رواية نقطة تحول كامله جميع الفصول بقلم جمانه السعيدي
اني عباس لا اني عبير
اني كلت اسمي عباس لان الكل يصيحلي عباس
رغم اني بنيه واسمي عبير
هسه راح احجيلكم قصتي وراح تعرفون اني ليش يصيحولي عباس
اني من انولدت لكيت نفسي بيت خالي عايشه
الي هو بيت اهل امي سابقا
امي عدها اخت وحيده مزوجه بغير محافضه وتجينا بلسنه
مره تبقى يوم او يومين وتروح وعدها اربع جهال
جمانه السعيدي
اني ماشايفه بابا ابد
من وعيت وكمت افتهم لكيت نفسي عايشه اني وامي بيت خالي
اني عندي بس خال واحد أكبر من امي بسنتين
امي دائما مريضه وحسب ما افتهمت ابوي مطلكها لهذا السبب
امي شكلها كلش حلووو
وبيبيتي شايفته صدفه بعرس وخاطبتها
اقصد ام بابا
امي مريضه من زمان الكليتين تعبانات
واهلها ضمو هاي السالفه عن أهل بابا من اجو خطبوها
سنه كامله ورا الزواج وهي وبابا ما متفاهمين
بسبب مرضها وصحتها تعبانه
شمرها على اهلها وطلكها
وراها بفتره عرفت هي حامل ودزت خبر البابا
بس بابا كان ردا ما اريدها ولا اريد طفل منها
بقت امي بيت اهلها كانت بيبتي وجدي مو جودين
هم داروها وعتنو بيها منا لمن جابتني
بابا وراها بست اشهر ازوج وحده ثانيه
طبعا بيت بابا بنفس المحافظه بس بغير ولايه
تقريبا يبعد ساعه ونص عن بيت خالي
يعني بيت خالي بقضاء وبيت اهل بابا بمركز المحافظه
بيت خالي عدهم اربع ولد ومآ عدهم بنيه ابد
امي مالها خلكي ولاتهتم بيه بسبب مرضها
زوجت خالي هي الي تهتم بيه
اني مواليد ٩٠ ملامحي حلوات وشعري اسود ثخين
بس اسناني جانن كلش مو حلوات
متقدمات ومتاخرات
جمانه السعيدي
اني جنت البس تراكات ولد يعني البس تراكات ويه ولد خالي
جان حصار بوكتها
وماتكدر الناس تشتري هواي ملابس
جنت البس وياهم
البس بجايمهم وتشيرتاتهم
وياخذوني وياهم للحلاق احلق مثلهم
يعني احلق حلاقة ولد
ولان شعري ثخين وسرح خالي يكل للحلاق حيل خففه الها
لان بسرعه يطول
ومن جنت زغيره زوجت خالي ادخلنا اتسبحنا سويه
يعني اني اولد خالي
بس طبعا بلشورتات
منا كامو كلهم يصيحولي عباس ونسيت اني بنيه
واسمي عبير
طبعا ما اسولفلكم اتعارك ويه الولد بلشارع
والعب طوبه ودعبل
وركيضان ومسابقات مصارعه
ولد خالي اثنيين اكبر مني قيس الجبير وميثم الثاني
وحسين بعمري وحمودي الزغير
مره اجا ابو اللقاح وكفنا كلنا كال بس ذوله الزغار
قصده اني وحسين وحمودي
وصل يمي كال انت شسمك
....عباس
...عباس شنوووو
...عباس عدنان طبعا عدنان خالي
خالي لا اوكف هاي بنيه مو ولد
...ابنيه شني عبالي ولد
...اي بنيه
....شنو اسمها
...اسمها اسمها اوكف اسمها نسيت خل اسئل امها
عدنان امل شنو اسمها بنتج هلكد ما نصيحلها عباس نسيت اسمها
امل عبير اسمها عبير محمد خضير
رجع خالي للولد ابو اللقاح
...اسمها عبير محمد خضير
الولد خله قطره بحلكي وراح بس اني حيل ضجت بوكتها
شني يكولون عليه بنيه اني ولد
من صار عمري خمس سنوات مات جدي وراها بسنتين
ماتت بيبتي
طبعا اني سجلت بلمدرسه مدرسه مختلطه اروح وارجع ويه ولد خالي
بايام الحصار ماكو زي موحد
لان حصار شتلبس مسموح نلبس حتى ملابس اللوان
وماكو مصروف للمدرسه
كل واحد ياخذ لفه شويه خبز وبي قطعة جبن مثلثات
وهاي هي نبقى منا لمن نرجع عليها
خالي يشتغل كاسب يعني يشتري ويبيع اي شي يحصله
بس جدي عندا راتب تقاعد
خالي يستلمه ويصرفه علينا
ماشيه امورنا اهم شي عدنا بيت ملك
ابن خالي الجبير قيس هو احلى واحد بيهم
اقصد احلى واحد بولد خالي
ونضيف بشكل ومرتب هو أكبر مني بعشر سنوات
ملابسه مرتبات رغم ماعندا ملابس هواي
هنا بنطرونيين وقميص وبدي
وحذاء واحد
بس حيل معتني بشكله ومرتب
جمانه السعيدي
طبعا اني ناعمه موخشنه ولان اللبس ملابس ولد مامبين عليه بنيه ابد
من صار عمري ثمان سنوات جان عمر قيس بوكتها ١٨ سنه
وجان يحب بنت الجيران
البنيه بيضه وحلوووه وكل الوقت مبدله ومعدله ولازمه الباب
هو حبها بشكل مو طبيعي تخبل عليها
وهي تضحكله وتاشرله ومخبلته بلزايد
جان بوكتها ماكو موبايلات بس تليفون ارضي
واحنا ماعدنا ارضي
يكتب الرساله ويوديها بيدي
على اساس اني بنيه ومحد يشك بيه
مايدري اني ولد ١٠٠/١٠٠
اني ما جانت عاجبتني الفكره بس شسوي يضل يلح عليه
هي هم تكتبله رسايل وتصيح عليه من اللعب بلشارع
وتنطينياها
تكول دزيها القيس
فد يوم جاي اللعب وشفتها تحجي ويه ولد بلشارع وتضحكله وسئلها عدكم تليفون حتى تخابريني
وهي جاوبته اي عدنا تليفون
ونطته الرقم
ساعته حيل ضجت حسيتها تضحك على قيس
بهذا الوقت جان عمري عشر سنوات
وقررت اكل القيس عليها لان هي ما تستاهله
ومبين لعبيه
جنا بوقتها نلعب طوبه اني وولد خالي وولد من الشارع
اخذت الطوبه وسددتها على الولد الي جان يحجي وياها ووصخت ملابسه
راسا كام ينكت بملابسه ويغلط ويسب
لان ملابسه حيل توصخن بوكتها
وراد ياخذ الطوبه يشكها بس اني اخذتها ونهزمت
رجعت للبيت وبقيت انتضر قيس حتى احجيله على إسراء
حبيبته وشلون انطت الرقم للولد
للحكايه بقيه احبكمممممم
اكو بنات يكولن مراح تحصلين نفس التعليقات بذاك الكروووب
اريدكم تثبتون الهم بلتعليقات انتم كدها وكدود
