رواية ضاع الحلم كامله جميع الفصول بقلم جمانه السعيدي
اني رحمه مواليد ٢٠٠٠ من عائله ميسوره
بيضه جسمي حلو ملامحي حلوه الدرجه مقبول
شعري طويل
ابوي تاجر ورث هاي الشغله عن ابو جدي كان صاحب املاك من مات توزعت التركه ابوي ماعده بس خوات ثنيين يعني نص الورث اله
والنص الثاني انقسم بين خواته
احنا ساكنين بغداد
عائلتنا تتكون من اخوي علي الجبير يشتغل وياا ابوي
مزوج بت عمتي خوش بنيه حبابه
وبعدين اني وبعدين عندي خوات ثنيبن ازغر مني
صبا وروى
حياتنا عاديه جدا وضعنا المادي زين
ماعدنا مشاكل غير اشياء بسيطه
امي دبلوماسية تحل اكبر مشكله بدقائق
من نجحت للاعداديه ابوي دخل شراكه وياا واحد
تاجر يبيع ويشتري بلاجهزه الكهربائيه و عدهم فرع ثاني يجيبون قطع غيار سيارات ويبيعون
اني ابوي يشتغل بلاثاث
دخل وياا ابو وسام شريك
ابو وسام شاطر حيل شاطر يعرف شلون يجيب الفلوس
قديم بهذا الشغل
عنده خبره اكثر من ابوي بهواي
ابوي حيل حب الشغل وياااا
كان معجب بطريقته بلتعامل وياا الناس
وشلون يشتري ويببع
من يرجع للبيت يبقى بس يحجي بي وشلون شاطر ويكدر يطلع الفلوس من جوه الكاع
بما انهم صارو شركاء اكيد عائلتنا وعائلتهم يدخلون على الخط
صار بينا وبينهم زيارات وواجبات وسفرات وطلعات
ابو وسام عنده وسام الجبير يشتغل وياا ابو
خريج معهد وسام مهمته كل فتره يسافر للصين يجيب بضاعه المجمعاتهم
وحسام... الثاني يدرس اعداديه عنده رسوب سنتين
خلال مراحل الدراسه
بلعطله يشتغل وياا ابو
وعدهم بنات ثنيين بعد سما ولمى
خلال سنتين علاقتنا بيهم صارت دهن وبس مثل مايكول المثل
يجون بس مو ولدهم لا البنات هنا وامهن
واحنا نروح عليهم مرات اكثر شي امي تروح وحدها
لان اني وخواتي عدنا دراسه
بلنسبه اليه وسام الابن الجبير ما شايفته ابد
لان امه دائما تكول مسافر
بس حسام شايفه كم مره خمس مرت تقريبا لان جان يوصل امه
من تجينا زياره
جمانه السعيدي
الحد ما نجحت من الخامس اعدادي للسادس
وهنا طلبت من ابوي ادخل معهد معد تدريس المواد السادس اريد اطلع معدل
اخذتني امي وسجلت بلمعهد
اني وياي كم وحده من صديقاتي
بديت اداوم كل يوم اروح الصبح وارجع العصر
مرات اخذ وياي اكل ومرات اشتري ينطون وقت استراحه الضهر حتى ناكل نرتاح نشرب مي ويرجعون يدرسونه
بعد دوامي بااسبوع شفت حسام جاي يداوم بلمعهد
طبعا الولد وحد والبنات وحد بس بنفس المكان
من شفته اجاهلته سويت نفسي مااعرفه
لان اني شنو علاقتي بي مجرد ابو شريك ابوي
ثاني يوم اول ما وصلت لكيته واصل قبلي
بس شافني اجا عليه
حسام...صباح الخير
رحمه...اهلا صباح الخير
حسام...يمكن ماعرفتني
رحمه... ( طبعا اني اعرفه بس حتى اجنب الاحراج )
...مااعرف وين شايفتك
حسام...اني حسام ابن محمود علون ابو وسام صديق ابوج
رحمه...اهلا وسهلا اعذرني ماعرفتك لان شايفتك كم مره ومامركزه وياك
حسام....انت تداومين هنا
رحمه...اي اريد اطلع من السادس بمعدل عالي
حسام....تمام انشاء الله اني من العام بلسادس
رحمه...انتم الولد عدكم عادي اذا تبقون سنتين اتلاثه
بس البنات لا
حسام...السنه ناوي اعدي واطلع من السادس
رحمه...انشاء الله من رخصتك
حسام...تفضلي
دخلنا كل واحد وياا المجموعه الدراسيه
من طلعت لكيته ينتضرني
اني حاولت اجاهل وجوده
اجا عليه وصاح رحمه رحمه
رحمه...هلو حسام خير
حسام...تعاي اوصلج اني عندي سياره
رحمه...لا شكرا اني اروح ويا بنات صديقاتي
حسام...ليش هيج خليني اوصلج
رحمه...لا شكرا
عفته وطلعت حسيته فضولي وجاي يحشر نفسه بحياتي
جمانه السعيدي
رجعت للبيت
رحمه...هلو ماما
امي...هلو رحومه جوعانه احضرلج الاكل
رحمه...لا موجوعانه ستوني اكلت اريد انام شويه ضهري يوجعني هلكد ماكعدت بلقاعه
لو تعرفين شفت منو اليوم
امي.. منو
رحمه...حسام بيت ابو وسام
امي...وين شفتي
رحمه...يداوم ويانا بلمعهد سادس وياي بس هو هاي ثاني سنه يعيد
امي...حجيتي ويااا
رحمه...اني الصراحه سويت نفسي ما شفته بس هو اجا سلم عليه
ومن طلعت عرض عليه يوصلني واني رفضت
امي...اي عفيه
رحمه...اصعد انام تعبت
رحمه ثاني يوم بس وصلت للباب طبك سيارته ونزل ويا وصلت وياا نزلته من السياره
حسام...هلو رحمه
رحمه....هلو حسام
حسام...شلونج
رحمه...الحمد لله
مشينا ودخلنا سوا
حسام...عاد جاي تفتهمين
رحمه...اكيد افتهم اني جايه ومفرغه عقلي للدراسه
حسام....عفيه تعرفين صار عندي حماس بسبب كلامج
رحمه...انت يمكن جاي تتسلى
حسام....لا جاي اقرا وراح افاجئج بااخير السنه
اله معدلي اعلى من معدلج
رحمه.... قبلت التحدي
حسام...واني قبلت التحدي الي معدله اعلى يجيب للثاني هديه
رحمه...هديه شنو نوع الهديه مثلا
حسام...مدام تفكرين شنو نوع الهديه يعني اكيد تعرفين اني راح اطلع معدل اعلى منج
رحمه...لا بس اريد اعرف شنو نوع الهديه حتى اتحمس اكثر للنجاح
يعني هديه غاليه والها قيمه
لو هديه بسيطه مثل قلم عطر دفتر ورده هيج شي
حسام...مو عيب ابوي تاجر معروف بغداد واجيب قلم لو ورده اكيد الهديه من قيمة صاحبها
رحمه...وافقت تمام
حسام...تمام
رحمه..من رخصتك
حسام...تفضلي
جمانه السعيدي
رحمه...من طلعت هم لكيته منتضرني
حسام...يله اوصلج
رحمه...لا اروح ويا صديقاتي
حسام....ليش مو اني اوصلج
رحمه....لا مايصير
حسام....ترا احنا معارف والعائلتين اصدقاء مابيها شي اذا وصلتج
رحمه....ممنوع ابتسمت
حسام....الله احلى ممنوع شفتها بحياتي
رحمه...دنكت وكتله من رخصتك
طلعت ويا البنات هلمره بقيت افكر بي وبكلامه
عبالك ساحر شمر سحره عليه وراح
اليوم الثالث كنت متحمسه حيل للدوام
الدقايق الي نخلصهن سوا اني وحسام بلكلام احلى دقايق يمرن عليه
هلمره..لكيته واصل قبلي وواكف ينتضرني برا
ماكدرت ماابتسم هو بس شافني ضحك جان لابس قميص ابيض وبنطلون اسود حالق شعره ومحدد لحيته طالع يخبل
وصلت قريب علي طلعت من البنات
حسام....هلو رحمه
رحمه...هلو لاتكول منتضرج
حسام...اكيد منتضرج لعد منتضر ابوي
رحمه....بس هذا الانتضار يعتبر مناوره انت جاي تشوش تفكيري حتى لا اطلع معدل اعلى منك
جمانه السعيدي
حسام....اكيد الحرب خدعه
رحمه...هااا جاي تعترف
حسام....مااكدر اشوف عيونج ومااعترف بكلشي
رحمه..حسيت نفسي فرحانه وخجلانه بنفس الوقت
ماكدرت ارد علي عفته ودخلت
رحت وكفت ويا صديقاتي وهو بقى واكف كبالي
ويوزع ابتسامات
من طلعت واكف برا منتضرني
حسام...رحمه
رحمه..هااا خير وياك مااصعد ابد
حسام...لا تصعدين بس اريد رقم تليفونج
رحمه.. طبعا لا
حسام...ليش طبعا لا
رحمه...تريد تتصل وضل تحجي التهي ومااقره وضيع عليه السنه
حسام...لا بشرفج اكو موضوع ماافتهمته أريد اسئلج عنه
رحمه...باجر من اجي هنا كول شنو الموضوع واني اشرحلك ولو هذا مو ضمن الاتفاق
اني لازم احتفظ بهاي المعلموات النفسي حتى اتغلب عليك
حسام....لا بداعتي بداعت عمو ابو علي اريد رقمج
رحمه....ماكو رقمي انسا
صديقاتي منتضراتني صاحن رحمه يله
حسام...خليهن يرحن اني اوصلج
رحمه...لا اروح وياهن مع السلامه
حسام...اني فعلا احس براحه من احجي ويا رحمه
عندي مشاعر مختلفه اتجاها
يمكن لان اعرفها واعرف اهلها ناس محترمين
قررت ادخل على صفحة امها من تليفون امي واعرف
اسم الصفحه وادزلها رساله
اني مراح استسلم ابد
رجعت للببت اخذت تليفون امي ود خلت على صفحة
ام علي دخلت على الاصدقاء
لكيت صفحتها كا تبه اسمها بلانكليزي
دخلت على اخر منشور كاتبه اكبر معضله السادس
اللهم نجنا من هاي المعضله
دخلت على الماسنجر ودزيت رساله
...هلو رحمه شلونج وياج طالب سادس ومحتاج مساعدتج
اني حسام
