رواية اغفري لي الفصل التاسع بقلم أوتار حزينة
نزيف القلب
مو دم أحمر،،،،،ولا جرح يبين على الجلد
هو صمت ثقيل، ،،،،يسكن صدرك
هو وجع يوجعك وانت تضحك
هو نبضة تحسها تكسر ضلعك
كل ما تذكرت
نزيف القلب يجي من خيبه
من كلمه ما كنت تتوقعها
من ظهر استندت عليه
ومال فجأة
ينزف قلبك وانت ساكت
تنام ودموعك على خدك
وتصحى الصبح وكأن شي ما صار
بس جواك حرب
صوتها عالي
بس محد يسمعه غيرك
نزيف القلب
لما تمشي بالمكان اللي كانوا وياك فيه
وتشوف الطيف،،،،، بس ما تقدر تلمسه
تضحك على الذكرى
وتبجي بعدها
ليلى
كملت دوام ،،،واخذت اجازه لان هالاسبوع
غاده تزوج وردت اوكف وياها بهل
الايام السوده
صعدت سيارتي حركت ومشيت نفس كل يوم
هم عشت بدوامه الذكريات بين ذكرى
ووجع واصوات تصرخ براسي
لحظه صمت بيني وبين روحي
ونظرة تايهه للكلشي محيط بيه
اسال نفسي
ليش صاار هيج
ليش كلشي انتهى قبل لايبدي
ليش الحلم انكسر وهو بعده ماصار
ليش الفرحه ماكملت
والدمعه سبقت
الضحكه
لو جان صادگ جان ظل ما صدك الشافته
عيونه جان كذبه گلبه و عرف اني منو
وشلون احبه
ولو حبني مثل ماكال وحجه
جان ماخلاني اعيش النهايه واني بعدني
بالبدايه
جنت متوقعه اشوفه من اطلع بس ماشفته
وجنت اتمنى يجي واخلي عيوني بعيونه
واضحك علي واكله
«،،،ها ماعرفت
يصفن بعيوني ويسال
«،،،،شنو الي عرفته
ابتسم باستهزاء وارد
«،،،يا بعدك ماعرفت
جنت اريده يعرف حتى يحترگ گدام عيوني مثل ماحرگني بنار لحد هسه ماجاي تطفى
وصلت اشاره ضوئيه وكفت
احس عيونه جاي
تراقبني
حركت من صارت خضره ومشيت كم خطوة
سيارة كسرت عليه وخلتني
اروح للرصيف
نزلت من شفت ،،،، اثنين نزلو من سيارتهم
مبتسمين عرفت تقصدو هالشي
واحد كال
«،،،اسف بدون قصد صار هالشي
نترت بي
«،،،،لا بله صدك تحجي
«،،،اي والله شبيج تره مو متقصد واسالي
صديقي
روحي جانت بخمشي من وره غاده ومن
قائد الي الدنيا خلته كدامي
مرة ثانيه جاوبته بعصبيه
«،،،اذاا انت مااتعرف تسوق ليش صاعد
سياره
ضحك ورد
«،،،على كيفج وي روحج تره العصبيه مو
حلوة عليج
«،،،اكلك ليش ماتنجب وتولي منا
باوع على صديقه وكله
«،،،هم حلوة وهم عصبيه
سياره دكت هورن بقوه ووكفت وره سيارتهم
گلبي فز من شفته هو يباوع عليهم
بنفس ذيج النظرات
الجنت اخاف منها
«،،،هذا شبي مو اكو طريق ماايولي بي
الولد حجه ورجع دگ هورن ولح
دوريه اجت من شافوها تحركو من يمي
وراحو عيوني ظلت علي حرگ
وراهم بدون مايباوع
عليه
اجت ليمي نزل ضابط اجه
ليمي سأل
«،،،اختي صاير شي
«،،،لاا
«،،،تحركي لعد اذا ماكو شي
رجعت لسيارتي صعدت اريد اشغل مااكدر
ايدي ترجف لان شفته مرة ثانيه كدامي
لميت ايدي بحظنه اريد اهدي
روحي
شغلت وره لحظه مشيت دموعي
تنزل اردد
جان ورايه اي واحساسي بي ماجذب بعدني
احس بي من يريد يجي واعرف هو
بالباب
قائد
شفت الصار وغيرتي شالتني عليها مثل الاول
بدون وعي تصرفت لان،،،،گلبي وعقلي بس
يشوفها يكومون يمشون بامرها يريدون
رضاها ويخافون عليها من الهوه
لو طخ خدها
حرب صارت جوه راسي رددت بغضب
«،،ليش هيج سويت ليش هم اخذتك
الغيره عليها وشوفتها روحك
اسكت ووصوت گلبي وعقلي
يجاوبني
«،،،تظل عرضنا شماا سوت
دگيت راسي بالگشن ارددد
«،،،اااخ مني ومن گلبي الي بعده يحبها
ومن عقلي الي ماايقبل
ينسى
شفت روحي امشي بشارعهم من بعيد
لمحتها تحجي وي واحد بالباب
مشيت بخطوات واسعه
جان مبتسم وعيونه
مركزه بوجهها
شافتني رجعت ليوره
كلت بنتره
«،،،تفضل رايد شي
«،،،ها لا بس توهمت عبالي بيت ابو عمر
«،،،لا مو بيته
من شاف خلقتي وونبره صوتي اعتذر
وراح
طبيت جانت بعدها وره الباب
صحت بغضب
«،،،ااني جم مرة كايلج اذا يندك الباب انتي
لاتفتحي
«،،،ماما بالحمام وعبالي انت من اندك
«،،مااتعرفين اادكولين منو
«،،،هاي شبيك قائد تصيح تره الولد ماسوه
شي سال سؤال وجاوبته
«،،،ااسمعي ولج
من نترت بيها مشت من يمي بسرعه
گضبتها من زندها صحت
«،،،موو جااي احجي وياج
«،،،،انت شتريد نتعارك
ردت بزعل وعيون مغوركه جان زعلها
ثگيل عندي بردت وكلت
«،،،اغاار ولج اغار عليج افهمي هالشي
انتي حلوه والعيون من تشوفج
تصفن بخلقه ربي الحلوة
ابتسمت وردت
«،،،خلي يباعون اني عيوني ماتشوف غير
حبيب گلبي استاذي الحلو
وين صار هالكلام وشنو الي تغير جانت
تحبني بجنون شفتها بين ايدي
شلون جانت تصير
تضيع وتضعيني
وياها
بس ااخ طلع مو بس حظني لمها لاا
حظن مهند وشفتها بعيوني
بحظنه
گلبي نغزني والنفس ضاگ وكفت على صفحه
خليت راسي على الستيرن اون
من الشفته بذاك اليوم
جنت عبالي بس اني الي حظنتها وبستها
بس لااا طلع غيره هم دفى بحظنها
وضاك الشفه
ليلى
مااعرف شلون وصلت لبيتنا شفت روحي
يمه،،،،،،صافنه على بيت غاده
وعلى الشفته منا اليوم
نزلت اجر برجليه ودموعي تنزل ماامسحها
رحت للمطبخ طبيت ماما من شافتني
فزت من مكانها وسالت
«،،،،شبيج صاير شي غاده بيها شي
انهاريت وكمت ابجي بقوه رحت
لحظنها صاحت
«،،،ولج احجي صاير شي بيج بالبنيه
ماكو رد ،،،،، ابجي واشهك واريد واحد
يفهمني الشفته منه شنو وليش
اجه من شافني واكعه
بمشكله
ماما وخرتني مسحت دموعي بايدها
تردد بخوف
«،،،ليلى بس كولي شبيج احد وياج
غاده بيها شي
«،،ااني اريد بس اعرف شي واحد هو شلون
صدك الشافه شلون صدك اني
اكدر اخونه
صفنت عليه كملت بشهكه
«،،شفت خوفه عليه وشلون جان يحبني
وجان المفروض يعرف اني شنو
ومايصدك السووه بينا
عيونها غوركت ودموعها نزلت كلت واحس
بروحي ضعت من شفت منه
هالشي
«،،،وبعده يخاف عليه بعده ماما شفته اجه
عليه من ذوله تحارشو بيه ويريد
بس ياكلهم بعيونه
«،،،ولج شكاعد تحجين منو الي اجه
«،،،قاائد
فكت عيونها وصاحت بذهول
«،،،منوو
«،،رجع الي ذبحني وخلاني خمس سنين ابجي
دم من ورة ظلمه وظلم غيره
ماما انصدمت وسالت
«،،ولج شنو اجه عليج يعني عرف بالصار
«،،،لااا
جاوبت وكملت بدموع
«،،،ماعرف لان جان يباوع عليه بقسوه وحقد
سكتت من شهكت وكملت
«،،،بعده ماما ماعرف هو جان اكبر ظالم اليه
والصار كلها لعبه من سهام واخوها
حتى يفرقونا واحد عن اللخ
«،،،،ياربي هذا شجابه وليش رجع
ماما حجت بقهر وخوف عرفت خافت عليه
لان رجع وشفته سالت
«،،،وين شفتي
«،،،،،،بالمستشفى
«،،،شنوووو يعني جان جاي عليج
«،،،،لااا جان جاي وي واحد ايده متأذيه
وشافني
«،،،حجه شي وياج كولي ماما حتى نعرف
نصرف ويا
هزيت راسي بلاا وجاوبتها
«،،،لاا بس جانت نظراته حاقده ويخزر
بيه
«،،،هذا ماعرف اي بس شلون يعني ماراح
لاهله اخوته ماحجو شي اله زين رباب خابرتني بارحه وما كالت هو رجع
ماما سكتت بعدين كملت
«،،،هاي ماكالت خاف لاانقهر اني وياج
اي ماكو غير هالشي واكيد محد حجه اله
لان يخافون منه ومن ردة فعله
يعرفو مخبل وراح يسوي
شي جبير لو عرف
ذولاك شسوه
بي وبيج
كلت اكيد هيج صار لان لو عرف هو انضحك
علي جان حرك الدنيا فوك راسهم
وجنت اريده يعرف هو شسوه بيه
وشلون ظلمني حتى يبرد
گلبي بي وبيهم
غاده
اليوم العرس مالتي او جنازتي لهذا الي دمر
اليه حياتي وخله دمعتي بعيوني
الكل يمي اهلي ليلى امها بس
اني جنت وحيده مااسمع صوتهم ولا
اشوفهم بصورة واضحه
بس صورة معتصم براسي وصوته يرن
باذني وحواري ويا بيوم المهر
ايد لزمتني باوعت الها
بعدين رفعت راسي
جانت ليلى العيون مغوركه والحزن
بوجهها كالت
«،،،يله خلي نروح
جنت بالصالون مااعرف شلون اجيت ولا اعرف
شصار بهل الايام اهلي جهزو كلشي
بسرعه مثل واحد يريد
يخلص من واحد
اتحرك بايدهم مثل اللعابه لا حس ولا كلام
ولا اعترضت على اي شي رادو
يسوه اليه امشي واحس
بروحي رايحه برجليه
للموت
خايفه ومرعوبه من الي راح يصير بيه
من اصير بايد هذا الحيوان
الي دك رجل ورادني
بدل زهره
مجرد مااتخيل صورته بعيوني جسمي يكزبر
وااتمنى الموت يجيني من الله
بهل اللحظه بدون مااني
اروح اله برجليه
واموت كافره
كعدت راسي يفتر ودايخه لان من صار بيه
الصار كمت مااكل ولا اشتهي
اخلي شي بحلكي ضعفت
ووزني صار النص
كمت اتخربط وينزل ضغطي كلش وليلى
تخلي اليه مغذي وصلت مرحله افقد وعي
اكعد مبلل بالمي وماما يمي وخواتي
يبجن عليه بس هذا كله ماخله بابا يترجع عن
قراره جان يريد بس يخلص معاذ
من ذوله الجانو يريدون
دمه والي شفتهم من وصلنا تارسين
شارعنا وواكفين يم
بيتنا
لزمت ايد ليلى بقوه وجسمي كام يرجف
كالت
«،،،لاتخافين اني يمج
كلت وي نفسي
«،،،زين واذا ظليت وحدي ويا منو راح
يخلصني منه ومن الي راح يسوي بيه
من بعيد شفته ميزته
من طوله وضخامته جان منطينه ظهره واحد
حجه ويا من اندار نزلت راسي
بسرعه حتى مااشوف
خلقته
«،،،ساعه السوده من شفناك يبو وجه الاسود
انت وبنت عمك الدايحه
مريم كالت هالكلام بحقد ابن عمي رد
«،،،،ااسكتي وخلي هذا اليوم يعدي على خير
شوفيهم شلون متحزمين بالسلاح
لايرحون يسمعون كلمه من
عدنا وذيج الساعه
معاذ يروح من
ايدينا
«،،،هو شدمرنا ودمر غاده غير معاذ
هيفاء ردت بقهر ماحجه شي وكف السياره يم
بيتنا مريم نزلت فتحت
الباب تاخرت من وره البدله
فزيت ورجعت ليوره
من سمعت صوته
يحجي بعصبيه
«،،،فضيهااا عاد وانزلي
الكل جان واكف من اهلي واهله وسمعوا
«،،،هسه تنزل بس اانت وخر
ليلى نترت بي وكملت وياي
«،،،انزلي على كيفج
نزلت من السياره من وكفت دخت
لزمتني هي،،،، ومريم دست على روحي
وطبيت لبيت اهلي اخذوني للاستقبال طبيت
منزله راسي كم وحده كامت تهلهل صارت
براسي صراخ ميت
كعدت خواتي وخرن الگاب رفعت راسي
شفت اهلنا كلهم جايين والجيران
اهله جانو صافنين عليه
وبده الهمس بينهم
ماطولت يم اهلي لان دزو راح يطب العريس
حتى نزفكم جان عندي امل اخير بابا يدخل
ويرفض اروح بذنب اخويه
هو معتصم اي واحد منهم يجي ويخلصني
من الموت الي واكف بره وينتضر
ياخذ انتقامه مني
بس محد اخذته الغيره عليه كلها اختفت
من يمي وسلموني للجلاد
بسهوله
سمعت هلاهل وكالو
«،،،راح يجي ابو جمرة
بذيج اللحظه عرفت أني صرت وحيدة
والكل تخلى عني وما بقى غيري
اني لنفسي
من فهمت هالشي
نزل عليه شعور بارد بس جان
برد الخذلان
ودمعتي
وكفت بعيوني
ما نزلت عاندت من شافت عنادي
شويه شويه رجعت لنفسي
القديمه الي ماتخاف احد
عبالك واحد رفع راسي الجنت منزلته خجل من
عيون الناس ونظراتهم باوعت بعيون
غير بعيون مجروحه
صح بس اقوى
طب العيون صارت علي بس هو جانت
عيونه عليه بنفس النظرات
الحاقده
شفت وجهه الي شفته بذاك اليوم
وصرخت رعب من وراه بس ماصرخت
خزرته بنفس النظرات الملامح
تغيرت وزادت
قسوه
مره جببرة راحت اله لزمته دار
وجهه عليها مااعرف شحجت ويا هز
راسه وبعدين باوع عليه سمعت بجي ماما
وخواتي وجانن كلهن واكفات
يمي اجه بخطوات
سريعه نتر
«،،،،يله فضوها
ماما حظتني وصوت بجيها صار عالي
ماحظنتها ولا نزلت دمعتي
«،،،،يله يمه امشي
صوت الحجيه حجه ولزمتني
ماما وخرت وحجت منهاره
«،،،حجيه مااوصيج بيها مااريده يأذيها
ردت بصوت ناصي
«،،،لاتشيلين همها انه ماراح اخلي احد يأذيها
«،،،يله يمه تاخرنا على الاوادم
حجت هيج ،،وايد لزمتني بقوه من زندي
جان هو سحبتها منه نزل
راسه وحجه يم
اذني بغضب
«،،،اامشي وولاتخليني ارجع بچلمتي
واروحن اخلي طلقه
براس اخوج
غمضت عيوني بقوه هو محد كسر
ظهري غير اخويه
مشيت ويا وطلعت من بيت اهلي الرمي
اشتغل ووياها هوسات اهله
وكفت يم سياره
عاليه فتح
الباب بقوه نتر
«،،،صعدوها بسرعه
حمزه
كلت هالكلام ورحت صعدت ليكدام
خواتها ساعدنها بس كعدت
ووخرن حركت
اشوف اهلي حركو الجو بالرمي جنت
اريدن بس اطلع من هالمكان
الجنت اشوفنه مچان
نگس لان بي
ابنهم
واحد من الولد كسر عليه صحت باعصاب
«،،،ووخر من طيح الله حظك وحظ
الساعه الي اخذت بيها
وحده بعار بنتنا
غاده
كعدت يمه
بس جسد
ميت بلا أحساس
ولا حتى خوف
جنت يمه
بس مو اني
جسمي قريب منه
وروحي واكفه بعيد تباوع عليه
الخوف
صار شعور باهت واليمي
صار مايخوف لان كلشي مات بيه
كلت
شيريد يسوي بيه يكسرني هو كسرني
من خطفني
يذلني هو ذلني من اخذني بذنب اخويه
ودك رجل يم الشيوخ وكال
هاي بهاي
سمعته شحجه وكمل
«،،،،كلجن عااار ومايجي من وراجن غير
بس الاذيه وسواد الوجهه
وكف يم اشاره ضوئيه هوسه وازدحام
«،،،،ماراح تفض اليوم
ردد باعصاب الكاب زحف ليوره صاح
«،،،،غطي روحج لو عاجبج الناس تتفرج
عليج اي مو انتو ماتعرفون شلون العرض غالي تايه شرفكم من سوالف اخوج الگواد
مادرت بال ولبسته بلحظه مد ايده
وجره بقوه على وجهي دفعت
ايده وخزرته
«،،،عيونج ولج االا افكسهن الج
هورن دك حرك يردد
«،،،هينه ولج اذا مااكسرهن الج انه مو ابو
جمرة
«،،،شترريد تسوي سوي ماراح يصير
اسؤ من الشفته منك ومن
خلقتك الزفره
جاوبته بغضب دار وجهه عليه صاير
نار جاوب بهدؤ يخوف
«،،،نوصل واخليج تشوفين الاسؤ
ماجاوبت دموعي الجنت كاتمتهن نزلت
وشهكاتي علت هو بعد ماحجه
شي
وصلنا منطقه زارعيه كلها نخل
طب من بوابه جبيره ومشى بشارع كله اشجار
دنيا ليل بس اشوف اضويه بينت
من بعيد كم خطوه شفت
سيارات هوايه واكفه يم بيت جبير
بنص بستان
صار رمي من عدهم وكف سيارته قريب
من البيت نزل واجه عليه خواتي
جانن وياي هيفاء ومريم
وخالتي وياهن
ليلى مااجت لان خاله ندى ماقبلت
خافت عليها من عدهم
«،،،نزلوها وطبو بسرعه
نتر بخواتي
طبيت وياهن لاستقبال جبيره كلش
بنص نسوان والحجيه كامن يهلهلن كعدوني
بيها خواتي كعدن يمي حالهن
حال دمعتهن تنزل
وكل ساع يمسحنها
مثل بيتنا العيون اكلتني وظلو بس صافنين
عليه
خالتي كعدت يم الحجيه تحجي وياها ومبين
عليها القهر
ماكعدت هوايه وكالو يله امشي لغرفتج
عبالك كالو امشي ندفنج
وياريت ميته وبهل اليوم اندفنت بالگبر
مشيت اجر برجليه اشوف نفسي بين ايده
وجاي ينتقم مني بقسوة وحقد
ياخذ انتقامه ويبرد گلبه باخويه ويكسر
عينه
وكفت بنص غرفه بس ماشفت اي
شي من تفاصيلها ولا ركزت باي
شي منها
«،،،غاده سلمي روحج بدون مقاومه
حتى لااتتاذين
سمعت صوت مريم وهي تبجي هيفاء
كملت
«،،،سمعتي لاتقاومي لا يروح يأذيج
خالتي ماجان عدها اي كلام بس الدموع
الباب انفتح طبت الحجيه وياها هو
من شفته انداريت وانطيته
ظهري لزمت بدلتي
بقوه اريد اخفي رجفه جسمي
هي حجت
«،،،يله يمه خلوهم وحدهم
خواتي اجني حظنني يبجن بس ماحجن
شي طلعن من يمي هن وخالتي
بعد ما بوستني
«،،،يبو جمرة هل هل الله بالبنيه هي
مالها ذنب بالصار
سمعت الحجيه حجت وكملت
«،،،هي امانه عندك طلعت بعد من بيت
اهلها وصارت حرمتك لاتاذيها
ولا تسوي بيها شي
مايرضي ربك
«،،،صار يمه
رد بروده هي اجت يمي وكالت
بملامح مقهوره وحزينة
«،،،مبروك يمه وشايفين كل الخير
بوستني ومشت من يمنا طلعت وسدت
الباب جنت بعدني منطيته
ظهري سمعته كال
«،،وانه ماراح اسوي غير الي يرضيني
والي يبرد نار گلبي
درت روحي علي شفته ذب البشت
من جتفه يباوع عليه بنفس النظرات الي
شفتها منه بذاك اليوم كلت
بدموع جامده
بعيوني
«،،،شنو ذنبي اني بالصار
«،،،ذنبج اخوج الي داس عرضنا
رد واجه عليه رجعت ليوره وصحت بي
«،،،لاااتلزمني
عثرت بدلتي ووكعت ليوره لزمني
من ايدي وجرني عليه بقوه الا دگيت
بصدره دفعته منه
وصحت
«،،،عوفني حيوان
شالني من خصري بقسوه وشمرني على
الجربايه وصاح
«،،،اليوم اشوفج الحيوان شراح يسوي
بيج
فزيت من مكاني من شفته ذب
الدشادشه سحبت روحي منها اجه بسرعه
لزمني وثبتني عليها صرخت
«،،،عووفني لاااتلزمني
صرخت وقاومته وضربته وهالشي خبله
وخلاه يتعامل وياي بقسوه
الباب اندك علينا اكثر من مرة ولا دار
بال ظل يريد يسوي الي يريده
مقاومتي اله مااستمرت لان تعبت
وحيلي راح راسي كام يفتر كلام
خواتي تردد بي
«،،،سلمي روحج لا يروح يأذيج
غمضت عيوني ولزمت الفراش بقوه
وره مشوار العذاب الجنت بي خلص
من كام من يمي
فزيت،،،،من ذب الغطه عليه سمعت يحجي
على اخويه ويفشر وراها الباب
انفتح وانسد وراها
الحجيه طبت عليه وراها مره عمرها
مثل عمر امي وجههن مخطوف
صحت بهستريا
«،،،ااطلعو ماااريد اشوف ااحد
ماطلعن اجن عليه جنت اغطي بروحي
واشهك بصوت قوي لزمني
صرخت
«،،،لااااحد يلزمني عووو
مااعرف شصار دخت وحسيت الدنيا
صارت ظلمه راسي ثگل كلش
غمضت عيوني وفقدت
الوعي
حمزة
طلعت بره بعد مااخذت البنت وكسرت عين
اخوها عمه بره هي وحبوبه
عم مهدي واكف مسافه
الوجه صاير دم
حبوبه وخرتني هي وعمه وطبن عليها مشيت
كم خطوه سمعتها تصرخ عمي هز
راسه بعدم رضى ومشى
للمجلس
مشيت الباب انفتح وعمه صرخت
«،،،وولجن جيبن مييي البنت مدري شبيها
درت وجهي عليها طلعت تركض للمطبخ
رجعت هي ومره ابن عمي جعفر
شايلات مي وبطل شربت
رجعت للغرفه سمعت عمه تحجي
وهي تبجي
«،،،كعدت يمه بس شوفي شمسوي بيها
«،،،،اااوف يمممه
حبوبه صرخت وكملت
«،،،شلتي ذنب غيرج ياالمكرودة وانتي لا ذنب
ولا صوج
كلت
«،،،،ذنبها برگبه اخوها الگواد هو الي بده
واندك بينا وهاي اخته
اخذتها وكسرتها وراح يبرد
گلبي من اشوف كسره
عينه بيها
جنات
كاعده بيتي يمي اختي كلت
بعيون مغوركه
«،،،بعد وين اروح دانيه هاي عاشر دكتورة اروح
الها وادكول مابيج شي ومثل الورد
وهو هم نفس الشي
«،،،،لعد ليش ماجاي يصير عدكم
«،،،مااعرف وراح اتخبل اذا اني زينه ومابيه
شي وهو هم ليش ماجاي يصير
عدني حمل
دمعتي نزلت كملت بقهر
«،،،شلون دانيه اخاف اظل هيج وانحرم من الطفل
«،،،لا يمعوده كولي الله هوايه مثلج تاخرن
بالحمل وبعدين صار
«،،طولت هوايه صارلي ست سنوات انتضر هالشي
ومجاي يصير
«،،،،الله كريم جنو بس كولي يالله وبلكي
يصير بهل الشهر والله نذرت الج طلي بس
يصير عندج
سكتت دمعتي بعيوني جهازها دك
كالت
«،،،اجه ناصر
«،،،ابقو يمي على العشه
«،،،،لا مااكدر لان يريد نروح لاهله عمي شويه
تعبان وكلي اجي اخذج من يمج
ونروح علي
«،،،مابي غير العافيه
«،،،،الله يعافيج
مشيت وياها للباب كالت قبل لاتطلع
«،،،لاتظلين تقهرين بروحج هو يصير وتلحكين
على دوخه الجهال شوفي حالي
اربع وعشرين ساعه
اركض وراهم
وراح اتخبل من وره وكاحتهم
سمعت صوت هورن كالت تضحك
«،،هااا رئيس العصابه دك هورن واكيد هسه
خبلوه
طلعت لرجلها سلمت علي راحو سديت
الباب سندت روحي علي
وكلت بقهر
«،،،،خلي يصير عندي بس طفل والله مااگول
تعبت ولا تخبلت لان الوحده
اني بيها هي الي راح
تخبلني
مشيت بخطوات ثكيله مقهورة وصايره فد مرة
طبيت لجوه صفنت على المطبخ كلشي
نظيف ويلمع ومرتب
الصاله هم وكل جزء بي يكول اني ام بيت
معدله ونظيفه
بس اني جنت اريد اشوف خربطه هنا وهناك
ملاعيب اطفال مشموره بالگاع
صياح اطفال يركضون
واحد وره اللخ
يجون عليه جوعانين ويريدون اكل اخذهم
للسوك واشتري الهم ملابس عيد
وافرح اني وياهم بي
انام وهم بحظني
ويكعدوني الصبح على كلمه
ماما
دموعي نزلت رحت كعدت وكمت ابجي
سمعت صوت حركه رفعت راسي
جان كريم واكف ويباوع
عليه الحزن بين
بعيونه وملامحه سال
«،،،ها نفس الشي كالته الج
هزيت راسي ورجعت ابجي ذب حسره
اجه ليمي كعد وحظن جتفي
كال
«،،كافي بجي راسج راح يوجعج
«،،،،شلون كريم نظل هيج
«،،،،شنسوي امر الله علينا
شهكت بدموعي ردد
«،،،كافي يمعوده تره البجي ماراح يسويلج
شي بس يتعب عيونج ويأذي راسج
«،،،شلون اذا ماصار نظل بلا طفل
ابتسم بوجهي ورد
«،،،شاسوي بي واني عندي انتي
الحنيه شفتها بعيونه لزم خدي وعيونه
افترت على وجهي ردد
«،،،اني ماردت من هاي الدنيا غير انتي
نزلت راسي اني ودموعي كمل
«،،،يولي مااريدج تنقهرين ولا تبجين
يريد يصير خلي يصير ماصار
انتي عندي طفلتي وزوجتي
وكل دنيتي الحلوه
«،،،واهلك كريم مو يريدون الك طفل انت تعرف
عمه كلما نروح عليهم تسمعني حجي
وهي جانت وياي يم اكثر من
دكتورة وسمعت منهن
اني مابيه شي
سكت وبعدين رد
«،،،هي ام وتعرفين گلب الام هم تريدني اصير
اب حالي حال اخوتي
«،،،واني هم اريد اصير ام حالي حال
خواتي بس
«،،،بس كافي وغيري الموضوع
رد يضحك وكمل
«،،،شنو رأيج نطلع نتعشه بره
«،،،ماالي خلك اطلع
«،،،لا لييش هيج تره اليوم مميز بالنسبه اليه
والج
صفنت علي سوه شكل حزين وكمل
«،،،اليوم عيد زواجنا
«،،،ياا صدك
«،،،اي عيني وناسيته مو
فشلت منه وجاوبت
«،،،تريد الصدك اي بس،والله من القهر
والتفكير كمت انسى هوايه
شغلات شلون فشله
ماجبتلك هديه
«،،،شاسوي بيها وانتي عندي اغلى هديه
رحت لحظنه من كال هالكلام حزينة واريد
هالحب اشوف ثمرته بطفل منه
باسني من راسي وكال
«،،،يله كومي بدلي خلي نطلع وهناك
بالمطعم انطيج هديتج
تمام
كمت ورحت لغرفتنا بدلت وكفت اخلي
مكياج كدام المرايه صفنت
على روحي شفت نفسي
بعمر العشرين وشلون واحد حب اللخ
وصارت قسمتنا تزوجت الانسان
الي گلبي حبه بجنون
وهو هم حبني مثل حبي اله بس
هالشي جان ناقصه طفل
يكمل فرحتنا
«،،،،لا طوخ يابنيه
ابتسمت وجاوبته من طب
«،،،،اعرف
اجه ليمي خله من عطره وفاح بالغرفه
صفنت علي بنفس ذيج
النظرات القديمه الكلها حب واعجاب
كريم طوله متوسط ومتروس
حنطاوي وعيونه
كبار
ابتسم من شافني صافنه علي سال
«،،،كبرت مو وطك الشيب باللحيه
«،،،لاا بعدك شباب وتخبل
حظن خصري وجابني علي عيونه تتفرس
بملامحي بشوگ وحب كال
«،،،وانتي هم تخبلين وصدگ من كال تشبهين
ليلى العطار لان ملامحج عراقيه
اصيله
«،،،،ترة كبرت والملامح تغيرت
«،،،،انتي ماتكبرين اني الجاي اكبر
رد يضحك وكمل
«،،،شوفي روحج شلون صايره تخبلين وكمت
اغار عليج بالثلاثين اكثر من جنتي
بالعشرين
سكتت كمل عيونه بعيوني
«،،،وبعدني اغار
حجه هيج وباسني من خدي طول ضحكت
وكلت
«،،،،اليوم ماراح نطلع
وخر يضحك وجاوب
«،،،،امشي تره الرومنسيه صعدت عندي
«،،،،ههه كملت يله خلي نروح
يمامه
كاعده بالمخزن الي جنا مسوي غرفه
النا اني واختي الحر كاتلنا والعرگ يكت من
جسمنا لان جان ماكو لا بنگه ولا
مبرده بيها
«،،،،يمامه حارة كلش ماجاي اكدر انام
«،،،،،شاسوي لابوج الترس الگواد الي نايم
على السبلت هو والزرگه مالته وعايفنا اني
وياج نايمين بهل االحر
«،،،ااسكتي لايسمعج
«،،،اوف ياقهر گلبي الموت احسن النا من
هالعيشه
سمعنا صوت الباب الخارجي انفتح
بقوه وانرگع وصوت قدوري
يغني
«،،،،هو العار شيخلف غير عارات
حجيت ومااشوفه غير يدفع الباب
علينا حنين فزت وكعدت صاح
«،،،وولج قندرة حنين وينج كومي افرشيلي
«،،،،اي هسه
كامت بسرعه مشت خايفه منه جان
بعده يم الباب ماتحرك ويباوع عليها بنظرات
وصخه مو مال اخ كمت وكلت
«،،،،حنين تعالي اني افرشله
اختي رجعت بسرعه وكفت يمي كلت
«،،،روح هسه اجي افرشلك
«،،،بسرررعه
صاح بيه وراح اختي لزمتني من ايدي
وكالت بخوف وهي ترجف
«،،،شفتي شلون جان يباوع عليه
«،،اي شفته ودربالج منه تره هذا واحد گواد
ماكو غيره براسه ساقط وعار
«،،،،يمامه هو شلون يباوع علينا هيج
مو احنا خواته
«،،،حنين اذا ابوج فرعون گواد شاد كرون
شيريد يطلع اخوج نبي الله يوسف
وانتي تعرفي هو من الصغر دايح
بالشوارع ومصادق
وين ماكو واحد ساقط يشرب ويگبسل
يعني الشرف صفر عنده
ماكو غيرة براسه
«،،،،نعاااال وينج مااتجين عاد لا اجي
العب بيج طوبه
«،،،،ااجيت
جاوبته ورحت للمطبخ اخذت سجين
مثل كل مره ،،، طبيت
ضامتها بردني فرشت
اله سال بعيون
حمر يجر
بالكلمه
«،،،اليوم الگيف فول بس ناقصه مره يمي
نزلت السجين بايدي وجاوبته
«،،،نام قدوري
بگلبي كملت
«،،،من نامت عليك طابوگه
«،،،ماادري انتن شلون توم وذيج احلى
منج جسمها متروس وعباالك
من ذني الي يرگصن
بالملاهي
روحي اشمئزت منه لان اخونا وكاعد يفصل
بجسمنا كلت بگلبي
«،،،عار شاريد احجي وياك
كمل
«،،،،بس انتي عيونج احلى من عيونها واگبر
طالعه لعيون امي صفر ويخبلن
من تعكس عليهن الشمس
«،،،الله يرحمها
جاوبته كمل
«،،،تعرفين سعيد راد حنين وكتله شكد تنطيني
وتاخذها
گلبي فز من الخوف وكتله بتوسل
«،،،،لاا قدوري لاتقبل هذا واحد ساقط انت
تعرفه موو يعني شلون تقبل
تنطي اختك وهو لا خلقه
ولا اخلاق وتعرف امه شنو هي
وخواته
تمدد يردد
«،،،،ماراح انطيها
فرحت بس فرحتي ماتت من كمل
«،،،الا ينطيني خمس ملايين كاش
بأيدي
حجه هيج وكام يشوخر
ردت اخلي السجين بگلبه من ورة السمعته
منه
«،،،،يمامه
انداريت من سمعت صوتها مشيت هي
وياي رحنا لغرفتنا كعدت هناك خايفه لا يسويها
وينطيها اله جنت اعرف هذا
ليش يريد اختي بحجه
الزواج يروح
يشغلها بالملاهي سالت
«،،،،يمامه شبيج
درت وجهي عليها جاوبت
«،،،،مابيه شي
«،،،اكلج ليش مانشتري بنكه بالفلوس الي
انطاها النا ذاك الشرطي من
دعمني
خليت ايدي على حلگها وكلت بصوت
ناصي
«،،،،ااش لايسمعوج
وخرت ايدي وكملت بنفس النبره
«،،،،مو كتلج هذني نضمهن لليوم الاسود
«،،،شيريد يصير يعني
صفنت عليها بقهر صح اني وياها توم
ونشابه كلش بس اني عيوني
صفر فاتح وهي سود جنت ضعيفه كلش
هي اسمن مني وعدها ملامح انثويه تجذب
العين الها جنت اخليها تلبس
عريض حتى تخفي
هالشي بس
هم ظلت حلوة بعيون الكل اني ذكيه
وقويه وشرسه لان تربيت بالشوارع وهي
صح وياي تربت بس جانت فقيره وعلى
نياتها كلش وبس تضحك بالوجه شكد
علمتها تغير من طبعها بس
ماتغيرت وظلت بنفس
الشي
«،،،تعرفين راح يصير عمرنا 17 بهل الشهر
رددت وي نفسي
«،،،،،ليش لعد اني احس عمري بالسبعين
واشوف نفسي عجوز وكبرت بسرعه
نامت على رجلي وكالت
«،،،،،حبابه فرگي راسي حتى انام
من صغرنا تعلمت هيج تسوي وظلينا
هيج من گبرنا غفت على رجلي
صافنه عليها وخايفه
عليها لا قدوري
يسويها وينطيها لهذا سعيد واني
اعرف شيريد منها
ليلى
مانمت ولا كدرت اغمض عيوني من ورة
غاده ومن ورة التفكير بيها خابرتها
ساعه وحده بليل دك مره ومرتين
وماجاوبت خفت كلش
عليها وكلت
«،،،،هذا اكيد اذاها
كتبت رساله
«،،،غاده ردي عليه تره ظل بالي عليج
ماقرتها انتظرت ساعه بس روحي طلعت
هم اتصلت جهازه طلع مغلق
دموعي نزلت وحسيت
هذا سوه الي جان
يريده
ردت اخابر مريم بس شفتها صعبه اسال
وهم الساعه جانت متاخره الفجر
طلع واني مو نايمه حسيت
بالتعب والارهاق
كلت خلي اروح اتمدد انتظر الصبح
يطلع واخابرها واذا ماردت اخابر مريم
لو هيفاء
تمددت بالفراش ومااعرف شلون نمت
فزيت من سمعت المنبه يدك
«،،،غااده
كلت اسمها جريت الجهاز من جوة المخده
اتصلت هم مغلق صحت
بخوف
«،،،ولج جااوبي مو گلبي راح يوكف
من الخوف عليج
كمت اروح واجي بالغرفه اتصل كله
مغلق خابرت اختها جاوبت
بصوت تعبان
«،،،،مريم شخبار غاده هذاا خوما ااذاها
«،،،اخذها واخذ ثاره من اخويه
جاوبتني وكامت تبجي كعدت والدمعه
نزلت جان عندي امل هو يرجع
لوعيه ومايظلمها بذنب
معاذ
«،،،هييي زينة
«،،،،،ماادري هسه راح نروح عليها
«،،،،مااخابرتوها
«،،،اتصلنا بارحه ماردت وبعدين قفلت جهازها
ماما خابرت الحجيه كالت
اخذها بس هي تخربطت
كمت بفزه وصحت
«،،،شنووو اكيد اذااها
«،،مانعرف ليلى بس اكيد هالحيوان اعتدى
عليها
سكتت وكعدت ابجي هي وياي تبجي
رددت
«،،،ليلى غاده قهرتني كلش وج لحد هسه
عقلي ماجاي يستوعب هي تطلكت من معتصم
وراحت لهذا ابو وجه الاسود
«،،،كله منه خطيتها برگبته هو ومعاذ
«،،،اي خطيتها برگبتهم ليوم الدين
«،،،شوكت تروحون عليها
«،،،بعد ساعتين
«،،،راح اجي وياكم
«،،،مو خاله ماتقبل
«،،،مااراح اكول الها رايح عبالها رايحه
للدوام
«،،،،مايصير ليلى خاف تزعل عليج وعلينا
اذا عرفت بينا اخذناج ويانا
«،،،ماعليج بيها تزعل صح بس،بعدين ترضى
«،،،،ماادري شحجي بس يله تعالي غاده
محتاجه الج
«،،،تمام من تطلعون خابريني اطلع وراكم
«،،،،اي
غاده
كعدت الدنيا تفتر بي وطنين باذني
عرفت صار عندي هبوط قوي وعيت شويه
شويه وشفت بايد الحجيه
جده زهره غسلت وجهي وهي تبجي وتردد
لييش هيج يمه ياحمزه شلون انطاك
گلبك تسوي هيج بالبنيه وشنهي
ذنبها بكل هذا الغير
اذنب وهي دفعته
من لحمها
«،،،،اسكتي يمه لايروح ويذبح زهره
سكتت من حجت المرة نفسها حجت وياي
«،،،،،هاج اشربي شربت
خلت يم حلگي كلاص شربته كله
لان جنت عطشانه وريگي يابس
الحجيه كالت
«،،،يمه رانيه روحي جيبي لگمه للخايبه اكيد
مااماگله شي من وره قهرها
«،،،،اي حبوبه هسه
«،،،كومي يمه خلي نبدل الج
سمعت ماحجيت شي ولا كدرت اتحرك
هن بدلن اليه واسمعهن يحجن
علي
كلت بصوت رايح واني اريد اختفي
من الوجود حتى محد يشوف
كسرتي والسوااه
بيه
«،،،،اريد انام
«،،،،لا يمه لاتنامين مو زين عليج اكلي لگمه
ونامي
«،،،،مااريد
«،،،لخاطري انه
مارديت
تمددت وغطيت راسي بالغطه اشهك
بصوت تعبان
«،،،يمه كومي وخليها ترتاح
«،،،وج مااكلت شي وخاف يصير بيها شي
«،،،اني راح اظل يمها واذا صار شي اجي
اكلج
سكتت بعدين كامت وكالت
بصوت حزين
«،،،ياربي والله مو راضي على الصار وخايفه
من حوبه هالبنت على حمزة وولدنا
ظليت ابجي اسمع عمته تهون عليه
الصار بصوت حنين ورة وين من التعب
والسواه بيه والهبوط الي
صار بيه عيوني ثگلت
ونمت مثل الواحد
الي فقد وعيه
على غفله
كعدت مااعرف ساعه بيش فزيت
من شفت المكان مو مكاني عقلي تشوش
وفصل للحظات بعدين
تذكرت الصار بيه
شفت نفسي بغرفه اخشابها جوزي طوخ
منظرها كئيب مثل وجهه ومابيها
اي روح
لميت رجلي وخليت وجهي عليهن
دموعي نزلت وكمت اشهك
بصوت مخنوك
الباب انفتح باوعت هو طب وكف يمه
رجعت ليوره وغطيت روحي
بالغطه سده واجه
باتجاهي الخلقه مگلوبه اكثر مو
گالبها ربي درت وجهي مااريد اشوفها
مشمئزه منه ومن وجودي ويا
حجه باستهزاء
«،،،،بعدج طيبه مامتي
مارديت كمل بنفس النبره
«،،،هسه اخوج مات من قهره
«،،،،انت مو بشر
جاوبته وباوعت عليه رد بغضب
«،،،،كولي حيوان حتى اشوفج مره ثانيه
شراح اسوي بيج
رديت بخزرة وعيوني تبجي
«،،،سويت وشفتك شتكدر تسوي
«،،،،،وراح ااسوي
قاطعني وكمل
«،،،وراح اسوي الاسؤ اذا ظليتي تحجين
وياي هيج وتخزرني بعيونج
هاي الگويه
«،،،،حسبي الله عليك يكون الله ياخذ حوبتي
منك انت وكل اهلك
«،،،،واخوج
رد يخزر بيه
سكتت كمل
«،،،،،واوخوج العار نسيتي مو هو سبب
وجودج هنا بغرفتي وسبب الصار بيج
بله اني حيوان مو متعلم
هو شبي مو دارس وفاهم
شلون ينهب بنت عمي
مجان يعرف هذا الشي راح يصير
من ورة مصايب
خلي نگول مافكر
بنفسه مافگر
بيجن انتن
خواته
ماردييت لان كلامه صح درت وجهي
منه كمل
«،،،،ها اشوفنج درتي وجهج مني
صحت بي
«،،،،،مااتحمل اشوف خلقتك هااي
سكت عرفت ضربت جرح كملت
«،،،،لو ميته ولا صايره الك الموت ارحم
اليه من شوفه وجهك الاسود
بلحظه صار يمي لزم وجهي بقوه
وجرني علي صرخت
«،،،،عووفني حيوو
لزم فگي وعصره بقسوه قرب وجهه
مني الا طخ نفسه بوجهي
غمضت ودموعي طفرت
صاح بصوت يخوف
«،،،عااايني عليه ولج
فتحت من ضغط على فكي بايد عبالك
من حديد عيونه بعيوني كال
جاز على سنونه
«،،،عيديها مرة ثانيه وشوفي شلون ماراح
اسوي الشي ااي اهلج باوعوج
من وره لخاطر يشترون
روح اخوج العار
سكت عيونه تتفرس بوحشيه بوجهي
كمل
«،،،جيله وحده براس اخوج تخليج تذكرين وجهي طول العمر وتخلي الاسود ثوبج
انتي واهلج
دفعني بقوه الا ضرب راسي بالجربايه
صاح
«،،،وهسه كوومي وحضرلي هدومي
راح للحمام فتح الباب نتر
«،،،بسرررعه تحركي
طب وسده بقوه الباب اندك طبت عمته
بنفس الملامح الحزينة درت وجهي منها
راحت للكنتور طلعت هدوم
وجابتهن اليه كالت
«،،،كومي يمه وجفي شره تره دمه حامي
وصعب كلش والصار من اخوج
خبله وخلاه يصير
هيج
«،،،ووينج ولج
صاح من جوة
«،،،،هيانها جبتهن الك
«،،،عمه اطلعي وخليها هي تخدمني
راحت للباب وكالت
«،،،يمه حمزة البنت تعبانه ومالها خلگ اخذهن
مني وهي مره ثانيه تحضر الك
كلشي
«،،،جيبيهن
نتر بيها اخذهن وسد الباب بقوه
اجت ليمي وكالت
«،،،اهلج راح يجون بعد شويه كالو نتصل
عليها ماترد
سمعت وماحجيت شي هي هم
بعد ماكالت شي طلعت من يمي وسدت
الباب درت وجهي اريد
اخذ جهازي من
الكومدي
انتبهت الدرج مفتوح واكو مسدس
بي صفنت علي والسواه بيه
بذاك اليوم وهاي
الليله والي صارلي الي من وراه
كله مر كدام عيوني لاراديا
مديت ايدي واخذته كمت من مكاني
وعبالك واحد كام يحجي
براسي
«،،،اقتلي غاده واخذي ثارج منه
محد راح يحاسبج لان هو اعتدى عليج
واثار السواه بيج ظاهره
بجسمج
طلع يحجي بعصبيه
«،،،،شووفي ولج اانه مااحجي الچلمه مرتين
اتعب ومن اتعب ااا
وكف من شافني موجهه السلاح
علي بس ماشفت بوجهه
ملامح خوف كلت
اخزر بي بحقد
«،،،،،صح العندي كلهم عارات بس اني
مو عار وثاري ،،،، هسه راح اخذه منك
واخليك تروح للگبر مچفن
بثوب عرسك
شكرا لزيارتكم عالم روايات سكيرهوم
