رواية كريات الدم السوداء الفصل التاسع بقلم زحل
_اباوع لطارق الي مفرفح مرة
يدك عله صدرة ومره يفتر
حوالين نفسه حاول عمي
يحظنه وهو يقنعه .
فاروق:اهدء خلي افهمك ابني اكعد
ارتاح واسولفلك كل شيء .
طارق:ابنك والوحيد والمفروض تشتري راحتي وفرحتي تدري هسه عرفت رب العالمين ليش حرمك
من الخلفه لان ماتستحق لان ماعندك ذرة حنيه.
وداد:امشي جوى نسولف
هسه افهمج كل شيء.
_ دفعتها وانه احجي بصوت خايف
مهزوز مكسور ماثق بيج بعد عمو هو الي راح يحجيلي كل شيء انتضرته يرد وعيوني تتجول بينهم دنك عمي متهرب مني هزيت راسي بمعنى احجي .
وداد:عوفي عمج كتلج نسولف بغرفتنا.
_رد عمي وهو يستغفر .
فاروق:قدر روحي ويه امج هيه
تفهمج اكيد لازم تعرفين
كل شيء من حقج شكد ماضمينا جنت اعرف يجي يوم وتنكشف بي الحقيقه .
_هو يحجي وطارق شهك بعبرة التفتت عليه نزلت دموعه جره عمي لحظنه كل هذا وانه مافاهمه شي .
وداد:امشي قدر .
_التفتت عليها وانه اصرخ احجيييييي
اسمعج كولي صار سنين منتضرتج تحجين ضليت اصيح وعله صوتي اجت فاطمه تركض تخبلت من شافت طارق بحظن عمي ويبجي بعبرة جرته وهيه تسال بخوف .
فاطمه:شكو اسم الله شبي.
_التفتت لامي إلي عيونها تتوسل بيه عفتها
ودخلت متوجه للجرباية مال ابوي يابه
اسال منو وانته عفتني ليش كسرت حلمي
بوجودك تعب وبعدك زاد الحزن والحيرة
مسحت دموعي من شفت امي دخلت نزلت
للكاع وانه الم رجليه لصدري كعدت مقابيلي .
وداد:سمعيني للاخير وفكري قبل ماتردين لوتحكمين عليه لان كل الشفته والصار وياي كوم وانتي كوم ثاني انتي الشي الوحيد المستنده عليه والعايشه لاجله .
_هزيت راسي بمعنى سولفي كامت قفلت باب الغرفه ورجعت لنفس مكانها مدنكه وتتحسر اباوعلها بقله صبر اريدها تنطق واضح عليها الخوف ومتردده وهذا الي زيد فضولي رفعت راسها باوعت عليه عرفت نفذ صبري .
وداد:جنت بعمرج او يمكن ازغر ابوي مدللني وانه
الوحيده الي خلاني ادرس ومثل كل بنت تعجب وتنعجب .
_هيه تحجي وانه الف فكرة اجت ابالي كلشي توقعت جان ضني انو هيه مو امي ويمكن متبنيني هزيت راسي نافيه الفكرة ورجعت استمع الها.
وداد:حبيت جيرانه وخطبني اكثر من مرة واهلي
رفضو واهله كالوله بعد مانذل نفسنا وخطبو بت عمه وعقل مراهقه وهو سواها عناد كال نشرد ونخليهم امام الامر الواقع ايام وليالي احنه نخطط لحد ما قررنا اجه عليه من الدوام وشردنا كال ابعد شي نروح للبصرة .
_اباوع عليها تحجي ودموعها تصب
بديت افقد اعصابي اريدها توصل للي يخصني تمنيتها تختصر ردت اعرف انه بت منو فهمت نضرتي كملت كلامها .
وداد:جان متفق ويه ابن خاله من البصرة انو نبقه عدهم لحد ما اهلنه يتفقون ونرجع قريب مانوصل دك تلفونه ماجاوب ضلو يلحون لحد مانزلنه من السيارة يله رد عليهم والي عرفته ابو الي اتصل ساله .
!!وين انته .
وداد:رد عليه يم صديقي .
!!تعال بسرعه بيت حجي !!!!! متهمينك خاطف بتهم اذا هيه وياك هسه تجي حته نرجعها .
وداد:بالبدايه نكر المهم ضل يتماطل ويه ابو ويتعذر
بس ابو كاله اذا مو عندك تعال حته تثبت برائتك لان هدو علينه كال لابو بس انه ويه صديقي رايحين نزور مسافه الطريق انه يمك .
_قطع حديثها صوت الباب عرفته عمي
وقبل ماارد صاحت امي مسمعته .
وداد:خلينا لوحدنا .
_التفتت عليه مكمله كلامها.
وداد:اي ياقدر وبس وصلنه اتصل باابن خاله
امني يمه ورجع بساعتها اخذني الولد لمكان مثل المخزن بي سكراب بقيت يومين وانه انتضر بقلق وخوف نايمه وحسيت عله صوت الولد يكعد بيه تفاجئت من كال بسرعه لازم اطلعين منا لان ابو المخزن راح يجي فرديت عليه لعد وين اروح ليش مااتصلت بكريم .
!!اتصلت بي وهو كالي اخليج يم مريه بين متهدء الامور لان مايكدر يجي حته اهلج لايشكون بي .
وداد:طلعنا وطول الطريق هو مخبوص وتلفونه
ماسكت اباوع للمنطقه الي دخلناها عبارة عن
سوك كلش مزدحم صف السيارة واشرلي بمعنى انزلي يمشي كدامي وكل شويه يلتفت عليه اباوع البيوت قديمة
الدرابينن ضيكه واكثر البيبان مسدده لحد ماوكف كبال بيت متهالك وبدون مايدك الباب دفعه ودخل وهو يصيح.
!! وينج ام غايب .
وداد:فزيت بخوف من شكل المرة الي طلعت.
(سلاسل)
_هزت راسها سليمه بمعنى تمام
واشرت لوحده والظاهر هيه صاحبت المكان
اجت تضحك الغريب بس حاجتها
رحبن بالفكرة .
!!انتي غير اتامريني عمري المركز
وصاحبته بخدمتج.
_اتفقت وياها داومي يكون ساعات النهار من ال٨ صبح لل٤ العصر خليت الف خطه وفكرة
للمستقل صافنه يعني هيج الامر سهل .
سليمه:لا تصفنين كومي
خلي يرتبون شعرج .
_لا ماريد شيرتبون منه
يولي تقربت عليه .
سليمه:شوفي الي يشتغل هنا لازم يكون مضهرة مرتب يعني مو محبه بيج استغلي الفرصه راح اخليهن يركبولج خصل.
_وبدون موافقه او رفض بلشن بيه
مغذيات وتنضيف بشرة وكل شويه يخلين ماده لوجهي ويغسلنه اكثر شي فرحت بي هو الشعر وقبل مانطلع حددنا موعد الاسبوع الجاي ابلش شغل .
سليمه:هسه لازم تحفظين الطريق
وتعرفين المكان خلي نتمشه حته ادليج .
_طلعنا سالتها بفضول شعجب قبلتي اشتغل وليش ماشتغلتي؟
انتي اذ هيج عندج صاحبات .
سليمه:من توصلين لعمري راح تنسالين نفس
السوال وقتها تجاوبين امشي .
_رجعنا للبيت وهيه بدت تحضر نفسها للحفله وكالعاده جهزت الصاله ومن اجو ربعها دخلت للغرفه جويسم خلص اليل مسبه وغلط .
جويسم:انعل ابو سليمه لابو امي
لابو ابوي .
_انقهرت عليه
ماكدر ينام وبس طر الفجر لبس ملابسه وطلع ورا بشويه طلعت محد بالصاله بعد مو مال ارجع انام خل اكف المطبخ واعزل البيت ماردت اطلع صوت امشي عله اطراف اصابعي لحد ما ماوصلت المطبخ فاجئني ابوي .
راضي:هااا شعدج كاعده اخوج وين؟
_اباوعله واكف ع السنك بالفانيله
والسروال والرغو مال الزاهي تارسه
المطبخ انتبهلي صافنه .
راضي:كلت المهن انتي تتاخرين وتضل تحجي عليج .
_عوفهن بويه انه كعدت حته انضف
روح نام جويسم طلع من الفجر .
راضي:تدرين بيها اتحب النضافه ترى
هيه بس لسان كلبها طيب.
_مارديت عليه
احس غصه بكلبي جانت امي خادمته ومامقصرة
وهو متذمر هسه يغسل مواعين ويتلوك وفتح البيت للسهرات عرفت من يومها ابوي بعد مابيده شي وسليمه مشت كلمتها عليه.
راضي:راح انام عود كعدينا الظهر.
_بلشت اغسل بدون صوت
ماطبخت لان هواي زايد اكل للظهر دكيت عليهم الباب طلعت تجر بروحها وبدون ماتطلب سويتلها كهوى .
سليمه:عشتي ترى انه حاجيت
ابوج وقبل تشتغلين .
_خوش بس اذا دوام من الصبح
مالحك اطبخ .
سليمه:معليج بينا وعندج مجال اليل كله تكدرين تنضفين .
_مشت الايام
وانه احسب شوكت يخلص هذا الاسبوع الي سليمه صارت سهراتها ليليه والضحك والاغاني والركص ونفتح بابنا علني والمنطقه كلها عرفت صرنا مثل نوشه عبود محابس وجماعته يسمعون جويسم حجي وهو متخبل .
جويسم:اذ مابطل انه اعوفله البيت.
جويسم:هيج ونطلع منا اله
اتبره من راضي.
_وهيج خلصت الايام اقنع بي بلشت شغل اول ايام حيل انقهر من معاملتهن بس ماشكيت المع المرايات
وانضف
واطلع حاويات الزبل لل٤ ارجع نوب تستلمني سليمه بسهراتها اكعد الفجر الم شكو هوسه واحضر ريوك
واطلع وهيج شهر كامل يوم الراتب فرحتي ماتنوصف اول مرة الزم هيج مبلغ ومن تعبي كل اشويه احسبهن .
سليمه:اشلون اليوم انضل للصبح
نحسب؟
_وبدون ملل شتكول اسوي وجويسم
يخلص اليل يتحلف.
جويسم :بس نلم المبلغ الي
يكفينا نطلع.
_اليوم استراحتي وهيه عدها سهره
بس ماعرف ليش ابوي مزعوج؟
سليمه:يعني وتالي اذ تضل بهاي
سوالفك مانشتغل.
راضي:ماارتاحله وادري بي جان
يتعمد يباوعلج كدامي .
سليمه:وهاي انته كلتها جان ترى ماله
داعي الكلام الرجال مابذر منه
شي وخوش يدفع .
راضي:خوش خوش بس طلعيهم
من وكت .
_هزيت ايدي كل عقله ايغار عليها
مرات اكول هو ميحبها ويجوز جان يحب امي لان مايوم طلب منها تشتغل ويا اندك الباب شردت للغرفه واكيد الشباك الكامرة الخفيه دخل ابو جداحه ويا نفس الشخص صفنت هيه الجداحه المن قربت اذني حته اسمع الحديث.
!!وينها صاحبتج عندي شغل.
سليمه:بالطريق.
_صابني الفضول بقيت واكفه اجت ام
طيبه سلمت بدلع رد هذا الي كوى يتنفس
وشايفه نفسه .
!!بدون تاخير اذا اوراقج جاهزه حته نشوف اقرب مكتب انطيج هسه نص ومن يتحول نص .
_فهمت يردون يشترون بيت ام طيبه القديم هو صح عله الشارع بس تعبان شلهم بي معقوله هذول يسكنون هنا انطته الاوراق بس قراهن كام وهو يأشر الها يله طلعو وبقه صديقه التفت عله سليمه يسألها .
سليمه:حته راضي طلعته لخاطرك
بعد شتريد.
_صافنه عله اسلوبه
متكبر وسليمه محتارة تتلوك اله كل شويه تقدمله شي اجت ام طيبه ردت اعرف هو المن لسليمه لو الها .
ام طيبه:هيج اهون عليك تغيب عني.
!!كنت مشغول .
ام طيبه:بس لو ذاكرني بمسج .
!!تعرفين طبعي والف مرة كتلج
لاتتصلين
لحد ما انه اطلبج .
_اباوعلها تتلوكله ماعوزها تبوس ايده وهو شايف روحه هزيت ايدي ورجعت لفراشي جويسم مارجع فزيت مثل كل يوم خلصت شغل البيت وطلعت ركض لكيت ايو تتريك صبحت وبديت بشغلي حيل حز بخاطري من كملت وصاحت عليه.
ايو:تعاي اخذي هذا تريكي.
_رديت عليها لا مشكورة تريكت
بالبيت .
ايو:تمام ضمي يفيدج للغده .
_منا وضهر وجها الحقيقي وهذا تعاملها
ويه كل الي
يشتغلن تعرفت عل عاملات وكلهن من غير بلد تعلمت منهن شلون ياخذن اكراميه من النساء الي يجن بس
مانخلي ام المركز تشوفنا صرت احرص عل الالف ابو التكسي اطلع روحه حته يقلل من الاجرة فلوسي
وفلوس جويسم خليتهن بقوطيه مال حليب وفرحانين بيهن سليمه بقت من تشتري ملابس
تجيبلي وياها شي لبست وجيت اراويها .
سليمه:اي حلوات بالعافيه.
_بس انه اشتغلت يعني اشتري
من فلوسي .
سليمه:هههههههه عود صار عدها راتب ام عطوب ميخالف ذن مني وفلوسج ضميها الج حققي بيهن احلامج .
_شفت تصرفها مال شخص يحب
وناوي يساعد ادنيت عليها بستها شكرا ترى
انه احبج مايوم ضجت منج .
سليمه:اعرف .
_وكل شخص بينا انشغل بعمله
ارجع الكه ابوي نايم بس يصير اليل يطلع ومرات يبقه يومين برا جويسم صار يشتغل شفتين يجي ميت تعب .
جويسم:طلعي القوطيه خلي نحسب؟
_ترى بعد هواي.
جويسم:ولج غير نحسب اول مرة لازم نخلي افلوس ثلاجه بلازمه فراش كنتور خو مانكعد بالكاع ؟
_ناخذ فراشنا وكنتورنا بس
ثلاجه وطباخ والباقي كل فترة نشري
شي هسه خلي نقنع امي وناجر .
جويسم:حته اذا ماتجي انه وياج نطلع .
_وخلص الشهر الثاني
واحنه نخطط اليوم ٣٠ بالشهر موعد راتبي كملت شغل ورحت الايو الي حاطه رجل عله رجل وتحجي بتعالي والعاملات واكفات بالسرة وصلي الدور باوعتلي وحسبت تفاجئت من شفت المبلغ ليش ؟
ايو:لان جاي تاخذين اكراميات من الزبائن.
_بس هنه يطني مو منج؟
ايو:وانه مافاتحتها تكيه وراي اجار وكهرباء
وخدمات حضرتج وين تاكلين ودخلين حمام .
_ماكدرت اعترض خفت تبطلني فكرت احجي ويه الزبائن ينطوني بدون ماتعرف رجعت مالي خلك .
سليمه:هااا اليوم سكته لا حساب لا شي؟
_سولفتلها عل امل تحجي ويه
صاحبتها .
سليمه: ترى العاملات مايعتمدن
عل راتب الاستفاده من الاكراميات تسوى اضعافه وهيه مو غشيمه تدري بيجن تاخذن .
سليمه:المكان الها تكلج اذ ماتردين بطلي .
_لا مابطل بس بعد ماخليها تعرف
اخذ من الزبائن .
سليمه:اذا هيج وتكدرين استمري .
_صدك ابوي ماكو؟
من امس .
سليمه:اله ذكرة بت التالف .
_انتو متعاركين؟
سليمه:ايي وراح زعلانه لبيت اهلها .
_عكدت حواجبي مافهمت تستهزء
لو صدك ..
سليمه:عوفج منه واستغلي شغلج
هناك هنه كل اسبوع يسون ادامه
للعاملات احشري نفسج وياهن .
_وفعلا صرت اهتم بشكلي
والبنات والوياي علمني شلون اغذي بشرتي
وترطيب وشعري حيل اعتنيت بي
من غير الملابس الي تجيبها سليمه ونفس كل يوم اول وحده انه اوصل للصالون كاعد انضف و ايو تبرد بأظافرها ودخلت وحده مبينه طاكه رحبت بيها عفتهن يحجن وتوجهت للحمامات اسمع سوالفهن .
!!كولش ماله وحبيت اغير شتنصحيني يالون؟
ايو:ناري يطلع واووو .
_بشلت بيها ايو
وانه كملت شغل كعدت كبالهن دك تلفون الزبونه مدت ايدها للجنطه طلعته تحجي بمياعه.
!!هلو حب اي هياتني دا غيرة ههههه
لا خليها مفاجئه .
_نهت مكالمتها وكامت لان ايو
كالتلها خلي اغسله رفضت.
!!لا تلعب نفسي يوكع عله ملابسي
مي اذ بيها مجال اسبح .
ايو:تعاي سونه حضري الحمام لباجيتج.
_حضرت الها ورجعت اانضف ادوات الصبغ
كلمت وطلعت شسورت شعرها وصدك الون يخبل فرحت بي مدت ايدها لجنطتها رادت تحاسب نخبصت وهيه تنكت جنطتها دور بقلق رفعت راسها تباوع النا سألتها ايو .
ايو:خير عمري اذ مشايله عادي
شوكت متجيبيهن .
!!لج منو الي مشايله فلوسي وين؟
ايو:احترمي نفسج وتاكدي يله تتهمين
وبعدين شوفت عينج بس انه والعامله .
!!واني مااتهم بس راح اخلي الشرطه
اطلع من منجن الحراميه .
_اشتد الكلام بينهن من خوفي
ركضت لجنطتي فرغتها يمها وانه احجي شوفي
خاله والله ماخذت وفتشيني رد تعوج بحلكها .
!!!عومري اني ماحجي راح اتصل بزوجي وهو يتصرف.
_احس كلبي كام يطبل دنكت عله ايدها اريد ابوسها وانه اتوسل لا لا عفيه هنه شكد ضاعن منج نخسرهن
احجي ويه المرة وجرتني ايو .
ايو:لج كم مرة توبتج لا تمدين ايدج بنت الكلب والله خربتي سمعت المحل امشي انكلعي .
_ضليت فاكه
حلكي استلمتني راشديات احلف وهيه مستمر تصفك بيع ماتخليني احجي الزبونه اتصلت بزوجها وايو خذتني سحل للحمام اريد افلت روحي منها .
ايو:اسكتي ولج هسه راح اكلها طفله وغلطت وقنعها بس سدي حلكج .
::لا يعني اثبتين التهمه عليه وانه ماخذتهن وداعت امي .
ايو:ولج حته لو انتي ماخذتهن مااحجي حلال عليج بس سكتي راح تجيب الشرطه علينا .
_دفعتني بالحمام وطبكت الباب وطلعت
تبعتها واكفه تتوسل بالزبونه .
ايو:سويها لله وهيه امها مريضه وتعرفين المحتاج كل شي يسوي واعتبري الصبغ اعتذار مني .
_خزرتني بمعنى لاتحجين طلعت الزبونه
بعد مادفعت حسابها وخلت اكراميه الي .
ايو:هن يجذبن دوم يصير بينا
هيج ذن مدفوعات .
_مارديت عليها لبست صايتي وطلعت خلصت
الطريق بجي اول مادخلت تلكتني سليمه.
سليمه :هاا شبيج ؟
_حجيتلها الصار لزمت تلفونها وتصلت
عرفتها خابرت ايو .
سليمه:طبع البل بدن مايغيرة اله الجفن طاح حظج شوكت توبين من هاي الحاله الزفرة .
_ذيج ماعرف شترد اخر شي سدته سليمه وهيه معصبه بسرعه دخلت غرفتها وطلعت لابسه اشرتلي كومي .
_ماروح تولي نوب تذب علينه مصيبه.
سليمه:لج كومي لا افين شيب ابوج .
_جرتني طلعنا والطريق كله هيه تتحلف وصلنه ودخلت عليهن مثل الاعصار بدون مقدمات صفكت ايو راشدي التمن العاملات سحلتها اكو مكان يسمنه حمام مغربي دخلتها بي واشرت للبقيه رجعن .
سليمه:ولج مافكرتي تشتكي عليجن وتروح البنيه بالرجلين بنت الكلب شوكت تجوزين البواكه .
ايو:ماخذتهن واسالي بت رجلج الزبونه
مدفوعه ارتكبت علينا .
_ضلن يتصايحن والعاملات يدكن باب
الحمام صاحت عليهن .
ايو:ماكو شي روحن .
سليمه:اشكد حسابها انطيني .
ايو:ترى ١٥ يوم .
سليمه:بدون لغوه بسرعه .
_راحت ايو جابت جنطتها ورجعت حسبتل
ي مال ١٥ يوم .
سليمه:وفوكهن ٥٠٠ الف .
ايو:ماليش؟
ترى مصختيها مو سكتتلج.
_نسيت الصار بيه وصفنت بيهن ليش
هيج تخاف؟ من سليمه.
ايو:ماعندي ترى خسرت للزبونه .
سليمه:عندي شغل واذا اتاخرت اخليج ادفعين حسابه ايو بدون لف ودوران ٥٠٠ ماينقصن الف .
_طلعت الفلوس حسبت ٥٠٠ وانطتن لسليمه اشرتلي يله طلعنه وانه دايخه شنو الي مخليها هيج قويه وماتخاف وحته المنطقه تحسبلها الف حساب ومحد يندك بيها زين اذ هيج شلون زوج اختها اخذ حلالها امشي ابال مشغول عثرت .
سليمه: امشي عدل يالعوجه.
_مرت بالسوك ماخلت شي وانه احجي
بكلبي صرفت الراتب لو اخذت ال٥٠٠ اول ماوصلنه البيت طلعت جنطتها وحسبت وشمرتهن عليه استحيت اعد كدامها دخلت للغرفه ماناقصات ضميتهن وطلعت حايرة هسه جويسم يضوج وشلون راح الكه شغل .
سليمه:كومي سبحي وغيري ملابسج بين ماجهز الاكل ترى بعدج باول المشوار هيه قطرة بحر من الي راح تواجينه .
_توجهت للمطبخ صحت عليها بنفسي اسالج
عن شي بس لاتعصبين هزت راسها بمعنى احجي رديت عليها بس لا تباوعيلي هيج .
سليمه:ترى اسمعج بذاني مو بعيوني .
_تبعتها واحجي بخوف يعني هو سؤال .
سليمه:جواب .
_شعجب
سكتي من زوج اختج
كلها تخاف منج ومحد يكدر عليج ؟
سليمه:لان زوجته اختي .
_خلصنا سوالف واكل اجه جويسم ماكتله
بطلت كسر خاطري ماردت اضوجه .
جويسم:سونه اطيني العشه بسرعه خل الحك
انام قبل ماتبدي سهرتهم..
_تعشه ونام واليوم السهرة فول عله كولتها .
سليمه:ليش ماتعوفين فكرة الشغل واعتبري نفسج تشتغلين هنا وانه كل ماتصير سهرة انطيج ٢٥ .
::انه اخدمج وماقصر بشي بس حابه اشتغل .
سليمه:براحتج اطلعي الصبح افتري عل
محلات بلكي صالون ازياء مطعم .
_عفتها ودخلت نمت ومثل كل يوم
الصبح كعدت جويسم طلعنه سوى كلت هو يروح لشغله وانه افتر بلكي احصل وكل مرة احلف ماروح لخوالي بس شوكي لامي يخذلني وثاري هو مثلي .
جويسم:نمر عله اميرنشوفها .
/يله وهم نحجي وياها بلكي الله وتقنع وياريت مارحت وباقيه باامل طلعت شايله العجين تريد تخبز ومرت خالي كاعده تمشط لبناتها .
نجيه:طولانه رجلج سونه
وصاير اطلعين وطبين بكيفج .
_يمه غير اجيت اشوفج؟
نجيه:وتجذبين ولج غير خالج ميت
قهر سامع تشتغلين بصالون .
_والشغل يقهر؟
يمه غير نريد نعيش لاتتاملين ابوي يحطلج بيت .
نجيه:غير يشوفكم ساكتين بعد
شنو الي يجبرة.
_يممممه نبجي لو شنسوي جهال احنه يعني
من بجه جعيفر ماذبه عليج .
جويسم:احنه راح ناجر يمه لمينا فلوس
ان شاء الله بس هذا الشهر نكمل كل شي .
نجيه:ولك عبالكم سوالف وتسفطون مسؤليه واختك شابه والدنيا بيها وحوش .
_كلام مابي ربط والي فهمته منها ماتريدنا اشرتله يله طلعنه هو راح لشغله وانه ضليت افتر للظهر ماخليت محل لحد ماطحت بواحد يبيع صايات وعبي مال باله .
!!انه عندي عامله بس راح اخليجن وحده
الصبح وحده العصر .
_ايي ميخالف دخلني يراويني المكان شولات كبار كلها عبي وصايرة هوسه عارض منهن برا وجوى .
!!شوفي ترى حاسبهن؟
_عرفت يقصد مو تبوكين هزيت راسي اي.
!!!تجين قبل مايفتح السوك اطلعين هاي التعلاكات وترتبيهن وانتي وشطارتج كون التدخل ماتطلع اله وهيه مشتريه .
_ان شاء الله بس الاسعار شلون .
!!سهله كل جهه سعر من باجر تبلشين هاي نسخه من المفتاح وبال ٤ تجي بديتلج .
_رجعت فرحانه لاكتني صوله شايله علاكتها ضحكت اكيد باكله وراح تنكعها حته الصبح تطبخها .
صوله:ام اعطوب صايرة حلوة وكشخه
شغلتج سليمه؟
_لا اشتغل بمحل مال عبي .
صوله:جا هلبت شفتيلي شغل وياج .
_مو تبيعين باكله .
صوله:مابيها بس التعب وبسبب اخوج
مشعول الصفحه الفروخ كامت ماتشتري مني .
_جا المن اطبخينها .
صوله:بت راضي وتربات سلوم العرمه
امشي انعل ابوج لابو امج .
_ركضت وانه اضحك بابنه مفتوح دخلت وتفاجئ بجويسم كاعد بالصاله وسليمه يمه انخمش كلبي هااا شعجب راجع من وكت .
جويسم:تعبان انتي ليش ماكتيلي بطلت
من الصالون وين جنتي؟
_شمرت الصايه ورديت عليه وانه متوجهه للمطبخ ماردت اضوجك والحمد لله لكيت شغل بمحل مال عبي .
جويسم:ابوي من امس ماكو .
يجي تلكي طالع بغير محافظه خلصت اكل وهو يسال وانه اجاوب دخلنه غرفتنا هسه احجي شبيك .
جويسم:نزلت الصناديك كلها جتفي انخلع ومتفق ويا يطيني ٣٠ من كملت شمر عليه ١٠ بعدني ماحجيت صفكني راشدي ماكلت شي نكرت الجامه بطابوكه وشردت .
_ليشش مو بعد ماتكدر تدخل السوك
جان عفته يولي .
جويسم :قهرني ردت ابجي ساعه انه انزل تالي يكلي خو انطيك الطماطه بيعها انته يولي اغيبلي يومين لحد ماينسه شكلي وارجع .
_يومين جويسم عله اعصابه تالي طلع وانه حاولت اثبت مهارتي لابو المحل كمت اجيب العبي اغسلهن واضرب اوتي واخذهن وهو مكيف ضل يطلع من المخزن ويطيني يوميه اغسل وجبه.
_واقتنعت انو نطلع بس انه وجويسم الي هل فترة ماعاجبني اجه شايل صندوك خشب وبي قفل يا هذا شنو .
جويسم:سويته يم النجار شوفي مو احسن وهاي فتحه نخلي منها يومياتنا مانفتحه لحد ماناجر .
_والمفتاح المن؟ .
_هسه نخلي العدنه ونقفله واذب المفتاح حته مانحسبهن يوميه ولج سويكه يكول اطير بركتهن اذ تحسبونهن .
_كامت سليمه وهيه تهز ايدها وكامت ماعاجبها غمزتله
اسكت معصبه ابوي صاير مايلفي للبيت.
جويسم:هو كام مايطلع ويه الفرقه امس شفتهم وكالو يخلص اليل عل كورنيش؟
_مادري بس متعاركين.
جويسم:اذ صار عدنا بيت حته هو ناخذه ويانه .
_سكتت لان اعرف يحبه وجان حيل متعلق بي استمر جويسم لشغله يجي وكت متاخر بس مايخلي بالصندوك كدامي من اساله يكول حته لانحسدهن وبيوم كعدت على صوت الركص والضحك بدون بطانيه شامر الغطه كمت اريد اغطي لفت انتباهي جيبه تلمست ضبه مال فلوس ردت اجرهن تحرك عفته ورجعت لفراشي ولصبح افكر منيله فزيت مالكيته طلعت ابوي بالصاله وسليمه تباوعله بغضب.
راضي:وين اخوج؟
_طلع للشغل .
سليمه:زين من ذكرت تسال عنه؟
راضي: اووووو بعد ماتسكتين صايرة مثل نجيه .
سليمه:ياريت لان عدها اهل واخذوها .
_اول مرة اشوفها هيج تحجي كام للغرفه
وهيه تصيح.
سليمه:وضعك مايرهملي اذ بقيت
هيج انه اعوفك .
_ولا اهتم وبحكم المكان الي احنه بي عرفت ابوي
وصل للهاويه من شكله مبين مال واحد مدمن لبست وطلعت وبالي كله يم جويسم ومتحلفه بس ارجع اكسر الصندوك وخلص دوامي وليل وجويسم ماكو كلت لابوي حته يطلع يدورة .
راضي:وين يروح اول وتالي يجي .
_احلامنا جانت صغيرة عله كدنا وامنياتنا بسيطه ماطلبنه غير بيت يلمنا جنا عطشانين نوم ردنا انام
ومانسمع صوت الفرقه والطبول والركص
ولا ضحكات الزلم السهرانه عدنا تمنيت من اطلع
مااشوف نوشه وهيه شايله قواطي الخمر تذبهن بالخرابه ولا ام دعدوش الي لازمه الركن ولا نتلفت بخوف من بزازين الجده
ردت امشي مطمَئنه وماتعثر بخطواتي من
نضرات النصافات الي براس الشارع؟
شكرا لزيارتكم عالم روايات سكيرهوم
