رواية قصة وجدان الفصل الثامن 8 بقلم انين الليل

امي وكانها اتذكرت شي

انت صدك قصدك تريد تبيع البيت

اي عبالي البييت باسم رجلج كلت ابيعه واشتري بيت زغير والباقي استثمر فلوسه

ها بشنو تستثمر فلوسه

بالتجاره

وانت طالب

اي وشنو. يعني

امي اتحسرت // على كولة عمك همزين البيت طلع مو الابوك جان صفينه بالشارع

هشام ضحك // هههههه وهسه احنه وين افتهمو ما طول عجوز النار موجوده شهرين تلاثه ويطلعنه شبيج انتي

ما ادري ليش تكره ابوي وتكرهج ما شفتيها حتى ع الغدا ما عطلتنه

امي // ما سمعتهم نسوانهم عد اهلهن والولايه بعيده وياهو يجيب الغدا ما نريد نكلف احد

هشام // هيه ما يهون عليها الماي الشربنا هنوب ناكل ابتها تنجلط

امي بعصبيه // شنسوي نتعارك وياها هي ما تريدنا اصلا انا ولامره رايحه الهم اله من اتوفى جدك وثاني يوم ابوك

رجع بينه من الفجر شنو نسيت

هشام // لا ما نسيت بس ليش

رفعت اكتافها // ما اعرف

هشام وهو يضرب على الاستيرن // لا تعرفين وضامه علينه

قطع الحديث علووش من كال

ماما جوعان

امي دارت وابتسمت بوجهه // هسه حبيبي تدلل

باوعت الهشام وكلتله //. وكفنا يم شي مطعم خلي ناكل اخوك واختك جاعو

هشام // قابل بس همه احنه متخومين من اكل بيت حدي

وكفنا يم مطعم ونزلنه طلبنه غدا اكلنه وامي وهشام شربو جاي وانا وعلووش اخذنا عصير

بعدها استانفنا رجعتنا البيتنا وعلى الساعه بالتسعه وصلنه مجرد ما وصلنه امي وانا اتوضينه وصلينه

ورحنه شفنه رامي نايم امي ندهته هو باوع ورجع نام امي شالت الغطا وهيه تكله

- رامي اكعد شو خلي اشوفك شبيك

• ما بيه شي اريد انام

- وانت من يمته نايم

ما جاوبها هيه سدت الغرفه ونزلنه وهم احنه نمنا صحيت ما اعرف بيش الساعه على صوت امي وهيه تكله

شسويلكم ابوكم كل شي ما خله طرك الراتب

هشام // اي صرفهن على الك... وما فكر بينه

رامي //. مو بس هو

هشام // انجب شقصدك

رامي // لا ولا شي يعني روحتكم كل شي ما حصلتو منها

هشام // اي ابوك طالع ماخذ ورثه من املاك جدك وصارفهن

رامي باوع الامي // صدك كلامه الهشام

امي // وانا شمدريني شنو شفتو ابوكم يسولف عليه لو معتبرني ابوكم خلاني عنده وما طلكني حتى ما تهتز صورته

گدام المجتمع على كولته

رامي // يعني ما تعرفين وين ودهالفلوس

هزت راسها // لا ما اعرف العنده انتو شفتو بعد اي شي ما عنده

رامي // شنو وهذا البيت صدك تنطونه العاصف

امي // بيته اذا ما ياخذه اليوم ياخذه باچر

هشام // عبالي ابوي مسجل البيت بااسم عاصف وعاصف يتنازل النه چان بعنا واستثمرنه فلوسه

رامي // انا بالنسبه الي احتاج فلوس

امي // المن تحتاجهن ولويش

رامي // احتاجهن وخلص ولحد يسالني

هشام // شنو تمشي بكيفك

• ومنو يمنعني

هشام وهو اياشر على نفسه //. اني امنعك

امنع نفسك

شقصدك

قصدي كلمن مسؤول عن نفسه

ليش انت مؤجر بهذا البيت

رامي //. هههههاي كلنه مؤجرين استاذ هشام

امي // كافي استحو عود انتو بقيتو بمكانه

رامي // بمكانه ليش هو شچان يسوي غير بس يضرب بيج ويگلنه سبوها

امي باوعت الرامي والدمعه بعينها رامي صعد الغرفته وهشام بقى يم امي. وهو ايگللها // مو من احچي انتي ما تقبلين تگليلي اخوك

امي بحسره // ما اريدكم تتعاركون گدام العالم

بس رامي مستهتر كلش

مي خالف اصبر علي باجر يكبر ويعقل

شيعقل ما تگليلي

شنسوي يمه هشام نصبر علي والبركه بيك واذا ع البيت الدوله راح تنطينه قطعه واسحب سلفه وابنيها الكم

لاتصدكون اخليكم بدون بيت

ما عقب هشام على كلام امي وبقت هاي حالنه هشام يروح يداوم ويرجع يدرس ومرت العصر يطلع بسيارة ابوي لو يججيب مسواك لو يكول افتر شويه وارجع ومن يحچي ويه رامي خلي اوصلك للمدرسه رامي يرفض

ويكله يااما اني اسوقها او ما اركب بيها

واني ويه منار نروح نتمشى للمدرسه لان قريبه علينه اما علوش فيجي علي الخط

بيت خاله ام احسان ابد ابد ما عايفينه اما عمامي وخوالي فما يسالون علينه

امي دفعت قصد مدرسة علوش اما قصد رامي فاانطته اله هو دفعه

1

كان راجع هشام بالليل لمن ما اجه وسال امي //وين رامي

• طلع ويه اصدقائه ليش

• ما عرفتي ويامن طلع

•كال راح يدرس ويه اصدقائه ابن ججي موسى واحمد ابن القاضي ليش تسال شصاير

هز راسه // لا ولا شي

• هشام قلقتني

ابتسم وكللها // ماكو شي عبالي ما طالع لان عندي شغله ردت اوصي ايجيبها الي

• اخليلك تتعشى

- اكلت لفه ويه اصدقائي

الصبح امي سوت الريوك بدلت وكملت اجيت امي كالت //روحي اندهي هشام شنو اليوم ما يريد ايداوم

رامي گاعد يتريك رحت دگيت الباب

• منو

= اني ماما تكول اتاخرت ع الدوام

•كليلها اليوم ما اروح لان ما عدنا شي

= تمام

•وجد

= ها هشام

•اكولج رامي موجود لو نايم

= اي موجود يمكن راح للمدرسه

•هاا تمام روحي انتي

نزلت امي سالتني //ها وينه اخوج

= يكول ما اداوم ما عدنا شي

•ها

= اي ماما وسالني على رامي اذا داوم او لا

اجه هشام مبدل سلم على امي //صباح الخير

•صباح النور شعجب ما داومت

•ما عدنا شي

•ليش ما بقيت نايم وبعدين تكعد تدرس

باوع الامي وهو يخلي اللكمه بحلكه //اريد اروح للمدرسه

• يا مدرسه ؟ مو هسه اتگول ما عدكم شي

+

هز راسه //مدرسة رامي اسال عنه

• ليش شصاير ؟

- المدير داز على ولي امره

- منو كلك ؟

• امس واني جاي لاكاني وسام ابن حجي منسي وكلي المدير يريد ولي امر رامي

تستمر القصة أدناه

امي باستغراب // ما سالته لويش

لا

اي غير تساله

لان ما اعرف ابنج شمسوي اروح واعرف احسن

اروح وياك

وين رايحه اني اروح واشوف المدير شيريد

مي خالف اروح وياك

امي راحت تبدل واني طلعت مريت على منار ورحنا للمدرسه لكن احس بنفسي ضايجه وماالي خلك او بالاحرى متوجسه

شي راح يصير منار سالتني وسكينه صديقتي هماتين وهنه ايكللي شبيج اليوم ضايجه

جاوبتهن = ما بيه شي

تميت بالمدرسه اريد بس الدوام يخلص حتى ارجع للبيت وحلينه وصلت ودائما اوصل انا وعلوش سوا يعني ينزله الخط

وانا اوصل ويا ندخل سوا للبيت ابتسمت بوجهه ولزمت ايده ودخلنه شفت امي بالمطبخ وصلت سلمت عليها

= اشلونج ماما

هلا حبيبتي ياالله غيري ملابسج حتى نتغدا

من شفت ماكو شي ارتاحييت شويه بسرعه غيرت ملابسي ورجعت شفت هشام كاعد وهوو ايكل الامي

- ماما راح يجي رامي ديري بالج تسالينه لو تحجيين ويا اي كلمه خليني اشوف باجر شنو ممككن اسوي

امي // شتسوي هشام ؟

-اروح ورا واعرف وين يروح ويامن وبعدين اتصرف ويا

امي // يمه اخاف عليكم تتعاركون

-لا تخافيين بس ابنج الله اعلم شمسوي

امي // لو فلوس القصد مالت المدرسه

-هو ليش اكلج خلي اشوفه وين يروح ويامن يلتقي اهم شي لا تحجيين انتي

هزت راسها // صار بس كون ابن حجي موسى ما مسولفله شي

- حتى لو مسولف اصلا اكله نسيت اني اتصرف لا يظل بالج

امي // مو تتعارك ويا بالشارع

يووم خلي نفتهم هو وين مگضيها ويامن والفلوس وين ياخذهن

امي // مبينه ملتفله على جماعه لو وحده تضحك علي

هو ليش اگلج خلي نتاكد وبعدين نتصرف هسه من يجي عادي ولا كانو صاير شي وبمجرد ما يطلع انطيني خبر

امي // ليش

ماما ارووح ورا

اجه رامي // ها مرحبا اشو ابو الهواشم اهنا شعجب

مو اليوم ما داومت

ها اي صحيح نسيت

امي // فوت غسل اديك وتعال اتغدا

اي هسه

صرنا ناكل واحنه ساكتين وبعد ان كملنه هشام صعد الغرفته وامي سالته شنو راح تنام

اي ماما رايده شي

لا سلامتك

رامي كمل غدا وهماتين صعد وبقيت انا شلت الصحون وامي غسلتهن وبعدها صبت كوب الچاي وكعدت بالصاله

واني طلعت كتبي هيه سالتني

شعجب ما ترحين تنامين

= عندي هوايه واجبات

هزت راسها وانا اعرف باامي شايله هموم وخوف شويه ونزل رامي امي سالته

ها وين

رايح يم ولد صديقي ادروس

شنو عندك امتحان

حك خده اي بس مو باچر

زين لعد رووح بس لا تتاخر

طلع رامي وامي راحت ورا وهي اتكلي اعدي الهشام خلي يروح ورا

اني صعدت الهشام لگيته كاعد سالني طلع رامي

هزيت راسي وهو نزل بسرعه وسالها منين راح هيه اشرتله وهشام طلع وكل الامي اصعدي الغرفته وفتشيها

امي صعدت وانا بقيت متوتره اكثر من امي وما اعرف سبب توتري رجع هشام بالليل سال امي شنو لكيت

جاوبته لگيت جكاير وخمسين الف وخرده تلث تالاف وانت

هشام هز راسه وهو عاض على شفايفه

امي رجعت سالته // هشام جاوبني مو جاي اسالك

نفخ // شجاوب يووم ابنج ملتفله على شله تعبانه

يعني شنو

يعني مو خوش اوادم ماما شرب وكبسله

امي بخوف // هشام شتكول

هشام // يووم شفت بعيني وسمعت باذني

امي وهي تضرب خدها // يعني شنو يلعب قمار يشرب

اتحسر //ياريت بس ع العرك ايدخن ويتعاطى

امي // تحچي صدك خاف بس يمشي وياهم

هشام // يووم شفت بعيني وسمعت باذني وسالت

اتقربت منه // وهسه

- انتظره واشوف

واجه رامي تقريبا الساعه بالوحده ونص شاف امي وهشام منتظرينه چان مبين على وجهه التعب ويمشي بعدم توازن

هشام كله وين جنت

هو ابتسم وكال الامي // شنو مو كتلج

امي دفعته وكالت // رووح نام

صعد وهو يغني ويضحك الصبح كعدنا هشام انتظر رامي حتى ينزل وامي كلتله رروح الدوامك والظهر نحجي

راح هشام ونزل رامي امي ما حاجته اي شي ورحت للدوام ومن رجعنه الظهر ما اعرف شبيه ولا مرتاحه

اجه رامي وراح الغرفته وبعده اجه هشام جر نفس وسال امي

وينه ابنج

يووم اجه وبغرفته

باوعلي // فوتي صيحي

امي // هشومي اتغدا وارتاح وبعدين انسولف ويا

هشام // شسولف ابنج يتعاطى تعرفين شنو مو توه من زمان حتى من قبل ما ابوي يتوفى شكم مره اسالج على فلوسي

لان الكاهن ناقصات لو انتي يوم لو ابوي لمن اتهمج جاي دا تسرقينه

امي اتنفست بعمق // هو هذا البي انا كله من وره ابوك

نزل رامي وحضن علاوي وباسه وعلي ابتسم وكعد هشام ساله //. شلونك بالدوام

رامي باستهزاء ///. ههه شعجب تسالني شنو تريد تصير ولي امري

هشام // بدون استهزاء جاوبني

رامي // زين لويش تسال

امي //. ياالله سمو بسم الله واتغدو عوفو الحچي هسه

صرنا ناكل كلياتنه ناكل بدون نفس والكل متوجس من الثاني كمل رامي اول واحد وصعد الغرفته هشام راد يحچي ويا

امي لزمت ايده هشام حجى //. اشبيج يووم. لازم يتوكف عد حده

• ماما انت هسه عصبي وهذا واحد الله اعلم منو ضاحك علي وشگايله لازم نعالج المشكله بهدوء

هشام // ياهدوء ما تشوفينه ما بعينه اي احد

- مي خالف يمه مي خالف انت الجبير ولازم تتحمل رووح ارتاح شويه واكعد اقرا وبعدين نحجي ويا ولو انا افضل اتدز على كريم او حتى خابر عاصف يجوون خليهم ايعرفون وهم يساعدونه بحل المشكله

هشام باوع الامي //. هنوب عوزنا نطلع فضايحنه للناس

ماما عمامك ولازم يعرفون

ياعمام ذوله فكينه

ماما خلي نعلمهم ذوله اكبار ويعرفون يتصرفون

اي مو عوزنا بعد عار من بيبيتي

هشام صعد الغرفته وره خمس دقايق كلتلي //. وجدان فوتي اصعدي على كييف شوفيهم خاف يتعاركون

هزيت راسي ورحت صعدت ماكو اي شي يعني كل واحد بغرفته نزلت = ماما كل واحد بغرفته

امي //. الحمد لله

اني هم رحت الغرفتي اتمددت حاولت انام ما گدرت بقيت متمدده ساعه بعدها كعدت فتت للمطبخ حميت الجاي وصبيتلي كوب

واخذت كتابي گعدت بالصاله اقرا شفت رامي طلع بدون ما يحجي والعصر كلش نزل هشام كلي

سويلي چاي

رحت سويتله كوب جاي وجبته وامي طلعت من الغرفه سالتها =. ماما اجيبلج چاي

لا شربت

هشام //. روحي اندهي رامي

=. اححم قبل شويه طلع

هشام باوعلي اني هزيت راسي =. اي اني شفته يمكن ماخذ كتابه ويا

هشام كمل جايه وسال امي //. تردين شي اجيبلج

لا ماما عدنا مسواك من امس

زين لعد اني باجر عندي امتحان راح اصعد اقرا

صعد هشام وامي دخلت للمطبخ صارت تحضر بالعشا واذن ورحنا صلينه بعدها امي حضرت العشا وصاحت الهشام الي نزل وسال على رامي جاوبته امي //. كالعاده بعده ماجاي اتعشا وروح كمل دراستك ومن يجي نحجي ويا

وامي صارت اتسويلنه لفات وتحثنا ان ناكل وهي اتوكل بعلاوي وحتى هي اكلت شويه بعدها هشام راح غسل ورجع گعد بالمطبخ واني جمعت الصحون وصرت اغسل بيهن وهشام خابر

ها رامي انت وين

تعال بسرعه رايدك

لا ماكو شي بس رايدك ضروري

مو تتاخر

رامي تعال لا تخليني اني اجييك

جاي اگولك ماكو شي بس اريدك

منتظرك

بقينه كاعدين بالصاله مترقبين وامي اتگله // هشام من يجي احچي ويا على كيفك

  هشام بنفرزه //خلي يجي ويصير خير هسه اكو واحد عده دوام الهسه بره ومن تسالينه ايكلج جنت اقرا

امي هزت راسها وتبتسم بتوسل // مي خالف ماما مي خالف طايش ونتحمله

يمكن ساعه او اكثر اجه رامي وهو عاقج وجهه ويكول. //. خيير هشام شكو خبصتني تعال رايدك

وين انت

وين يعني يم اصدقاىي ندرس

ليش انت مداوم حتى تدرس

رامي. //. شنو مداوم شقصدك

قصدي انت ما مداوم بالمدرسه

رامي //. منو گلك ياچذاب

هشام // المدير دز علينه اني وامي ورحنه وكلنه ابنكم اسبوعين ما مداوم وهسه اريد اعرف وين مكضيها

  

رامي اتفاجأ كال // اني ردت اكلك ما افهم ع المدرسين واريد انتقل الغير مدرسه

هشام هز راسه // تمام باجر انقلك بس بالاول انطيني فلوس القصد ادفعهن.حتى ينقلوك

بقى ساكت اتقرب هشام // سمعتني اريد فلوس القصد

هز راسه // اي موجودات

جيبهن ليش سكتت

هشام بزمخه // جاي اكلك جيبهن

امي // على كيفك ماما هنه عنده

هشام يباوع الرامي ويگول //. يجوز صارفهن

رامي // لا شنو صارفهن موجودات

اي رووح جيبهن لو عد شلتك التعبانه

رامي // ياشله ؟

ها يا شله شلة ياسر وخلدون

رامي // شنو انت تتجسس عليه

اتقرب منه وهو عاض شفته وكمشه // واكسر راسك واطيح حظك لك مستزوجنه تاخذ الفلوس تشتري بيهن حبوب

رفع ايده // انت معليك اني بكيفي

هشام // اكل تبن ولا تحجي هالشكل اربطك واموتك من العطش والجوع

دفعه // دوخر ما عليك بيه

رجع هشام كمشه امي تكله // هشام عوفه الاخوك رامي اسكت

صارو يتصارعون ودفعو امي اتعاركو واتضاربو امي صارت تعيط // لك هشام عوف رامي

رامي لاتضرب اخوك

وهشام يكله // اموتك ولا تجيبلنه العار ورامي يكله //اني اقتلك

رامي //. انت تقتلني حقير

هشام اتزانك ويا ولزمه من رگبته وصار يضربه بخشمه ورامي زانك هشام من ياخته واني وامي. نعيط حييل

الباب يندك وامي كلتله // هشام عوفه الاخوك

هو تركه ورامي راح للمطبخ بعد. ان اتوعد هشام بعيونه وهو يكله // اعلمك اله اموتك

هشام صار يمسح الدم ما اعرف من خشمه من حلگه ودار على امي وهو ايگللها // هذا العار يموت احسن اله

رامي اجه وبيده سچين كبيره امي ضامتها بالطابق الثاني مال الكاونتر وهو يكول

- اليوم اذبحك هشام

هشام انتبه ويه عيطت امي لزم ايد رامي وهو يكله // ذب السجين

ورامي ايگله // اذبحك واقتلك

وهمه متكامشين وامي تعيط

- رامي ذب السچين لا تكتل اخوك

هشام وهو زانك رامي //. لا خلي يكتلني خلي

امي ابيناتهم وهمه واحد رافع السجينه والثاني لازم ايده واني اعيط بصوت عالي

وهمه متكامشين لكن فجأه اتوقفو وبس الدم

لحظه الكل سكت بيها لان ما عرفنا منو انقتل شفنا رامي وهو واگع وفاتح عيونه والسجينه بكلبه

وهشام بس فاتح عيونه وايده بيها دم

ذيج اللحظه لا يمكن انساها امي صارت مثل الطير المذبوح وهيه حاضنه رامي وهيه تباوع بذهول الهشام

انا لا اراديا عيطت حييل امي كالت بهدوء

كتلت اخووك هشام كتلته

فجاه صارت تعيط وهيه تكول // لا لا انا كتلته انا كتلته اي انا كتلته

اندك الجرس حييل لان الناس سمعته عياطي ما اعرف منو الي كسر الباب او طفر ما اعرف

دخلت ام احسان ابو احسان واحسان

وامي حاضنته الرامي وتاخذ من الدم وتخلي على وجهه ومره تبوسه وهيه تگول // انا انا طعنته لان راد مني فلوس هشام برى

هشام صار يصرخ وهو يكول // يمه مو قصدي اكتله هذا اخوي

اتقرب منه صار يحظنه وهو يكله

ليش رامي ليش هالشكل مو قصدي اكتلك رامي اكعد الله يخليك

وصار ايبوسه بوجهه وبحلكه الي طالع منه دم ويگله // اكعد خويه اگعد مو قصدي اكتلك انت اخوي وحزام ظهري

اكعد لا تعوفني

ام احسان تبچي ولازمه امي وهي اتكللها //. ولج نجاة انهجم بيتج ولج نجاة ضاعو ولدج

الموقف محد. يگدر يتخيله وبلحظه انملى البيت ناس وشرطه وانا اشوفهم. شلون خلو الكلبشات بايد هشام وشلون اخذت

سيارة الاسعاف رامي واحد ضابط ما اعرف منتسب كال

لويش خالين هاي الصوره (اياشر. على صورة ابوي الي بالصاله ) ليش خاليها وهو لابس الرتبه اصلا عيب عليكم شيلوها احسن

اتقرب ابو احسان //. استاذ هذا ابوهم وهاي الي صار ساعة شيطان

امي من شافت هشام وهمه مكلبجينه فقدت صارت تعيط // لا مو هو انا انا كتلته وهاي كلها تشهد انا كتلته

اسالو خوله واسالو بتي انا كتلته حتى حتى شوفو بصماتي على السچينه شوفوها

وراحت تلزم بالسجين كدامهم وهيه تعيط وتخرمش وجهها

صدكوني من كبرت عرفت الناس صارت تبجي على امي

وفجاه فرغ البيت اخوتي اثنينهم ماكو وامي راحت وراهم

حافيه وجهها كله دم واديها وهيه تضرب وتخرمش بخدودها وام احسان خلت فوك شعرها شال فرغ البيت وانا وعلي

الي بقى بس يباوع بعيونه وما بدى اي ردة فعل واسمع الناس الي جانووداخل البيت وهم بره ويسولفون

• ليش قتله وشنو. السبب

• هه خوش عاىله بس من انقتل ابوهم اتفرقو وهالشكل. صار بيهم

• لا كل هذا الي صار حوبة الناس من كد الظلم الي ظلمه ابوهم للناس لعد هو ليش. انقتل

• اي هذا الي ما يحسب للاخره

• يمعودين حرام هالشكل تحجون تره. الله سبحانه ما يعاقب المسئ بواحد ثاني استغفر الله شفتو امهم المسككينه شلون متخبله

• اي ما اتصور تبقى عايشه و احد بالسجن والثاني ميت الله يساعدها

تستمر القصة أدناه

كاعده بالطارمه ابجي ومنار يمي وهي تگلي ادخلي. وجدان

وانا بس صافنه ودمعتي على خدي ما مصدكه الي صار اباوع ما اعرف شنو اجاوب عرفت بعد هشام ما راح يرجع

ورامي خلص مات وامي الله العليم شراح يصير بيها وانا وعلي شنو راح نعاني من الي شفنا

اجه واحد من الجوارين وكال خابرو اقاربكم خلي يجون

منار گالت تخابرين منو

رفعت اجتافي هي گالت بيبيتج الحجيه

هزيت راسي وهي خابرت احسان //. الو احسان خابر بيت عمهم الي ايهنا

ما اعرف من نقال هشام

وبقيت بالبيت وانا اباوع للدم والصاله الي اتهوست اشوف دم اخويه الي مات واباوع للبيت الي فضى جنت بلحظتها صافنه

بدون ما افكر بس صورة رامي كدامي ومجرد ما تخطف على عيني اعيط الى ان اجتني بيبي هديه وياها مرت ابنها رحيم

وهي تلطم على وجهها //. يمه شصار يمه ليش اتكاتلو على مود يش

بيبي ارتفع ضغطها وزوجة ابنها كعدتها وجابت الها ماي وهي اتگلها //عمه على كيفج

يمه مسكينه يانجاة انوب الولد

باوعتلي //. ولج بيبي شصار ليش اتكاتلو

واني بس ابجي ما الي قابليه ارد بكلمه

وبيبي هديه بس تبچي وهي تكول // يادهيرتج يانجاة يامصيبتج

كاعده بالطارمه ما اقبل ادخل ولازمه علي بايدي اخاف يروح مني احس اذا عفت ايده ايتيه مني الباب شبه مفتوح

ما اعرف شكد مر وكت لمن ما دخلت ام احسان بس شافتني بجت بحرگه وبصوت عالي اني صرخت واسالها

= خاله وين امي وين اخواني

لزمتني من ايدي ودخلتني وهي اتگلي // شدي حيلج خاله صيري سباعيه

تباوع الها منار وتسالها // ماما شنو صار

• ماما بقى وياهم ابوج والمختار واحسان واجه كرايبهم ابو كرار واخو ومرته واني رجعني احسان يم وجدان

• وخالتي نجاة

• اووف ياماما خالتج سوده عليه (وصارت تبجي گعدت وهي تضرب على رجلها )

الله يساعدج يانجاة مصيبتج شكبرها كومي اخذي وجدان الغرفتها خلي اغسل الصاله

منار //. ماما خاف الشرطه ما يقبلون لو يرجعون يشوفون مكان الحادث

هزت راسها // لا يووم شيشوفون اجو وعاينو اخو وكتل اخو

باوعت ام احسان لان ما كانت منتبهه شافت بيبي هديه گعدت وصارت تبجي وياها وهي اتگلها

نجاة نجاة اتخبلت

بيبي اترد عليها //. لو تموت احسن الها المن ظلتها اوليداتها وراحو المن ظلتها

اخذتني منار للغرفه وهيه تگلي ان شاالله ما كو شي لاتخافيين يجوز يسووها دفاع عن النفس

بقت منار يمي هيه وخاله ام احسان غسلت الصاله وراحت يم بيبي هديه الي اتمددت وام احسان جابت

الها بطانيه وزوجة ابنها هماتين اتمددت يمها وهي ساكته

نص الليل اندك جرس الباب حييل راحت ام احسان كالت // منو

سمعت صوت گللها // انا افتحو الباب

هي فتحت الباب دخلو ناس بالبدايه ما ميزت بعدين شفت بيبي ام ابويه وعمي عاصف وعمي مهدي وعمتي سعاد

وياهم شباب تلاثه

بيبي صارت تعيط وهيه تباوع الصورة ابوي //. هاا سعدي هاا ارتاحييت اجه يمك ابنك شفت اولادك واحد كتل الثاني

عاصف //. يمه على كيفج خلي نفتهم

بيبي وهيه تلطم على صدرها بايد وحده والايد الثانيه لازمه العكازه // شفتهم يمه اتكاتلت الولد واحد بالسجن والثاني بالنجف

باوعت // وينهي المصخمه وينهي ضامه روحها

عاصف //. يمه رحمه للماتو اسكتي

بيبي هديه تعاي اهنا فرحه

ام ابويه وهي تلطم وجهه وتخرط خدها // ها خيه اجيتي شفتي مصيبتنا يمممه يوميه مصيبه

اتقرب عاصف من ام احسان گلها // خويه شصار وين الحرمه

خويه متخبله وراحت وياهم

عمتي سعاد //. اي هذا ديدانهن. خلت الولد يتكاتلون وهسه راحت للمراكز

اتقرب عاصف ورد بعصبيه // اسس ما اسمع كلمه زايده

بيبي // چا ليش تكاتلو شنو جوعانين عريانين غير كله من جوه راسها ،

ام. احسان //. لا حجيه لا تظلمين بختج نجاة مسكينه

انا شهكت بالبجي عمي عاصف باوعلي لا اراديا حضنته وانا اگول = عمو عمو هشام قتل رامي

مسح على شعري :: كافي بابا لا تبجيين. ان شاالله ماكو شي

باوع الام احسان // بلا زحمه شوفيلي واحد بس يوصلني للمركز

• اي هسه اخلي احسان يجي ياخذك لان هو رجع وياي للبيت خاف شرطه تجي عاد اسمه رجال يمنا

عمو عاصف //. رحم الله والديكم ما قصرتو

وطلعت ام احسان. عمي عاصف رفع وجهي وسالني //. كليلي بابا منو كتل رامي

جاوبته واني اشهك = عمو رامي ما يداوم بالمدرسه وماخذ القسط وصارفه والمدير دز على. امي وراح هشام وياها

ومن عرف بالبدايه حجى ويا وتالي ضربه ورامي (صرت ابجي ) رامي راح للمطبخ وجاب السچين

:: ها يعني رامي هو الي جاب السجين

= اي عمو راد يقتل بيها هشام

:: كافي بابا كافي

اجه احسان وسلم واخذ عمي عاصف وعمي مهدي وياهم راح ولد وبقو اثنين ما اعرفهم بس شفتهم باربعينية. ابوي

وصارت ناس تجي للبيت وفتحو الديوانيه الهم. ومن ضمن الاجو نسوان بيهن اثنين يعيطن ويبجن بصوت عالي

وهم شفتهن بفاتحة ابويه هنه الوحيدات بوسن امي وحده منهن. اتقربت على بيبي وهي تسالها //. ليش يمه اتكتلو عليش

بيبي //. متعافيين

وبيبي مره تبجي مره تسكت مره تدخن جگاره اتفاجات بيها تدخن وام احسان فاتت للمطبخ سوت. جاي

وجابته البيبي والنسوان وبعدها صبت باستكانات ودزتهن بايد الولد للرياجيل الاجو

وبيبي كل شويه وضربت عصتها بالارض وهيه تگول // ياوسفه

وتباوع الصورة ابوي وتعاتبه // هسه ارتاحييت

عمتي ترد عليها // يمه على كيفج انتي مريضه

• هو شني على كيفي خليني اموت ظلتي المن كل ساع دافنتلي زلمه

• لايرتفع عدج السكر وتتخربطين او وين نوديج بهالليل اتمددي يمه خلي اجيبلج فراش

باوعتلي وسالتني وين النضيده

بقيت صافنه ما اعرف على شنو تسال ردت عليه // شنهي ما تعرفين شني نضيده

ام احسان // اعذريها داده ما تعرف انا راح انزل فراشات

باوعتلي ام احسان وصعدت وانا صعدت وياها اكو غرفه بصف البيتونه بيها بوفيه وعليها فراشات وبداخلها

مواعين اشكال طبعا كل هذا ابوي يشتري مااتذكر امي طلعت وجابت شي لان هو ما يقبل تطلع اله للضروره

ام احسان // هاج خاله نزلي الفراشات ولا تحچيين كلام زايد ناقص

رديت واني ابجي = اني شحاچيه

ميخالف غير اوصيج

هزيت راسي ونزلت بطانيات ومخاد هي باوعتلي واول مره اشوف بيبي تباوعلي وتبچي وصارت تنعى بصوت

حزين بحيث كلنه بچينه بقيت خاله ايدي على خدي واباوع للباب اتخيل هذا الصار كله كذب او كامرا خفيه

كنت اتمنى هذا الشي

نزلت فراشات واخذتهن المره الي اجتي بس خلتهن على صفحه ما فرشت بس خلت مخاد هنه اتمددن ومحد نام

وحتى النسوان الي اجن بعدين كلهن اتمددن واني گاعده خاله وجهي بوسط رجليه واتقربت مني ام احسان

وهيه تكلي // روحي خاله نامي

باوعت الها وانا ساكته وبس دموعي يتجارن

• الله يساعدج والله الواحد ما يعرف شيحجي

بقيت خاله ايدي على خدي ومنتظره ام احسان //. كومي اگعدي خلي اسد باب الصاله

هزيت راسي =. لا هسه تجي امي. وياها اخوتي. هشام ورامي اني جاي انتظرهم

صارن يبچن حييل اتقربت مني مره. حضنتني //. كومي عمه كومي الراح ما يرجع بعد

بيبي گعدت //. جان. رجعت بدر

ما كمت من مكاني بقيت كاعده بالباب وانا اشوف عمتي سعاد نامت والنسوان بيهن غفن وبيهن بس متمددات

بيبي ام ابويه كل شويه وفزت ومره تشرب ماي مره تدخن جكاره وتسال باام احسان // ها خاله محد اجه

وام احسان تجاوبها //لا محد. لا اجه ولا خابر

تباوعلي وتكلي // نامي. جده مو زين تبقيين كاعده

ام احسان //. قبلج كتلها. بس ما قبلت هاي كعدتها وبچيتها

بيبي // شتسوين وشنسوي وشبيدنا

اول مره اسمع بيبي هالشكل تحچي وياي وتسميني جده احس طالعه من گلبها

يمكن غفيت لان انتبهت على الباب اندك ركضت فتحته. لمن. ما اجه الولد الي بقى وكال ياالله يمه انتي والحجيه

وياشر على ام احسان خالي يكول تعالو.

عمتي سعاد // وين

هسه امشن وبعدين نحجي

راحت ام احسان وعمتي سعاد وانا اتقربت منه = وين رايحين

هسه نجي

= اروح وياكم

ام احسان //- ابقي هسه نجي ابقي هنا خاف تجي الشرطه يسالون لازم تبقيين

وراحن وانا ما اعرف شنو يصير وصارت مرت رحيم تجمع بالاثاث وتخلي داخل. الصاله الثانيه وبدت الناس تجي. ما اعرفهم

ومرت رحيم تتلكاهم واجت. خاله شيماء بت بيبي هديه هاي يمكن جايتنا مرتين او تلاثه وامي كلش تحبها.

و صارت تبجي وكل الي اجن يبجن على امي على مصيبتها

وصارت هواي نساء يجن وزوجه رحيم. وخاله شيماء يتلگن بيهن وهواي ويجن يم بيبي يبچن عرفت هنه اقاربنا والجوارين يجن ويرحن وانا ما اعرف شي لمن ما صارت الساعه بالعشره ونص سمعت. صوت عياط واشوف امي جايه ولازمتها ام احسان وعمتي سعاد وهي عباره عن قطعه حمره حتى ثوبها مشكوك وكوه لابسه العبايه شفتها. وهيه متهستره دخلت بدون وعي صارت تخمش بوجهها وتلطم ومره تضرب راسها بالحايط وتملش بشعرها وهيه تباوع البيبي وترجع تباوع الصورة ابوي وتكول

- على شنو اتحملت غير الخاطيركم وتالي واحد ميت والثاني بالسجن ليش يمه ليش هيج سويتو بيه

• ولك سعدي اطلع شوف الصار

وهي تعيط وتلطم والنسوان يحاولن يسكتنها لكن هيه مو يمهن بيبي گومتها عمتي سعاد واجت لزمتها وهيه اتكللها

- كافي على كيفج ويه روحج لا تموتين

تضرب براسها بالحايط // ياريتني اموت المن ظلتي يمه رامي يمه هشام ليش هيج سويتو بيه تعالي سعدي تعال الولدك راحو ضاعو

بيبي // استهدي بالرحمن واذكري. الله. ادري تزين راسج بس شتسوين

اشرتلي بيبي واتقربت وانا لازمه على // الخاطر ذوله نجاة

باوعتلي وحضنتني وهيه تكول //. وچ يمه راح هشام وراح رامي منو بقالج

وانا بس ابجي الساني عبالك. مبلوع

بيبي ومرت رحيم ام غيث كالو //. نجاة البنيه كاعده على حيلها من امس لليوم

ام غيث // حتى قطرة ماي ما خلت ابحلگها

شيماء جابت ماي انطته الي وانا قربته يم شفت امي الي باوعتلي وصارت تبجي وتكول

• رامي مات وهشام هسه عطشان ليش يمه انا ما كسرت خاطركم ليش كسرتو خاطري

زين هاي هاي اختكم منو بقالها منو سندها انا خليني اولي بس ما حسبتو بختكم بهذا اخوكم الزغير

صارت تعيط // ولك هشام بعدك زغير ع السجن ليش هيج

يمه رامي وينك او وين الموت ارجع ي حبيبي