رواية حطام امراءه الفصل الحادي عشر بقلم جمانه السعيدي
فاتن كتله تتغدين
سهاد لا انتضر وسام من يجي
فاتن براحتج اني كملت كلشي اكدر ارجع البيتي لان جهالي عند الجيران
سهاد تعاي بدليلي ملابسي
فاتن فتحت الكنتور وهي اشرتلي على ثوب جبته وبدلتله
سهاد جيبي المشط اريد تمشط شعري
فاتن جبت المشط امشطلج
سهاد لا اني امشط واريد معطر
تعطرت وكالت اريد تغيرين الجرجف
فاتن شلته وخليته على ااكرسي وطلعت ااجرجف
خليته بلغساله وخليته جرجف جديد
جمانه السعيدي
دنكت ارجعه المكانه ما حسيت غير وسام دخل
وسام السلام عليكم
فاتن عليكم السلام
سهاد هلو حبيبي
وسام عوفيه اني اشيله
شاله وسام ورجعه المكانه
فاتن تحتاجون شي لو اروح البيتي جهالي يم الجوارين
وسام تسلمين تعبناج ويانه
سهاد شنو تعبناها جاي تشتغل بفلوس مو بلاش
فاتن اترخص منكم
وسام اوكفي خل ااجرلج تكسي
سهاد تعال عندي وياك شغل هي اتاجر تكسي قابل شبيه
ما تعرف
فاتن عفته وطلعت مشيت الراس الشارع بعدين صعدت بلخط لا ن ابو التكسي يريد ثمانيه يله يوصلني
واني ماعندي
نزلت وصعدت خط لاخ يله وصلت
بس اني ما جنت ضايجه من كلام سهاد واسلوبه مو لان اني بلا احساس
بس الله يساعدها
اليل والنهار نايمه ولا تطلع ولا تروح ولا تجي
يمكن اذا تطلع تروح للدكتور
وتشوف نضرات الشفقه بعيون الناس
على فكره هي عدها نوع من الكئابه بسبب
الحبسه بلبيت والعلاج الي تاخذه
اكثر العلاج يسبب كئابه
حسيته من بدلت وتعطرت وغيرت الجرجف تريد تطلع حلوه بعيون وسام
ماتريده يباوع الوحده غيره
خطيه مسكينه
يمكن تغار من وجودي بحياتهم
رجعت البيتي وأمل سألتني على يومي الاول
وكتله كلشي تمام
جمانه السعيدي
ثاني يوم الصبح وصلت قبل لا يطلع وسام
فاتن صباح الخير
وسام صباح الخيرات شنو هلنشاط والحيويه
فاتن شكرا ردت الحك عليك لان اني ماعندي مفتاح
خاف تطلع ومحد يفتحلي الباب
وسام اني راح انطيج نسخه من المفاتبح وحبيت اشكرك على هذا الطبخ الطيب عاشت ايدج
وترتيب البيت فد شي
فاتن شكرا بس من ذوقك
سهاد سمعتنا نسولف اني ووسام وكامت تصيح
فاتن فاتن هي ثوله وينج
حسيت وسام خجل من كلامه
وسام امسحيه بوجهي اني اسف
فاتن ولا بهمك خطيه مسكينه
اجيت اجيت
فاتن عفت وسام ودخلت عليه صباح الخير
سهاد صباح الاسود عليج واكفه وتلغين وعايفه البيت هوسه
فاتن هسه دقايق وكلشي بكمل
سهاد انجبي وولي من كدامي شاطره بلحجي
احنا جايبين تسولفين لو تشتغلين
وسام سمعت كلشي وضجت على فاتن حيل
طلعت فاتن من الغرفه واني اشرتله اسف
فاتن ابتسمت رغم الكلام كان قاسي عليه حيل
وكتله ولا بهمك
وسام دخلت على سهاد ليش هيج تحجين ويه البنيه
سهاد ما تشوفه واكفه تلغي وعافيتي وحدي
وسام اني جنت احجي وياها بعدين هي جايه تساعدج
موخدامه عندج تعاملينه وكانما تملكينه
اني هم تعبت هذا اسلوبج جاي يشرد الناس منج
هلمره اذا فاتن عافت الشغل ما تلكين واحد ينطيج مي
غيري اسلوبج ترا حتى اني بزعت منج
سهاد اي كوله كول من الاول انت كرهتني ترا اني مو مشلوله بمزاجي
مثل ما انت عقيم مو بمزاجك
وسام انتي تعيريني لان عقيم ترا اني حتلو عقيم اكدر ازوج عادي
بس انتي بهاي طريقتج راح تبقين بالنهايه وحدج
كل الي يتقرب منج يشرد
عليج اسلوب يهجج المطي
اسكتي وخلينا متحملينج
اني طالع وخل يكون بعلمج اذا بقيتي على هذا اسلوبج حتى اني اعوفج
اني شاب ومن حقي اعيش حياتي
ليش اربط نفسي ويه وحده مريضه نفسيا مثلج
جمانه السعيدي
فاتن وسام طلع وهو عصبي
وسهاد كامت تبجي تبجي بحركه خطيه كسرت خاطري
وضجت لان حسيت هاي المشكله صارت بسببي
مادخلت عليه ابد
بديت انضف واطبخ خطيه طولت هواي تبجي
بعدين سكتت
قررت ادخل اشوفها
دخلت لكيته حالته صعبه صايره زركه من البجي
بس شافتني كالت اني بلعت شريط حب كامل اريد اخلصكم
مني
اني ركضت عليه ولكيته لازمه الشريط بايده وهو فارغ ولا حبايه
خفت كلش خفت لاتموت ركضت
راسا اتصلت بوسام
اول مره مارد عليه واني كلي كمت ارجف
رجعت اتصلت مره ثانيه
وسام الووووو
فاتن فدوه الحك سهاد بلعت شريط حب تربد تنتحر
وسام شلون انتي وين جنتي عنه اني جاي فورا
فاتن اني راسا غيرت ملابسه
وهي لاحس ولانفس مثل الخركه بايدي
وشلته وطلعت اركض خاف وسام يتاخر وما نلحك عليه
طلعت برا واني شايلته بحضني محد يقبل بوكفلي من السواق
بعدين وكف سايق تكسي كتله للمستشفى
سايق التكسي هاي شبيه ميته
فاتن اذا ماتسرع راح تموت
ووصلت للمستشفى قبل لا انزل اتصل وسام
وسام وينكم
فاتن اني وصلت للمستشفى تعال بسرعه فدوه
وسام اي جايكم
فاتن نزلت ودخلته للطوارئ واني اصيح الحكولي
دخلته بغرفة الدكتور وخليته على السرير
اجاني الدكتور شبيه
فاتن بلعت شريط حب
الدكتور فحصه كال بيه نبض
حوله للغرفه الثانيه وكال جيبو الجهاز خل نغسل معدته
شويه ووصل وسام
لكا الدكتور يفحص بيه ويسويه غسل معده
الدكتور والممرضات يعالجون بيه واني وسام واكفين برا
بعدين الدكتور طلع كال لاتخافون بالعه بس اربع حبايات
ما بالعه الشريط كله
لو الشريط كله جان ما لحكنا عليه ابد
فاتن اني جنت كلش خايفه ومهبوطه وحالي حال
وهي طلعت تمثل علينا تربد وسام يخاف عليه
تريد تنتقم منه جي صيح عليه وطلع زعلان
بيه كل البلا ام العصب الناطه
جمانه السعيدي
هسه اني ياربي عايزه ضيم يمته رب العالمين بتوب عليه
وارتاح من هذا التعب
وحده مريضه نفسيا زوجه ما متحمله اني شلون اتحمله
كعدت على الكرسي برا الغرفه لان رجليه ما يشيلني من الهبطه
وسام اجه كعد يمي
وسام اعرف جاي تعبين بسببي
فاتن كلبي وكف من الخوف عليه
وسام سهاد مريضه نفسيا وهذا حالي وياها صار عشر سنوات
زواجي منه كان أكبر غلطه ابوي ورطني بهاي الزواجه
سهاد بت عمي ااوحيده وعمي عندا هواي املاك وحالته الماديه ميسوره
سهاد دزت عمي عليه حتى تخطبني لان هي حيل تحبني
اني ابد ما احبه ولا كدرت احبه
بلبدايه رفضت هذا الزواج لان سهاد اكبر مني بخمس سنوات
بس عمي ضل يلح على ابوي واني جنت طالب واشتغل
وحالتنه الماديه صعبه
اضطريت اوافق عليه
واجيت سكنت بيت عمي ماكدرت اتحمل طبعه حيل غياره
وعصبيه
ردت انفصل عنه بكل طريقه وما كدرت
وبعد سنه من الزواج اكتشفت اني عقيم وما يصير عندي اطفال
هاي كانت أكبر ضربه اجتني من الدنيا
كرهت نفسي وكرهت كلشي بحياتي
بقيت ويه سهاد متحمله ومتحملتني
اني متحمل عصبيته الزايده
وهي ماكدرت تحقق حلم الامومه بسببي
ابوي مات وابوها بعد سنتين توفه وامه لحكته
هي ماعدها لا اخوان ولا خوات
واني عندي خوان ثنيبن عايشين بلخارج
قبل سنتين تعرضت الحادث سببله الشلل
ومن يومه واني وضعي من سئ إلى اسؤء
لا اني عايش حياتي حالي خال الشباب الي بعمري
ولا هي رجعت مثل قبل
والنوب زادت عصبيه اكثر من قبل
وما تتحمل اي وحده تدخل بيتنا تبقى تغلط عليه منا لمن تشردها من البيت
واني تعبت واني شايل مسوليته وحدي
اعرف انتي مالج ذنب واني شركتج بهمي بس ولله اني بشر وليه طاقه تحمل وبعد ما اكدر اتحمل اكثر
تعبت ولله تعبت
فاتن ياسبحان الله كل واحد بهاي الدنيا همه شكل
جنت متوقعه اني الي حملي ثكيل
وماكو واحد شايل هم مثل همي
بس كل واحد بهاي الدنيا عندا مشكله وعايش حزين بسببه
وسام اتمنى تساعديني وتتحملين اسلوب سهاد الزفت
وتساعديني
لان اني الي راح انتحر هلمره
فاتن لا تكول هيج واشمر حملك على رب العالمين
وسام والنعم بلله تعالى
فاتن وعت سهاد وسام راح يمه
وسام الحمد لله على السلامه
سهاد ليش بقيت عايشه اريد اموت واخلص من هاي ا
لحياة
انت ماتريدني
وسام شلون ما اريدج ليش هيج اتسوين
انتي بهاي طريقتج جاي اتعبيني اكثر
كلما تجي وحده تخدمج تشرديه
باسلوبج وعصبيتج الزايده
واني ما اكدر وحدي اهتم بيج وبلبيت والشغل
اني هم عندي طاقه وخاف تخلص
حاولي تساعديني
بلكت الله يجبر خاطرج وطبيبن
سهاد اني بعد ما أطيب انحكم عليه طول العمر ابقه سجينة هاي الغرفه
وسام اذا تساعديني نفسج تصيرين زينه
يله نطلع للبيت
سهاد يله
فاتن طلعنا ورجعنا للبيت بس اني احس نفسي حيل تعبانه من الهبطه ومابيه حيل
بس وصلنا ترخصت من وسام ورجعت البيتي
شكرا لزيارتكم عالم روايات سكيرهوم
