رواية أيتام أبوين كامله جميع الفصول بقلم دنيا
..................
وما كنت اهوي الدار إلا بأهلها
علي الدار بعد الراحلين سلام
إن كنت مثلي للأحباب فاقدا
او في فؤادك لوعة وغرام
قف في ديار الراحلين ونادها
يادار ما صنعت بك الأيام
والله ما اخترت الفراق وإنما
حكمت علي بذالك الأيام
............................................................................
حوراء
..
ايدي على عيوني منزعجة من ضوة الشمس ومن صوت الراديو مال زينب
.. حسين خبصنا يمعووودة كوميييي ادري طفلة تبدلين من اليل والله موتيني اني مااشيل هم غير شلون اكعدج الصلاة الفجر وشلون اكعدج للمدرسة ولج حوراء انتي خامس مو اي صف يرادلج حيلين وانتي مكضيتها مثل البزونه الحامل وين ما شافت فراش مددت ونامت دكومييي فضينيييي
.. حطيت اصابعي بأذني في سبيل مااسمع هالوشة مال الراديو اليومية بس طفرت من سمعت اسمة بس
.. متكومين موووو تمام ضلييي بنومتج اني رايحة اكول العباس
.. كممممتت كمت والله يعني والله تعبت ياربييي كون صار. وخ ويوكع بنص المدرسة واخلص منهااا يااللهي تعبتتتتت
.. زينب..
مشرممتها ست حوراء لج انتي مكضية نص نهارج نوم والنص الثاني موبايل وبليي تدرسين بالشهر مرة بس علمود الامتحانات؛ يلا كومي بسرعة البسي حجابج واني راح احط ريوك نكسر ظهري من هاي الغرفة تكول مزبلة مو غرفة شلون عايشة بيها مااعرف
.. طلعت وهيه تدردم واني احجي نفس كلامها وراها لأن حفظتة هيه البارحة كربت عليه وخلتني انظفها بس البارحة باليل من بدلت طشرت الملابس وهاي لمتهن وخبصتني خبص
كعدت بباب الحمام يم المغسلة واني نعسانة احس اريد انام هنا بأي مكان المهم انام بس صوت الانذار اشتغل زينب مثل صوت الجرس مال المدرسة شكددد مزعجججج
.. غسلت وطلعت امشي واشمشم بريحة الجاي المهيل والخبز الي عبالك ريحة كيك اخذت وحدة من الميز وهيه حارة تازة واشتميتها
.. افييشششش الواحد ياكل بس خبززز
.. ها عجبج اليوم حطيتلج علي سمسم اعرفج تحبيي
.. شكراً الجج يااحلى زنوبة
.. احترميي امييي زنوبة بكبرج
.. عساس عمرج مية سنة ترى اكبر مني بكم سنة
.. ترى اني ربيتج
.. اي صحيح اني اصلا تربيت على تربيتج وجنت اقلدج بكلشي
.. زينب بابتسامة خجولة
.. خجلتيني
حوراء .. اتمنى اصير مثلج زينب
.. انتي مثلي واحسن منييي بعد واني اريدج تصيرين وتوصلين للمكان الي ماكدرت اوصل اله للمكان الي كضيت عمري كله احلم بي اريدج توصلين للجامعة للمكان الي روح اختج بيي ونفسها والله
.. تعرفين زينب..اتمنى تكملين دراسة وياي انتي اذا تسجلين حتى قبلي تدخلين للجامعة لأن مكملة سادس إعدادي بس اوووف يا عنادج
.. مو قصة عناد بس اني مااكدر بعد وتعودت على البيت تعودت انتظركم واودعكم احس بحنية امي قبل هيج جانت تسوي ويانه واني اتحدة بأخواني عباس وحسين اكللهم نلكه امي كاعدة بالمرجوحة وهمه يكولولي وييين الدنيا موت حرر وبالاخيير افوز اني ميهما حر برد اول ما نجي تركضلنا وتبوس بينا وتضل تحجي على التربية لأن هيج محملينا كتب لا تلوميني واني احاول ارجع جزء من محنة امي وابوي الحياتنة
..مرات اكول هنيالج شفتي وعشتي ويا محنة امي الي كلها تحجي عليها الا اني نحرمت منها والله عوضني بيج يااحلى اماية بالدنية بس عندي اقتراح هلكدوتها والله خلوني اكمل للسادس وادخل تمريض والله تعبت من الدراسة
.. مستحيل اني ماتركت لوما مسؤليتكم ولازملكم شخص يوكف على روسكم وعلمود مستقبلكم من سابع المستحيلات تتركين عند مرحلة معينة تداومين لحدما تتخرجين من الجامعة فهمتي
.. اصراركم يخليني انحبط ليش لان اني اكرهه شي اسمة مدرسة وانتوووو اوف انتوو
عباس.
مضوجيج احنه ست حور
.. فزيت من مكاني وعدلت كعدتي احتراما الأخوي الجبير عباس والي بمثابة اب الي والنا كلنا اني احترمة وهم اخاف من عندة لأن هووو يمه اذا عاقب واحد يعاقبة عقاب سكوتي يخلي يفر بأذاناتة ويتوسل بي حتى يرجع يحجي ويا طبيعي
.. لا لا ما مضوجيني بس شوية الدراسة صعبة
.. صعبة؟؟ كلتلج اخليلج مدرسة ما قبلتي وحسين يدرسج شعجب صعبة؟؟
.. لا مو صعبة الهدرجة يعني اقصد مو صعبة لدرجة مدرسة حسين وزينب كافين بس هم تبقى صعبة علية وحقي
.عباس. اي والله حقج بنيتي صحيح الدراسة هالوقت يجيبونهن للكتب من المريخ موقعات صعبة بس على الي يدرس ويجهد نفسة في سبيل العلم ماراح تكون صعبة عليي ابد شكد ما تكدرين ادرسي اهم شي بالحياة وخصوصا البنت هيه الشهادة اذا انتي تمتلكين شهادة معناتها امتلكتي نصف الدنيا
.. شلي بالشهادة وانتو محاوطيني ومخليني مثل الاميرة ما احتاج شي اصلا اني مستكفية من موضوع الدراسة بزودكم وبجالكم الله يحفظكم الي
.. ويسألوني ليش احب هاي البنية من السانها العسل مثلها لج بابا قابل احنه دايميلج يا روح عباس انتي
.. ابتسمت على كلامة عباس دائما يعليني ويخلينا اني واختي زينب وحتى حسين بكلامة فوك النجوم
وهالشي حتى ما يخلينا نستعطش الكلام الجميل والمدح ولا نتأثر بمجرد كلمة جميلة انكالت النا لأن احنه سامعين الاحلى منها
.. وان لا تضغطون علية حبابين
.. يعني تكولين اكعد
حسين.
اصبحنا واصبح الملك لله كل يوم افتح عيوني على نعوصة ست حور يابة يالدكتورة اكرمينا بسكوتج كلج خلك أدبي شراح تصيرين مثلا فراشة بالمدرسة ولا نضغط عليج ديلا يلا فضيني صارلج ساعتين تشكين وتولولين وانت خوية عباس دخيل ربك شكد عندك صبر على هالنعواصة هاي تكول مكينة عطلانة
.. عباس..
لك حسين ليش تحجي ويا اختك هيج بعدين احنه شعدنا غير هالاثنين هذن يلا عطلتكم اني توكلو على دوامكم واني راييح اوصلج زينب اليوم
.. زينب
لا ما عندي شي اليوم راح تاخذ مكاني عمتي لأن عندي شكم شغلة اخلصهن بالبيت
.. حوراء
.ما متنعوصة اني حسين لا تبقى تحجي هيجي مااحبك روح اني اخوي بس عباس
.. دروحيي واني اختي بس زينب
.. زينب
.. حطيت ايدي على راسي واني استمع للعركة الي مالها نهاية من هالرويسية هذولة سكتو بزمخة من عباس خلتهم يركضون للغرف علمود يرتبون انفسهم واني كمت حظرت سفرطاسهم وبيها الأكلات الي ياكل من وقت والي ياكل بوقت متأخر فكلت افض النزاع واخليلهم بسفرطاس
.. عباس
.. زينب مو اجي الكاج متعلكة بالبنكة وتمسحين بيها على كيفج ويا روحج خوية
.. هههههه يا عباس شسالفة ويني وين البنكة بس شكم شغلة اكضيهن طلعو واني بقيت وحدي ركضت واني متناسية دولكة الماي متعودة كلما يطلعون ارشك الماي وراهم شمرت الماي وصارت على السيارة طلع حسين يأسر بيدة عود يغلط ضحكت على سوالفه ودخلت للببت
.. مملكتي وقصري وحياتي الي كل يوم وكل كعدة احمد الله عليها بعدما جنه معلعلين طول هاي الخمس سنوات بالبيوت وبين الناس وكلها مستثكلة عيشتنا وماالوهم لحم بن ادم ثكيل الله مكن اخوي حسين وكدر يفتحلنا مشتمل صغير مكفيني وزايد عندي من كدما جنت حاصرة دائرة أمنياتي بغرفة ونعيش براحة منفكر باجر اخاف تاخذنا النومة ونسمع حجاية تغثنا نكعت الوصلة وسحلت الدرج امسح بالثريات بكل هدوء اخاف يوكعن واقرة الباسم الكربلائي
.. وعلى كوله اخواني صوتي حنين ومن كدما احس هاي القصيدة تمثلنا ما اشبع منها حفظتها على گلبي
.. ماهو بيها ماهوو بيهاا...
دار خلاف اهلها ماهو بيها...
شلي بيها وابوي ماهو بيها...
شبه طفلة المضيعة ماهو ابوها
تحسد كل طفل بحضان ابية ٠٠
لا ترد ماضل اثر كلشي انتهى بسفركم..
لا ترد مات الورد من انكطع خبركم..
كتبت على نارك دمعة انتظارك...
.. كعدت بالكاع وحظنت رجلية الصدري وصوتي تشحرج وكفتلي كلمة بوية ماكدرت الفظها معقولة عشنا كل هلمدة و ما شايفيكم ولا سامعين اصواتكم ولا ملتمسين حنانكم
اي والله بوية تدري من غيابك موتي راحة
رفعت راسي للصورة واختفت بسرعة بسبب غيوم المطر الي نهالت من عيوني وبدن يتساقطن ويصير دموع كل مرة اكول بس اليوم وكل يوم اكول خلص تخطيت موتهم بس مااكدر مااكدر عالأقل يم عمامي جنت انشغل بس هناا لا صورتهم كبالي لمعة عيونهم بالصورة ابتسامتهم الي فقدتها
.. كلهن كبالي كأنما اشوفهم مو صورة احسهم يضحكون وياي ويضوجون لدموعي
.. يا حنيتك يا بوية
يا حنانك الي نحرمت منه يا روحها الزينب افديكم بعمري لو بس يوم اشوفكم لو بس يوم تجوني لو بطيف هم راضية ليش هيج كطعتو ويا عزيزتكم زينب. هاا عفتوها وحيدة عفتوها وما اجيتوها لو بحلم لو خطفة بس اشوفكم بيها التمسكم قريبين مني ليش ياببببه مو بنيتك اني مو عزيزتك مو حبيبتك جنت تكول اني ليش اكعد زينب من الصبح حتى انرزق لأن شوفتها وضحكتها ودعائها وراي يرزقني
.. جا خلصت بوية انت رحت واني تعودت على كعدة الصبح اشوف بيها ابوي بس مو انت لا اشوفك بعباس كله انته اكعد في سبيل احس نفس الشعور من تدللني بكلماتك. هو هم مثل طبعك روحي ابوية
..اوف يا يمممه شلون انطاج گلبج وشكلتي الروحج وعفتينيييي
.. عضيت على ايدي اكتم صوت بجيي الي صار صدى بكل البيت بجيت وبجيت ولحدما وجعني عيوني لحدما نشفن دموعي وصارت بس صوت الشهكة الي تكص ريتي كص يطلع مسحت دموعي
وكمت واخذت الغراض وطلعت من الصالة ضليت اتجنب امر واتجنب اباوع للصورة اخاف انهار وانسى روحي ويجون اخوتي ويشوفون حالي وهمه هستوهم بدو يكملون حياتهم الي توقفت بيوم وفاة اهلي
بالحقيقة احنه عائلة دافية عائلة خريف وربيع يعني لا صيف وحارة ولا شتا وباردة احنه نفدي ارواحنا البعض وحنينين كلش الا ابعد حد وهالشي كبرنا علي ابوي وامي ما يوم شفت ابوي عيط على امي لو هيه رفعت صوتها الهادئ علي ولا يوم شفتة مد ايدة عليها بعدما شفت عمامي طلعنا بينا حالة نفسية منهم وتذكرت اهلي جنه بغير عالم وغير حياة ناس تضوج من البيت واحنه عدنا البيت جنه عباس كلية واني بالسادس مدللة رغم فقرنا وعوزنا وابوي يومية عندة وبيتنا اايجار من عمي ممدوح مأجرة
.. ويوميتة قليلة بس ما جان مخلي بنفسنة شي يجيب وينگلي من العاب ملابس اكسسوارات مدللني جانت امي متقبل. يجيب مكياج لأن هية وعندها حمرة سحرية من زمن أجدادي وتضمها فوك الكنتور عنا اني وحور مرات ابوكها واحط منها لشفافي وخدودي من اطلع ل المدرسة وحور تقلدني همين تحط وياي ويا ويلانا لو شافتنا اميي الا تخرب عيشتنا مو تضرب لااا تسكت وتخلي البيت كله يسكن وتعاقبنا بمعاتبة اكثر من محاسبة لذالك نخاف منها ومن زعلها
.. بوقتها جنت كاعدة ادرس بغرفتنا غرفة الكل بس باليل يطلعون منها وتضل الي عود شنو اني بنية وسادس ولازم مدللة وغرفتي وحدي ومن اجتني حور وصارت اختي وبنتي بنفس الوقت ابوي جان يشتغل وامي همين بنفس المكان يداومون
ندكت الباب ودخل ابوي ضام ايدة وره ضهرة طفرت حور الحظنة وهو شالها بأيدة وصارت على بطنة
..زينب..
الله يساعدك باباتي
.. ويساعدج بنيتي شلونكم ذهباتي
.. كعدت بصفة وانتجيت على رجلة ونسولف اني ويا عن يومي واباوع الوجهه الاحمر من التعب والشواربة ولحيتة الي ما بيهن ولا خيط اسود كلهن بيض تخوفني فكرة ان يكبر مااتخيل فكرة اعيش بدونه يمكن اموت والله
.. اليوم جبتلجن وياي شغلة وماانطيها الا تبوسني هنا وهنا وهنا
.. جان يأشر على وجهه واحنه تحمسنا خو حور الملكوفة ماخلتلي حتى مجال صارو يشاقون هيه وياه واني اضحك الضحكهم
.. غمضت عيوني بألم ونزلت دمعتي الي ضنيت خلصت اليوم الي عبالي بعد مااتنزل ورنة ضحكاتهم تردد بمسمعي
.. طلعلنا علاكة سودة بيها قلم حمرة تحديد
وحمرة ومثل مال امي سحرية
... ضمنهن عن امجن ولا تحطن منهن من تطلعن حرام مايصير باباتي بس گلبي ماينطيني اخلي شي بنفسجن
.. عطت بفرح وكمزت حظنتة حبيبي انته ابوييييه هيجج كون الله يرزقك من كل البوب. يخليك تغرك من كدما ترزققق احبككك احبكك
حور.. بابا كون الله يشيل رزق ويشمر عليك كون هيج تصير عندك كومه ارزاق كووووومة وتوزعهن من كدما هواي حبيبي بابا
ضلينا نكلب بيهن بفرح وضميناهن جوه فراشات الغرفة النضدة
.. واتذكر من لكتهن امي صار عزا علينا لأن ضلت تستفسر منين وكنالها بابا جابهن وابوي من شاف امي عصبية كال يا بابا عندجن اب انتن
.. ابتسمت واني اتذكر ردة فعلة سوة هيج حتى يهدئ اميي ويكللها اهدئيي بس بطريقة متخليها تتعصب بعد أكثر
.. يوم مشؤم خطفهم منا وللأبد بيوم بارد لدرجة بردوة تقرص الجسم منكدر نتحرك منا الهنا من البرد امي وابوي تأخرووو كلش والدنيا مظلمة متعودين ماعدنا مولدة وعباس يسوي بالفانوس ويدردم على الشتا وشوكت يخلص واني حاظنة نفسي ببطانيتي ومطلعة بس عيوني
.. عباس بس فكرلها شوية يعني بالشتا تتغطة ببطانية تدفة وتفرح وتستنعش وترتاح زين اذا اجه الصيف واحنه ماعدنا مبردة نضل كاتلنا الحر وندور السموم دوارة عليك العباس تسكت
.. اي انتي شرايحلج اني اطلع واشتغل واتعب بهالطين وانتي متلفلة بالبطانية وتسولفين ست زينب
.. حور.. انتو تتناگرون اكثر منا اني وحسين
.. حسين هسه كايل حاجي شو انتي مدري شلونج
.. هسه اني شكلت
.. عباس اهوووو حسدت روحها دكومن سولنا بحتة وحطللنا دهنة عليها والي تسويها طيبة شرط الها ألف يكركع
.. كمت بسرعة شباك المطبخ مفتوح الدنيا ترعد بصوت يرعب تمطر زخ وترجع تهدئ شكد احب المطر واخاف الرعد حارمني من لذة الطلعة والفرة جوه المطر
واني اصب بالبحت جان عباس منكعلي تمن فبسرعة سويتها ندك الباب بقوة وكأنما يتكسر ركض عباس للباب وهو يدردم واني اراقب بيهم واصب بحذر لأن تلسعت تلسع من الحرورة
.. انفتح الباب وصار كدامي منظر عمي وهو لاف جماغ وجهه والدشداشة مليانة صخام؟؟
وخر الجماغ وكعد بنص الحوش يبجي بنحيب
.. عباس... عميي احجيي كول شكوووو
.. ممدوح.. يابويه ياعمي يا كسرتك يا بنيي
.. عباس.. عمي والله خوفتني اهليي بيهم شيي
.. ممدوح.. مصيبة بوية عباس مصيبة امك وابوك راحووو راحو يبويه
.. فلتت الصينية مني وطاح على رجلي وفز گلبي من الألم بس مو ألم الحرورة كلمات عمي هذني جانن كفيلات بتوقف حياتي وحياة اخواني
شنو نخسر حياتنا بيوم واحد بساعة او نكول دقيقة كلفتة الاعمي حتى يوصل الخبر النا بس من هاي الدقيقة وهاي المغربية احنه متنا مو همه تشتت كل احلامنا والبيت الدافي الي انتظر ارجع اله كل يوم صار معتم مظلم مابي روح اسمع صوت عباس ولهسه يتكرر صوت عمي بعقلي وگلبي صار ينبض بقوة وكأن يريد يتحرر من مكانة ويطير ويشوف اهله
هذا كله والاصعب بعد الي مخليني متعجبة شلون اني عايشة الهاي الحظة هو موتتهم وعذابهم
جانو يشتغلون بمجمع طابقين
محترك الطابق الأول كله يعني ميكدرون يطلعون ورايدين ينزلون وما كادرين ومحد كادر يوصللهم مو بس همه ناس واطفال منهم طلع ومنهم توفة يعني مو بس احنه الي تيتمنا بس شنو الي يقنع عقلي يقتنع محد خلاني ابجي براحتي بس خلصت الفاتحة وكفت عمتي وعمي حتى يطلعونا من البيت وعباس ما قبل يبيع شي منه احنه متدمرين وفاقدين امنا وابونا خيمتنا وهمه يفكرون بالبيت وشلون يبيعو لو يأجرو وهيج رحننا يم عمو ممدوح
.. شنو شعور بنية تتيتم وهيه ببداية شبابها طفلة تتيتم وهيه بعز طفولتها شاب يتيتم وهو ما شبعان من اهله ومراهق منتظر دورة بدورة اهله شنو شعورنا احنه الاربعة من فقدنا اعز ثنين على گلوبنا فقدنا اب وام كل انسان بهاي الدنيا يتمنى لو جانو همه اهله على حنيتهم وطيبتهم
.. گلبي يتكطع واني اذكر سبب موتتهم واكول بيني وبين نفسي شكد تعذبو هم تذكرونا صرنا بعيونهم حاولو ينقذون انفسهم ابوي شصار بي امي اعرفها خلي تموت هيه بس تفكر بينا وهيه تخاف علبنا من نسمة الهوى هم شافتنا واحنه الناس تدولب بينا ومستثكلة لكمتنا هم شافتنا وعمامي يشغلون بتها المدللة الصغيرة بالزرع
.. مسحت دموعي وصرت اهفي لعيوني بأيدي واغلط على نفسي راح يرجعووون راح يرجعووون كومييي كافيييي
.. اغسل بوجهي ومااكدر ارجع ابجي بحركة هاي اني زينب وهاي يومي كل يوم نفس الشي ولا ملت عيوني ولا بطلت عن البجي
بنية تريد ابسط حقوقها والي هوه حظن امها وحنان ابوها ونحرمت منهن شيصير بيها
.. استغفرت الله وكمت خلصت شغلي وسويتلهم غدة توضيت وتجددت وطلعت للبراني انتظرة يأذن حتى اصلي مرة سمعت عباس يكول لحسين كوم تجدد هسه وانتظر الاذان مثلما إمام زمانك يسوي ومن هذيج الحظة التزمت بهالشي
.. عمري البارحة صار 26 احنه من جانو اهلي عايشين جنت اخبص نفسي بيوم عيد ميلادي وحتى جيرانه يعرفون وأهلي يحتفلون بيه بس بعد ما راحو كلشي حلو راح وياهم وصار همنا بس باجر شلون نعيش وشراح يصير
.. اخوي عباس اكبر مني بسنتين عمرة 28 وحسين اصغر 22
وحورية هاي بزر الكعدة ومدللتنا عمرها ١٩ ولا دكلولي ليش 19 وب الخامس لأن الاخت كل صف لازم تاخذلها فد سنتين بي يلا تطلع بالدفعات وشايلين هم اذا صارت بالسادس شلون بينا يمكن اني اشيب ومن هنا عرفت شكد نشلع گلب امي وياي لأن جنت مثل حوراء بالدفرات اطلع ولازم اجدد الاشتراك بكل صف ادرسه لدرجة عمري عمر متخرجة واني بالسادس راح يشيب راسي منها
.. ابتسمت عالساس ما مشيب جانن عندي خصل صغيرة شيب ولا تسألوني منين وشلون فراك أهلي بهذلنا ومرمرنا اني وعباس كبرنا سنين فوك عمرنا الهذا لدرجة الي يشوف عباس من بعيييد يكول يابوييي شكد متعوب هالولد رغمم هو يهتم بنفسة وبأناقتة بس هو متعوب كلش والله مرات من اشوفة احس اغص واريد ابجي من كدما انقهر على تحمل ظلم واهاين وشتم وكلشي شاف في سبيل ما نتعرض للاهاين من قبل عماامي وخوالي
.. اهووو شكد اني ام دميعة لا تكلولي ولا اكلكم اني اذا احد كالي زينب ابجي وهاي مو اني لا والله جنت قبل على گولة امي عرمة ولا ابجي ولا تمر عيني الدمعة بس من راحو ودومهم ببالي لذالك على كلشي ابجي
.. اهووو وهمين اسولف هواي اذن واني كاعدة اسولف اروح اصلييي ورة فترة خلصت صلاتي وجنت دائما بعد الصلاة احب اسبح تسبيحات الزهراء عليها السلام مره عباس كال انُ الزهراء جانت تحس بأرهاق دائما ف طلبت من النبي ونبي انطاها هالتسبيحات ك مساعدة الها ميخلن لا هم ولا غم ولا تعب وكل مشاكلي تنحل وقسماً بالله ما سويتهن اذا ما حسيت مباشراً براحة نفسية وخفة بروحي وكأن نسمة باردة تغلغلت بداخلي
دخلت حور وراها حسين من الباب يتعاركون
.. حور.. واني شكم مرة كلتلك لا توكف بباب المدرسة خلي يجي عباس اذا مااكوله عليك والله اكله يباوع للبنات يعني حلوه من ست رونق تكولي وتحرجني كدام البنات حتى انت متوكف والله عيب باجر مااداوم
.. لميت السجادة وعلكت السبحة مسحت على وجهي بقلة حيلة
.. حويرة شعندج صوتج واصل السابع جار
.. اكلج زينب اني بعد مااروح ويا هذا
.. حسين شوفي ولج ساكتلج صارلي قرن وعلي اجيج الا اخلي دمج بطولج منو واكف بباب القندرة غير موكف دراجتي جا وين اولي انزل عنها وتروح تنباك من ورة حظرة جنابج الكسيف هوه انتن هم شكول واحد يباوعلهن وهاي رونق اذا الزمها الا افرك حلكها فرك بالنعال
.. يا يااا عزااا لك حسين شهالغلط
.. تطلعن الواحد من دينة انتن والعباس ابو فاضل اذا بعد سمعت صوت هالمزعجة يم راسي الا الصمها جنها ذبانة من صعدت وهيه تزن براسييي اني تعبان والجامعة ملعبة نفسي وهاية عبالها اعترف بوحدة اني لو اباوع العرض احد
.. كلش كلش ولميسسس
.. جريت حور لأن صرفن ردنة يريد يهجم عليها طببتها للغرفة وضلت تدردم مثل عجوز ماكلين عشاها وحسين همين خبلوني هذولة
.. خابرت عباس اسالة ننتطرة لو نتغدة وجان مشغول يادوب كلي لا ماارجع اتغدة برة وسدة
.. الله يرزقك حبيبي صبيت وشلت الصينية للصالة حسين سلم وندار الي
.. وين حور متتغدة
.. هسه اصيحلها تعرف بيها ترجع تكول جانت تجاهد مو تدرس
.. لا تصحيلها خلينا ناكل بهدوء وسلام
..
.. علة صوته من حجة هيج واكيد حور تموت ولا تخلي حسين يرتاح فتخت الباب ومثل الخطفة ركضت غسلت اديها ورجعت كعدت على الصينية
.. حسين كوه لازم ضحكتة وهيه تباوعلناا بتحدي حطيت ايدي على خدي بحال الي يشوفوهم يكول شباب وهمة عبالك توم وجيري
كعدنا ناكل وهمه يتشاقون بس اتحدة واحد يحجي على الاكل لو عباس موجود الا يعلكة بالبنكة
.حور. وتالي ضليت مثل معلكة لا اني الاكدر اكول جذب ولا اكول صدك لأن ثنينهن صديقاتي واحبهن
.. حسين.. بس لا هاي الحاتة الطلعت وياج ام عيون خضر
.. لا هاي طرف محايد مو هيه
.. تحجي وبعدين انتبهت شمرت الخاشوكة وطفرت على حسين تعلكت بضهرة وتملخ بشعرة
.. هاااا حسيننن افندييي مو تكول مااباوع الأعراض الناس اكول ليش صديقاتي كلهن يشكن منك ابو عيون زايغة متستحي تقبل اخو صديقتي يباوعلي
.. لزمها وصار يهفت بيها ونكلب الغدة حلبة مصارعة.
.. ولج وعلي اجذب عليج صحيح حلوة بس اريد اغيضج مااباوع بس هدي راسيييي خرب كرادة مو بنية
.. زينب.. صدك حسين انت مو تحب نورس شكو تباوع وتبصبص على البنات بعدين لا تكلي همين مااحب نورس
.. لا ياب هاي العشق يابة وداعتجن ما مباوع هنه البنات مهيلكات يشوفلهن واحد وينجلبن يضلن يتمضيكن ويتمضحكن بصوت عالي فمرات ادير وجهي على مصدر ااصوت تا اشوف يا تافهه تضحك هالضحكة
.. هدينة شوية وحور نهدت بنورس لأن ما ردت على رسالتها والله شنو صارت جامعة وهيه طلعت بالدفرات ومن سوالف حور الماتخلص
.. مدنكة اكل وفززتني احجايتها وخلتني اتذكر هم اني ناسيتة
.. مثل اخوها عقد على اختي وطفر الروسيا والله اني هاي العائلة ولا احبهم كلهم متكبرين
وانفة
