رواية كريات الدم السوداء الفصل الثامن بقلم زحل
_يوم بعد يوم حالة ابوي تسوء
وكطع الاكل وكل مرة الدكتور يغير علاجه بده الورم برجليه واضح نقلنا للمستشفى لان حته المي هم صار مايتقبله وهاي كم يوم عل مغدي
من التعب غافيه عله الكرسي فزيت
عله صوت امي وهيه تكعدني.
وداد:نامي بمكاني وانه حبقه كاعده .
_رديت عليها ودموعي تنزل بقهر ليش
هيج ماجاي يتحسن .
وداد:كولي ياالله قابل بيدج .
أضف تعليقاً
وداد:كولي ياالله قابل بيدج .
_جريت المخده توني اريد اتمدد
التفت عله صوت الجهاز الي
خمش كلبي باوعت لامي برجاء انو تطمني
ضلت صافنه اريد اكوم ماكدرت الزم بالهوى
وكل عقلي استند عله شي حته اوكف
اتعثرت لحد ماوصلته بدون شعور اهز بي
لاااااااا يابه مو هيج اتفاقنه بداعتي
عليك لاتعوفني كوووووووووووووم عله حيلك .
لا سمعت ولاحضرت عزا ايام الفاتحه غايبه عن الوعي فكيت عيني اتلفت واني ادعي حلم بس من شفت امي
كاعده بالبسها الاسود اتاكدت راح الي جنت عايشه لاجله احس البجي مايريح كلبي كسرة كلش جبيرة
يعني بعد ماشوفه جا المن درست وتعبت
وداد:رحمي حالي اترجاج اصحي خلينه نسند
بعضنا تدرين مالي غيرج بالدنيا
.
_ليش هيج خلاني المن عايشه بعد ليش مامتت ويا
دنكت ودموعها تنزل بعد ايش تبجين مو هذا الي جنتي تتمنين يموت ارتاحي يمه .
وداد:هو ارتاح بس اني الي صار ايام بكل لحظه اموت الف مرة من اشوفج فاقده .
_درت وجهي عله جربايته كمت
ومامنتبه اكو مغذي بأيدي
لزمتني امي .
وداد:بس اوكفي خلي اشيل المغذي
من ايدج قدر لاتشلعين كلبي .
_دفعتها وماهتميت لايدي تنزف
حضنت افراشه وحجيت بوجع اني حالفه احقق حلمي بوجودك ايي نوكف سوى وانته تكول هاي بنتي الي درست وتخرجت وصارت دكتورة حته تعالجني يابه شلون هنت عليك تدري كلت بس نطلع من المستشفى اخذك ونعيش بغير مكان لان تعبت من اسرار هذا البيت .
وداد:قدر قدر انتبهي اترجاج .
_التفتت عليها بعد شنو الي يخلني اتحمل
اذا قبل مسكتني وجوده بعد مالكم يمي
شيييييي سدت حلكي بيدها
دخل عمي باوعتله.
فاروق:مالومج اكثر شخص انتي تعلقتي بي وجان املي يجي يوم ويتعافه لان جنت اشوف نضراته الج الف لا حوله ولا قوة الا بالله العلي العظيم.
_بجيت بصوت وهو يباوعلي ودموعه تصب
رادو يبعدوني من الجربايه رفضت وصارت نومتي عليها ليل نهار اني حاضنه المخده طارق يكعد يمي بالساعات يسولف ويمل ويطلع ابتعدت عن الكل ماجاي اتخطه موته ولا كادرة اتقبل الامر احس فقدت جزء من روحي توسلو بيه اداوم رفضت .
فاروق:تمام ارتاحي هاي السنه
وان شاء الله السنه التجي تعوضيها .
وداد:هذا جزع وحرام الي جاي تسوي
بنفسج كومي لخاطري .
_ماصفى كلبي من ناحية امي رغم شكد
حجت بس كلامها جان يذكرني بدعواتها
عليه خيم الحزن عليه البيت
صار كأيب فاطمه ملتزمه
الصمت ايام وبدو يحضرون للاربعين
دخل عمي عليه.
فاروق:قدر شتكولين لو اخذ الناس
واهلنا ومن نرجع اخذج انتي وامج؟
حته براحتج لان اعرف راح تتقيدين
وهم هوسه .
_هزيت راسي بمعنى اي راحو
باليل وثاني يوم رجعو
وراها عمي باشر بعمله وحياته وكأنو
ماصاير شي ابوي كان ميت علميا وهذا الشيء الي اكدو النا الاطباء بس الامل برب العالمين خلاني احلم واتخيل انو اصير دكتورة وعالجه هذا الي حزني استغفرت ربي وصليت ركعتين وهديتهن اله طلعت عله صوت امي وفاطمه الي مشاكلهن ماتخلص .
فاطمه:ترى فضل منا ملفينج.
وداد:بحصة ايوب كاعده
ومالكم فضل عليه.
_صاح بيهن عمي .
فاروق:قسما باالله اذا ماتسكتن
اطلعجن ثنينج كافي عاد .
_وهيج يخلصن نهارهن عرك
وانه اخلص يومي حاضنه فراشه لوعة افراكه
مو سهل جنت ابدي يومي بي هسه احس الدنيا
فارغه اشتاقيتله بجيت وعله صوتي دخلت امي .
وداد:كافي يا قدر لخاطري تعبت
ماما اقري اله الفاتحه .
_وهذا حالي ابجي وارجع استغفر
وبيوم نايمه وحسيت الباب انفتح ونطبك
شلت راسي امي ماموجوده كلت اكيد بالحديقه احس نفسي اختنكت ومليت من الغرفه طلعت وراها محد بالصاله اتمشيت للحديق ونفس ماتوقعت واكفه وعمي مقابيلها وصوتهم كان واضح بقيت استمع .
فاروق:كل عقلج شكول
للناس .
_وماراح احيرك خلي طارق يتزوجها
وهيج اني اطمن عله بنتي وماداعيك
بشيء.
فاروق:وداد هو مو لعب هذا نسب
تعرفين شنو اقصد وجينات وراثيه وحته
لو اني قبلت محد من عمامي راح يوافق
ولا فاطمه .
وداد:خلص كلمن يذكر صاحبه بخير انته
سترت عليه واني داريت اخوك
محد اله فضل عله الثاني .
فارق:وعندج استعداد تكسرين كلبها ؟
فوك الهيه بي ولج شنو من ام انتي
ماتخافين عليها ؟
وداد:اول وتالي تعرف
خو ماخليها العمر كله محطمه
خلص لهنا وانته بعد مالك حكم علينا بنتي
واني اعرف شلون احافظ عليها تنطيني
اوراقنا وكلشي من ريد منك .
فاروق:يااوراق كل عقلج كتلج يعجبج
اخليلكم مكان ونفس الراتب يبقى
جاري وبعدين ربج يحلها.
_عيني عليهم واسمع بكل تركيز.
وداد:ماريد منك شي اخذ
بنتي واطلع.
فارق:وين تعيشين ومنو يتقبلج.
وداد:ليش احس عندك سالفه من الاخير
تنطيني الجنسيه لو لا .
فاروق:لا .
_توني اريد اعبر عليهم
وماحسيت اله طارق طلع من المشاي مال المطبخ ثاري جان يستمع ومبين قبل ما اطلع انه هو واكف توجه ناحيتهم بدون مايلتفت عليه التفتو عليه مستغربين وماتوقعو ولا انه جنت متوقعه كل هذا دفع امي وكف مقابيل عمي وحجه وهو يدك عله صدره .
طارق:هنت عليك ايام وليالي تشوفي
متقزز من نفسي وادمنت في سبيل بس انسى بيوم جنت انضرلها بحب توهمني وتوكول اختك خليتني اكره روحي ليييييشششش.
(سلاسل )
_الايام تمر بثكل ابوي شغله قل وسليمه
كامت تذمر وماتقبل تروح لنوشه وهو
محتار شلون يقنعها .
راضي:يعني شحده مابده مو
جنتي كل تحيين كل سهراتها واذا عل اجر
اخليها تزيده .
سليمه:يابه ماعاجبني جوها ليش
تلح روح انته .
راضي:وهيه شرطت اله انتي وياي معوده
مشينا هاي الفترة بين مايتحرك الشغل .
سليمه:مو كتلك اخذ شوري ليش
نبقه بمنيتها ؟
_وعرف شتريد وجاي تضغط عليه
هز ايده بعدم رضى وطلع .
سليمه:فكر ويغسل !!!! بصابون .
_ضحكت عل مثلها وهيه هم عبالك
توها انتبهت لكلامها.
سليمه:هههههههه خرب ساعته يابه يطلعني من طوري يعني ماعرف شنو تركيبته لا هو شريف عله وجه ولا مسويها علني .
_وضلت سليمه مصرة عله طلبها
جويسم يوم بعد يوم صار نسخه من اولاد المنطقه مرات ابوي يصيح عليه ومرات يسكت وام طيبه بكل مرة تجي هيه تسال عن الشخص المختفي طلعت سليمه من غرفتها و من لبسها عرفت عدها سهرة .
سليمه:هسه لو ابوج يقبل
جان اخذتج وياي ..
_لا لا اصلا انه بعد ماروح يمممه نوب
يصير نفس ذيج المرة .
سليمه:طاح حظج شلون فال خايس
يله رايحه واذ ابوج تاخر قفلي الباب
لو تسمعين المنطقه تحترك لا تفتحينه..
_ضليت كاعده بالصاله
مره اطلع اغاني ومرة مسلسل تاخر الوقت قفلت البوب واخذني الواهس للركص احاول اقلد حركاتها وعبالك داخله تحدي يعني شنو قابل محد يعرف يركص غيرها صح هيه جسمها حلو بس اكدر اسوي مثلها ماخذني الحماس وكمزني صوت الباب طفيت الشاشه وركضت دخل ابوي .
راضي:ساعه يله تفتحن .
_مارديت لان صدمني حاله
من شفت مقدمه دشداشته
مشكوكه عرفت متعارك .
راضي:فوتي جوى خلي ينزلون الالات.
_دخلت للغرفه واسمعهم نزلوهن بالطارمه
سلمو عليه وراحو .
راضي:وينجن .
_ طلعت واني احجي
ها بويه سليمه طالعه .
راضي:اي نسيت .
باوعت لجويسم مبين مغثوث
غمزتله هز راسه ماكو شي مااقتنعت كلت بس ينام ابوي الزمه لازم اعرف شصاير صاح علينه وهو متوجهه لغرفته .
راضي:يله قفلو البيبان ونامو .
_بسرعه طبكت باب الصاله
وجريت جويسم .
جويسم:هديني شبيج ؟
_شنو صاير احجييي؟
جويسم:تعاركنه .
_ياا ليش ؟
جويسم:واحد بالحفله سكران طلع روحنه
شندك يكول ماعجبني ملينه منه كالهم حملي هذا الي نعرفه ماحسينا اله صفكه راشدي وكبت الهوسه هجمو جماعته علينه كسرو الغراض وطكو ابوي وطردونه .
_لزمت ايده اسال بقلق وانته خو
محد طكك جر حسرة ورد.
_لا بس الى متى نبقه هيج دوم
الفرقه تنكتل ومرات تخلص الحفله
مايطون فلوس ومانحجي .
_مو هذا شغله المستعز بي شكد
حجت امي ويا وماقبل؟
جويسم: ماتعرفين الدنيا خارج منطقتنا
ترى بضيم هيه وحده من اثنين لو نجدي
لو نسلك طريق سويكه .
_طكيته عله راسه هم بيتك بله
صاير يحجي مسوي روحك فهيم ومتكلم نوب
سويكه تهي بهي يثول هو غير شابع سجون شمحصل .
جويسم:بس ولد رواس يشتغلون
ويا ومستفادين.
_التفت عليه وانه صاكه سنوني بحركه
هااا كول مرافكهم ويردون يجرونك وياهم .
جويسم:خاب وخري انتي
شفهمج ام عطوب .
_دفعني وتمدد صفنت اباوعله غاسلين راسه
ومقتنع بالسالفه شلون ابعده طلعت انتضر
سليمه اخليها تهد عله سويكه وجماعته
طلع النهار وهيه ماكو كعد ابوي.
راضي:جا سليمه مااجت؟
_لا هل كاعده اتانيها شعجب
هيه ماتضل لهيج وكت .
راضي:غير تكعديني من شفتيها
بطت وين تلفوني .
::يسالني وهو دخل جابه من الغرفه بعده بدشداشته مال البارحه الجيب مال الصدر ضال يتلولح والدكم مكطعه كعد عل تخم وخابرها ضليت يمه اريد اطمن .
راضي:هااا وينج .
::نزل النقال باوعله
ورجع باوعلي هز ايده وكام متوجهه للحمام عرفت سدته بوجهه رحت اسويله جاي بعدني ماحاطه القوري اندك الباب مد راسه صاح عليه .
راضي:شوفي منو يمكن سليمه اجت
_ركضت فتحته دخلت سليمه بيدها علاليك كبار شمرتهن ورجعت طلعت مديت راسي وراها
شفتها دنكت شالت كارتون تلكيتها اخذته وبوجهي للمطبخ رجعت عله باقي الغراض نقلتهن وسديت الباب تحت انضار ام دعدوش الي واكفه تباوع بفضول .
سليمه:وينه الشفيه؟
_عرفت تقصد ابوي اشرتلها عل حمام .
سليمه:عليمن سابح
همه البارحه كاتلينه غسل ولبس
نوب ضل بالي يمج خفت يجفتون عليكم .
_لا ماصار شي انه ضليت انتضرج ؟
سليمه:رجعت لبيت ام طيبه كلت
عاد الصبح عله شوف العين .
_طلع ينشف بشعرة من شافها سوه نفسه
متفاجئ وانه متاكده سمعها .
راضي:هاا اجيتي ضل بالي لو كايله اضل
للصبح جا كعدتج يم ام طيبه.
سليمه:مالي نيه ابقه بس من كالو متعارك ماكدرت اجازف خفت يدزون الحكومه عليك هاي جم مرة بسبب حملي تتعاركون كتلت بطله اذ ماعاجبه؟
راضي:ياعمي الولد ماحاجي همه عالو.
سليمه:مراهق ويريد يتريس
عباله هو بفرقة كاظم الساهر لو سعدي اليابس
اخذ كلامي اشرط عليه لو يقبل بواقعه ويبقه
طبال لو يروح للشقاوات .
راضي:لا انه رزلته وبعد مايسوي مشكله
المهم انتي شني طلعتج .
_نزعت صايتها وكامت تحجي بحالميه .
سليمه::اوف اسكت غير متت قهر من
عرفت البيت مال ام طيبه.
_وصلت للغرفه وهيه تحجي طلعت
بيدها ملابس دخلت للحمام علكتهن
ورجعت يمنا.
سليمه:يعني شغل بي حظ.
راضي:هااا خوش فكرة زين بلكي تحصلنه
بيت يمها جا فتحنا بس للشغل ؟
_كاعد مقابيلها ويحجي بثقه
ردت عليه بعصبيه.
سليمه:بس لاتشغل عقلك لان اتعب
اكلك بيتها يعني ملكها تفهم راضي الاجار
بالحظه يشتكون عليك المنطقه بس يحسون
بيك ذيج المناطق بيها حكومه قويه ومختار
مدري مجلس بلدي .
راضي:جا هيه شلون مرتبه شغلها؟
سليمه:ملكها مو بسهوله احد يكدر يطلعها
وهم منسقه ويه الجماعه .
راضي:ايي غير عدها وشترت احنه
منيلنه .
_كعد جويسم باوعلهم مزعوج غسل
وراح للمطبخ تبعته حضرت ريوك
وهمه مستمرين .
جويسم:بعد الف سنه مانلم بيت .
_وهاي السالفه صار سنين
وماتنفذت شبيك .
جويسم:خاب هنه فلوس الحفله
مايزود منهن اقل الربع لابوي
ترى يتوزعن للفرقه.
_سكتنا بدخولهم يمنا كعدو يتريكون وبعدهم بنفس الموضوع .
سليمه:تكول لميتهن من جنت بالمنطقه واشتريت لمن كملت اموري يله شلت وهسه تطلع حته نوشه هم عدها بيت .
راضي:اندري شو يبجن شوكت ماتسالين كالن الشغل تعبان .
_وصار هذا الموضوع حديث بيتنا
كل مانجمعو يحجون بي ابوي صار يخلص نهارا بالكهوى وهيه تطلع وشكد يلح عليها يرحون لنوشه وترفض.
سليمه:كتلك ماتسوى لا تلح رجليه
تورم وخيست البيت تكتل وتالي تطيني تراب
.
راضي:شسوي ماكو حل؟.
سليمه:انته رافض الحل.
_رد وهو يأشر عليه .
راضي:وهاي شلون؟
وجويسم ترى اخاف عليهم تدرين نجيه
تريدلها سالفه واخوتي يكيفون اذ صار شي .
سليمه:صار اشكد امهم عند اخوها وهمه يمي اسال بنتك انام اذا مااقفل الباب ومن طلعت شكد اوصيها ترى مثل ما انته خايف انه حريصه عليها .
راضي:انه اعرف كلبج طيب ومأمن .
_غمزتله وراحت للغرفه شويه وتبعها
كمت وبالي يم جويسم الي صار مرافك سويكه وابوي ساكت يكول مادامه بنفس الشارع خلي افكر باامي وتخيل شكل جعيفر ابتسمت هم يكبر ويجي للمنطقه شنو مصيره نبهني صوت النقال باوعت للشاشه فضول اشوف المتصل ونفتح باب الغرفه مدت راسها عليه.
سليمه:ولج ناوشينيا .
_كمت انطيته الها من شافت المتصل
طبكت شويه واسمع ابوي يحجي .
راضي:كيفج بس ماريد هوسه .
سليمه:لا تهتم .
راضي:رايح للكهوى اذ ردتي شي خابريني .
_قبل ماتصيح عليه طلعت
ضحكت .
سليمه:صايرة تفهمين عفيه اريدج عيني وايدي خاف اغفل عن شي نبهيني سونه راح تصير الكعدات هنا .
_يعني قصدج مثل نوشه .
سليمه:لا يابه شنو هل كاحته وين العاوي تجيبه بعدين احنه نركص يعني مو مثل شغلها كومي كومي خل نسوي حمله عله غرفتي .
_لحد ماخلصت غرفتها احس ضهري انكسر
وبعد كم كاعده اباوع مسلسل وهيه بالحمام دك نقالها باوعت رقم بدون اسم صحت عليها ترى تلفونج يدك .
سليمه:جيبي بسرعه .
_وديته الها ورجعت اكمل مسلسلتي
طلعت وهيه تحجي بستعجال .
سليمه:بسرعه كومي بين مانشف شعري كفي الصاله وذبيلج ماي بالطارمه غسليها .
_مانطتني مجال اسال دخلت غرفتها كفيت الصاله وطلعت للطارمه غسلتها رجعت يمها مخليه النقال عل ميز المرايه وتحجي وقلم الحمرة بيدها .
سليمه:كرزات وفاكهه بس مو تروح للعزل راضي
هاي ناس أكباريه لا تفشلني خوشش .
_دارت وجها عليه اشرت عله كنتور فهمت تريد ملابس فتحته وضليت واكفه منتضرتها تختار تباوع بحيرة جريت كم قطعه خليتهن يمها عل جربايه مدت ايدها تكلب بيهن .
سليمه:شتكولين البس هاي لو هاي؟
_ركزت بيهن السوده حلوه وتلبسين وياها
سلاسل ذهب تخبل .
سليمه:ههههههههه ولج سونه نفس
ذوقي انتي .
_عفتها تبدل اجه ابوي محمل مسواك خذتهن للمطبخ ورجعت للصاله اريد احجي ويا عله جويسم لكيته يسولف وياها.
راضي:شتكولين لو اودي سونه لبيت امير.
سليمه:ترى لعبت نفسي المن موديها تبقه
بغرفتها وتقفل الباب وبعدين
ام طيبه هيه راح تركص.
راضي:جا اذ ام طيبه انتي المن متكشخه .
سليمه::راضيييي مو بدينا ترى هذا شغل
سوالف الغيرة مو وقتها .
_بعده ماراد دك تلفونها اشرتله
اسكت وجاوبت .
سليمه:همزين اتصلت ردت اسالك فرقه
لو ديجي تمام تمام بعد احسن .
_شمرت النقال والتفتت عله ابوي .
سليمه:مو كتلك امان حته مايريد الفرقه .
راضي:اذ هيج انه رايح عل شط
من تخلصون خابريني .
_ركضت ورا وانه احجي بويه جويسم
مرافك سويكه .
راضي:هسه اخذه وياي .
_نصبت سليمه الديجي
وحضرت كرزات وفواكه وعطرت الصاله شويه اندك الباب اشرتلي فوتي للغرفه وهيه راحت تفتح قفلت الباب طفيت الضوى وكفت يم الشباك دخلو ثنين زلم كمزت من شفته ابو جداحه تلكتهم سليمه وهيه موجه كلامها لابو جداحه.
سليمه؛غير تكول وياي ضيف .
_ناسيته ولا اجه ابالي ركضت للكنتور طلعتها بخوف شبيه مارجعتها بس لا يريدها وبين تفكيري صاحت سليمه عرفت راح تكلي وينها ضميتها بالملابس
وطلعت الها .
سليمه:ولج وين الجداحه
الفوك الكاونتر .
_رديت وعيني للشخص الي ويه ابو جداحه
مادري جا انه شسوي بيها .
سليمه:يااا ولج مو كدامج خليته وين
راحت شنو طفر علينه حرامي واخذها؟
_متوسط التخم وعينه بنقاله ولا عبالك
احنه ما موجودين ونحجي يمه .
سليمه؛:نطقي شبيج انخرستي
مو احجي وياج ؟
_رفع راسه باوعلي دنكت بخوف ورديت عليها خاف جويسم اخذها انه شاكه بي يشرب جكاير.
سليمه:اذا صدك اله اموع شحم
اذانه نوب يبوك ويشرب جكاير .
_كمزت من حجه فوك ضخامته
نوب صوته يخوف رافع حاجبه
ويحجي برود .
سليمه:لا باشا تعرفني صار
اسنين ماامد ايدي .
_باوعلها وهو مصغر عيونه و ما اعرف
شلون جانت نظرته لمن تحولت الي
رخَـه نظرة عيونه فِتحها و أبـتسم
احس اخترق عقلي و تفكيري و عرف
بـ شنو أفكر ضغطت على إيدي بقوةً
اخفي التوتر الي صابني .
!!عوفيها يابه وين تروح اول وتالي الكاها
مادامها مالتي ترجعلي .
_اشر براسه روحي اريد بس اوصل للغرفه
طريقه كلامه مال واحد متاكد عندي ضليت الوم بروحي شبيه هاي الفترة ماذكرت جان رجعتها من كد ماضجت جريت فراشي ونمت حته مادنيت للشباك بعد ولا شفت ام طيبه من اجت مافزيت اله الصبح طلعت اباوع جن ماكو شي البارحه بيتنا حته المواعين نضيفه شويه وكعد ابوي بس شافي حجه .
راضي:هذا اخوج ماهو امس شكد دورت عليه اذا
اجه لاتخلينه يطلع وخلي سليمه تخابرني .
_خاف يم سويكه؟
راضي:هو سويكه اله مكان.
_جا شلون وين راح ؟
راضي:اندري رايح اشوفه بلكي الكاه .
_كعدت سليمه وحجيلتها .
سليمه:صوج ابوج كتله اخذه للسوك
شغله عد اي واحد.
_للظهر وجويسم ماكو وكل شويه ابوي يخابرنا يسال اجه لو بعده ومرة سليمه تخابر تكله ها لكيته لو لا .
سليمه:ولج خاف راح لامج .
_مااضن لان يطردونه وحته لو رايح جا خالي اتصل بينا بدون ماترد عليه اتصلت باابوي.
سليمه:اكلك خاف رايح لامه يمعود
دسال يله عود خابرني .
_باوعتلي وعبالك اذكرت شي راحت لغرفتها شويه وطلعت لا بسه صايتها ها وين رايحه .
سليمه:لعبود محابس .
_تحجي وتلف بشالها وانه وراها تونه
نوصل الباب دخل ابوي .
سليمه:هااا شو رجعت .
راضي:تعبت افتريت السوك كله حته للزويه رحت شافني محابس كال شعندك حجيتله كلي روح نص ساعه واجيبه الك .
_لطمت عله صدري يممممه بس لا عنده .
راضي:لا لا يكول يم جماعة سويكه .
_مو نص ساعه عبالك سنه كل واحد بينا متحلف بجويسم شكل اندك الباب طلع ابوي شويه وصاح تفضل تفضل عرفت عبود راح يدخل سليمه بقت كاعده وانه رحت للمطبخ دخل عبود لازم جويسم من ايده .
محابس:انه جبته الك بس ماتمد ايدك عليه .
سليمه:غير نعرف وين جان ويامن .
_باوعلها عبود بستهزاء ودار وجهه
لابوي مكمل كلامه.
محابس:جويسم سبع ومايتقشمر بس اخذه الواهس بالشغل ويه ربع سويكه ومن تعبه نايم .
_كام ابوي باس عبود وتشكر منه .
عبود:يله اترخص .
::بس طلع عبود هجمت عليه لازمته
من البدي وجرجر بي دفعها لو كلبت الدنيا .
سليمه:بعدددد بعدد اخذلك راشدي مني اليوم اكسر اديك ابو الختلات وين اخذوك من امس لليوم .
جويسم:ماتمدين ايدج عليه خوش معليج
مامسوي شي جنت يم ولد مهيدي بالعلوة .
_رادت تلزمه جريته من يمها اجه
ابوي يركض .
راضي:ها ها شسالفه؟
سليمه:نوب فوك مصيبته ماقابل
يريد يطكني ابنك يدفع بيه .
راضي:اكسر ايده انه ناوي اصلخ
جلده اليوم بس بخته بمحابس .
سليمه:لا بشرفك كلفت نفسك شو وخر .
_دفعت ابوي وتقدمت تريد اطكه وهو واكف بعناد حجيت وياها بتوسل خلي يولي بعد مايطلع وانه هسه اطيح حظه دفعتي وجرته..
سليمه:خايبه وخري اريد اربيك اليوم انه
مو نجيه ولا راضي حته توكف بوجهي .
جويسم:وخري هديني شنو انتي امي
حته تطكيني .
_تخبلت من رد عليها ضلت تكفخ بي
وهو يصيح وابوي يغلط عله جويسم .
سليمه:انعل ابوك لابو امك .
_شلون فلت روحه منها وكف باب
الغرفه وصاح .
جويسم:بعد يوميه اطلع لاتكولون
ماحجيت انه راح اشتغل بالعلوة
وانتي مالج شغل بيه .
راضي:لا مو بكيفك بعد ماخليك تخطي
خطوى اطلعك وياي .
جويسم:مااطلع وياك اريد اشتغل
بالسوك المن ماخذني يوميه كاتلينه وطاردينا .
_تفاجئت بي شلون يحجي جويسم ازغر مني شوكت كبر ومنين تعلم يرد ويوكف بوجه ابوي قبل يخاف يعبر من باب الجده لان فارغ واضلم .
راضي:هااا نوب تلاسن وترد جا صوجي
ماخليت سليمه اتادبك .
_تقدم ابوي يريد يكتله دخل للغرفه وقفل الباب ضل ابوي يصيح باب غرفتنه حديد ماينكسر كعد ابوي كباله وجويسم ماجنه يسمع .
راضي:خوش لو بعد شهر هم انه كاعدلك
هنا ارد اشوف شلون تطلع .
سليمه:هذا بعد يومين يمد ايده عليك
مادامه رافك ربع سويكه .
راضي:غير ادفنه وهو عدل .
_ضلت تحجي وتوز بي
وابوي يرد عليها شحده اموته تاخر الوقت وايسو منه يفتح الباب دخلو غرفتهم وانه بقيت كاعده بالصاله لحد ما اتاكدت نامو رحت للشباك صحت عليه بصوت ناصي ولك فك الباب نعست اريد انام .
جويسم:تعاي نطمري انعل ابوج لابو سليمه.
_سد حلك لايسمع ترى خاف عبالك يسكتون
شنو هل لسان حقها امي جانت مانعتك من الشارع .
جويسم:لو بيها خير ماعافتنا ولو صدك
زينه جان من البدايه مازوجت ابوي .
_شمرت الفراش بالكاع
والتفت عليه فاكه حلكي ولك انته شارب شي ايي اكيد جا جماعته سويكه شيجي منهم احجي بخوف وهو يباوعلي بسهزاء .
جويسم:اشرف من ابوي وسليمه .
_يااا شبيك تخبلت خوش تريد تشتغل
احجي ويه ابوي وقنعه .
جويسم:حته لو مااقتنع هم اشتغل والم فلوس وناجر بيت ونجيب امي ونكعد خلي هو وسليمه تالي يصير مثل نوشه .
:ومنا وبدت اول ثورة للعصيان والتمرد بالنسبه لابوي وسليمه ثاني يوم جويسم طلع من الصبح كعدو ضلت تحجي وتتحلف بي .
سليمه:مو كتلك راح يتمرد وهاي بدايتها
كسر كلامك وطلع .
راضي:يولي شسويله خلي يشتغل عبالج
يتحمل تعب بي حيل ينكل صناديك وكواني .
_واستمر جويسم بشغله مرات يجي فرحان
باليوميه الي ماتتجاوز ١٠ لو ١٥ الف .
جويسم:شوفي انه حسبت اذ يوميه ١٠ يصيرن٣٠٠ بالشهر نكدر اناجر حته لو حواسم .
_ماخذته عل كد عقله واشجع بي
بعدها بااسبوع اجه الظهر ماله
خلك ومبين مقهور تلكيته هاا شبيك .
جويسم:رحت لامي عود كلت اقنعها ناجر افرحها بشغلي ومن حجيت رد عليه خالي وهو يضحك لعب جهال البيت خو كولو لابوكم يحطلها بيت ردتها تكول اروح ويه ابني توسلت بيها مارضت .
_كمت حضرتله الحمام وانه احجي
ميخالف اول وتالي ترجع لاتضوج خلي نجمع مبلغ زين ونروح عليها كوم اسبح حته اخليلك غده .
جويسم: اكلت بالسوك.
_سبح ودخل ينام وسليمه تباوعله بحقد كعدت يمها ردت افهمها ترى هو عله مود امي شكو بيها اذ لكه شغل مو افضل من طلعته ويه ابوي .
سليمه:وانه ماكول لا ياريت خاف عبالج فرحانه بشغلي لو مرتاحه بس مالكينه غير حل هو انكتب علينه لو نجدي لو نركص .
_يااا مو هاي الناس تشتغل شحال
لو ماكاعدين بالسوك هزت راسها
وردت عليه برود .
سليمه:اذا تردين اشغلج ؟
_رديت بخوف لا لا انه ماطلع .
سليمه:من تفكرين كليلي .
_مافهمت كلامها وكل ضني تقصد شغل ليل
كامت تحضر عدهم سهرة ماسالتها منو نضفت
الصاله وحضرتلهم الي يحتاجو وطبيت للغرفه للفجر انه وجويسم كاعدين صوت الديجي والضحك ماكدرنا هو طلع للعلوة وانه غفيت كعدتني مزعوجه .
سليمه:ولج كومي بت التالف لهسه البيت مهوس وماطابخه شي منو كالكم خدامه ابوكم .
_رفعت راسي متفاجئه رديت وانه الم بشعري
مانمت امس صوت الديجي عالي والله لمن
طلعو يله غفيت .
سليمه:شلون شلووووون من شوكت هل حجي .
_سكتت لان اعرف طبعها
مرات تكعد معصبه ركضت للمطبخ لكيته صاير ملحمه هيه كل مرة ماتخلي شي اكعد الكى البيت يلمع بعدني صافنه وصاحت .
سليمه:وين السم .
_عرفت تريد كهوى بسرعه خليت الدله ع نار وحضرت الكوب وديتها الها ورجعت اغسل بالمواعين واعزل بالاكل سمعت ابوي يحجي وياها .
راضي:هااا شصاير.
سليمه:يعني اكعد هلكانه اريدلي شي
الكه البيت صاير مزبله..
راضي:غير انتي ماقبلتي مو كتلج خلي.
_ماخلته يكمل .
سليمه:يعني بنيه شابه وبحيلها المفروض هيه
تشيلنا وتكول تعبانين اليل كله اكوم اسويلهم لكمه.
_استغربت كلامها سديت ماي السنك
وكعدت صافنه شبيها ليش هيج تحجي
انه ماتعاجز وشنو تكلي اسوي .
راضي:ميخالف علميها وهيه
تحبج تسمع كلامج .
سليمه:لا تغيرت صارلها جم يوم شافت اخوها تمرد وهيه هم تريد تفرض نفسها علينه .
_عفته يقنع بيها وكمت اغسل كملت المطبخ سويت ريوك خليته يمهم وطلعت للطارمه غسلتها لكيتهم مخلصين ابوي طلع وهيه بغرفتها نضفت الصاله رحت اسويلي ريوك توني حاطه الصينيه صاحت عفت البيدي ورحتلها .
سليمه:اريد اروح للصالون حضري
نفسج تمشين وياي .
_لا ماروح حته من ترجعين تلكيني طابخه
خلت ايدها عله راسها وحجيت صاكه عله اسنونها.
سليمه:مالي حيل ملاهد امشي
البسي ٥ دقايق الكاج كدامي بالباب .
_ردت اتكفه شرها لبست صايتي وطلعت تمشي بواهس وسط نضرات اهل السوك والمحلات الي يعرفون ليلنا ويدرون شغلنه شنو لحد ماوصلنه لشارع الف كلمه اعجاب والفين غلطه من الشباب وكفت تكسي وعرفت رايحين لنفس مركز التجميل مال صاحبتها تلكنها عبالك فد شخصيه .
سليمه:عاجبني اغير لون شعري .
!!اشقر يطلع يفلش تفليش .
_عيني للعاملات يفترن مثل الساعه
هاي تنضف وذيج تقدم كهوى وهاي الي لازمه رجلين زبونه تجلف بيهن صافنه ومادري عينها عليه انتبهت لكلام سليمه وهيه تكول .
سليمه:تردين تشتغلين مثلهن .
_عبالي تشاقه دنكت وانه اضحك .
سليمه:الحياة فرص شتكولين اذ حابه
اشغلج وياهن .
_رديت عليها ماعرف اذ ابوي يقبل .
سليمه:اذا عله ابوج هاي يمي بس انتي
شتكولين حته احاجيهن هسه .
_بثواني حلمت اشتغل والم فلوسي عله فلوس جويسم وهيج نكدر نجيب امي رافعه حاجبها تباوعلي منتضرة الاجابه هزين راسي بمعنى .
سليمه:مو تدللين .
_وماجنت اعرف شنو الغايه الي ابالها
ولا فكرت مو كل الاحلام تتحقق ؟
شكرا لزيارتكم عالم روايات سكيرهوم
