رواية ضاع الحلم الفصل التاسع بقلم جمانه السعيدي
رحمه....انت عندك الحل
حسام...شلون يعني
رحمه....انت ساعدني حتى اخلص من هذا الوضع انت تعرف اهلك شنو ياثر عليهم
حاول تساعدني حتى اطلك
حسام...اهلي كلشي ماياثر عليهم اهم شي مصلحتهم
هاي الزواجه مبنيه من البدايه على مصلحة عمل
مهم عدهم هاي الشراكه تستمر
مو مهم مشاعر الطرفين
اني شكد حاولت وياهم حتى صارحت امي كتلها اني احب رحمه واريدها
رحمه....يااا تحجي صدك كتلها احب رحمه
حسام....اي كتلها بس ردها كان انت تغار من وسام واذا تريد نزوجك انت ويا بنفس اليوم
اخطبلك وازوجك انت ويااااا
رحمه...نفس اهلي بلضبط اني كلت الامي اني احب حسام واريد تساعديني
كالت حسام ما يحبج لو يحجبج جان طلب ايدج
مو كاعد يتفرج على اهله وهمه جايين يخطوبج الاخو
هذا مو حب هذا تعود لان تعودتي تشوفي كل يوم
توقعتي انتي تحبي
حسام....اصلا اني ماادري خطبوج لمن انتي كلتي
اهلي يعتبروني انسان ما مسؤل مايحجون كدامي اي شي
عدهم وسام وبس ماكو مثله بلدنيا كلها
رحمه....اني اهلي وافقو بدون ماياخذون رائي بهاي الزواجه
ولا عبالك هاي حياتي
حسام....اهلي وأهلج قمة التخلف دمرو حياتنا اني وياج
رحمه...واني اجيت كملت المصيبه كلت الوسام مااحبك احب واحد غيرك عبالي يتفهم الموضوع
يكول ليش ما كتيلي يصبرني يكول فتره ونفترك وروحي شوفي نفسج
اني ماكنت اعرف انتي مغصوبه على هاي الزواجه
فجئه تحول وحش ونزل عليه ضرب وغلط
انتم مو اخوان مو عايشين بنفس البيت
ليش هو اطباعه هيج ما يشبهك ابد
حسام...همزين وسام عرف تحبين واحد غيره
رحمه...يااا غير ضربني راشدي فر راسي فر
حسام...من عرف انتي ما تحبي ماقرب عليج
وهذا الشي الي مخليني انتضر بلكت يمل ويطلكج
رحمه...مااشوفه راح يطلك خباثه وعناد وياي يريد يذلني
رغم العلاقه الزوجيه لازم تفاهم وتسامح
حسام.... بسبب ابوي ابوي دائما يعظم اي عمل يسوي وسام عبالك مااعرف شنو مسوي
يبقى يمدح بي منا لمن كبر راسه وسام عنده غرور وحب النفس عبالك ماكو واحد مثله
ومحد يكدر يسوي العمل الي هو يسوي
جمانه السعيدي
رحمه...صدك كلمه والثانيه وكال اني واني
اني الف وحده تتمناني اني تاج راسج انتي ما تحلمين واحد مثلي يتقدملج
حسام...حتى اني هم يتعامل وياي هيج بسبب ابوي
دائما يفرق بلتعامل بينا ويحسس وسام عبالك ماكو منه
رحمه....والى متى راح اتحمل مدام اجرء وضربني هلمره راح يبقى يمد ايده عليه
اهلي مايقبلون ارجع يمهم وهو ما يقبل ينطيني فرصه
ولا يقبل يطلكني
إلى متى راح ابقى مكفخه بهذا البيت
حسام...شنو يتغير ابقى اطلبي الطلاك لحي بطلب الطلاك منا لمن يمل ويعوفج
بس تطلكين اني اتقدملج
رحمه...مبين عنيد كلما احجي ويا بهذا الموضوع يعاند بلزايد
حسام....اني راح احجي وياا بلكت يقتنع
رحمه...حتلو اطلكت اني وياك مستحيل نرتبط
اهلك وأهلي مراح يوفقون
حسام....معليج بس اتخرج اشتغل ساعته اعوفلهم البيت
نزوج ونسكن وحدنا
محد اله شي عدنا
جمانه السعيدي
رحمه...اني عبالك عايشه كابوس
وين جنت احلم اتخرج وارتبط بلانسان الي حبيته
بلحظه كلشي تغير
تعرف منو السبب الحقيقي بهاي المشكله
مو وسام ولا اهلك ولا حتى اني وانت
السبب الحقيقي اهلي
بس سمعو اهلك طلبو ايدي وافقو راسا بدون مايسئلوني
لو يعرفون رائي
لو بس سامعيني ورافضين هاي الزواجه مجان صارت هاي المشاكل كلها
بس همه شلون يرفضون ماصدكو العلاقة بين العائلتين
تتطور وتوصل للزواج
حسام....الله لا يوفق كل واحد وكف بينا وخرب علاقتنا
رحمه...اتاخرنا يله نرجع للبيت
رجعنا للبيت وصلنا عمي كان موجود
عمي..... هااا عمو قدمتي
رحمه...اي عمو
عمي...عفيه بنيتي عفتلج مبلغ يم خالتج خاف اجهزين شغلات للكليه
رحمه...شكرا عمو انت ماقصرت وياي
اليوم الي بعده الصبح اني نايمه رن تليفوني
باوعت حسام
رحمه...الووو
حسام...صباح الخير يله اكعدي ياكسلانه ورانا دوام
رحمه...اي كعدت
حسام...اني بدلت راح انزل قبلج يله مو تتاخرين
رحمه...هسه شويه وانزل
بدلت ونزلت خالتي جانت محضره الريوك اتريكنا وطلعنا
جمانه السعيدي
الصراحه احس وضعي شويه احسن
لان دوام جديد وحسام ياخذني ويرجعني
صديقاتي والي يعرفني باركلي متوقعين حسام زوجي
لان اغلبهن جانن يعرفن بعلاقتنا قبل الزواج
ولأن احنا طول النهار نمشي سوا
ونكعد بلكافي سوا
سكتت ماحجيت شي مااريد يصير كلام زايد ناقص عليه خليهن يفتهم الي يفهمنا
حتى رحنا اني وحسام جهزت ملابس الكليه
وياخذني زياره الاهلي ويرجعني
طول فترة سفر وسام يتصل على اهله يحجي وياهم واحد واحد اله اني ابد لا فكر يحجي وياي ولا يسلم عليه
اني الصراحه مرتاحه الهذا الوضع
اتمنى يبقى بلصين ومايرجع
الحد ماسمعت خالتي كالت وسام باجر يرجع للعراق
من بعد عشرين يوم سفر
شكد ضجت يعني راح ترجع المشاكل مره ثانيه
طول عشرين يوم حسام كل يوم يصحيني الصبح حتى نروح للدوام نتريك ونطلع سوا
ماكو بينا بس كلام اي تجاوزات ماكووو
كل واحد بينا يعرف حدوده زين
منتضرين الفرج من رب العالمين
اتصل عليه حسام كلعاده حتى يكعدني للدوام
نزلت كلش ضايجه
حسام.. خير اليوم شني هاي الضوجه البوز شبر
رحمه...لان وسام راح يرجع ضايجه يعني راح ترجع المشاكل مره ثانيه
اني ذني العشرين يوم مرتاحه حتى شكلي تعدل
حسام...هلمره بس يضربج اني اخذج الاهلج وهناك كولي
اريد اشتكي علي لازم يطلكني
رحمه...اهلي مراح يقبلون
حسام.. مو بكيفهم غصبا ماعليهم
رحمه...يمكن اني عرفت وسام ليش هيج اخلاقه زفت
حسام...اي بله ليش
رحمه...اكيد ياكل ضفادع وعناكب بلصين
حسام...ايجوز حتى حيايه وعكارب
رحمه....اكيد لان اخلاقه مال حيوانات مو بشر
حسام....هههههه يله اتاخرنا خل نطلع
شكرا لزيارتكم عالم روايات سكيرهوم
