رواية بيت المطلقات الفصل التاسع بقلم جمانه السعيدي
دنيا قررت افتح الموضوع ويه امي واشوف رائيه شنو
اني مااكدر اخطي اي خطوه بدون علمه
هي أكبر مني وتفتهم
ولي راح تكول علي اسوي
بليل كتله اريد احجي وياج موضوع مهم تعاي بلغرفه الثانيه لان جهال غفران يبجون وكلشي مانسمع
رحنا للغرفه الثانيه
دنيا اكو موضوع اريد احجي وياج بي ولي تكولين علي يصير
امي كولي
دنيا اكو ولد ويانه للمستشفى ممرض مخلص كلية تمريض خوش ولد وسمعته طيبه
واني ماشايفه على شي موزين يريد يتقدملي
امي ولله يايمه بهاي الدنيا كمنا مانعرف الزين من الشين
دنيا اني مامنطيته وجه وكتله لمن اكول الامي يله
صارله فتره يلح عليه بموضوع الخطوبه
هو ماطلب مني علاقه يريد خطوبه كبل
امي انتي تعرفينه زين
دنيا شمعرفني اشوفه بلدوام هلكم ساعه وبس
امي خل يجي اريد احجي وياااا واني اقرر
انطي موعد باجر العصر انتضره
دنيا تمام
جمانه السعيدي
حسيت امي خايفه ماتريد يكون اختياري غلط وواكع بحفرة الطلاك مثلهن
حقه اني اخر امل اله بيهن
ثاني يوم بس شافني الصبح اجاني
وليد صباح الخير
دنيا صباح النور
.... حجيتي ويه امج
...اي وتريد تشوفك وتحجي وياك قبل كلشي
...تمام اي ساعه اجيكم
...العصر الساعه ٤ تكدر تشرفنا
بقه طول النهار يباوع عليه ويبتسم مو عبالك موعد ويه امي لا عبالك اخذ الموافقه مني
مااخفي عليكم كنت خايفه امي تسمعه كلام موحلو ويعوفني
كلامه الحلوه وإصرار خلاني اتعلق بي واحبه
طبعا حالتي حالة هواي بنات مايلكن محنه وحب من اهلهن
ومن يصادفن اي احد يبادر ويحجي وياهن كلام حلو يتعلقن بي بسرعه
لازم الاهل يبقون يسمعون أطفالهم كلام حلوووو
حتى تصير عدهم مناعه ضد الوحوش بهذا الزمن
المهم انطيته العنوان واجه البيتنا
امي كعدت يمه واني رحت اجيب الضيافه
الصراحه شكد انقهرت ماعدنا رجال يكعد يمه
اني فهمته احنا بس بنات وامي منفصله
وابوي مزوج وعايش حياته بعيد عنا
وماله شغل بينا
امي بلبدايه سئلته شمخلص ووين ساكن
وليد اني ساكن ويه امي واخوي عازب ومتخرج قبل سنتين بس كنت من الاوائل
امي ليش لسه مازوجت
وليد ادور على بنت الحلال المناسبه
امي ليش دنيا مو غيره كدامك هواي بنات
وليد دنيا مختلفه حسيته جديه وماعدها علاقات ملعبه ابد
امي ليش ماتكون وحدكم
وليد اني مشتري قطعه يم اهلي وناوي اسحب قرض وابنيه ونستقربيه
امي اني راح اوافق على عقد شيخ وبس والزواج بعد سنه
وليد استغربت ليش سنه هواي سنه
امي احسن تقربون من بعض وواحد يعرف اخلاق الثاني
الزواج عشرت عمر مو يوم لو يومين
هذا الوقت كافي حتى تعرفون بعض
اذا تفاهمتو تزوجون واذا ماصار تفاهم
كلمن يروح بطريقه
وحتى تكدر تبني بيتكم
وليد انشاء الله
جمانه السعيدي
امي عندي اتلث بنات غيره تدمر مستقبلهن بسبب زواجات
فاشله ابوهن غصبن عليهن يزوجن مو برضاتهن
وليد انشاء الله راح اكون عد حسن ضنكم
اني مو من هاي الشباب الي ملعبه
وماادور علاقات لذالك اول ماحجيت ويه دنيا
طلبته للزواج كبل
امي خلاص تكدر تحدد الموعد الي يناسبك للمهر
واحنا جاهزين
وليد انشاء الله اتفق ويه الاهل وارجعلكم خبر
طلع وليد واني كنت مستغربه من حجي امي
دنيا ليش سنه ناجل الزواج هواي
امي حتى نعرف اخلاقه زين
دنيا بس اني اعرفه بلمستشفى خوش انسان
امي المستشفى شي والحياة شي ثاني
لمن تعاشربنه راح تعرفين اخلاقه على حقيقته
اريدج تختارين صح البيت بعد مايتحمل فشل جديد ومطلقه جديده
دنيا لا تقارنيين وليد بهاي الناس الهمج الي عرفناهم
امي وانتي شمدريج ماعاشرتي وعرفتي زبن
دنيا خلاص هسه تشوفين اخلاقه وتكولين خل يسرع الزواج
امي اتمنى اي ولله اتمنى تكونين سعيده بحياتج
ثاني يوم وليد كال المهر خلي يوم الجمعه
دنياا تمام
وليد اني مااكدر ادفع مهر عالي لان اريد ابني بيتنا
راح نمشي أمورنا هسه بشي قليل
ومن يكمل بيتنا اشتريلج كلشي بنفسج
وصلت خبر الامي بلبداية ماقبلت بس لان حست اني متمسكه بي واحبه ماحبت تحكم علي
تريدني اعيش التجربه واني اقرر
وكالت تمام وبدينا نرتب ونحضر ونستعد
اول مناسبه سعيده بيتنا تصير
يوم الخميس طلبنا اجازه ورحنا نشتري الذهب
اني الصراحه مايهمني اله ذهب هواي
اي شي رمزي
اشترالي حلقه ومحبس وكلاده بس مو كلش ثكيلات
امي ماعلقت بس حسيته ضاجت
وانطاني مبلغ رمزي كال اشتري فستان
اني ماكلت الامي على المبلغ لان قليل كملته مني
واشتريت فستان وحجزت بلصالون
وكتله هو انطاني
ولله انحرجت اطلب منه بعد فلوس
الصبح الجمعه اتصل وكال اني ماعازم هواي ناس بس اهلي
وبيت عمي لا تنخبصون
اني بشرتي بيضه وناعمه وملامحي حلوه يكولون اشبه اساور عزت هم جسمي ناعم مثل جسمه
لبست فستان سمائي منفوش وشعري ام الصالون رفعت نص وبرمت النص الثاني
طلعت كلش حلوووه
الحفله رغم بساطته كانت حلوه عقدنا ولبسني الذهب
جمانه السعيدي
من المستشفى اني عزمت بس ثنيين بنات
وهو عزم ولد أصدقائه كم واحد
خلصت الحفله وبقينا ناخذ صور اني وياااا
كنت فرحانه بي بشكل موطبيعي
يمكن لان اني اختاريته ومانجبرت عليه
احس نفسي كبرت واكدر اعتمد على نفسي
بقه للعشى يمنا وبعدين راح كنت سعيده
لا مو سعيده طايره ن الفرح
ثاني يوم كل بنات المستشفى زعلانات ليش ماعزمتينا ليش
ماندري
كتلهم اعزمكم بلعرس انشاء الله
حسيت وليد فرحان اكثر مني
وين مااروح يجي وراي والبنات نصابات عليه
اجا وليد اجا زوجج
وليد ذني شبيهن
هنا مراح ناخذ راحتنا بلكلام اجيكم للبيت ونحجي براحتنا
رجعت البيت وحضرت كيك وعصير وسبحت وبدلت
وبقيت انتضره
اجا العصر وكعدنا نسولف وعزمنا للعشى وبقا عدنا تعشى وراح
ثاني يوم هم اجانا وكمنا نسولف باجراءات الزواج
وليد مادام راح يتاجل زواجنا سنه لتشترين هسه ملابس
خليهن من يقرب العرس
اني منتضر سلفه تطلعلي اخلي بيه اساس البيت
واذا بقه منه فلوس انطبج تشترين ملابس
دنيا لا مايحتاج اني راح اجهز نفسي من راتبي شويه
شويه كل شهر اشتري حاجه
هواي وقت بعد
عليمن مستعجله اصلا يوميه يدخل موديل جديد
وليد تمام عفيه حبيبتي وكرصني من خدي
دنيااا لازم نتعاون حتى نكدر نبني بيتنا ونكمله
اذا بدينا بي هسه يكمل خلال سنه
وليد راح اشوف شركة مقاولات واسلمهم القطعه
والسلفه انطيه مقدمه حتى يباشرون بلبناء
شنو رائيج
دنياااا اي خوش فكره
وليد بس مراح اكدر اشتري اي شي الراتب راح يروح للبناء
دنيا واني ماطالبه منك اي شي
اني اجهز نفسي شويه شويه
وليد اتفقنا يااحلى دنياااا ياربي الحمد والشكر انطيتني هاي البنيه الحلوه
وفعلا مااخذت منه ولا فلس كنت اقسم الراتب نص الامي
ونص اشتري الأشياء الي محتاجتهن
وادفع فلوس الخط يعني اجهز نفسي شويه شويه
امتحنت ايمان سادس اول سنه رسبت لان تاركه صار هواي وثاني سنه نجحت وطلعت معدل بالسبعين
اني اعتبره مجاهده كلش زين وطلعت هيج معدل
وسميه بعد سنه وتخلص معهد تمريض
شكرا لزيارتكم عالم روايات سكيرهوم
