رواية حطام امراءه الفصل العاشر بقلم جمانه السعيدي
رجعت البيتي واني متعجبه من ابوي
شنو من بشر هذا
مستحيل يكون انسان
كل المصايب الي وكعت على راسي بسببه وهسه جاي يريد يسكن وياي
بعد شهر من هاي الاحداث بدت عطلة اخير السنه وحمودي نجح والحمد لله
بس اني شغلي قل حيل
لان المعلمات كعدن من الدوام
وبعد محد تخلي جهاله يمي
يعني اعتمد على بيع الاكل
والأرزاق على رب العالمين
بس الفلوس الي تجيني ماتكفي مصروف للجهال
واني قررت بعد ما ارجع للخدمة بلبيوت ابد
يعني جنت امر بضائقه ماليه كلش
جمانه السعيدي
كاعده وافكر شنو راح اشتغل وشلون ادبر نفسي
اريد شغل بيتي لو مكان عام
لان اذا يبقى الوضع هيج منيين اجيب مصرف
دك التليفون رفعته اباوع رقم وسام
وسام ليش يتصل وشنو ذكره بيه
فاتن الوووو
وسام السلام عليكم
فاتن عليكم السلام اهلا وسهلا
...شلونج ام حمودي
...الله يحفظك الحمد لله انت شلونك
وسام تمام الحمد لله
فاتن اامرني
وسام جايج بشغل وبي فلوس زينه
فاتن صدك تحجي الله يعلم بلحال
وسام اكو مره مقعده بيه شلل ومحتاجين وحده تخدمه ودير باله عليه
فاتن بس اني بعد المصيبه الي مريت بيه عفت الخدمه بلبيوت
هلمره رب العالمين سترني خاف اوكع بمشكله وما اكدر اطلع منه
وسام بس هلمره بكفالتي اني المسؤل
فاتن ومنو ساكن وياها
وسام بس هي وزوجه وزوجه يروح للدوام وما يرجع اله الساعه ٣ العصر
فاتن زوجه شاب
وسام اي
فاتن لا ما اكدر
وسام اني راح احجيلج من الاخير واتمنى توافقين
فاتن تفضل اسمعك
وسام اني وزوجتي عايشين وحدنا وزوجتي مشلوله
انشلت اثر حادث اتعرضتله
وبقت مقعده
صار سنتين واني لان عندي دوام ما اكدر اعتني بيه
وهي الصراحه شويه عصبيه
كلما اجيبله وحده
فتره وتعوفه ما تتحمله واني تعبت وحدي ما اكدر
فاتن وجهالكم منو يداريهم
وسام احنا ماعدنا جهال
لا تعتقدين اني اختاريتج الهاي المهمه بدون سبب
انتي من قدمتي بلاغ اني رحت وسئلت عنج بلمنطقه
حتى اتأكد من صحت كلامج
لان هواي يقدمن بلاغات وحشاج يطلعن عدهن سوالف موزي
بس انتي الشاهد الله الكل حمد بيج وباخلاقج
ولناس تحلف بامانتج
وشغلج ونضافتج
ولهذا السبب اني ما لكيت غيرج وحده اامنه على ببتي وزوجتي
فاتن بس اني
وسام دقيقه قبل لا تكملين كلامج
صحيح زوجتي حيل عصبيه بسبب الحاله الي جاي تمر بيه
بس اتمنى ما ترفضين طلبي
جربي اسبوع واحد وبس اذا ما اتحملتي
من حقج تعوفين الشغل
جمانه السعيدي
وسام تعرفين هاي الشغله مو اي احد يكدر يشتغله
قبلج عشره عافن الشغل
بس اني حسيتج صبوره وقويه وكد المسوليه
اتمنى تساعديني
والراتب الي تطلبي تاخذي راح انطيج ٧٥٠ الف بلشهر
واذا شفتج تحملتي الشغل
ممكن ازود راتبج
هااا اكول موافقه
فاتن خلي افكر وارجعلك خبر باجر
وسام اوكي انتضرج
فاتن المبلغ الي عرضه عليه ممتاز وخاصه اني جاي امر
بضروف صعبه كلش
بس اني قررت بعد ما اشتغل بلبيوت ابد
خل اخذ رائي امل واشوفه شتكول
اتصلت بأمل وكتله تعاي اريد اخذ رائيج بموضوع كلش مهم
شويه واجت امل
فاتن اني جاي امر بضروف صعبه دخلي كلش قليل
وكوه مدبره عيشتي
قبل اشتغل بلبيوت احصل فلوس واكل الجهالي
وحتى ملابس الناس تنطيني
والمعلمات بلدوام يخلن جهالهن يمي وهسه عطله
وشغلي وكف وجايني عرض كلش زين
امل اي شنو العرض
فاتن تذكرين وسام الضابط الي ساعدني من سالم
راد يبتزني
امل اي شبي
فاتن اليوم اتصل ويكول تعاي اشتغلي بيتنا وينطيني راتب ٧٥٠ بلشهر
امل شنو تشتغلين بيتهم يعني تنضفين
فاتن لا زوجته مشلوله وماتكدر تكوم ويرديني ابقه يمه من يطلع للدوام لمن يرجع
يعني اعتني بزوجته وبلبيت
امل اي وافقي ليش لا خوش عرض
فاتن عشره مشتغلين قبلي وشاردات منه لان عصبيه
امل ياااا هم مشلوله وهم عصبيه ماتسكت فوك ما الناس خادمته
فاتن اي الضاهر عصبيه كلش
امل بكيفج انتي حره
فاتن خاف ارفض واتندم لان شغلي كلش تعبان
امل جربي اشتغلي اسبوع وشوفي نفسج تكدرين تشتغلين
كملي
واذا شفتيه متعبه عوفي الشغل
فاتن هااا هيج رائيج
امل اي اشتغلي وبعدين قرري
فاتن باجر ارجعله خبر موافقه بس جهالي شلون
امل اني كاعده وماكو دوام عوفيهم يمي واني أدير بالي علبهم
فاتن ولاج انتي ماكو منج بلدنيا كله
امل ههههه هاي شبيج احنا غير خوات
جمانه السعيدي
فاتن اسكتي على طاري الاخوات ايمان رايحه مسولفه الابوي على بيتي وشغلي
ويريد يجي يكعد يمي
امل هذا صدك يحجي
فاتن اي ولله فوك شينه كوات عينه
امل اكول رزقج طار اهلج حسدوج
فاتن اي ولله هي الحمه تجي من الرجلين
امل اتصلي بوسام وكلليله موافقه
فاتن لا باجر خل ابيع ثكل شويه باجر ارجعله خبر موافقه
ثاني يوم اتصلت بوسام وبلغته بموافقني
كال راح اطلع من الدوام واجي اخذج للبيت حتى تشوفين
المكان واعرفج على سهاد زوجتي
فاتن بدلت ولبست الرداء والشال ونزلت الجهال يم امل
ونزلت اتتضره شويه واجه
صعدت وسلمت علي ومشت السياره
وماحجينه اي شي بلطريق
جمانه السعيدي
وصلنا بيتهم يخبل بيت جبير وحلووو
دخلنا
هو دخل قبلي وكال تفضلي
دخلت جوه البيت حلو ومرتب
دخلت الغرفة النوم جان اشوف زوجته نايمه على الجربايه
ومغطايه
بس شافتني حسيته ضاجت
وسام سهاد اعرفج فاتن راح تعتني بيج منا لمن ارجع للبيت
سهاد هاي زغيره موكتلك اريد وحده جبيره بلعمر
وسام حبيبتي صار شكد منزل إعلان ومحد تقدم للشغل
بعدين الجبيره ماتكدر تحركج
يرادلج شابه حتى تكدر تحركج من مكانج وتبدلج
سهاد وشلون اثق بيه
فاتن هذا الحجي كله اني واكفه وساكته
وسام اني اضمنه اللج هاي البنيه ثقه حيل
سهاد زين يله روح للشغل وعوفني اني وياها بس لا تتأخر عليه
طلع وسام وكال بعد ما اوصيج
....تمام
فاتن اباوع عليه اكبر من وسام بلعمر وموحلوه ضعيفه
وتحسين عصب وجه بارز
قطع تفكيري صوته وهي تكول تعاي جيبلي العلاج
باوعت اكو علاج على الميز اخذته وخليت مي بلكلاص
وقربت عليه
سهاد انتي شسمج
فاتن اسمي فاتن
سهاد ديري بالج تمدين ايدج على حاجه بلبيت
ترا اني اعرف هاي الشكول زين
فاتن جربيني وراح تعرفين اني شكد حريصه
سهاد يله روحي سوي غدا ونضفي البيت ومن احتاجج
اصيحج
فاتن صار تدللين
طلعت من يمه ورحت اتأكد خاف اكو كامرات
افتريت بلبيت
اكو بس وحده بمدخل البيت
يمكن رابطيه بتليفون سهاد حتى تشوف منو يطلع ومنويطب
نزعت الرداء وبقيت بلدشداشه والشال
فتحت الثلاجه وطلعت دجاج ونكعت تمن وبديت اطبخ وانضف
تقريبا ربع ساعه واسمع سهاد تصيح عليه
سهاد تعاي وينج ثوله
فاتن رحت يمه هاي عليه
سهاد اي اشتغلي بدون صوت فهمتي ما اريد ازعاج
اريد انام
فاتن حاضر تدللين
طلعت كلت بكلبي شلون وسام حامله يعني شلون اشتغل بدون صوت
اكنس لو انفخ على الكاع
حتلو انفخ هم يطلع صوت هاي انسانه غريبه
هسه عرفت ليش الي قبلي شردن منه
نضفت البيت وكملت الطبخ
وصاحت عليه تعاي وينج
فاتن تفضلي اامريني
سهاد اريد اروح للحمام
فاتن اي ميخالف اكو كرسي متحرك
قربته عليه
وشلته وخليته علي طبعا هي كلش خفيفه تحسينه بس عضام
ودفعته الصحيات بنفس غرفته
دخلت وحولته للمقعد الغربي وطلعت برا انتضره من كملت صاحت عليه ورجعت طلعته
ورجعته المكانه
كملت كل شغلي ودخلت عليه وكتله تتغدين
سهاد لا انتضر وسام لمن يجي
