيا بقوة اقوى حالف اخذ ثاري من الكل واحد واحد حتى أللي أذاني بكلمة اخذ ثاري منه خاف كبل ماعندي ضهر يسندني هسه انا سند روحي انا الراح اخذ حكي من حلك السبع الزمن طويل والايام جاية والدنيا دور وانا جايكم واحد واحد اصفي حسابي من الصغير لجبير ....
...........................
قبل تخرج علي نرجع بالاحداث لوردة
قرر أيهاب انُ نطلك ونرجع لكن امه وكفت بوجهنا ومقبلت لكن أيهاب كدر يقنعهاا
كانت الفرحة كبيرة اجوا الشيخ واسر وجدو وعمي ابو جاسر
أيهاب:هاي إمانتكم وصلت وانا اعتذر على الصار واعتذر منك شيخ وان شاء الله نكون كد الامانة
الشيخ :ماقصرت والنعم منك نترخص منكم
سلموا ورجعنا كعد يمي اسر وجدو بالسدر والشيخ يسوق وعمي ابو جاسر هم يمنا ورا
اسر كل شوية شابكني واني هم الفرحة ما تنوصف والشيخ كل ساعة وخازرنا رجعت للبيت اتلكوني بالهلاهل
و امير وياسر ومهند وايمن ضلوا يهوسون وراي
جبناها واجت ويانه من شيل الزلف تعبانة
ووردة اجت لعيالها وطير الزعل يبرالها
الجده :ديلا بلا شوف الخبال شمالكم ولكم شنهي هيَ زعلانة
امير :اممم حطت روحها ام الزوز
كان يوم مفرح الضحكة انرسمت على الكُل كانت ناقصة فرحتنا انُ علي مموجود .
................................................
ازل : بعد ما رجعت وردة رجعت لمتنا بيوم من الايام الي هوَ يوم جمعة كان الكُل يمنا مثل العادة
وكان اكو ناس بالديوان كعده كان صوتهم عالي عبالنا مثل كل مرة
شهد :ذول صوتهم عالي حيل خبصونا
سبأ: ابين السالفه چايدة
الجده :الله يستر كلبي ما مرتاح
شويه وبدوا يطلعون دخلوا عمامي وجدي بس الولد محد منهم
الجده :شكو باستار شنهي هذا الصياح
ابو فهد : وادم مخربطة وطايح حضها
ام فهد :شكو شصاير
الجد : ذول كبل فترة طويلة على عهد ابوي وابوهم عدنا طلابة وياهم على كاع وصار بيها كتل وفصول وچثير شغلات ماخلصت الطلابة بسنة كدرنا نخلص منها ذاك اليوم محمد رايح لديرتهم فصل هناك وعارفينا وصاير بينهم حجي وتهديد وشني تجينا واهلك كاتلين اهلنا واحد من الشيوخ الخيرة ساد الموضوع ومحمد رد وحاجلي السالفة البارحه بليل اجاني الشيخ
الشيخ :حجي عندي موضوع وياك
الجد :خيرك بوية
الشيخ :انتِ كبل حاجيلي على الثار البين ابوك وفلان عشيرة
الجد :اي بوية ليش
الشيخ :ذول رجعوا احفادة وولدة يطالبون ويهددون يكولون جنه مانعرفكم وندور عليكم وهسه عرفناكم والبارحة واحد منهم. يتهدد وهسه خابرني شيخهم كلي باجر احنه يمكم
الجد. :شني يابه بعد هاي السنين كلها تذكروا ثارهم
الشيخ :هيج الظاهر كتله حياهم الله واجيت انطيك خبر
الجد :هسه من اجونا هم ضلوا يتهددون ولدنا ما سكتوا اسيد كلهم
اسيد : انتم لو بيكم حظ چا اخذتوا الثار من زمان مو هسة جاين اطالبون ناس مالها ذنب وصايرين زلم كل ثار مالكم يمنا واذا ما تحترمون نفسكم وتحترمون الكاعدين الباب يوسعكم
وصار كلام هواي وراحوا كبل لا يطلعون كالوا نرجعلكم وواحد من ولدكم ينكتل وهاي كل السالفة
ام جاسر : بس عمي السالفة هيج تكبر ولازم تلكون حل بأقرب وكت لا يصير بالولد شيء
ازل :كالوا الله كريم وسكتوا اجوا الولد وصار نقاش حاد بالاخير انسد الموضوع
ثاني يوم اسد وصهيبُ والشيخ بالدوام وجدو وابوي معزومين غداء بس امير موجود اندك الباب وقت الغداء كُلش كام امير فتح الباب .....
شكرا لزيارتكم عالم روايات سكيرهوم
