رواية غموض الحب عائلة الرفاعى الفصل الرابع و الثمانون بقلم لولا
وفتحت كانت نرمين
فابتسمت وتابعت اتفضلي يا ماما ادخلي
نرمين ابتسمت بتوتر لانها عارفه ان امنيه مجنونه وتابعت لا يا بنتي انا مش جايه عشان ادخل بس في واحده سالت على سيف وعايزاه
امنيه برفعه حاجب نعم !! واحده مين ؟
نرمين بتوتر معرفش يابنتي والله ابقي اساليه وهو يقولك
دارين من ورا نرمين بابتسامه: مساء الخير
امنيه بصتلها برفعه حاجب من اولها لاخرها كانت لابسه بنطلون ضيق فيه فتحات بسيطه على الركبه وبدي حمالات ضيق وفوقيه قميص رجالي واسع وفتحاه وشعرها واصل لحد نص ضهرها وقمحاويه وعينيها رمادي فكانت هتولع من الغيره لان ملامحها حلوه جدا فتابعت بغيره: ااه خير حضرتك عاايزه جوزي ليه وعامهً هو بياخد شاور مش فاضي اصلا
دارين حست ان امنيه مش طيقاها فرجعت شعرها ورا ودنها وتابعت بحرج هو قالي لما اخلص شوبينج واجيب اللي محتجاه اكلمه واتصلت بيه مردش فطلعت اسأل
امنيه اتصدمت وتابعت بعصبيه تتصلي بمين انتي اتجننتي ويقولك كده لييه اصلاا ده ليله اللي جابوه مش هتعدي و ….
ولقيت نرمين حطت ايديها على بوقها وتابعت بخوف بس بس يخفي حسك اسكتي لو سمعك والله لنطلع بيكي على المدافن
امنيه شالت ايد نرمين وتابعت بحده انتي مش سامعه يا ماما اللي بيتقال ايه ام الاستعباااط ده يعرفهاا منين هو علشان تكلمه وجايه بكل بجااحه لحد هناا تسأل عليه انتوا عايزين تموتوني بقهرتيي
دارين بحرج يا مدام امنيه اسمعيني والله سيف بيه حد محترم جدا ومعرفتي بيه علشان انا كنت عند حيدر زيه وفضلنا الفتره دي كلها مع بعض فاهو ..
امنيه اتصدمت وقاطعتها بعصبيه نعم ياااختتي فضلتوااا ايه ؟! فضلتوا الفتره دي مع بعض !! واتعصبت اكتر وتابعت ده ليلتك انتي وهو اسود من الفحم انهاارده لما يطلعلي البييه لما يطلعلي على حرقه الدم اللي عايشه فيها بسببه دي
نرمين بخوف اتلمي ووطي صوتك وافهمي منه علشان ميمدش ايديه عليكي مش ناقصين نكد الواد لسه راجع
امنيه بعصبيه ياماما بالله عليكي بلاش حرقه دم وتطبيل بقى يمد ايديه ايه هي بجااحه ولا ايه ده انا لو راجل جيه سأل عليا كان فلقني نصين
نرمين بخوف يابت اخرسي الله يخربيت اهلك يبعيده لو سمعك هتبقى مصيبه تسمحيي تكتميي ومسمعش حسك خاالص؟؟
امنيه بحده اصل مبقاش انا قاعده هنا طاالع عين اهلي مع بنته وشايله بيته ومحافظه على شرفه وهو يقعدلي مع نسووان هنااك ويقولي شغاال وضربت بايديها على رجليها بغل وتابعت بعصبيه شغال اوي بصرااحه هو ده الشغللل شغاال مع نسووان ويقولي جيش ماشي يا سيف مااشي
دراين بخوف اقسم بالله انتي فاهمه غلط انا ممكن افهمك و
امنيه بمقاطعه وعصبيه انا هفهم من جوزي مش من حد تاني فالو سمحتي متدخليش
نرمين تنهدت بعمق وهزت راسها بياس وتابعت انا هنزل لستك صافيه علشان ورايا هم ما يتلم وانتي يابنتي اقعدي استنيه ولو حصل بينهم حاجه ناديني
دراين بتوتر حاضر اكيد والله بس انا ممكن استنى في الشارع احسن
امنيه بعصبيه تستني ميين ؟ تستني ميين اصلاا ؟ تستني جووزي ؟؟ لييه عايزااه في ايه ولا مبقتيش قاادره تستغني
نرمين بحده يا امنيه بس كفاايه عيب يابنتي كلامك ده لبنت الناس وبعدين هو جوزك بتاع كده بردوو
امنيه بعصبيه انا هعرف بتاع كده ولا لا لما يطلعلي الصبرر بس …ولا لما يطلعلي لييه انا هدخله دلوقتي مش حلاالي ولا مش حلاالي
ورايحه تدخل فنرمين فضلت تضحك ومسكتها بسرعه وتابعت ياللي تنشكي هتدخلي تتخانقي مع الرااجل في الحماام يا قاادره
امنيه بعصبيه ااه يخش يكون في جهنم الحمراا هتخانق معااه بردو ابنك حاارق دمي والله العظيم وتابعت بتريقه: وقال اييه قاعد هناك وبالي معاكم وبموت الف مووته واتعصبت وتابعت ده انا هدخل اموته صح دلوقتي
فنرمين كانت بتضحك بشده ومش قادره توقف ضحك منها وتابعت طب اهدي يا مجنونه اهدي ولما يخرج كلميه براحتك مينفعش كده يابنتي تدخلي الحمام تتخانقي فتعصبيه يقع يتكسر الف بعد الشر عنه ولا يجراله حاجه
امنيه بحده لا طبعاا ازاي مينفعش يتعصب في الحمام ليتكسر بس ينفع انا دمي يتحرق واطق منه مش كده
نرمين بضحك لا ولا كده جوزك وحقك تساليه وبصت لدارين وتابعت ادخلي يابنتي وهو هيطلعك لما يخلص فدارين بصت لامنيه بتوتر فتابعت نرمين بضحك ادخلي يابنتي ملكيش دعوه بيها هي هتدخله الحمام دلوقتي مش قعدالك
فدخلت دارين وقعدت على الكنبه ونرمين خرجت وتابعت بضحك وهي بتقفل الباب هدي اللعب واتلمي هاا وقفلت وامنيه بصت على دارين وكانت متعصبه جدا وتابعت بغيره: وانتي على كده مين هنا من الصعيد حس ان مينفعش لبسك ده فاداكي قميصه تستري بيه نفسك؟
دارين بتوتر لالا محدش عادي هو .. قصدي كان معايا يعني
امنيه بصتلها بشك وتابعت هاتي القميص ده يابت انتي ثواني
دارين بتوتر ايه ده ليه لا طبعا مينفعش انا لابسه حماله
امنيه بضحك لا وش كسوف بصراحه صدقتك وراحت وقفتها وقربت شمت القميص وغمضت عينيها بغضب وخدت نفس بصوت عالي فتابعت دارين بتوتر اقسم بالله انا اللي خدته منه والمصحف
امنيه مردتش عليها وراحت على اوضتهم وفتحت لقيت سيف لابس بنطلون جينز ومن فوق عريان ونايم على بطنه جنب بريتي وعمال يضحكها ويبوسها فلفت نظره وجود امنيه فبصلها وهو بيضحك بس ابتسامته اختفت من ريأكشن وشها ورافعه حاجبها فتابع بضحك لا حول ولا قوه الا بالله العلي العظيم في ايه يخربيت اهلك حد يدخل على حد كده وبص لبريتي وتابع بضحك مش شيفاني قاعد مع مزتي ووطى باسها في خدها كذا بوسه ففضلت تضحك وهو يضحك على ضحكها فتابعت امنيه بحده سيف لو سمحت سيبك من البت دلوقتي علشان عايزاك
سيف بصلها برفعه حاجب وتابع ايه صوتك ده انتي اتجننتي؟
امنيه بعصبيه اه سيب الموضوع كله وامسك في صوتي
سيف قام وقف وراح مسك دراعها وتابع بعصبيه مالك يا امنيه في ايه ولا اللي قفشااني بخونك ايه الاستعبااط اللي انتي فيه ده
امنيه شدت دراعها وتابعت بعصبيه مين الحيوانه اللي جات براا عايزااك دي وبتقول انها اتصلت بيك وانت مردتش وقولتلها خلصي خراا شوبينج وكلميني
سيف فهم سر غضبها فعمض عينيه بضيق وخد نفسه بعمق وتابع دي دارين
امنيه بذهول والله !! وتابعت بتريقه: دي دارين واتعصبت وتابعت تصدق كنت قاعده محتاره في اسمهاا ونسيااه وانت فكرتني !!متعصبنش واخلص مين الحيوواانه دي
سيف بعصبيه مالك يا امنيه ايه اسلوبك ده ماتتعدلي كده في ايه هفهمك بس مش وقته
امنيه بعصبيه طبعاا مش وقته انت اصلا كنت هترجعلي ليه ما انت قااعد مع نسوان هناك 5 شهور ولا الحلوه ام عيون رماادي دي اتااري القاعده هناك عجبتك فترجع لامنيه ليه مثلا
سيف غمض عينيه بغضب وتابع قسما بالله العظيم كلمه كمان وبضهر ايدي وهلزقك في الحيط واتعصب وتابع علشان اللي انتي بتقوليه ده انا لو خدته كلام جد والله العظيم هكسرك انهارده
امنيه دموعها اتجمعت في عينيها وتابعت بس انا حقي اعرف مين دي يا سيف واتعصبت وتابعت وازاي تلبسهاا هدومك اصلاا
سيف بعصبيه يابنتي قولت هفهمك بعدين الموضوع مش مستاهل اصلاا دي بنت من البنات اللي كانوا عند حيدر بس ساعدتنا كتير فوعدتها اني ههربها من هناك ولبست هدومي علشان هدومهم هناك خراا فده اللي حصل ولا ااكتر ولا اقل
امنيه بعصبيه وبتعمل اي عند زفت واحده زي دي هاا بتروح وسط رجاله ليه ولا هي ..
سيف قاطعها ومسك دراعها وضغط عليه جامد وتابع بهمس حاد : اخرسي خالص ومسمعش حسك مش وقته نهائي الكلام دده البت قااعدده براا وانا هطلع دلوقتي اشوفها وخمس دقايق وهتمشي اقسم بالله العظيم يا امنيه صوتك لو طلع قدامها هتزعلي مني وبالجامد انتي فااهمه ؟؟
امنيه بصتله بدموع ومردتش عليه وشدت ايديها منه وبريتي كانت بتعيط فراحت شالتها تسكتها فنفخ بضيق وراح فتح الدولاب بعصبيه فخبط بصوت عالي ولبس قميص سماوي فوق البنطلون وخرج وامنيه دموعها نزلت بحزن وهي بتحاول تسكت بريتي وخرجت وراه ووقفت ساكته زي ما قالها فابتسم وتابع اهلا وسهلا نورتي اقعدي اقعدي ارتاحي وبص لامنيه وتابع هاتيلها حاجه تشربها يا ام بريتي
امنيه بصتله برفعه حاجب فبصلها بحده وتابع بهدوء مخيف سمعتي قولت ايه ؟
دارين بخوف لالا والله متجبش اي حاجه انا همشي اصلا وحقيقي اسفه عملتلك مشكله كبيره اوي
سيف بتنهيده ولا مشكله ولا حاجه امنيه غيوره حبتين ومش فاهمه الموضوع فعلشان كده
دارين بحزن لا هي حقها بصراحه انا مش مغلطاها فعلا بس بجد انا اسفه
امنيه راحت ادته بريتي فشالها كويس وتابع لدارين بابتسامه بطلي عبط بقى والله محصلش حاجه فعلا فتابعت امنيه بتنهيده خلي بنتك معاك لحد ما اعمل الحاجه اعمل اي بقى
سيف بابتسامه شوفيها طيب تشرب ايه فامنيه بصتلها بضيق فتابعت دارين بتوتر اي حاجه منك حلوه والله
فابتسمت امنيه بضيق ورايحه تمشي فسيف مسك ايديها باسها بعمق وتابع هتعبك يحبيبي
امنيه ابتسمت بحزن ومشيت فتابعت دارين بحزن بجد اسفه
سيف بضحك سيبك منها احنا علطول كده بتغير بسبب اللايك والكومنت ومن بنت الجيران ومن اي انثي خلقها ربنا عامهً
دارين بضحك حقها والله وبصت على بريتي وتابعت بتوتر ممكن اشيلها
سيف بضحك يسلام شيليها طبعا وقام اداهالها فسمت وتابعت بحب ودموع وهي بتبصلها ياروحيي نسخه منك بجد ربنا يحفظهالك
امنيه جات وسمعتها وتابعت بضيق اممم نسخه منه علشان امها هبله وبتموت فيه وحطت العصير ورايحه تدخل فمسك ايديها وتابع بضحك طب انا مش عايز ازعلك لحد دلوقتي والله العظيم
امنيه بدموع سبني ياسيف لو سمحت
فسيف قام خدها في حضنه وفضل يطبطب عليها وتابع بضحك يحبيبتي والله مفيش حاجه اكيد مش هخونك واجيبها قدامك يعني
امنيه بحده ودموع متقدرش اصلا ده انا اقتلك بس انا بعيط علشان انت اتعصبت عليا
فسيف فضل يضحك وتابع طب خلاص حقك عليا وحط ايديه على خدها مسح دموعها وباس جبينها وتابع تعالي اقعدي جنبي وقعد وخدها قي حضنه وباس راسها وتابع ربنا يهديكي يابنتي يارب
امنيه بضيق ليه شايفني مجنونه
سيف بضحك لا طبعا محدش يقدر يقول كده
دارين تنهدت وتابعت ممكن اتكلم انا يا سيف بيه؟
سيف بابتسامه كبري دماغك هتتكلمي تقولي ايه قولتلك احنا علطول كده فالموضوع عادي
دارين بابتسامه معلش ريحني وبصت لامنيه وتابعت بتنهيده مليانه وجع: انا كنت جاريه عند حيدر
فامنيه اتصدمت بشده وبصت لسيف فايديه كانت عليها فضغط على وسطها جامد من غير مايبصلها علشان تتحكم في نظراتها فتابعت امنيه بذهول جاريه ازاي يعني علشان افهم ؟
سيف غمض بضيق وتابع بحده خلاص يا امنيه ما كلامها ..
دارين بابتسامه مليانه وجع اسفه لقطع كلامك بس سبني افهمها وبصت لبريتي وطبطبت عليها علشان كانت هتعيط وتابعت جاريه زي مافهمتي بالظبط والدموع اتجمعت في عينيها وبصت لامنيه وتابعت انا كنت بحب فؤاد واحد من رجاله حيدر وانا يتيمه وماليش حد فكلمتين كدابين صدقتهم وطلعت بيهم القلعه لحد ما في مره حطلي منوم في العصير ودموعها نزلت وتابعت واذاني بالشكل ده ومسكتش على كده ده خدني ورماني لحيدر ورجالته وخد فيا كتير اوي وبقيت هناك عايشه بالوضع ده
امنيه بوجع انتي بتقولي اييه ومحاولتيش ليه تهربي
دارين بدموع فكرك كان سهل عليا وانا كل يوم واحد شكل بيكسرني بس مكنش بايدي الوضع مشدد اوي وصعب ودي صحرا مش هتعرفي تخرجي منها وهيلاقوكي بس ساعتها بيبقى عقاب صعب اوي مره بنت عملت كده سيب عليها كلاب بهدلتها ومامتتش بردو فعاشت جسمها مشوه ومتألمه لحد ما انتحرت اصل احنا كنا اربعه
امنيه خبطت على صدرها وتابعت بوجع وصدمه: يانهار ازرق دي مصيبه سودا هي النااس ايه اتجننت وبعدت عن ربنا اوي كده ازاي يعمل فيكم كده منه لله ربنا ينتقم منه
دارين بدموع لا عادي في كده واوسخ المهم اننا فضلنا كده وابتسمت بوجع وتابعت لحد ماجيه سيف بيه ولارا لزقت فيه بطريقه متتخيليهاش بس هو بصراحه كان بيصدها واداها علقه قبل كده وكنت شيفاهم واستغربت لان لارا جميله اوي يمكن رغم جمالي ده هي احلى مني بكتير بس حاولت مهما حاولت كانت بتتهان حرفياا و
امنيه بصدمه ومقاطعه لالا ثواني بس الله يباركلك حاولت ايه؟ هي كانت عايزه كده من جوزي !! وبصت لسيف بصدمه
سيف بضحك يابنتي هو انتي بتلقطي كلام وكلام لا !! انا عارف وربنا ان انتي مخك وقف عند لارا دي ومكملش للاخر وتنهد وتابع لارا دي اللي انتي سمعتي صوتها وهي بت مش مظبوطه وحاولت فعلا بس وغلاوتك انتي وبنتي عندي ما لمست ولا هلمس ست غيرك
امنيه الدموع اتجمعت في عينيها بغيره وبصت لدارين وتابعت كملي معاكي حقك عليا
دارين بابتسامه صدقيني يبختك بيه عارف كلام ربنا ومبيفوتش فرض وملمسش اي واحده فينا رغم ان فعلا ممكن غصب عنه وبعده عنك يخليه يغلط بس لا محصلتش وبيغض بصره علشان كده قالي البس الهدوم بتاعته اداري نفسي لان اللبس كله هناك كده وتنهدت بوجع وتابعت فا المهم حيدر بيه منع لارا تطلعله لانه اشتكى منها وقالي انا ولما طلعتله حسيت في عينيه اماان حسيت اني عايزه اقوله يهربني بس خوفت بصراحه يكون زيهم فقولت هعرف بطريقتي وفضلت قاعده معاه يوميها وهو سابني ودخل البلكونه فدخلت وراه وانا فعلا شيفاه حد محترم جدا وقولتله ايه انزل ولا عاوزني فقالي لالا انزلي انا هنام ومبصش في وشي فحسيت جدا ان احساسي صح لحد ما في مره سمعت يوسف بيكلمه واستنيت يخرج وقولتله انا سمعتكم بس والله ماهقول حاجه انا عايزه امشي من هنا ارجوك فاتصدم كده وخدني ونزل وبسرعه واتكلمنا وقولتله كل حكايتي فطلع حكى لسيف بيه فطلب يشوفني ولما طلعتله قالي ههربك بس اخلص منهم وحاولي متجيش كتير علشان بس محدش يشك ويسمعنا اي مره وفعلا مبقتش اطلع كتير بس هو نزل لحيدر بيه وقاله دارين تخصني انا بس علشان مبعرفش اشارك اللي يخصني مع حد فقاله تمام اللي تعوزه هيحصل ومبقتش اطلع بانتظام بس مش بطلع غير علشانه وهو كان بينام على الكنبه ويسبلي السرير لحد ماخلصنا المهمه ورجعنا وهو كان مواعدني انه هيقعدني في مكان واداني فلوس جبت هدوم فانا جيتله علشان كده
امنيه حست بالذنب اوي وصعبت عليها جدا وقامت قعدت جنبها وحضنتها فدارين فضلت تعيط فتنهد سيف بوجع وتابع ممكن تهدي خلاص كابوس وخلص وهتقعدي انهارده مع امي تحت ومن بكره هوصلك شقتي في القاهره انا مبقتش عايزها وانتي خريجه السن صيني هشوفلك حد حبيبي يشغلك ومتخافيش انتي في عيني والله
دارين بعياط انا بجد مش عارفه اقول لحضرتك ايه انا حقيقي تعبتك اوي
سيف بابتسامه ولا تعبتيني ولا حاجه قولتلك انك زي زوزا
امنيه بدموع حقك عليا انا بجد اسفه اوي مكنتش اعرف
دارين ابتسمت من بين دموعها وتابعت لا والله متقوليش كده انتي حقك تغيري وحقيقي يبختك بيه الرجاله اللي زي دي نادره جدا دلوقتي
امنيه بصت لسيف بحب ودموعها بتنزل فضحك وتابع اظن تعوضيني بقى ولا ايه
فدارين ضحكت من بين دموعها وتابعت هتعوضك طبعا ولا ايه يا ام بريتي
امنيه ضحكت وتابعت هو عارف ان انا عيني متغلاش عليه
فابتسم سيف ومد ايديه مسك ايديها باسها بحب فتابعت دارين بابتسامه ربنا يخليكم لبعض يارب وتخاو بيري وباستها وابتسمت بحب
سيف بحب اللهم امين يارب
فقامت دارين وتابعت بابتسامه طب يلا انا هقوم انا استأذنكم
سيف بتنهيده اشربي العصير بس الاول وبعدين قومي يلا
دارين بحب مره تاني اكيد هزوركم والله
امنيه بحب لا انا عملته والله ابدا اشربيه وهاتي بيري عنك هدخل البسها علشان رايحين لعمتها
دارين باستها بحب وادتهالها فدخلت امنيه الاوضه فشربت دارين من العصير وتابعت بابتسامه متفهمه حقيقي
سيف بضحك اممم اممم متفهمه جداا وهمس وتابع امنيه لو مكانتش اقتنعت بكلامك كانت شرحتنا مع بعض دلوقتي وضحك وتابع ولا مع بعض ليه ده تغير كده فكانت شرحتنا كل واحد لوحده
دارين فضلت تضحك بشده وتابعت سكر بجد والله ربنا يخليهالك هي وبنتك زي القمرات
سيف بابتسامه تسلمي يحبيبتي ودقايق وقامت فعلا وسيف فهم امه انها هتقعد معاها انهارده فرحبت بيها جدا وكلم يوسف وبعتله الفلوس اللي كان بيجيبله بيها كل طلباته في الفتره دي ودخل اوضته كانت امنيه واقفه بتلبس فابتسم وراح حضنها من ضهرها وباس رقبتها بعمق فغمضت عينيها بتأثر وتابعت بضحك طب مش وقته ها اقفل السوسته اللي على ضهري دي يلا
سيف بضحك مع اني شايف انه وقته جدا بس يلا معلش وحط شعرها على جنب وقفل السوسته بتاعت الدريس وحضنها وبص في المرايه وتابع بحب ايه يخواتي الحلاوه بتاعت مراتي دي
امنيه لفتله وتابعت بحب عيون مراتك وتنهدت وتابعت انا فهمت موضوع دارين كله وبصراحه البت صعبانه عليا بس معجبنيش انك تقعد معاها في اوضه واحده اصل عايز تفهمني محصلش بينكم اي تلامس يا سيف
سيف برفعه حاجب تلامس من انهي نوع؟
امنيه بتنهيده لا مقصدش كده اقصد عامه مخدتهاش في حضنك مبوستهاش اي حاجه يعني حتى لو قدامهم
سيف حط ايديه على خدها وابتسم بحب وتابع انتي عارفاني بتاع كده؟
امنيه بغيره لا مش بتاع كده بس افرض اضطريت انا بجد عايزه اعرف ورحمه اخوك ماتكدب عليا
سيف تنهد بعمق وتابع ورحمه اخويا محصلش هو بس ممكن كانت بتقول يحبيبي قدامهم بس وبتقعد جنبي ومسحت مره جبيني بالمناديل كده يعني انما والله عمري مالمستها
امنيه بغيره بتمسح جبينك بالمناديل ويحبيبي اه واتعصبت وتابعت حبها بورص بنت الـ
وقبل ما تكمل قاطعها سيف وقرب باسها بحب فاتفاجئت بس بادلته بحب ومرضيتش تبعد عنه فحط جبينه على جبينه وهمس بضحك شكلك احلى وانتي ساكته ومش متعصبه فاخرسي بقى
امنيه بضحك ماشي مااشي لما نيجي هنكد عليك يلا شيل بنتك ويلا
سيف بضحك ده عنك امك الكلام ده دي السهره صبااحي
امنيه بضحك اتلم واحترم نفسك
سيف بضحك لا موعدكيش بصراحه وشال بريتي وباس خدها وتابع يلا
امنيه لبست الطرحه وظبطتها وتابعت يلا فتابع سيف دخلي شعرك عدل
فبصت امنيه وتابعت بضيق يبااي منك بتاخد بالك من حاجات وفضلت تدخله وظبطته وراحتله فحط ايديه التانيه على كتفها وضمها ليه باس جببنها وتابع بحب اي حاجه تخصك باخد بالي منها
فامنيه ابتسمت بحب وباست خده فتابع اه صح اقعدي الاول اشوف رجليكي
امنيه عادي يحبيبي مش واجعاني اوي خلاص
سيف لالا اقعدي بس وقعدها ورفع رجليها ليه وداس على حته حمرا فتاوهت امنيه بوجع فتنهد سيف وتابع ممكن بعد كده نخلي بالنا عشان في ازازه دخلت رجلك اصبري بقى عشان اطلعها
امنيه بخوف لالا خلاص سيبها بجد
سيف وهو بيضغط على رجليها بس يا امنيه بطلي عبط فامنيه تاوهت بوجع وتابعت يسيف خلاص مش قادره
سيف ضغط جامد فصرخت بوجع فتابع بلهفه بس بس خلاص حقك عليا طلعتها اهو وقام وقف وقومها خدها في حضنه وباس راسها بعمق وتابع حقك عليا انا يعمري
امنيه بصتله بحب وتابعت لا يحبيبي والله متقولش كده ده انا نزلت كده عشان فرحتي كانت بالدنيا انك جيت فمخدتش بالي
فسيف ابتسم بحب وباس جبينها ونزلوا علشان يروحوا لزينب
عند زينب كانت قاعده على السرير وعمر واخدها في حضنه وهي ساكته خالص فتنهد بعمق وتابع طب ايه يحبيبتي هتفضلي ساكته كده كتير
زينب بوجع انا مرتاحه كده ياعمر علشان خاطري سبني على راحتي
عمر بتنهيده حاضر يحبيبتي بس كلي اي حاجه على الاقل
زينب بخنقه: لالا ماليش نفس والله
فعمر تنهد وفضل يمسح بايديه على شعرها وتابع طب يعمري على راحتك بس شويه وتاكلي
زينب بوجع تمام وسمعت صوت فتابعت عمر بص كده حسام بيعمل ايه
عمر بص عليه كان واقف عند التسريحه وماسك علبه البلاشر فضحك وتابع يخرب عقلك طالها ازاي دي
زينب اتعدلت في حضن عمر وبصت وتابعت يا ابن الجزمه انت دي كانت في الدرج اللي تحت فتحه اهو زعق ياعمر
عمر بضحك خلاص يا زينب محصلش حاجه سيبها يا حسام
زينب بحده سيبها يحساام اه اصل هيسمع الكلام اوي هتزعقله ولا اقوم ازعقله انا علشان والله العظيم انا من صباحيه ربنا ماسكه نفسي عنه بالعافيه
عمر بصلها بحده وتابع لا قومي اضربيه يا زينب خرجي خنقتك في العيل وماله
زينب بحده ياعمر ابنك شقي اوي وبقي يكسر ويلعب فكل حاجه وانا معنديش طااقه للمرار ده
عمر بحده طب ممكن تخفي صوتي انا هتصرف طول منا هنا متدخليش
زينب بحده اديني اتكتمت خالص اهو وخد بالك لو حصل للبلاشر حاجه هتجيبلي غيرها
عمر بضحك على اساس مبتاخديش وتجيبي في العادي ياشيخه اتنيلي بقى وبص لحسام وتابع انت ياالا .. حسام
حسام بصله وتابع ايه
عمر فضل يضحك وتابع ايه في عينك اسمها ايه بردو وبص لزينب وتابع بضحك حلوه التربيه النص كم دي؟
زينب بضيق مش نزلت اجازه ربيه انت
عمر بضحك هربيه انا مربيهوش ليه ده حبيب بابا ده وراح وطى لمستواه ومسك منه العلبه وتابع ممكن تجيب دي علشان بتاعت ماما لو وقعت هتضربنا
حسام فضل يعيط فتابع عمر بضحك لالا هزعل منك وهتشمتها فيناا مفيش راجل يعيط هات كده وخدها منه وحطها على الكومود وشاله وتابع هو مش انا جبتلك عربيه وانا جاي بتيجي جنب حاجتها ليه يا ابني اختصرها احنا مش قدها دي
زينب اممم عربيه كل اجازه اللي مبتكملش يومين وبتتكسر
عمر فضل يضحك وتابع ياستي انتي ايه مضايقك الله ما ادلعه هو انا معايا غيره
زينب مسكت فونها وتابعت بتنهيده انا مالي انت وابنك احرار
عمر بضحك ايوه شاطره وجاب العربيه من على السرير وقعد بيه على الارض وتابع بحماس يلا نلعب سوا بالعربيه يلا وقعد حسام قدامه وفتح الكرتونه وخرجها فحسام كان عايز يمسكها فتابع عمر استنى استنى هركبلك الحجاره بس وركبها وقعد حسام على رجله وزينب قامت فتحت الدولاب تجيب حاجه وعمر بدا يشغل ريموت العربيه وبيحركها منه فحسام فضل يضحك وسقف فعمر ضحك على ضحكه وباس خده وتابع يلا دوس هنا حركها فحسام داس وحركها وفضل يضحك وبص على زينب وشاور عليها بايديه وتابع ماماا
عمر بضحك ايه عايز نضرب ماما بالعربيه ؟
زينب ضحكت بغلب وتابعت وهي بتدور اتلموا هاا
عمر كان واخد حسام في حضنه ومسك ايديه وداس على الزراير وحرك العربيه وضرب رجل زينب فحسام فضل يضحك وعمر بيضحك على ضحكه فبصتلهم زينب وتابعت بضحك ماشي لما اخرج هربيك انت وهو ورايحه تدخل الحمام فتابع عمر لحظه بس استني رايحه فين؟
زينب بحرج ايه داخله الحمام
عمر بيحاول يبص وراها وتابع انتي ماسكه ايه في ايدك ومخبياه
زينب بحرج مش ماسكه حاجه الله ورايحه تدخل فتابع عمر استني بس استني ومد ايديه مسك فونه وتابع انهارده 19 !!!
زينب ابتسمت بحرج وتابعت اه خير
عمر نفخ بضيق وتابع مفيش يا زينب خلاص عرفت ماسكه ايه ادخلي
زينب بضيق وانت هتفرق معاك في ايه انا اصلا مش رايقه لحاجه ياعمرر
عمر بضيق ياستي انا مبقولش حالا يعني وكنتي هتروقي والله بس خلاص الفقري فقري
زينب مردتش عليه ودخلت الحمام وقفلت فتابع عمر لحسام متجوز بومه قسما بالله اوعا تعمل زي ابوك وتتجوز عن حب ممرمطه باللي خلفوني الارض اهو وساكت فحسام كان بيضحك فتابع عمر بضحك اقولك متتجوزش خلاص دول عالم ميتعاشروش
زينب سمعته من الحمام وتابعت بصوت مسموع لم نفسك ياعمر هطلعلك
عمر بضحك طب ما ادخلك انا ؟
زينب بضحك والله انت مش متربي ادخل كده كده في حظر تجوال
عمر بضحك لا انا بعرف اتصرف مقلقيش اهو اي حاجه تيجي من وشك
زينب بضحك لا خليك مع ابنك واتلم
وشويه وخرجت لقيت حسام بيلعب بالعربيه على الارض وعمر ماسك الفون بيتشات مع سيف لانه جيه وزينب في الحمام بس عمر قاله يستنى في الصاله علشان يفاجئوها فبيكلموا واتساب يعرف منه خرجت ولا لسه وعمر كتبله انها خرجت فراحت قعدت جنبه على السرير وتأوهت بتعب فابتسم عمر وتابع اقوم اعملك حاجه سخنه تشربيها ؟
زينب بتعب لالا مش قادره خالص لاي حاجه مش بطيق نفسي الفتره دي بجد
عمر فتح دراعه فدخلت في حضنه وحط ايديه عند اخر بطنها وفضل يمشي ايديه بحنان وتابع اعملك القربه طيب ؟
زينب بدموع لالا ولا اي حاجه خليني كده
عمر بصلها وتنهد وتابع انتي بتستغلي الالم علشان تعيطي مش كده؟
زينب بدموع لا انا مخنوقه وبتجيلي بتخنقني اكتر وتعبت وقرفت وجبت اخري
عمر بحزن عليها: بسبب سيف ؟
زينب بعياط سيف هو اكبر مشاكلي ..كسرني كسره مش عارفه اقوم منها لحد انهارده
سيف كان واقف وسامعها هو وامنيه بحزن والدموع اتجمعت في عينيه بوجع فدخل وتابع ما عاش ولا كان اللي يكسرك يا نن عيني من جوه
زينب شافته قدامها اتصدمت حست انها بتحلم فصرخت باسمه بفرح شديد سيييف يحبيبييي يحبيبيي وقامت بسرعه بتجري ناحيته ففتح دراعه وهي لفت ايديها حوالين رقبته فقفل ايديه عليهاا وحضنها جامد لدرجه اترفعت عن الارض وفضلت تعيط بهستريه وهي مش مصدقه انها شيفاه قدامها وانه بخير وتابعت بعياط هستيري وقهر: يحبيبي يحبيبي واحشتني واحشتني اووي يا سيف وفضلت تحضنه اكتر وتعيط بصوت عالي وشهقات وتابعت حرام عليك يا سييف حرام عليك قولتلك بلاش حربيه قولتلك مش عايزاك تبعد عني ولا تساافر وتسبني كل دده بس انت صممت وقهرتني ووجعتني وكسرت ضهري في غيابك
سيف باس كتفها وضمها ليه اكتر وتابع بوجع ودموع حقك على عيني انا اسف والله العظيم ورحمه اخوكي سامحيني غصب عني
زينب بعياط وقهر مش هنسهالك بجد يا سيف ده انا كنت بمووت كل يوم وعيطت اكتر وتابعت اعديلك كل حاجه بس الا انك تكون سبب في رعبي عليك ومووتي بلحياا ده انت خدت مني اخوياا اللي فااضي وبصتله وتابعت بعياط وقهر: خدت مني سندي وضهري واهلي كلهم مره واحده خلتني احس اني مقطوعه من شجره في غياابك رغم ان الكل حواالياا وعيطت اكتر وتابعت الدنيا اسودت في عيني وكنت بموت كل ثاانيه وانا معرفش فيك ايه وهتجنن مش كفاايه حسام يا سيف مش كفاايه حسام سابني وساابك ده انا روحت اشتكيتله وقولتله انا عاارفه ان اخوك واحشك بس علشاان خاطري وعيطت وتابعت علشاان خاطري سيبهولي انا هموت من غيرره بالحياا كفاايه انت كسرت اختك وسبتني فاجاه وكسرت فرحتنا بيك لقهر مش هننساه العمر كله ولسه مش نااسيه لما قولتله اني حامل وكان طاير من الفرح ومشي قبل مايشيل ابني على ايديه مشي من الدنيا بس ممشيش من جواياا وعيطت اكتر وتابعت كنت بتمني الموت وبقول اهو هموت واروحلكم بس لاا روحي مش بتطلع انا عايشه وبتألم كل ثاانيه وروحي مش رااضيه تطلع عملت فى اختك كده لييه يا سيف انا الدنيا مااتت في عيني حرام عليك
سيف دموعه كانت بتنزل بقهر من كلامها وامنيه وعمر زيه فخدها في حضنه وهي فضلت تعيط بهستريه وتحضنه اكتر فتابع سيف بدموع انا اسف والله العظيم ما عارف اقول حاجه اول مره احس نفسي عااجز عن اني ارد بس انا مش هتكلم انتي صح انا كسرتك وكسرتك كسره وحشه واصعب من حساام انا اختبرتك فيا في وقت صعب في وقت انا مفروض بعوض فيه غياب اخوكي عننا وانتي من زمان انا عندك غير الدنيا فعاارف والله ودموعه زادت وتابع وهو بيحضنها اكتر وهي بتعيط في حضنه عاارف انك كنتي بتموتي من الالم بس وغلاوتك عندي يارب اموت لو كداب غصب عني انا فعلا كنت مضطر
زينب بعياط هستيري ايااك تقول كده تااني انت فاهم متقولش اموت دي ابوس ايدك .. ابوس ايدك يا سيف ورايحه تمسك ايديه فشدها منها وحضنها جامد وهي فضلت تعيط بهستريه وتابعت تعبتت اووي في غيااابك تعبت اوي جالي القولون العصبي من كتر الضغط النفسي وبطلت اكل واتكلم واشوف اي حد وعيطت اكتر وتابعت وقصرت في حق حسام وبقيت عمتو اللي بتربيه واتفطم بدري وقصرت في حق عمر بردوو كان بينزل مش بيلاقي مني حتى كلمه تدعمه رغم انه مقهور زيي وتحت ضغط انه عايز يرجعك وعيطت واكتر وتابعت وخسرت ابني في حمل شهرين يوم ما عرفت خبر احتجازك وحياتي اتدمرت بجد
سيف اتصدم بشده من الحاله اللي اخته وصلت ليها وتقصيرها في حق جوزها وابنها الفتره دي بس اللي صدمه اكتر اخر جمله قالتها فبلع ريقه بوجع وبصلها ودموعه مغرقه وشه وتابع ايه؟ انتي بتقولي ايه وبص على بطنها واستوعب انه فعلا حضنها وشالها وكاانت خفيفه ففضل يبص حواليه مشافش غير حسام واتفاجئ انه كبر بس اللي شغل باله اكتر البيبي التاني فين فبص لزينب وتابع بوجع ودموع زينب بالله عليكي ودموعه زادت وتابع باالله عليكي متقوليش كده ومسك ايديها باسها وتابع بدموع ابوس ايدك ورحمه اخوكي قولي انك ولدتي سابع وهو في الحضاانه عادي علشان خاطري مش هقدر استحمل فكره اني السبب في موته ابوس ايدك
زينب غمضت عينيها بوجع وعيطت بقهر وحطت ايديها على خده وفتحت وتابعت انا مش فارق معايا حاجه غير ان انت كويس فعلشان خاطري خلاص بلاش نتكلم في حاجه تاني
سيف بصدمه ودموع انتي بتقولي ايه انتي سقطي فعلا؟
زينب هزت راسها بـ آه فقلبه وجعه اوي وهي حضنته وفضلت وتعيط بهستريه وتابعت مش ابني بس اللي مات صدقني زينب نفسها كانت عايشه جسد بس من غير روح ومستنياك تيجي تردلها روحها ومش هعديهالك بسهوله على غيابك ده وهوريك هعمل فيك ايه علشان قهرتني وبطني اتقطعت بسبب القولون ومكنتش بخف بسبب رعبي انك تسبني زي اخوك وبصتله وعيطت بفرح وتابعت بس المهم انك جيت المهم انك عايش وواقف قدامي بخير ينورعيني وفضلت تبوس خده وتحضنه بلهفه وهي بتعيط بفرح وتابعت اللهم لك الحمد كما ينبغي لجلال وجهك وعظيم سلطانك زينب روحها اتردت والله وفضلت تعيط
وسيف كان في عالم تاني مش مستوعب كميه الضرر اللي حصل لاهله في غيابه قلبه كان واجعه اوي فغمض بوجع ودموعه نزلت وتابع سبوني لوحدي
زينب استغربت وتابعت بدموع اسيبك لوحدك !! كده يا سيف هونت عليك تقولها
سيف مردش ودخل بلكونه اوضتهم فتنهد عمر بوجع وبص لامنيه وشاورلها انهم يخرجوا فتنهدت بحزن وخرجت فمسك عمر كتاف زينب بايديه الاتنين وقربها منه وباس جبينها بعمق وتابع احنا هنخرج وهنسيبكم لوحدكم شويه راضيه .. سيف حقيقي راجع شايل الهم ووالله غصب عنه
زينب بدموع حاضر فابتسم عمر وباس ايديها وشال حسام ومسك اللعبه وخرج وقفل الباب فتنهدت زينب بقهر ودخلتله البلكونه كان سرحان في الطرق ودموعه متجمعه في عينيه فحطت ايديها على كتفه وتابعت بدموع ورحمه اخوك قول اي حاجه بس متسكتش
سيف بصلها وتنهد بوجع وتابع خشي جوه يا زينب
زينب بدموع لا مش هدخل واسيبك
سيف غمض عينيه بغضب وتابع طب خشي علشان مهزقكيش شعرك باين ولابسه بيجامه
زينب بدموع الدور عالي يا سيف محدش هيشوفني و
سيف بمقاطعه وحده: ايا كان متقفيش في البلكونه كده
فدخلت زينب وهو لف يبص تاني على الطريق ولبست اسدال ولفت طرحته ودخلت تاني حضنته من ضهره وفضلت تعيط فغمض عينيه بوجع ورفع ايديها اللي على صدره وباسها بعمق ولفها ليه مستحملش دموعها فخدها في حضنه ففضلت تعيط بانهيار فتابع سيف بوجع حقك عليا .. انا السبب وحط ايديه على خدها وتابع بدموع ووجع معملتش في حسابي اني لما احقق حلمي هوجعك كده وهخسرك ابنك واخليكي تضيعي حقوق جوزك وحسام عليكي .. مكنتش اعرف انك هتموتي بلحياا ومعدتك تتعب ويجرالك كل ده ودموعه زادت وتابع مكنتش اعرف ان حسام هيمشي قبلي والضغط كله يتحط علياا .. والله ما كنت اعرف يا زينب
زينب حضنته جامد ودموعها فضلت تزيد من كلامه وتابعت ورحمه اخوك كفاايه متوجعش نفسك ولا تحملها فوق طاقتهاا انا مكسوره زيك بس ربنا اختار الخير انا مكنتش قادره على الحمل اصلا فمتقولش انك السبب ابوس ايديك ياريتني مقولتلك ولا حسستك بكل ده انا اسفه ينورعيني والله اسفه
سيف باس راسها بعمق ودموعه نزلت وتابع اسفه ايه ده انا اللي اسف والله وحضنها اكتر وسند راسه على كتفها وفضل يبكي بوجع وتابع انا اللي اسف كنت انااني وفكرت في حلمي ومفكرتش فيكي وفي اللي ممكن يجرالك بس وغلاوتك عندي محسبتهااش كده ودموعه زادت وتابع والله محسبتهاش كدده حسبتها حسام جنبك ومكاني بس هو مشي وكل حياتنا ادمرت انا لسه مش عارف اتعافى ولا استوعب اصلا ففاهم كويس اوي ومقدر اللي انتي حسيتيه
زينب حضنته جامد وهو فضل يبكي بوجع في حضنها ففضلت تعيط بشده وتابعت ابوس ايديك خلاص حقك علياا انا والله ما زعلانه منك وباست جبينه كتير وخده وحضنته جامد وتابعت المهم انك رجعت المهم انك معاايا وفي حضني بس وغلاوتي عندك ماتعمل كده تاني ارجوك ارجوك وفضلت تعيط بهستريه فسيف خدها في حضنه وتابع بدموع والله ماهعملها وغلاوتك عندي مقدرش خلاص حتى لو هخسر شغلي بس هرفض اي حاجه تبعدني عنكم كده تاني
زينب ابتسمت بلهفه وفرح وتابعت دي اهم حاجه انا مش عايزه غيرك اصلاا فالف حمد وشكر انك رجعتلي .. والله انهارده عيد وحضنته جامد وفضلت تعيط بفرح فسيف ضمها ليه اكتر وطبطب على ضهرها وتابع بوجع بس مش حرام عليكي حسام وعمر يا زينب
زينب بصتله بوجع وتابعت كنت هعمل اي انا مكنش فيا حيل ارضع واحايل ودموعها نزلت وتابعت سيف انا كنت بموت بلحياا ومن كتر الم معدتي من الخوف كنت اقعد اضغط عليها واعيط ومتغمضليش عين والله العظيم وعمر مكنتش رايقه علشان الكلام ده ووالله ولا هو كان فايق لحاجه
سيف خدها في حضنه وباس راسها بعمق وهمس بوجع حقك على عيني والله العظيم
زينب باست خده وتابعت بدموع فرح المهم انك جيت تعالى خدني في حضنك زي زمان بالله عليك
سيف ابتسم من بين دموعه وتابع يسلام ده من عيوني ودخلوا من البلكونه وقفلها فزينب قلعت الاسدال وراحت نامت على السرير فسيف قعد جنبها ولقاها دخلت في حضنه نامت على صدره وغمضت بارتياح شديد وابتسمت لما حست بريحته حواليها وهو فهم تفكيرها فباس راسها بعمق وفضل يطبطب عليها وتابع راضي عمر يا زينب بالله عليكي مينفعش يابابا اللي بتعمليه ده بتقصري كتير في النقطه دي وهو مستحمل
زينب فتحت وبصتله وهي في حضنه وتابعت يعني انت ياسيف شايف ان اخويا يكون محتجز عند عالم كفره ملهمش دين ولا مله وانا اقعد اعمل المسخرره دي ! هو ده منطق يعني !
سيف بتنهيده يحبيبتي هو ماله بالموضوع ده .. ده جوزك وليه حقوق عليكي مينفعش تقصري فيها يعني مفروض لما يحتاج مراته يلاقيهاا ده هما كام يوم وبيسيبك تاني فيرجع يلاقي التقفيله السودا دي
زينب بضيق بقولك ايه يا سيف فكك من الكلام ده انا سكت وهو مطلبش ولو كان طلب كنت هزعله علشان اخوياا واللي هو صاحب عمره حياته كانت في خطر من اهمالهم مش رايح تصيف انت علشان المرقعه دي فسيف فضل يضحك بشده فتابعت بذهول اصل مش متخيلاهاا بجد احنا في ايه ولا اييه هو ايه الغُلب ده ياربي
سيف بضحك طب اديني رجعت يا ام لسان طويل قال هزعله قال ده هو عارف لسانك متبري منك فسكت ومطلبش بس خلاص بقى كفاياكي نكد
زينب ابتسمت بحرج وتابعت حاضر والله واتلم بقى متكسفنيش وضربته على صدره بخفه وغمضت عينيها تاني فسيف فضل يضحك وتابع حاضر مش هكسفك وتنهد وتابع بس لعلمك عمر والكتيبه ملهمش دعوه انا روحت بمزاجي وكنت كويس مش محتجز
زينب بصدمه ده اللي هو ازاي يعني
سيف بحب هقولك بس لما نطلع لامنيه هقول بالمره
زينب بارتياح لالا خلينا شويه بالله عليك انا تعبانه اوي
سيف بضحك وماله يعمري خلينا شويه
زينب بحب نام كويس انت قاعد نصك برا
سيف بحب من عيوني وطلع ونام علي السرير وزينب دخلت في حضنه وفضلوا يتكلموا لحد ما غلبهم النوم
برا في المطبخ عمر وامنيه كانوا بيحضروا الاكل مع بعض
فعمر مسك الشوكه وداق البشاميل وتابع وهو بيغمض عينيه نص غمضه: لا مش عارف امنيه دوقي كده وحط الشوكه تاني وقربها منها فامنيه كالت وهي بتقطع السلطه وتابعت اممم جميله اوي فاضل بس سِنه بسيطه وتستوي سبها دققتين كمان
عمر بابتسامه تمام وقفل الفرن فعلا وسابها تكمل وبدا يحمر البانيه وامنيه جنبه بتقطع السلطه فتابعت وهي بتاكل خيار مش ملاحظ ان سيف وزينب غطسوا؟
عمر بضحك ملاحظ والله بس بقول يمكن ماصدقوا وقاعدين يحكوا
امنيه بحب زينب حقيقي هترجع زي الاول واحسن خلاص
عمر بحب يارب اللهم امين يارب
فبصت امنيه على بريتي لقيتها قاعده على الارض زي ماقعدتها وضهرها للكنبه وحواليها مخدات وحسام بيلعب معاها فابتسمت بحب ودخلت تكمل وتابعت بضحك يغوتي بيلعب معاها عسل خالص
عمر بضحك مراته بقى
امنيه بضحك ايوه بالظبط وخلصت السلطه وتابعت هشوف سيف وزوزا
عمر بحب ماشي روحي
ففتحت امنيه اتفاجئت لما لقيته نايم بعمق وزينب نايمه في حضنه فضحكت وتابعت تعالى ياعمر تعالى بص
عمر بصوت مسموع: بحمر البانيه يابت في ايه
امنيه بضحك تعالى بس بالله عليك اطفي وتعالى
فعمر استغرب وطفى فعلا النار وراح دخل الاوضه اتفاجئ وفضل يضحك فتابعت امنيه بضحك بسم الله ما شاء الله ده انا لسه منمتش النومه اللي مراتك خطافه الرجاله دي نامتها
عمر بضحك مين سمعك مطلعه عين اهلي وربنا
امنيه بضحك لا ونايمين بعمق ولا عصافير الكناريا في شهر عسلهم
عمر فضل يضحك بشده وتابع ده بجد والله العظيم
امنيه بضحك ادلق عليهم مايه؟
عمر فتح عينيه بتفاجئ وتابع بضحك لالا هتطلقي بتهزري ولا ايه ياحول الله يارب ده منظر مخ دكتوره ده
امنيه بضحك اصل مستفزني بجد نايمين واحنا طالع عينينا في الاكل
عمر بحب معلش سهروا كتير بردو وتنهد بارتياح من شكل زينب لانها واضح نايمه مرتاحه وبعمق وتابع انا هروح اكمل الاكل صحيهم براحه ويلا
امنيه بحب حاضر وخرج عمر واتاكدت انه مش واقف وراحت قعدت جنب سيف ووطت باسته برقه فحس بيها وابتسم وهو نايم فضحكت امنيه وتابعت قوم يلا ده انت ليلتك سودا جالك نوم من غير حضني يا سيف
سيف فتح عينيه ببطئ وتابع بنوم ايه يحبيبتي
امنيه بحب قوم يعمري علشان نتغدا ونروح البيت يلا
سيف فتح وبص كويس وتابع وهو بيتاوب يانهار ازرق هو انا نمت في اوضه زينب وفضل يضحك
امنيه بضحك عادي يعمري من التعب حقك المهم يلا قوم بقى عايزين ناكل ونمشي
سيف بضحك وغمز مستعجله انتي على المشي
امنيه شهقت وتابعت بضحك لالا والله فهمت ايه تصدق انك متربتش ورايحه تمشي فسيف مسك ايديها وتابع بضحك خدي بس تعالي استني
امنيه بحرج سبني وصحي اختك ويلا
سيف بضحك ياستي انا اللي هموت واروح اصلا ولا تزعلي نفسك ونمت حبه فوقتلك اهو
امنيه بابتسامه لا هتتعاقب
سيف بضحك وماله اي حاجه منك حلوه وعايزك بعد كده تعتمدي الطريقه دي في انك تصحيني
امنيه فضلت تضحك وتابعت من عيني حاضر يلا صحي الهانم دي اللي فاكره نفسها التانيه
سيف بضحك لا الاولى وانتي الصادقه وباس جبين زينب وتابع زوزا قومي يبابا يلا
امنيه بضحك بقى كده !! خلاص خلي الاولى تسهر معاك بالليل وغمزت وخرجت
فسيف فضل يضحك وتابع لا ياقليله الادب دي بالذات مش هينفع وبص على زينب لقاها لسه نايمه على صدره فضرب على خدها بخفه وتابع يا زوزا يلا يحبيبي قومي
زينب فتحت ببطئ وتابعت بنوم ايه يعمري
سيف باس جبينها وتابع يلا علشان ناكل سوا
زينب رايحه تتكلم فتابع سيف وقبل ماتعترضي مفيش نقاش هتقومي يعني هتقومي انا جاي اكل مخصوص معاكي
زينب ابتسمت وتابعت خلاص هغسل وشي وجايه
عمر دخل وتابع ما يلا اخلصوا الاكل اتحط
سيف قام وتابع حاضر طالع اهو
عمر بضحك ده انت ليلتك مش هتعدي انهارده على نوم مراتي في حضنك كده
سيف بضحك حسن الفاظك يا ابن الجزمه دي اختي
عمر فضل يضحك وتابع براحتك يباشا طبعا محدش يقدر يتكلم
زينب بحب ده نورعيني ده والله احلى نومه نمتها اخر 7 شهور
سيف فضل يضحك على رياكشن عمر المصدوم وتابع قالتلك اخر 7 شهور بس متبقاش ظالم يعني ساعه جوازكم وغيره وغيره حلوين بردو
زينب بضحك اه بالظبط كده
عمر بضحك لا كتر خيرك يحبيبتي والله
وامنيه نادت على سيف فخرج وتابع عمر يلا يا زوزا الاكل اتحط هيبرد يحبيبتي
زينب قامت وتابعت مين اللي عمل الاكل
عمر بحب انا وامنيه
زينب راحت حضنته وتابعت تعبتك ياعمر وحقيقي استحملتني فكل حاجه .. حقك عليا
عمر حضنها اكتر وباس راسها بعمق وتابع ده انا عيوني ليكي يازوزتي متقوليش كده يعمري انا معملتش حاجه يلا تعالي علشان تاكلي وخدها وخرج
لقيوا سيف بيلعب مع حسام وشايله رافعه لفوق وتابع بضحك كبرت امتي يا ابن الكلب انت ايه الحلاوه دي
حسام فضل يضحك فتابع عمر بضحك كبر طبعا مش خطب بنتك وباسها وباس مراتك فخلاص ده فلت محدش عارف يربيه
سيف برفعه حاجب مين ده اللي باس بنتي ومراتي؟
امنيه فضلت تضحك وتابعت سيبه يا سيف احنا راضين والله
سيف بضحك ليه مكوش راجل يحكمكم ولا ايه انت ياالا مين سمحلك تبوس بنتي ومراتي ده انا هعلقك ورفعه لفوق فحسام فضل يضحك
فتابعت زينب بضحك لا وبيضحك وبيستفزك بردو
امنيه بضحك هو حسام دمه خفيف اوي بجد طالع لابوه
سيف بصلها برفعه حاجب ماله ابوه يا امنيه قولتي اي يحبيبتي؟
امنيه ابتسمت بتوتر وتابعت لالا مقولتش حاجه وبصت لبريتي وتابعت حاضر يعيوني هرضعك حاضر
عمر فضل يضحك بشده وتابع ما تسيبها تقول براحتها دي اختي ومرات اخوياا هتبلعهاا ليه الله
سيف بضحك لا انا مستغرب البجاحه اللي بتتقال قدامي بس
امنيه بضحك ياابني انا وعمر صحاب من زمان جدا فعلشان كده
عمر بضحك ايوه بالظبط كده
سيف بضحك صحاب اه قولتيلي نشوف الموضوع ده في البيت
عمر بضحك كلنا عارفين ايه اللي هيتقال في البيت متمثلش
كلهم فضلوا يضحكوا فتابعت زينب بضحك بس ياعمر كفاياك رخامه عليه وغرفت في طبقه وتابعت تعالى يحبيبي يلا كل
عمر منا حطيت اهو و… سكت وفضل يضحك لانه ادرك انها تقصد سيف علشان جيه قعد جنبها
فامنيه فضلت تضحك بشده وتابعت المفروض انا وانت نقوم نشوفلنا حاجه نعملها
كلهم فضلوا يضحكوا فتابع عمر بضحك اه ده حقيقي والله العظيم
سيف قعد وتابع بضحك معلش خلوها عليكم زوزا دي حبيبت قلبي ده انا لولا خاطرها كنت علقت ابن الكلب اللي باس بناتي ده
كلهم فضلوا يضحكوا فتابع عمر بضحك يباشا مراته وحماته ممكن متدخلش انت
سيف بضحك وابوها ده مالوش راي ؟
زينب بضحك ابوها موافق كده كده علشان ابني ولا ايه
سيف فضل يضحك وتابع بتثبتيني وكده بس هو فعلا ابوه وامه غالين عليا منقدرش نرفض
عمر بضحك تسلم يغالي والله
زينب بحب والله انت نورعيني ومدت ايديها بالبانيه وتابعت كل يلا
سيف كل منها وتابع بحب هاكل يعمري كلي انتي بس اهم حاجه
وفضلوا ياكلوا بعدين زينب قامت عملت شاي للكل وقهوه لسيف وقعدت جنبه من الناحيه التانيه وبقيت هي من ناحيه وامنيه من ناحيه وبريتي على صدره نايمه فتابع عمر بضحك واخد كل الحتت اللي في المكان لوحدك انت ولا السلطان
سيف فضل يضحك وتابع يا ابن الكلب احترم نفسك علشان مقومش ازعلك فعمر فضل يضحك وسيف بص لزينب وتابع انتي عملتي لامنيه شاي ؟
زينب بحب اه تشرب معانا
سيف بص لامنيه وتابع طب هو مش انا قولت لا علشان بيوطي ام ضغطك ؟!! وانتي ضعيفه لوحدك وبترضعي
امنيه بحزن معلش يا سيف دي بس بالله عليك
سيف بحده قومي ادلوقيه علشان مهزقكيش يلا
عمر بتنهيده طب سيبها المره دي بس تشرب معانا
سيف بحده لا هي بتتعب منه وضغطها بيوطى اوي انا مش فاهم ليه نتعب نفسنا يعني
عمر بضحك خلاص يا امنيه هو الراجل بيتكلم بصراحه دلوقتي وخايف ضغطك يوطى علشان عنده عيد فاتلمي ومتشربيش
كلهم فضلوا يضحكوا وامنيه اتحرجت فتابع سيف بضحك ماشي يا ابن الجزمه افوقلك بس
فعمر فضل يضحك وتابعت زينب بحب خلاص يا منونه سيبيه وقومي هاتي عصير مانجا من جوه
سيف ااه عصير تمام حلو
امنيه بحزن يا سييف
سيف بصلها بحده وسكت فقامت بضيق ودخلت
عمر بضحك مسيطر من نظره جريت
سيف بتنهيده تعبتني قسما بالله وثواني وجات امنيه بالعصير فتابعت زينب بحب ها احكيلي مالها المهمه بتاعتك بقى
سيف بابتسامه بصي ياستي وبدا يحكي لزينب وامنيه تفاصيل المهمه وانه ازاي ضحك على حيدر وفهمه انه معاه والكلام اللي قالوا على امنيه واصابه عمر ولارا ودارين ويوسف اللي صور امنيه وكل الاحداث وليه خبى عن الكتيبه علشان كان لازم الموقف يبان طبيعي قدام عصام وكل حاجه فتابعت زينب بذهول يانهار ازرق انا لو فضلت احسبها بمخي الف مره مش هجيبها بالطريقه دي ودخلت في حضنه وتابعت بخوف الف حمد وشكر ان ربنا نجاك والله
سيف بحب الحمدلله يحبيبتي
امنيه بخوف لحظه بس يعني انت قتلته ؟
سيف بضحك اه مالك في ايه هي اول مره اقتل
امنيه بخوف يعني انا متجوزه قتال قتله يخربيتك ياسيف ده روح
كلهم فضلوا يضحكوا فتابع سيف بحده لا خلاص خليهم هما يقتلوني انتي مخك تعباان ولا ايه ده شغلي ياقاتل يا مقتول
امنيه بخوف لالا والله انت قلبك تقيل بجد
سيف بحب بس معاك انت لا يبطل قلبي
فكلهم فضلوا يضحكوا فضحكت امنيه وتابعت مبهزرش بجد هو انا اتفاجئت من موضوع يوسف اللي ضحك علينا كلنا ده ورفعت حاجبها وتابعت ودمي اتحرق من بنت الكلب الزباله اللي هناك بس اللي صدمني موت حيدر ده وانك تقتله
سيف فضل يضحك وتابع لا عادي متتصدميش وهو اصلا كان عادي ارجعه يتسجن او يموت في المهمه وتنهد بعمق وتابع بس انا اختارت اقتله علشان غلط وجاب سيرتك وفكر فيكي تفكير مخلي حتى موته مش راضي يهدي النار اللي جوايا
امنيه ابتسمت بحب والدموع اتجمعت في عينيها ودخلت في حضنه وباست خده بعمق
زينب غمزت لعمر فتابع بضحك طب ماتسيب بريتي وادخلوا جوه حتى البيت بيتكم
زينب فضلت تضحك فتابع سيف بضحك لا يحيوان انا ماشي خالص اهو وقام وقف وتابع يلا يا منون
زينب بلهفه طب ماتخليك شويه وامشي ملحقتش اشبع منك
سيف بحب عمر هيجيبك ويجي بكره متقلقيش وغمزلها وتابع بس عايز اروح خلاص
فزينب فضلت تضحك وتابعت خلاص يحبيبي روح انت وباست خده وحضنته فسيف ضحك وباس راسها بعمق وبص للساعه لقاها 8 بالليل فتابع حلو اوي كده يلا تصبحوا على خير
عمر بحب وانت من اهله يغالي
وبالفعل مشيوا وكانوا واقفين بالعربيه وفي لجنه فالعربيات بتمشي واحده واحده فتابعت امنيه بضيق ايه الملل ده في ايه
سيف بتنهيده والله منا عارف اكيد في حاجه هتعدي من الطريق فمشددين كده
امنيه طب سيبك هتتعشا ايه انهارده
سيف بحب اي حاجه بس الاحتمال الاكبر متعشاش فشوفي انتي عايزه ايه
امنيه بابتسامه لا هتتعشا ايه رايك اعملك الاكل واجبهولك على صنيه زي عشا فرحنا كده
سيف بضحك عشاا فرحنا اللي متاكلش اه وماله لا حقيقي انتي عارفه مبتعشاش ولو هتعشا فهتبقى حاجه خفيفه
امنيه بحب طب نفسك في ايه خفيف ياسيدي
سيف بصلها وتابع بخبث نفسي في امنيه اخف حاجه في الدنيا بنسبالي
امنيه فضلت تضحك وتابعت انا مبهزرش بجد
سيف بضحك طب والله ولا انا بهزر
امنيه بحب طب منا نفسي في سيف بس بردو هنعمل اكل ايه
سيف بضحك هقولك انا وقرب باسها بحب فبعدت امنيه وتابعت بضحك بس يخربيتك انت عايز يحصلنا زي عمر وزينب
سيف بضحك ورفعه حاجب محدش يقدر وبعدين انا مفيم العربيه وحاطط النسر كبير فمعروف اني ظابط
امنيه بضحك اه ظابط بدقن وماله
سيف بضحك يا بت مخابرات عادي يعني
امنيه بضحك لا اصل المخابرات بيمشي بعربيه عليها نسر واو
سيف فضل يضحك وتابع تعالي بس وربنا مفيم العربيه
امنيه بضحك بس ياسيف اتلم لا هو وقته ولا مكانه
سيف بضحك تعالي بس وتاني مره اشدك وتبعدي هزعلك بجد
امنيه بضحك منا مش ناقصه يغالي اتفضح زي اختك يعني اموت فيها
سيف بضحك ماقولنا مفيمها بقى وشدها باسها بعمق واشتياق وايديه على ضهرها بيشدها عليه اكتر وامنيه متجاوبه معاه بحب بعدين سند جبينه على جبينها وهمس بضحك لا كده كتير بصراحه ياريتك فضلتي بعيد ده عذاب ده وبص لقي لسه عربيات كتير
امنيه فضلت تضحك وتابعت تستاهل قولتلك مصدقتينش انا عارفه ان ده اللي هيحصل واتكسفت اقولك
سيف فضل يضحك وتابع هتصرف دلوقتي بس نيمي بريتي بالله عليكي ما ناقص نكد
امنيه بضحك دي مفتحه عينيها قد كده بص
سيف بص عليها وفضل يضحك وتابع هتنكدي على بابا انتي انا حاسس ونزل ازاز العربيه اللي جنبه وتابع بقولك يا دفعه وشاور لامين شرطه
الامين راحله وتابع افندم في حاجه ولا ايه
سيف روح قول للظابط اللي واقف في المرور سيف الرفاعي مقدم في القوات المسلحه معاه الجماعه ووراه مشوار ضروري بالله عليك
الامين بتوتر طبعا يا فندم طبعا هقوله حالا وراح يهمسله وسيف باصص عليه وامنيه فضلت تضحك وتابعت تحب اقولهم ايه هي الحاجه الضروريه
سيف فضل يضحك وتابع ماهي ضروريه صح مش كنت مرمي في الصحراا علشان البلد دي مايضحوا شويه ويعدوني بسرعه هطق
فامنيه فضلت تضحك بشده وجيه الظابط وتابع بابتسامه حقك علينا يافندم وقفناك اخرج من الصف والامناء هيفتحولك الطريق
سيف بابتسامه لا يغالي ولا يهمك ربنا معاك وفعلا طلع من الصف ومشي وامنيه مش قادره تمسك نفسها من الضحك فتابع سيف بضحك اصل مش لسه هستنى كل ده بجد وبعدين ما كله علشان مصر بردو هو مش انا لما اجدد طاقه ومودي يتحسن هفيدهم اكتر ؟
امنيه فضلت تضحك وتابعت اه صح طبعا هو انت بتقول حاجه غلط
سيف بضحك شوفتي
امنيه بضحك بس لو كنت قولت رائد مكنتش عديت ولا ايه
سيف بضحك انتي عبيطه يابت ولا ايه انا اترقيت بجد
امنيه دموعها نزلت بفرح وتابعت بلهفه نعم انت بتتكلم جدد طب قول وغلاوه امنيه
سيف بضحك وغلاوه امنيه بقيت مقدم
امنيه فضلت تزغرط بفرح شديد ودموعها نزلت بفرح وتابعت ينورعيني انت الف الف مليون مبروك ودخلت في حضنه وباست خده وتابعت بدموع فرح يارب اشوفك في تقدم كده علطول يارب يا احلى مقدم في الدنيا واعيش فخوره بيك انا وبنتك العمر كله
سيف بضحك والله انتي حبيبت قلبي وباس جبينها بعمق وتابع وهو بيبص للطريق هفضل في تقدم طول مانتي في حياتي يا أمنيتي
وشويه وروحوا وسيف كان في الاوضه قاعد على السرير ومرجع ضهره لورا وماسك الفون وامنيه خرجت لابسه لانجيري اسود ستان قصير لقبل الركبه بكتير وحماله رفيعه والضهر كله باين والحماله جايه بعلامه اكس على الضهر وفادره شعرها وحاطه ميكاب رقيق جدا فسيف شافها صفر باعجاب وعينيه كانت بتبصلها باعجاب شديد فقفل الفون وحطه على الكومود فضحكت امنيه وتابعت اه طبعا مكنش بيتقفل قبل كده ده واقولك سيبه تقولي بعمل حاجه
سيف بضحك مادلوقتي في حاجه اهم يتساب طبعا تعالي وفتح ايديه فراحت نامت في حضنه وباسته برقه وهمست بالله مش قادره اصدق انك هنا بجد وكل كوابيسي خلصت
سيف ابتسم وتابع انا عارف هخليكي تصدقي ازاي دلوقتي فامنيه فضلت تضحك وضربته وتابعت اتلم بجد بقى
سيف بضحك اتلم مين مفيهاش غير قله ادب دلوقتي
فامنيه فضلت تضحك بشده فتابع سيف وهو بيبصلها بعشق لا بس كلمه حق زي القمر فكل حالاتك وعلطول مبهره وبتخليني اضعف
امنيه بصتله بحب وحطت كف ايديها على خده وهمست بجد بموت فيك
سيف بحب والله وانا اكتر وقرب باسها بحب وايديه بتعدى على ضهرها وبيقربها منه اكتر وبريتي عيطت فبعدت امنيه عن سيف بسرعه واتعدلت تشوفها فسيف غمض بضيق ومرر صوابعه في شعره فشالتها وبصتله بتوتر وتابعت حاضر والله هنيمها
سيف انتي عارفه دي المره الكام بريتي تصحى؟
امنيه بضيق طب اعملها ايه يا سيف ما كل العياال كده حتى زينب لما حسام كان كده كانت بتغلب بسببه انا هروح احميها واكلها يمكن تنام فتره اطول
سيف بصلها بذهول وتابع انتي بتهزري هو انتي لسه هتعملي كل ده !! وبعدين زينب ايه اللي بتاخدي منها نصايح دي شهر كمان وهتطلق
فامنيه فضلت تضحك بشده وتابعت حقك عليا والله متقلبش وشك كده ماهي مش بنتي لوحدي يعني اعمل ايه انا بحاول والله انيمها وشايله همها علشان نقعد مع بعض شويه بس عيطت ذنبي ايه انا
سيف نفخ بضيق وتابع روحي يا امنيه روحي هو يوم باين من اوله
امنيه بضحك هعوضهالك وارقصلك ياسيدي ابسط
سيف ضحك وتابع روحي يا امنيه علشان انا دمي بيتحرق ومبيطفيش فروحي ونام بجنبه واتغطى فتابعت امنيه : سيف متنامش بالله
سيف بتنهيده طيب اخلصي بس
وبالفعل امنيه حميتها ورضعتها لحد ما نامت بعمق وتابعت بحب بس كده نامت خلاص
سيف اتعدل وتابع بتنهيده اخيرا
امنيه بضحك لا عايزاك تطول بالك معايا الفتره دي لحد ماتظبط نومها
سيف بضحك المهم نامت فاخلصي مترغيش
امنيه بضحك الله ومش هرقصلك
سيف بضحك اه يا لئيمه وتصحى من الاغاني لا شويه وارقصي ولو صحيت يكون خلاص مش مهم تتفرج معايا
فامنيه فضلت تضحك وتابعت عايز تضمن حقك يعني والله انت مش سهل
سيف بضحك طبعا مكنتش اترقيت بدري وبعدين ده الفرحه اتنين كده فعايزك تتوصي
امنيه بحب ده انا عيوني ليك وقربت باسته بحب فسيف شدها ليه اكتر وباسها بعمق اكبر وتجاوبت معاه
تاني يوم الساعه 3 العصر الباب خبط كتير فسيف صحي بالعافيه وفتح عينيه ببطئ وبص لقي امنيه نايمه على صدره وبريتي كانت صاحيه في سريرها فابتسم واتعدل في قعدته ودعك في عينيه وتابع حاضر جاي ونزل امنيه براحه من على صدره وباس راسها وغطاها حلو ووطى لبس تيشرته من الارض وطلع فتح الباب كانت نرمين فتابع بنوم ياما حرام عليكي شغاله رن رن في ايه
نرمين بضحك يا ابني قلقت عليكم قولت اطلع اطمن صباحيه مباركه يعريس
سيف فضل يضحك وتابع ظلماني انتي ياست الكل هو اللي معاه عيال بيبقى عريس
نرمين بضحك اتلكك بالبت اتلكك ده الساعه 3 العصر ومصحيتش تبقى عريس ولا مش عريس يا ابن معتز
سيف بصدمه كام !!
نرمين فضلت تضحك وتابعت شوفت انك مش درياان بالوقت ده محصلتش ساعه دخلتك انك تنام النوم ده ونزلت شيلت وحطيت مع يونس في العفش بتاعه
سيف فضل يضحك وتابع لالا انتي فهمتي ايه ده تعب السفر بس
نرمين بضحك اه يحبه عيني عليك يا ابني هدك السفر وغمزت
فسيف فضل يضحك وتابع اه والله اوي
نرمين بضحك بس بقى قمر السفر ومش باين عليه تغيرات ولاده مش كده
فسيف فضل يضحك بشده وتابع هو مبهر علطول بصراحه مقدرش انكر
فنرمين فضلت تضحك وباست خده وتابعت بحب ربنا يسعدكم ويديمكم لبعض واشوفكم فرحانين علطول يحبيبي وعقبال ما تخاوي بريتي
سيف باس ايديها بحب وتابع ربنا يديمك لينا يست الكل والله
نرمين بحب تسلملي ينور عيني هروح انزل انا وانت خليك قاعد مع مراتك انهارده متنزلش ابوك وعمامك وجدك كانوا عايزين يشوفوك الفرحه مكانتش سيعاهم لما عرفوا ان انت رجعت بس لما لقيوك نايم نزلوا اشغالهم بالليل خالص بقى ابقى انزل في السهره نقعد مع بعض شويه
سيف بحب خلاص ماشي اتفقنا وقولي لدارين اني هوصلها القاهره بكره خليها معاكي انهارده كمان
نرمين تمام يلا هنزل انا يعمري
وبالفعل نزلت وسيف دخل تاني الاوضه وراح شال بريتي وتابع بضحك اول مقابله بيننا وتصحي كل شويه تنكدي عليا كده بس والله فداكي يقلب ونور عين بابا وباس خدها كذا مره بحب وهي بتضحكله فضحك على ضحكها وتابع استني اصحي ماما واجيلك تاني وحطها في السرير وراح جنب امنيه وباسها بحب وتابع بت يا امنيه وهزها وتابع بضحك قومي يابت موتي ولا ايه
امنيه بنوم اممم ايه يا سيف
سيف مشى ايديه على شعرها وتابع بحب قومي يعُمر سيف
امنيه فتحت عينيها ببطئ وتابعت مش قادره عايزه انام بجد
فسيف فضل يضحك وتابع اخلصي يامنيه بجد الساعه 3 العصر يبابا
امنيه بصدمه نعمم 3 العصر !! انت بتهزر صح ؟!
سيف بضحك بهزر ايه بقى ده انتي ضيعتي عليا الفجر والضهر والعصر ففوقي كده الله يرضى عنك بدل ما اقعد جنبك واضيع المغرب كمان
امنيه فضلت تضحك وتابعت انا بردوو وضربته في صدره وتابعت ما كله منك اوعا كده اقوم الناس يقولوا ايه عليناا تحت دي عمرها ماحصلت
سيف فضل يضحك وتابع لا هما قالوا خلاص فانا هروح اخد شاور واصلي الفروض اللي فاتتني بسببك دي
امنيه ضربته في كتفه وتابعت بضحك اه روح واتلم وسبني شويه ورايحه تفرد جسمها فسيف مسكها وتابع بضحك قومي يابت خدي شاور علشان هتصلي معاايا اخلصي وغمز وتابع وكده كده مش هننزل تحت ففاضين لحد المغرب بعدين نقوم نصلي تاني
امنيه بضحك هو انت قالولك عني ايه هاا
سيف فضل يضحك وتابع هقولك بس مش وقته عشان اتاخرت على الصلاه يلا قومي انتي كمان وبالفعل سيف دخل خد شاور وامنيه زيه وصلوا الفروض اللي فاتتهم بعدين امنيه حضرت الفطار وكانوا قاعدين بيفطروا وهي بترضع بريتي فتابع سيف كلي كويس يا امنيه بطلي التسمم اللي انتي فيه ده علشان ورانا حوار
امنيه فضلت تضحك وضربته في كتفه كذا ضربه وتابعت يسييف اتلم بجد فسيف فضل يضحك ومدلها ايديه بلاكل فكالت منه وتابعت سيبك مني يحبيبي كل انت انا هخلص رضاعه بيري وهنتبه للاكل
سيف رضعيها وانا باكلك اهو
وفعلا فضل ياكل وياكلها لحد مارضعت بريتي وخلصوا اكل فدخلت حطيتها في سريرها وسيف جيه حضنها من ضهره وباس رقبتها بعمق فغمضت عينيها بتأثير فتابع كنا بنقول ايه بقى
امنيه حطت ايديها على ايديه الملفوفه عليها وسندت ضهرها لصدره ورفعتله وشها وبصتله بحب وهمست كنا بنقول اني بموت فيك ولسه مش مستوعبه من فرحتي انك كنت في حضني الليل كله وكل ما عيني تفتح احمد ربنا انه مش حلم وابوس خدك وانام تاني
سيف ابتسم وباسها برقه وتابع بضحك طب طلما لسه مش مستوعبه ده تقصير مني لعلمك مفروض بعد كل ده تكوني استوعبتي فعلشان كده هنعيد يمكن تستوعبي
امنيه فضلت تضحك وتابعت على اساس لو مستوعبه مكنتش هتعيد ولفتله فحط ايديه على وسطها وشدها ليه فتابعت هتعملهم علياا يا ابن معتز ما انت مقرر
سيف بضحك تلاكيك بقى يا ام بيري علشان شكلي وكده بردو
امنيه بضحك يعمري انت براحتك بس ادعي بنت تسكت شوف صحيت كام مره امبارح
سيف بضحك كانت غيظاني بصراحه بس معلش دي قلبي فنستحملها فامنيه ضحكت وهو قربها منه وباسها بحب
عند يونس ونور
يونس كان صاحي ماسك الفون على السرير وياسين عيط فقام شاله وتابع بحب بس بس ايه يعمري مالك بتعيط ليه وباس خده وتنهد وتابع انت كده جعان يا ياسين وسابه على السرير جنبهم وقعد جنب نور وطبطب عليها وتابع نور حبيبتي وباس خدها وتابع يانور قومي يحبيبي ابنك بيعيط وجعان
نور بنوم وديه لماما تسكته يا يونس مش قادره بجد
يونس بذهول يحبيبتي بقولك جعاان اوديه لماما تعملوا ايه
نور بتعب منا تعبانه وماصدقت نمت والله وحاولت تتعدل فتاوهت بتعب فتابع يونس بلهفه براحه على نفسك واحده واحده وعدلها وقعدها كويس وتابع حقك عليا والله صدقيني لو بايدي اسكته انا مكنتش صحيتك وشاله وباسه وحطه على رجليها
نور رجعت راسها لورا وغمضت بتعب وتابعت لالا يحبيبي عادي ولا يهمك انت متعرفش تعمل حاجه فعلا ولا حد هيعرف علشان هو عايز يرضع كده
فيونس تنهد وخدها في حضنه وتابع ربنا يقويكي ينورعيني ويعدي الفتره دي على خير
نور بحب يارب يعمري وباست خده وبصت لياسين وابتسمت بحب وتابعت بذمتك مصدق
يونس بضحك لا والله فعلا لسه مش عارف اصدق وابتسم وتابع بس وجودك في حياتي عامهً دي احلى حقيقه عشتها في حياتي
فنور ابتسمت بحب وتابعت ربنا يديمك لينا وميحرمناش منك ابدا يارب يحبيبي
يونس باسها بحب وتابع ويديمك ليناا يا اجمل واصغر مامي في الدنيا
نور بضحك قلبها ونور عينيها اصلا فابتسم يونس وباس خدها
بعد مرور خمس سنين الاحوال بقيت غير الاحوال خالص الدنيا اتطورت جدا مازن وياسمين بقى معاهم زين ست سنين في اولى ابتدائي وعائشه اربع سنين وعلاقتهم حلوه وجميله وفيها تفاهم ومازن بقى ليه شركه كبيره جدا خاصه بيه وواحده تاني مشاركها مع احمد اخوه اللي هو وشهد معاهم دلوقتي ايلين وادم توام عندهم سنتين وشهد في سنه سته طب وطلع عينيها من المذاكره والعيال بس احمد بيساعدها وشايل عنها كتير جدا وسيف وامنيه معاهم بريتي خمس سنين وفارس تلات سنين وسيف بقى عقيد وده نادرا ما يحصل في السن ده بس لانه فعلا متميز عن غيره وعمر وزينب بقى معاهم حسام اولى ابتدائي ست سنين وفعلا لما حسام بقى عنده سنتين زينب حملت تاني زي ما مازن قالها لما اجهضت انتي بالكتير سنه وهتحملي فجابت زينه وبقى عندها تلات سنين وعمر بقى مقدم ونور ويونس بقى معاهم ياسين خمس سنين ونوران تلات سنين ونور كانت اتخرجت من الكليه واسماء كانت اتجوزت زياد بقالها اربع سنين ومعاها يزن سنتين وفرح بقيت شاطره جدا في مجال المحاماه وفهمت حكمه ربنا في اختياره للمكان ده واتخرجت من كليه الحقوق وبقيت معيده فيها واتجوزت من اربع سنين ومعاها ليان تلات سنين وباسم وهايدي معاهم جيلان تالته ابتدائي وادهم اولى ابتدائي والجد والجده سافروا بقالهم شهر في السعوديه مازن طلعهم عمره وقاعدين هناك فتره يغيروا جو
وبقينا تحديدا في الايام اللي قبل عيد الاضحى المبارك والاجواء فيها تحضيرات العيد من لبس وترويق ونزول سيف وعمر اجازه من الجيش
في بيت سيف وامنيه الساعه 10 الصبح امنيه كانت واقفه بتعمل اكل للغدا علشان سيف جاي وبتحاول تنجز بسرعه علشان وقت الغدا تكون كل حاجه جاهزه
فدخلتلها بريتي المطبخ وتابعت يا مامي هو بابي هيجي امتى انا بقالي كتير واقفه في البلكونه مستنياه
امنيه وهي بتقلب في الحله تابعت بحب زمانه جاي يعمري اقعدي استنيه مش لازم كل مره تفضلي واقفه في البلكونه ده انا مكنتش هقولك علشان اللي انتي بتعمليه ده
بريتي بضحك اصلا انا سمعتك وانتي بتكلميه كنتي بتقولي بصوت واطي يعني انت نازل النهارده فلما بصيتي عليا غمضت عيني كاني نايمه
امنيه بضحك بتكدبي على مامي يا بيري اخص عليكي
بريتي حطت ايديها على بوقها وفضلت تضحك وتابعت لا انا مقولتلكيش ان انا صاحيه فمش بكدب
امنيه فضلت تضحك وتابعت اه يا ام لسان طويل انتي طب روحي شوفي فارس فين وقوليله اطلع عشان ابوك لو عرف انك بتلعب في الشارع هيقتلك
بريتي بضيق لا انا ماليش دعوه مش بيوافق بيقولي انا بلعب مع زين مش هطلع
امنيه بحده يعني ايه مش هيطلع يعني ده انا هروح اطلع عينه..هو عمك مازن تحت
بريتي هزت راسها لا وتابعت عمو مازن بيزعقلهم لو كان تحت مكانوش نزلوا
امنيه بضحك اه والله يا بنتي على رايك خليه وسيف يجي يهزقه
بريتي فضلت تضحك وتابعت انا هقف في البلكونه استنى بابي ماشي
امنيه بضحك يبنتي يحبيبتي رجلك ليه طيب
بريتي بحماس كده وحشني اوي وهنزل اخده حضن كبير قد كده وفتحت ايديها على الاخر
امنيه بضحك اتلمي يا بت انا بغير على جوزي
بريتي بضحك وجوزي
امنيه شهقت وتابعت بتفاجئ وضحك جوز مين يابت انتي ومسكت السكينه بهزار وتابعت بضحك جوز مين ها انطقي
بريتي ضحكت وتابعت وهي بتجري على البلكونه جوزي جوزي جوزي
امنيه بضحك جوزك في عينك وعين اهلك يا شيخه وحطت السكينه وبدات تكمل الاكل
وفي البلكونه بريتي كانت واقفه بملل مستنيه سيف يجي ولما شافت العربيه بتاعته داخله فضلت تشاورله بفرح شديد وتابعت يابااابي … ياباااابي وسيف نزل من العربيه وهو بيضحك وبيشاورلها فدخلت بريتي بسرعه من البلكونه وتابعت بلهفه وحماس مامي انا نازله باابي جيه
امنيه خرجت من المطبخ وتابعت بضحك انتي يابت البسي حاجه في رجلك يامجنونه
فمكنتش سمعتها ونزلت جري ولما شافته جريت عليه بفرح وتابعت وهي بتجري بااابي فضحك سيف لما شافها وفتح ايديه جامد وتابع قلوب ونور عيون بابي وجري شالها وخدها بالحضن وباس خدها وتابع واحشتيني اوي يبطتي
