رواية عشك أل فراس الفصل التاسع بقلم زينب نور
علي : نحط السلاح براسنا وصوت اجانة
_اطرحو سلاحكم في الارض
باوعت على راهب كذلك واحد ورا داعش خلينا سلاحنا ورفعنا ادينا
_لقد كنتُ شاكك بكم
باوعت على راهب وهوَ يباوع عليه
راهب :شني رحنا برجلين
علي: الظاهر هيج لقد شاكك بنا ابن الصخل
راهب: لا عيب علينا همَّ ثنين واحنه ثنين
علي: ندخل مصارعة
راهب:عادي هسه انا ايدية تشنچت كد ما رافعها
احنه نحجي وهمَ واكفين وكل ثانية صاحوا اصمتوا
نزلت ايدي ودرت عليَ سلاحة حطة بصدري وذاك لازم راهب وحط السلاح براسة
راهب: خنكني يمعود
كـ تدريب وكـ عسكرية هيج شغلة جدًا سهلة عدنا ضربت السلاح وكع من ايده وضربتة طلقة وكع بمكانة راهب نفس الشيء
راهب:سيارة اطفر ولك
شمرنا سلاحهم وشلنا سلاحنا وطفرنا ورا البناية كان وراها بستان مباشرةً ركضنا للبستان
راهب:اندهرنا وابو فاضل
علي:تعال منا خل نرجع
راهب:وين ترجع واذا لكفونا
علي:تعال وماعليك
افترينا من غير طريق ورجعنا صار بوجهنا حسام
حسام :وين جنتوا صخم والله وجوهكم
راهب: ميل عني غير ردت اموت وباتمان نقذني
حسام : حسبي الله عليكم امشوا لجوا كلشي ما تدرون ضلوا الطموا على روسكم وانطوا رأيكم
علي: زين مني وانعم الله عليه اذا حجيت
دخلنا جانوا مجتمعين سلمنا وكعدنا ضلوا يخططون ويجيبون منا يحطون منا شلون طلعوا سئلوا على نمر وحسن وحيدر وكرار كلهم حسام
حسام :لقد التحقوا الى جوار ربهم هنيئًا لهم
طبعًا هنا جانت بس عيونة طالعة فـ ضحكنا لكن بصوت هادئ بعدهي بدوا يخططون شلون يقصفون وشلون يدخلون فلان منطقة واجبنا كان بس تتحرر هاي المنطقة نرجع بعد اكو غيرنا يستلمون بغير مناطق
رجعنا لنفس البيت وحسام ويانة
علي:حيدر وحسن وين صاروا
حسام :وصلوا ونزلوا لهلهم كم يوم ويرجعون ونمر هم وصل مرت محمد والتحق البارحة
علي:محمد شصار عليَّ
حسام : من تتحرر هاي المنطقة راح يطلع ويانة هسه صعب اطلعة هوَ ويا بعد اربعة
راهب: زين شنو واجبنا احنه شنسوي
حسام :واجبكم راح يخلص اليوم عليكم مثل كل مره تطلعون وياهم تقاتلون وترجعون وان شاء الله باجر بليل الشباب هنا
علي:وانتَ ؟
حسام : اي وياكم انا
علي:ترجع لو لا
حسام :حسب الأوامر اشوف لو ارجع لو لا.
بهاي الاثناء اندك الباب طلع حسام دخل علينا داعشي
داعش:ماذا تعملون هنا
حسام : هذا لا يعنيك هيا اذهب مع اخوتك المجاهدين وتحضروا الى العدو الجبان
داعش: تأمر يا مولاي
طلع هوَ واحنه رجعنا حضرنا سلاحنا واكو اوراق مهمة طلعنها اشتغلنا عليها شغل خفيف وبدينا بخطتنا دخل حسام لجوا طلع بدلات عسكرية
راهب:منين جبتهن
حسام :الولد جابوهن بـ12 تبدلون ملابسكم وتتحضرون تبدون تقاتلون وتاخذون طريق البستان هذا الشي جدًا خطر بس ادري بيكم سباع ذني الاوراق لازم يطلعن من ايد داعش تنتظروني لـ 1:15 اذا ما اجيت اشدون الهمة واطلعون ، انا راجع وانتم هنا تحضروا ولا تفتحون الباب حاولوا انُ مطلعون ولا صوت ترا مشكوك بأمرنا مادام دزوا هذا النعال
راح حسام واحنه بدينا نسوي مثل ما كال كان الوضع نوعًا ما مخيف يمنا بسبب الشكوك الصارت يعني ممكن بلحظة ينكشف كلشي
ويروح كلشي صارت بيدنا اوراق جدًا مهمة اهم من اروحنا صوت الرصاص والقصف مستمر وقريب صارت بـ 12 ضبط دك الوكت بدلنا ملابسنا زي عسكري زي الصنف الي احنه بيَ
راهب :ياعلي احضر بيها الاوراق عندك
علي:قسم عندي راح يكون وقسم عندك خاف كلشي يصير
ضمينا الاوراق ولبسنا الدرع والخوذة وانتظرنا تجينا علامة من حسام حتى نطلع
حسام :توكلوا على الله ومثل ما اتفقنا ديروا بالكم تتأخرون واذا صار عليه شي وصلوا سلامي لهلي وخلي زينب تشوف حياتها كلولها حبيبج اختار الشهادة وان شاء الله عرسنا هناك ديروا بالكم على نفسكم ومحمد والشباب يجون وراكم
طلعنا وصلنا نص الطريق اجت سيارة النا
صاح علينا حسام
حسام : اطلعوا بسرعة لا توكفون الله وياكم علي وياكم روحوووا
ركضنا ثنينا والرمي صار مثل المطر علينا دخلنا للبستان وهمَ ورانا
صرنا بمكان بعيد عنهم وقريب على المكان الكال عليَ حسام
راهب :بويه فحطت يعابيهم علي
علي : خل ننتظر ان شاء الله ماصار شي
راهب : ان شاء الله كلام حسام يخوف
علي:هوّ انا خايف منه بس لا يصير بيَ شي
وكعدنا ننتظر وكل ساعة طافرين لان نسمع صوت صارت بـ1:15
راهب :محد بين
علي :خل ننتظر خمس دقايق
دقايق واجوا من غير اتجاه
راهب:يمكن همَ
علي:اخذ الحذر وكوم نخفي نفسنا
وكفنا على جهةة حسام ومحمد وياهم بعد اربعة
علي:خوفتنا عليك عبالي صار بيك شي من صحت علينا
حسام : زعاطيط يلا نتوكل على الله ونطلع منا الاوراق وين
علي:موجودات
حسام :كولوا ياعلي ونتوكل
الولد الوينا مو عسكرين مدنيين محمد وحسام لابسين مدني هم بس انا وراهب عسكري صرنا بالبداية لان عدنه سلاح ولابسين درع وخوذة
راهب:شني مضحين بينا
حسام :خليني محترم البدلة اللي لابسها واتوكل
علي: تعالوا منا وبدون صوت صيروا واحد ورا الثاني
راهب:انا اوكف يمك
علي:انت بس ارجع
بالضبط يومين احنه على ماكدرنا نوصل مو بعيدة وانما الطريق صعب دخلنا المنطقة كانت خراب بالكامل البيوت كلها مفلشة العوائل كلها مهجرة اشوف العاب جهال وكتب وغراض مطشرة ودم بالكاع وانواع واشكال سيارات كلها مفلشة
حسام :باع شمسوين ولد الجلاب
دخلنا لجوا استقبلونا الشباب سلمنا عليهم لكيت اسمر
علي:العززيززز
اسمر :الكطعي
حضنتة وانا اضحك شكد مشتاقلة
علي:يايابه شكد مشتاقلك
اسمر : لا تسئل لا ادكول وين راح وين صار
علي: ضروف يخوي ضروف متغير
اسمر :وازوجت اريد اكلك تعال احجيلي بس الوضع ما يسمح
التقيت بنمر هم لكيتة موجود حسام ومحمد والبقية الطلعوا ويانة راح ينزلون لبغداد وراهب للبصرة
راهب:ليش ماتنزل ؟
علي:شعندي نازل لا اهل ولا شي شصخم كاعد وحدي
راهب:انزل للبصرة
علي:روح خوية روح الله يحفظكم وتوصلون بالسلامة
كان النزول والتحاق بطيارة بسبب الوضع مرت ايامنا ورجعنا بدينا نحرر منطقة منطقة طبعًا بصعوبة حيل
نمر :تعبت دنعل ابو داعش شنهاي طاح حظنا يكثرون ما يخلصون
علي: الله كريم تخلص
بدينا نحرر العوائل يطلعون والخوف شلون مسيطر عليهم نسوان وزلم وجهال كلها طلعت ترجف وتدعي طفلة صغيرة جسمها يهتز من الخوف والرعب وصوت القصف
بعدين اجت بنية صغيرة عمرها 14او 13 سنة وياها طفل يمشي صغير وثنينهم يبچون ويمشون ويباوعون وراهم
علي:شبيج بابا شبيَ اخوج
البنيه :يريد امي
علي:امج وين
البنيه :ضلت بالبيت لان ماتكدر تمشي كالت اخذي اخوج واطلعي
علي:ترجعين وياي نجيب امج ونرجع وخلي اخوج هنا
بس كلت هيج الولد چلب بأختة حيل وضل يبجي
علي:خلص ناخذة ويانة بس غراضكم جيبها خليها هنا
اجوا وياي ثنين جنود مصطفى وكنان رجعنا للبيت كان بالنهاية
راهب:وين راجع
علي:مراة جوا نجيبها ونجي ماتكدر تمشي
اباوع لطفل حافي ويبچي وكوه يمشي والبنية ترجف اخذت الولد شلتة رغم ممنوع علينا نشيل طفل بالبدلة العسكرية بس حرب
شلتة واسرعنا بالمشي وصلنا للبيت اول ما دخلنا لكيتها كاعدة تبچي شافتنا رفعت ايدها مباشرةً والرجفة موضوع
علي:لا تخافين يمه ما أنذيج والله جايين نطلعج
البنية : ذول جيش
علي:عدكم بعد غراض لو هاي هيَ
البنيه :حليب لاخوي
علي:اكو هناك غيرة
دخلت لجوا وطلعت جايبة حليب وكتابين
المراة :مو وقت كتب
علي:خليها يلا شباب
طلعنا من البيت وكدرنا نوصلها خليناهم بمكان أمن
رغم الجو كان مو حار بس احس روحي طلعت من الحرارة البجسمي
علي : هسه كم منطقة تم تحريرها بالكامل ؟
عمر : ست مناطق
علي:بعد هواي
عمر :الله كريم تخلص ماضل
مرت حرب داعش وميتين تعب
علي:تم تحرير المنطقة بالكامل
بيوم كنا محاصرين بمنطقة ثانية والرمي والقصف صار علينا مو طبيعي انا واسمر وراهب ونمر وعمر ويا بعد شباب فوك واحنه صرنا جوا بسبب الرمي صرنا جوا بعدين قوئ علينا الرمي صعدنا لفوك دقايق وانفجرت علينا مفخخة
انضربت جوا على البيت المقابيلنا بس الشضايا صارت علينا والدخان موتنا يعني مانكدر نشوف شيء
كمت اسمر ماكو
علي:اسمر وين اسمر ماكو
نمر :تعال خل نطلع لا يدخلووون عووف اسمررر
بدون ما يجاوب نزل لجوا راد يفتح الباب وذول مقابلين
راهب:ولكك مطي تخبلتت اطللع
علي:لككك اسمررر ماكو تخبلتوا انتم اعوفة واطلع
نزل نمر يركض
نمر:اطلللع اسمر يم عمر ولككك اطلعع لا انعل والديككك
سحبنا علي بسرعة وطلعنا عبرنا من سطح لسطح وصلنا لعمر
علي: وين اسمر
عمر :مو يمي
التفت على نمر بعصبية
علي:ويينه
نمر:شدراانييي
بدون ما يجاوب نزل
راهب:راااح يجلطني يربي راح يجلطني هذا الخبل بدون عقل يتصرف
عمر :شبي
نمر :من انضربت الخرا اسمر مدري وين راح وهذا تخبل
علي:طلعت بالي راح يمة هذا بالكوه رجعت التقيت بيَ افقدة اتخبل وعلي نزلت بين البيوت وكان ليل وضلمة وبس صوت الضرب والقصف ماتسمع شيء
خذني رجلية لبيت بيَ ضوء بس خفيف دخلت انصدمت بجثث مراة وثنين جهال وثنين كاعدين يبچون ولد وبنية اول ما شافوني البنية صارت ورا ضهر الولد وضلت تبچي هوَ مباشرةً رفع ايدة وكال ودموعة على خده
ايمن :اقتلنيي بس عوف اختي فدوة اني اني شتريد تسوي بيه سوي
علي:اهداء بابا اهداء ما أذيكم لا تخافون منو سوا هيج
ايمن :داعش قتلوا امي واخواني واحنه امي ضمتنا ورا الطباخ حتى ما يأذونة
علي:لا حول ولا قوة الا بالله ابوك وين
ايمن :ابوي ويَ داعش راح
علي:لعنة الله عليهم تعالوا بابا لا تخافون
البنية صارت ورا ضهر اخوها وترجف
ايمن :رودينا لا تخافين تعالي
علي:عدكم غراض تاخذوها
ايمن :لا
اجيت اطلع صارت حركة قوية
علي: ارجعوا لنفس المكان الضمتكم امكم بيَ بسررعة
سحبت الطباخ دخلوا همَّ رجعتة بسرعة وطلعت الجثث بمكانها دخلت لغرفة صرت ورا الباب شباك الغرفة يطل على بستان وشباك يكدر شخص يطلع منة
وكفت ورا باب الغرفة دخلوا اربعة بدون قصد رجعت لورا ماعرف شنو سحكت على الصوت اتجهوا للغرفة واحد فتحت الباب وسديتة بـوجهه هَّ اربعة وانا واحد صار بينا رمي ضربت الشباك وطلعت منة اجتني طلقة بصدري بجهةة القلب اخذت الطريق البستان كعدت يم شجرة
علي:يارب بس اطلعهم واخذ روحي
المكان الكاعد بيَ ضلام تام اجوا ثنين افتروا ورجعوا
داعش: اين ذهب
داعش 2: لا اعرف تعال لكِ نعود
بس طلعوا شفتهم ابتعدوا رجعت من نفس الطريق اخذني النزيف
سحبت الطباخ بالف ياعلي
علي:اطلعوا بوية
ايمن :هاي شنو صار بيك
علي:مابية شي اخذ اختك واطلع
صار انفجار قوي حيل وقريب والرمي صار بشكل مكثف ثنينهم لزموا رجلية واحد منا واحد وثنينهم بچوا وبنفس اللحظة اجاني نداء من نمر
نمر:وين انتَ
علي: بواحد من البيت المفلشة
نمر :اطلع الوضع بيَ خطورة وداعش قريب
علي: وياي جهال تقدموا لكدام
نمر:عوفهم واطلع
علي:وين اعوفهم تحجي صدك انتَ
ايمن :اي روح لا يصير بيك شي
علي: كلشي ماعليه بس تعالوا
طلعنا رودينا باوعت لچثت امها وضلت تبجي شفت الوضع اشتد من ورا
طلعت الباج مالتي
علي:اخذ اختك واطلعوا اخذوا هذا الباج راح تلكون كدامكم القوات الامنية انطوهم الباج والباقي عليهم يلا روحوا
ايمن :وانتَ وين رايح تعال ويانة لايصير عليك شي انتّ تنزف
علي:ماعليه شي ياحبيبي روح ولا تفكر بيه عندي شغلة اكملها وارجع
ايمن :دير بالك على نفسك
علي:الله وياكم
طلعوا همَّ لازم اختة وراحوا عيني ضلت عليهم لحد ما شفت وصلوا للمكان المطلوب بعيد عن داعش طلعت من نفس المكان مال الشباك واخذت طريق البستان طلع الفجر وصلت شارع عام وفارغ بس السيارات مال داعش والفجر بدا يطلع يعني انشاف من بعيد وصحراء كدامي وانا لابس عسكري البراسي لو يضبط واكدر انفذ لو اقرا على روحي السلام
وصلت لنص الطريق بعد ماكدرت وكعت بالشارع نطقت الشهادة هاي اخر شي اذكرة
..........................
محمد : صدمني جدي من رفض لكن بعدهي اقتنع راحوا يخطبون ورجعوا انُ ابوها مايقبل لان انا عسكري وممكن باللحظة اموت
حسيت واحد سطرني راشدي كد الصدمة حبيتها والله حبيتها
شاهين : بدا يصفن شبيك خويه شبيك نرجع عليَ ويقتنع
محمد : لك صدمني شهل التفكير الخايس بس العسكري يموت البقية ماخذين خفارة بالدنيا يعني استغفر الله شلون ناس خرا
بعدهي اجت حرب داعش والوضع كان صعب صار لازم التحق بس اريد احجي وياها وين اشوفها
رحت لرسُل لكيت تيلفونها بدون رمز فتحتة دورت رقمها لكيتها مكتوب عليَ غفران بس لا تطلع مو هيَ
اخذت الرقم وطلعت من الغرفة صار بوجهي ايمن
ايمن :ها شخمطت
محمد :وخر عني لا اخرب معاني وجهك
دخلت الغرفة وسديت الباب طلعت الرقم اتصلت مرة مرتين ماجاوبت مره ثالثه ردت من صوتها هيَ
غفران :منو
محمد: محمد
غفران :صخام بوجهك شتريد تريد تبليني
محمد : هسه خاطفج انا اطلعي اريد اشوفج
غفران :صاحي انت صاحي وين اطلع بهل الليل عوفني بحالي
محمد : اهووو هسه لا تصيرين كلش عاد اوكفي على الشباك وانا اطلع باجر التحق اريد اكحل عيوني بشوفتج
غفران :ومنو كلك اني كحل حتى تكحل عيونك محمد عوفني بحالي باجر تلتحق الله وياك وباريتك الذمة
محمد:وانا شمسويلج حتى ما تبريني الذمة اوكفي على الشباك وانا اشوفج
غفران :ما اريد
محمد : اكلج
غفران :ها
محمد :احبج والكافل
مباشرةً غلقت التيلفون بنت الصخل حتى ما خلتني اعيش الشعور والاحساس
ثاني يوم التحقت وهيَ براسي ماغابت ولا دقيقة بدت حرب داعش والتعب
بنص الحرب والقتل والهوسة اجت بالي ابتسمت صفنت وحدي واني ابتسم رسمت خيال كامل خلفت حتى جهال فززني صوت الهاون من طاح قريب علينا
محمد : انعل ابو الداعش
اسد :انعل بعد اخوك غير طفرك من صفنتك
محمد : حتى بالصفنة ما تهنيت
اجت ايام وراحت ايام وغفران براسي چنه نكدر تنزل بس بصعوبة فـ نزلنا انا وصهُيب واسر واسد نزلنا سوا كم يوم ونرجع ضلينا اكثر من 40 احنه ما شايفين اهلنا
وصلنا لديوانية طبكوا على مطعم نزلنا دك تيلفوني غفران ! انصدمت وفرحت
غفران :شلونك
محمد :زين انتِ شلونج شعجب متصلة
غفران :ضل بالي يمك
محمد :اها اسم الله على بالج
غفران :محمد احترم نفسك لا تحشش امك خطية تعبانة عليك
محمد :سوده عليه يايمه تعبانة عليه وكسرتي خاطر غفراني
غفران :لا هوَ هم صوجي
محمد :هسه انت مخابرة تتعاركين لو تطمئني عليه
غفران :لا خابرت اطمئن الله يحفظكم وينصركم دير بالك على نفسك
محمد : هسه احضن نفسي حضن حتى للحرب ما ارجع
غفران : مع السلامة
محمد : الله وياج يابعد طوايفي
سديت التيلفون التفت لكيت صهُيب وراي يشرب جكاير بس شافني طكها ضحكة
محمد : شبيكك
صهُيب:مابيه شي يابعد طوايفي
محمد :لا تصير نذل يلا خل نروح ورانا طريق طويل
صهُيب:اي حاضر هسه نطلع
وصلنا البصرة بـ5 العصر مثل كل مره هيج وكت الزلم يكعدون برا لو يسيرون يم واحد فـ من نزلنا لكيناهم برا كلهم سلمنا عليهم
الجد :بشروا بويه شلونكم اخوانكم شلونهم
اسد :على الله ان شاء الله تخلص هل الشدة
ابو فهد : اخوانكم وين محد نزل منهم
اسد :ينزلون ان شاء الله وجبه ورا وجبه الوضع موزين
دخلنا لجوا سلمنا على اهلنا وعرفنا انُ باقي بيوتنا ساكنين بيهم ناس يعني كلنا بيت واحد
ام فهد :يمه ما شفتوا علي
صهُيب: لا يمه
ام فهد :جا هو مو وياكم
صهُيب:يمه المناطق هواي احنه بمكان وهو بمكان وان شاء نلتقي بيَ
نزلوا امير وياسر وايمن يغنون ويهوسون
امير :سفرة الروح للخطار مفروشة
واصلية كلوبنا مودغش مغشوشة
حامض يكول العنب عيب يكول ما انوشة
ايمن :يالتنشد اهلنا منين اهلنا نجوم الثريا
شافونا سكتوا
امير :هاي منو منورنا اليوم ضباط الدفاع
ياسر : ياااهلاً وسهلًا
سلمنا عليهم صعدنا لغرفنا التعب داكنا دك من التحقنا احنه لا كاعدين ولا ماكلين ولا نايمين مثل الناس كعدت بليل بـ٩
طلعت من الغرفة شفت ريم هيَ وغزل واكفات بالغرفة يتناقشن مدري يتعاركن
ريم : تسدين حلكج وتستكين
غزل :والله ما اسكت ابو راس المغضوب
صهُيب:منو
غزل :سلامًا قولًا من رب الرحيم انتَ مو نايم
صهُيب:منو المغضوب
ريم :منو مهند مهند اخوي اي مهند غزل ومهند دوم يتعاركون وهيج تسمي
ابتسمت على لدغه بالراء
ريم :ها ؟
صهُيب:جعل محد غيرج يلدغ بالراء
غزل :ترا اني هنا
صهُيب:شسويلج واذا هنا
غزل : اممم اروح اشوف امي
ريم:تعالي هيي عزاا عافتني
صهُيب: بعدج نفس خبالج وفهاوتج
ريم : ما اسمحلك ترا
صهُيب: بس حليانة فوك حلاتج
ريم : الحمدلله والشكر
صهُيب:ههههه والشكغ
ريم :ترا اكول وشكل مو شكغ اني اللفظ الراء لام مو غين
صهُيب:ديلا كولي عمري
ريم :عمري
صهُيب:انتِ كل حياتي
خزرتني ونزلت لجوا نزلت وراها لكيتها مموجودة
الجدة :يمه شصاير بيكم فلك طر داعش شوكت الله يخلصنا منهم
امير :هو صهُيب من زمان ازرك وعيونة زرك شلون رهمت مدري سبحانك ربي
صهُيب:حجة مهند التركي
امير :يروحلي فدوة
صهُيب:هو انتَ تشبهه عليمن يروحلك فدوة
الجدة: ولك انت صدك ماشفت علي
صهُيب:چا مجذب عليكم
امير :خل اشم ايدك
صهُيب: تنجب لو شلون بلا
...........
ريم :بليلة سودة مابيه ضوء كمر اتصل وأحد على ابو فهد رد عليَ حجه ويا بدايةً كلنا كاعدين نسولف ونضحك من اتصل وجهة عمي انقلب خلص اتصال
ابو جاسر:خير ياستار شكو
ابو فهد : واحد سرسري مدري منين يكلي ابنك صار داعشي
الجد:ابنك ياهوَ
ابو فهد :علي
امير : وهو شدراة
ابو فهد :مافتهمت شي خرطهن عليه وسد التيلفون ابنك صار داعشي ومات
ام فهد :يمةةة صخااام بوجهييي
ابو اسيد :شنو هل الحجي إهدائي خوية إهدائي جذب هذا الكلام
ام فهد : يمه وليدي سوده بوجهي يمه
طلع عمي برا يخابر ويومين احنه داخلين انذار وراها كالوا لا ماكو هيج حجي أصلًا
ام فهد :چا وين راح وين
امير :راح يصيد سمج يعني وين راح غير ضابط
ام فهد :انتَ اسكت عني لا اكوملك
امير :اي ديلا هم صوجي ضلي الطمي ليل ونهار
ام فهد : خايب امشييي من وجهي
ضحك وطلع ماكو شي جديد الوضع يمنا هادئ بس الاخبار تخوف الشهداء والقصف يمة تموت خوف وراها نزلوا اسر واسد وصهُيب ومحمد
غضب من زمان يريد غزل بس هيَ تتخبل منه وتخاف منه ومن اسمه لان ضخم حيل وعصبي واسمه مخيف
من رجعنا من المدرسة هوَ جان نازل من الدوام
غضب : شلونجن بنات
ردينا عليَ بس غزل مجاوبته
غضب:مجاوبين يابه
غزل :بكيفي ما اريد اجاوب
غضب : اول وتالي تجاوبين شبي وجهج احمر
عافتهه ومشت باوع علينا وكال
غضب:وصللها اول وتالي تصير مرتي وام بيتي انا غضب مايصعب عليه شيء
احنه كلنا نخاف منه ليش منعرف رغم الولد حباب بس اسمة مدخلنا رعب هزينا راسنا وطفرنا محجينا بهذا الموضوع بليل صعدت فوك صعدت وراها
غزل :تعالي ريمو هذا المغضوب شنو كاللجن
كتلها وهاي انهدتت ماخلت كلمة تعتب عليها محجتها كوه سديت حلكها
بعدين صار كلام بيني وبين صهُيب امداني وامده حظي مباشرةً بدون تفكير نطقت عمري ياربي صبرني على هذا الرجال شكد مغرور
بليل نزلت كل واحد بغرفتة من نزلت لكيت صهُيب كاعد بالحديقة تقريبًا الساعه بـ9ونص بليل لابس كله اسود
صهُيب:ها نزلتي تشوفيني
ريم :مو انتَ منو حتى نزلت اشوفك لابس اسود ميته مرتك
ضحك وسكت واني رجعت للمطبخ جوعانة ملكيت شي سويت حليب وصعدت فوك لـ12 نزلت الكوب واريد اخذ مي لكيتة لابس تشيريت ابيض وبجامه زيتوني ، بدون تفكير نطقت
ريم :شنو هاي كُل شوية تغير ملابسك انتَ؟
ابتسم وكال
صهُيب:لا بس خفت عليج وغيرت ملابسي السود
بكُل صلافة انشك حلكي بالابتسامة اخذت المي وصعدت عزااا بعيني
وراها بكم يوم رجعوا التحقوا وهيج مرت ايامنا كدرنا نتواصل وياهم بس بين كل فترة وفترة وبصعوبة
اما علي فـ ما عرفنا عنة شي ابدًا ميت او عايش وين هو بالضبط شنو صاير بيَ منعرف ابدًا
بيوم اجه عمي ابو شاهين كال
ابو شاهين : جايين خطابة لهاي البنية الخطبناها لمحمد
...........................................
من عاصمة العراق شخصية جديدة
قمر : هبه صُدك حترحون لبيت خالتج مدري منو
هبه :اي ولج تخيلي يردون يعرسون وماما ادكولي الا ترحين
قمر :لاترحين الوضع هناك يخوف لج وين اكو عرس بنص داعش
هبه :قابل شسوي اذا ما اروح تزعل
قمر :خليها من ترجع راضيها
هبه:لا قمر خطية امي ماكدر على زعلها اروح قابل شعلينا
قمر :زين شلون ادخلون الموصل ادري ميفكرون الا يعرسون ايع بنص دم الشهداء عرس دخيلك ياربي
ورا يومين راحوا للعرس للموصل ماعرف ليش كنت حيل خايفة وكلت لهبه لترحين لكن مقبلت
راحوا ورا سبوع رجعت امها
قمر : خاله لعد هبه وين
ام هبه :مادري
ابو هبه:شنو مادري بنتج وين
ام هبه:بنتي راحت وما اجتني
حسيت كلامها سجينة صارت بكلبي هبه ماكو اكولها وين ادكول مادري
خالي ضل يلطم على راسة وامها تبچي ادكوله راحت تشتري وبعد ما اجتني عبالي وين البنات من خلصت الزفة مالكيتها وصار كم يوم ندور وماكو
قمر :يعنييي شنووو ؟
مازن :اكيد راحت لداعش ابينة
قمر : كون داعش ياخذك ويخلصنا منك
مازن : لعد وين راحت ها يلا كولوا وين
مازن اكثر بشر اكرهه بالدنيا فد شخص نذل بكل معنى الكلمة
مرت عشر ايام وماكو خبر عن هبه ابد بيوم اجهه خالي كال
ابو هبه :هبه ميتة ضاربتها سيارة لداعش وميتة
خبر ماكو اصعب منه هبه كانت اقرب صديقة الي راحت بهل السهولة رغم كُلشي اني كنت ممصدكة هبه راحت مني كان اليزامل راح ترجع وعشت على هذا الامل ايام وليالي
مازن كان وراي وين ما اروح حاط نفسة بنص وكُل ساعة عركة اني ويا ما اطيقة اتخبل منه
قمر :اريد افهم انتَ شنو معندك كرامة استحي على شورابك تفتر وراي شتريد الله ماياخذك ويخلصني لو الكبر ياخذ الزين والعارات ضالة
مازن :هبه تعرفين وين
قمر :وين يعنييي
مازن :ههه تتونس وي داعش
ضربتة راشدي على كد حركة كلبي
قمر : تحب تنهان معلم نسوان وزلم تهين بيك وكل خير مابيك حرام تسمى زلمة عار على الزلم
رجعت للبيت واني احجي واغلط مخليت كلمة محجيتها وصلت للبيت
ام قمر :شبيَ وجهج احمر
قمر :من الضيم حقه يصير ازرك مو بس احمر
ام قمر :شبيج ماما
قمر :هذا مازن الحقير يكولي هبه تتونس ويَ داعش حرك كلبي ان شاء الله يحترك بنار جهنم
ام قمر: لا حول ولا قوة الا بالله روحي اصعدي بدلي ملابسج ومعليج بيَ هذا واحد زايحته الكاع
مرت ايام واني احس هبه عايشة وياي ودوام متعب واني بسرعة اتعب
هبه ماكو الكُل اقتنع انُ هبه خلص ماتت
نهاية ٢٠١٥ اخر ايام السنة اجه شخص سأل على بيت خالي منو هذا الشخص وشنو يريد بالضبط ماعرفنا لكن اجهه سئل وبعدهي اختفى ابد مابين
حاول خالي انُ يعرفة منو لكن كان غريب محد يعرفة فقط سأل عن بيتهم وين مكانة بالضبط وهاي هيَ
مازن : شيريد هذا خاف عنده شيء
ابو هبه :والله مادري صدموني من كالوا وابين غريب حتى مو من بغداد
ام هبه :شدراك مو من بغداد
ابو هبه : لهجته تختلف هيج سمعت
ام هبه :بلكت الله خبر بيّ خير
مازن : خاف هبه عايشه وراح ترجع
ابو هبه : ياسواد وجهي اذا رجعت
انصدمت من كلام خالي
هند :ليش ياسواد وجهك شبيها هبه حتى يسود وجهك
ابو هبه :اختج راح يصيرلها سنة غايبة وين جانت
هند :اذا فعلًا عايشة تجي ونفتهم اكو شي اسمة تفاهم وشي اسمة عقل نفكر بيَ على شنو ياسواد الوجهه
سكت خالي وانسد الموضوع لكن بعد فترة قصيرة رجع نفس الشخص سأل عن خالي شخصيًا هنا دخل تحقيق منو انتَ وليش تسئل عنهم بالضبط
كان ملثم ولابسة نضارة ولابس كله اسود اني اباوعلهم من فوك اني وهند وساره ورياهم
ابو هبه :منو انتَ وليش تسئل عليه وعلى بيتي
بدون ميحجي شخط السيارة وطلع هنا خالي راد ينجلط تصرفه استفزازي
ضلوا يبحثون ويدورون رادوا شي عنه ماكو حتى رقم بالسيارة ماكو شافوا بالكاميرات ماكو ومببين شي منه وهاي المره من اجهه حتى محجه ويَ خالي ماعرفنا شنو بس اللي عرفتهه دخلهم رعب وخاصة مازن دخل رعب مو طبيعي
بيوم يم بيت خالي اندك الباب
...............................
شكرا لزيارتكم عالم روايات سكيرهوم
