رواية نقطة تحول الفصل التاسع بقلم جمانه السعيدي
رجعنا البغداد بنفس اليوم شكد فرحت لان كدرت اغث زوجت بابا
طبعا عمتي تخابرهم كل يوم تطمن على وضع بابا
ورا اسبوع تقريبا اتفاجئت بعمتي تحجي بعصبيه بلتليفون
بس كلشي ما افتهمت
لمن خلصت المكالمه اتفاجئت ابوي متعارك ويه عمتي شلون تنخطب عبير واني ماعندي خبر
عمتي كامت اتصيح وتكله انت كلت اني ما اريدها وما ادخل بحياتها ابد وعندي ورقه موقع عليها انت وشهود ثنيين تثبت هذا الكلام
عبير ليش ما خليتني احجي ويااا اني
رجع ثاني يوم خابر طبعا هذا كله من زوجته اتحرض بي علينا
كتلتها الغير شلون احنا هيج عايشين ومتونسين ونلبس اخر موديل
محمد عبير تفسخ الخطوبه واني ازوجها بكيفي
بشرى انت تحجي صدك ليش هسه اذكرتها
واذا عزيزه عليك ليش طردتها من بيتك
محمد كلمه وحده عبير تفسخ خطوبتها واني ازوجها بكيفي هذا سالم اخو ام مهند متقدم الها وعندا بيت وسياره جمانه السعيدي
بشرى ولله ضحكتني سالم بكد عمرها مرتين ومزوج ومخلف انت يمكن صار العقلك شي
محمد لا ماصار شي عبير بتي واني ازوجها بكيفي فهمتي
بشرى عبير مو بنتك لان انت تنازلت عنها
واذا حاولت تاخذها اشتكي عليك وعندي ورقة التنازل عنها
اصلا الورقه كافيه تحبسك
محمد تردين تحبسيني بشرى مو
بشرى عبير بنتي اني ربيتها وتعبت عليها واي واحد يقرب عليها اذبحه لوكان اخوي ابن امي وابوي فهمت
وبطل تمشي ورا سوالف مرتك
خل الله بين عيونك
ضلمت عبير مرتين مره من عفته زغيره ومآ سئلة عليها
ومره من اجتك تريد حمايتك وطردتها
وهسه راجع تضلمها مره ثالثه وتزوجها واحد بكد ابوها ومزوج ومخلف جمانه السعيدي
كافي ضلم حرام عليك
هااا ونسيت اكلك عبير عمرها ١٨ يعني ماتكدر تاخذها ابد
سدت التليفون عمتي
عبير ولله بقيت مصدومه من ابوي بعمره ما صرف عليه ولارباني ولاسئل عليه وهسه يريد ياخذني على الجاهز
ويزوجني بكيفه
رجع ورا اسبوع خابر عمتي
بشرى محمد اذا على موضوع عبير انسى
محمد انتي مجاي تفهميني سالم يطلبني عشر ملايين
وهسه يكول لو تسدهن اليه لو ازوجني بنتك واعتبرهن مهرها
بشرى مع الاسف عليك تريد اضحي بهاي المسكينه
وتريدها اتسدد دينك
محمد ماعندي حل ثاني
بشرى ولله ياخويه هاي مشكلتك وانت حلها بمعرفتك
انت وكعت نفسك بهاي المصيبه وانت اطلع منها
وعبير خط احمر مراح اسمح الاي احد يقرب عليها
جمانه السعيدي
عبير بس سمعت هاي السالفه متت قهر هذا مو اب
هذا وحش حيوان ماعندا مشاعر وأحاسيس ابد
ويكولون ليش تكرهي
وليش احبه ما يستاهل احبه لو بيدي اغير اسم الأب من الجنسيه
حتى ماكو شي يربطني بي ابد
بعد موقف عمتي هذا بطل يخابر لان شاف ماكو فايده ابد
خاصتا من كالتله اشتكي عليك
ورا هاي الفتره شبه انقطعت العلاقه بين عمتي وابوي
واحد زعل من الثاني
بنص السنه ماكدر يجي مويد واتفقنا على اخير السنه اكمل كل الاجرائات
من قربت فترت امتحانات اخير السنه وتحديدا الشهر الي
أخذنا عطله
اني كلما يتصل مؤيد احجي شويه واسده لان اريد اقرا
هذا الشي سوا عصبي
وبدأ بهاي الفتره يطلب مني اشياء 🔞
واني ارفض وهو يحجي عليه
اني شفتهمت منج كلمتين وتسدين التليفون
واذا اطلب منج شي ترفضين بعد على شنو مخطوبين
اني الصراحه ماعجبني الحجي كلش وسديت التليفون بوجه
رجع خابرني بلثنين بليل سكران يحجي ويفشر ويغلط
سديت التليفون وقفلته ونمت
الصبح حجيت العمتي كلشي كالت ميخالف انطي فرصه يجوز عندا مشكله ايجوز يمر بضرف صعب
ايجوز ضاج لان ماكدر ينزل للعراق ويشوفج
بقيت قافله التليفون اليوم كله وبليل فتحته
وكلت بس يتصل احجي ويااا واهدي واشوف شبي ليش ضايج
ما اتصل ابد اتصلت علي يرن ومآ يرد
تعبت ونمت الساعه ٣وثلث اجاني اتصال طفرت عرفته هو لان توقيت امريكا مو مثل توقيتنا
فتحت التليفون جان يفتح كامرا هو وحده اجنبيه بوضع مخزي وهو سكران ويكول شوفي الف وحده تتمنى تكون بمكانج انتي شكد مغروره
اني يوميه ابدال الوحده عشره اتونس وياهن واذا اريد اكثر
اني ما اتحملت راسا قفلت التليفون وانطيته حضر ومسحت رقمه
بس من الصدمه ماكدرت انام ابد للصبح
بس كعدت عمتي حجيتلها كلشي صار وانطيتها المحبس الي جابه مؤيد وكتلها رجعي الام رنا و كلليلهم كلشي انتهى
هو من طريق واني من طريق جمانه السعيدي
بقيت طول النهار متوتره
للعصر اجت ام رنا تعتذر وسامحي هو من يسكر يفقد ومآ يعرف يتصرف ابد
عبير خاله اني هنا وهو هيج يسوي اذا رحت يمه شيسوي بيه بعدين انتي ما كلتيلي هو يسكر
ام رنا لا هو مرات يشرب مو دائما
عبير خاله همزين بعدنا على البر وهو اكيد راح يلكه وحده احسن مني وتعوضه
اني ما اريد ازوج ابد جمانه السعيدي
شكد حاولت بس بدون فائده
لليل اتصل عليه رقم غريب بلبدايه ما جاوبت
بعدين ضل يلح
رفعت السماعه ومآ حجيت ابد
مؤيد فدوه اسمعيني انطيني فرصه وحده اشرحلج لاتسدين التليفون اني اسف واعتذر ماكنت بوعيي
ولله احبج وابد ما حبيت غيرج بس انتي وياي ماعندج مرونه ابد وحبيت أثير غيرتج عليه
اعترف اني غبي وبعد هذا الموقف ما ينعاد ابد
عبير خلصت اعتذارك مقبول بس اني وياك مانرهم واحد للثاني ابد واني مستحيل ارجعلك بعد
لاتحاول كلشي انتهى خلص
مؤيد بس
عبير حضرت الرقم وسديت التليفون
اني بعد من سابع المستحيلات ارجعله
هنا مؤيد اتصل على اخته ويكلها روحي انتي ودزي رنا والبنات خليهم ياثرون عليها لازم ترجعلي
ولله احبها
اني غبي ضيعتها من ايدي
وفعلا رنا والبنات شكد حاولن يأثر عليه بس اني ابد
قررت ما ارجعله مره ثانيه
المنضر الي شفته ما يروح من خيالي ابد
همزين احنا ماعاقدين وبعدنا على البر
احسن فكره كانت فكرت التعارف همزين عرفته على حقيقته قبل فوات الاوان
شكرا لزيارتكم عالم روايات سكيرهوم
