رواية كريات الدم السوداء كامله جميع الفصول بقلم زحل
_خليت المخده عله راسي محاوله امنع
صوت الطبول اغفه وافز تعلعلت بنومتي
والظاهر نوشه اليوم سهرتها ماتخلص
دفعت رجلين جويسم الي كاتمات نفسي
وكمت امشي عله اطراف اصابعي
ابتسمت بفرح وانه اشوف الات الفرقه
يعني جايين خذتلي نضرة سريعه بالبيت بس ابوي نايم عله وجهه دخلت للمطبخ ومثل ماتوقعت علاليك الاكل والفواكه عل كاونتر كعدت بالكاع واكلت لحد ماحسيت بطني نتخمت شددت الباقي و رجعت
لفراشي ومادري شلون غفيت كعدتني تصيح .
نجيه:ولج كومي ماخذتنا النومه
هسه دك الجرس .
_كذبة الصباح كل يوم نسمعها فركت عيوني
بعجز التفتت عليه وهيه تلبس بجويسم
الي مغمض .
نجيه:يله بين ماتبدلين اسويلكم ريوك .
_طلعنه للباب وهيه توصي .
نجيه:عينج عله اخوج وانتضري
بالحله
مو تخلينه وتجين.
جويسم: نتراهن اذ طلع تمن ومرك اخذ
مصرفج مال باجر .
_انه اكول تشريب اصفر احجي وعيني لصوله ام الباكله نوب اليوم لابسه برتقالي والربطه من نفس الون الجهال ملتمه عليها درت وجهي لجويسم .
جويسم:واحد ٢.
_وبعدني ماراده عليه ركض خليت اديه بجنطتي وركضت ورا قبل مانعبرها صاح جويسم .
جويسم:باكلة صوله بيهااااا ذباااان .
_كامت تريد بس تلزمنا ركضنا وهيه تشمر ورانا طابوك وصلنه فحطانين واثنينا ماكسبنا الرهان لان الصينه الي كدام ابوي بيها زوري وطماطه وبصل اخضر .
راضي:ها جايين اركاض ؟
جويسم:اي .
نجيه:يله بسرعه غسلو وغيرو
ملابسكم حته
تتغدون .
_وبس كعدنا دك تلفون ابوي الي
نخبص شلون يطلعه من جيبه.
راضي:هسه وكتك .
جويسم:بويه هاي ايدي مااكلت
بيها اوكف انه اطلعه؟
راضي:دتعال قبل ماينكطع وماعندي
رصيد بلكي واحد بي خير.
_طلعه جويسم وقربه منه حته يعرف منو المتصل
عكد حاجبه بنزعاج وهو موجهه كلامه لامي .
راضي:خير شعده اخوج مخابر.؟
نجيه:خاف صاير شي يمه اسم
الله شبيهم ؟
_بسرعه جويسم فتح خط وضغط عل
صوت وخلاه عله رجل ابوي .
ساجد:ها الله يساعدك شلونكم نجيه
شلونها.؟
راضي:هلا بيك .
_ردت امي مسمعته .
نجيه:الحمد الله خويه زينين.
ساجد:اكلك ابو جاسم .
_رد ابوي وهو لازم الزوريه يكروط بيها.
راضي:اسمعك.
ساجد:عود كلت اخذ نجيه وياي وباجر ارجعها.
_وبعدنا مافاهمين شي لطمت امي وهيه تحلف بي.
نجيه::عليك بروح امي ياهو مات شنو صاير .
_رفع راسه ابوي باوعلها سكتت وخالي يحلف
ماكو شي .
راضي:خير ان شاء الله بس الجهال دوام خليها الجمعه .
ساجد:لا الجمعه ماتفيد مو محتاجينها للمحكمه .
راضي:شنو حزورة ماتحجي؟
_رد خالي بتلكئ.
ساجد:عود ردنا نبيع المحل القديم
محد اجرة كلنا المن ضال وداعتك
بتراب الفلوس .
_منطقتنا البيوت والمحلات البيها كلش رخيصه لان الناس تعتبرها مشبوهه رغم مو الكل بس المربع الي احنه بي كلش موبوء.
راضي:اي بيها الخير بس شكد حصتها؟
ساجد:يمكن مليون لو ٢.
راضي:خوش حضرهن وانه الصبح اجيبها
تلكاني يم كاتب العدل .
_وبين عله خالي الانزعاج وسده بعد مااتفقو الصبح يلتقون .
نجيه:الف رحمه عله روحك بويه همزين اجن بوكتهن بلكي تفتحلك مشروع ونحلص من شغلك هذا.
راضي:يكلج مليونين مو مليارين.
_ومن صرنا وفهمنا ولهذا اليوم امي تعيد
نفس الكلام عله ابوي انو يعوف شغل الفرقه
وماانطاها مجال تكمل كام وهو يحجي.
راضي:عود اطينا استكان جاي اريد امدد
ساعه وراي طلعه العصر .
_خلص نهارنا ومتعودين عل ليل المنطقه مرة صوت اغاني وركص لو عركات اهل المخدرات لو الحكومه تدخل عله بيوت نوشه واميرة ثاني يوم غيبونا من المدرسه وقبل مايطلع صاح عله جويسم.
راضي:مو تلعب بالعود اذ لكيتك كاطعه اكسر اديك وانتي عينج عليه.
_هزينا روسنا بطاعه ويمكن بعدهم ماوصلو لراس الشارع دخلنه للغرفه ومرة ندك بالطبله ومرة الدف وهو يخلي العود عله رجله ويدندن وانه
الزم المايك واتخيل نفسي مثل عمتي سلطانه اغني وماحسينا بالوقت لحد ما اندك الباب رجعنه كلشي لمكانه وطلعنه تلكيناهم جايبين وياهم اكل من برا اخذت العلاليك من امي .
راضي:ها خو مالعبتو بالغراض؟
جويسم:لا لا .
_ونفس الموال مال كل يوم امي لازم تعيده .
نجيه:لو تخليك بسطه مال مخضر لو تبيع
جكاير وماي واخلص من دك الطبول .
راضي:مابيها فايده ولا اعرف الها .
نجيه:محد طلع من بطن امه يعرف؟
راضي:خلينا نتسمم وعود بعدين نحجي.
_وماسكتت امي .
نجيه:مادري شعاجبك من هل شغل .
راضي: مثل من تزوجتيني جنت طيار .
نجيه:لا بس اختلفت الناس وبطلت وكلمن شافله عمل بي خير مو ذول اخوتك وخواتك الله ستر عليهن بس انته يارجال فكر شلون نلم روحنا ونطلع منا جهالنا يكبرون وبتنا ياهو يخطبها .
راضي:خلي اخصمها الج من الاخير الافلوس نعدل
بيهن البيت اسوي الغرفه الثانيه .
نجيه:تريد تعرس بيها؟
عوف الغرفه
شوفلنا باب رزق.
راضي:هو انتي ماتنعدلين لحد
ما اعرس عليج ؟
_ متعودين عله مشاكلهم الي ماتنتهي وامي
محرمه علينا الاختلاط بالجوارين والوحيد
بابنا مسدود بعد كم يوم و بلش ابوي بالبيت
سوا يخبل وجاب اثاث ومااهتم لكلام
امي ومثل عادته يغيب ليالي .
نجيه:سوله روحي لعمج كليله ابوي
صار ٦ ايام
مااجه خلي يخابرة.
_خليت حجابي عله راسي
وتمشيت لعمي همزين لكيته بالباب هز راسه
متحسف طلع نقاله واتصل وبدون مايسلم
نزل عله ابوي دوسه ونص .
طالب:انته ما تنعدل ولك عايف عائلتك صار
اسبوع ماتكلي وين غاط شوكت تجي .
_سد نقاله ورجعه بجيبه والتفت عليه .
طالب:روحي اليوم يجيكم .
_ ابوي اذا كال باجر ورا اسبوع يله
يبين رجعت
لامي بلغتها والايام بمنطقتنا متشابهه
لازمه القميص بيدي وحايرة اغسله لو مايلحك
ينشف هو نضيف بس ماعرف ليش صار لونه
هيج شمرته وطلعت لامي الي تصيح .
نجيبه:سوله تعاي شوفي اخوج وين وله
ماطلعت
خمرة بعد شوكت يختمر العجين ؟
_ووووو يمااا ترى مليت لو رايحه انه احسن
طاحت رجليه كل شويه موديتني للباب يعني اذا
اوكفله يجي بسرعه ؟
نجيه:ولججج خاف صار بي شي؟
مامعقوله كل هذا الوكت بالاسواق موتوني
المن التفت ابوج الي صارله اسبوع
مدري وين غاط ؟
_وهاي المحاضرة اليوميه تنعاد.
نجيه:وين رايحه لا طلعين بس اوكفيله بالباب.
_عفتها تحجي وطلعت نزلت الدجه اباوع بالشارع شفته اجه من بعيد دخلت وانه اتحلف بي صرت ورا الباب .
نجيه:هااا مابين ؟
_هزيت راسي لا وبس حط رجله
بالطارمه لزمته .
جويسم:ولج ام عطوب الزركه هديني يماااا تعاي لبتج
وقبل لا توصل امي اخذتلي منه كم كفخه .
نجيه:مجلوبه ايدج كسر ليش هيج ويه اخيج .
_لبست وهيه بعدها تحجي من شافتني اعدل
بحجابي .
نجيه:يااا شو لبستي دوكفي خل اخيج يبدل .
جويسم:اليوم ماعدنه شي خل اغيب يمه .
نجيه:كوم لا اكسر اضلوعك المن غايب ولك
بلكي تصير معلم دكتور..
_ماكو ربط بالامنيات جرته للحمام
وهو يتوسل بيها .
جويسم:يمه ماروح سجليني بغير مدرسه هنا بس يعيبون عليه صدك يمه ليش مانشيل منا .
نجيه:لو بيدي ماضليت ساعه بس شسوي لابوكم ومرات اعذره الاجارات غاليه ولا واحد يشتري بيتنا
جا اخذنه حته لو حواسم .
_ وبعد تواسيل وزيدت مصرفه طلعنه شارعنا بالنهار اكثر الناس نايمه وباليل يبدي السهر تمددت بفراشي وجويسم لازم الايباد صوت الباب كامت امي وهيه تحجي .
نجيه:اجه الشفيه .
_دقايق وسمعناها تصيح طلعنا بخوف.
نجيه:نوب جايبها لهنا ماكافيك اليل كله
انته وياها دك وركص .
راضي:تزوجتها ..
**بنين**
_صبحت عله ثابت الي فاتح البنيد مال السيارة ويبحوش بيها ابتسمت من شفت
سيد صلاح متوجه علينا وهذا طبعا لازم يسال ..
صلاح:سلام عليكم ها شخيرها المحروسه.؟
_واكيدثابت جاهز للرد.
ثابت :اسم الله عليك حرارتها مرتفعه.
_عفتهم وتمشيت لمريم
يوووو نفس الموال هيه وامها صوتهن واصل لشارع دفعت الباب ودخلت ردن عليه السلام ورجعن يتعاركن
كمت وانه اجرها معوده راح تصير ب١٢ دمشي
طلعنه التفتت عله بابنه وهيه تحجي .
مريم :بس كليلي هذا سيارته شوكت اطيب الحامل جابت والمطلكه ردت والزغير كبر وهيه مفككه وهو ممدود جواها .
_والله لو يسمعج اله ايملص اذانج ترى المسكرة الي حاطتها مبينه وخاف هسه ماانتبهلنا بالرجعه نلكي لازم الركن .
مريم :وعله طاري الركن اموت واعرف
الناس الي راح تسكن هذا البيت ..
اسيل:وحوش فضائين يعني اكيد بشر مثلنا يوووو داك الجرس دخلنه نتختل وخلص الدوام ولازم تفرنا من الفرع الثاني اي المن جبتينا منا.
مريم :نشوف نستطلع مليت من شارعنا نفس الناس ونفس البيوت .
_بشرفج شنو الي يختلف ترى نفسها منطقتنا تعاي اصيرلج مرشد سياحي .
مريم:الله اتخيل نفسي بدوله اول مرة ازورها
وماعرف عنها شي واستعين بمرشد .
_ايي تخيلي تخيلي شوف عيني هنا كان يسكن شخص اسمه كاطع الي هوه جدج السابع ومن بعده صارو اجدادج البقيه وطبعا زمان الرجل لازم يتزوج ٤نسوان حته يصير عنده هواي ولد .
مريم:شنو جان يحس من خلانه كل اربعه من جده.
_اوك مدام في هذا الشارع المجعمر عمتي ام غسان واختها فرات الي يصيرون بنات عم ابوج ومنا بيت جدي ابو امي وتعرفين خالتي ميسون تزوجت جارهم عن عولاقه نشات بينهم .
مريم:ههههههههه لا ومفتخرة شافها من جانت
تخبز بالحديقه حب عل خبز الحار .
مريم:ههههههههه لا ومفتخرة شافها من جانت تخبز بالحديقه حب عل خبز الحار .
_يعني تعرفين كل شبر هنا وكل شخص وسيرته ومسيرته بعد جايبتني المن دمشي لا هفج بطراك .
مريم:كسرتي واهسي يااختي خليني احلم
حته لو جذب.
_ماحب اجذب يله باي من يم بابنا وتوادعنا هيه راحت وانه دخلت ميته جوع غيرت ملابسي
و التمينا عل السفرة ابوي واخوي مولي
واياد اليوم يمنا زوجته رايحه الاهلها شويه وانضم ثابت للسفرة وحديث امي المعتاد الي ويه كل وجبه لازم تحجي .
وفييه:بنين غسلي الملابس اليوم كوى طبخت رجليه حيل مأذياتني اريد اشوف شوكت ياخذون نسوان ويخلصوني من التعب .
_هو بس مولي وثابت الي مامتزوجين وهيه
من تحجي تجمع ونفس الجواب بدون مايرفععون
روسهم من السفرة ردو .
ثابت -شتكولون لو
اياد-قصدك نزوج ابوي
مولي-افضل حل وبلكي يصير عدنا خوان .
الاب:سعد صارله كم يوم حته مايتصل؟
وفييه :بعد صار ابن اريج مالنه حق بي.
ابو اسعد:مدام مرتاح خلي .
وفييه:طبعا تكول هيج خو ماتنطي
بنت اختك.
مولي:والله عدكم نقلات شنو هل سرعه بالتحويل
من موضوع الى اخر.
_وتحول الموضوع لسعد اخوي الي
تزوج اريج بت عمتي وماطولو ويانه
اقل السنه وعزلو
وهيج يخلص نهارنا العصر ابوي والولد يطلعون للمحل ومولي يدرس طبكت الكتاب وطلعت وانه احجي اتعمد اداهرها هسه لو عندي رصيد مثل البنات عل اقل اخابر مريم .
وفييه:و تخابرينها عله واير الاوتي لو عندج
لاسلكي دمشي تريد تنجح ام العقل الفارغ .
_يمه اقصد من ايصير عندي نقال .
وفييه :وهو شطيح حضها وعادت السنه
غير النقال ؟
_يمه ليش تضوجين منها ترى خطيه.
الام:ماضوج منها بس لسانها طويل وامها تشكي منها اخيتها ذيج فقيرةوعله نياتها واجاها واحد ابن حلال و علاء رغم سوالفه المكسرة بس كمل وتعين واسمه صار بالدوله و رأفت كون نفسه و مستقر ويه زوجته اله مريم مابيها خير ..
_مستحيل تتناقش نبع الحنان ولو كلامها صح مريم متذمرة وقاسيه ويه امها بس احبها انه وياها صار
سنين صديقات دون عن بنات عمامي وعماتي وخلصنا
المتوسطه وهسه احنه اعداديه دخلنا شارعنا واسقبلتنا ريحة الاكل حركت خشمي بطريقه حاسه الشم .
مريم:ترى اليوم خميس يعني مايحتاج
تعبين خشمج اكيد من بيتكم هاي
الروائح الشهيه .
_دمشي وياي عل واهس .
مريم:لا تعبانه ماعول الزم الفراش بس
دزيلي موتنسين يله باي .
_دخلت بوجهي للمطبخ اليوم نبع الحنان
مسويه ثواب.
وفييه:دروحي بدلي وتعاي ساعديني .
_وهاي عادتنا كل خميس يتسوك ثابت وامي تطبخ نوزعه للجوارين الي اكثرهم اقاربنا عمامي خوال ابوي ولد عمه خالاتي وعماتي ثنين ساكنات نفس المنطقه كاعده اسفط المواعين بالصينيه وهيه تحسب هذا لفلان وهذا لبيت فلان .
وفييه:ها بعد منو بله احسبي
خاف نسيت احد.
_دخل مولي بطريقة المعتاده .
مولي:يمه انتي ينطبق عليج المثل الي يكول
نذر عياده اله ولاولاده .
وفييه:الاقربون اولى بالمعروف ومافرقت الكل نفس الحصه دكوم وزعه ينطيك مرادك ويرزقك بالزوجه الصالحه .
_قبل مايشل الصينيه دنكت اخذ
ماعون صاحت بيه.
وفييه: لاتاخذين منا صبي واكلي .
_لا ماريد اكل بس لمريم .
وفييه:مولي راح يدزلهم شنو عله راسها ريشه
لو من زينها ؟
_ضحك مولي واخذ الصينيه وطلع
اجه ابوي الي
هل الفترة حيل مغثوث تلكته امي بقلق .
وفييه:الله يساعدك شو راجع من وكت خو ماكو شي.
_كعد وهو يستغفر .
ابو اسعد:خابرتني اقبال تشكي من اسعد عبالي مشكله بسيطه بينه وبين اريج رديت عليها لاطلعين بالفشل اول وتالي يتصالحون .
وفييه:شنو الجديد اريج كل خمس دقائق تزعل وتكول اروح لاهلي وماارجع.
ابواسعد:لا تظلمين بختج واحنه نعرف سوالفه اذا قبل يخاف لان جان ويانه هسه مايرجع لوجه الصبح تعبني هل ولد حيل .
_بس اندك الباب ابوي كال.
ابو اسعد:كومي يابه هاي اكيد عمتج.
_تلكيتها هلا بيج عمه دخلي سلمت بثكل وكعدت كبال ابوي .
ام اريج:خاف تكول انحازت لبنتها اعتبره غريب لو زوج زهراء تسكت عنه .
ابو اسعد:اكيد لا بس شنو بيدي يااختي من البدايه كتلج زواجهم غلط ابني وانه اعرف بي زعلتي وكلتي ماتريد تاخذ مني .
ام اريج:يعني غلطانه لان ردت خوتنا تقوى
وهو الي خلاها تحبه .
_امي ابد ماحجت لان بكل مرة تدخل تصير
مشكله بينها وبين عمتي.
ابو اسعد:ما ادكلج صدري ولا اواعدج بشيء
بس العليه احجي ويا .
_انتفضت عمتي .
ام اريج: لا يابه كثر الله خيرك مسوي فضل
يعني صدك تحجي .
ابو اسعد:طفل واعاقبه احبسه وماخلي يطلع
اكتله واكله لاتعودها بعد شسوي .
ام اريج: يعني عوف بنتي بس فكر بسمعتك
وصورتك كدام الناس وانته ساكن الجامع .
_ودوم تغث ابوي بهذا كلامها .
ابو اسعد:عود اذا بيوم توجهلي سوال
لو كلمه اكلهم يخلق من ضهر العالم فاسد .
(قدررررر)
_واكفه يمها بحذر وهيه تسب وتنعل اليوم وقسمتها الي جمعتها بي لو بيدها تنتحر اشكد انقهر او بالاحرة
طول الوقت انه مقهورة رغم البنات بالمدرسه من
يعرفون بيه وحيدة امي وابي يكولن هنيالج عكس شعوري احس بفراغ جبير
غيرت حفاظته ودارت عليه تحجي بتقزز .
وداد:بعد لاتنطي اكل .
_رديت بخوف جا شلون يموت من الجوع .
وداد:ياريت .
_لا لا خطيه انه اغيرله انتي بعد مالج شغل بي .
وداد:سدي حلكج وتسوين الكتلج عليه .
_انفتح الباب ودخل عمي فاروق دنك عله ابوي باسه جريت الكرسي قدمته للجربايه كعد وامي استلمته شكاوي .
وداد:باليوم اغيرله ٤ مرات الضاهر وزنه زايد هاي الحقيرة نهار كله تعس بحلكه كوى ارفعه من الفراش .
_وباوعلي برضا ورد عليها.
فاروق:نشوف ممرض ونستغني
عن خدماتج .
وداد:مافهت ؟
فاروق:موضروري.
_عمو انه اقوم بواجب ابوي لا تجيب احد .
فاروق:الله يرضى عليج .
_انتفضت امي .
وداد:وداومج وانته كيفت ترى ماخليها تبطل فاروق مو هذا اتفاقنه.
ماانطها مجال تحجي كام وقبل مايطلع وهاي اقوى شي عنده يلمس خدي ويبوس ايده عله اساس باسني وهو ينضر لامي الي متخوصرة غمتني وطلعت ورا
من فتحت عيني عل دنيا ابوي هاي حالته وامي بعد
موت جدتي كامت تعامله بذل مرات حته تضربه اذا عمي ماموجود كبرت وصرت اعترض عله اذيتها اله
منا وبدت مسؤلية ابوي بعاتقي
مرات عمي يساعدني عليه واكثر
الايام لوحدي
رغم عجزة بس وجوده يحسسني بالامان غمض عيونه بمعنى شبعت مسحت حلكه بالاكلينس وخذت الصينيه وطلعت بعدني ماعابرة الدرج نزلت رنا تصرخ وهو يركض وراها..
طارق:اليوم اله اادبج.
رنا:ادب نفسك.
_فوك الضيم تلكتها فاطمه مرت عمي .
فاطمه:حسج خفه ادبسزز فضحتينا .
رنا:الله ينتقم منج ومنه اذ مااخلي
ابوي يكتله خلاص حشاش مدمن سكير .
فاطمه:انعل ابوج لابو عشيرتج تنكلعين الف وحده تجي بمكانج بت ابو الغاز شبعتي وكمتي تزاكطين .
_خليت الصينيه عل سنك ورجعت يمهم هنه يتصايحن وهو واكف نوب اثار الجروح الي بجسمه والوشم الي مامعروف شنو
شكد جنا اني ويا اصدقاء وحيل
مقربين بس من كبر تغير وعمي كام
مايقبل ننفرد لو نكعد سوى يكول المدمن ماله امان .
رنا: ولا اخطي ويا الباب بس انطوني نقالي اتصل بأاهلي همه يجون عليه .
فاطمه:ياتلفون البي رقم صاحبج
لو مراسلاتج تالي اليل ؟
_وهاي التهمه كل وحده رادت تطلك من طارق تذب الف مصيبه براسها.
رنا:على هذا كلامج لو تنطبك السما
ع الكاع ماابقه .
فاطمه:بلا رجعه ولك اشمرها يم بابهم وارجع .
_وعبالك منتضر هل كلمه هز راسه
بمعنى اي والتفت عليه .
طارق: كومي جدر جيبيلي تشيرت والسويج .
_وهذا القب مدري الدلع لاسمي صعدت لغرفتهم لحكتني رنا تاخذ عبايتها لزمت ايدي بترجي وحجت .
رنا:عليج بداعت ابوج لاتحجين راح اخذ ذهبي .
_اخذي كلشي بس ديري بالج لاتشوفهن لمت
شكو فلس وذهبها شمرت عليها قميصه والسويج
نزلنا اخذها وراح ضلت فاطمه تدعي وتغلط .
فاطمه:بت الفكر اذ ماخليتها تبوس
رجلي قبل ايدي .
_صاحت امي .
وداد:قدرررر وينج ؟
فاطمه: انتي وامج هم يرادلجن يوم .
_عفتها تحجي وتوجهت لامي الي
ماخلت مسبه ولاغلطه .
وداد: لو مخليته يجيب ممرض يتكفل بي هسه شيرفعه الج غيري الجرجف مال الجربايه لايجي عمج ويضل يسربت .
_اباوعله لو بس تحجي شكد
اتمنى اسمع صوتك ؟
وداد:ديله كناري لو يغنيلج خلي يشيل ايده رجله لايحجي .
_زين انه راح اكلبه عله جهه وانتي بس سحبي الجرجف من جوا وخلي هذا النضيف .
وداد: مو ادري مادبريها ولج اذا بده
الدوام شلون راح تكدرين؟.
_بلكي يصير زين.
وداد:هاي العايزة يسويها الفكر ويطيب اي جا الي خلاه يعيش دون عن اخوانه القبله .
_دنكت عل فراشه والملابس اخذتهن وطلعت لان اذا ابقه بعد ماتسكت بوجهي للطارمه شغلت الماطور وبسطت اغسل توني اشر بيهن دخل عمي .
فاروق:ليش انتي تغسلين امج وين ؟
_رديت عليه وانه انشف اديه بملابسي ماعندي
شي وهيه بقت يم ابوي قاطعنا صوت فاطمه.
فاطمه:لو تنتبه لابنك بكد
ماشايل هم ايوب اول وتالي يموت.
_عفته يتصايح وياها ودخلت .
وداد:شكو شنو هاي الهوسه ؟
_عمي وفاطمه .
قصص ماي هوبس
وداد:عساهم كون مايشوفون
الراحه ولا تثبت مرة لابنهم.
_وبعد مشوار من دعوات امي وصيحت فاطمه
كملنا غده وطارق ماله حس عمي متحلف بي .
فاروق:جهازه مغلق اكيد يم الشله مالته .
فاطمه:كل الشباب هيج اول وتالي يعقل .
فاروق:ياشباب الي بعمرة اولادهم بطولهم.
_بقو منتضرين طارق انه وامي دخلنه للغرفه احس بفراغ مو طبيعي ونوب نقالي الي عطل واخجل اكول لعمي يصلحه واحنه طبعنا او بالاحرى عمي مايحب
يختلط بالجيران ومحد يدخل علينا باوعت الها كاعده وعينها لابوي تمددت وخليت راسي بحظنها وشايله بروحي الف حسرة .
وداد:كومي لفراشج .
_مليت من النوم .
وداد:انتي دكيتي صدرج تحملي كتلج خلي بالج بدراستج محد يفيد وهو مو فلاونزا حته فترة ويطيب.
_حته اذا داومت ماراح انجح لان
فكري يمه وانتي تعبتي.
وداد:ولج خلي يجيبله ممرض لاتتعايرين.
_انه متامله يصير زين .
وداد:اكلها ثور تكول احلبو كومي
لا اطلع ضيم كلبي بيج.
_دفعتني وكامت لفراشها سمعنا
صوت عمي الظاهر اجه طارق.
فاروق:همزين اذكرت عندك اهل وين جنت ؟
طارق:ترى الظهر طلعت الي يسمعك يكول صار شهر غايب.
فاروق:وتالي وتالي فهمني شنو الحل وياك شوكت ناوي تعقل وبعدين شلون ادز زوجتك لاهلها ؟
طارق؛تولي ماريدها بعد.
فاروق:مو هيه لعبه ؟
طارق:انتو ردتوها لعبه زوجتوني وهاي صار سنه لا خلفت ولا شي بعد المن باقيه تتعيقل براسي مارجعها لا تعب نفسك واذا جيت ولكيتها اشمرها من الدرج .
_ضلو يتصايحون لحد مامل عمي وعافه وهيج
تمشي الايام بهاي الفترة حيل تعلقت باابوي لان صار كل وقتي يمه رنا طلكوها وهاي الزواجه الالف لطارق قرب الدوام وامي تلح .
وداد:كولي لعمج اريد ادوام.
_استحي خاف عباله ماريد اخدم ابوي .
وداد: يكدر يخلي الف ممرض ليش احنه متحملين لعبان النفس .
_يمه اذا ماتحبي ليش بقيتي عنده
وخلفتيني جان رحتي لاهلج .؟
وداد:لو عندي اهل ماخذته .
_رديت عليها يمه يعني امج وابوج ماتو خوش الله يرحمهم ماعندج اخوان واخوات ؟
وداد:وحيده اهلي ماعندي اخوان ولا خوات .
_خوال عمام .
وداد:ماتووو..
_وهذا جوابها الي انه مامقتنعه بي ابد ..
