اسكربيت غلطة عمري الفصل الاول
جبتلك واحده تاخد بالها من الولد لحد ما امه تحن عليك وترجع بس دي المربيه رقم خمسين لما شوف حجتك المرادي يا رياض اديني بعدت عن كل اسباب الرفض القديمه وجبتك واحده مناسبه.
رياض اتنهد وقال ..المهم الولد يحبها
قال بغيظ..قصدك ابو الولد يحبها ..على العموم هيه مناسبه جدا ..ونادلها وقال..انسه تقى..انسه تقى اتفضلي
تقى دخلت وكانت بنت في العشرين محجبه ووشها فيه قبول وجمال هادي يخطف
رياض وقف وقال بسرعه.. انت مجنون دي محجبه يا حازم
حازم بصلو بغيظ وقال بانفعال ..لا شوف بقى انا مش هستحملك كتير مش عاجبك العجب انا مراتي قربت تطفش زي مراتك من كتر انشغالي في حضرتك انا مش هشتغلك قرني على اخر الزمن عيب كده بقي اقبل باي واحده تخدم الولد وعك بره مش شرط مع المرب ….
بس رياض حط ايده على بقه بسرعه علشان ميكملش قدامها وبص لتقى اللي كانت واقفه بتبصلهم بدهشه وقال….ههه..بيهزر هو حازم كده بيحب يهزر..وبص لحازم وقال بغضب مكبوت..بس هزاره اقرع زيه
حازم مشى ايده على دماغه وكان شعره خفيف شويه وقال…ماعلينا..خلينا في المهم تقى هتفضل مع ابنك واحنا نشوف اشغالنا ها اشغالنا يا رياض
تقى قالت بسرعه..بس معلش..حضرتك فهمتني ان البيت له ست صاحبتو
رياض مشى ايده على رقبتو بحرج وقال..اه..بس هيه مسافره فتره وهترجع واحنا عايزينك تخلي بالك من الطفل لحد ما ترجع
تقى قالت بسرعه..اسفه مش هقدر حضرتك راجل لوحدك كده في البيت مش هينفع خالص
رياض تمتم في سره بضيق وقال…لا محترمه يعني مش حجاب على الفاضي وبصلها وقال …البيت مليان خدم غيرك هما بس كانو اجازه وزمانهم على وصول مهتبقيش لوحدك
اتنهدت بارتياح وقالت..اذا كده تمام فين اوضة الطفل
رياض وصفهالها وهيه طلعت تشوف الطفل
رياض بقى متابعها بعيونه وقال بوقاحه..لا عود..وربنا المعبود
حازم مسح على وشو بضيق وقال….انا همشي..بس لو البنت دي كمان طفشت مش هقولك على غيرها ده اخري معاك
قال كده ومشي ورياض اتنهد بضيق وقال..هو مالو ده ليه محسسني اني بمشيهم من غير سبب
فوق في اوضه جميله خاصه بالأطفال كانت تقى حاطه مفرش على الارض وقاعده بتلعب طفل جميل يادوب بيحبو
وكانت قافله الباب بالمفتاح وقالعه طرحتها
كانت مبسوطه مع الولد الجميل وبتديلو العاب
بس اتصدمت لما الباب اتفتح ودخل رياض وصفر باعجاب لما لقاها بشعرها وكانت قمر قال….الله اكبر..ايه ده يخربيت جمال اهلك
تقى سحبت طرحتها على شعرها وقالت بزهول..حضرتك ازاي تدخل كده..ازاي..مجنون ولا ايه
رياض بصلها بغضب وقال…هو مين اللي مجنون انتي ازاي بتتكلمي مع واحد شغاله عندو بالطريقه دي…انتي هبله
تقى قالت بغضب..انا اتكلم براحتى اتفضل اطلع احسن مش هيحصل طيب
رياض اتعصب من طريقتها وبقى يزعق معاها
في الوقت ده الطفل كان بيحبو وطلع من باب الاوضه لأن ابوه سابو مفتوح
رياض وتقى كانو بيتخانقو ومش واخدين بالهم ان الطفل طلع وللاسف راح على حافة السلم وووووو
غلطة عمري بقلم زهرة الربيع
بس تقى اتسعت عينيها بزهول لما شافته عند السلم
وصرخت جامد وقالت.. الولد يخربيتك
وجريت عليه بسرعه البرق وشالته بس رجلها اتزلقت على السلم وكانت هتقع وفي اخر لحظه رياض لحقها وشدها من ايدها بقوه بقت بين ايديه هي والطفل
تقى قلبها كان هيقع من الخوف وضامه الولد بقوه
ورياض كمان اتفزغ وسحب منها الولد بسرعه وحضنه وبقى يبوسه بخوف وقال…. يا حبيبي الحمد لله الحمد لله يا رب
رياض رفع عيونه لتقى وبصلها وقال بحرج ….احم شكرا شكرا انك لحقتيه
تقى بصيت له بضيق وقالت…. المهم تاخد درس من اللي حصل وتخلي بالك على ابنك اكتر من كده
ولسه هتمشي مسكها من ادها بغضب وقال ….انا مش فاهم انتي ازاي بتكلميني كده اصلا…على فكره يا حلوه انت اللي المفروض تخلي بالك على الولد يعني كويس اني مش بعاقبك دلوقتي
تقى دفعت ايده بغضب وقالت…وتعاقبني ليه لتكون هتصدق نفسك .. انا كنت واخده بالي على الولد كويس وقافله عليه الباب لحد ما حضرتك جيت تتسحب زي الحراميه وفتحت الباب ووقفت تتخانق معايا ولا كأن معاك ابن… احمد ربك ان ابنك بسلام دلوقتي وانا اصلا مش هقعد في المكان ده ثانيه تاني …لان واضح ان حضرتك مش عايز مربيه واللي انت عايزه مش تخصصي يا باشا
تقى قالت كده ومشيت بسرعه تجيب شنطتها ورياض اتنهد وبص للولد اللي كان بيضحك ويلعب وبيلمسوا في وشه ببراءه وقال… مبسوط كده يا تميم باشا طبعا مبسوط .. ولا على بالك اصلا ايه اللي هيضايقك
الولد ضحك ببراءه وقال هو بالعافيه بيتكلم… بابا
رياض اتنهد وقال ….الله يخرب بيت بابا على اليوم اللي بابا فكر ياتجوز فيه
وراح ورا تقى الاوضه و فتح الباب بدون استئذان ودخل وقال …..ممكن نتكلم
تقى بصت له بزهول من طريقته وقالت ….هو انت حاطط الأبواب هنا ديكور …ما بتخبطش ليه انا عايزه افهم
رياض ضحك وقرب منها وقال ….واخبط ليه ما انا معايا محرم اهو وبص لتميم بطرف عينه
تقى اتنهدت بضيق وقالت…. طيب عايز ايه خلصني
رياض حط الولد على السرير وبص لها وقال خليكي ما تمشيش انا صدقت ما لقيت مربيه جامده …اا قصدي مناسبه مناسبه
تقى بصتلو بغيظ وقالت…بجرأه انا جايز اكون جامده بس مش هتستفيد مني حاجه انسى
رياض ضحك جامد وقرب منها اكتر وقال ….بيعجبني المخ الشغال
تقى قالت بضيق …لا شغال وافهمتك كويس ومن اول ما دخلت هنا بس للاسف زي ما قلت لك مش هتستفيد حاجه وبقيت تطلع هدومها من الدولاب
بس اتصدمت لما قرب منها قوي وقال بهمس عند ودنها طب خلينا نجرب حتى
تقى التفتتلو بغضب وقالت… تصدق لها حق تسيبك انت ما تتعاشرش ابدا
رياض ا تسعه عينيه بدهشه وقال انت عرفت منين انها سايباني
تقى ابتسمت بسخريه وقالت… واضحه قوي …وحتى صاحبك قال لك مراتي هتطفش زي مراتك… شوف هديك نصيحه في ناس المفروض من نفسك كده ما تحاولش معاهم مش هتجيب لنفسك غير التهزئ وانا من الناس دول
وجهزت الشنطه ولسه هتمشي مسك ايدها وقال بسرعه ..طب خلاص خلاص مش هضايقك تاني ارجوكي
تقى دفعت ايده بغضب وقالت… ما تلمسنيش وماشيه يعني ماشيه
رياض وقف قدامها واتنهد وقال…. طيب بلاش انا ..بصي للطفل المسكين ده امه سايباه من فتره وانا مش عارف اعمل له اي حاجه اقعدي علشانه مش عارفه احميه حتى شايفه شكله بقى ازاي
تقى بصت للولد وكان فعلا شعره متبعزق وهدومه متبهدله اتنهدت وقالت….بص انا هقعد علشان الطفل هو ملوش ذنب…بس تخليك بعيد عني 3 متر ما تقربش خالص
رياض ابتسم برضا وقال …..تمام موافق بس محتاجين بتاع 10 متر علشان سهام عيونك ما تصبنيش
تقى اتنهدت بارتباك من نظراته وقالت بسرعه …..تمام حلوين 10 متر خليك واقف بعيد بقى يلا اتفضل اطلع خليني احمي الولد
رياض ابتسم وقال… طب اجي معاكي
تقى قالت بغيظ… بره يا رياض بيه
رياض ضحك وطلع وهو بيبصلها بطريقه وترتها اوي
تقى بصت لطيفه وقالت….و الله حقها مراته كويس انها ما انت\حر…تش ايه ده
بعد شويه كانت جهزت الولد ولبسته وحمته وبقى زي القمر ونزلت بيه وكان رياض بيتكلم في التليفون وبيقول بخنقه… يا جودي عيب عليكي اللي بتعمليه ده ارجعي البيت مش كده انا قلت لك مش هعمل كده تاني
وسمعها شويه وقال.. طيب يا جودي حتى علشان ابنك انا مش فاهم ازاي جاي لك قلب تقعدي من غيره
وسمعها شويه ولسه هيرد ملقاش اي صوت قال…جودي ..جودي
و بص للتليفون ولقاها قفلت السكه في وشه
بص لتقى بحرج وقال ….الشبكه عندهم وحشه قوي تكوني بتتكلمي والخط يفصل
تقى ضحكت لانها فاهمه انها قفلت في وشه وقالت… اممم فعلا الشبكه ملهاش حق…اتفضل شيل ابنك بيسال عنك
رياض بقى يحضنه وقال بابتسامه…… برافو عليكي والله مروقاه وقعد وبقى يلاعبه
تقى قعدت قصاده وقالت…. لو مش هتدخل يعني هي زعلانه منك في ايه لدرجه انها تسيب لك ابنها وتمشي كده
رياض اتنهد وقال …هي مش سايباه علشان زعلانه مني هيه سايباها عشان تعاقبني بيه عشان اخلي بالي منه وميبقاش عندي وقت لحد ثاني
تقى قالت بسرعه… ااااه وقت ثاني تقريبا فهمت المشكله هي شاكه انك تعرف غيرها
رياض ضحك وقال…. لا هي اتاكدت اني اعرف غيرها
بصتلو باستغراب وقالت …اتاكدت ازاي
رياض قال بلا مبالاه …ابدا كانت جايه من عند مامتها وكانت على اساس هتبات هناك بس رجعت ولقيت معايا واحده هنا
كان بيتكلم بمنتهى البساطه وتقى كانت بتسمعوا بزهول شديد وبقها وعيونها مفتوحين بصدمه وقالت… لقيتك ايه …معاك واحده فين
رياض ضحك على منظرها وقال …هتكون فين يعني في الأوضه
تقى اتصدمت اكتر وقالت ايه البرود اللي انت فيه ده…. لا بجد ما لهاش حق ازاي تزعل في حاجه بسيطه زي دي
رياض قال بسرعه ..شوفتي ست كئيبه و
تقى صرخت في وشه وقالت… هي اللي كئيبه ولا انت اللي فلاتي وخا…ين ازاي تتصرف بالشكل ده
رياض قال بضيق …يعني انا مش كفايه عليا الليله اللي هي عملتهالي انتي كمان هتعيدي اللي قالته
تقى قالت بغضب …غلطانه تقول و تزعل ليه …واحده تروح عند مامتها جوزها يجيب واحده وفي بيتها حاجه ما تزعلش الصراحه
بقلم…زهرة الربيع
رياض اتنهد بضيق وقال…. هي مزعلتش عشان كده لان هي متعوده اصلا هي عارفه ان انا راجل بحب التنوع ومش بتكفيني واحده بس اللي ضايقها بقى ان البنت اللي كانت معايا هيه ميار الاكس بتاعتي وهيه بتكرها او بتنفسن منها شغل ستات يعني
تقى كانت حرفيه مش مستوعبه الكلام اللي بيتقال ده ..دماغها مستحيل تستوعب حاجه زي دي اصلا …قامت وقالت بزهول….يعني لو ما كانتش الاكس كان عادي
رياض قال بسرعه …عادي جدا ..كانت هتتقمص شويه وتفك عمرها ما كانت هتسيب البيت
تقى كانت بتبصلو بزهول وقالت… اه عادي …طيب انا ..انا هروح اعمل لي حاجه للضغط تنزله شويه عشان دماغي لفت
وراحت على المطبخ وهي بتعيد كلامه بزهول شديد
رياض قال بهدوء …مالها دي ايه الغريب في كلامي
تقى كانت واقفه في المطبخ بتفكر في الكلام اللي قاله باستغراب شديد بس اتنهدت لما حست بيه التفتت له بضيق وقالت.. عايز حاجه يا استاذ رياض
رياض قرب اكتر وقال… تيم نام وديته اوضته قلت اجي ادردش معاكي شويه
تقى قالت بارتباك… طب ممكن تبعد وندردش من بعيد زي ما اتفقنا
رياض بص لعيونها وقال… مش قادره ابعد يا تقى زي ما يكون فيكي مغناطيس يا بت
تقى بلعت ريقها بارتباك وقالت…. رياض بيه خليك بعيد قلت لك
رياض قرب اكتر وقال…اسمي جميل قوي من شفايفك…و شفايفك كلها جميله
تقى خافت منه ولسه هتجري شدها عليه وقرب منها بقوه
بقت تضربه بقوه لحد ما بعد عنها وقال باعجاب شديد …انا اول مره قلبي يتفتح لواحده واحس اني اعرفها قبل كده و
بس قبل ما يكمل تفاجئ بيها كانت بتبكي جامد ودموعها بتنزل
رفع وشها ليه بزهول وقال… مالك يا تقى بتعيطي ليه
تقى ضربته بايديها بقوه في صدره وقالت بغضب ..مالي ازاي انت ازاي تقرب لي كده يا حيو،،،ان ….اللي بتعمله ده حرام افهم لو انت ما عندكش مانع تغضب بربك على الاقل متجبرش حد على حاجه زي دي
رياض ابتسم باعجاب بكلامها وقال…. انا اسف ما قدرتش امسك نفسي … انتي بجد غير اي واحده عرفتها ….والله ما هعمل كده تاني وحياتك تسامحيني
