رواية الرجل لاينسى حبه الأول كاملة جميع الفصول بقلم سهير رائد
بشائر . رجعنا بالطريق جنت بين الصدمة والواقع
ما گـدر احجي شي عن الصار بالمكتب يم الضابط
ابوي وامي يسولفون عن الجواز وفجاءة طبگوا بالطريق على الشارع العام على بياعين الخضار والاسماك .
بقيت بالسيارة .
افكر اباوع عليهم شلون احجيلهم الشفته لو لا ؟
لا شنو احجي واعكر مزاجهم بعد جواز ماريد وبلكي امي من ترجع على جوازها هووو ماكو بالمكتب
ميت مختفي منقول المهم بأي مصيبة مأخذته وميشوفونه وينقهرون ..
خلوا المسواك بالجنطه ويسولفون على المخضر والسمك ويتناغمون بكلامهم .
عبالك صغار .
وعشاق جدد
امي وابوب شگـد تعبوا وضحوا علمودنا وبالاخص اني عمري25سنة وبعدهم يخافون عليه من ذيج الايام المشؤومه لليوم حتى انام بغرفتهم بليل والصبح يكعدوني للصلاة وياهم
ومن اروح وارجع للدوام ينتظرني بالباب من ارجع من المدرسة ولاعبالك معلمة وجبيرة لا يخاف ويحسب الف حساب للتآخير ..
تمددت ليورة وحاولت اغفى علما نوصل لبيتنه . طريقنا طويل . اتعب بالسيارة
وصلنه للبيت
واني گـبل دخلت سبحت الجو حار وضايجة .
گلت لإمـي
راح انام بالغرفة الثانية لتكعديني تعبانه ودايخة تمددت واتذكرت الماضي وصارت گبار صور من الماضي المقـرف
اختنكت كلش ونمت .
كعدوني فوك المغرب كعدتني فاطمة بنت اخوي غسان .
تلعب بخشمي عمة بشورة كعدي جدو يكول شنو رايحة للرضا مشي وهيج ذبت روحها .
ضحكت
ولج گليله هنيالي لو رايحة للرضا ولا هل الروحه الرحتها اليوم
كتلها هسة راح اكعد بس شوية اصحصح .
ركضت .تصيح جدو تكول هسة اصحصح
لميت شعـري وطلعت ألهم بالهول مخلين السفرة؟
كلت مساء الخير
ابوي مساء النور كولي صباح الخير راح يصير الصبح .
جهاد . تعبانه ست المعلمة اليكول رايحة لزاخو ولج لو مو هنا ساعتين طريق .
ايي بس كعدت من الصبح بالاربعة امي كعدتني ،
جهاد . اي امي واعرفه تكلج اكعدي ساعه سته تأخرنه راح علينه الوكت وهيا بتلاثه .
اييي والله كالت كومي يجوز مانلحك ساعة سبعة
وكمت ركض لكيتها بالاربعه
امي . دخلت شايله بيدها الخضرة واللبن . هااا جا موزين اكعدكم هذا اليسوي زين بدنيااااه ويلا ربي حتى بزر بطنه ماتريد زينتنه وياهم .
جهاد . ضحك اي لطمي بعد يمه .
امي . اكلګ جا ماجبت مريتك جهالك وياك ماشفتهم اليوم .
جهاد . والله كالت هيا اخذنة وياك لبيت عمي
كتلها امي وابوي تعبانين ومرت غسان واصله حدها من الحمل والجهال وانتي ترحين تزعجيهم .
امي . لا ع بختك باجر جيبهم على الغدا .
ابوي جيبهم شنو اليوم ماشفت جهالك ولا سولفت وياهم .
جهاد . باجر اخليها تمر عليكم اني يمكن اتآخر بالدوام
امي . شلون سمج جبنه من الطريق . كطعته وبهرته وباجر اسويلكم مطبك تعال لو حصتك انطيها للبزازين
جهاد لا اجي بيها مطبك اضرب الدوام .
ابوي :هسه خلونه نتعشى وبعدين فكروا بالغداء
جهاد :بوية مطبك سمج باجر غير حتى العشاء بعد ماكله من هسه اجوع روحي للمطبگ
ابوي : دتعشى ابو بطن
لمتنا حلوة وناكل بسوالف وضحك دائمآ .
كملنه عشاء وكمت اغسل المواعين وانظف الطرمة بليل وشغلت الغساله .
خطيه مرت غسان حامل وبشهرها وكلش تعبانه بشكل وابنها الصغير شالع كلبها نركض وراه اربعة وعشرين ساعه وهيا هم صحتها على كدها ونخاف عليها .
قبل جنا مقسمين الشغل اني وياها بس من حبلت لا اخذت الشغل كله ارجع من الدوام اكنس وامسح اغسل مواعين الغدا اشغل الغسالة انام شوية اغسل الطرمه واحضر العشاء ولو امي متقصر من ناحية الطبخ غدا وعشاء وحتى ريوك تسوي وتغسل كومه امواعين وابد متحجي خطيه .
كملت كلشي رحت انام مريت بالهول امي وغسان يسولفون ؟
امي . كلبي ينمرد من اشوف كل البنات تنخطب وتزوج ويومية فلانه مخطوبة وفلانه عرست وبشائر حظها نايم
عساها بصحته وعافيتها الكسرتها وخلتها هيج محد دك بابنه ولا واحد خطبها .
غسان . يمه انتي يومية بهاي السالفه لاتسمعج بشائر والله خطيه فوك ظليمتها بصغرها هسة انتي كلامج اذا تسمعه تموت من القهر
وترا بشورة صغيـرة بعدها شوفي الله شضام الها من قسمة
امي . مقهورة عليها والله يايمه اريد اموت وابوك شايل هم من هم بس لبشاير . شناقصها بس كلي جمال ورشاقة وادب وشرف ووظيفة وبعدها صغيرة ليش محد دك بابها لو ما الحية الصفرا مسويتلها شي !!
.
عفتهم امي تندب حظي وغسان يسكتها ويصبرها مرات
ودخلت للغرفة ابوي نايم على جربايته واني نمت على جربايتي يمهم بغرفتهم ممنوع انام بليل بغير مكان ابوي وامي يتخبلون اذا انام بغرفتي بس بالنهار انام بيها بالشتاء بس بالصيف ماعليها اي شي لامبردة ولا سبلت ..
لاأول مرة ماكدرت انام الليل
اخذتني الاوجاع والالم اللي بنفسيتي وبگلبي لقبل اكثر من 12سنه ذكرياتي السيئة اللي مابيها شي حلو .
ذكرياتي اللي كانت لازم تكون طبيعية لبنية صغيرة ناجحة من الاول متوسط للثاني وحياة عادية مستقرة بين امها وابوها واخوانها وخواتها واصغر وحدة ومدلله وشاطرة وتمارس حياتها الطبيعية لعب في لعب .
وي صديقاتها وجاراتها واقاربها . نمط الحياة هذا لأي بنية صغيرة تعيش ايامها طبيعية .
احنه عمام وعشاير كلنه نفس المنطقه يعني بيتنه مقابيل بيت جدي بيه عمي الجبير ولهناك بنهاية الفرع عمي الثاني ولهناك بيت عمتي ولهناك بيت اقارب ابوي وهيج كلها اقارب وعمام وعايشين بسلام .
وعدنا المدرسة. واللعب مقدسات
شكد العب وي بنات عمومتي وجيرانه صديقاتي
نلعب توكي
ونلعب شدة ياورد
نلعب قبط بيضة
ونلعب ختيلان
وبمحرم نفتر ورا الملا اللي بشارعنا
ومحد يحجي ويانة صغار يعتبرونه .'
واحنه مثل ماكلت عمام بشارع ومنطقة وحدة
بيت جدي بيه عمي الجبير ابو خضير او خضر
وعندة غير خضر اربع بنات خضر مو الجبير لا اصغر البنات .
الآمر والنهي بالبيت الجبير للجدة والجنه ام خضر .
وجان اللي مظلوم بين الكل ابوي .
ليش ابوي ابن الشريجة او الضره الخلفته واطلكت وراها ماتت الله يرحمها ابو يتيم الأم .
تكرها كرهه موطبيعي من ناحية الجدة الجبيرة ومرت عمي .
مرت عمي ام خضر اتصير بنت اخت الجدة الجبيرة ومربيتها ونفس طبعها وشكلها الضعيف والوجه الاصفر والعيون الصغار المتروسة كحلة الحجر اللي يدكنها بيدهن . وما تفارگ عيونهن گحلة العرب
عند عمي ابو خضر بنات واصلات ودارسات ووحدة بيهن اسمها شيماء
أحلى بنات المنطقة جمال خارق ومدلله كملت السادس ومابيها حيل تدرس كلية . ويومية شيماء متمرضة ! ويومية دكتور
مايعرفون شبيها لحد مافديوم اجت الجدة لبيتنه اللي ابد ماتدخلة !
گالت لإمي بصوت عالي وتهديد واضح
جهاد ياخذ شيماء هذا أمر ويتنفذ؟!!!
جهاد اخوي الجبير جان كلية وحلو . بس ابد ميفكر بالزواج حسب ما اعرف ماعندة نية للزواج شاب وعندة طموح
ويدرس هندسة مرحلة ثانية ويشتغل ويروح بطريقة ويرجع بطريقة .
بيومها امي انخبصت وبقت ادگ وتلطم وانتظرت رجعت ابوي
وسمعت امي تسولف لابوي وجانت حيل ضايجة .
كالتله شنو بكيفهم ولد يدرس وصغير واحنه حالتنه ماتساعد شنو يتزوج شنو مرت ابوك تأمر وبكيفها احنه نزوج ابني على مزاجها أكيد هاي سالفتها بيها آنه واكيد عدهن حيله ومصيبة يطيحني اني وابني بيها .
ابوي . بنت عمه وغصبآ ماعليه يتزوجها اذا ابوي اجه وگلي نأخذ شيماء لجهاد شنو اردة لا والله بنت اخوي وين نلكه مثلها ؟
امي . مريضة ومعلولة صارلها سنه يذبوها على ابني شنو .
ابوي: مابيها شي وحتى لو مريضة ابن عمها يشيل مرضها جا شلون انذبها للغرب يذلوها بتنا ونساعدهت على مرضها ونعالجها .
امي:گتلك ابني ما يأخذ شي وطاري بيت ابو خضر كلة ماريده انت نسيت مرت ابوك وام خضر شنو من نسوان ظالمة لو نسيت سحورتهن واعمالهن لو كيدهن
ابوي:اششششش ولاكلمة حلكج لاتفتحينة واسكتي لحد يسمعج تحجين ع أهلي مو عييييب
جانت عركة بالكلام بين امي وابوي .
بهاي الفترة عندي اخوي ساجد مريض وامي وابويِّ ملتهين وياة وخطية لا ليلنه ليل ولانهارنا نهار بهاي الايام اللي بيها اشتد المرض مالته
بين ليلة ويوم اتوفى ويمكن الله سبحانه وتعالى رحم امي وابوي من مرضة وتعبهم حيل
وفاتحة وناس طابة وطالعة وهوسةواني جنت صغيرة يعني
مو كد الفواتح اخواتي الأكبـر مني متكلفات بيها
وبالفاتحة اسمع اختي رسل الجبيرة هيا وبنت عمي وبنت عمتي يسولفن على شيماء .
بنت عمتي تكلها .
تراهيامو مريضة بس هيا تحب جهاد ومالكت طريق تكول اريد جهاد غير تتمرض وامها وبيبتي ينفذن التريده حتى تصحى
مريضة مرض الحب
رسل . شو ولا ندري هيج شلون .
كالت الها هيا شيماء كالت النه اني كلت لجهاد احبك واريدك وهو طردني وكلي بنت عمي انتي مثل خواتي وطاردها وهيج السالفه .!
رسل ولج ولا ندري والله وروح اخوي حتى امي ماندري بجهاد هيج مسوي
عليج الله لتسولفين لان ابوي يلعب فلك بجهاد اذا عرف طارد شيماء !؟.
بعد ماخلصت فاتحة اخوي سمعت رسل تسولف لاامي وامي كامت تدك وتلطم .
اني اخذ لإبني منهم هنا مجرعاتني المر ومشوفاتني النبي عربي
وتالي يسون خطة ياخذن ابني ماكو الا ع جثتي.
يمشن كلامهن علينه
وگبت العركة بين امي وجدتي من اجت عدنا
ايام والبيت متوتر كلش ابوي نار امي وجهاد رافضين ويحجون ويحاولون يقنعون ابوي .
حتى جانت الدنيا حارة وكهرباء ماكو ومن كلشي النفسية ممرتاحه ..
نهاية العطلة الصيفية
ورحنه اني واختي رشا للخياطة نفصل ونخيط هدوم الدوام .
الية والها .
هيا جانت معهد تدرس واني رايحة للثاني متوسط .
من رجعنا لكينه البيت مشتعل نار وابوي لازم مسدسة ومخلي بحلك جهاد وامي تملخ بروحها
اتقرب منها وگلها اذا تحجين وتقرين براس ابنج وتوصلين حجايه لابوي واخوي رفضكم هسة اكتله كبالج واحرك كلبج عليه .
واكتل روحي فوكاه واخليج تحرين بروحج
كلنه كمنا نصرخ وكوة اخوي غسان قنع ابوي يوخر السلاح . عنهم
ويوم جان اسود وبس نبجي بيه وخايفين .
اني ثاني يوم نسيت الصـار البارحة لان عقلي بعدة مو مدرك الامور والحياة شنو بيها من احداث
جنت افكر بملابسي اليم الخياطه .
وبالدوام واروح أداوم بملابسي الحلوة وحذاء جديد
وجنطة وكتب والمدرسة وجمالها
غسان . الله اكبر شنو هل الظلم احنه وين عايشين هسة جهاد جبير وكد المسؤولية وشيماء هم
بس بشائر شنو هل الطفله تتزوج خضر !!!
شنو تفتهم شو تبجي اذا تجوع لو اخذ لحمه من ماعونها تتخبل علينه وتگوم تبجي
. شلون ابوي انطاه گلبـه يوافق على هيج موضوع شلووووووووووون.
وامي ملخت روحها .
يمه شلون انطيها ولكم تطلع تلعب توكي وختيلان ومفرعة بعده بالشارع ما تميز الصح من الخطأ
شلون تتزوج هسة لو رسل رشا ماكول الميخافون من الله كالوا لا ذني كبار ع خضر
الا بشاير ونربيها عدنا ولكم الله اكبر شسوي اكتل روحي واكتلها وماانطيها وارتاح لو اخذها وانهزم
هم يطلعن عليه الحية وبنت اختها سمعه موزينه ويشوهن ببنتي .
وصرخت بصوووووووت مهضووووم رررربي الفرج من يمك ربي اخذ بشائر مثل ماخذت ساجد ربي
ولا تخليني اشوفها خدامه عندِ الحية وجنتها وبنتي صغيرة وكلشي ماتعرف ررررررربي تعرفها بعدها تلعب بالشاررررع ربي لاتكسرني بنتي بكسرتها
وتملخ بوجها ويلزموها ويردون يهدوءها بأي طريقة
.
جنت مواعيه بكلامها ولا اكدر افهمة . الا بعد ما مشت الايام بدأت تحضيرات الزواج .
من الطرفين بس كلها ضايجة ببيتنه حتى الاكل اللي جنه نجتمع عليه بسالفه وضحكة صار عبالك عزاء الوجوة مدلغمة والاكل يبقى بمكانه بالصينية
ابوي مينام ولايكعد يمنه عازل روحة
وبس يتأمر
فد يوم اجت عمة من عماتي وجرتني بالقوة للغرفة بعد ماتعاركت هيا وامي وخواتي .
كمت اصرخ نزعتني ملابسي وبيدها جدرية ووصل؟
الجدرية بيها حلاوة كالت اريد اسويلج شيرة راح تتزوجين .
بس هيا مالكت شعر جنت اصرخ من تنزعني ملابسي اصرخ اكلها يمه الحكيلي عيببب لاتلزميني عيب عيب لاتنزعين هدومي . اخاف لابوي يدري عمتي تنزع ملابسي ارجف ابوي يكتلني وهذا عيببببب
هيا تجاوبني ياعمة جا شسوي حكم القوي اجه عليج وامج ما تتجفى الشر لا تتكال الزلم !!!
سوت بس رجليه شوية والوجع يموت كالت الحمد لله كلشي مابيج ولو انتي طفله شبيج شعر غمت كصتها وكالت جيرة بكصتي عليج ياعمة
. هيا جانت ضايجة بس تبين نفسها قويه وتحجي بصوت .
فتحت الباب وطلعت واني بقيت ابجي من وجع رجلية الشيرة واجت اختي رشا حضنتني تبجي . وتكول حسبي الله ونعم الوكيل عليهم
وامي ولا اجت يمي ولاشفتها . اصرخ اريد امي .
رشا . امي مريضه وتخربطت واخذوها للمستشفى لاتضوجيها لاتموت لو ابوي يكتلها .
اخذتني بنفس اليوم عمتي للبدلات اللي كل ابنية جانت طفله او جبيرة تحب هذا المحل والبدلات والماسكات حلم العب لعبة العروسة وادخل لهيج مكان بدلات الله بدلات عرس ونمنم وكرستال وبلك
صدك فرحت بيهن وبقيت العب بينهه اختارتلي بدلة كلش جبيرة بالنسبة اليه .
وابو المحل كلها خيطيها على جسمها صغريها
وعمتي هم ماكالت باطل كالت عود نرهمها عليها بس نشمي الامور بيها
تمشي الاحداث بسرعه وجنت اشوف امي شادة راسها ووجها مورم والكل محتار بيها .
ويعدلون بغرفة جهاد اخشاب وصبغ .
واني جابولي ذهب وملابس وذهب هواااي كلايد اثنين كبار وتراجي ومحابس وحلقه .
وملابس اشكال والوان واقمشه . .
واخذوني للصالون احفافه وجة ومكياج حمرة وكحلة .
والبدلة خيطنها وجابوا سيارات واخذونا زفه وشيماء بنت عمي وياي جانت طايرة فرررح وطلعت تخبل .
العرس بيت جدي والشارع بيه العرس للزلم نصبوا ميوزة وذبح عجولة وهلاهل وصفك .
وعشاء وهوسة وجنت بعدني مامستوعبة بس امي جانت حزينه كلش اولا ع اخوي وثانيا عليه .
يمكن ما استوعبت الا من صعدوني للغرفة واجه عمي وجدي وياهم رجال وكلولي كولي وراه شيكول ؟
كلت وراه شيكول والهلاهل وراها وركص
وفجاءة الكل طلعت ودخل عليه خضر ابن عمي وقفلوا الباب!!
كمت ارجف ماعرف ليش شوية واندك الباب وهو اصلا بعده بوكفته ومانطق اي كلمه .
فتح الباب دخلت بنت عمي الجبيرة عطور .
متزوجة .وستوها متوظفه .وعدها طفل وحامل .
كالت حبيبي خضوري الف مبروك بوسته وشاورته وطلع واجت يمي اني جنت ارجف وعركانه!
كعدت يمي كالت كومي انزعج البدلة واحجيلج شغلة
جابت شي ابيض لبسته اليه وجنت مستحية منها كلش
كالت انتي صح صغيرة واني اعتبرج بعدج الطفله اللي اعرفها بس شتسوين هذا نصيبج اليوم لازم تزوجين وتصير زوجه ومسؤولة عن زوج . هذا الزوج راح ينام وياج على هاي الجرباية وتتغطون نفس الغطا ويحضنج ويبوسج .
سكتت صفنت عليه ماعرفت شتحجي .
بس امي وابوي مايقبلون عيب
لاماكو عيب هما جابوج بيدهم لهذا البيت وهما هسه مو اجه رجال حجى وياج ورددتي وراها وگلتي نعم انت وكيلي
بعد هما زوجوج وخضر صار رجلج كدام الله وخلقه لازم تفتهمين اللي يصير وياج
كالت وشغلات ثانيه تصير بينكم هو يعلمج عليها .
بس هيا جانت ضايجة كلش .
كالت بس الاطلبه منج وسكتت
اذا حسيتي بوجه او شي تبقين ساكته عيب تصرخين او تسمعين صوتج . شما يسوي بيج واني راح احجي وي خضر ما يضوجج !!
شوية وطلعت رجع خضر . جان كلش ضايج.
هم بدل واني دنكت مستحية منه .
دكوا الباب جابوا العشاء
وجان تطلع ام خضر والجدة كللها واكفات هنا انريد نيشانك نفرح بيك وابوك وچدك جوا منتظرين فضها بسرعه .
ام خضر كالت ولج بشيرة اذا مانطيتي روحج وعلي والسماج بشيره الا اجي من شعرج اسحلج .
خضر . طلعي يمه معليج وسد الباب وطفى الضوة
ماحس الا يمي
ويكول بشائر شما اسوي لاتحجين ابد ؟؟
جان يبوس ويبوس واكله عيب عيب
ويحاول يفتح رجلية واني اطبكهن واكله وخر واقاوم وهو يكلي كاافي كااافي
وبس يب وس ويسوي حركات بالظلمة كمت ابجي من الب وس .
بالظلمة كام لبس هدومة ؟
اسمعه يكول شنو شكو شبيه ؟ رجع مرة ثانية كلي لا تسوين اي حركه تخليني ماكدر اسوي شي لاتضوجيني لااض ربج !!
طول واخر شي كام يكول خرررب شبيه اني خررررب خرررب يضرب بيه وبالفراش.
الباب يندك وكلساع امه تكله خضير ابوك منتظرك يمه فضها بعد امك
وهو عوزة بس يبجي .
لزم حلكي قوي كاال بشائر اسمعي زين راح اجرحٌ رجليه واذب دم على النيشان واكول هااي تزوجتها بس اذا حجيتي والله اكص لسانج واكل لابوج يذب حج فاهمة لاتحجين حتى لنفسج.
مادري شني اسوي
اليسئلج كومي ابجي كولي موتني.
ايي والله موتتني جا انت غير تزوجتني من البوس
خضر . يي يي اتزوجتج لاتحجين بعد
كام فتح الضوة بقى يدور مدري على شنو لگة مرايه صغيرة
اجه جوا الجرباية كسرها .
كام وجرح رجله من فوك الركبة
هو جان ضعيف ماطلع دم بسهول ضرب المراية المكسورة بقوة دم طفر بقوة .
جاب وصله بيضه ولطخها بالدم .
وجر ثوبي الابيض ولطخة بقوة ضاغط عليه واني لابسته بحيث لزكني بية برجلة وجنت اباوع عليه عيونة تبجي ويبجي ويرجف
واني ابجي من الخوف تخيلت يذب حني بالمراية بقى شوية كال نامي وتغطي .
لبس دشداشة بيضة وهو ضعيف وطويل مو حلو شكلة .
وفتح الباب وانطاها لاامه والهلاهل كامت .
رجع كال نزعي هذا ونزعني بالقوة واخذة فتح الباب وشمرة كلها هاااج يمه .!
.
سد الباب وانطاني ثوب ثاني كال كومي تعشي .
الخوف الخفته منه خلاني ارجف واكله بطني توجعني .
طلعني لتواليت جانت برا بالسطح ورجعني للغرفة جوعانه ان اكل هواااي
اكلت والله اكل واباوع عليه لايذب حني جان هو صافن على الشباك ومخلي ايدة على خدة واصلا مو يمي ولامنتبه عليه
اكلت لمن شبعت بطني
بدون تغسيل رجعت على الفراش
و نمت وغفيت
الصبح هم اجه يبوس ويحاول يفتح رجل يه بس هو كام يضرب على راسه بقوة .
من الصبح اندك الباب واجت امه تهلهل .
واجت عطور وابتهال اللي مامتزوجه الوحيدة بالبيت .
ودخلني حمام وعلمني شلون اكول من اغسل وسبحت وهو هم ونزلنه وجدي وعمامي يبوسون بينه وانطوني فلوس هواي فرحت بالفلوس الهواي كلش ؟
وجان خطار وهوسة بس اني عيني على الباب اريد امي اسولف الها شسوة خضر؟.
ومااجت لان عرس اخوي وهم خطار .
والظهر هم اجه خضر وطلع روحي وحاول وجان يحجي يكول والله اني رجال اني رجال وبليل هم . .
كتله اريد اروح لامي وابوي وخواتي .
كال لا ماكو روحه وطلع سجينه صغيرة كال اكلج بشائر ماكو اذا سولفتي شصار هنا هاي السجينه اكص لسانج بيها !!
لزمت حلكي بيديه اثنينهن وهزيت راسي أي .
ايامي سريعة وانتقلت من حياة الطفله البريئة اللي ماتعرف شنو رجال ومرية ولاتعرف جسد الذكر شبيه ولا واعية صح بالثاني متوسط بس تربيتنا على الفطرة تربية بريئة
اني ما جانت عندي الفضول اعرف الرجال شنو والمرية شنو
وهم ما اتذكر بهذا العمر مريت بسالفة او موقف او سمعت شي عن الزواج شنو ؟
لابالمدرسة و لا بالبيت ولا حتى الشارع جنت من اختلط وي ولد عمي نلعب دعبل او حاح او ناعور
وابوي مرة گلي بعد لاتلعبين وي الولد لان مايصير لعب البنات يختلف عن لعبهم هما وكحين ولاتخلين واحد يمد ايدة عليج تعالي كليلي
اتذكر گتله ليش
كال لان (عيب )
زين هسه اني وخضر مو عيب اليصير وياه انزع هد ومي وهو
يب وس بيه !
كلش خايفه من ابوي وامي عود ليش ما تجيلي
